زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "35"
ڪْتْآبْآتْيْ : Raghad
ساره ببتسامه : هاك ذوقها .
مالك ببرود : ما عنديش نيه توا انا طالع
ساره بزعل : حتصقع تقعد شينهه وانا درتهاا على خاطركك 💔
مالك : فوتيني ساره "؟ و التفت و كان بيطلع ماهانتش عليه تزعل رد عليها و رفع يدها الي كان فيها طرف لقمة القاضي كلاها
مالك : توا كان مخذيتهش راك حرجتي سنه لقدام
ساره ضحكت : اصلا درتهااا على خاطركك و ماتكلش منها
مالك : باهي اوكي
ساره : دير باللك على روحكك
مالك اشرلها و طلع .
....................................
12.00
اروى : حبيبي اشتراك نت بيكملل دزليي رصيد .
معاذ : تي قصدك فيها تشحويرهه
اروى بدلع : خلاص حبيبي ماتبيش براحتك
معاذ : اهو نازل لبس كاويشه و و طاقيته و هو يهدرز معاها
صكر الباب و قابلاته زبيده
زبيده عقدت حواجبها بإستغراب : وين طالع عقاب الليل ؟
معاذ : لدكان تبي حاجه ؟
زبيده : مالا العقربه تبي كرت 😒
معاذ بحتلها بنص عين و مابش يرد عليها
.............................
يوسف : تي ارجي شويه
عشق : ع اساس قاعده جنبك و نزن 🙂
يوسف طلعع باكو دخان الي طاح منه : غير امتى بسس 🤤
عشق : شن الي امتى ؟
يوسف ضحك لان حرفياً تعود على غبائها : ولا حاجه يا عشق .
عشق : باهيي يوسف
يوسف يولع في دخانه : عيونه
عشق سمعت صوت الولاعه : ما تسيب السم الي تاخذ فيه ؟
يوسف : ان شاء الله .
عشق : يوسفف
يوسف : هاا يا عيون يوسف
عشق : بكرا بنطلعع ناخذ حاجات ولازم نشوف فيلو زرني الوقت راه مزال 4 ايام على الزفه
يوسف : من بيطلعك ؟
عشق : مشعارف ما اتفقتش مع حد لتوا !
يوسف : نجي ناخذك بكرا ؟
عشق : ماهه مركزين عليك واجد
يوسف : وين مشكله انا خطيبك و مزال يومين على الفاتحه و توا ناخذوا زبيده معانا .
عشق : مشعارف
يوسف : خلاص انت بكرا بتمشي تسيبي المدرسه ؟
عشق : امممم
يوسف : وانا عندي مستشفى من ال 8 صبح لل 3 القايله يادوبب نقيل شويه و نجيك مع جو ال 6 .
عشق : باهيي نعطي العلم اقل شي لخويله خيريه
يوسف : نظمي امورك .
عشق : باهي
عشق سكتت لفتره : شن نصكر ؟
يوسف ضحك : لا عادي مستمتع بأنفاسك
عشق بضحكه : باهي باه حفيد روميو
يوسف : كنك جافهه هكيي انتِ ؟🙂
عشق : شن تبيني نقولك ؟
يوسف : نحبكك
عشق ؛ باهه توا نقولها
يوسف ؛ هياا قوليهاا ؟
عشق : يوسف كنت نمشي فيك 🙂
يوسف : تم تم
عشق : زعلت ؟
يوسف : لا تمام ترا صكري شويه نسرين ترن
عشق عقدت حواجبها : حلوهه هذي؟
يوسف : تي دكتور معايا غاليه عليا
عشق بغيره : باهيي رد عليها اكيد مشغوله عليك .
يوسف صكر عليها بدون لا يرد و كمل دخانه لان لا نسرين ترن و لا شي فقط كان بيحرقلها دمها .
و هيا كانت تغلي و مقهورهه بكلل
يوسف تذكرر تحاليلل الفاتحه جاا بيرنن عليهاا و بعدهاا تذكر ان كاذب عليها خلااا ربع ساعه يمرنن ورن عليهاا مابتش ترد في اول ٣ مكالمات و ردت في رابعه
يوسف : تي وينك ما ترديش؟
عشق بتجعوين : عموري خو منيي جااا يباركليي ما قدرتش نرد عليكك
يوسف زراته ضحكه عرفها تحكي هكي عشان تقهرهه : باهي كويسس ، غير اسمعي
عشق انقهرت : ها كنك 🙂
يوسف : لازم بكرا تجيني في المستشفى لان مش فاضي و مفيهش كيف نطلع و نجيبك
عشق : بس عمو ابراهيم و محسن يشتغلوا في الصبح .
يوسف رد راسه لاورا : توا نشوف معاذ بالك يجيبك ليااا انا مافيهش كيف نطلع
عشق : باهي ساهل ، شن تبي نسرين ؟
يوسف : حاجه متعرفيهش فوتي
عشق انقهرت : كيف ما نعرفهش في خصوص شنو يعني
يوسف : ولا حاجه بنصكر هيي
عشق بقهر: صكر يا يوسف تمامم
يوسف : تمام اوكيي " و صكر عليها بدون مايعقبلها فرصه ترد "
عشق بصدمه : صكرر عللياااا
ايمان : كنك تحكي مع روحك ؟
عشق : شن الي منعرفهش مثلا يعني في شنو بيحكوا ؟ افف ياربيي "تخطتهاا و طلعت من دار"
ايمان : كنها هذي؟
فكت فونها من شحن و طلعتت
...................................
9.30 ص
معاذ فتح الباب بدهشهه : اقسم بالله كله من الي مدرسين سياراتهم برا معرفنش حتى وين ندرسوا
د.فتحي زراته الضحكه : رحمكمم ربي مزلت حتى ما ناديت ع اسمائكم .
ادم "صاحبهم" : لا ي دكتور هذيم الاثنين لازم يتعاقبوا راهه المره جايه يتأخروا يفطرونا على حسابهم
عصومي : اذكر خير ولا اسكت 🙂
معاذ بحت لبنت : اسمع ي فتوحهه عجبني كلام ادم لازم تعاقبني و نزل نفطر يارا 😂
د . فتحي زراته الضحكه و شاف للمعاذ بنظره حاده : معاذ
معاذ تلاشت ضحكته : كنك بتتحول نبصر معاك اصلا انا مرتبط 😎
د.فتحي : اطلع برا يا معاذ
عصومي ضحك و شاف للمعاذ
معاذ : لاا و متحسبليشش درجهه الحضورر وراسس العزوز سامحنيي
د. فتحي : اطلعع و تواا نعطيهاا لكك درجهه الحضور
معاذ ببتسلمه كبيره : احلف بالله
د.فتحي : ولا نقولكك خش خش لاخر القاعهه بسرعه ضيعت 10 دقائق من وقتي
معاذ شاف لساعته : حي ع امهه بالملليي حاسبها .
عصومي : عندكك تقديس الوقتت ي فتوحهه حاجهه انماا ايهه .
د.فتحي : معاااذ معتصممم لاوراا بسرعهه
معاذ بصوت عالي : تممم ، يارا شن يصير فيها ننزل نفطرها ؟
د.فتحي بحتله بنظره حاده
معاذ بخوف : كنت نستفسر بس يعني و مشى يجريي لاورا
عصومي : عندك حاجه بعد جامعه ؟
معاذ : ماه قلتلك يوسف يبيني نوصل خطيبته للمستشفى
عصومي : قتلها ليا و نحنا نتجاروا كيف بنفهم 🙂
معاذ : قول انا حمار ارجلك
عصومي بنظرهه حاده : معاذ
معاذ : تحساب روحكك دكتور فتحيي مالا 🙂
عصومي : احكي كنهاا خطيبة يوسف ؟
معاذ : كنها مثلا يبي يديرلها تحاليل الفاتحه .
عصومي : شن هنا تحاليل الفاتحه ؟
معاذ : شدراني انا امس قالها ليا يوسف حفظتها
عصومي : وكنك تحكي فيها بثقه تقول فاهم
معاذ : نفشك بالمعلومه 🙂
عصومي ضحك : مبرد امك يا راجل
معاذ : الا العزوز 🙂
................................
ايمان : رد ؟
عشق بإستغراب : لا غريبه
ايمان : في المستشفى هو ؟
عشق : اهاا
ابمان : اكيد يشتغل معناها و مش فاضي
عشق : ممكن ، اهو معاذ يرن .
معاذ : ايوهه كبيدتي
عشق : الو معاذ انت برا ؟
معاذ بضحكه : برا يا عيون معاذ
عشق : زيد قل ادبك كلهه عند يوسف 😂
معاذ : ينعليا انا بديناا في جوو هذا 😂
عشق : اممم خلاص هيا اهو طالعه
عشق خذتت شنطتها و طلعت من دارها
عشق : خويله خيريه معاذ براا رااه
خيريه : واتيه اناا هيي
طلعوا و ركبوا لسياره كانت خيريه تهدرز مع معاذ في الوقتت الي كانت عشق تنهي في امورها في المدرسهه طلعتت و ركبتت من الخلف و لقتهم يهدرزوا
خيريه : ها شن صار ؟
عشق : لا تمام كل شي
معاذ : اسمعي يا حاجهه .
خيريه : نعم يا وليدي
معاذ : انقني بندخن معش نقدر اضربي الحوله
خيريه : دخن وانا شادتك ؟
معاذ : الحق فيا كنت محترمك 🙂
خيريه : شنو ؟
معاذ : قلتلك بهه
طلعع معاذ دخانه و قعد يدخنن
معاذ : شن جو اختك الجالطه ؟
عشق : قاعدهه مطنشهه القرايهه بحجةة العرسس و الغبيه امتحاناتها قربنن
معاذ : صار اشر منيي .
خيريه : شن تقرا انت يا ولد ؟
معاذ : اقتصاد يا حويجه
خيريه : اها ربي يوفقك بس غريبه خيك دكتور و الاخر محامي ؟
معاذ : ماه انا الفاشل الي فيهم 😂 ، بعدك كنك يا حويجه مش ساهلل راهه .
خيريه : كويس
درس معاذ قدام المستشفى
خيريه : عشق انا ما فيا ما نزلت توا نرجاكم هنا
عشق : باهي يا خويله تمامم
خش معاذ و عشق للمستشفى
عشق : تعرف وين غرفته ؟
معاذ : اهاا
....................................
سلح لبسة العمليات و مشى شور مكتبهه و قمعز بتعبب
رفع رأسه بعد سمع حد يدق على الباب
يوسف : خشش
نسرين خشت و عيونها مليانات دموع
يوسف صبا و شافلها بإستغراب : كنك ؟
نسرين برجفهه : بكرا فاتحتك و اليوم بديرلها تحاليل الفاتحه .
يوسف : غاده الواحد معش يحكيلها حاجه حتى بالغلط 🤦♂️
نسرين برجفه : يو يو سفف
يوسف بقلة حيله : نسرين يرحم والديك فوتيني بجوو ما خاطريش في وجيجك
نسرين بدموعها : حبيتها ؟
يوسف بعصبيه : اهاا نحبهاا نحببههاااا تمام هكيي ؟ اطلعيي ونبي فوتيي اميي !
نسرين : افرض حد ياخذها منك
يوسف تنهد : نسرين
نسرين : ماتقدرش صح تقعد بلاها ؟
يوسف بقسوهه : اها ما نقدرشش لان هيا حبيتههاا ؟ وانت لا و ما عمريش كنيتلكك اي مشاعر !
نسرين ختقتها العبرهه : اناا كيفكك ما نقدرش نعيش بلاكك !
يوسف : ماهه انتِ طول عمركك عايشهه بلايي شنن الي جمعنيي بيك خاطيي انك زميلهه معاياا في شغل ؟
نسرين نزلوا دموعها : نحبك يا يوسف
يوسف يساير فيها : مش تحبيني ؟ اكيد حتوديلي الخير صح ؟ فوتينيي و ماتخربيش ع امي فرحتي ! و نقعدوا زملاء خير ما نخسرو بعضنا .
نسرين قربت منه و حضناتهه و نزلوا دموعها : ما دفنيش ارجوكك خلينيي بس و نوعدك معش نقربكك ولا نجيي جيهتكك
يوسف تنهد و قعدت حاضنتهه
بعدت نسرين و يوسفف التفتت بعد سمع صوت فتحت الباب .
التفتت و كانت عشق وقفت مصدومه و تشوفلهه
و اول ما التتت و جت عينها في عينه نزلوا دموعهاا و مشتت بدون لا تحكيي حرفف
معاذ : اتقنكك عيلل " و مشى شورر عشقق "
طلعتت نسرينن تجريي و ارتسمن ملامح الخوف و الصدمه على يوسف يوسفف قمعز و حط راسه ببن ايديهه : لا ياربيي
.. يتبع ..
نبصرر نبصرر !😂
معاذ : عشققق عشقق ارجيي " مسكها من يدها و خلاها تلتفتت عليه"
عشق عيونها دموع وكانت تبكي بعبرتها
معاذ : ما تظلميش يوسف اسمعي منه قبل
عشق برجفه : سؤال واحدد بسس ؟
معاذ : شنو ؟
عشق نزلوا دموعها : هذي نسرينن ؟
معاذ تنهد و هز رأسه بنعم : بس و ربي ما في شي راهه بينها و بين يوسف
عشق ضحكت وسط. دموعها : غبيهه اناا اساساً
يوسف قرب منهم بهدوء : عشق ؟
عشق مسحت دموعها : منبيش نسمع شي يوسف جديات
يوسف : اسمعيني بسس و بعدين احكمي
عشق : ناخذوها توا من قصيرها هيا تناسبكك دكتورهه و متعلمه و حلوهه ، اناا شنوو اصلا ؟ بيش ناخذك ؟ مش متعلمه ؟ لا عيله لا هل و فقيرهه زيادهه ! " سكتت لفتره و حطت عينها في عينه" يوسف خلينا ننهوا كل شيء
يوسف بخوف : عشق ما تحكيش هكي خليني نشرحلكك بسس ، مش واخذ الرسول انتِ بيش تحكي هكي .
عشق حطت يدها على كتفها ال وجعها نزلوا دموعها : هيا معاذ بنروح
يوسف بخوف : لالا عشقق تروحيي شنوو ؟ لالا مستحيلل غير ديري تحاليل و بعدينن ساهل نحكواا
عشق : مانيشش مدايرهه شيي خطااانيي
يوسف بترجي : و رحمةة بوكك و امكك ديري تحاليل و نحكوا في الموضوع بعد تهديي
عشق بغضب : حطط في بالك ان تحاليل حتعلقهن عندكك بس
يوسف مد يده : باههيي غير تعالي
دفتت يدهه و مشتت و هوا لحقهاا
اما معاذذ ف قعدد واقفف يشوفلهم من بعيد و ماحبش يدخل .
.................................
رحمه مقمعزهه على الطاوله و تحكي معاه : انا نقول الدفع خليه حتى الاسبوعين الجايات ولا بعد شهر
محمد بصوت واطي : الفترهه هذي كفيله تخليني نغير رأيي
رحمه بإستغراب : شن قلت ؟
محمد ببرود : قلتلك مش واجد.؟
رحمه ابتسمت : فتره الخطوبه حلوهه عليش نستعجلوا
محمد : بجوكك
دام الصمت لدقائق قبل لا تقطعه رحمهه .
رحمه : محمد في شيء ؟
محمد شافلها : لا لا ما في شيء غير تاعب شويه !
رحمه بعفويه : روح يا حبيبي تريح شويه انت عالقها من امس
محمد ابتسم : روح يا شنو ؟
رحمه ضحكت بلطف : ماتقعدش مركز على كل شيء هكيي عااد
سمعو خش و وقف يشوفلهم لفتره و تقريياً سمع كل كلامهم : احممم
التفتوله ..
سمعو : رحمه في مرأه تبيك براا
رحمه عقدت حواجبها بإستغراب: من ؟
سمعو : قالت انها بنت خالتك .
رحمه : حيي علىى الغباءء كيف نسيتهاا "صبتت من جنبهمم و طلعت بسرعه "
محمد : سمعو ؟
سمعو : ها ؟
محمد صبا جنبه : كنك يا راجل زحح متغيرر شن فيك ؟
سمعو : انت الي كنك متحسس واجد ما في شي جوو عاديي غير تعبانن بسس !
محمد : مانعرفكش من امس يا اسماعيل !
سمعو : ما في شيء يا محمدد كان في حاحهه انت تعرف انك اول واحد بنحكيلك
محمد : باهي ان شاء الله يكون هكي
سمعو بضحكه : هيا متبي شي بروو ؟
محمد هز رأسه بمعنى لاا و قعد يشوفله و هو طالع
....................................
أماني تبكي : باااابااا ااههه خلاص ياا بابااا خلااصص اسففهه اسفههه
باتهاا : اهوو بيتزوججج وانت بتقعديي علهه في رقبتيي يرزينيي فيكك
امانيي تبكيي و تعيطط و تحاول تحمي وجها بيديها : بابااا ااااااههه حنموتتتت ياا باابااا سامحنيي اسفهه اناا اسفهه
سرور تشوف لامها و تضرب في جدها : سيبب مامااا سيبب ماما انت سين "شين"
باتها دف سرور : حيدي يا بنت الحرام
امانيي حضنت سرور بحيث تحميهاا و هيا تتألم : سيبهاا ما تقربهشش مش سادكك اناا كسرتتنيي تكسيرر مشش ابب انتت ما تحسشش ؟
سعاد وجعتها اماني : خلاص سيبهاا هالكلبهه ما تعبشش روحكك فيهاا
باتها ضربهاا بسيرر ضربهه قويهه : ربي ياخذكك و يفكنيي منكك نعن والديك
امانيي عيطت : ااههههه حسبي الله و نعمم وكيلل فيكم ان شاء الله تلقوها كيف ما ظلمتنوني "وقعدتت تبكي بعبرتهاا "
باتها ضربها بكراعهه على بطنهه بقوهه: تتحسبيي فياااا يا فرخةة الحرامم و رد يضربب فيها بالقوهه و هيا تعيط من الألمم
و قعد يضرب فيها بكل قسوهه و عنف لين سعاد دفاتهه و نزلاتهه لوطاا و ركبت قعدت تشوفلها و زاعله عليها : وطي صوتك خير ما يركب من جديد تعالي صبيي خشي لداركك
صبتهاا بصعوبعهه لدارهاا و خشت هيا و بنتهاا صكرت على روحها بالمفتاح و قعدت تبكيي و حاطه يدها ع فمهاا بيشش ما يطلعش صوتها و سرورر ضامتهاا و تبكيي بعبرتها
ياربيي نموتت ياربيي نموتت تعبت انااا اااهههه 😭
......................................
رفع محمد فونهه ورنن على اماني كان مرايف لسرور و يبي يحكي معاها
سرور كانت واقفه جنب الحمام تستنى في امها تطلع و اول ما سمعت صوت فون اماني مشت تجري بيش ترد
محمد : الو
سرور نزلوا دموعها : بابا
محمد ضحك : عيون بابا انتِ شن دايرهه ؟
سرور تبكي : زدو ببا "ضرب" ماماا
محمد بخوف : ماما وينها يا سرور امانيي وين عطيها لياا يا باابا ترا ؟
سرور بحزن : في الحمام تبتي هيا يا بابا .
محمد تنهد : خليك يا بابا حداهاا باهيي ؟ ما تسيبيهش بروحها تمام ؟
سرور خنقتها بعبرتها : سينين "شينين " هما يا بابا زديدا و زدو "جديده و جدو"
محمد : توا انجيي يا بابا انا تبيني نجيبلك حاجه ؟
سرور خنقتها العبره : زيب دواء لماما بيس تدعد دويهه و معس تبتي " جيب دواء لماما بيش تقعد قويه و معش تبكي "
محمد طبس راسه بحزنن جملة سرورر كانت واعرهه عليه : باهي يا بابا هيا اهوو جايي اناا
سرور : انباهيي
صكر محمد على سرور و لما حاجاته من المكتب و نزل
وقف و خذا نفس بالقوهه : يارب.
طلعت من الحمام و رقدت على سرير في صمت و قعدوا دموعها ينزلوا من عيونهاا بدون لا ترمش او حتى تشهق ممكن هيا تعودت خلاص .
تسللت سرور بطفوليه لحضن امهاا و قعدت تبكي
شن ذنبها هالملايكه في هالعمر تشيل في همم عكسس الي في عمرهاا ؟
..........................................
نزلت كم يدهاا : تكلم فيك على شغلل امس قلتلي صار ؟
يوسف كان باين زعل على وجهه : اقسم بالله ما كلمتنيي بكلل كنت نحرقلك في دمك وربي يا عشق و ماجش في بالي الا اسم نسرين
عشق : ماهه لانكك تحبهاا .
يوسف : والله ما عمريي حبيتهاا ولا صار بيني و بينها اي شيء
عشق : و ما تردش عليا اليوم برضوو تحرقلي في دمي ؟
يوسف رفع فونه و لقا عشق رانه عليه 10 مكالمات : اقسمم بالله ما شفتهنن كنت نديرر في عمليهه قبل لا تجيي وربي ما شفتهنن
عشق بحتت ليدهه الي ماسك بيها الفون و ضحكت بهزوهه : و الدبله محولهاا من ضمن الاشياء الي بتحرقلي بيهن دمي ؟
يوسف فطنن انه محول الدبلهه : تيي ماهه قبلل لا نخش العمليه سلحتهاا والله هذا الي صارر نحلفلكك يا عشقق قاعدد
عشق سحت الدبله و حطتها في كف يدهه و صكرتت يده : كيفف ما بديتت كل شيي بالمعروفف تعال اليوم انهي كل شي بالمعروف و خوذ حاجتك .
يوسف ضغط على دبله و تكلمم بقله حيله : عشق ما تعبنيش عطينيي فرصهه وحدهه هاينن عليكك لدرجه هذيي زح ؟ خليني نحكيلكك و بعدهاا ديري الي تبيه ؟
عشق : يوسفف انا خسرتت هليي ! و ربيت اختي و تعبتت ! و قلبيي بالهونن وانت عارفف ! انا مش مستعدهه ننخدعع او يصيرلي اي شي يوجعلي قلبي .
معاذ : شن صار ؟
عشق رفعت شنطتها و شافت ليوسف بنظرهه حادهه: هيا معاذ .
طلعت وقف معاذ يشوف ليوسف
يوسف بهدوء : خلاص عدي وصلهاا
معاذ هز راسه و مشى ورا عشقق
و يوسف قمعز بتعب و قلة حيلهه و حط راسه بين يديه : ياربب
علاء : سيفاا
يوسفف ضغط على سنونه و قاال بدون لا يشوفه: نسرينن الحقيرهه وينها ؟
علاء : كنك شن في ؟
يوسف صباا بعصبيه : وينهاا قلتلكك ؟
علاء بإستغراب : شفتهاا روحتت توا
يوسف مسك فونه و رنن عليهاا مرتينن و ماردتش عليهه .
خبطط يدهه في الساس بالقوه : مااهه انا المسخ الي درتلها طريق من البدايهه .
علاء : يوسف كنكك
يوسف فات من جنبهه و طلعع بدون لا يرد عليه
علاء : الي هنا مرضى قلب و دكاتره مرضى نفسيين وربي الحمدالله جيت فيهم عاقلل 🙂
........................................
ساره : مالك
مالك : ايوهه
ساره : هيا وقتت امتى بتشيلني بيش نساعدهمم مش ضيفهه انا
مالك ببرود : باهي قلتلك ما تسكنيش .
ساره جت قمعزت جنبه و حكت ببتسامه كبيرهه : مالك راجليي الحلو
مالك : هاتي من الاخير
ساره : عادي نباتت ليومم العرسس هوا اصلا مزال 3 ايام بسس
مالك : باه
ساره : باه ؟🙂
يعني باهه هكيي على طولل ، مافيشش منقدرش تقعد في الحوش بللاك حتى بالكذب ؟ 🙂
مالك ببرود : كلاا انت في النكد محدش يغلبك ، توا مش انتِ الي بتباتي ؟
ساره : باايتهه اسبووع باههييي !
مالك ببرود : باتي من ماسكك ؟
ساره شافتله بقهرر و رمت عليه المخدهه و صبتت
مالك : يا بهيمه
خشت لدارهاا و طلعت شنطهه حطت فيها الدبش بغضبب : قاال باهه بكلل برود اصلا عاديي مش حيعرفف قيمتيي الا بعدد نسيبهه كيف الكلب
يا ربيي ما قاليش لاا حتى ببصارهه "عضتت تيشرتتت بتاعها و عيطتت بغضببب "
وتت روحهاا و نزلل مالك شنطتها و عطتت العلم لعمتها انها ماشيه بايته في حوش خالتها و عطتهم كرتت العرسس الي عندها من امس
وركبت جنب مالك و هيا مكشرهه
و هو زارته الضحكهه و طلع من الحوش بدون لا يحكي معاها
مالك زراته الضحكه : سارهه !
ساره رفعت صبعها فيه بتهديد و قالت بغضب : مانبيش نسمع صوتكك لو سمحت استاذ مالك
مالك : غير بنقولك خذيتي شحنك ؟😂
ساره : حميدهه عندهه شحنن 🙂
مالك : حميدهه صار ؟
ساره هزت راسها بخوفف
........................................
نزلت خيريه و خشت
معاذ : عشق تعالي نبيك
عشق التفتت : نعم ؟
معاذ : يوسف
عشق طبست عيونها و نزلوا دموعها : معاذ لو سمحت ما نبيش نسمع حاجه
معاذ : انا متأكد ان نحنا فاهمين غلط عشق ، يوسف صح اصيع واحد يمكن تشوفيه في حياتك بسس قبل ما يعرفكك ، كلمم بنااتت اكثرر من شعرر راسك كان لا مفوتت لا اخضر لا يابسس بس اقسم بالله يوسف تغيرر جذرياً من بعد ما عرفكك بعدد على وجيج البنات بكلل لا عاد سمعنااهه يكلم ولا حاجه
عشق : و اليوم شنو ؟
معاذ : مش حنكذب عليك و نعطييك اسبابب بس اسمعيي منه انا متأكد في سبب مقنع .
عشق حكت بعبرتها : انا مريضة قلب ، ومافيا رعشه وافيهه ممكن فجعه تقتلنيي و تقعد اختيي بروحهاا ، معاذ انتوا حتى امكم مش متقبلتني .
معاذ : من قالك هكي ؟
عشق : كل شي واضح مش محتاجج ، و خليك بيش نعطيك حاجات خوك بيش ما يجيش .
معاذ : انا مش واخذ شي ، بينك و بينه و الافضل تزيدي تفكيري في الموضوعع
و فكري بعقلانيه انت عارفهه حالتكم بالهونن وتوا سيبتي شغلكك و مش حيردوكك ، حيديروكك وحده فاضيه بتاع مهتكه !
حطي عقلك في راسك يوسف شاريك ما تبيعيش بالرخيص .
عشق سكتت و معاذ ركب سيارتهه و عدا
خشت بخطوات ثقيله للحوش رمت شنطتها و سلحت محرمتها لقت تقريباً جيرانهم كلهم عندهم يوتوا للفاتحه الي بكرا .
شافتلهم و تنهدتت بحزنن و خشتت بدون لا يلحظوها كانت تفكر كيف بتقوللهم انتهى كل شي .
ارتمت على سرير و قعدت تخمم في كلام معاذ : انا فعلا معنديش شييء ما نقدرشش نقعد بلا يوسف منعرفش نتصرف بلاهه "حطت يدها على وجها و نزلوا دموعها " و نحبهه ما نقدرشش نعيش بدونه مستحيل ياربي
عليش دارر هكيي هوو "غمت وجها في المخدهه و قعدت تبكي و عقلها يرفع و يجيب "
و معاذ روح لقاههم حايسينن و يوتوا في علب القاتوهاتت و عصاير للفاتحه "
تنهد و ماحبش يحكي حاجهه ركب خذا فلوس من قجرهه و طلعع مع عصومي
....................................
طلعت و كان زعل باين عليها ركبت السياره بكل هدوء
احمد شافله بإستغراب : اسيل كنك ؟
اسيل قالت بهدوء : ولا شيء
احمد : في حد مضايقك ؟
اسيل هزت راسها بنفي : كويسه انا .
شافلها بعدم تصديق و ماردش عليها
حرك السيارهه الي كانت هاديهه عكس ما هو متوعد على ازعاجهاا و دوتها الي متكملشش .
درس قدام المحل : شن تبي ؟
ساره : مشروب بس
شافلها لفترهه و نزلل من سيارهه و جااب مشروب و ركب جنبهاا
هيا : ممنوعع يا ماماا بعدد العشاء نعطيكك طرفف حلوهه واحدد
: ايي واانت هيرر نااوو " l want her now "
هيا : وعد نعطيك بعد العشاء باهيي ؟
: بروميسس ؟ "promise "
هيا ضحكت : بروميس .
هو ضحك : حتهبليهاا بالانجليزي بتاعكك
هيا : هيا تجي تسمعع فيا بعد نحكي الشغلل
ركبوا سياره و هما يضحكوا
اسيل لمعوا عيونها : عليش لعند تواا ما عندنش بيبي ؟
احمد تنهد : الامور هذينا في يد الله ، خلاص فوتي شن خطره عليكك الموضوع هذا توا
اسيل نزلوا دموعها : شن سبب تأخير لتوا يمكن نكون عقيمه يعني ؟
احمد : خلاص صكريي السيرهه اسيل .
اسيل و دموعها في عينها : حتجيب عليا مراهه كان طلعت عقيمه ؟
احمد رفع وجها بيديه و شافلها ببتسامه : كان العيال مش منك منبيهمش .
اسيل بحتت للروشن و دموعها ينزلوا
فتح الطبلون و طلع منه كرتت : هذا كرت عرس يوسف صاحبي عازميينك
اسيل رشفت و مسحت دموعها : الي اخته زُبيده ؟
احمد : اهاا هوو
اسيل : باهي تمامم
..........................................
طلعع بالهروب من المستشفى ساعه 1 روح بوتين من المدرسهه
و على ما اصرتت عليه يحكيي عليش متضايق اكتفى بصمت و ما حكلهش حرف .
اتجهه شور المقبرهه و قمعز جنب قبر عصام بعد رشهه بالميه
يوسف ضحك بحزن : شكلها بتفركس يا بروو
اسمع زعمك ربي يعاقبب فياا على درته في حياتي و تكليمي للبنات زمان؟
مستحيل نقعد بلاهاا يا عصامم نحبهها اناا
هيا عنيده و غبيه مش حتفهمني ولا حتعطيني فرصه نحكيلها
شن ندير يا عصام انا واحلل
نمشي نواجها و نحكيلها ؟
حتصدقني كانشيي ؟
ولا حنزيد الطين بله لو مشيت و لقيتها راقيتلهاا و تتلبزز الحكايه بكل ؟
"طلع الدبله من جيبه و قعد يشوفلها لفترهه !"
سلحتها و عطتهاا لياا يا غالي
ما سمعتتيش و صدتني
"مسح دمعتهه قبل لا تنزل على خدهه"
اكيد هيا تقول كان خشيت عليه و هو يضبط فيها قببل شن كان يدير
ما نلومهش حتى انا رخيت مع نسرين
" ضحك بحزن "
شكلها النهايه يا بردر
رفع راسهه بعد شاف احمد
احمد : انت هنا ؟
يوسف هز راسه : كنك جاي بروحك ؟
احمد : رنيت عليك مارديتش و كلمت خالد قال جاي " سكت لفتره و تنهد" رايفت على عصام
يوسف تنحنح و طلع فونه : هو مزال صامت لتوا
احمد : يوسف شن في ؟
يوسف بتنهيدهه : توا يجي خالد نحكيلكم مرهه وحدهه
احمد هزز راسه بصمت و دقائق و كان خالد معاهمم و بدا يوسف يسرد في الي صار من وقت ما خشت نسرينن لوقت جيت عشق لسلحت الدبله
خالد : سلمك مرخي مخليها تضبطك ؟
يوسف : خالد فوتني بالله انا بروحي متضايق مشعارف شن قالي عقلي وقتها وجعتني و هيا تبكي بس و ماكنتش حاسب جيت عشق
احمد : الي زادتها اخرىى امس لما قتلها نكلم في نسرينن لعدم ردك عليها لسلحتك لدبله
يوسف تأفف و حط يدهه على وجه : تي اقسم بالله كنت ندير في عمليهه سلحتهاا و حطيتها في جيبي و نسيت نلبسها مش قصدي
يوسف : افف مشعارف شندير
خالد : شن بدير مثلا عدي لم حاجاتك بكرامتكك
احمد : مصح وجهك كلا انت ، ما تسمعش يا يوسف عديلها و احكيلها كل الي حكيته لنا و ما تكذبش عليها في حرف واحد و هيا حتتفهمك اكيد
خالد : قاعد يقولك والعه
احمد : و النار لما تولعع ترجاها لين تطفى بروحها و لا اطفيها انت ؟
يوسف اقتنع بكلام احمد : صدقتتت اناا مااشيي نشووفهااا
احمد : خلاص عدي يا بروو تواا
خالد : حتخلعك 🙂
احمد : على اساس متزوجته بيش تخلعه
خالد : وتايفر "whatever"🙂
احمد : عديي يا سيفاا ما تسمعش منهه هذا
يوسف صباا : خلااصص اناا ماشييي هيا انستوو بعضكم
و مشى يجريي شور السيارهه و قعد يسوقق و ماسك الدبلههه في يده و ضاغط عليها
................................
درس سياره و نزل لقا الباب مصكرر
طلعت سعاد تفتح في الباب لان مافيش غيرها في الحوش و مابتش تنادي على اماني
سعاد : محمد
محمد شافلها بكره : ناديلي سرور و اماني بنشوفهم
سعاد : خش
خش محمد و ركبت سعاد لدار اماني
لقتها على نفس وضعيتها فاتحهه عيونهاا و دموعها ينزلنن بدون اي حركهه
سعاد شافتلها و قالت بتنهيده : اماني محمد يبيك
اماني دموعها ينزلن و مادرتش اي ردة فعل
سرور : باباا زااا " جاا "
سرور صبت و شافتت لجدتهاا بكرهه : حندولهه كلل شيي سينهه انتِ " حنقوله ، شينه"
سعاد تنهدتت و نزلتت سرور لباتها و وراها سعاد
سرور مشت تجريي لمحمد و حضناتهه ك نوعع من الامان بالنسبه لهاا
طبس عليهاا محمد و حضنهاا : بنيتيي الحلوهه
سعاد شافتلهم و قالت بتنهيده : اماني ماتبيش تنزل
محمد صبا و مسك يده بنتهه و شافلها بنظرهه حادهه : انا راكبلهاا .
..................................
وقف قدام الباب و رفع يده و دقق الباب بتردد
و قعد يراجيي لين فتحتله وتين
وتين عقدت حواجبها : يوسف ؟
يوسف : ناديلي عشق ؟
وتين بإستغراب : باهي خش للصالونن قاعدين راقدين هما جوا ؟
يوسف : راقدهه هياا
وتين : من اول ما جيتت و هياا مندمرهه على الفراش جاها خناق العرايس شكلها خش انت بشويه و توا اناديها
خش يوسفف لصالون و قمعز و حط راسه بين يديه وقعد يهزز في كراعه بتوتر .
وتين تهز في عشق : عشق
عشق بصوتها الباكي : وتين فوتيني تراا
وتين : تي يوسف براا يبيك شنو نقوله ؟
عشق قمعزت و قعدت تشوفلها : من برا
وتين : يوسفف يوسفف "لاحظت دموعها" تبكيي انتِ ؟
عشق قعدت تشوفلها لفترهه وردت رقدتت و غمت وجها بالمخدهه : نبيش نبيش
وتين بخوف : عشق شن في ؟
عشق هزت راسها بنفيي : مافي شيي امشي قوليله راقده
وقفت تشوفلها لثوانيي معدودهه قبل لا تنهد و تطلع و تصكر الباب عليها
وتين بجديه : يوسف احكيلي توا كل شي ؟
يوسف رفع راسه و قعد يشوفلها : شنو ؟
وتين : انتت من لما جبتني من المدرسه و انت مش طبيعي و انظر شنو فيه و قلتلك كنك و ماعبرتنيش و هيا اشر منك شن صاير بينكم ؟
يوسف : شن قالتلك ؟
وتين : ماتبيش تشوفك .
يوسف : ................
.. يتبع ..
ردة فعل عشق مبالغ فيهه او طبيعيه ؟
ولو كنتِ انتِ مكانها شن حتكون ردةة فعلكك ؟
تعتقدوا ان كل ششي ح يتفركس بين يوسف و عشق او لا ؟
محمد بداا يحبب رحمهه او بس يحاول ينسى بيها اماني ؟
و عليش خافف على اماني لما حكتله سرور ؟
و ردة فعلل عشق لو طلعت ليوسف هل حتكون قاسيه و تهدمم بيها كل شيي او حتسامحه بسهوله ؟
هياا كل حد يقوليي من وينن يقراا في روايه ♥️
انا نكتبلكم من بنغازي 😂♥️
نحبكمممم عررمم نفرر نفرر !♥️♥️
#الزم _بيتك ♥️♥️