Kiro
******
PAUNAWA:
Plagiarism is a cybercrime. Sige gumawa ka ng krimen kung ikakasaya mo ang pag nanakaw mo. Hindi lang sila ang niloloko mo kundi pati na rin ang sarili mo. Nais ko ring ipabatid sa mga mambabasa na ang mga detalyeng nakapaloob sa aking kwento ay kathang isip lamang. Ang anumang pag kakahawig ng pangalan, tauhan at kaganapan ay hindi sinasadya ng manunulat. Ito ay BXB na maaaring hindi naaayon sa panlasa ng iba. Kung hindi mo gusto ang ganitong tema ay maaari kang lumisan sa aking pahina. Maraming salamat po.
The Handsome Flower
AiTenshi
March 6, 2020
"129, eto sa gawing dulo." ang wika niya sabay bukas sa kanyang locker. "Oh bakit may red slip dito?"
"Ha? Paano ka nag karoon niyan?" pag tataka ko sabay lapit dito. Kompirmadong redcard nga ito.
"Siguro ay paraan ito upang iwelcome ang mga transferee."
"Bam, dito ka lang sandali. May pupuntahan lang ako." ang nag aapura kong salita.
"Teka, sasama ko. Saan ka pupunta?" tanong niya.
"Basta, huwag kang aalis dito. At huwag kang mag papaga gala sa labas maliwanag ba?" ang bilin ko sabay takbo para hanapin ang isang taong responsable sa pag bibigay ng red card kay Bam.
Part 15
Dahil sa galit ay nag dire-diretso ako gusali ng F4 kung saan nadatnan ko si Erjun na kumakain. "Mukhang mainit ang ulo mo." ang bati nito.
"Nasaan si Yuji?" tanong ko.
"Nandoon sa swimming pool sa itaas. Bakit ba?" tanong niya. Hindi ako sumagot, agad akong pumanik sa taas at dahil kilala naman ako ng mga tauhan ni Yuji ay hinayaan nalang nila akong pumasok sa loob ng paliguan.
Pag bukas ko pinto ay naabutan ko itong naka lubog sa tubig at sumisisid. Noong maka ahon ang kanyang ulo ay nagulat pa ito noong makita kong nakatayo sa kanya harapan. "Bakit ginawa mo iyon?" bungad ko
"Ano nanaman ang sinasabi mo?" tanong niya lumangoy ito papunta sa hagdan saka umahon. Inabutan siya ng tuwalya ng kanyang alalay. Kinuha niya ito saka pinunasan ang kanyang magandang katawan, naka suot lamang ng brief at ang kanyang ari ay halatang may kalakihan, naka bakat ang ulo nito, naka hulma sa tela dahil basa.
"Bawiin mo yung red card. Bakit pati si Bam ay binigyan mo nito?! Hindi ka naman niya inaano! Nababaliw ka na ba talaga?!" ang paninita ko.
"Dapat alam mo kung bakit! Dahil lumabag ka sa rules ng green card." sagot niya
"Rules? Walang ganon! Baliw!" ang sagot ko
" 40 minutos Blas. 40 minutos akong nanonood ng nakakasukang landian niyo sa ilalim ng puno Akasya. Akala niyo ba nakaka kilig kayo? Tumaas ang balahibo ko habang pinag mamasdan ko kayong dalawa."
"Ano bang pinag sasasabi mo? Bawiin mo yung Red card! Wag mo siyang idamay sa problema mo sa akin!"
"Bakit gusto mong bawiin ko? Boyfriend mo ba iyon?" tanong niya
"Hindi! Pero matalik na kaibigan ko si Bam! Wala siyang kinalaman dito. Bawiin mo yung sumpa ng red card! Ngayon na!"
"Inuutusan mo si Yuji Guarin? Nababaliw kana ba? Hindi kita susundin, isa ka lamang prinsipeng yagit!" ang sagot niya.
"Bakit kailangan mo siyang idamay! Sa akin mo ibuhos lahat ng galit mo! Huwag sa ibang tao! Lalaking may tama sa utak!"
"Ginawa mo iyan para sa kanya? Siya ang gusto mong makasama diba? Pwes mag dusa kayong pareho!" ang wika sabay tulak sa akin. Saka ito lumakad papasok sa isa pang silid.
"Kaysa tumayo ka dyan at manlisik ang mata sa akin, baka gusto mong tulungan yung kaibigan mo sa ibaba." ang wika niya kaya naman nag tatakbo ako sa bintana at dito ko ngang hinahabol si Bam ng mga lalaki may hawak na water gun at mga basura.
Noong makita ko ito agad akong lumabas sa gusali at mabilis na nag tatakbo para puntahan si Bam na noon ay patuloy na hinahabol. Alam kong ako ang may kasalanan ng lahat ng ito. "Alam kong nadamay siya sa akin lalo't ang kalaban ko ay isang nilalang na wala tamang pag iisip, isang halimaw at walang konsensiya." ang sigaw ko sa aking isipan sabay tingin sa bintana ng gusali kung saan naroon si Yuji, naka ngising aso at ipinakita pa sa akin red card sa kanyang kamay.
"Blas tulungan mo ko, bakit ba nila ako hinahabol? Bawat transfer student pa ay may ganitong initiation?" tanong ni Bam habang tumakbo.
"Basain niyo! Batuhin niyo!" ang sigaw ng mga estudyante.
Hinawakan ko ang braso ni Bam "Halika bilisan mo, dito tayo!" ang wika ko sabay liko sa pinaka likod ng campus.
"Ay ano ka ba naman Blas, ayan ang bagay sayo ang landi landi mo kasi. Kung kani kanino kang boys kumakapit!" ang sigaw ni Evan noong madaanan namin siya.
Bumalibag ulit ang mga humahabol sa amin, mga bulok na kamatis, kalamansi at kung anu ano pa, dahil nga nakaharang si Evan ay siya ang nasapol ng mga ito sa damit at mukha.
Napasigaw siya at nandiri sa kanyang sinapit. "Sorry Evan, kasi naman nakaharang ka." ang ako at muli akong tumakbo hila hila si Bam.
Noong makalayo ng kaunti ay nag suot kami sa gitna ng makakapal na halaman sa likod ng gusali ng F4. "Blas, ano ba nangyayari? Bakit tayo hinahabol ng mga lalaking iyon?" tanong ni Bam
"Sabihin na nating isa itong exercise para ikaw ay tumapang at mas tumatag." ang sagot ko. "Sshhh, huwag kang maingay dahil baka makita tayo." ang wika ko.
Tahimik.
Habang nasa ganoong posisyon kami ay may humintong magarbong sasakyan sa harap ng maliit ng parking area ng gusali ng F4. Noong bumukas ang pinto nito ay lumabas si Kiro at kasunod niya ang isang matangkad, makinis at napaka gwapong lalaki. Ngumiti siya at inayos ang kanyang gamit.
Mula naman sa back door ng gusali ay lumabas si Yuji, Erjun at Gavin para salubungin ang kanilang naturang bisita.
"Wow, si Biew yung sikat na model at hollywood actor. Grabe ganyan pala talaga ka husay ang F4." ang pag hangang bulong ni Bam
Siya nga si Biew Yamin, ang childhood partner ni Kiro. Mula dito sa aming pinag tataguan ay naaamoy ko ang kanyang pabango. Ang kanyang kutis na napaka kinis, ang labing mapula, ang magandang hubog ng katawan, ang kanyang kasuotan na parang isang prinsipe. Para siyang perpektong nilikha. Bagay na bagay siya sa grupo ng F4. Lahat sila ay gwapo, mayayaman at kilalang tao sa upper class. Kahit ayokong sabihin mainggit ay hindi ko maiwasang maramdaman ito. Napaka swerte nila sa buhay, lahat ay nakakamtam nila ng walang kahirap hirap.
(Biew Yamin)
"Kamusta na kayo lahat? Tumangkad yata kayo? At mukhang marunong na kayong mag alaga ng inyong mga sarili ngayon." ang wika ni Biew sabay tapik sa balikat nilang lahat.
"At ikaw naman ay masyado ka nang sikat ngayon Biew. Lalo ka nang di maaabot ni Kiro niyan." biro ni Gavin.
Nangiti lang si Kiro bagamat nakita ko sa kanyang ang kakaibang kinang na hindi ko maipaliwanag. "Ang mabuti pa ay kumain nalang muna tayo. Hanggang kailan ka naman dito Biew?" tanong ni Yuji.
"45 days lang, marami lang akong mga photoshoot at project dito. Tapos ay babalik na rin ako sa New York." ang wika nito.
"Bakit di tayo mag bakasyon sa New York this coming summer?" tanong ni Erjun.
"Pumupunta lang ako sa New Year para mag palinis ng sapatos. Kung minsan ay para mag dinner. Bukod doon ay boring na ito, gusto ko ng kakaibang summer vacation, yung malayo sa mga ginagawa ko dati." ang sagot ni Yuji habang lumalakad sila patungo sa ibang gusali.
"Mukha sila lahat mga artista sa telebisyon. Grabe yung looks ni Biew parang hindi na siya tao. Tingnan mo, pinag kaguluhan na sila ng mga estudyante." ang wika ni Bam
"Tara na. Habang nag kakagulo sila, tumakas na tayo at umalis dito sa campus. Tutal naman ay hindi na ako nakapasok sa klase ko." ang wika ko sabay hila kay Bam palabas sa gate.
"Mag ccutting classes tayo Blas? Diba masama iyon?"
"Wala tayong icucutting classes dahil absent na tayo kanina pa." ang wika ko sabay para sa taxi at nag pahatid kami ni Bam sa isang lugar na malayo sa campus.
Makalipas ang ilang minuto ay bumaba kami sa sea wall ng siyudad. Ito ang pinaka magandang tambayan ng mga taong nag papahinga tuwing araw ng linggo. Isang magandang senaryo na matagpuan mo ang iyong sarili na naka tanaw sa malawak na karagatan, pinag mamasdan ang lawak at ganda nito habang nilalanghap ang malamig at sariwang hangin katulad ng ginagawa ko ngayon.
Ang aking isipan ay malayo ang itinatakbo, halos hindi maalis akin ang kakaibang pakiramdam ng inggit habang pinag mamasdan si Biew at ang grupo ng F4 kanina. Alam kong masamang bagay ang mainggit ngunit tao lang naman ako at hindi ko ito maiiwasan. Nararamdaman ko ba ito dahil malayo sila sa akin? O dahil hinahangaan siya ni Kiro at naiinggit ako doon? Ewan, basta hindi ko nararamdaman na maliit ako, ngunit kanina habang pinag mamasdan ko sila ay damang dama ko ito.
"Okay ka lang ba Blas? Bumili ako ng miryenda at unumin natin. Nakaka pagod rin pala ang tumakbo ng tumakbo." ang wika niya
"Ayos lang, ako? Sanay na akong tumatakbo." ang tugon sabay kuha ng inumin. Binuksan ni Bam ang tinapay at saka inabot sa akin ang isa.
"Talaga palang mga elite at nasa upper class ang nag aaral sa EU. Hindi ko akalaing makikita si Biew Yamin ngayong araw." ang wika niya na hindi pa rin nawawala ang pag hanga.
"Ang pag pasok sa Empire University ay isang pangarap. Pero nakakapagod rin pala no? Minsan naiisip ko na baka hindi talaga ako bagay doon. Para bang nag pupumilit akong pumakat sa isang butas na hindi naman ako kasya. Pinipilit kong isiksik at ilagay ang sarili ko sa isang lugar na hindi para sa akin, kaya sa huli? Itinutulak ako palayo pero naka kapit pa rin ako kahit pakiwari ko ay ayaw sa akin ng mundo." ang sagot ko habang nakatanaw sa malayo.
"Dati ka pa rin Blas, masayahin pero kapag nag seryoso ay nakapa lalim. Masaya ka ba doon sa campus?" tanong niya.
"Masaya ako kapag nakaka survive ng isang araw." naka ngiti kong sagot ko.
"Dahil mayayaman sila at bully sila diba?" tanong niya.
"Tama ka doon." ang sagot ko sabay lagok sa inumin.
Napabuntong hininga rin siya at maya maya ay may narinig kaming shutter sound at may nag flash na camera sa aming likuran kaya naman pareho kaming humarap dito..
Laking gulat namin noong may makitang lalaking may hawak na cellphone at pinicturan kami ng harapan. "Hoy! Itigil mo iyan! Anong ginagawa mo!?" ang suway ni Bam
Nag tatakbo yung lalaki palayo sa amin kaya naman hinabol namin siya. "Bumalik ka dito! Bakit kinukuhanan mo kami ng larawan! Spy ka ba?!" ang sigaw ko.
Mas binilisan ko pa ang pag takbo hanggang sa mataranta ang lalaki at mabunggo ito sa nag titinda ng ice cream na kayang kasalubong..
Natumba ang lalaki, agad siya nilundagan ni Bam at niyakap ang kanyang mga paa para hindi siya makatakbo kahit nag pupumiglas siya.
"Bakit mo kami kinukuhanan ng larawan?" tanong ko sa lalaki sabay agaw ng kanyang cellphone para burahin ito. Pero huli na ang lahat dahil naipadala na niya ito.
Tumingin ako sa kanya ng masama. "Bakit?! Bakit kinukuhanan mo kami?!"
"Sorry po boss! Pinag uutos lang ni Master Yuji Guarin na sundan ka at ireport ang lahat ng ginagawa mo." ang wika niya.
"Ang abnormal na iyon!" ang galit kong sigaw.
"Ginagawa ko lang ang trabaho ko. Wala akong kasalanan!" ang wika niya sabay piglas, sinipa si Bam sa mukha dahilan para makatakbo siya ng malayo.
"Sandali! Naiwan mo tong cellphone mo!" ang pag habol ko pero sa halip na ibigay sa kanya ay itinapon ko ito dagat! "Gago kaaa! Sabihin mo sa amo mong abnormal ay mag tutuos kaming dalawa! Sira ulo siya!! Utak ipis!!!" ang sigaw ko.
Itutuloy..