الجدة: يمه وين بتي شو ماهي بغرفتهاا
ام اسد: حجيه يم اسد نايمه هسه صعدت وشفتهم
الجدة ; متوكدة
ام اسد: ايي موش گتلچ صعدت وشفتهم
الجدة بأستغراب: شعجب نيمها يمه
ام اسد: والله يحجيه مادري بلچت الله لنه هادي عليها مگرودة هاي ويتيمه
الجدة: امين يارب
طب اسامه ...
اسامه : حبوبه البطايق وين
الجدة: يم جدك ولك شسوي بيهن
اسامه: اريد اوديهن لجماعتي مو راح اخذ اجازة ليوم
ام اسد: چا واسد شوكت ياخذ
اسامه: ليوم همينه هوة وينه صدگ شو لسه ماجه غير متفقين نروح سوة
ام اسد: نايم فوگ
اسامه راد يصعد يگعده عاطت بي الجدة:
الجدة: وين رايح يمچتول
اسامه: وين يعني حبوبه اگعدة هم يلا نروح
الجدة: امشي غددي يلاا الرجال نايم ويه مرته
اسامه: مرته ? شني تقى بايته هنانه شوكت اجت
الجدة: موش تقى يلفهيم رمانه
اسامه بأستغراب: رمانه رفع حاجبه وبرطم بمعنى مادري وگال الله يهديهم گال وين الگه جدي هسه
الجدة: بلمضيف يمه الوادم
اسامه: ها خوش وطلع
....
ريمان: گعدت من نوم وگمت عن اسد وغطيته وطلعت لغرفتي غسلت وبدلت ونزلت لگيت بيبي وخالتي گاعدات
.. صباح الخير
الجدة وام اسد: يصبحچ الله بلخير يعزيزتي
الجدة: فوتي يحبوبه تريگي يلا
ريمان: اوكي بيبي طبيت للمطبخ اريد احمي الچاي سمعت صوت اسد وراي يگلي
اسد: سويلي وياچ ريوگ
ريمان: غير هوة ماياكل طبخي ? سويت بيضتين وطماطه مخلمه يعني وصبيت كوبين چاي وحطيتهن بصينيه وخبز ومي وطلعت للصاله گاعد يمهن مشيت حطيت الصينيه گدامه وگعدنه ناكل شويه ونسمع سلام سمر على تقى اني غصيت وگمت اگح اسد شال الگلااص يريد يشربني مي لان ختنگت شربت ولزمت الگلاص واسد همينه لازمة طب تقى وياها امهاا تقى چانت مبتسمه شافتنه راحت ابتسامتها وعقجت الحاجب مالتهاا گمنه نريد نسلم اسد بقى گاعد ماگام تقى سلمت على الكل وعبرتني ضليت متفاجأه ماسلمت علي غلست وگعدت اكمل اكلي اجتي نوب گعدت بصف اسد شويه وتگعد بحضنه سلمت علي وباسته بخدة هوة خزرهاا بمعنى عيب هيه ولاچنهاا تضحك وتسولف ويا وهوة مدنگ ياكل ويجاوبها ع گد السؤال
تقى: حبيبي چاا شوكت نروح
اسد: ماشوفيني جاي اكل اكيد موهسه خلكمل
تقى: يي حبيبي وهمينه فدوة نمر،للسوگ اكو شغلات ناقصاتني تعرف يعني عروس ومستلزمات هواي
اسد : يي بويه،اذبچ انتي وامچ بسوگ وارجعلچن
ام تقى: يعمه نريد نگدرلك تراك نووب نيشانك وحلقة هم
اسد: شلچن بيها هاي السالفه
ام تقى: بعد انت اعرف بلعادات وتقاليد
اسد: خووش يبه هاي هيه انزل وياكم ادللو
تقى: حبيبي انت
اسد : اباوع لريمان ساكته ومدنگه تاكل ادري بيها حترگت هسه بس شسوي كملت اكل گتلهاا بويه ريمان گومي حضريلي هدومي
ريمان: ردت اگوم حچت تقى
تقى: لاحبيبي عليش تعبهاا اني احضرلك ياهن
اسد: صعدت وصعدت وراي تقى ماريد افشلهاا امها گاعدة حضرتلي هدومي واكيد ماگعدت راحة لازم تتحرش بس ابد مانطيتها مجال مرات اضعف ومرات لا كملت لبس ونزلت نزلت وراي هيه تعدل بشاليها واني اصلا مادنيت يم شاليها ادري بيها على عناد ريمان
ريمان: ريت حالي من حال تقى امشي اعقد محكمه ويصير زواجي قانوني وشرعي واستقر ويرتاح بالي من المشاكل نزلت تقى تعدل بشاليها وهوة نزل همينه بكل كشخه وجمال وعطرة سابقه وهاي تعدل بهدومها يعني ادنالها يي يريمان يي هاي تقى مو انتي شلت صينيتي بكل اسف ورحت للمطبخ غسلت لمواعين سمعت هلاهل غمضت عيوني وگعت دمعتي مسحتهاا وكملت تنضيف المطبخ مشو وياهم خالتي وام تقى بقيت انضف اريد شي التهي بي موگلبي راح يوگف من القهر كملت تعزيل المطبخ مشيت للصاله بيبي متغطيه بشيلتها وغاافيه والبنات ماهنه شو گعدت وحطيت ايدي ع خدي شويه وطب ابن عمي علي اشرلي مشيت للمطبخ گالي:
علي: ريمان گالي اسد تحضرين روحچ لحتى اخذچ لبيتكم هناك
ريمان: صدوگ اسد گلك هيچ
علي : يي والله يبت عمتي زهبي روحچ بين ما اترس السيارة بانزين حته نروح هسه لان راح الوكت هم يلا نوصل
ريمان: ماشي رحت من يمه صعدت لغرفتي لميت ملابسي بجنطه واخذت فلوس من فلوسي خاف احتاج ولبست بنطرون اسود ويا بدي اسود فوگهن شلحي اسود همينه وشوز اسود وحجاب هل مرة شال بيجي لفيته تركي ونزلت اني وجنطتي وياي تلفوني بيدي لگيت علي گاعد بصاله يمه بيبي وجدو وياهم خوالي همينه سلمت على الكل وصلت الجدي:
الجد: يبة سامحينه والله مگدرنه نأجل العرس علمودچ ولانسويلچ عررس يبويه حالچ حال البنات اعذرينه ييبة گصرنه بحگچ هواي اعذرينه
ريمان: سكتت بست راسه ومشيت لبيبي حضنتني وبعدين طلعنه اني وعلي وصلنه للسيارة وگفنه صوت اسامه
اسامه: رمانه ديري بالچ على روحچ اني ماگدرت اجي وياچ ماترهم بس صدگيني اول ميخلص العررس اني يمچ اجيبچ واجي البيت مينطاق بدونچ وعلي خلمشي هسه وياكم واعوف العرس شتگولين
ريمان: ههههه امشي ولك تريد تعوف عروستك لابابا روح
اسامه: شبيچ اوصلكم
ريمان: لع محد عاتب عليك وراكم تجهيزات انتم بعدين تعالل ونبي اذا مصورت كلشي لحته اشووف سمعت
اسامه: كامرتي وياي لتخافين
ريمان: هوة هذاا عشمي بيك يلا الف مبروك وشايف كل لخير والسعادة بحياتك نشاءالله
علي: يلا وج تأخرنه
ريمان : امانه عليك خابرني
اسامه: ماشي يلا يبة الله وياچ
ريمان: صعدت بلسيارة واشرتله بمعنى بيباي اشرلي وطلعنه من البيت وصلنه الفرع لاگانه اسد وگف سيارته گدام سيارتنه ونزل واجه من جهتي فتح الباب
اسد: ديري بالچ على روحچ
ريمان: هزيت راسي بمعنى يي وگتله الف مبروك شايف كل الخير نشاءالله
اسد: ادري بيهاا بيها تحچي من ورة گلبهاا گتلها يبارك بيچ وهمينه ديري بالچ على روحچ
ريمان: نشاءالله
اسد : ريمان ردت اگلها اني اسف والله موقصدي اعيرچ ذاك ليووم بس سكتت
ريمان: ها
اسد: لاهيچ ماكو شي الله وياكم دير بالك ونت تسوق علي
علي: تأمر يبة يلا وخر سيارتك خلروح راح الوكت هم يلا نوصل هنا هنا بغداد
اسد: باوعتلهاا وهيه هم بعدين دنگت هيه اني سديت الباب مالت السيارة ورحت لسيارتي وخرتهاا عنهم ونطلقت ريمان لبغداد مثل واحد سحل روحي وراح ضليت تقريبا لمن عبرت السيارة يلا مشيت اني وكلش ضجت وياي تقى وامها وامي سألتني امي:
ام اسد: يمه چا ليش نزلت منساعه
اسد: ريمان راحت لبغداد
ام اسد : هاا سودة عليه ماودعتهاا
اسد: احسن
تقى : يي همزين راحت
اسد: باوعتلها بطرف عيني ورجعت باوعت ع درب گتلهاا ليش زاعجتچ بشي لازم
تقى تمتمت گامت: ها لا مو مسألة
اسد: اششش اگلچ من هسه سمعيني وگدام امچ وامي سوالف الضراير ماتاكل وياي لاعليچ بيهاا ولاتقارشينهاا سمعتي مو كلما اجي للبيت الگيچن مالخ الله وكليچ ماتكلفني اي شي بسرعه ثنينجن اطلگجن ومن هسه حذرتچ وقد اعذر من انذر هيه نخلست وصلنه للبيت نزلت اني وهنه همينه راحن تقى وامها لبيتهم واني وامي نزلنه طبيت للبيت ختنگت والله احسه اضلم وفارغ رغم الدوشة والخطاار البي صعدت لغرفتي غصبا عني دخلت لغرفتهاا شفتها مكتره ومعزلتهاا وفارغه ختنگت والله لبست بسرعه وطلعت من البيت كله
........ في الطريق __🚙
ريمان: چنت متچيه راسي ع الجامه واباوع للطريق لمن حچه علي
علي: راح تبقين ساكته هيچ مو راح انام اني ونسوي حادث ونموت اني وياچ
ريمان: عدلت گعدتي گتله والله انت قمبلة تفاؤل شجاك
علي: يي لو گاعد يم اخررس هم يحچي وياي ويگلي هبا ببا هبا با
ريمان: هههههههه منين جيب هذا الحچي انت
علي : من معدتي
ريمان: ضريف
علي: من زمان
ريمان: عرفني عنك
علي: شني ولچ متعرفيني
ريمان: منين اعرفك تعرفني يادوب ابن خالي
علي: يبة علي اني ابو الاكبر خاطب رشا شني متدرين اني خطيبها
ريمان: لع منين ادري گلتلي رشا مخطوبه لبن عمي بس محددت المن
علي: يي يبة الي رشا حب طفولتي من چانت بلمتوسطة حبيتها اني وحجزتهاا
ريمان: ليش انت شگد عمرك ?
علي: 29
ريمان : العمر كولة نشاءالله بس فرق بينك وبينها 3 سنوات
علي: يي
ريمان: زين انت شني وضيفتك هسه
علي: يبة اني مهندس وعندي شركات جدي بناهن وعندي نفوذ بدبي اسافر كل مدة لهناك شغل وارجع
ريمان: اها بتوفيق نشاءالله
علي: للجميع يبة وانتي شمكمله
ريمان: اني سادس وگعدت
علي: حرامات ليش
ريمان: مو ابوي ذكرت ابوي سكتت
علي: ماخلاچ تكملين
ريمان: نزلت دموعي هزيت راسي وگتله الله يرحمة ويسامحه
علي: الله يرحمة يي ريمان احچيلي كلشي عنچ حاب اتعرف عليچ وصدگي بينه مراح يطلع لاي شخص واعتبريني مثل اسامه صديقچ واخيچ همينه
ريمان تنهدت وگتله: شحچيلك ياعلي شحچي وشخلي بديت احچيلة كولشي حچيتله ماخليت شي ويه كل حچايه دمعه مني سولفتله ع الملهى وشون اجاني اسد وشون اسد ميثق بيه وشون يعتبرني بت ليل وشون اني احبه وهوة ميطيقني اصلا بقيت احچي وابچي
علي: خررب ر**** اسد دائماا متسرع بقراراتك
ريمان: بقيت احچي وابچي گلي
علي: كافي سكتي هسه البچي يفيد لو يرجع الميتين ترا مراح ضرين بس روحچ صدگيني حاولي تنسين ريمان الراح راح واحنه اولاد اليووم اليموت تبقى معزته بلگلب ودنيا ماتوگف على بشر والله صدگيني لازم نكمل حياتنه ونعيشهاا لان احنه نعيشها مرا وحدة ليش نضيعهاا بلحزن والهم والغم احاول اغير من نفسي من كلشي الميريدني شكو اني اريدة اذا اسد ميحبچ شكو تحبينه يعاملچ موزين اعامله بلمثل واهمله ترا الاهمال يرجع اكبر واحد لحجمه الحقيقي صدگيني انتي بيدچ تخلين اسد يحبچ وينسى بس شغلي عقلج شوويه موبس 24 ساعه تبچين ياريمان الدنيا موبس بس والله الدنيا اذا تريدنه نبچي لازم نضحكلها احنه ونثبتلها انو احنه اقوياء ونگدر نتحمل كلشي عندچ رب امشي اشكيله عندچ ليل امشي ابچي بي لتبچين ريمان
ريمان: شسوي علي شسوي ماگدر انساهم اههلي ذول اهلي شون انساهم وتريدني اكمل حياتي صح الدنيا ماتوگف على احد بس ماگدر علي هذولة اهلي امي وابوي ثنينهم حته ياريت عندي اخت او اخوو من ريحتهم خلوني وحيدة كلشي مااكو ماگالو بتنه وين تروح من بعدنه ياعلي والله تعبت والله ماگدر اتحمل اكثر من هيچ ماگدرر ودموعي شلال ينزلن
علي : ليش ماعندچ اخووان چاا اني وين رحت ثقي بلحسين يريمان اليرميچ بوردة ارمي برصاص واحسب الله ماخلقة اني اخوچ وصديقتچ وكلشي بس لاتخليني اشووف ادموعچ والله ماتحملهن هسه اگووم تبچي وياچ
ريمان: بتسمت
علي: يي هيچ اريدچ تبتسمين دائما
ريمان: منين ابتسم ياعلي منين متگلي الله يعيني علي راح اشوفه من تقى وسمر
علي: بله تقى تغار على رجلهاا سمر شبيها ?
ريمان ; اووف لعد غير ذاك ليوم هددتني وگلتلي بس تقى مرته لاسد وانتي بت ليل حته سمر گامت تگلي هيچ تخيل
علي: دخل تفتح حلگهاا وياچ وتعاي گليلي وحگ علي اكسر ضهرهاا نووب عليه سمرر سمر نوب
ريمان: يمعود نوب اسد يسمعلهن وتعاي يريمان اشبعي دگاگ وكتل من اسد
علي: وشحدة يجيسچ واني موجود
ريمان : يمعود هوة هذا مني يگدرلة بس الله يگدرلة
علي: على نفسة بس خليفكر يجيسچ
ريمان: شسوي ?
علي: اوخره عنچ يعني شسوي
ريمان: هههههههه
علي: والله مثل مگلتي انتي مني يگدرلة هذا بس الله
ريمان: لعد وين اخوچ واليرميچ
علي: چاا الحچي بفلووس الله وكيلچ بس يصير اسد عصبي اول الشاردين اني
ريمان: خههههههههه خرب يومك
علي: هههههه
ريمان : بقينه نسولف نووب ( طبعاا علي يشاقة من گلي هيچ انو ميكدر لاسد وشي لا اسد كلش يحترم اولاد عمه ويحبهم) وگفنه يم مطعم نزلنه تغدينه وطلبنه چاي شربنه رتاحينه ومشينه شويه وبعدين رجعنه صعدنه بلسيارة وكملنه لبغداد وصلنه تقريباا الساعه ب10 بليل واحنه طلعنه ب11 ونص الصبح ووگفت گدام البيت مالتنه حيل شصاير بيك الباب مزنجر والشجرة مالت الرورنج طايح الورگ مالتها وصايره مبيها اي روح مجرد هيكل والورگات متناثرة بلباب مثل الخريف طلعت المفتاح من جنطتي وعلي يمي واگف فتحت الباب ولزمت المقبض بيدي وفتحته وطبيت ليجوة علي وراي دخلت للبيت مالتنه وااااخ من طبيت نفتحت مسيرة الذكرييات عليه كل خطووة وياهاا الف دمعه وحسرة بقيت اباوع بارجااء البيت الي چاان الغباار ماخذ نص منه طبيت لغرفة امي وابوي وشفتهاا شون ع حطتهاا بس التراب مااخذهاا والعنكبوت من احچي البيت يصير بي صدى فكيف اذا صررختت ضلييت اصررخ بي ييمممهه بووويهه وينكممم وينن عفتووني ورحتوو ويينن مو جببل اني حته احمل فراگكم ليش هييج يالله لييييش دخيييلك يااعلليي دخييلك مااگدرر اتحمل بعدد دخيلك ياارررببببيييي دخييلللكك وگعت بلگااع. علي يمي چان حضني وسكتني كمشت بي من فانيلتاا وضليت ااشهگ وولك علي عافوني وحددديي وراحووو عاافووونيي ماگالو بتنه وين تروح من بعدنه ماگاالوو خااف الوقت يتعبهاا ماگاالو الدنيااا غدارة ماگالو بقيت ابچي حييل وهوة لازمني ويهدي بيه گتله عللي تعبت اريدهم والله اريدهمم گلي
علي: صدگ جذب ريمان گولي يالله انتي انسانه مؤمنه ميصير هيچ سوين انتي هيچ جاي تعترضين على حكم ربچ ميصير ياريمان ميصير ترحميلهم واقريلهم الفاتحة بدل متبچين لان لو تبچين منا لمن تموتين مراح يرجعون البچي ميفيدچ بشي ولايفيدهم هيچ انتي دتأذينهم والله گومي هسه اني وياچ نوخر التراب ونضف البيت ونصلي ونگعد نقرا الهم قرآن شتگولين
ريمان: هزيت راسي وگمت نزعت حجابي عادي ونزعت الشلحي بقيت بس بلبنطرون والبدي بدينه نضف اني ويا لل4 الصبح يلا خلصنه ماخلينه شي مانضفنا رغم تعبانين الطارمة غسلناها ولمينه الورگ منهاا وزگيت الزرعات چانن ميتات ومسحت الجام وغسلنه البيت وعدلت الغرف والقنفات همينه غسلناهن والحيطان وشبكات العنكبوت وخرناهن لميت هدوم ابوي وامي الي چانن ثريد صايرات من الفارة بصرة چبيرة وحطيتهن بلطارمة حرگهن علي وعزلت الغررفة وطلعت الفراشات همينه كلهن حرگتهن ماخليت شي بلبيت قديم اله وحرگته غاديت مرگ من الفارة مترهمملهن اي چاارة رغم يعز علي هل شي انو امحي احرگهن وهنه بيهن ذكرياتي ويه اهلي بس شسوي الحي ابقى من الميت كنست الرمااد ورجعنه غسلنه الطارمة اني وعلي نوب الكهرباء چانت فاصلة علي سواها شتغلت وشتعل نوور البيت غريب معطلان اي گلوب بيهن صار البيت يضوي ضوي رغم ماچان كله تراب الكاونتر يلمع وكلشي همينه الثلاجه طلعناها همينه وغلسناها من جوة مدنينه للكهرباء مالتهاا چان بيها اكل ف معفن غسلناها ورجعناها لمكانهاا كلشي صار بلبيت نضيف حته غرفتي كلشي نضيف گعدنه نوب اني وعلي بلگااع نلهث لان تعبنه حطيت راسي ع متنه وغفيت گعدت ع حركة بجيبي باوعت هذا جهازي صامت و221 مكالمة فائته ومسج من اسامه وجدو وخالتي والبنات حييل نسيت اني مطيه جهازي سايلنت هسه شيگولون باوعت لگيت علي منتچي ع متني ونايم خطيه تعب بعدين گعدته گعد هوة مشيت غسلت اني ورجعت گعدت ع الدرج وعلي مدد ويلعب بجهازة تصلت ع اسامه يمكن الرنه الاولى جاوبني گلت الوو اجااني مو صووت اعصاار طبلة اذاني نشگت:
اساامه: مننننننن اااااددددددگ عللييييييييجججج لييييششش مجااااووبببيييينننيييي هااااا
ريمان: صباح النور شبيك والله چنت مخليه جهاازي سايلنت ومادري بي نسيته
اسامه: وعليي همييينه مطي صاامت ولكم انتم شني من عقلية عقليتكم هااا ماگلتوو واحد يدگ علييينه يطمن علينه انتي تدرين من امس وليووم مانايمين بس ندگ عليكم حسبالنه بيكم شيي لو ماتدرين
ريمان: سودة عليه والله ااسفة مانتبهت للجهاز والله
اسامه: دنچبي اسفة ام حلگ هاچ هاي حبوبتي وياچ
ريمان: ضلت ترزل بيه وتبچي وجدو كذالك وكلهم سلمت عليهم ومطنتهم عليه انو اني مبيه شي الحمدالله وصلت هسه بيتنه كلها حاجتني خايفة عليه اله هوة هيچ حاچاني:
اسد: شلونج
ريمان: زينه الحمدالله وانت
اسد : زين اني ديري بالچ ع روحچ يبة هاي امي وياچ
ريمان: نشاءالله .... هوة هذا الحچا وياي وچنت متوقعه هل شي اصلا موزين منه من حچه وياي باوعت لعلي گتله:
ريمان: هسه مافهمت همه خايفين عليه لو يرزلوني
علي : تصير تصير بأحسن العوائل معليچ
ريمان: يمعود .. اگلك
علي: گولي
ريمان: جعت خلنگوم ناكل
علي: يلا گومي وهم نسوگ للبيت
ريمان: يي صح ذكرتني اريد اشتري كلشي جديد للبيت
علي: شون يعني
ريمان: يعني اريد اغير الصبغ واريد اصبغ الواجهة واريد اغير كولشي الاثاث الغرف كولشي اغيرة
علي : ومنيلچ فلوس لتحكين خشمچ ربع مانطي اني
ريمان: معليك يلبخيل عندي الحمدالله كومة فلوس
علي: اخيچ دينيني لراس الشهر واردهم الج
ريمان: تگوم والله ربع مانطي ضلينه نتناگر اني ويا صعدت اريد ابدل وهوة همينه چان جايب ويا جنطة لان عامل حسابه يبقى وياي طب يسبح اني هم صعدت لغرفتي القديمة فتحت الجنطة طلعت تنورة قصيرة سودة وتوربان بنفسجي ويا بوتين بنفسجي وسترة بنفسجي وياها بدي اسود وگلادة خنگ سودة وجنطة سودة حطيت نضاراتي على راسي ولبست تراچي سود ويه الگلادة وعدلت وجهي حطيت مرطب لوجهي وكحل همينه وحطيت عطر كلش هواي بحيث من امشي يفوح مني كلش طيب وهادئ وحمرة وردي فاتح وجهازي بيدي ونزلت لگيت علي متانيني نزلت اني صوفر هوة :
علي: عمي مني هاي الحاته الي راح تطلع وياي
ريمان: دمشي يلا راح الوكت
علي: اهووو راح تگووم تسوي علينه عااد امشي امشي الزرگة
ريمان: لو وحدة بعشيرتك كلها بجمالي احجي
علي: دمشي الزرگة
ريمان: طلعنه وقفلت الباب صعدنه السيارة ورحنه للمول اووف ريحة بغداد صالي شگد ماجايه لهنانه اوووف فتحت الجامه اشم هوى بغداد مدينتي واصلي هنانه فرحي حزني ضحكتي بچي كلها بدت منانه بغداد بغدادي امي حبيبتي ضحكتي كلشي هيه بغداد هواها يرد الروح ناسها طيبين وعلى نياتهم كلشي بيها حلوو شحچي وشخلي وصلنه للمطعم گعدنه نتريگ وشربنه چاي همينه ودفعنه وطلعنه رحنه نوب لماكسي مول شترينه كلشي اثاث بيت كامل اجهزة ثلاجه مجمدة قنفات غرف نوم كلشي شتريت علي يگلي المن هذا كله راح تعيشين هنانه للدوم لو شني اني اگله بعدين تعرف دفعنه وطلعنه رحنه شترينه اصباغ واجرنه عمال نطيناهن العنوان وراحو گدامنه علما نكمل مشينه نوب لمول النخيل طبينه شتريت ملابس اني وعلي همينه خذا الواهس وشترا طلعنه حطينه العلاليگ بجنطه ومشينه للاسواق سوگنه كلشي ناقص من مواد غذائية وبقوليات كملنه تحاسبنه ورحنه نوب للمول ضلينه نفتر شويه تونسنه ورحنه للبيت بليل لگينه العمال مخلصين الواجهة والله عمي زين بهل سرعه گالو راح نروح وباچر نرجع نكمل گنالهم روحو لازم نتخلص من كلشي موجود بلبيت نزلنه الغراض كلهن وبدينه اني وعلي نطلع بأثاث البيت راح نتبرع بي للفقراء همينه طلعنا كوله للخارج اتصل علي على سيارة حمل اجوي دليناهم بمكان موجودين بي مهجرين دزوو الهم فرغ البيت هل مرا صدوگ بقينه بس اني وعلي بي كترنه الغراض وگعدنه نسولف مشيت صعدت بدلت لبست تراك ونزلت لگيت علي لابس همينه تراك بقينه نسولف لمن غفينه گعدنه الصبح ع صوت موبايل علي گللوله احنه بلباب الماكسي مول جايبين الاثاث گمت اني لبست شالي وطلعنه بدوو يدخلون بلاثاث الجيران طلعت تباوع النه محد عرفنه حسبالهم سكن جديد اخذو وقت هواي بشد الاثاث كل غرفه شدو بيها الاثاث مالتها هوة جان غرفتين جوة وصاله وحمام ومطبخ واستقبال وفوگ بس غرفتي وهمينه صاله وحمام وتواليت يعني مرتب كملو تحاسبنه دفعت الهم كااش علي بقى صافن عليه ضحكت اني طلعو حصرني علي منين جبت الفلوس گتله ولك امي نطتني الفلوس شبيك گال ها گتله والله بدينه اني ويا نصفي بلغراض ونفرش بيهن وكملنه البيت كله حته الكاونتر جديد سويت وطباخ جديد وسنگي جديد وغيرت الفلتر كلشي جديد العمال اجوي كملو لصبغ وراحوو بقينه اني وعلي لليل نشتغل بلبيت سوينا غير شكل بحيث حته الثلاجه الجديدة والمجمدة حطينه بيهن المواد الغذائية لحوم ما لحوم مدري شني مخضر كلشي بمكانه گدوورة شوكات خواشيگ كلشي جديد يعني تگول صدوگ سكن جديد البيت صار يشهي ويضوي گعدنه ع القنفه اني وعلي گتله:
ريمان: علي كملنه كلشي واخيرا
علي: نهد حيلي وحگ ربچ لو ضال هناك اشرفلي
ريمان: صدوگ صالنه يومين هنانه هسه عرسو لو بعدهم
علي: اليوم احد للخميس يلا الزفة
ريمان: اهاا سكتت گلت الله يهنيهم
علي: جعت
ريمان: حته اني
علي: گومي خنطبخ شي ناكله
ريمان: نسوي سباغتي
علي: هاي هيه گومي يلا
ريمان: يلا گمنه للمطبخ بدينه نطبخ اني ويا صارت الساعه ب2 بليل احنه تونه نتعشه 😂 طبعا اني ماصلي يعني معذورة وهذا كافر ميصلي 😹 همينه كملنه تعشينه وغسلنه المواعين نمت اني بغرفتي القديمة الي صارت تخبل بلصبغ والغرفة التركيه الجديدة وعلي نام جوة بلغرفة الجوة
في مكان اخر ،،،،،،،،،
......
اسد: ...................