هذا البارت اعزائي المتابعين طبعا البارت ناقص بس ٢٥٠٠كلمه بس هي كالت نشري الهم خطيه على ماترجعلكم هي
#هدية_في_حي_الرجال
#بقلمي_زينب_العبيدي(الزينبيه)
#بارت٣٩
كمشت راسها الي انرطم حيل بطرف الحايط والدم يصب وغارت اعيونها باالدموع وفقدت الوعي
وهو كبالها فاتح عيونه دررره دره
اتخبل اتلوه شيسوي شالها وصاح على امه
يمااااااه جيبي عبايه الدرررره بسسساااع
اجت امه تركض شخيرك يمه شلك باالعبايه
-اكلججج جيبيها
-ياااء هاي شكون صاير بيهاا
-يمااه ااااانه مو جاااي اكول جيبي نعل راح تموووت دريتي
ركضت امه جابت عبايه الها وغطاها وقبل لايطلع كال مو تكولين الاححد فاهمه
لبسها عبايتها ونيمها ورى باالسياره
وطلع وهو باالطريق طالع من السلف وكف يم وحده من السيطرات
جان عذاب واكف وياهم
شاف اعناد
-ها خالي شلونك
-هلا خال هلا سولي مجال ابسرعه
-بس خلي يطبك هذا اللوري اعلى صفحه
شبيها عمتي دره (حجاها بخوف)
-مابيها شي
راد يفتح الباب ويشوفها صاح عليه
-كتللللللك مابيهااااا شي سويلي نعل خل اعبرررر
-لاتصيييح سد الباب حيل ركعه
-اوكف لعلمك حيوان بس ارجع
عافه وراح يتمشه ولاهامه سواله طريق لان خايف على عمته دره
طلع بيها للمستشفى دخلها وهو شايلها
خيطو راسها خطيه
ورجعها للبيت وطول الطريق هو يهددها ماتحجي شي وابينها وبين جتلت اخوها اتصال مو اكثر
هي جانت دموعها تنزل مابيها حيل اتحاجي دايخه وراسها يفتر
..................
رجع عذاب للبيت المغرب وخبر بيبيته هي جانت تصلي واني كاعده يمها
ضلت تطلم على فخذها وهي تكول يمممه دره يمه شخيرها وطلعت التليفون من جيب دشداشتها
هاج يمه هاااج خابري اعلى عمتها خل اعرف شبيها مدري شمسويلها المايخاف الله
-شنو مكتوب اسمها
-ام طركاعه ام اعناد ام البلوه الطاحت اعلى راسنه
خطيه حيل انقهرت وتدردم على اعناد وتلوب
اني اتصلت عليها
-ديرن يوم
-يبي يمه يبي
الووو ها خيه جاشبيها بنيتي شجرالها وماخذينه للمستشفى
-يااع ام هزاع اعلى كيفج لاسلام لا كلام شبيج مابيها شي
-خيه عذريني بالي مشدوه ويه حلت عيني دريه ونسيت كليلي شلونها وشبيها وين هيه خل تحاجينيي
-اعلى كيفج حجيه سمي بسم الله لايرتفع ضغطج مابيها شي حبله وداخت
-ياااصلوات صدك خيه حبله
-اييي حبله هدي انتي
-وينها خل احاجيها
-اطلعت ويه زلمتها كبل شوي من ردو يغيرون نفس اشوي
-هاا خوش من اترد خل تخابر اعلينه من ريلها
-صار الله وياج يم هزاع
-الله وياج خيه وسدت التليفون وهي تحاجيني وفرحانه تكول حبله وداخت
-يعني حامل ايي الشكغ للغب
عذاب جا وانه يمتى يصير عندي اخو حجاها وكعد كبالي يضحك
فتحت عيوني اعلى كبرهن عززه انت كلش مطلكها للمستحه
الحجيه ان شاء الله كريب يايمه يصير عندك موش واحد درزن
عذاب شسالفه يمه درزن جا ابوي ينطي كله باالجمله مايبيع مفرد
شمرت عليه مخده عززه بعينك كووم
-ههههه اخ احتركت لشتج هي هاي امخده لو جيس اسمنت يمكن عدالج مثل هاي لمخاد لنشوفهن باالتلفزيون تطلع منهن النعامه بنعامتها موش بس ريش لااا هاي مخده بسعاد للاثقال والاوزان الثقيله مستعدون لتجهيز كل صالات الرياضه
-الحجيه انهيم دارك يمكموع اعلى هل رطن حاطه حدر باطك
-حدر باطي!! بس انه ارطن من حدر باطي جا شطلع من حلكي ريحه
واني ميته ضحك على حجيه خبل بيبيته منين متطلع بحجايه يسويلها سالفه واصلا المخده جانت ديباج وخفيفه بس هو عيار ونشب وي بيبيته
لحد ما خلاها تصيح الللله وكبرررر كوم من يمييي اليوم يجي ابوك واكله اعليك يعلكك باالبنكه الهتلي السرسري الدايح ولييي منا
كام وهو يضحك اي ادري تكليلها كل مره تهددين ومن يجي تكليله عذيب زينة الزلم وتقرب عليها يبوسها
وهي تدفع بي عود ضايجه منه بس تضحك
-ششدعوه حجيه هسه انتي مامبيوسه صار زمان بس ابوسج تردين حديثه بت ١٥ ديله لاتستحين جن ماتدرين عود
ضحكت عليه وهي تكله كمع يعذيب موش فرخ ملج
باسها على راسها ايوه كده يمزه
ودار وانتي مامش بوسه منا منا جاموش مره ابوي
ضربته باالمخده انت يغادلتك كتله حتى تثكل
ورجع علي لمخده انجتلت هواي مامش ثكل هي كوه
وضلينه نتعارك باالمخاد ويركض وراي ومره اني اركض وراه
ضلت اتصيح الحجيه ولكم الله اكبر ارد اصلي شنهي شياطين وجيتوا وكت الصلاة وانت روح توضه وصلي لااكل لبوك ....خايب عذذيب ولك موش وياك
ولج نيسان يااع يمه مره شطولج استجني ولج
واحنه نضحك ونركض
لحد ماتعبنه وكعدنه ونضحك كام هو يلهث خ خل ا اروح اصلي الله لاينطيج ت تعبتيني موش بت زيبك
-ههههه اني هماتين خلي اغوح اسوي عشه ويه البنات
وطلعت كملنه العشه وصبينه كعدوا ع العشه بس لا الشيخ موجود ولا ابو عذب
سال سعيد جا وين ابوي و ابوعذاب
الحجيه هيله يمه راحوا البيت عليا يمكن كضوهم اعلى العشه اهناك
ارغد اشو ابوي وهزاع كثرانه روحاتهم البيت عليا مساع الصبح هم جانوا هناك
عكدتةحواجبي شكو يعني هناك حتى عليا احسها مو طبيعيه همست العذب خلي انغوح البيت عليا هسه وغه العشه اني وياك
-حتى ابوي يشلفنه الزحل
-اي عادي اتصل عليه انت وكوله احنه جايين البيت عمتي اني وبيلسان وناخذ عذغاء ويانه
-زين خل نكضي وانشوف الله كريم
خلصنه عشه عفت المواعين تغسلهن فاطمه
وصبيت الهم جاي واجيت يم عذاب كعدت
يله عذب اتصل
-شجايج اليوم شعندج ابيت عمتي
-مجايني شي بس هيج اني ضايجه اصلا
سحب تليفونه وكال امشي وطلع برى واني تبعته
اتصل على ابو
الوو
-الوو هابويه
-اكول بويه انتم وين ابيت عمتي عليا
-اي اهناك ليش
-انه راح اجيب بيلسان وعذره وجاين
-لا لاتجي احنه هلساع جايين
اشرتله كوله ميخالف
-اي ميخالف هذن ضايجات ويكولن حتى لو باالباب
-كتلك لااا لاتجي لا انت ولاهن وسد التليفون
-مايقبل
-يعني ليش ميقبل شكوو شبيها عليا
-مابيها شي ديله دخلي انه رايح يم جماعتي شوي واجي
دخلت وصعدت فوك الغرفتي صحت ع حواء اخذتها الغرفه راوستها بدلتها وهي هوايه فرحت وباستني
-انا والله احبج بيلثان
-واني هم اموووت عليج وح اجيبلج لعابه بعد وحذاء مال اميغات وكولشي
-اييي وجيبيلي حمره مثلج
-ههههه انتي طالعه غون سايد لا يكتلنه ابوج الحمغه من تكبغيين اشتغيلج
-اييي من اكبر اثير مثلج حلوه والبث مثلج
-انتي احلى من يميي تخبلين وبستها حيل
اكلج حوحو انتي كل يوم تجين يم بابا لو خاله احلام تكعدج وتكولج غوحي يمه
-لا انا احب بابا
-اي اعغف بس خاله احلام كالت حواء دتكول حواء تنقل كلامكم وكلشي تسون وتحجيلي وانتي كولتيلها بابا وخاله بيلسان يتغطون كل واحد الوحد
-لاا والله هي ثألتني وانا كولتلها
-اي بعد لتحجين حغاام ميصيغ الغب يعاقبنه وعيب واحد ينقل كلام واشياء ثانيه تمام حبيبتي
اذا سألتج بعد كوليلها ما ادغي مسمعت مشفت تمام لان حغام تغى ازعل عليج
-خوش ما احجي بعد لاتزاعليني احبج انا
شبكتها واني امووت على الاميغااات مثلج
-لبثيني بدلتي واثير مثل الاميرات
-لا هسه ح انام ولازم نلبس تغاك للنوم وباجغ العصغ نلبس البدله ونسوي شعغنه اني وياج ونصيغ اميغاات وبستها
-يله خلي انغوح انطلع ملابس النوم
طلعتلي اني بدله سوده ستان فوك الركبه كيموني كلشي مبيها
واخذت حواء الغرفه احلام
دكيت الباب
فتحت الباب فدوى
كلتلها اغيد اللبس حواء طلعيلي الها شي باغد
اجت احلام خيررر
فدوى تريد هدوم حواء
سحبت احلام ايد حواء وهي تكول الها تعاي يمه انه اللبسج
حواء ماما خالتي بيلثان كالت تلبثني
-منهي هاااي خالتج اشوو تعاي تعاي هاي ماتعرف شي خل اتستر روحها اول تردينها نوب تلبسج وتباوع علي من فوك لجوه
-تعرف ملابثها حلوات وحتى جابتلي بدله تخبلللل
اخذتها وسدت الباب بوجهي غميت ع الباب ثول
اخذت ملابسي ودخلت للغرفه بدلت ومشطت شعري وكعدت اكبال ميز التسريحه ادهن جسمي باالمرطب
دخل هزاع وسد الباب
باوعت عليه شفته يباوعلي واول مشافني اباوعله دار نظرات عيونه
اجه نزع دشداشته وخذه منشفه وطلع للحمام
كمت بسرعه لبست روبي الطويل وحطيت الشال وديت ملابسه ورجعت
حطيت مكياج عايشه الدور عسى ولعلى يحن او يبرد كلبه علي
٠
اجه للغرفه وره شوي وهو كامش ايد بنته ويحجي وياها
اجه وكف كبال لمرايه صار وراي لان اني كاعده جنت وضل يمشط شعره
حواء بابا شوف هاي بدلتي وركضت للكنتور مالتي فتحته وطلعتها
بيلثان جابتها تخبل
باوع هو الها باالمرايه ورجع يمشط الله تخبل حلوه مثلج
كمت اني اتبعدت من يمه شغلت التلفزيون وطلعت الحلويات والكرزات وحطيتهم ع الجربايه صحت الحواء تعالييي حوري
اجت يمي ناكل اني وياها وهو اجه اتمدد ع الجربايه يمنه
-اتفضل
-ما اشتهي ..خلصن وطفي الضوه
وكام يجيب اللحاف من الكنتور
-لتتغطه الوحدك بعد
رفع حاجبه وهو يشمر اللحاف ع الجربايه ويتمدد
كملت اني اليوم الكل ديكلي شنو صايغ ابينج وابين زوجج صاغ الكم بس ٤ ايام متزوجين ليش كل واحد ينام اللوحد
كلتلهم علمود بنته دتنام يمنه كالتي امك لتخليها تنام ابينكم بعد خلي اتنام يم ابوها وغطوها الوحدها
اضن انت كلت تصغفي طبيعي ولتبينين اكو شي ويمكن حواء حجت يم احلام واحلام بخوغ السوك مخلت شي محجته
التفت على بنته حوى بويه بعد لاتنكلين حجي مايصير بابا الينقل حجي الله يحرك اللسانه باالنار
همستله هي طفله واحلام دتستجوبها وتعتبغها مثل امها لذالك الكلام هذا ينفع مع الكل بس مع احلام محينفع لان شنو حتسالها هي حتجاوب لان تحبها هوايه
اتنهد استغفر الله يله بويه حوى روحي غسلي وتعاي نامي
كامت حواء شلت الاكل اني ورحت وياها اغسل الها واجينه نركض اني وياها للغرفه منو تغلب وتوصل قبل وطبينه نضحك
صاح اششش صوتج ياهوو ناس نايمه
فتح ايديه البنته نيمها يمه باالطرف وغطاها وصار هو باالنص
حجيت اني بداخلي يسس اجيبك اجيبك
حبي
طفيت الضوه فقط ضوه التيبلامب نزعت الروب الطويل مالتي وتمددت وتغطيت بنفس اللحاف اني ويا
بس هو داير وجه على بنته ويسولفون هو وياها لحد مانامت عدل نام ع ظهره وحط ايدينه فوك راسه اباوع عليه صافن باالسكف
اتقربت من يمه وحجيت بصوت هامس علمود حواء نايمه
هزاع والغب اني خفت اخسغك اني حبيتك هوايه والي منعني ما اكلك هو خوفي من فقدانك
التفت علي هو وعاكد حواجبه
كملت اني كلامي وبنفس صوت الهمس
بكغ مايعنيلي شي ولاغف كلبي من شفته ولا حسيت بنفسي اني بيوم حابته تغف هذا شنو دلاله ع ان الي كان بكلبي مو حب مجغد مغاهقه وبس ابد مو حب
والغب مبيناتنه شي حتى قبل لمن جنت انت ماموجود بحياتي يعني لا اتصالات ولاطلعات ولامواعيد وللحتى كلام مطول يدوغ ابيناتنه
كل السالفه ومابيها جان يلحكني للمدغسه اي صح جان يشمغ علي حجي
بس صدكني مجنت اجاغي اي ابتسم افغح لان كل مغاهقه يغضيها الكلام الحلو وانت تعغف هذا الشي وتفتهمه لان عقلك كبيغ
وبعدها اجوي هو واهله خطبوني ٤مغات
وبابا مقبل لان بعيد عن بغداد ولان كبيغ مقبل اني مجان بيدي شي اسوي غيغ انساه واهتم بدغاستي يعني الي بينه مو عميق باالنسبه الي
ولو مو مغاهقه مجان بسغعه نسيته مجان حبيتك بهذه السغعه وتعلقت بيك وغفضته وغفضت حجيه كله حتى ما اخسغك
-ماحجيتي شي جديد كل هذا اعرفه
-لعد شبيك وياي والغب مااحمل الي دتسوي بيه اغيد اغجع اني حبيبتك اغيد اسمع اشعاغك الحلوه اني يامه حلمت بهذه الايام وتصوغت ح اعيش احلا ايام ويه انسان مثلك عنده هل كم من المشاعغ و حنون اشتاقيتلك هزاع والغب اشتاقيتلك محتاجتلك
-من ايدج بيلسان الي صار من ايدج انه ماجاي احاسبج لان هو خطبج ولان جان يحبج بجنون وانتي تحبينه حب مراهقه
انه جاي احاسبج لان ضميتي علي وتبهذلنه هيج وانكسر كلبي وكلبج وطار واهسنه وفرحتنه باالعرس
انه ماطلبتج منج عترفيلي اذا عندج حب مراهقه لان انه ازلمه اعرف البت تمر مرحله مراهقتها تحب واغلب حبها يكون باالعيون وهل شي يرجع للتربيه والانضباط
واحنه نعرف تربيتج شنهي لو نسيتي حجي حامد شكثر كريب من عدنه صح متفتحه لجن نعرف اخلاقج
بس جان المفروض من شفتي الي صار وعرفتي نفسه الحيوان هو الي يوصلج وياخذج ويردج جان المفروض تجين وتكليلي بهدوء بعكل انتي منتي اصغيره تعرفين تحجين
ماراح اكلج شنهي ردت فعلي اكيدا ماراح اسكت وتمر مرور الكرام لجن جان اهون جان كلت هي تريد الخلاص مافرحانه للشغله هي رادت تتبعد عنه جان عرفت انتي شكثر شاريتني و وكف موقفج هذا جدام عيني
بس انتي لا باالعكس فضلتي اتسكتين وتخافين من ردت فعلي جا انتي مو تكولين انه انسان فاهم جان كلتي الروحج هل شي واجيتي حجيتيلي ولا صار الي صار
ولا حسيت بنفسي زوج بيناتكم ولا احترج كلبي وانه اتذكر كليوم اطلعج بيدي اله واصعدج
واتصل عليه اطمن اذا اجه عليج لو لا
واثاري انه نايم بشمس الظهر
انتي لو بس كايلتلي جان ماصار هيج
جان بعدتج من يمه جان نقذتج كبل ما يخطط ويدبر الغعلته
انتي مردتي كليبي وجايه ترديني ارد ولاجن شي صاير ارجع الج
الشغله معنويه اكثر من ماجسديه يابيلسان انه انطعنت من صديجي الي حسبته اخو وهم انضحك علي من حرمتي الي استغفلتني وضنت ماراح اكشف مضمومها
وهم حسيت باالنقص لاني ماكدرت احافظ اعليج
وحسيت باالاهانه يوم انمدت ايد غيري اعلى عرضي
تعبان هواي مو شي سهل واكدر انساه
ضليت ابجي واني اكله بس اني هم تعبت اي غلطت اعترف وداكولك من ايدي بس مو متعمده والغب اني غدت احافظ عليك خفت
هواي احيانا نتخذ قغاغات الغلط من خوفنه وبسبب المواقف الي ننحط بيها وماعدنه خبغه بيها
بس اني اتعلمت من الدغس والغب بعد ما اضم عنك اي شي تعلمت ونلجمت منه سامحني
اني هم نفسيتي تعبانه اني احس نفسي وحيده الي شفته اذاني هواي محتاجه واحد يعلمني و يغشدني و يواسيني ممحتاجه احد يعاقبني وانت اكبغ مني والحياة مغاويتك هواي اشياء اني مشايفتها عفيه اغيدك تعلمني ما اغيدك تعاقبني لأن خفت اخسغك لان احبك سويت شي غلط ودفعت ثمنه دموع و اوجاع بكلبي وبنفسيتي
احبك هزاع عفيه احبك لاتأذيني اكثغ وضليت ابجي بحركه وتفقربت منه دفنت وجهي بصدره وابجي واشهك بكلمه احبك لاتطلكني وتحرمني منك
هو ضل نفس حطته ما حرك ساكن
عفيه هزاع انت كل اهلي معندي غيغك الدنيه ذلتني اغيدك انت تحتويني
اتنهد ورى شوي عبر ايده علي وشبكني حيل وذب حسره شكت صدره
حجه وهو شابكني ما اطلكج ولا جنت امفكر بيها بس السالفه جانت جرت ذان الج حتى المره الجايه ماتعيدينها ولا تضمين علي سالفه جبيره مثل هاي
ضحكت اني ودموعي مغركات وجهي صدك يعني جنت دتخوفني
-اي بس هل مره اخوفج مره الثانيه تصير صدك
رجعت دفنت وجهي بصدره
.................
فرحتها جانت تسوى الدنيه صح جنت معاقبها باالهجران لجن جنت معاقب روحي اكثر منها عود ردتها جرت ذان الها لجن انسلبت روحي بهل جم يوم
تكلي احبك ماتدري انه محترج كلبي بيها
ومكسور خاطري اعلى الصار بيها واحس روحي ماكدرت احميها
ماحملت ادموعها وهي تشهك بصدري انه ادري هي بريئه منغير ماتسولف لجن غلطت ماكدرت امدد عقابي الها
من باب واما اليتيم فلا تقهر
ومن باب ارحموا عزيز قوماً ذل
ومن باب المسامح كريم وانه ابن ديوان ومن شيمتنه الكرم
ومن باب اعشكك حتى لوصرت الغلط نفسه
شبكتها اشم عطرها افيش شكثر مشتاكلج
بس لحظه بعدها ماتعرف بسالفه بنين شلون راح تتقبل هل جاهل هاي شنهي احجيلها وتقتنع
..........
لويش صافن اشبيك
باوع علي وابتسم شكالتلج الدكتوره
دنكت اني خجلانه موتعغف كالتلك عليا
ابتسم هو زين صدك مايصير اله الدكتوره تدخل بهل شي
هزيت راسي ايي
-هممم ولازم هم انتاني اسبوعين مادري شكثر ياله
-اييي
-ااااخ تدرين وكف بعيني عرضي وماردت اشهر بيج جان هسه بكر مات بااحقر الطرق بس للاسف ماكدرت احجي شي غير اكلهم هو خطفج
-عفيه لتتذكغ وتذكغني والغب كلبي يتكسغ واموت من القهغ اي ادغي صعبه عليك و علي بس عفيه تعبت لاتذكغني اني مناسيه بس ما اغيد نحجي بي عفيه هزاع
اتنهد هو وكمشني من فجي باسني حيل
وكطع البوسه وهو يكول هسه ليش تحاجينه لو مخليتها ورى اسبوعين وين اولي هسه انه
ابتسمت اني كلبني وصار فوكاي يبوس بيه بركبتي وبكل مكان ومن بوساته حسيت بحبه واشتياقه الي وبعدين سحبني عليه شبكني بايديه ورجليه من ظهري وهو يكول حسبي الله
ضحكت اني
شبكت ايديه
ونمنه
واني كلساع افز اتاكد منه بعده يمي وابتسم واشكر الرب وارجع انام
كعدت الفجر على صوت هزاع وهو ديصلي كعد
شفته ورى مخلص ضل كاعد كامش المسبحه وصافن مادري بشنو ديفكر
كمت اني لبست الروب وحطيت الشال
صباح الخيغ حبيبي
-صباح النور حجاها وهو بعده على صفنته
وردت اطلع للحمام
صاح علي تعاي عندي جلمتين وياج
-لحظه هسه اجي
رحت للحمام غسلت واجيت
جان ديطوي السجاده وبعدها راح اتمدد على الجربايه
فتحلي ايديه نزعت الروب والشال واجيت يمه جان يباوعلي وعيونه تمشي على طولي
يتبع......