السلام عليكم
عائله شيخ جبل
البارت الثامن
بقلم هدى حيدر 44howda✍️
طلعت حميده وعيوني وراه وخايفه لايشوفنه واحد من اخوتي
صدگ تسمى اخت
اختي الي ماجابته امي
گاعده ابچي....بلمطبخ ومخليه راسي بين رجليه
ومحاوطتهن باديه
نفتح باب المطبخ ...سمعت صوت
التفتت اخوي مكي. ..
هاا خويه شبيج...ليش تبجين
مسمحت دموعي باديه وعدلت شعري وتربعت
لاخويه مابيه شي بس ..ذكرت امي
اوففف يغزل امي فراگه چمره بگلوبنه ماتطفى ابد...
اكلچ غزل اني اريد احجي وياج بموضوع
كول يخوي احچي ....
اريد ابطل من المدرسه ...
لطمت على وجهي. ياااا ..مو ياخذوك لجيش،
تحسر...اي التحق والايام الي اجي بيه اشتغل بلگاع وي صبار وخوتي
لا...ماقبل منك. راح من ادينه عياش انوب انت
وبعدك صغير شفت من عمرك وتلتحق
لاحگ لاحگ على شلعان الگلب
اگلج غزل اني گتلج اخر شي عندي ..
اريد اشيلكم. كافي ضالين ..عاله على اخوي صبار
هو صبار شاكيلك. گايلگ.
ماعجبه حچي عافني وراح سكتت عنه ..اوففف يربي هو اني بياحال
وهذا وين يحچي وين.
جتي ترگض حميده. لابسه عبايه. ولازمه بايده اليمنه عبايه
حميده. يله ولچ گومي
غزل. وين اگوم تحچين صدگ انتي
حميده. بت الاوادم. گومي خل نولي. لايصير المغرب علينه
علمى نوصل ومسافة الطريق هم يالله
گمت على حيلي اخذت العبايه منه گوه لبسته
اجيبه منا ووديه منا ماعرفليه
طلعنه ملفلفات بلعبي عسبالك بايگينه بوگه.....
چنت كلش خايفه. دگلك رايحه للموت
حاچيت حميده كتله اگلچ وين راح نروح
حميده. امشي وياي وسكتي معاعليچ
غزل. ماشي
طريق طويل رجليه تكسرن علما وصلنه
وصلنه يم بيت عباره عن خرابه
والحيطان مفطره ...
الباب. نص مكسور ونص معوچ
دكت الباب حميده
طلعتله مره سمينه وگصيره وعوره ...وشعره مكفش
يشبه شعر الافارقه ...
كلش خفت من شفته. جنه سحاره. ..
باوعت لحميده صفح. سئلته انتي منو
كلتله حميده. معليچ احنه جاينچ بشغل
تگضينيا. وننطيچ. اجرج ونروح ..
گالت يله طبن
طبينه البيت ريحته مثل ريحة المگابر. ..
كتله يبووو شهل ريحه باوعتلي صفح وعينه العوره خزرتني بيه وچه گله ملامح رعب...
اكو سرداب مال موته جوه البيت
هيه گالت هيچ...واني باوعت. الحميده
خزرته حيل. ..همستله. وچ هاي هسه اذا موتتنه هنا
ودفنتنه بلسرداب جوه منو راح يدري بينه
باوعتلي حميده بعيونه وشفت ...نضرت الحيره والندم
حميده وصوته يرجف..غزل اسكتي بعدمامنه رجعه
وصلنه
مامعقوله تگتلنه شنو مصلحته بلگي تگضينه شغلنه ونولي لبيت
گعدنه على الكراسي وهيه كعدت يم باب غرفه
گبالنه وتتخازر بعيونه ويانه
شويه سمعت صوت وحده گامت صيح
عصرت ايد حميده من الخوف. ...
وتمتمت وصاگه سنوني ولچ وين جبيتنه ...
گامت على حيله وتخوصرت المره
شبيچن. ترا. جاي صقط هاي
حجيت بصوت يرجف. صقط ليش حرام
حرام واحده ذب طفله هاي نفس وحرام واحد يقتله
حچت بستهزاء ورافعه حاجبه وتهز بأيده
اكلج. هذني برابيگ
يعملن عملتهن ويجن هنا ..يتوسلن بينه نطيحه الهن
حميده. لطمت على وجه دخيلك ربي
دارت وجه وعفتنه. وگالت مستحيات خطيه تعرفن بس تفتحن رجليچن لزلم ويمنه تجن تستشرفن
گامت حميده على حيله ..لزمته وگتله اسكتي
احنه شغلنه مو ياهه
هسه تطلع الي بلغرفه مبينه هيه التشتغل
دقايق طلعت.وحده. لابسه حجاب ودشداشه سود
وجه يوحي عمره بلخمسين
تنزع بلجفوف كلهن دمايات
وحاجت الي نايمه بلغرفه ...ضلي رافعه رجليچ هسه اجيج
باوعتنه. انتن منو
حاجته حميده وتمتم كوه. طلع الحچايه. كلتله احنه.... نريد نعرف... هاي البنيه...
وتأشر عليه
حاجتنه بصوت هادء. وهيه واگفه على المغسله تغسل بديه. يعني عروس هاي
وتردن تتأكدن منه ماخوذه لو لا شنو السالفه مافتهمت عليچن..
حميده وهيه تاشر عليه. هاي صاحبت المصيبه وهيه تسولفلج
خزرته ايا بتل ..بتل ...
اشرتلي بأيده بمعنى گومي..
جرت حميده من عبايته ..
التفت باوعتلي گلتلي وحدج تعاي
مشيت وراه ورجليه يرجفن وبگلبي اگول الله لاينطيك يعزام انت الوصلتني لهنا
ماخليت غلط وشتيم ماكلته عليه
اخذتني لغرفه بنهايت البيت
ضلمه وجت الضوه مال الغرفه فارغه بس بيه سرير
وميز. بي مكص وابره وخيوط مال عمليه
وكرداش. (تفتح بي رحم المره )
ويم الميز اكو كرسي
كلتلي اگعدي على سديه
ضليت واكفه وعيوني يجرن من البجي
كعدت هيه على الكرسي وطلعت بخاخ بي ديتول
وصله يمه تعقم الادوات مالته وتمسح بيهن
باوعتلي ..شنو سالفتج
كمت اشهگ من البچي. اريد احچي ماگدر
گاللت. لا هيچ. موخوش ماراح لاتعينين روحج ولا ساعديني
واني ترا ماضل احرمصلچ. معاميلي منتضريني
اذا شفتج هچي. اعوفج وطلع
مسحت دموعي وگمت اچي. اليوم اكو واحد اعتدى عليه ..بس ماشفته مامتأكده
لان ماعت روحي ومافتحت عيوني اله واني بغير مكان
تحسرت وگامت من الكرسي كالت شغلتج بسيطه
شونامي ولتعذبيني يله ماما
دنيت يم السديه نمت هيه واگفه على راسي
وخرت العبايه. وتخطيت بيه
گالت انتي اليوم راح شلين حالي
جرت العبايه
شو فتحي رجليج
غمضت عيوني وخليت اديه على وجهي
كمت اصيح من فحصتني ...
يله گومي. مابيچ ..شي ..
باوعتله والضحكه تارسه حلگي. صدك
چااچذب عليچ يله اطلعي حتى تجي غيرج
طلعت واني اضحك باوعت الحميده خطيه مبينه متوتره وجه اصفر كلش
من شافتني اضحك ابتسمت اطمنت
حاجت هاي ام عين العوره كلتله تعاي
اجيت ركض لحميده سولفتله ضحكت كيفت گالت اي ماي بارد ونزل على گلبي
طلعت ام عين العوره وتخوزر بينه
اجت يمنه گالت يله اطينه الحساب والبشاره طلعت كلشي مابيه
باوعت الحميده كتله كلشي ماشايله طلعتيني اسحلين بيه وحتى مادري راح نجي لهنا
كالت معليج اني شايله
فتحت جوزذانه. وطلعت عشر دنانير وطتهيا
خزرته گلتله هاي شنو.
گلتله حميده دللي بعد البشاره
طلعت چكليته مصخرجه صاله سنين بجوزذانه
وكلتله بيج خير ودللي وهاي بشارتج وبيده الچكليته
وهيه گامت تسب وتغلط. واحنه نضحك وطلعنه. نركض،
من البيت وهيه ورانه
انعل هيچ منچن. ياا***
نركض وميتين ضحك. عليه
وصلت قريب بيت صابرين
كتله حميده تجين وياي نشوف صابرين
كالت اي يله هسه اني شعدي دادا. ماما اصلا ضوجه من ارجع اضل بس اتعارك وي اخوتي
مسافه قليله وصلنه لعياله هيه عايشه وي عياله
دگينه الباب طلعتنه صابرين سلمت عليه وبوسته وسلمت على حميده
طببتنه جوه
گعدنه بلهول طلعت عمته سلمت علينه
وگعدت يمنه ضيفتنه صابرين بلچاي
كلش طيب من ايده الچاي چذب ضكت چاي اطيب من چاي اخيتي
واحنه گاعدين. طلع حماه. امجد.
گال السلام عليكم.
ردينه السلام عليه. لابس دشداشه بيضه ولاف غتره على راسه
وريحة عطره. ترست الهول
راح گبالنه للمغسله يغسل
والمرايه صايره كبالنه رفعت راسي شفت انعكاسه من المرايه
باوعلي ابتسم دنگت راسي بلگاع
گرصتني حميده. وهمست يم اذني. ولچ منو هذا..
منين طلع. ..
گتله اشششش اسكتي عيب
ولچ غزل هذا مزوج. باوعتله صفح لا مطلگ
حميده تنهدت. ايي رحمتك ياربي. فرجت انشالله
گامش الغاولي وينشف بي وجه واديه
زارتنه البركه ...
حميده. رحمه الله والديك
ضليت مدنگه ومارديت
صابرين ماعجبه الوضع. كلتله تفضل يخوي.
براحتك.
غزل شويه ويجي صبار يوصله للبيت
امجد. صدك چذب. لاوالله حشى تطلع من البيت عشاه هنا
واني اوصله
ضليت مدنگه راسي مارفعته بعيونه. لا يخوي تسلم اني اجيت اشوف صابرين واروح. من زمان ماشايفته واخوتي. بلبيت ماكدر
حميده. واني شنو حايط نصيص لا عتبرتوني لاعزمتوني
گرصته بفخذ رجله
امجد يضحك. لا يخويه انتي. وي غزل حالچ من حاله
عمت صابرين هم توسلت ضلي وضلي ماقبلت
لان اجواء. البيت ماتاحيتله
وهذا. امجد مبين لعبي
وضل يتوسل اله وصلچن سحل روحه سحل
وسويچ السياره بيده ويتفاخر بي
صعدنه ويا. وصابرين توصي بيه ديربالچ منه هذا لعبي يضحك على البنات
اني وصابرين. گعدنه بلورى
وهو وجه المرايه عليه ويباوعلي
كلما ارفع عيني اشوفه يباوعلي
استغفرالله سعو گلب السياره بينه
حميده. اي ات مزوج لا
امجد. لا مطلك. وحيد هل تشوفيني.
حميده رفعت حاجبه وبتسمت وهمستلي
اكو امل....
باوعتله صفح ونزلت ايدي وغميته
حميده. ليش طلكت مرتك ...
گرصته وهمست ولچ كافي ترا كلش سوتيه بلا ملح
نترت ودارت وجه عني ..رشي ملح شويه
امجد. والله صراحه معجبتني. سمينه كلش وزنه 150
حميده. عاااا. ميه وخمسين هاي تحطك جوه ابطه
ضحكة كوه عليه
اگلك يعني اني اضعف منه
امجد طكه بضحكه وكله. اي
دنت يمي غمتني اوهو مداج شوفي وتعلمي راح احصل رجل
كتله بلعافيه عليچ
حميده. بس هاي يعني لان سمينه طلكته
امجد. لا متهتملي. كلش مهمله وتصرفاته مال زعاطيط. تدرين. تنام وياي بدشداشه مال البيت...
صدك ضجت منه كاعد يذم بطليقته
حتلو چانت صدك هيچ بس لازم ميذكر.
هذا الشي يضل بينهم مواله ينشره ياهل ليشوفه يگله چانت مرتي هيچ وطلگته
قاطعت كلامه ...اكلك خويه موكافي ترا ذميت المره
هذا شي چان بينك وبينه والمفروض تستر عليه موتسولف بي
شفته عگد حواجبه وضهرت النونه
ترا رفيچتج سئلتني انه ماحچيت من وحدي
حميده. خاب شودسكت. ذب الصوچ بيه
هو انت ماصدكت لگيتلك باب فرج حتى تحچي على مرتك القديمه
امجد. شبيجن گبيتن عليه هسه اني شكلت
حميده. لا ماكلت شي بس طلعته من ***الچلب
ويله لهنا وكافي نزلنه
امجد امداجن الصوج بيه اني والله
لغسل طمچن...... نزلنه وهو ميت قهر
رجعت للبيت واني مگيفه طايره من الفرح امنت على روحي
رجعت تعبانه سوت عشى تعشينه ونمنت اني وخوتي
گعدت من الصبح الساعه 8:00
اجيت اريد ماي شرب لن ماگوماي مگطوع
كلت لازم اروح للشط اترس ماي
اخذت الگربه وطلعت ....
جبل
******
عيونه بعيون ابوي ومتضرينه المن
يختار بينه
سلمان ..حسن...قاسم....لو اني
شيخ هذال. سلمان انت التاخذه
سلمان گام على حيله وگف گدام ابوي.
ويدگ على صدره. ليش اني. ليش مو هذا
جبل ويأ شر بأصبعه. الي خلفته من بعدك وطيته كلشي
يتخوصر ويفتر وجه للباب
لو جبل ابنك الحبيب تريدله الزينه واحنه النه الشينه
شيخ هذال بنفاذ صبر. انجب لك حقير ترفع صوتك عليه
ايا طايح الحظ ...يصفك باديه ويفرگ بسبحته
ياحيف تعب رباي بيك
يباوع النه ويخوزر بينه كلنه ساكتين منحجي
تأكد كلنه مابينه واحد يقبل ياخذ البنيه
تحسر ودنگ بلگاع
. گلي صيح لحسين
طلعت باب الديوانيه وصحت. لحسين
اجه حسين يرگض. هاا يخوي
ابوي يريدك طب
دخل حسين. چنت اتوقع. ابوي راح يكله جيبنه چاي ماي
يصخره اي شي بس ماتوقعت.....
شيخ هذال. تعال بويه ادري بيك ماراح تردني
حسين. لا يبوي ماعاش الي يردك
شيخ هذال يبتسم. ولاراح تكسر حچايتي
حسين. لا يبوي لاعاش ولاچان الي يكسر حچايه شيخ هذال
شيخ هذال. بويه اريد ازوجك
ابتسم حسين وباوعنه بويه زوج الاكبر مني ترا. اني گلي 16سنه
خله ابوي ايده اليمنه على چتف حسين الايسر وگله اريد ازوجگ لان انت زلمه
وباوعنه بطرف عينه
عيوني صارن بلگاع مارفعتهن بوجه ابوي
هو اني توني طالع من علاقه فاشله وي حورر
نوب طگ فش ازوج ومنو. ....
لا اني اذا ماحب فلا اتزوج...
حسين. ومنيه بويه بس لا. هاي البت الي ضحك عليه
جواد
شيخ هذال. انت گلت ماعاش اليكسر كلمتك
واني طيت للوادم كلمه بعد
سكت حسين وطلع من الديوان
اني هم طلعت ورا
ردت احاجي صاح بيه وطردني
عفته هم حقه ابوي شيله هم اكبر منه
مرت الايام وزوج حسين والي تفاجأنه بي...
حسين بليله عرسه وجه بي سبع لطامات
احنه سويناله حفله چبيره
وناس ومعازيم بس اهل البت
يردون بس زفه
طبيت للغرفه
شفته يلبس بدشداشه دنيت يمه ردت اسدله الدگم
دفع ايدي
وقوس حواجه
نگلبت ملامح وجه
عفته ...اندار على المرايه يمشط بشعره
شلت الساعه والبسته بايدي وحاجيته
. العشى السوى ابوي يرفع الراس بي
...اي خل تشبع الوادم تشبع بطونه بعرس حسين
ضحكت.من حرگتي عليه خطيه يكسر الخاطر بس مابيدي شي،عليه
شلت شيشه العطر رشيت على رگبتي منه
وطلعت السيارات متحضره
صعدنه والطريق هلاهل
وصفكات
وصلنه لبيت العروس طب حسين اخذاه وطلع
صعدت بلسياره
وصلنه للبيت
نزلنه زفينا بعد بلبيت
وحسين مغندب ابد ماشفته ضحك
صعد لغرفته هو ومرته
ومنتضرين البياض
ابوي گاعد وامي على الجه اليمنه
وام حسن على جهته اليسره واني واخوتي
وخواتي وعماتي والدنيه گله منتضرته
يسولفون بس بگلوبهم. ..
يردون يعرفون بنيه لو لا اخذاه جواد بذاك اليوم
لو ماگدر شردت من ايده
جواد مختفي مالگيناله كل اثر
شويه نزل حسين وبيده الوصله البيضه
وبيه قطرات دم وتعالت صوت الهلاهل
والگفلات
والهوسات ردحنه الكاع ردح
وحسين صافن علينه
خلص العرس
ومرت سنه
على هاي الاحداث.....
1986
جبل مواليد 1964
صاعد بسياره وي ربعي البجيش
چان الجو حلو
صاعدين بسياره كشفي
مفتوحه والهواى عالي يلعب لعب والسياره تمشي سريع
ماكو شمس چانت مغيمه بيومه الجو يخبل شهر الرابع
والولد يسولفون..
واني بالي مويمهم. رايح بعالم ثاني
منتجي على السياج مال السياره
وخال ايدي على لحيتي واحرك بيه...
صارلي تلاث اشهر مانازل
مشتاق لامي واخوتي وخواتي
الطريق طويل حيل من ديالى ...لديوانيه
ماحسيت اله ...ضربه على متني ..
سعد. هااا ..ولك جبل ون سارح..
رديت عليه واني خال ايدي على متني افرك بي
من قوة ضربته. ون يخوي يمكم ..
سعد. ون يمنه انت اصلا ..شاردبعالم ثاني
جبل. اي صدك. افكر بلعمارات والملايين..شبيك وين ملي غير يمكم
خالدوعيونه مليانه غيره . لا يخوي...يفكر بنات
سلف ..ماضاله وحده ..ماحابته ...
هسه احنه عاد احنه ربعك يخوي
موغربه هم نسقنه وياك ...
چان يمي بطل ماي
شلته بايدي اليمنه وكتله
وحگ هذا الماي الي استشهد الامام الحسين وماشرب منه ...
اني مافد يوم طخيت راسي لمره
الله وكيلك هنه يذبن رواحهن عليه
سعد.وهو يضحك. جنه صدك ابو اسد
يابه نشاقه وياك..على كيفك لاصير عصبي
خالد. لا...عمي. حقهن اذا حبنك انت ابن شيخ هذال
ابن شيخ العشيره اهل -الديوانيه -كله تحلف براسه
ضجت منهم انداريت عنهم انطيتهم مكفاي (ظهري)
خالد ماضاله وحده بسلف مامتحارش،بيه
بس محد تعتبره بنعال
صديقي بيتهم قريب علينه
اني ويا ربينه سوى كبرنه
عشت ويا عشرت عمر زين وسخي وطيب وابن ناس
بس هو بي خصله موحلوه
دومه يقارن نفسه بيه
اباوع لجنود الوياي كلمن ماخذته صفنه يفكرون باهلهم
اكو منهم مزوجين وملهوفين على اطفالهم
ونسوانهم...
والي مشتاق لهله....
كلما. نوصل لمنطقه توكف السياره وينزل واحد من الجنود
وصلت قريب على منطقتي ..
طفرت من السياره ..ونزلنه اني وخالد
نمشي وخالد يسولف ...عليمن مادري...
بالي ابد مويمه احس مخنوك ...كلش وتعبان
حاجيته
جبل. اكلك خويه خالد. انت روح لبيتكم
اني اروح شويه يم الشط
خالد. ليش خويه خيرك شبيك ..اليوم مو على بعضك
جبل. مادري احس مختنك وضايج
خالد. افه ...يخوي. خلينه نرجع للبيت
نسبح ونبدل ومن بعده نطلع
افرك الديوانيه فر. انسيك الدنيه كله وناخذلنه نفس غشه (اركيله)
جبل. لا انت روح واني اروح لشط
هناك ...انسى كلشي ...افرغ همومي كله
تفاركنه هو كمل طريقه وراح لبيته
واني رحت لشط امشي بردت شوي...الجو برد
وصلت دنكت على الماي شلت بجف ايدي
ماي وشربت وغسلت وجهي
الماي بارد كلش ...
وچان ارفع عيني. اشوف
بنيه ...لا فشگه من الگمر
جاي. تترس ماي
خاله يمه ...گربه چبيره
وجاي تترس بيه ضليت اباوعله ..لحظات ثواني
انتبهت كل تفاصيله
بشرته بيضه عيون كحليه...
حلكه صغير وشفايفه منفوخه ...
گصيره لابسه دشدااشه ..حمره ومرفوعه
طالعات رجليه بيض يضون
لابسه شيله خالته ..عبث
وطالعه خصلات من شعره بنيه تلاعب بشرته
وي الهواى
كملت. شالت ماي بچف ايده غسلت وجه
قطرات كامت تنزل من وجه تنگع وي خصلات شعره
نزلت رجليه بلمي تغسلهن
بيض وكعب رجله احمر ....
مبين وجه متعوب
كل هاي نظراتي وهيه مامنتبه الي
دنيت يمه بخطواتي متباعده
امشي واطول خطوتي حتى اوصلله بسرعه
جبل. هااا ..ابشري اساعدج بشي
دارت وجه الي وخرت خصلات شعره
الي نازله على عيونه بايده اليمنه
وخزرتني بعيونه وحجت بنبره عصبيه
-شكوو انت منو يمك منو طلب منك شي
على كيفچ ...ترا بس ردت اساعدج ماردت شي
جرت رجليه من الماي وكامت على حيله
لبست. نعاله
بسرعه وهيه مليانه غضب
رجعت باوعتلي وهيه تخوزر بيه
رادت تشيل گربه الماي
كتله ...لا ..لا اني اشيله
ابد ماخلتني جرته من ايدي وخلته على راسه وراحت
واني اعاين وراه ومبتسم
واشوف خطواته تمشي بكل ثقه
وخصره اليتمايل
انتبهت لنفسي اني سرحت وياه
لا ..لا ..هذا مو طبعي
اني بنات الديره هنه الي يتگربن يمي
يردن بس رضاي
اشو هسه نقلبت الايه
شبيك جبل. لا ..لا ..اصحه على روحك
انت ابن شيخ هذال
لاطخ عينك على حرمه
بس عجبتني. مبينه ام بيت
*******
غزل.مواليد 1960
طلعت من البيت. عفت اخوتي نايمين الساعه 8:00
الصبح
ماعدنه ماي اخذت الگربه واترس
من الشط
دنكت مليته. وغسلت وجهي
صح الجو بارد ..بس اني محتره من النار البگلبي
على اخوتي
اريد اكمل بسرعه وارجع الهم
اذا كعدو. ومالگوني شلون
واني الهم الام ..والاب ..والاخت الچبيره ..والاخ
رجليه صار بيهن تراب نزلتهن غسلتهن
حسيت صوت
صوت رجولي خشن
هاا..ابشري اساعدج
التفتت شفته لابس زي عسكري زيتوني
ملامح رجوليه. حواجبه متصلات كانو جسر صايرات
خصله من شعره نازله بين حواجبه
وتتمايل وي الهواى
هيبه طوله . وفيه مخيم عليه
چتوفه مليانه
سمار بشرته فاتح يميل للحمره
انتبهت. سلاح بلمحزم مالته ارتعبني الخوف
مانطيته مجال لبست نعالي
وشلت الگربه بسرعه ثگيله كلش تبدى نص الماي
بس ماهتميت
چنت بس اريد اشرد منه
گلت هذا ..يمكن. حزبي تابع للدوله
وهسه اذا عجبته ..ياخذني ماعده مانع
جبل*****
عافتني وراحت
وگلبي ضل يدگ دگات جديده وجهي گام يصبب عرگ
احساس غمرني مادري شسمي
رجفه احتلت جسمي
حتى نسيت نفسي واني اركز بتفاصيله
يووو خل ارجع للبيت
رجعت ...ومسافت الطريق كله صورته بالي
ومافارگتني ابد
شسمه يربي. اتخيلله اسم. يمكن اسمه جميله
ورده زهره
قمر لا. يمكن شمس.
مادري بس مبين اسمه حلو مثل شكله
فتحت باب الشارع
شفت ساره مرت حسين
خويه اصبلك غدا. ...
مانتبهتله شدكول
عفته وطبيت للغرفه عدي كاسيتات هواي
اگلب بيهن شفت كاسيت الياس خضر عزاز والله عزاز
فتحت بوابه الراديو شغلته
نزعت هدومي. وتمددت بلفراش
وخليت ادييه جوه راسي
وصافن بسگف
وسمع ياس خضر
اعزازز. اعزازز اعزاززز
الشوگهم. اخذني لشواطي اليل
يتبع. ...
بنات شجاجن. تره هو تصويت وتعليق شهل بخل هذا
كل بارت انزله يصعد المشاهده
فوك 400نفس اليوم والتصويت گوه يصعد للميه
والبارت الاول والثاني 20000المشاهده يادوب بس 200الي مصوتين
وهواي بنات يتابعن القصه ومامتابعات حسابي ليش ولچن 😭44howdaتابعني
اضغطن على هاي 👆راح يطلع حسابي اكو مربع دوسنه يصير ازرك. هذاهو. وشكرا 😂
يله تصبحون على خير