عائلة شيخ جبل (( الجزء الاول مكتمل))

البارت التاسع

السلام عليكم

عائله شيخ جبل
البارت التاسع
بقلم هدى حيدر 44howda✍️

گعدتني انتصار.
وهيه تهز متني. ..گوم جبل ابوي يريدك

گوه فتحت عيوني نعسان

-هاا ولچ شكو

-ابوي يريدك.

هسه ...شويه ..رجعت نمت

-شودگوم هسه يضل يصيح عليه

گعدت على حيلي وفرك بعيوني.
اي وعلي فتهمنه. هسه گايم

گمت فتحت الكنتور. طلعت جلابيه لبسته
ورحت للهول شفت ابوي گاعد
والعائله كله
ملتمه
دنيت يمه دنگت على ايده حبيته
وبست راسه
وگعدت يم اخوي حسين

شيخ هذال. مبروك الترفيع.

جبل بتسمت. وتفاجأة. منين درى ابوي اني ماگايله

الله يبارك بيك بويه ..بس شلون عرفت

باوعتلي امي ياااا....چايمه لاگلت لاحچيت..چاحنه اهلك اخر من يدري

جبل. اي يمه ترفعت صرت نائب ظابط

حسين. وهو يضربني على متني. اي بيه الخير خويه

اني. هم. لاحك انشالله على جيش وراك

جبل. تدري حسين اليداوم هناك يطلعله گلب ثاني

وجهت نظري لابوي. اي بويه ماگلت منين عرفت

شيخ هذال. خالد گلي

يبووو هذا خالد مايضمله سالفه ..

-اي هو اني مخلي مثل الحرس عليك

عفتهم وسرحت بعالم ثاني واني ذكر ذيج البيضه ام ام عيون الگبار وخصلات الشعر البنيه
اوفف بس وين الحظ واشوفه مره ثانيه
اله اتبعه وندل بيتهم وخطبه...

حسين. شبيك جبل من اجيت لسه وانت مو على بعضك
تلعثمت مادري شگله  هاا..هاا..خويه لا مابيه شي ..

گام ابوي لديوانيه لان هناك مكانه متعود ميعرف يطول الگعده يمنه

راح وراح حسين اخوي طلع
وامي والبنات خواتي وساره گامن للمطبخ

اني طلعت وگفت باب الشارع

اعاين على الزرع. جرت الصونده ورشيته
وصافن.
لحظات نتبهت. مفيظ الشارع بلماي
يبووو شبيك جبل راح تگضيه صفنات ...

التفتت ودنگت جاي اسد بلوله
سمعت صوت ندهلي
شلونك جبل. ..

التفتت لصاحبة الصوت خالتي بسمه

هله شلونج خاله تفضلي للبيت طبي
امك هنا
باوعتله ضحكت وذا امي ماهيه يعني مطبين

ضحكت وطبت ضليت اماشيه وسولف وياه

شعجب خاله جايه وحدج

اجيت بعد يخاله خوالك طالعين كلهم
ومن زمان ماشايفه امك

كلت اجي امره وشوفه شويه وروح

عفته طبت للمطبخ ...يم البنات وامي

ورحت للديوانيه يم ابوي

شويه واجه سلمان

سلم وگعد
سلمان. جبل. جيبنه استكان چاي
راسي يوجعني ..

باوعلته صفح ..كوم انت طب
صيح لوحده من البنات. سويلك چاي .. لو حاسب روحك غريب

سلمان. تخسي ماغريب اله شيطان ..

گام سلمان.

اخذله شويه واجه يصفن

وبحلگه حجي. ..يتمتم گام يجيب بلحجي منا وي ودي منا ..

سلمان. بويه. هاي ...منهو العدكم

باوعتله صفح.  ونته شلون. شفته

سلمان. انت شوبلله سكت منو الحاچي وياك اني سئلت ابوي.  انت مالك غرض

شيخ هذال.  منهي مادري بس خواتك ومرت حسين ساره

گام يحك يراسه واخذله صفنه. ..بس انه شفت بت غريبه. ..عدكم.   ماشايفه

ببگگت عيوني عليه وعگدت حواجبي . ..هاي خالتي. شبيه...

سلمان. احم...هاا. لا مابيه مبينه خوش. بت

ضحك ابوي.  تريد اخطبلگياه

گمز سلمان وضحكه شرت حلگه وبينن سنونه . اي والله بويه ياريت

نوب هو انتبه علينه نباوعله ونضحك.

دنك وسكت.

شيخ هذال. ماهگيتك هيچ ميت على العرس.

سلمان. چا. يبوي گبرت گافي

شيخ هذال. الي يسمعگ يكول شايب بعدك ...يصير خير ..انت روح للبيت هسه

گام سلمان طلع

وگلي ابوي صيح لخالتك

رحت للمطبخ ندهتله

سئلتني منو بديوان ..كتله ماكو احد

كالت امي انه اجي وياكم

اجن وراي ثنينهن

سلمت خالتي على ابوي

شيخ هذال.  تفضلي بويه اگعدي

گعدت بسمه بس هيه گلش تستحي عيونه مترفعهن ابد بعيون ابوي

شيخ هذال. اگلج بويه. اذا رحتي لهلچ

گليلهم اليوم الشيخ هذال وام جبل
يسيرون علينه بليل

بسمه. هله بيكم تنورونه والله بكل وگت ..

سلمت على امي وراحت.

---

وصدك خطبه ابوي لسلمان وماطولو بسرعه صار عرسهم

ومن ليلته حبلت

صار عدهم وليد يخبل
هواي تغير سلمان من اخذ خالتي تغير للاحسن ...

اني يوميه اروح لنفس المكان الي شفته بي

عسى ولعل المح طيفه
مشتاگله كلش اريد اشوف هذنيچ العيون السحرني

الى ان ايست گطعت الامل

مره رحت للشط. وبيدي سلاح مال صيد
گلت اگعد شويه
متواعد اني وجماعتي..نروح نصيد

واني كاعد شفته لا مو هيه ..امعنت النضر بيه كلش

اي هيه. واكفه ورجليه نازلات بلماي

بيومه الهواى عالي وموجات الشط تدنه يمه وترجع

وگانو تلامس اطراف رجله وتخجل ترجع

بهذيچ. الساعه گتله للماي هنيالك تكدر تدنه يمه
اني حتى نضر مامسموحلي اوففف

اني هم تعمدت اتبعد ختلت بين الشجر حتى تاخذ راحته  واشبع شوف منه

هيه باوعت يمنه يسره ماشافت احد

نزعت حجابه وهدت شعره. يبووو شنو الشعر الشايلته
تمنيت امد اصابيعي بين خصلاته وتلمسه

دنت للماي اكثر
اباوعله وتحسر. واشجع بروحي جبل تدنه روح يمه
شبيك ..لا ..هسه بس شوفني. تروح

شو خل اتشجع. واروح. واكله نيتي صدك اريد اخطبچ ..

رحت من ورى الشجر اتخنس چني بايگلي بوگه
تقربت اكثر

صارت گبالي..بس هيه مطيتني  مگفاه يعني متشوفني

تقربت ..حمحمت
احم. ..

التففتت الي گامت على حيله وتخطي بشعره باديه

حچيت على كيف. حتى ماخوفه.

شبيچ بويه. ترا اني مارايد شي والله

هيه شالت حجابه وخطت شعره

باوعتلي بعيونه وگلهن غضب. عبالك تضحك عليه بحچيك وهاي البندقيه البيدك شنو
وتاشر بصبعه

نتبهت لروحي صدك اني شايل بندقية الصيد

هديته بلگاع. واحچي وياه بتوسل
والله هاي مال صيد شوفي حتى ذبيته بلگاع

دارت وجه ورفعت اطراف دشداشته باديه
لان تنكعت وتسحل عليه
وعافتني وراحت

صحت وراه. اوگفي. وين تردين ترحين اصبري
ماراح اكلج والله

ماردت ضلت تمشي واني وراه. حتى البندقيه ماشلته

اصبري شبيج يابنت الناس

وكفت تخوصرت وراه الشجره
وفيه كله عليه
غرت من ضل الشجر عليه اريد اني اغطيه بفي بضلي،

دنيت يمه وياريت ادنى اكثر احس دگات گلبي تسرع اكثر گلما اتقرب منه
وحراه جسمي ترتفع

شوفي يابنت الناس اني نيتي صدك وياج
واريد اخطبچ ..

باوعتلي بنضرات كله جفاء وقسوه. ماعدنه بنات لزواج

هو شنو اني خاطب من بناتكم ودكليلي ماعدنه بنات للزواج
اني رايدج الچ. انتي

باوعتلي صفح ودارت وجه.
واني مااقبل ...

ضجت منه گلش

تقربت يمه. رفعت ايدي اليمنه خليته على شجره
وحجزته من جهتي اليسره طخيت وجهي يمه
ضربات  گلبي كامت تسرع صدري يصعد وينزل گمت اشهكالنفس گوه يمه جسمي ذبل
تغيرت حالتي موذاك الزلمه صرت اضعف يم عيونه
مديتي ايدي اليمنه جرت حجابه
وخرست اصابيعي بين خصلات شعره ورفعتهن عن متنه
احس حرارة جسمي گامت تعلى. وهيه مثل الطفل
بين اديه متتحرك جمدت من الخوف
حتى نفسه بعد ماسمعه
دنيت يم اذنه واشهگ ريحته اتنفسه

وهمستله  وصوتي يرجف. تذكرين قبل سنه ..
من شفتچ واني يوميه اجي بس حتى المح طيف منچ

وتالي ورا كل هذا الانتضار دكليلي مااقبل بيك

اني اريد ادگ بابگم واجيب امي وابوي واخطبچ
ماعندي نيه ثانيه ..

ابتعدت عنه كعدت بلگاع وگامت تشهك بلبچي
شعره نفتح وخصلاته الاماميه نازلات على وجه
حضنت رجليه ودنكت راسه

احس گطعت گلبي وهيه تبچي

گعدت كباله ..اعذريني مااريد انزل دموعچ كافي لتبچين

مديت ايدي لزمت حنچه ورفعت راسه

دموعه على. خدوده وخصلاته المتمرده نازلات على وجه

وخرتهن بايدي ثانيه وخليتهن ورا اذنه
مسحت دموعه

سكتت هيه حسيته مثل الي طمئنت الي

حچت بصوت مبحوح.  انت متعرف شنو ضروفي اني يتيمه وام لست ايتام

كتله وذا. جيبيهم. يمنه يصيرلهم حل خوما تبقين طول عمرچ الهم اولهم وتاليهم يكبرون ويزوجون

دنگت بلگاع وتحسرت. ..اني ابن عمتي يريدني

احس گلبي وگع ..سئلته بسرعه وانتي تردي

گالت ..لا
طمئنيت بجوابه گتله چا مو بكيفهم ..قسما بلله اعيشچ ملكه  وااشر على گلبي..هذا گلبي يصير الچ وحدچ انتي تملگينه.
انتي متدرين من يوم الشفتچ
واني حالي گله تغير
اذا ترديني صدك والله محد يمس شعره من راسچ لا ابن عمتج ولاغيره

سكتت ماصدر منه اي جواب ..

بس حسيت من عيونه اگو رضا ..

لحظات ضلينه عين بعين تباوع وچانت گلوبنه وعيونه تحچي...

شويه وگالت اني تأخرت لازم اروح للبيت

گلتله الله وياج.

چنت اتمنى ضل اكثر اصلا ..ماريده تروح بس مابيدي شي...

گلتله. شوكت اشوفچ ..

عيونه گلهن حيره. تحسرت ..مادري

گتله اني راح انتضرچ هنا يوميه

بعدلي اربعة ايام والتحق بلجيش
اضل هناك اسبوعين وارجع.

وهل اسبوع هم راح اتانيچ هنا بنفس المكان وبنفس الوگت

وانتي بگيفج اني ماراح اضغط عليچ ..
بتسمت ابتسامه مصطنعه وراه الف سالفة حزن مبينه
وراحت

ماوخرت عيوني منه لحد ماختفى سرابه ..

رجعت امشي. شفت البندقيه مشموره بلگاع همزين مااحد بايگه. ..جبل اصبرلك يومين حتى روحك هم تنساه....

غزل
***

رجعت امشي بسرعه للبيت

اخاف هذا يلحگني منين طلعلي

رجعت للبيت نزلت گربة الماي

احس راسي نفطر منه شفت اخوتي توهم گاعدين

سوتلهم ريوگ

ومكي معاند ميقبل يداوم ..عفته مالحيت عليه ..

تريك وراح يم اخوي صبار لبيته

واني بلشت بتنظيف البيت

ندكت الباب بدگه المميزه ...

رگض جاسر فتح لباب لحميده

جتي صباح العافيه

اني واكفه اغسل ماعين درت وجهي اله رديت صباح النور

دنت يمي وضربتني على متني حيل..هم سولفتلي والواحد

اخخ متني راح شجاج
شنو ياسالفه ...على سالفتنه مالت امس وروحتنه

لا يمعوده ماحچي المن اكول غير يذبحوني

عافتني وطبت ليجوه حميده

اشو هاي جابت فراش ومخده وجت ..

هاا خير خيه. شو جبتي الفراش

اي شبيج اريد اتمدد هنا ..

اي چا. هنا بلمطبخ. 

ولا مهتمه لحچي. فرشت الفراش وتمددت
تحجي وتاشر باصبع الابهام على راسه

والله البيت بيتي انام بلمطبخ بلهول بلمرافق بكيفي ..

ضحكت وسكتت عنه.

حميده. اي شكو ماكو.
غزل. والله خيه صافيه دافيه كلشي ماكو

حميده تحرك بديه وتحچي. اها يعني كلشي ماكو
شفتج من الثقب مال الباب طالعه من صباح الله خير
شعدج

غزل. چاونتي تگعدين من الصبح تراقبين الشارع

حميده.  ولچ مو اذا اطلع اخوتي يجنزوني
تدرين شسوت ثقبت ثقب بلباب وگمت اباوع بي للرايح وللجاي حتى مايفوتني  شي ....اكلج انتي لاضلين تلفين ودورين كليلي وين چنتي سافه

غزل. يااا. شجاج حميده تدرين بيه اني ماطلع
بس الصبح. كعدت والكالج الماي مگطوع
رحت للشط ترست الگربه واجيت

والله علما تريگنه اجه الماي...
----

مرت الايام ومكي التحق بجيش..

گلبي كله يمه

كمت افكر لازم ازوجه. اريد اخطبله وحده اخفف الحمل عليه

الزواج استقرار اله ولو هو هسه بلجيش هم صعبه عليه

مرت سنه واني اجنب. عزام كلش
وهو مااجه ولاحاچه اخوي صبار چان حچيه وتهديده كله چذب

فديوم چنت كلش ضايجه وروحي طالعه

حايره وين اروح اريد مكان بعيد عن البشر

طلعت الصبح رحت للشط

وصلت الهوى عالي عيوني چانن بس على الماي

نزعت نعالي ودنيت

نزلت رجليه بلماي حسيت الرمل تخلخل بين اصابيع رجليه

خمضت عيوني وتنفست هوى نقي خالي من الناس هوى نظيف ريحت الزرع على ريحت الماي

مخمضه واسمع هدير الماي وصوت امواج البحر تتعالى وي الهواى. وتدنى يم رجليه وترجع.
تنكع ثوبي
اسمع صوت اغصان. الشجر يهزه الهوى
صوت العصافير يزقزقن فتحت عيوني
على الخصن مسويات عش وبعدهن صغار وامهن جيب الهن اكل وهنه يتعاركن بيناتهن كلمن تمد منگاره
انتبهت يمنه يسره مااكو احد. ..

نزعت الحجاب وشعري طار بلهوى گانو چان محبوس واجته الحريه
وگام يتمرد

گعدت بلگاع ومددت رجليه بلماي

شويه ماسمعت اله صوت رجال

رفعت اديه خليتهن على راسي اخطي شعري ...

وكمت شفته نفسه ذاك ابو الزي العسكري بس هلمره لابس دشداشه ولاف غتره حوجبه مقوسات ومطبوگات لحيته محدده وي تقاسيم وجه شايل سلاح بيده ارتعبت منه

لبست حجابي مشيت بسرعه
ندهلي ذب بندقيته
وگلي نيتي خير اني يابنت الناس

وكفت جوه في الشجره وتشجعت وحاجيته

بس هو اصر ودنه صفط روحه عليه احس انفاسه ثگلت عليه وحراة جسمه تحسسني بدفو
اني خفت من شفته بهاي الحاله
بس لمحت بعيونه لمعه اول مره اشوفه

همسلي وصوته كله يرجف
. تذكرين قبل سنه ..
من شفتچ واني يوميه اجي بس حتى المح طيف منچ

وتالي ورا كل هذا الانتضار دكليلي مااقبل بيك

اني اريد ادگ بابگم واجيب امي وابوي واخطبچ
ماعندي نيه ثانيه ..

حسيت بكلامه صادق بس اني بياحال وني وين الحب والزوج. ..
گعدت عدت بلكاع واشهك بچي
اني يتيمه برگبتي ست ايتام مسؤله عنهم

گامت تتعالى صوت شهگاتي وتعلن ضعفي

بس كلامه اثر بيه وحسيت صدك اني من حقي احب وانحب
شفت من عمري
عمري گاضيته بس لخوتي وخايفه من عزام
من اني صغيره شلت اثم جريمه اني مالي كل دخل بيه...

صدك حجيه اول وتالي اخوتي يزوجون وكلمن يلتفت لحياته وي زوجته وجهاله

واني شنو مصيري حسيت كلامه صادق طالع من گلبه

لحظات ضلت عيونه وگلوبنه تسولف سوى
نزلت عيوني عنه

ورجعت للبيت مالتفتت لي ورى ابد.

حسيته مثل الحلم ولازم اگعد منه ...

(غزل الحب والراحه والاستقرا مو الچ
اكعدي اصحي على نفسج )

هاي الكلمات صداه يرن بأذني

جبل. ****

رجعت للبيت
امشي وبالي وعقلي كله اذكر بيه هذيج ام عيون الوساع ام شعر البني

امشي واوزع ابتسامات ودي اسولف لكل واحد اشوفه
واگله اني احب اني عاشگ

احساس جديد احس روحي اريد اطير ...
عوزي بس جناحات

اخذه واطير بيه لغير عالم اني وياه

وصلت للبيت سئلت امي وينه ابوي
تلگتني سلمى
شلته ابوس بيه

گالت والله مادري اشو اجه حسن صاحله
وراح بسرعه هو وحسين اخوك
نزلت سلمي
رحت بسرعه للبيت ام حسن مرت ابوي

دكيت الباب وطبيت

دخلت للهول واشوف. سلمان نايم بلفراش

بس مبتعدين عنه

جسمه كله حب ميبس احمر

ومثل الگشور صاير
حتى ماسلمت اجيت بوجهي عليه خيرك يخوي

صاح ابوي. جبل ترا يعدي

دگيت على صدري مواني الي مرض يبعدني عن اخوي

اباوع لخالتي بسمه شايله ابنه وتبجي

سئلت ابوي بويه جبتو دكتور كشف عليه شفتو شبي

تحسر ابو. اي

دنيت يمه حسيت ابوي ميريد احد يسمع

اي وشكال بويه

ماطانه امل بي بي ...جدري

صفگت اديه ودنگت راسي

احس گلبي گام يحترگ على اخوي

واني اشوفه يصارع الموت كدامي ومابيدي شي

دنيت يمه كعدت تلمست حرارته حار نار يفور

حاچاني وكوه الحچايه تطلع من حلگه
جبل يخوي جسمي گله يوجعني احس عضامي ومفاصلي كله متكسره

اوفف ....

يتبع ....

الي مامتابع حسابي يتابعه 44howda

معلومه ترا قبل مينطون لقاحات الي يتمرض بلحصبه لو جدري

ميلگله علاج