بنت اليل ( ريمان ) 🔞

آلَبۣۗـۙآرتۣۗ آلَسۣۗـۙآدُسۣۗ عۣۗـۙشۣۗـۙر

عدنمـآ تدخل حربآ ،، ضـد آلعآلم بأسـرة مـن آجل شـخص فيخذلگ  ،، هہنآ حقآآ تگتشـف آن آلآنسـآن يمـوت عدة مـرآت ويدفن مـره وآحده ،،

───✤◐►💜◄◐✤───

ثاني يوم بل7 بتوقيت البصرا والدنيا صيف وتموز وحارة گعدتنه خالتي صبحنه عليها وعزلت غرفتي ونزلنه ليجوة نشتغل وديجي ودگ ورگص ف حاجيت رشاا وتبارك لحته يحضرن ارواحتهن نروح نشتري ملابس هم يلا ف هنه بدلن واني همينه لبست هل مرا صايه وحجاب مترهم عيب وطلعت وبيدي تلفوني وجنطتي نزل عباس وگال يلا گلنه لخالتي وطلعنه صعدت اني بلصدر ورشا وتبارك ورة صعدن هم مشينه وصلنه للسوگ نزلنه نوب نشتري شتريت فستان احمر عنابي يخبل قصير وضيگ ومبي ردانات وسادة كلشي مبي ويا حذاء حمرا بلونه وكسسوارت ومكياج نوب ختاريت دراعه خليجيه لون اسود لماعي يجنن وياها البشت مالتهاا وحذاء كعب اسود همينه وكسسورات خليجيه والبنات همينه شترن كملنه صارت ب11 رجعنه للبيت لگيناهن مخبوصات ب1 ونص الحنه تبدي والبنات راحن للصالون اني مقبلت اروح مالي خلگ راحن رشا وتبارك وياهن بقيت بس اني والنسوان الاكبار وبيبي صعدت لغرفتي ذبيت الفساتين على الجربايه ونرميت ابجي حييل اخ يالله يعني هاي هيه راح يزوج بقيت ابجي بعدين گلت نجبي ريمان انتي تدرين بي من البدايه موالج ونتي حتلو على ذمته مستحيل يدنه الج او يعاملج ك زوجة اله لتنسين انتي منوو ريماان مسحت دموعي وگمت سبحت ونضفت جسمي هوة اصلا مبي شعر بس سويته وحطيت بوطرا لماعيه يخبل صار ولبست الفستان الخليجي يجنن عليه بديت احط بلمكياج سويته سموكي يخبل ورفعت شعري تسريحه وبرمت الگدام وعفته مشيوول كلش نازك صار وحطيت تاج ابيض ولبست الكعب ورميت الشال شون مجان ونزلت ويه نزلتي من الدرج صار بوجهي اسد بقيت ابوعله واني مبتسمه جان كل ضني ينعجب بيه او يسوي اي شي بس للاسف خابت ضنوني لمن دفعني وگلي وخري عن وجهي بقيت مصدومة هذا شبي شني تخبل دخيلك يالله لعد مني البارحة منيمني على صدرة غرغرن عيوني اهدي ريمان اوكي اهدي انتي اقوى اهددي تنفست ونزلت صارت الهلاهل الي گامن يطشن چكليت عليه ويرگصن اني مبتسمه جذب بيبي باستني وتصفگ وخالاتي يصفگن نوب گالو يلا نطلع والبنات هناك نلگاهن گدامنه ( طبعا اسامه واسد نفس اليوم لاتنسون ) همينه بيت شهلاء صعدنه السيارات ونطلقنه البيت شهلاء وصلنه ونزلنه نزلت بيبي وطبينه اني اگود بيبي وهيه تهلهل وفرحانه واني مبتسمه چذابي طبينه للصاله والانضار عليه توجهت وهلاهل وجكليت گعدت بيبي بنص شهلاء وتقى واني رحت اعدل روحي بلحمام كملت تعديل طلعت اجتني سالي گلتلي :

سالي: صدقة لربج شهل جمالل

ريمان: عيونج هاي يروحي بقن البنات يتغزلن بيه اني ابتسم الهن ومرات اجاوب ومرات اكتفي بأبتسامه گلبي معصور عصر يعني زوجت حبييبي وزوجي همينه گدامي واني جاي احضر العرس يربي صبرك بدت الجلوة وشلون تقى وشهلاء واكفات على الكراسي والبنات لازمات الطرحه وامهاتهن تطش عليهن ورد احمر جوري ويهلهلن بكل بساطه تمنيت اني بمكانهن وامي ويايه تمنيت امي ترگصلي تمنيت امي تصفگلي تطش علي ورد احمر تمنيت اسد الي وحدي تمنيت فقط تمنيت ،، گالو رح يجون العرسان لحته يحنونهن اني غصيت شويه ونسمع رمي وهوسات طبو اسد واسامه اني وگفت ورا النسوان علأ يشوفني بقيت ابوعلهم واصفگ شون وكفو هوة وياها وشون لزم ايدها وحط تصبعها واصبعه بلحنه شون باسهاا من راسهاا وحضنهاا گدام كل النسوان چاا اني شبية ليش محد سوالي هيج ليش موحالي حال تقى ليش اني رضيت بزواجي من اسد ليش ختنگت خنگتني العبرة حييل بحيث اريد اجر نفس مااگدرر حيل نهضمت طلعت من باب المطبخ واني ايدي على گلبي ودموعي انهاار واني اسمع الهوسات والصفگ اله ولاسامه جريت شالي وحطيته على راسي وطلعت چانو واكفين هوايه زلم طلعت من كتر البساتين اتمشى وايدي على گلبي وابچي وصلت يم ساجه متروسة مي والمي يمشي بيهاا سريع بقيت گاعده يمها وابچي چانت اكو شجرة يمي نتجيت عليهاا وغمضت واني اتذكر ايامي ويه اسد وشون يعاملني وشون يبوسني يعني يربي كلهاا هاي نتهت اسد صار موالي يعني الي سوا وياي راح يسوي ويه تقى ويمكن ازيد همينه يعني رح يدللها ويستتها ويهنيهاا بحياتها زين اني شبيه يربي ? ليش هيج ليش مكتوبلي شلاع الگلب واليتم ليش ليش اني معندي ام هسه اروح ارتمي بحضنهاا وابجي واشكيلهاا هم الدنياا ليش اني معندي ابوو يحاميلي ليش بقيت حطيت ايدي على وجهي واشهگ متت قهر يربي والله موحاله هاي والله بقيت هواي گاعدة ومغمضه لمن سمعت صوت الاذان حييل واني من ال2 الا ربع اني هنانه گمت واتمشى بطيئ وشالي مفتوح ومدنگه وامشي وجهازي بيدي صامت ضليت اتمشى بلبساتين تقريباا ب5 بساتين طبيت واطلع اضني تيهت والغريب انو ضلمه وابد مخفت سمعت صوت بزونه صغيرة تمووي فتحت فلااش وابوع الهاا يابعد روحي شون صغيرة جان لونهاا ابيض والله وزعنونه مشيت الها شلتهاا بشال مالتي خاف بيها مرض شي ولفيتهاا وضليت امشي وادعي ماتيه ولايجي واحد يخطفني وصلت لانارة مالت بيوت يي همزين هذولة بس شنوو وصلت للشارع واني بعدني بين الشجرات محد يشوفني اشوفلك العالم مخبوصه وكلهاا تخابر وشرطه همينه واكفه بيت خوالي واخوالي بلباب واكفين واسد واكف وايده راد بيهاا شعرة لوراا وتلفون علئ اذنه ويحجي بصوت عالي ومببين علي معصب واسامه گاعد وحاط ايده على راسه وعلي يخابر ابوع لجهازي هذا علي يدوگ عليه مدري اضحك مدري اخاف فتحت الخط گال الوو شفت اسد ركض علي ولزم الجهازز وضل يسب ويغلط عليه اني ميته من الضحك والله يالله شر البلية مايضحك سديته بوجهة واني اشوف تعابير وجهة وشون رگع الجهازز بلگااع اني ميته من الضحك ركب السيارة وركبو ويا اسامه وعلي عرفته راح يريد يحدد موقعي من الرقم مالتي اني طلعت نوب من الشجر جان شارع عاام واني امشي والهوى يلعب بشعري وبيدي البزونه وتلفوني وحاضنه البزونه بثنين اديه شافوني همه بس بعيدين عليه اني امشي يلا اوصللهم بعدني شويه عن الشجرات والبستان اسمع صوت نبيح من جهة اليمنى اني جمدت باوعت اشوفلك 6 جلاب بوليسي واني الله ركض للفرع الثاني وبيدي البزونه واصرخ عاااااا ولك اسددد الحگليي يمهه ولج يمهه حيهووم الحگوولي يمعودين وذني ورااي اني لبدت نووب يم الحاويه اسمع صوت رمي دخيلك ياعلي وسيارات شرطة يمه عزة مرن الجلاب اني نزعت الكعب مالتي العجيب شون ركضت بي لمهم مشيت اتخنس بعدني بداية الفرع اسمع نبيح وركض اني ركضت بأسرع ماعنددي طبيت بين البساتين يرربيي دخيلك اسمع سيارت شرطة وراي يربي شرطة،وجلاب ثنينهن نوب واحد يركض وراي اني اصيح بأعلي ماعندي والبزونه بيدي هيه والمبايل اركض اركض نجرحت رجلي وگعت على گصتي جستها وباوعت احس اكو شي يربي دم والله گمت نوب بقيت واكفة بمكاني محد يمي بس صوت الشجرات بليل وصوت الحشرات واني حافي گمت اصيح اسدددددد ويننك اسدددددد تعاللي بقيت ابچي بحرگةة وين ارووح يربي نسيت الجهاز عبني ثولة حضنت البزونه لمن حسيت واحد حضني من ورا وحط راسه برگبتي اني ماعت روحي وبعد محسيت بشي