#اول_الغيث_مهرة
صبباح الورد يااورد،،،مشتاااقتلكم وربي 😥😓 وراح اشتتتاقلكم هووواي وانتظروني باجر بالبارت الاخير من قصتنة وصلوهة اليوم لنص مليون مشاهدة قبل منختم وفرررحوني، ،متابعة طيبة
البارت الثلاثون
فّيد عبدالله
مهرة،،باوعت لميار شلون تحجي بدلع وغيث مدنگ ميباوعلهة كملت كلامهة وواكفة قريب عليه كلش
غيث،،والله تعبان ومصدع اشوف مهدي يوديكم ماكو فرق
ميار،،لاعفية استحي منة انتة اخذنة حباب
مهرة،،اباوعلهة واكول وانتي هم تستحين يعني التلزك برجال متزوج شيسموهة هاي،،ابو يوسف يمكن يصيحوك بالاستقبال
غيث،،شو ماسمعت
مهرة،،لا اني سمعت مهدي يصيحك ،،باوعلي ابتسم وطلع
غيث،،من رخصتكم
ميار،،هسة شنو يطلعنة لا
مهرة،،حبيبتي مو سمعتي تعبان ولو جان بودي نطلعكم وتفترون بس عالجايات ان شاء الله،،باوعتلي ميار ومشت بس اني احس مشتعلة بنارر شجاج مهرة اثگلي من جهة تصيحين مااريدك وعوفني ومن جهة مشتعلة ناار اثبتي شتردين والله دوختني ياغيث صرت مااعرف شاريد من وراك،،كعدنة نسولف وميار عينهة بموبايلهة لحد ال12 وطبوا ينامون بالغرفة الجوة والولد بالاستقبال واحنة صعدنة بغرفة حوراء غرفة غيث سابقا،،فرشت ونمت اني والجهال بالگاع لان الجرباية ام نفر بس اكو ،،غفيت راسا بتعب كعدت متأخر نزلت اشرب مي اباوع باب المطبخ مامقفول باوعت من الشباك ماكو احد رحت للصالة باوعت غيث وصديقة ومهدي وميار كاعدين بالحديقة يسولفون عادي اشتغربت والله اكثر شي موقف اخوهة عادي يعني اختة كاعدة وتسولف وية شباب كدامة بوقت متأخر بس اتنرفزت ليش غيث كاعد وياهة صعدت انام بس وين طار النوم من عيوني كل شوية افتح البردة على كيف اباوع لسة كاعدين نص ساعة تقريب وگاموا سمعت صوت غيث دايصعد الدرج مددت مرتاحة مااعرف ليش، ،، اتوقعت راح يروح ينام بغرفة مهدي شوية وفتح الباب بهدووء اتقرب يمي وحسيت انفاسة قريبة مني يشتم برگبتي وشعري بهدوء ومبتعد عني حتى لااحس،،شوية وطلع من الغرفة والله ساعتهة نزلت دموعي كل هالحب البگلبك الي زين ليش اذيتنة بتسرعك ليش فرطت بية مو تدري اني شنو وشكد احبك ،،للصبح كعدت سويت الريوك وقليت الكبة الجبتهة ومخلمة حضرت كلشي وطب غيث جايب صمون حار وگيمر
غيث،،صباح الخير
مترة،،باوعتلة ابتسمت مااعرف ليش حبيت ابتسامتة ولمعة عيونة من يحجي وياية،،صباح الورد ورحت احضر بالچاي بقة واگف اني سويت روحي مشغولة ما درت وجهي عليه حسيتة وراية قريب كلش همس تعبتج،،كتلة واني دايرة ضهري تعبك راحة ،،مد ايدة وحضني من ظهري راسة على جتفي ما ابتعدت ولا وخرتة ماكو ثواني وسمعنة صوت ميار
ميار،،صباح الخيير
مهرة،،طفرت وهو طلع من المطبخ باوعتلي ميار وابتسمت
ميار،،العفوو
مهرة،،احمم لامصار شي،،جرت الكرسي وكعدت هي،،تتريگين
ميار،،مبين يحبج هواي
مهرة،،هاا قصدج غيث،،اكيد غير زوجتة
ميار،،بس حبة مامبين حب زوجة وبس
مهرة،،درت عليهة باوعتلهة،،لعد هو اليتزوج زوجتة تصير كل حياتة المفروض وحبة وجنتة وام اطفالة المن تزوج لعد
ميار،،وداعتج اكو يتزوجون وتشعل العشرة شمع وميستاهل فاللي يحبج ويدور رضاج هذا صدك اليستاهلج ويستاهل تعبج وحبج،،زين انتي تحبيه بكدما يحبج
مهرة،،اكيد زوجي وابو ابني
ميار،،تحبي ليا درجة
مهرة،،لدرجة مااسمح الهوة يمر بي ودرت وجهي احضر بالصينية جريئة بشكل جرائتهة تنرفز،،كملت واتريگنة وراح اخوهة وغيث جابوا السيارة لل11سلموا وطلعوا مااعرف ليش ارتاحيت من مشوا طب مهدي يباوعلي
مهدي،،حلگج راح ينشگ ضميلج ضحكة للعيد
مهرة،،ههههههه شبية مبتسمة عادي
مهدي،،اي ليش هالابتسامة الشيطانية لان راحت صگارتج بس والله تدوخ خو غيث تيه حلگة يمهة بلع لسانة هذا المايسكت صافن ويتبسم
مهرة،،عادي يحترمهة لان خطار
مهدي،،صدك فاتج بالليل من نمتوا مو طلعنة برة وهي اجتي كعدت ويانة واخوهة الطرن عادي يستمع لحديثهة وهي تحجي عن المشروع التريد تفتحة ومحل مال ورود وهدايا وكذا وغيث تدرين شبي
مهرة،،شبيه
مهدي،،كللهة اذا تردين اني اساعدج بالاوراق والامور ذني
مهرة،،هممم خووش خلي يساعدهة
مهدي،،يعني ماراح تتعاركين وياه حرامات عبالي نشوف فلم اكشن
مهرة،،يا سااتر مجرد صديقة عليمن ادوخ روحي
مهدي،،متأكدة شو اشتم ريحة شعواط
مهرة،،لاعليمن واثقة بنفسي ليش اغاار،،طب مهدي يهز بايدة ويگول
مهدي،،والله على نياتهة هالبنية هن نسوان لو بلة
مهرة،،شومااعرف ليش حجايتة نغزتني حتى فولت اعصاب بالله هسة اني شبية مو جنت اريد يبتعد عن حياتي ومالة علاقة ولاالي علاقة شو اتخبلت من البارحة والليوم حتى تصرفاتي مااحسبهة كل شوية ومفشلة البنية شتگول علية كلة من وراك غيث خبلتني والله،،اشتغل واحجي وية روحي كملنة واتغدينة ورجعنة للبيت لان اجوي بيت مصطفى وحوراء ومشترين اليردوه واني وراية دوام باچر طبينة المغرب غيث گبل نام واني طبخت غدة لباجر وحضرت شغلاتنة ونظفت بدلت وضفرت شعري رحت اكعد غيث شينومة بالليل طبيت للاستقبال كاعد و بيدة موبايلة من حس بية طفاه والتفت علية
غيث،،مساء الخير
مهرة،،مسااء النور باوعتلة صافنة معقولة دايراسل بميار
غيث،،شبيج صفنتي
مهرة،،لا ماكو تتعشة
غيث،،اي اسبح حتى اصحصح احس طافي
مهرة،،يلا،،طلعت حضرت العشا وكعدنة نتعشا وهو ياكل وبيدة موبايلة يبتسم ويكتب،،وكلت الجهال وكمت وهو مستمر يكتب شوية اكل خفيف وذبة وگام غسل اجيت داالم بالگاع واجتة رسالة باوعت ميار الاسم بس محتوى الرسالة مخفي احس اشتعلت نااار مااعرف شسوي رحت للمطبخ بسرعة كانه ماشفت شي وافكر مهرة شتردين بعدج تحبي اعترفي مو راح تضيعيه من ايدج انتي رجعتي لذمتة بعد وهو زوجج عليمن هالعناد بس هو جرحني هوواي . وارجع اقنع روحي انه اني مااغار بس اضوج ويمس كرامتي انه اني زوجتة ويصادق علية وارجع اگول هو احنة متزوجين مثل العالم اخر شي قررت اسكت لو هو يسويلي قدر وقيمة لو ماكو مو اني افرض عليه وابين روحي كاتلة نفسي عليه هم حتى متظلي قيمة ويجوز هسة هو يحبهة اني هيج بس راح اضيع كرامتي سكتت بس ما مرتاحة ابد تعبت من التفكير واحترك سكتة وهو ولايمة لازم موبايلة يگلب بي اخر شي رحت انام وگوة وكفت عقلي عن الافلام الجان يألفهة ونمت كعدت الصبح رحت للدوام طبيعي وبالرجعة مر هو اخذني بطريق الرجعة ودگ موبايلة هية باوعت لموبايلة وسويت روحي مامهتمة باوعلة وسواه صامت،،انفصل ورجع دگ،،حجيت وعيني عالطريق جاوب عادي
غيث،،مالة داعي
مهرة،،يجوز شي ضروري عادي اخذ راحتك اعتبرني ماموجودة ودرت وجهي عالجامة اباوع وهو مارد وظل عقلي يحلل ليش مارد اكيد اكو شي خاص بيناتهم وميريدني اطلع عليه،،وصلنة البيت نزلت وهو بقة بالسيارة شوية ونزل اكيد خابرهة،،احس نار تاكل بية بس. خاف فات الاوان لهاي غيرتج يامهرة واتأخرتي،،خلص هالاسبووع وهو موبايلة نادر ميذبة اغلب الليل عليه بس صدك اتنرفزت خابرت خالتي عازمتنة عالعشا بيوم الخميس صدك العصرية رحنة كشخت اخر حباية لان اكيد الكل راح يكون موجود لبست بنطرون جينز وقميص شوية طويل رتبت شالي وجاي البس اكسسوارات وسمعت يوسف بجة طلعت للصالة جان يريد ابوه يشيلة وهو دايربط بحذائة تكرمون،،تعال ماما مشط مهوس شعرك باوعلي غيث عقد حاجبة وخزرني
غيث،،روحي بدلي لااشگهن عليج
مهرة،،ليش شبي لبسي محتشم والبنطرون مو لازك هم غير خوانك مثل خواني
غيث،،اني على خواني لو بالشارع شلون تطلعين هيج
مهرة،،منو كلك اطلع هيج البس جبة فوگاهن
غيث،،عبالي هيج تطلعين
مهرة،،لاعيني اني لبسي محتشم خلي الشخلعة لست ميار،،باوعلي وابتسم ودار وجهة
غيث،،شجابهة ببالج هسة
مهرة،،هيج ماجابهة بس بقى ببالي لبسهة،،طبيت للغرفة بس اظل اكوم اعلس وافضح روحي،،لبست وطلعنة الكل موجود بيت طارق وميساء وحوراء مخبوصة بجهاز عرسهة المغرب بلشنة بالعشا نحضر خالتي گالت يشوون دجاج عالفحم برة وسمج وانتن اطبخن تمن احمر غيث يحبة وميساء جايبة جدر دولمة صدك واكفين بالمطبخ واني وميساء نحضر. اني حلاوة جكليتية وميساء تطبك بالتمن وطبت وسناء من باب الشارع تبجي وتعيط ولكم الحگولي،ركض الكل عليهة الا اني بقيت بباب المطبخ مااريد اتقرب يمهة ابد وهي كعدت بالگاع وتملخ بروحهة
ام غيث،،شبيج ولج تملخين بروحج صاير شي رجلج بي شي
وسناء،،ياريت لو جايبيه الي ميت ولا مسوي سوايتة
ميساء،،اي شكووو غير تحجي
وسناء،،اتزوج النذل اليوم عرسة جابهة واجة بكل صلافة حتى ماگلي ويگلي عاجبج عاجبج ماعاجبج ارگعي راسج بالحايط اني ارگع راسي بالحايط
ام غيث،،وجهالج وينهم
وسناء،،خليهم عليه خل ياخذهم لااريدة ولااريد جهالة وماارجعلة الا يطلگهة
مهرة،،مو شماتة بس فد بررردت بداخلي سبحان عدالة السماء شلون كسرتهة مثل ما كسرت بختي وتهمتني جذب وزور بعرضي،،طبيت لميت غراضي لبست جبتي واخذت يوسف وطلعت لاگتني هي بباب المطبخ باوعت خزرتني
وسناء،،شعندج جاية
مهرة،،الله جابني اشووف كسرتج مثل ماكسرتيني،،هدت علية ومااحس الا صوت غيث عااط
غيث،،وسناااااء ان لمستيهة ادفنج مكانج،،مهرة جيبي الجهال نروح
وسناء،،هيج يا اخوي تبيع اختك لخاطر مرتك
غيث،،منو كلج انتي اختي انتي ميتة بعيني من يوم ذيج دگتج شما يسوي بيج زوجج قليل بحقج ولااتدخل ولاافتح حلگي وانتوو كلكم تسمعون اليحجي ويتدخل لااخوي ولااعرفة الرجال مامسوي غلط ولاعيب ولاحرام المرة الماتنجرع تستاهل ينزلون مرة عليهة حتى تعرف الله حق،،يلااا مهررة كدامي
مهرة،،طلعنة وغيث ساكت طول الطريق ضايج ومقهور بس حقة السوتة موقليل هدمت بيت اخوهة وتهمتة بعرضة ونزلت قيمتة گدام الكل،وصلنة للبيت نزلت وبدلت اني والجهال وسويتلة كلاص ليمون،،اشرب يريح اعصابك
غيث،،رحم الله والديج مااريد ياذي معدتي
مهرة،،اسويلك لبن
غيث،،لا شكرا اخذي راحتج
مهرة،،خليت ايدي على جتفة وهمست حباب لاتضوج تتاذة معدتك
غيث،،الحمدلله على كل حال
مهرة،،بقة كاعد بالاستقبال يدخن حتى مااتعشة لليل اخذ اغراضة وطلع واتأخر ما رجع ظل بالي خابرتة ب12تقريب
غيث،،الوو ها ام يوسف
مهرة،،هاا ماكو شي بس ظل بالي عليك انتة زين
غيث،،الحمدلله زين يم الولد ببيت طارق شوية وراجع
مهرة،،براحتك،،سديتة وفرشتلة بالاستقبال ناموا الجهال واني بقيت بالي يمة لحدما حسيتة طب كمت وكفت بباب الاستقبال طب باوعلي
غيث،،هاي بعدج كاعدة اخذي راحتج
مهرة،،انتة زين
غيث،،شبية بوية روحي اخذي راحتج
مهرة،،رحت مددت راسلتني غصون عرفت بالصار حجيتلهة الصار حسب ماشفتة
غصون،،حوبتج هاي وذيج الادب سزز الثانية كون تشوفين وجهة شلون متشووه
مهرة،،صدك ولج وين شفتيهة
غصون،،رحت لبيت اهل قائد واجة ابوهة جايبهة وكعد يمهم باعتبار بيت اختة صح اختة ميتة بس يبقون بيت اختة وولدهة بي
مهرة،،امم
غصون،،جايبهة يدورلهة دكتور تجميل لج خدهة على طولة بالعرض جرح ومخيطيه ومثل المسحوب للداخل مخرب شكلهة والله حتى گلبي وجعني من شفت شكلهة
مهرة،،خطية مهما كان تبقى بنية والبنية كلشي ولا وجهة يتأثر تتخبل
غصون،،هي صايرة تتجنب تكعد يم احد وكلة ضامة الجرح بحجابهة الفهمتة من قائد الاطباءيحاولون يوخرون الاثر بس ميروح لان الخياط غلط مخيطيه
مهرة،،الله كريم،،جاي احجي وية غصوون وسمعت صوت غيث يتقيء بالحمام سديتة وركضت عليه ماقبل ادخل وياه للحمام سد الباب وسبح وطلع بس بالداخليات والمنشفة على راسة احس حتى مابيه يوگف ودايخ طب للاستقبال گبل مدد تعبان طبيت يمة كعدت بالگاع،شبيك غيث
غيث،،مابية شوية معدتي
مهرة،،عرفتة لان ضااج هو من يضوج تتدمر معدتة اباوعلة مغمض ونايم على صفحتة وجهة علية فتح عيونة بتعب
غيث،،اخذي راحتج
مهرة،،ما جان بودي اعوفة ولااگدر اعوفة ولاگلبي ينطيني اصلا لگيت مشاعري هي الغلبت علية تدنيت وحشكت روحي وياه عالفراش وخليت ايدي جوة راسة حضني من خصري حيييل وقربني عليه اشتم رگبتي ودفن وجهة برگبتي وغفة بدون مينطق حررف،،غفة رأسا بتعب اتقربت اشتم اذا بي ريحة شرب ماجان شارب من القهرر هيج دايصير بي واني احس گلبي وجعني عليه خاصة من شفتة شلون تعبان ومتأذي غفيت وسمعت صوت يوسف يبجي كعدت هو على نفس نومتة سحبت روحي على كيف شدد حضنة وهمس
غيث،،لاترحين
مهرة،،يوسف يبجي
غيث،،جيبيهم وتعالي لاتعوفيني
مهرة،،اممم جاية بس افرشلهم،،كمت فرشت وسويت ممية ليوسف وشلتة هو وحموود ورجعت نمت بصفة رأسا حضني وهمس
غيث،،اتأخرتي
مهرة،،اسفة ارجع كمل نومتك،،سحب ايدي ورجع لنفس وضعية نومتة وغفيت اني هم الصبح كعدت نايمة اني بحضنة وجهي بصدرة وهو حاضني بقوة عبالك راح اشررد،،سحبت نفسي من حضنة وهو بقة نايم بعمق وتعب عزلت على كيفي وطبخت ووين يلا كعدوا الجهال قريب اذان الظهر ياعيوني متبهذلين وياي بالدوام خاصة يوسف شلون انقهر من اشيلة وهو مطفي نعاس الجمعة يذبون روحهم،،بدلتهم ورحت للمطبخ احضر بالغدة التفتت غيث واكف بباب المطبخ صافن علية مبتسم
غيث،،صباح الخير
مهرة،،ابتسمت وكتلة صبااح النوور يلا غسل والبس بين مااصب غدة
غيث،،جوعان عبالك صار سنة مماكل
مهرة،،مو تتدلل اطيب تمن باگلة وتشريب
غيث،،مو خوش راح اخرررب اليوم وتالي الليل احير بروحي
مهرة،،شنو هاي ليش داتتخربط فدوة راجع والله قلقني وضعك
غيث،،تخافين علية
مهرة،،شلون لعد
غيث،،راجعت لما مليت من اضوج معدتي تتدمر السبب نفسي مو عضوي
مهرة،،دهدي اعصابك بس لا تتعصب وكلشي ترة ينحل شنو يومية هيج متخربط
غيث،،شوفت عينج القهر يجي لحد عندي
مهرة،،الله لايجيب قهر يلا راح اصب جاعوا الجهال ممتريگين
غيث،،رايح عيني
مهرة،،راح واني حضرت الغدة وهو خطية مبين جوعان بس مااكل هوااي يخاف معدتة تتخربط،،خابرة مهدي گلة عمي يمنة عمهم ابو حسين وجاي عالمود العرس وترتيباتة وطارق مموجود،،بدل غيث وراح وللمغرب خابرتني حوراء
حوراء،،اسمعي ولج عرسي خميس الجاي اذا مااجيتي من قبل الحنة بيوم ازعل والله
مهرة،،حووري ليش تضغطين علية تعرفين احبج بس مااكدر اتواجه وية اختج
حوراء،،يااا ولج يااخت من العصر اجة رجلهة وغيث گالة تاخذهة تكعد غصبا ماعليهة تربي جهالهة حتى امي سكتت وهي طلعت زعلانة فوك كل السوتة زعلت وراحت
مهرة،،ميخالف مهما يكون انتو اهلهة وملجأهة وين تروح لعد
حوراء،،ليش هية السوتة شوية لو احنة صدك اهلهة ماجان اذتنة هالشكل حتى عرسي الجان خرب بسببهة حالفة مااعزمهة ولاتحضرة
مهرة،،الله يهديكم تبقون اخوة وانتو بيناتكم،،اذا هيج تتدللين اجيج واني بيدي ازفج
حوراء،،فدوة لقلبج
مهرة،،لليل رجع غيث نومت الجهال لان ماناموا الظهر وكعدت بالصالة اتفرج تلفزيون وهو كعد يمي يباوع واجتة رسائل فتحهن ابتسم وبقة يراسل مبتسم اباوعلة وكمت احووس كمت للمطبخ جبت فواكه خليت يمة وهو ماكو مندمج بالموبايل ولايمة اتنرفزت من صدك شنو اني يمة مزهرية اكيد دايراسل بميار الحقيرة كمت للغرفة بعصبية ردت اطب فتت من يمة
غيث،،هاوين بعد وكت
مهرة،،ليش هو شيفرق اذا كعدت او لا انتة ملتهي بموبايلك
غيث،،الولد دايراسلوني
مهرة،،كتفت ادية لصدري،،الوولد ،،كل هالابتسامة وجماعتك يراسلوك عاادي غيث اذا عندك علاقة ببنية كول وكون صريح حتى نعرف احنة وين وصلنة بزواجنة،،عقد حاجبة باستفهام
غيث،،علاقة هههههه معودة علاقتيش اني مال هيج سوالف منو بحالي
مهرة،،ليش ماشاء الله معجباتك كووم اولهم ميار السحلت روحهة وراك،،طكهة بضحكة قووية وكام وكف قريب علية
غيث،،يا ميار شعندي وياهة. هاي اخت صاحبي شلون تتوقعين اسوي هيج
مهرة،،هي منطيتك المجال وماشاء الله اتصااالات ومسجات وسهرات كدام اخووهة بعد وين اخووهة بالموضوع اتقرب علية وهمس بابتسامة
غيث،،تغااارين مووو
مهرة،،مااغار بس...خلة ايدة على شفايفي
غيث،،اشششش تغارين علية وميتة
مهرة،،مااغااار كتلك وبعدين شنو هي واغار منهة
غيث،،والله تغااارين من اعصابج مبينة
مهرة،،مااغار مااغار بس مسألة كرامة مااريد تصادق واني على ذمتك اضوووج وانقهر
غيث،، ليش تنقهرين مو انتي كلتي كلمن بطريق وكلمن يشوف حياتة بعيد عن الثاني
مهرة،،هاا وانتة اخذتهة راس مال هالحجاية يعني عاادي رحت شفت حياتك يلا لعد اني هم خل اشووف حياااتي ،،باوعلي وجدحت عيونة غضبب
غيث،،شحدج انتي مالتي وبس سااامعة مالت غيييث وبس
مهرة،،بهذا قربة اختلطت انفاسنة باوعلي بحب ذبل واخذ شفايفي بكل لهفة و،،،،يتبع