مفاتيح الزواج

الخيانة اثناء النفاس

الكثير تشتكي من خيانة الزوج في وقت النفاس
ف تحقد على زوجها هي تشيل هم النفاس
ولا تفرح بالمولود
ولا تقوم بهالضيوف الداخلين والطالعين
وذا 👲 قاعد يسرح ويردح
.
ايش السبب؟
لما تحمل الزوجة تتوحم او تتنسى
ف تحوم كبدها من زوجها غصصصصصب ف تمسكه من زمارة رقبته وتستلمه عصبيه وهواش وهششش 👋👋
.
اهم شي في هذي المرحله الحرجة انك تعلمينه ان هذا الامر خارج من يدك.. وتمسحين على راسه، وتحطين عيونك بعيونه وتطلبين انه يتحملك.. كلها فتره وتعدي
وان الهرمونات تلعب فيك لعب
.
مرحله بداية الحمل مرحلة خطيرة في العلاقه بين الزوجين
لازم الاثنين يمسكون العصا من النص
فيه بعض الازواج قد يعذر لزوجاتهم.. ويتحملها.. منشان العشره والحب
لكن الاغلب لاااا ويطفش وينحاش
ف اما يتنقع بالاستراحة
ولا يتسدح بيت اهله
وطبعا اسؤهم اللي تكتشف الزوجة في وقت نفاسها انه على علاقه بوحده
ولو دردشة
والسبب هو تبعات هذا الامر في بداية الحمل
يعني نتيجة هذا التوحم و النساة.. تحصلين نتيجتها في النفاس
وخاصه انها بتكون بيت اهلها اكثر من شهر ومابيدها شي
.
في دراسه مو متاكده من قوة مصدرها
تقول ان النساة والتوحم على الزوج هي خرافه ووهم
بسبب برمجة!
ان البنت تبرمجت على هذا الشي من هي صغيره من سماعها عن السواليف وغيره
ف خلاص ترسبت هذي السواليف و تبرمج عندها واول ماتحمل تتحول هذي الافكار إلى حقيقة وفعل
.
الحل؟
🔼قابلي هذا الشي بانك تبرمجين نفسك في بداية الحمل انه وهم وغير صحيح.. وقد ذكرتها سابقا اقوى اوقات البرمجة متى
🔼كذلك، اشتغلي على الخيال.. بانك تتخيلين تفاصيل يومك الحميمة مع زوجك بالحب والرعاية والاهتمام وتخيلي ايش السواليف اللي تسولفينها معه.. عشان يحن قلبك عليه
🔼وأهم شي طبعا
تخلينه يتخيل معك اذا جاء مولودكم.. شلون تلعبونه.. وين تنومونه.. ايش تسمونه
خليه يتلمس بطنك.. وقولي هنا قطعه منك ومعجزه تستنى تطلع للدنيا
كل هذي الامور عشان يتحمس معك ويقدر حملك.. ويفكر الف مره قبل مايكسر قلبك
.
.
.