جموح انثى
بارت 44
داليا المسلم
نيران € حاتم ❤️
حسيت بنص الليل على عتة بشعري وصوت حاتم ايكعدني
_ نيرران نيررران كاعده لو لا !!!
_ دفعت ايده وكتله عووووفني لخاطر ربببك عوفني
ضل يكرص بيه ما هتميت اله اخير شيء مل منـي وتركني
ونام
ضليت ما احجي وياه من يكعد ابمكان اكوم يسال ما اجاوبة
اعتزلت روحي منه العصر طلعت للحديقة كعدت بالمرجوحة
رغم الجو بارد بس احس جسمي مشتعل نار من القهر
ضليت اهز بكرم وهو يضحك يحلفني
_ لا لا ماما موحيل اودع
_ هههه لا متودع لاتخاف اصبر طلعت عمة بيدها تفاحة مكشره
لزمت المرجوحة
_ اصبري لاتهزي ولج ايخاف لاينهبط هااك بيبي اكلها كشرتها الك
اشرتلي ... اكعد بصفها وهي كعدت يم كرم تركت الحديدة مال
المرجوحة وكعدت بصفها عدلت شالي.... وضليت احرك برجليه
بتوتر عرفتها آتريد .... تحجي وياية على حاتم
دنكت راسها ودارت وجهة عليه مبتسمة
_ اشونج ...
_ زينة هههه ليش ...!!!
_ سؤال عابر هيج خوما ضربج حاتم البارحة
_ تؤ لا ماضربني كلتها وسكتت
_ يعني كم دوب تبقون هيج يوم... متصالحين واسبوع متخاربين
شوفي دحكي لكرم ماشاءالله دايكبر وراح يصير رجال لو وعة
على مشاكلكم شراح ياخذ اطباع عنكم ؟؟!!!!
_ ما نورجة نخليها بس بالغرفة بيناتنا
_ حبيبتي نيران يوم محد دايم لاأحد صح لـو لا !!!!
_ جريت نفس وهمست اي صح
_ لاتشوفيني أني وعمج مو جودين باجر لو غمضت عيونه
مالج غير زوجج ... وابو ابنج صح
_ امممم
_فا يابنتي حبيبتي انتبهي لبيتج ليش تخربي بيدج ما اكولج هو خير
لا هم مو خوش بس لو تجين للصدك انتي الي تتقارشين وياه
ولاعندج اسلوب سلس وية زوجج وج يوم تحايلي تمسكني جيبي
بالحيلة ترى عمر العنطزة ما سوت ابيوت ولاحوت زلم صدكي
ما زال يطلع ويمشي هذا ماينحلف ورى لان كلشي يكدر ايسوي
في سبيل يلكة راحته ان كان خبل اسايسة ان كان عصبي اصير
مي الي يبردا يعني اني منتبهتلج تاخذيلج ايام زينة وتسمعين الكلام
وتجيج ايام ماتلزمين اعرف تحسين بالوحده واعرف انتي عشتي
فري ومحد يكولج على عينج حاحب واشكال بنات مثلج عاشن بلا قيود
والهن حرية بس من اتزوجن لا اختلف الامر ليش كولي ليش
_ ليش ؟؟؟
_ لان البيئة الي عشتي بيها عد اهلج مو نفس بيت أعيالج لاا
حتى لو كانو بيت عمج كل واحد تفكيرة وتوجهة يختلف وحاتم
رغم دارس وطاب وطالع بس يبقى تحكمة العقلية الشرقية المتزمته
وانو المراه مالها غير بيتها وعيالها اكو زلم تنطي حق للمراه
واكو لا يكولون الله خلقها للبيت تربي وتوكل وبليل لازم تكون
حورية لزوجها وهذا كله من ورى مجتمعنا عادات وتقاليد
مثل الهنود هههههه جماعتنا مايحبون واحد يعصي كلامهم
وانتي الله يسلمج راس اعند منه وهاي راح ناكلها احنا بس قهر
_ ههه
_ ايي اضحكي وفرفشي انتي ضحكت البيت والله بس لو تبطلين
عرك حافظي على بيتج يوم محد الج غيرة صدكي شوفي يعني
انتو حتى طفل ما سويتو لان هو يشوف حياتكم مو صافية
تدرين اني وعمج دوم نحجي وياه لاحسبالج ساكتيلة وهو يكول
هي السبب لسانها عام عليها وانتي يا يوم صوت عالي وقلب خالي
_ الله كريم عمة
_ كومي صارت باردة لايستبرد ابني يممة وليدي
_ اخذت كرم وفاتت جريت نفس مقهورة على روحي لهدرجة
الغلط بيه اني وما اعرف اصرف اي صح اني السبب مااكدر
اضبط اعصابي ولا لساني اففف كمت دخلت وراها سويت العشه
وتعشينا مانتظرت حاتم رحت نمت قبل لايجي هو هم من اجه
ماكعدني بس حسيته باسني من خدي بليل وسحبني بحضنه حضني
ونام أني حسيت عليه بس سويت روحي نايمة
الصبح كعدت قبله بس اتحركت هو كعد سحبت روحي منه
وكمت حضرتله الحمام والريوك سبح وبدل وطلع هو وعمو
التهيت بين البيت والشغل وغسل الملابس كرم من بطلت تعافة
ورجع للروضة كلشي مابيه لعد اشبيك من داومت لو حظي
وضلينا اتلث ايام ما احجي وياه وهو كل شوية لو يصخرني
لو يسوي روحه مصدع وتعبان ويريدني افرك راسه مااهتم اله
اصيح لعمة اكولها تعاي ابنح مريض وهو يضل يخزر بيه
اضحك واتركهم واطلع سمعت عمو صاحه رحت بحجة امسح
المرر اسمعه ضل يحجي عليه لان تعارك وياية عمة كايلتله
كاله
_ يمتى اتسون بعد طفل ترى انتو داتكبرون ومرتك بطنها راح تبرد
ياب شمنتظر
حاتم ردله
_ الله كريم يابة بعد مو هسه نكبر كرم ياله
سمعت عمو كام رحت اركض للحمام اغسلة بعد العشا عمو كاعد
على الاخبار وكرم يلعب بملاعيبة يمة وعمة بصفة تكشرلهم برتقال
عمو كاللها
_ ترى ثامر اشترى سيارة وجابها بالباب
عمة كالتله
_ اي بالخير عليه بس كون مايطربك بيها عينك على ابنك
طلع كرم ورجع يركض كال لجده
_ اي جدو اشون حلوة كال اح افركم بيها
رن تيلفوني رقم ثامر
فتحت خط الو ها ثامر
_ تعاي انتي وكرم افركم بس لادكولين لابوية اخاف مايقبل
_ ههه اصلاً عمو يدري كاله كرم
_ خوش شكال
_ ماحجة دايضحك
_ ديله اركضي انتي وكرم شوفي أمي تجي
_ خوش سديته منه كلت لعمة
_ كالت لا يوم روحي أنتي تونسو
_ كمت لبست عباتي وصحت لكرم طلعت كاعد بالباب حاتم ويمة
ثامر اني فتحت الباب مال السيارة وصعدت وكرم صعد ليورى
ضليت ادحك من الجامة ثامر فات للبيت وحاتم اجه صعد وسد
الباب شغل السيارة طلع ضليت ساكته ودايره وجهي على الجامة
هو شغل قرص اغاني اغنية ما نام حالف لا مانام ضل يغني وياها
وكرم يصفك يصيح عرس عرس
ضل حاتم يغني
مانام حالف لاماانام بعيونك اسهر عشر اعوام
افراكك لان طير نومي
مشاتك اي مشتاك متعودت على هيج افراك اتعلمت
احضنك من يومي
عاط ايييي تعودت احضنك من يومي
_ ضليت ابتسم واني مغطية حلكي نصه الاغنية حيل وضل
يطبطب على رجـلي وكالي
_ نيران نيران
_ ماجاوبته ضليت ساگـته رجع طبطب على رجلي رد كال
_ نيران الشيخة شيختي اشبيها زعلانة يابة الشيخة حاجينة
_ درت وجهي وغطيت حلكي وضليت اضحك وهو هم كام
يضحك رفع راسه وضحك
_ اووووف ياضحكتج يابة كرم ابن الشيخة اشبيها امك
كرم كاله
_ مخبلة ماما ويضحك ويصفك
حاتم ضل يضحك عليه كال صدك احنا مخابيل
_ اخذ ايدي وشبك اصابيعة بصابيعي وعصرهن حيل و كالي
_ ابتسمي رغم سَخافه الحياة من حولك اضحكي و تألّقي
رغم بشاعة الواقع لا تتخلّي عن إشراقكِ وتفاؤلك وإبتسامتكِ
فقط ابتسمي ياجميلتي
_ درت وجهي عليه وضحكت لااااا والله ابتسم
ضحك وهز راسه
_ هسه اشون الشيخة تبقى زعلانة على كلبي
_ لزمتني نوبة مال ضحك كتله لااا والله مزعلانة اصلاً انته
طيرت ام الزعله رجعت اباوع للشارع مرينا من يم المول
كتله الله عليك حاتم نزلني هنا اريد اشوف شجايبين غراض
_ مو تدلل الشيخة تآمر أمر
_ نزلنا للمول دخلنا ضليت افتر وكايدة كرم حاتم وياية كالي
_ شيعجبج اخذي
_ ما شفت شي حلو هو راح اشوية ورجعلي بيده ثوب قديفة
بنفسحي طوخ وبي فتحة من الضهر طويلة مثلثة وضيق
وقصير يجنن وتراك لكرم وسيارة هم اخذله
_ هاا حلو عجبج
_ اي كلش حلو شاورني
_ البسي الية اليوم
_ لا والله سحبته من ايده اخذته عود ميخالف اشوف هو ردلي
_شتشوفين هو غير صارلي اتلث ايام مشعوط عليج تشوف هي
_ راح دفع الحساب وجايب حذاء وياه هم مشتريها
اخذ ايدي
_ يله امشي بعد تردين اخذلج شيء
_ لا مااريد رجعنا للبيت بالطريق ضل مشغل اغاني ويغني
وياهن وابنة يصفك
حاتم الله عليك اخذنا لبغداد هم انشوف عمة وهم ونسنه
_ صار تدللين الجمعة والله اخذج واونسج وشتردين اسويلج بعد
_ همست الله يهديك علية كرصني من رجلي
_ اخخخخ يلسانج اخخخخ
_ وصلنا للبيت نزلت دخلت وهو بقى برة اجوي اصدقائة
دخلت للحمام سبحت وشسورت شعري لبست الثوب وخليت مكياج
وعطرت الغرفة وطفيت الاضوية شغلت بس اضوية خافته
انفتح الباب وفات حاتم ضل مبتسم وعيونه عليه قفل الباب
واجه حضني وخرر شنو هاي احنا مو متزاعلين
_ شنو هاي ياب يعني الا نزعل ونتصالح يلة ربي يهديج عليه
واشوفج هيج كاشخة وحلوة
_ نترت بيه اكولك انته اشووون بيك ماترتاح اذا متسممني
شكو قابل كنت قرده ضل يضحك عليه وحضني باسني من شفافي
_ اهم شيء اعصابج خليج ريلاكس حبيبي يله تعاي شوفي
شجبتلج البارحة
_ وخرت منه وحجيت زعلانة شننووو شجبتلي طلع من جيبة علبه
وفتحها وطلع حجل كله فصوص ويرن با اللبس
_ اكعدي حبيبي
_ كعدت ورفعت رجلي على الجرباية لبسنايا
_ اخخخ ياب راح ياكلها لرجلج بس ممنوع ينلبس برة الغرفة
فهمتي
_ اي صار ضليت اهز برجلي حلو حاتم والله يجنن كمت افتر
واهز برجلي هو كعد وصافن علية ميل راسه وسبل عيونه
يخلخال بجدم خرخش "
يريحة مطره من تنرش
وكفت يمة اليوم شنوووو انته صاير مطرب وشاعر على كيفك
وياية وحده وحده ههههه اخاف داحلم حضني من خصري وكفني
بين رجليه
_ ليش أني شعندي غيرج بس أنتي تسرعنين هواي وتعبين كلبي
لا مريحتني ولا مريحة روحج كالبة حياتنا جحيم من وره لسانج
وعنادج راح اسالج سؤال
_ شنو قول ؟؟؟؟؟؟؟؟
_ يعني من طلعتي وزرتي انتي ما غلطانة ؟؟؟؟
_ اممم اي كعدت بحضنه وحضنته من ركبته خليت راسي
على كتفه اختنكت حاتم وانته مكضيها بغداد داحسها ضرتي
وكل حجاية وعطت لو ضربت لو غلطت أني هم تعبت ماعندك
سياسة وياية واعترف أني هم ماعندي سياية وياك
_ خوش الاعتراف بالخطاء فضيلة وانتي شجاعة بعيني ماطول
اعترفتي بغلطج وبنأن على هاي شجاعتج اني محضرلج مفاجة
حلوة
_ رفعت راسي من كتفه وسالته ابفضول شنو شنو الله عليك
شنوووو
_ ولج هي غير مفأجة ماتنحجي لما اتصير
_ عزززا حاتم شيصبرني احجي
_ ماكو كومي يله كومي اركصي اشوية ...
_ يبوووو عرب وين وطنبورة وين !
_ هههه شوف لسانها لج بابا صيري رومانسية اشوية
_ هو انته تنفع وياك الرومانطية هسه تقهرني
كتف ايده وضل صافن عليه ضايج لا لا حبيبي موقصدي والله
زلة لسان بسته بخده ورحت شغلت اغاني وضليت اتمايل
وية الاغنية وهو صافن رجع ايده ليورة ارتجة على الدوشك
وصفن عليه يباوعلي بذوبان
ضليت افتر لما وصلت لحضنة وكعت عليه
........................
عمة كلما اتشوفني اني وحاتم نضحك لو نسولف هي تباوعلي برضه
اخذت الجاي الهم ورحت كعدت يم عمة
عمو كال لثامر
اليوم حجيت وية عمك على اشواق طلبتها الك وكالي البنية بنتكم
كبع واخذ اتقفت وياه الخميس الخطبة باجر امك والبنات يرحن
يحجن بيها التفت لعمة صار معلوم ام حاتم باجر تاخذين
بناتج وترحين
_ صار حجي تدلل
_ هاا يابة ثامر مقتنع لو لا
_ ضحك ثامر خجلان كاله
هاي هي يابة الي اتشوفة موافق اني علية
_ خوش على بركة الله حضر روحك الخميس المشية مالتك وهم
نكطلعلكم مهر بعد حفلة وطربكة نسوان هنه يتفقن عليها
_ ثاني يوم اجتي حوراء حاتم كالي
_ روحي وياهن
_ لا حاتم مابية مصدعة اصلاً اني مااريد اروح راحت عمة
وحوراء من رجعن اتصلت عمة بزهراء تعزمها وعزمة خالة
رسمية هم تجي اخت عمة رشيدة
حوراء كالتلي
_ ولج فرحانة ومكيفة بساعة مطية موافقة لعمي قابلة
_ شكو منها غير ابن عمها هاي احنا الي توافق عليه نكول عدهم
علاقة والي ترفضة نكول تحب واحد هههههه حرنا شنحجي
_ معلينا هسه بهاذا الحجي شوفي انريد انطلع الفرق مال عرسكم
لان مسوينا شيء راح انسوي حفلة مهر وحنة وزفة ثامر ايريد
ابغداد بالفندق
_ شكو بيها يتهنون حقكم وحقهم جنات عزيز
بلشنا تحضيرات المهر عمة نزلت للكاظمية اشترت لوازم المهر
وجفافي نخلي بيهن جكليت ونوزعهن اجتي زهراء وعزمنا خواتي
اخذني حاتم اشترالي ملابس نفنوف وردي حلو مثل البدلة
وشال كالي ممنوع تنزعي ماريد احد ايشوف شعرج ولا ركبج
اكيد ياخذن صور وانتي هم ياخذج الواهس وياهن
سويت الي يريده ومكياج خفيف خليت يادوب همزين أني بيضة
ماخليت هواي الخميس صارت المشية والمهر الجمعة تلبيس الحلقات
خالة رسمية اجتي وياها بس حنة
بدلنا وخلصنا كرم لبس مثل حاتم تشيرت وسترة كاجول بنطرون
كابوي كملو لبسهم وحاتم يفتر يدقق على ملابسي
نيران بعد ما اوصيج ممنوع تركصين ممنوع اتصورين
_ صار حبيبي والله صار تددل وبعد شعندك اوامر
_ ماعندي اني بس اكعد اشوية واروح للمختبر كرم اخذا وياية
لايضل بالح لان ماأمن اعوفه هنا اخاف عليه
_ براحاتك اخذه
طلعنا لبيت العروس رغم هما قريبين بس ماقبل حاتم انروح مشي
اخذنا بالسيارة اني وخواته وخالته وبنتها وعمة وخواتي اصلاً
رايحات يم بيت عمو
دخلنا ونهلهل وعمة اطش جكليت زهراء وحوراء يهوسن من الباب
اني دخلت وراهن بس اصفك وخالة رسمية تكابلت وية عمة يهوسن
صارت مقابيلي جنات عزيز
اشواق لابسة بدلة بصلي ومكياجها حلو هي حلوة ومعانيها هم
رغم هنه سمرات بس حلوات بنات عمي رقية لابسة نفنوف قصير
وبارمة شعرها الي يشوفها يكول هيه العروس يله بلكي احد يخطبها ركصت ذبت لحم وتمشي واتصور حوراء كالتهن راح يفوت العريس
البسن حجابات فات ثامر لابس قاط حاتم النيلي وجهة صار مي عود خجلان
كل اشوية ماسحة حسيته مشك من الكلينس ههه صاخة صلخ
وهي بس تضحك ولا خجلانة لبسها الذهب وكصو صور اني
ماتحركت من مكاني بس كمنا وزعنا الجفافي ورحعت يم خواتي
كعدت اتصل بيه حاتم كال
_ رايح وماخذ كرم لايضل بالج
_ اوك عود وكلة اخاف ايجوع
_ صار يله باي
_ ضليت كاعده يم خواتي نسولف كمل ثامر تلبيسها الذهب وبدت
زهراء تاخذ الصور الهم جايبة وياها كامرة صاحوني وكفت
اخذت وياهم صورة ورجعت كمل وطلع ثامر
والله مكان عمة قدرية خالي
هناء كالتلي
_ شعجب ماجبتوها انتو
_ ما اعرف والله مسالت عمة احتارينا بالمهر من نرجع اسالها
ضلينا لليل بعد العشه سوو لفات كص تعشينا ورجعنا
طبيت سبحت وبدلت وبالي يم كرم بس لا يسهي عنه حاتم وهو حرك
مايكعد
سويت جاي الهم عمو وعمة والبنات وثامر بدل وراح لبيت عمو جنات عزيز
ابو مختار زهراء تضحك عليه
_ شوفن راح يسكن بيت مختار هذا ويفضحنه
_ يمعودات دعوفنه غير فرحان تره احلى ايام هي ايام الخطوبة
حوراء كالتي
_ ديله الي يسمعج يكول ماكو عشتيها مثل البنات لما كضيتيها نايمة
_ ههه اي والله كنت حزينة واريد بس انام حسبالك النوم يخفف عني
زهراء _ وهرر المطابخ على كولت عمة قدرية دكول الليل كله
يفتر ايدور عليها
_ عززا قدورة فاضحتنا صدك شعجب عمو ماراح جابها
صار لها هواي ما واصلة الدجيل
عمة كالت
_ على العرس تجي لو تروح وياهم للفندق لان رجليها متحسنات مسويلها عمج جلسات طبيعية وعملية زرع ركبة هم مسويلها
صايرة زينة كالت بالعرس احضر
اجه فائق ياخذ حوراء سويتله كهوة يحبها عدنا يكول بس ام كرم
اتسويها طيبة اخذتها اله كانن كلهن كاعدات خالة حاتم وحنة والبنات
اني قدمتها وطلعت لان حاتم مانعتي اكعد يمة مايقبل رحت
للمطبخ ضليت كاعده انتضر حاتم اشوكت يرجع صارت ١٠ يله رجع
فات كرم تعبان ونعسان اخذته للغرفة ابدلة نزعته وكلت اساله
كرومي حبيبي وين رحت
_ غير وية بابا للمختبر
_ اي ومنو هناك اشفت
_ ابنية حلوووو حيل حلوة بس اكبر اتزوجها ماما احبها جنات عزيز
_ عزززا بعينك وبعين ابوك منين هاية الحلوة كام يمثلي اشون
تمشي وشلابسة
_ مخلية حمرة ولابسة بطرون ودعدت ( كعدت ) يم بابة ضربت
ابره وتضحك وياه اريد اتزوجها ماما حلوة هواي
_ ضليت اضرب على رجليه صخام الصخمكم منينننن هاية
وللك منين فات حاتم شافني كاعده وكالبة وجهي وكف ينزع وعينه
عليه
_ ياستار ياربي استرنا اشو الدنيا مغيمة شكو !!!!؟
_ لا ماكو بس داضحك على كرم نزوول ضحكني اساله بله حاتم
شوف شيريد دنك عليه وكاله
_ شنو بابا شتريد !!!
جاوبة كرم
_ البنية الوياك بالشغل الحلوة اريد اتزوجها
_ ضل يضحك حاتم وهز ايده
_ شيطان انته بعد ما اخذك وياية متفيدك ياب هاي متزوجة
_ حسيت مي بارد ودارة على قلبي كمت بدلتله وديته يم جده
ورجعت لحاتم اريد اشوف شكو دايشغلي حلوات وياه
متمدد ونايم وكفت فوك راسة حاتم حاتم
_ هاا يابة شكو اشبيج تعاي بحضني
_ عوف الحضن هسه بس سؤلل بس سؤال اريد اطلعة
_ جواب فجريها للقنبلة
_ عود انته ليش اتشغل بنات وياك هاااا يعني متوب منهن
عدل كعدت واشرلي اكعد يمة كعدت كدامة
_ شكو بابا وشلي دخل بيهن بنات يجن مستجدات يتعلمن ويرحن شسويلهن غير شغل بابا شغل شغل هذا janat_51
_ ضربتة على صدرة وكمت وكفت اييي بس اني اغارررر
وانقهر هم ليش تحرك بكلبي ليشششش
_ وعلى شنو تغارين يا عيني هسه شفتي احد اخذني منج
شكد بطرانة انتي باب زرقي هذا نيران
_ اشكرك اني هم زمالة على شنو حاركة دمي ناس ماتستاهل
سحبني من ايدي لحضنة وباسني من خدي
امشي اطلعي يم البنات عيب كاعدات كلهن وسدي الموضوع
هاذا كبري عقلج عيب تصرفين هيج
_ ضليت خازرته تركته وطلعت رحت سويتلهن شامية ونسكافيه
وحنة تفتر يمي بحلكها كلام
_ اكولج نيران
_ قـولي
_ هذا زوج حوراء شنو شكد نظري
_ هههه اسكتي لايسمعج حاتم يتخبل دائماً محذرني من يجي
ما اطلع يمهم رغم الرجال يحترمني والله
_ اي صح هو ساكته بس من يصفن مايشيل عينة حسسني
أني عريانة صدك كذب عيون لو ليزر
_ خطية هو طبعة هيج مو متقصد يعني اشون دكولين سولة
بيه يدحك
_ اي والله اصلاً قمت منهم خفت حوراء تحس وتمشكل معا
_ لا عادي متعودة حوراء علية دكول عيونة طيارات ماكدرلهن
قابل اعمي ههههه
_ ثاني يوم الكل راح العصر اجاني حاتم كنت كاعده اني وعمة
وكرم يفتر بالباسكل بالحوش هو فات صاحني وره للغرفة
كمت رحت واكف دايبدل
صيحي لكرم وبدليلة وانتي هم بدلي
_ استغربت من طلبة ليش وين رايحين
_ لبغداد اونسكم وهم اريد اخذلكم صور قبل لانطلع البسي نفس
ملابس البارحة يله حبيبي بساع
_ وعمة تدري
_ اي أمي تدري شتدرين بيها تطلاع بلا ابوية يله عجلي
_ صحت لكرم اخذ ملابسة عمة تبدلة واني لبست بنطرون
وفوكاه مثل الثوب التور للركبة وخليت مكياج ناعم ولبست
عدسات من شافني حاتم ضحك
_ اي هذا احلى من الثوب بس مطلعج حلوة زيادة شوو انداري janat_5
_ ضليت افتر صفن وبعدين كال يلة ممبين شيء طالع قبلج اني
وين
_ طلع واني اخذت الجنطة ولحكته سلمت على عمة وصعدت
بالسيارة سالته وين رايحين !! ... حاتم
_ لبغداد اشبيج نتونس ونغير جو ونرجع بليل بالبداية نروح
لصديقي انطي المستمسكات خاطر راح اطلعلج جواز أنتي
وكرم
_ صدك فرحت ليش راح نسافر
_ اي مو كتلج محضرلج مفاجئة هي هاي
_ الله عليك وين وين تروح
_ لا خليها لما يخلص الجواز واكولج وبعد هم ما احجز
_ ودا المستمسكات لصديقة وطلعنا لبغداد طول الطريق
وهو مشغل اغاني هادئه وايدي بيده يدندن وية الاغاني
وصلنا لبغداد اخذني لمطعم حجي حسين تعشينا وبعدها
اخذني لمؤل المنصور ضلينا نفتر بيه اخذت كم حاجة اليه ولكرم
وحاتم اخذ عطر لعمو وعمة
من طلعنا طلبت منه
_ حاتم اخذني لبيت عمو اشوف عمة صار قيامة مشايفتها
خطية كاد ايدي والثانية لازم بيها كرم
_ لا حبيبي هم ياله نرجع للبيت واسبوع الجاي نجي
عليها لان مقداد وحوراء ويانا اتفقت يجون وأني هم عندي
شغل اخلصة من نجي
_ براحتك حبي الي اتشوفه
رجعنا للدجيل ا وصلنا للبيت الكل نايم حاتم خابر ثامر الي سهراً
يخابر بخطيبته فتحنا الباب همزين ماخذين لفات لكرم
اخاف ايجوع لزم العلاليك
_ شحبتواي وياكم تره متت جوع من الحجي افادي كام يوجعني
_ ضحك حاتم عليه ونطاه اللفات
هااك هاي حصتك بعدك بالبداية اشواجعك افادك استلم
منا ورايح تشلعة الك شلع
_ ضربته بالعلاكة على بطنة ودخلت للغرفة هو لحكني يضحك
اخخخ شلعتي مصاريني الخبيثة
_ تستاهل سحبت كرم بدلته كام يبجي يريد جده روح لازمتك
حاتم كالي
_ مو نايمين يولي انتي اخذي ودكي الباب خطية
_ وديته عمة فتحتلي الباب فوتته واني رجعت للغرفة
صدك فرحت وغيرت جو وخصوصاً مفاجئة الجواز ممصدكة حاتم
راح يسفرني وهو كل اشوية يسالني
— هاا حبي
تونستي !!!!
فرحانة !!!
مرتاحة !!!
واني كل ما يسألني ابوسة من هده وهو مكيف يضحك
_ اي ياب اهم شيء الدفع كلما يكون دسم كلما الجوائز اتكون قيمة
_ هههههه مو تدلل سهلة
......................... يتبع
جنات عزيز janat_51