بسم الله، ماشاءالله
.
كثير مو فاهمين اللاوعي واهميته
ولا دوره بالحياة
والمصيييييبه اللي يظن ان سوالف الوعي واللاوعي من علوم الطاقه
وهو من علوم النفس الاصيييييله لكن تم استعارتها من قبل حقين الطاقه
.
طيب خلوني اقرب لكم اللاوعي اكثر
ابشبه "اللاوعي" بطفل صغير بزر ماهمه الا نفسه
اما "الوعي".. رجال شايب كبير يضرب حساب كل شي، ونفسه بالمرتبه الاخيره
.
وبما اننا حساب نسائي 😆
وزوجي خاصه 😅
رح تكون الامثلة بهذا النطاق
لو وابخليها تافهه شوي بعد ههههههههه
.
تخيلي طنت في نفسك تصبغين شعرك لون غزالي
وتوك مالك اسبوعين لاطه الحناء براسك
رحتي لهذاك الصالون
وقالت لك: مدام لازم نعملو سحب لون
بس انتي ماااااش.. ماتبين سحب اللون.. لانك متاكده كلها فتره وتستخدمين شعرك سلك مواعين ههههههه
بس عشان "عين السيح" تقولين يلا امرنا لله
قعدتي على هاك الكرسي
وبدت تحوس بشعرك
وتشمين روايح كلوركس وحسحسه ومدري ايش
فيه صوت داخلك يتخيل انك تقومين وتشيلين ابو الكرسي وتكسرينه فوق راسها..
وتصرخين حرررررررررقتي شعري يابنت الايه😠😠😠😠
بس تتعوذين من ابليس وتقولين داخلك لا لا ذا أغلى واحسن صالون مو مثل صالون نوير الخايس.. اكيد هي عارفه شغلها وانا ماعندي سالفه
.
طيب نجي من ذا ابليس اللي تتعوذين منه 😆 هذا مو ابليس
هذا اللاوعي
اللاوعي عندك حس انك في مأزق.. ولانه بزر مايعرف الاتيكيت.. قاعد يرسل لك خيالات كلبيه عشان يحمي نفسه
بس ذا الشايب المتنقع عندك "الوعي" لانه عاقل يحاول يقنعك انه تصبرين
طيب مين الصح 😏 الوعي ولا اللاوعي؟ .
اذا قلت اللاوعي هو الصح
يعني بتاخذين الكرسي وتكسرينه على راسها؟
واذا قلتي الوعي.. وسكتي، وبعدين فتحتي على شعرك وبدل مايطع غزالي طلع ذنب خروف ههههههه
.
اجل مين الصح؟
الصح كلهم
الذكيه هي اللي تنتبه لاشارات اللاوعي
يوم حست ام شعر اصفر ان بدت خيالات لامعقوله تتدفق لراسها
المفروض ما تهملها وتطنشها.. المفروض تعرف ان فيه اساس صح.. بس لانه بزر مايعرف يتعامل
يجي هنا دور الوعي.. ذا الشايب العاقل
ومنها يطلع التصرف الصح
توقفها.. وتقول لو سمحتي.. انا طول عمري اسوي صبغه.. والحين اشم ريحه غريبه.. واعتقد ان شعري احترق..... الخ
تبدا تتعامل مع الموقف بتنبيه من "اللاوعي" وبحكمة "الوعي"
.
.
😩:طيب وبااااس ياعشتار وذا اهميه اللاوعي اللي ذبحتونا فيه!!
👵: لا ياعزيزتي" اللاوعي" دوره اكبر من هالخذاريف
هو مخزن لأشياء كثيره ممكن تظهر بالسطح وانتي ماتحسين
عن طريق اللعب في اللاوعي..تقدرين تحققين النجاح بإذن الله
الحظ العظيم ان شاء الله
اي طريق سعاده وامنية جميله 👌
.
.
🙆: طيب كيف؟
👵: اللاوعي قلت لكم بزر..مايعرف الصح ولا الغلط
اهم شي يحميك ويطيعك
اذا حس انك في خطر.. حماك قبل ماتنتبهين
مثل لو احد سامج طلع من وراء الباب وقال لك "بووووه"👻
انتي بتفتحين عيونك بقوه
وترفعين ايدينك على وجهك
قبل ماتنبهين انه اخوك المستبزر وتصفقينه
يعني مو يقول" بوه" وتناظرين انه اخوك وبعدين تقولين: هارد لك😌
لا.. يطلع هذي الحركات اللارادية قبل
.
طيب لما تفتحين عيونك بقوه لا اراديا...سببها من اللاوعي عشان يتدفق اكبر كمية معلومات عند النظر..هل انتي بخطر حقيقي او لا
لما انتي ترفعين يديك لا اردايا لوجهك..سببها نوع من الدفاع عن طريق "اليد" لوجهك ولجسمك
.
.
نكمل في عالم اللاوعي
اللاوعي تراه طفل 👶 شطووور
يسمع الكلام
اي شي تقولينه لو مزح سماجه كذب
على طوووووول يتعامل مع هذي المعلومات انها امر ويخزنها عنده
وينفذها هههههههه
اواللهي..بينفذها الواد العيل
يعني بلحظه سماجة انتي وخوياتك وهقهق وتروحين تقولين على نفسك قدامهم: والله اني خبله
البزر ذا وش بيسوي 🏃🏻🏃🏻🏃🏻
هبة هوااااء ويروح ينفذ هذا الكلام بظنه انه هذا رغبتك.. انك تكونين خبله 😆
ف فعلا كلها اسبوع وانتي خبيله
وتستغربين تقولين.: هو~ ماكنت تسذا.. وراه صايرتن مهبوله؟
ويجي مره ثانيه البزر هههههههه 🏃🏻🏃🏻🏃🏻 ويقول لكل خليه بجسمك.. مو بس تبي تصير خبله وتبي تصير مهبوله🙌.. يالله نفذو
ههههههه وهكذاا
فهمتي ايش وضعك عزيزتي الفله؟
.
😨: والحل ياشعشع؟؟ <<~~ ذولا اللي يكرهوني مايهنى لهم يدلعوني بس مجبروين هههههه
👵: الحل عزيزتي فل فل 😆👊
انك ماتنطقين اي عباره سلبيه بحق ذاتك ابد ابد
لان اللاوعي يتعامل معاها على طووول ك امر؟
بزر؟ لا مو بزر..😆 ليش ما اربي هذا البزر بعبارات افضل واقوى واجمل عشان يحولها لامر
مثل انا ذكية... حتى لو iq صفر عشان يخزنها
واذا مثلا تكرر الموقف بيتصرف هو بذكاء
ارجع واقول
انتبهي تنطقين عبارات سلبيه في حق نفسك
لا باللسان ولا بالنفس
يعني حتى داخليا
لو تذكرتي موقف.وحسيتي بالغباء لاتقولين انا غبيه
ولو قلتيها بدليها على طووول بعباره ايجابيه
انا ذكية انا ذكية
حتى لو لح عليك خاطر الا بتقولين انا غبيه عشان موقف قد صار وكنتي في منتهى الغباء
انطقيها بالصوت
(اناا ذكية😠) عشان يهجد البزر ويخاف من صوتك لانك علتيه عليه
