#أول_الغيث_مهرة
فيد عبدالله
#بارت٢٤
مسااء الورد،،شلونكم اسفة اذا اتأخرت عليكم ايدي والله احترگت وكوة كتبت البارت باليسرة اعذروني هالايام حبابين واني احاول مااقصر وياكم،،متابعة طيبة
البارت الرابع والعشرون
فيّد عبدالله
مهرة،،التفتت حسين وراية ويحجي مبين عصبي بس ميحاول صوتة يطلع،،شداتحجي انتة حسين وين غيث شجابك انتة
حسين،،شجابني اجيت انهي كلشي، ،مو انتي تهددين اذا متجي للبستان افضحك
مهرة،،هاي شبيك حسين شجاي تخربط انتة
حسين،،والله مو اني الاخربط انتي الخربطتي كلشي حرامات انتي حرمتة لغيث جان عرفت شون اتصرفت بس تبقين عرض اخوي ومااگدر امسة،،بس هسة انة اگلج ممنوع ترسلين بعد اي رسالة ولا تحاولين تتصلين بية ان نعادت صدگي ساعتهة اگول لغيث
مهرة،،شبيك انتة شتحجي منو مخابرك انتة منو مراسلك اباوعلك اخ وبس ،،بس الظاهر جنت غلطانة
حسين،،هاا تنكرين اوكفي،،هذا مو رقمج هااا اقري الرسايل شوووفي هذا المحذوف تعرفين شنو هاي صورج الدزيتيهن ببدلة حوراء والقران استحيت اباوع انة خجلت ومسحتهن
مهرة،،اباوع وارجف رقمي هذا من رقمي مرسولة رسائل نصية ورسائل عالواتساب وجمالة صوري ياربي دخيلك بيدمن وكعت اني شصار احس عقلي واكف مدايستوعب شي،،بعدني بصدمتي ومااحس الا غيث سحب الموبايل من ايد حسين
حسين،،اوكف غيث مو هيج
غيث،،اسكتتتتتت نگس
مهرة،،ضربة على خشمة خلة دمة يجري ،،واني اتصفصفت واحس رجلية وحدة تضرب بالثانية من الخوف
حسين،،ماعلية انة والله اقرة اذا راد حرف عليهة والله حتى الصورة مسحتهة بسرعة فتش موبايلي وشوف
مهرة،،اباوع لغيث عروگ كصتة بينت يقرة ويتنفس بغضب شال الموبايل بوجهي وهمس بتعب
غيث،،تشوفين لو حافضتهن
مهرة،،والله العظيم،،خلة الموبايل بجيبة
غيث،،اششش طبي جيبي محمد بس وتعالي بسرعة انتضرج بالسيارة
مهرة،،غيث اوكف مو هيج والله والله مامسويتهة احجي وارجف حتى صوتي الناصي راح وبمكانة صارت تطلع صرخات وجع
غيث،،خمس دقايق اذا ماتحركتي اذبحج بمكانج
مهرة،،مااحس الا صوت حوراء وتدفع بية واباوع كلهة بالحديقة البنات والولد يابة موقف بعمري ماانساه احس الهوة اختفة
حوراء،،ليش هيج ولج مو حسبتج اختي وانتة انطيتك گلبي هيج اتأذيني الله ياخذكم ثنينكم ولكم ليش بشنو قصرنة وياكم، ،وانتي بالذات اخوية بشنو قصر وياج
