زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "26"
ڪْتْآبْآتْيْ : Raghad
يوسف و عشق في نفس اللحظه
يوسف : عشق تتزوجيني؟
عشق : يوسف معش تجينا !
بحتت كل واحد بحت للاخر بصدمه
يوسف ضحك بصدمه : تحكي بجديات انتِ؟
عشق قعدتت ساكتهه و كلمةة تتزوجبنيي ادور ف عقلهاا حستت بالفرقق بعد هو تمسك بيهاا و تقدم بتضحيه كبيره و عرض عليها زواج جتت هيا تخلت عليه بكل سهوله و بسبب الناس و كلامهم عليها و على اختها بالتحديدد
اختارت الفراق .
يوسف ضحك : لدرجهه هذيي ما نعنيلكش ؟
عشق نزلوا دموعها من الموقف الي نحطت فيه حكت برجفه : يو يو سف
يوسف صبا و رفع فونهه : خلاص عشق اعتبريني ما حكيتش و ما دامم تبيني نقاطعكم ف هيا مع سلامهه ربي يفتحها عليكن و ان شاء الله و يرزقكن بعيال الحلال الي يديروا بالهم عليكن
عشق صبتت و مسكت في يد و قالتت بعبرتهاا : يووسف استنى
يوسف فك يدهه منها و حكا بجديه : توصي على حاجه قبل لا نطلعع ؟
عشق حضناتهه و قعدت تبكي في حضنه : يوسف ما تعاملنيش هكيي ارجووكك
قعدت ماسكه فيه بقوتهها وقتها ما بدلهش و قعد منزل يدهه
عشق تحكي بعبرتها و تشهق : يوسف انا تعبت انا مش قادره نشد مسؤلية حتى روحيي مش بس وتين يوسف انا كلمه بس تتأثر فيا كلمهه بس يا يوسف تشيلني و تجيبني كلمهه تكسرنيي 100 كسرهه بدالل الكسرهه انا منقدرش نواجهه كلام الناسس يا يوسفف يقولوا في كلام شين في حقنا يوسف ماتجيش ضدنا حتى انت مالنش غيرك😭
رفع يديهه بهدوء و ضمهاا زين لهه و قال بصوت منخفض نوعا ما : خلاص اهديي كل شي تمام
طلعت وتين على صوت بكااء عشق صبتت وراهم و اول ما فطنلها يوسف غمزلها بمعنى ماديريش صوتت
يوسف : خلاص تمام تريحتي هكي ؟
بعدت عشق من عليه و مسحت دموعها
يوسف : جيبيلهاا ميهه يا وتينن
عشق فتحت عيونها بصدمهه و التفتت على حركه وتين شور المطبخ : حيي اكيدد شافتنيي حاضنتكك
يوسف : مشيها مركزتش
عشق تمسح في دموعها: كيف ما ركزتش يا يوسف كنك ما قلتلي انها ورانا انا ننهاا فيهاا على حركات هذيناا وانجي نديرهم
يوسف : شنن بنديرر باهي وبعدها شافتني نبوس فيك لا سمح الله
عشق قربت منه بفزعه و حطت يدها على فمه : هييي وطي صوتك فضحتنا
يوسف ضحك : الي يشوفك يسحاب حاجه كبيره وهيا طشة حضن !
جت وتين و في يدها كبايى الميهه واول مافطنتلها عشق بعدتت من يوسف بسرعه بحركه غبيه نوعا ما
خذاهه منها يوسف الميه : صحيتي
وتين بقلق : عشق كنك ؟
عشق ابتسمت : مافي شي يا عمري عاديي
يوسف : هاكي اشربي ميه ، هيا وتين انت على دارك قبل لا نروح بنديرلك امتحان
وتين : ووه وانت اشر من ابلة اميره العانس و عدت و هيا تمتم
يوسف فتح عيونه : تي هذي نبصم انها ماهي اختك شن طولة هاللسان الي عندها ؟
عشق بحتتله : ومن قالك انا ساهلهه
و خطمت من جنبه و مشت شور المطبخ
و خلاته هوو واقف يضحك و لحقاهاا
..........
حطتت يدهاا ع فمهاا بيش تكتمم شهقاتهاا الي معرفتش تسيطر عليههنن نزلواا دموعها من عيونهاا و قعدتت تبكيي من معاملةة مالك القاسيهه و الجاافهه الي تعبت منها
خطم من جنب اامطبخخ لقاهاا مقمعزهه ووتبكيي تنهد و ماحبش يقرب منها و عدا شور دار المقعد ولع التلفزيون و قعد يتفرج و بينه و بين نفسه كان ضميره يأنب فيه من ناحيتها ..
مسحتت دموعهاا و لعت على حليب من جديد سخناته له و حطت فيه عسلل و حركاتهه
مسكت المق في يدها ومشت بيه شور دار المقعد
خشتت عليهه رفع عيونهه فيهاا و قعد يشوفلها و يرجا فيهاا تحكي معاه كيف ما هو ما تعودد
بس هيا حطتت المقق ع طاولهه بدون ما تبحت فيه حتى
طلعت بهدوء و خلاتهه يتبعع فيها بعيونهه
مالك ضرب بيده الكنبه : حقيرر ما تستهلهش .
رفعع المقق و قعد يشوفلهه لثواني قبل ما يشرب منهه
..
خشتت للحمام اكرمكم االله
دارتت دوشش و ماوقفتش بكاهاا للحظهه
توضتت لصلاه و لبست الديشمبر بتاعهاا و طلعتت من حمامم
فتحت دولابب وقفت تشوفلهه
لقتت تيشرت صوفف لونها بودري هافتت و نظامهاا كتوفها طايحاتت و عليها استريتش لونها رصاصي هافتت
و شخشير نوم قصير لونه ابيض
دهنت جسمها باللوشن و لبست ملابسهاا
و قببت شعرها بالسشوار
لبست ملاية صلاه و صلت ركعتين لربي دعاته فيهنن يحنن قلب مالك عليهاا
............
يوسف ،: عشق
عشق : همم
يوسف : انت لازمم تفكريي في الي قلته لك
عشق تنهدةة : يوسفف صعب والله هلك مش حيقبلونيي لا عندي شهاده و مقطوعهه من شجرهه و معايا اختي زياده وباهي وتين وين نحطها
يوسف : اول حاجه انت حتتزوجيني انا مش هليي ومتشيلش هم اي شيي
ثاني حاجه وتين حناخذها معاناا اكيد مش حنخليها هنا يعني !
عشق : يوسف كلام ساهل
يوسف عقد حواجبه : يعني انا عيل و ما نوفيش بكلمتي ؟
عشق : اوفف يا يوسفف انت ديما تفسر في كلامي غلط انا قصديي ان هلك مش حيتقبلواا الفكرهه هذي لاني من مستواككم ولا من طبقتكم
يوسف : كنك شايله هم هلي واجد ؟
عشق سكتت
يوسف : بعيدا عن كل الكلام الي قلتيه ليا انت موافقه علياا ولا ؟ نبي اجابه لسؤال هذاا بسس
عشق سكتت
يوسف هزز راسه : وصلتت
عشق بخجل : موافقه
يوسف ابتسم : نقدر نمشي للمستشفى وانا متريحح توا .
عشق : بتسيبنا تواا
يوسف : مش في الخاطر هياا بس ضروريي ما نمشيي
عشق بعفويه : هيي يا يوسف ساعه قريب لل ١٢ ردبالكك توا يطلعولك قطاع الطرق
يوسف : قطاعع الطرق😂😂😂😂😂😂😂😂😂
عشق تعصبت : كنكك تسهوك العتب علياا خايفهه عليكك
يوسف : نعلياا اناا بدينا في جوو نخافف على راجليي🤤
عشق : انت اصلا ما تتحشمش و قليل ادبب ولازمم عقلكك الخاربب يفسر الكلام غلط
يوسف : اهدى يا وحش😂
عشق صبت من حداهه : انا االي غلطانهه الي قاعده معاك اصلا
يوسف ضحك : غير ارجي بسس
عشق عدت قمعزت في وسط الحوش و تهز في كراعها
يوسف ضحك : ماشي نشوف شن صار في وتين يا مرااااتي "،غمزلها" و عدا شور دار وتين و هو يضحكك
عشق ابتسمتت لما قاللها مراتيي : بارد
مرر يوسف على وتين لقاها راقده وجنبها كتاباتها مطرطشات ضحك على مظهرها الطفولي و حول الكتابات من جنبها و غطاهاا وطلع
مرر جنب عشق و صبت بيش توصلهه
يوسف : ااهه
عشق بخوف : كنكك
يوسف تحسس بد بألم : خبطتت يديي في الباب وانا ماشي لوتين ترا ساعديني في لبس الكبوط
مسكت الكبوط و ساعداتهه في لبسهه
رفعت يدهاا ولمست المكان الي لمسهه بقلق : توجعع فيك واجد تقدر تسوق ؟
يوسف : بوسيني عليهاا توا تخف🤤
ضرباتهه على كتفهه بعد عرفاته يكذب : حنقتلك
يوسف ضحك : محلاها الموته الي بين يديك
عشق : قولي شن شربتت وانا مش حنبص فيك🙂
يوسف : حبك ي مراتيي🤤
عشق ارتبكت : يوووسفف عااد
يوسف ضحك و بانو غمازاته الي اول عشق دقق فيهم هكي : عيونن يوسفف
عشق قعدت تشوف لغمازاته ما ركزتش حتى شن قال فاقت م سرحانها الي دام لثوانيي : حيي ارجاا
مشتت لدار المقعد بسرعه لمتت سندوتشاته الي مكلهمش من بدري و حطتهم ف شكاره لقاته واقف مطلع دخانه و يدخن
عشق : هااكك توا تجوع غاديي انت مكليتش حاجه
يوسف : نعليا انا من الي خايف عليا
عشق : مبردكك
يوسف : هيا خلاص يا مراتيي وقت على مستشفى صكري البيبان كويسس
عشق بدلع تحرقله في دمه : انلاا
يوسف ضحك ،: اصلا عادي مخسورك انت ان شاء الله كان مصكرتيه يزبق عليك حد يرعشك
عشق خافت : يباردد
يوسف ضحك و اشرلها : هياا اوكيي 👋
عشق اشرتله : تشااو
خشت جواا و كانت فرحانه و مبتسمه
يوسف خفف عليهاا كل شيي ووحاول يخليها تتقبله او تتقبل فكرة الزواج
ببرادتهه و جوهه الحلوو
و هو سلك طريقه شور المستشفى و هو يذكرر في وجها المنحمر من الاحراج
ابتسمم لان كانن رااضي على قراره 200%
و شايل همم كيف يفاتح الموضوع مع هله تنهد و كمل سواقته شور المستشفى
................
حولتت ملايه صلاة و رمتها بعشوائيه في دولاب
مسحت دموعها بكمها و رمت روحها على سرير
عطت ظهرها للباب و غمت وجهاا في المخده و قعدت تبكيي وجعتها روحها
رمى فونه بملل وقعد يرجا فيها تخش من الباب و تدلع عليه كالعاده و تقوله بنرقد جنبك
تأفف هو عارف ان غلط في حقهاا و ان فشت غلهه ديما تجي عليهاا
طفى تلفزيونن الي زعجهه و حاول يرقد.بس قعد يتقلب بدون فايده
رفع فونه يشوف في ساعته لقاها ،2.45
صباا و بدون ما يحس لقا كرعيه شايلاته للدار ساره
خش بهدوء و صكر الباب
وهيا بدورها اول ما سمعت صوته رشفت خشمها و مثلتت بإنها راقده
رفعع البطنيهه و خش في سرير
قربب منهها ورفع يده بشويهه و حطها على خصرها
و حس بيها نايضه
مالك بهدوء: سارةة
فتحت عيونها بهدوء و نزلوا منهم الدموع و هيا كانت معطيته بالظهر
مالك تنهدد
كانت تيشرتها كتفها طايح
حط راسه على كتفها و قعد يحرك في صبعه بحنيه عليه و باسها
ساره جسمها قعشر من لمسته و قعدت تبكي بقوتها ووشهقاتها علو
مسك يدها و برمها عليه
و حضنها بالقوه : ما تبكيش
قمعزت و قعدت تبكي " حرام عليك يا مالك
مالك قمعزز مقابلهاا و خذاها ف حضنه و خلاها تبكي
ساره : حرامم عليك تعبتني😭
حرامم عليك وانت تتلاعب بمشاعري ساعه كويس و ١٠ لا
حرام عليك على الي دير فيه ليه
طلقني يا مالك و نتريححح
مالك : ساره خلاص زح ما تكبريهش
ساره تبكي: شن الي منكبرهشش ؟
شنو يا مالك ؟
شنو الي منكبرهش وانا من يوم زفتي لك طلعتت و سيبتني بدون ما نعلم بيك وينك الا امباكرها "اليوم الي بعده" جيتني تاني يو وانا نبكي للحظتنا هذيي وانا نبكي شن.الي منكبرهش
وانا الي تحملته مستحيل وحده تتحمله غيريي
مالك ببرود : جيت و تأسفت منك زفف
سارة : و بكرا بترد نفس حالتك باهي شن الحل لعيشتنا هذيي هاا ؟
الغلط فيا يعني كان خذيت وحده اخخرهه بتتريح ها؟
جااوبني ؟
مالك تأفف : شن موضوعك انت يعني تبي تطلقي ؟
بعدت من عليه و خشت للحمام "اكرمكم الله''
قعدت تبحت لوجها الشاحب و قعدت تبكي لمدة ربع ساعه تقريبا
لدرجه مالك خاف عليها و صبا يدق على الباب
مالك بقلق : ساره ؟
ساره بمحاوله فاشله تخلي صوتها عادي : ن نعم
مالك : انت كويسه ؟
سارة غسلت وجهه و طلعت
لقاته في وجهها مصبي فم الباب
سارة اول ما جت عينها في عينه ابتسمتله و كان الارهاق واضح عليها
مالك : فيك حاجه ؟
سارة : لالا مافيا شي انت عندك حراره ولا حاجه ؟
مالك كان حاسس بوجعع بس مابش يقوللها : ما نعرفش
ساره : كيف المس راسك تراا بالك فيك حاجه
مالك رفع يدها و حطها على جبهته و ضغط عليه : ها شنو
سارة نزلت عيونها : مالك فيك شوية حراره رااه نديرلك كمادات ؟
مالك : باهي
سارة تمدد انت هنا توا نمشي نجيبلك ونجي
مالك : تمام
مشت للمطبخ طلعت صونيه غريقه حطتله فيها ميه و ثلج و خذت منشف صغير حطاته في الصونيه
و حبت بنادول و كباية ميه
ومشتله بيهن شور دار
لقاته متمدد على سرير و حاط يديه على راسه بتعب و سارح في سقف
حطت السفره على كوميدينو و قمعزت على الارض جنب راسه
مالك : تعالي ارقي على سرير صقع عليك مقمعزه ع الارض
سارة ،،: لالا عاديي
سكت مابش يجادلها اكثر
سارة : هاك خوذ حبت بنادول
قمعز خذاها من يدهه و زمطها ورد حط راسه على المخده
و هيا عصرت المنشفه و حطتها على جبهته
غمض عيونه و قعد مستسلملها
حولتها من جبهته بعد فتره
سارة بخوف : اووه زي نارر نكلمم ايمن يشيلك للمستشفى
مالك : لالا توا شويه و نقعد كويس
سارة : مالك بس انت مرضتك واعرهه بالك يعطوك حاجه تخفضلك حرارتك
مالك تأفف : سارة خلاص اسكتي
سارة تنهدت و و مصمصتت المنشفه في الميه المسقعه و عصرتها وردتها على جبهته
حط يدهه على يديهاا و نزلل المنشفه على عيونه
سارة بحزن : عيونك يوجعوا
مالك هز براسهه بمعنى اهاا
قعدت اديرله في كماداتت و هوا كان راقد رقدت ع ارض بدون ما تنتبه بعدها ناضت منفجعه تشوفلهه في حراراته الي لقتها منخفضه شويه عن من بدري
وردت اديرله من جديد
.......................
9.00 ص
زبيده : هيا يا معاذذ نووض ساعه 9 ونص وقت على جامعه
معاذ ناض منفجع : نهااركك الاسودد سااعهه كمم
زبيده : تسعه ونص هيااا صبيي
ناضض بسرعههه و خش للحمام "اكرمكم الله''
طلع على رنة عصوميي
معاذ : يا وااطي مش قلتلك رن علياا نوضني صبحح
عصومي : تيي هوو انت منضتشش رنيت عليك ي امسخ ساعه ٨ ونص صكرت على وجهي
معاذ : سألتك بالله رنيت عليا ؟
عصومي : خمسه و نكون عندك يا ولد الكلب ماتنزلش حنفوتك🙂
معاذ : تي باهي باهي نصلي
صكر معاذ ع عصوميي
وكر اول سروال و تيشرت في دولاب الي كانوا سروال اسود و تيشرتت بيضهه قطنيه عليها كلمه adidas بالاسود
و كويش ابيض صلى و مسك شيتاته و نزل يجري لان عصومي يرن عليه
كانت زبيده لابسه و تراجع في وسط الحوش لقتت معاذ نازل يجري مشت تلحق فيه بسرعه
زبيده : ياا معااذ مععااذ
معاذ: تيي هاا شن في بسرعهه
زبيده : تي وصلني للجامعه وين ماشي
معاذ : تي ملحي دوري من يشيلك انا ماشي مع عصومي "وجا بيطلع"
زبيده قعدت تبكي لان حساته يحكي من جدهه : بابا و يوسف و محمد طالعينن عندي امتحانن يا معاذ حي عليا باهي شيلني معاك انت و عصومي عادي شن فيها 😭
معاذ : تيي زحح نعنجد نشيلك مع عصومي
زبيده : عاديي عصومي هذا مش غريب😭
سمعع صوتت بيابةة عصومي
معاذ : تعرفي و دينيي نسمع صوتك بنقتلكك
اطلعي ياا مصيبهه
" عصومي بعد مرواحته من فنزويلا هو و معاذ كان قريب من عيلةة معاذذ وااجدد وديما عندهم ويبات حتى البياتت و حتى زبيده شايفها كم مره ،
و نوريه ديما تقوله عصومي هذاا ما ناقص علينا الا نسجلوهه في كتيب العائله🤦♀️😂
و زبيده و عصومي مش واحد بكل هما الاثنين ما يطيقوش بعضهم
ف مكنش معاذ معصي واجد في فكرة ان زبيده تركب معاه مع عصومي
طلعوا معاذ و زبيده وركبوا في سياره عصومي
عصومي : فوق ما انك متأخر جايبب معاك اختك
زبيده : ع اساس بتوصلني على ظهرك لولا العوزهه بسس 🙂
عصومي : لولا اني محترم خوك راه منزلك من سياره
معاذ : لا ونبي تهدرزوا مع بعضكم و تقول محترم خوك وين الاحترام يباشا يا ولد الكلب؟
زبيده : هو الي يعزق في الدوهه
عصومي : منعزقكش انا نقول فيها في الوجهه
معاذ : فكنا منها و صكرلي فمك تراا
زبيده : استغفر الله ياربيي
عصومي : راكبه مع شيطان امالا
زبيده : حشااه حتى شيطان منك
معاذ : نبقى كلب كان ركبتكم مره ثانيه مع بعضكم
قعدواا طول الطريق عصومي و زبيده ناقر و نقير تقول جايين على روس بعضهم ومكانش في سبب مقنع لكراهيتهم لبعضهم😂
درس عصومي عند كلية ال IT
معاذ : من سياره للقاعه نسمعك طلعتي هكي ولا هكي بندفنك
زبيده : ريت هالاشكال المسقمه الي بتخليني نطلع هكي ولا هكي
معاذ برم عليها : وديني نوريك يا فرخه
خشت زبيده بسرعهه للكليه هروبا من معاذ الي يتوعد فيها
و لف عصوميي سيارته متجهاً لكلية الاقتصاد
عصومي : حيي على قبيلتنا كلهاا ساعهه تسعه ونص و خمسه
معاذ : اجريي يباشا😂
قعدوا يتجارو زي الهبالل لين معاذ خبط في وحدهه وطاحوا شيتاتها كلهن من يدهاا وقف عصومي يشوفلهم
و معاذ قعد يشوف للبنت و الشيتات الي طايحاتت
معاذ : عاررفهه مش وقتت جو الرواياات و نطبسس نلمهن لكيي و بعدها نحبك و نتزوجك و قصص هذينا كلهننبس عطك داء حلوو يا فرخهه بعد نطلع من المحاضره ياريت نعاودوا اللقطه
و عدا يجريي مسيب البنت مصدومه من وقاحته و جرائتهه الي كانت فكاهيه نوعا ماا
وصلوا عصومي و معاذ للقاعه و فتحوهاا بدون حتى لا يدقواا على قولة الدكتور على اسمائهم
د.فتحي : معتصمم و معاذذ "كان يقول في اسمائهم اول وحدين و بعدها يناديي على الاسماء الي في الكشف
عصومي و معاذ اول ما فتحواا الباب ب قوهه : ننععممممم
د.فتحي زراته الضحكه : شن نديرلكم انا توا ؟
معاذ : دكتور سمعت بالمرأة الي خشت جنه عشان وكلت حيوان ؟
د.فتحي : اها اطعمت هره
عصومي يوشوش لمعاذ : هرهه قال تقول طايح من فيلم الرساله
معاذ زراته ضحك : ايوهه ف مبالك انتت لو خششت شوية حيوانات للمحاضره
د.فتحي : بننخششكمم بسس لاانن اول ما قلت اسمائكم لقيتكم قدامي
عصومي جا بيمشي شور المدرجات : والله انت راجل كويس انا عارفك
تكلمت وحدهه تحكي بتجعوينن و نص شعرهاا براا ولابسه سروال اضيقق من شارع البرلمان في بريطانيا و بلوزهه قصيرهه و حاطه كراع على كراع : بسس يا دكتورر انا المرهه الي فاتت ماخششتنيش
د.فتحي: وقتها جيتيني في نص المحاضره يا ابله
عصومي و معاذ في نفس اللحظه
عصومي : سمعتي يا حقوده
معاذ : سمعتي يا حسوده
وجوا بيقمعز
د.فتحي : ارجواا قمعزووا في الاخير بكل لانكم خشيتوا بعديي
عصومي : بااهه
معاذ يحكي بصوت واطي لعصومي : على اساس يعني ، تي نحنا جايين اصلا بيش بالك ننجحوا من درجات الحضور
عصومي زراته الضحكهه و قمعزوا هما الاثنين في الاخير بكل ومن الكساد قعد يلعبوا في اكس أو
...............
10.00 ص
فتح عيونه بشويش و حس بثقل على كفف يدهه بحتت لقاا سارة راقدهه على الارض و حاطه راسها على كف يده
عرفف ان امس ساهرهه عليهه
شاف فونهه لقاا ساععه 10
شافلها و مسح على شعرهاا بحنيهه وجعاته نومتها ع الارض
مالك : سارهه سارهه
نضت بفجعه : شنوو شنو في تحس بحاجه
مالك بإستغراب : اهدي كنك منفجعه ؟
مسحت عيونها و تثاوبت بكسل : نحساب فيك حاجه
مالك : تعالي كملي نومك فوق
سارة حطت خصلات شعرها ورا وذنها : ساعه كم توا
مالك : 10
سارة : لالا وقت خلاص معش فيها نومهه نديرلك فطوركك قبل لا تمشي لا شغل
مالك : مش مااشي اليومم
سارة بقلق : كنك تعبانن؟
مااك : لالا معنديش جو بس
سارة : امم باهيي
ركبت جنبه لسرير و خشت في حضنه مع انها كانت متوقعه انه يهزبهاا بس صار العكس و لقاته لامها لحضنه و غمض عينهه
ابتسمتت و غمضت عينها وردوا رقدوا
.........................
اسيل : حبيبي هيا الفطور واتيي
طلقق احمد السلام و استغفر و صبا مشالها
شاف الفطور ابتسم : سلم يدكك
اسيل ابتسمت : سلمككك حبيبي
احمد قمعزو و قعدوا يفطرو
اسيل : ااه خطرها يا حمادي
احمد : شنو ؟
اسيل : هلي بكراا مدايرين زرده
احمد : هلك بس ؟
اسيل : لالا عماميي و بنات عماتي و رجالاتهمم بنمشيي بليزز حبيبي
احمد وقتها مكانش عندهه فلوسس و هو المعروف عليه لما يمشي في زرده او يخش لحوش اي حدد يجيب في جيبه مسقمه : حبيبي انا ضروري نمشي يعني ما ينفعش تمشي انت عند هلك و تطلعي من غادي ؟
اسيل تأففت : احمد بلا براادهه عادد خلي فيك جو بنات عماتيي كلهم ماشيين برجالاتهم
احمد سكت
اسيل : معندكش فلوس صاح؟ كان معندكش خوذ من فلوسي
احمد وجعاتهه الكلمه في وسط خاطره : من امتى ناخذ منك في حاجه انا ؟
اسيل : قلت اكيد بيقعد الموضوع موضوع فلوس ورا رفضك
احمد : خلاص يا ساره توا تمشي
مسك كبوطهه وطلعع
اسيل حستت روحههاا لبزتت في الكلامم بعد زعل : حمادي حبيبي تعال كول ما كليتش شي
احمد : ما عنديش نيه و طلع و صكر الباب
اسيل بزعل : اووفف غبيهه طولل عمركك
.......
5.00 م
احمد : ايوهه يوسف كيف الحال؟
يوسف : اهو قاعدد يا برو انت شن داير وينك معش مبينن
احمد : لاهيي في هالشغل مش غابي فيهه بتاعع المطعمم مش مسيبني في حالي
يوسف اشر لوتين بعيونه بأن مديرش صوت : فكك منه مديرش معاه مشاكل يا برو بيما انك مستحق عمل
احمد : هياا هذيي
سكتت لفترهه
يوسف : حميده في حاجه ؟
احمد بإحراجج : يوسف مستحق 300 جنيه معاك ؟
يوسف قعد يفكر كم معاه في سياره : معايا معايا يا بروو وين نتقابلوا ؟
احمد بحشمه : وين ما قاعد نجيك ؟
يوسف : ارخي روحك يا حميده شن بينا هيا خوتت نحناا وانت جميلك سابق
احمد : منورر يا وسيفهه ان شاء الله في اقرب فرصه نردهن لك
يوسف : عيب الكلام هذا يا احمد
احمد : توا نحكوا فيه الموضوع هذا بعدين
يوسف : خلاص امالا تعال للقهوه الي نمشولها ديماا و توا تكلم حتى خالد رايفتله المسخ
احمد : تمامم
.يوسف : خلاص اوكي نص ساعه و نكون غادي اناا
احمد : تمامم نرجا فيك
يوسف : وتينن
وتين : نسكافيك بردد والله ماني مسخنته
يوسف : توا نشربه مسقع بلا جميلتك غير اسمعيي انا احتمال مش راد عليكمم
وتين قطعت عليه : سكروا البيبان و رواشن كويس و ارقدن بدريي و توا نتكي عليكن في صبح
يوسف ضحك : ما شاء الله حافظه الاسطوانه
وتين ضحكت : صمم
يوسف : امالا خلاص توا نرن بعدين نطمن عليكم من تلفون اختك الي ماتت في الحمام
وتين : باهيي
خذاا يوسف كباية نسكافي في يدهه
طلعع رن على خالدد و قال توا نجيى
مشا شور القهوهه لقاا احمد مقمعز ع طاوله بروحهه
جا قمعز جنبهه و هدرز معاهه و مدله الفلوس
حمد ربي ان جاا قبل خالد لان مبش يحرجه قدامهه
قعدوا يهدرزوا و يضحكواا و كانت قعدتهم الثلاثه مع بعضهم حلوهه
و صحبتهم الثلاثه مع عصام المرحومم الي ليها اكثر من عشر سنين كانت جميلهه بدونن اي نفاق او مصالح
....
روحح يوسف للحوش لقا محمد مقمعز يدخنن و يشوف لفونهه
قرب منع بهدوء و قمعز على كرسي
طاحت عينه ع فون محمد الي كان يتفرج على صور بنته
يوسف تنهد : متبيش تتنازل و تردهن جنبك ؟
محمد ضحك بهزوهه : كيف نردهن جنبي وانا لتوا مزلت ماوعيتش"مافقتش" من الصدمه
يوسف : انت عارف و متأكد ان اماني نادمه
محمد : شن بينفع ندمم الي تخون مره تخون عشره !
يوسف : بس انت مش فاهم
محمد : شن بنفهم يا يوسف بالله
يوسف : قمعز احكي معاها وواجهاا خليها تحكيلك مهما كان الكلام
محمد بهزوه : شن بتفهمنيي كيفف استغفلتني و كلمت غيري وانا كيف الحمار المقرن تجري الميه من تحتي ومش فاطن
يوسف : كان تحكيلك ممكن تهدا شويه
محمد تنهد : عارف شن الي وجعتني
يوسف : شنو ؟
محمد : ان انا ماعمريش ركزت عليها وكنت حاط فيها ثقه عمياء ماكنتش نقوللها هاتي ي مني الفون و نفتشهه او كنت ندقق واجدد لما تطلع معاياا
محمد ضحك بهزوهه : تي اكيد لما نطلعهاا تقعد متفقه معاه و تشوف فيه قدامي وهوا يقول هالاحمار يهزز معاها و خلاص
يوسف : حشاك
محمد تنهد : فوت الموضوع كنك انت نحس فيك مش تمام
يوسف تنهد : انا واقع في ورطه على قولتت معاذ
معاذ كان خاش من شارع : كنهه معاذ ؟
يوسف : اطريي الجنن يجيك يونن
معاذ جا قمعز جنبهم : واحد كلب
محمد : احكي ؟
بوسف ردد شعره للخلف بيديه و تنهد : نبي نخطب وحدهه وانا عارف 90 % انا اميي بترفضها
محمد و معاذ في نفس الوقت
محمد : وحده من البنتين
معاذ : عشق
يوسف : أيوهه
محمد : ضامنهم يا يوسف تمامم راه يطلعن مش مزبوطاتت و تدبس فيهن
معاذ : هنا من ناحية تمامم ف تمامم و محترمات
يوسف : ضامنهمم 100%
محمد : اي وحده فيهن ؟
يوسف : الكبيرهه
محمد : والاخرى وين بتخليها؟
يوسف : اكيد بناخذها تعيش معايا حتى هيا؟
محمد : وانت برايك باتي بيسمحلك تجيب بنت عازبه في الحوش فيه انا و معاذ مش متجوزين ؟
يوسف بحتت لحوشع الي كان جنب حوش هله
" هيا قطعه ارض كبيرههه حوش الاب علي في نص و على جانبيه حوش محمد و يوسف و فوق من حوش الاب علي حوش معاذ هكك كان مقسم لكنن محمد طلبب ان يعيش فوق هله هوا بيما انن مساحهه الحوشين متقاربهه"
يوسف : منخليهش تطلعع من الحوش بكل
محمد : ربي يجيب الي فيه الخير
يوسف : امي نايضه
محمد : اها توا كنت معاها هيا و زبيده
يوسف : نبي نحكيلهاا اليومم نبيهاا تخطبها ليا في خلال هالاسبوعع
معاذ : واجعني حالك وانت تحساب امي بتوافق😂
يوسف : صكر فمك تراا و عدي ناديلي زبيده
معاذ : نشتغل عبد عندك لاسمح الله؟
يوسف شافلهه بنظره تخوف
معاذ صبا من مكانه : ءء كنك حبي نبصر معاك اناا ذااهبب فوراً
زبيدهه زبييدهه
و بدا يختفي من قدامه
ولع محمد دخانه وقعد يبحتت في الجنان : واثقق من الي دير فيه؟ شايفها مناسبه لك ؟
يوسف : الي ماتت امها ومات بوها صبرت على اختها وربتهاا بدونن ماا تخش في طريق حرامم انا متأكدد انها حتصوني
محمد : وللي خششاتك لحوشها يا يوسف تعتبر كويسه افرض زبيده خششت راجل للحوش مهما كان ؟
يوسف : ظروف تفرقق يا محمد زبيده قاعده بين هل و خوتت ، اما هنا برواحهن وهيا ماوثقتش فيا الا بعد عرفتني خوو زبيده
محمد نفخ دخان : يستر الله
معاذ : يحيوانهه وديني نوريك عليها
زبيده : هو قليل ادب
معاذ : وانت جااالطه
زبيده : سيبني في حالي
محمد : ديما وانتوا تناقرو
زبيده : هو بارد صدقت فيه وتين
معاذ : بتسكتي و الا نعطيك كف
زبيده : بتسيبني ف حالي ولا انت؟
يوسف : خلاص انتوا الاثنين
زبيده تأففت : باهي نعم انت الثاني
يوسف : تعالي اضربي و خلاص
زبيده : بتحكيلي
يوسف : بنخطب عشق
زبيده عيطتت من فرحح : شننوووووووووو اللهه يارببييي الله قصدكك بتقعد ديماا معايا
معاذ ضحك : والله هذي على حسب رائي امكك
يوسف ضحك : هيا قولتت معاذ ، بس نبيك توقفيلي فيهاا و تحكي عليهاا قدامهاا
زبيده فرحانه : وامتى بتحكيليها ؟
يوسف : كانهي نايضهه حال غايه توا لان بنخطبها في هاليومين
زبيده كرت يوسف من يده و قعدت تنط كيف الهبله : ناايضهه نايضهه هيا خش نقوللها توااا
يوسف : هيا يا محمد تعال معانا
محمد : نكمل دخان ونجي
يوسف : باهه
معاذ : هيا وانت تحسابه زفتك
يوسف : واطي
خش جنبب امهمم و قعدوا يهدرزوا و يضحكوا بيش يروقوها و بعدها يحكولها هكي كانت خطتهم
يوسف : امي
نوريه : نعم يا سيفا
يوسف : نبي نطلبب منك طلب
نوريه : خير يا يوسف احكي شن في شغلتني
يوسف : نبي نخطبب
نوريه زغرتت : لولولولوليي عندكك وحدهه في بالكك ولا نختارلك
يوسف : لا الحق في وحدهه في باليي
نوريه بفرح : ومن هياا الي امها داعيتلها
زببده : صاحبتيي ياا ماماا
نوريهه : وشن شكيلها وشن اخلاقها ومن شنو متخرجه ولا مزالت تقرا معاك ؟
يوسف : امي البنت يتيمهه مبطله من ثالثه ثانوي و عايشع هيا واختها في حوش و هيا المسؤله عليها
نوريه حطت يدها على قلبها و قال بصدمه : تستفلي فيهن بتجلطني انت ؟ منن قلتت بنات بنغازي يا يوسف كملن يعني ؟ وحده لا اصل لا فصلل قاعد تقوليي ماعندها حد ف دنياا وشن حال اخلاقهاا الي عايشات برواحهن كيف الاجانب
يوسف : امي والله محترمات و كويساتت الله يربحك انا رايدها البنت و نتحمل مسؤليه قراري
نوريه : انت تحكيي من عقلك ولا شنوو ياليدد ناخذ وحده ما عندهش هللل لولدي شن ناقصك انت بيش تاخذ وحده زيها ؟
يوسف رقتله : و شنوو هياا الي مختارهه حياتها هذاا الي مكتوبلها الله غالب
نوريه : انا مش واخدتها لكك قالل ايشش ولدي دكتورر ياخذ وحده ما عندها الا شهادهه ثانويه كني نضحك ناس عليا انا
يوسف : ماليش علاقه بناس انا ي امي البنت رايدها
زبيده : ماما يقولك ان بعض الظن اثمم ما تقوليش عليهن هكيي والله كويسات و متربيات احسن تربيه و باتهم من اكبر دكاتره القلب في ليبياا غير الله غالب هلهه قاطعوهه بعد خذاه امهنن اجنبيهه
نوريه : ياا نعلياا يا وليديي هذيي سحرااتك تي حتى عمامهاا مفارقينها
يوسف بحت لزبيدهه بمعنى ديري لقطه
زبيده : هنا مالهنش ذنبب
نوريه : ينعلياا لا و اختين و انت كيفف بتاخذ وحده و ثانيه هديه ولا شنو دوتك؟
معاذ ضحك : ينعلياا ي اميي هذي متعلمتيها من دعايه مصريه
نوريه : اسكتت انتت
معاذ زراته ضحكه : حاضر
يوسف : امي منيش صغير انا قلتلك نتحملل مسؤليةة اختياريي الله يربحك ارضي عليها
نوريه : انت نهبلت وقت اخترتها ؟
يوسف : الوقت الوحيد الي كنت فيه في كامل قوايي العقليه و القرار الوحيد الي خذيته صحح في حياتي
نوريه تخبط على وجها : حي عليا هذي ساحرتك ولا شنو؟
على خشت محمد الي قمعز و قعد يشوفلهمم
يوسف : لا سحرتني لا سوو انا نبيهاا يا امي و نقولك من تواا كان ماخذيتها هياا ماني واخذ غيرها و وجهي والله ما عاد شايفتيه و نظمي امورك و قوليلي
نوريه : انت تهدد فيا
يوسف : انا نحكيلك بسس
نوريه سكتت للحظات وقعدت تشوف لمحمد الي يدير في فونه
نوريه : اناا موافققه و نمشي نخطبهاا لكك من بكراا بس عنديي شرطط واحدد
يوسف : شنو هو ؟
نوريه : اليومم الي نخطبلك فيهه الي بعدهه نخطب لمحمدد على طولل
محمد رفع عيونه و شاف لامه بصدمه
.. يتبع ..
نوريهه قاعدهه تعقدد في الموضوعع !
تتوقعوا محمدد بيتقبلل بسهوله فكرة زواج و تخلي عن بنته او يصير العكس؟
ا ن ح ب ك م ع ر م ♥️♥️.
# الزم _ بيتك ♥️