هدية في حي الرجال

بارت ٤٠

يسعدلي متابعين شلونكم يابه🤗🙋‍♀️

اشكر كل وحده سالت عني حبايب واعتذر لان ما جاي ارد ع الخاص لكثرت الرسائل واني ماعندي وكت ابين الكتابه والبيت والاطفال

ملاحظه بنين الي ابيت عليا حالياً مو نفسها صديقه دره انما هو تشابه اسماء وبس لان باالحقيقه اساميهن متشابها لذالك اني طبقت هذا الشي باالقصه هماتين

٣٨٤٩كلمه قراءه ممتعه

#هدية_في_حي_الرجال
#بقلمي_زينب_العبيدي(الزينبيه)
#بارت٤٠

فتحلي ايديه اجيت  شبكني ونيمني يمه
تجه راسه على ايده وايده الثانيه حاط على خدي ويمشيها على كيف

يتنقل بين عيوني واني نفس الشي

لهفه لهفه لاتوزعهن دخيلك
ضملي لهفه..
شوغت البيبان دكه بجف حبيب
وكلشي يغفه..
النشفت ارياكه ويلوع من اليباس
مومريض هذا فاكدطعم شفه
اليكعد بليله ويلولي اعله النجوم
هذا ضايع منه صوت
ومن يسمعه بسرعه يغفه
اليحضن الجمره ورجيفه يهزله كاع
هذا مو بردان ....لااا
هذا رايد حضن ولفه
يلمشيت بكل حواسي
ضمني حيل وخلي ادفه

حط كصته على كصتي بيلسان انه بقيت وياج وماهزني شي والاخر لحظه  مانطيت بيج والاخر لحظه ما نزل كدر حبج بكلبي الاخر لحظه ردتج و
ضليت متمسك بيج احبج

ماهمني شي والهسه احبج ادري الحيوان الحبج حبج هواي واعرف شنهي علاقتج بي من ناحيتج جان طيش وباالعيون
صح احترج بناري وانه احجي هل حجي بس لان فاهم جاي اهدي روحي واعيد وازيد بيني وبين نفسي ان انه ماجنت بحياتج وما اكدر احكمج بشي من حياتج السابقه لنج تحت رعايه ابوج موش رعايتي صعبه احجيها وتوجعني غيرتي لجن العقل نوبات لازم يحكم

هذا ماهمني وضليت وياج لجن الجرحني ضميتي اعلي سالفه جبيره وانتي حدر جناحي وهاي كلبت كل حياتنه موش صح وهم سامحتج لاني احبج ومتمسك بيج

حطيت ايدي ع ايده وبسته بطن ايده
ابتسم هو وبعد راسه من ع راسي وكمل

لذالك انه مااريد اكون الناصح اليوعض ومايتعض ماانهاج لانج ضميتي علي وانه اضم عنج حتى نفتح اكلوبنه واحدللثاني حتى مايدشها الجذب والخيانه انه اريد اكلج شي وياريت تفتهمينه بعكلج موش تاخذين كلشي باالغيره لان مثل ماكتلج نوبات لازم العقل يحكم رغم الغيره تحرك

عكدت حواجبي شكو خوفتني
باسني هو ع حلكي لاتخافين مايتغير شي انه بس الج

تذكرين انه كتلج ام عذاب جانت اتريد تطلع بيت ابحدها وانه رفضت لان هذا بيتي وتعبت لحد ماسويته وياسبحان الله احبه جثير مادري شنهي السبب لان اجه بتعب يمكن ولان هي جانت مريضه وتصرع عايشه اعلى الدوه

وكتلج انه رفضت وموش هاي اول مره تطلب هيج طلب وجانت هي بوكتها حامل بحوى ماعليها شهر يمكن وصارت مشكله اعلى البيت و وصلنه للطلاك لان انه اتمرمرت وياها وماشفت شي حلو جيف اهلها متدخلين بيها كلش