مسائكم ورد حبات قلبي🌹🌹🌹
عمري تسالون عن مواعيد البارتات كلتلكم وارجع اكول ماكو مواعيد محدده كلما اكمل بارت انشره
واني قبل ما انشر جاي انطيكم خبر ع المنصه قبل بوكت اوقبل يوم
واضن ممقصره وياكم البارتات فوك ٣الاف كلمه مايقل ولا جاي اتاخر عليكم اقصى حد يومين انقطع عنكم
٣٠٠٠كلمه قراءه ممتعه
#هديه_في_حي_الرجال
#بقلمي_زينب_العبيدي_(الزينبيه)
#بارت٢٨
حطيت الشال ع راسي وحطيت وشاح طويل ع جسمي
وصعدت واني متردده وخايفه وقلقه وكلبي معتصر كلش
دكيت الباب ع الخفيف ودخلت
جان كاعد ع الجربايه وبنته يمه مشتريلها حلويات ودتاكل وهو يحجي باالتليفون واول مادخلت حط اصبعه ع حلكه بمعنى لاتطلعين صوت
وهو يكول لارعد تركه تركه .....خلي يهدى ويرد من كيفه ....يمعود هو هذا هم صاحي باقي برجوت الاطلال .. ...لاتهتم نفس الشي اليوم حجه وياي تنتر وجماله سد التليفون بوجهي خلي اعلى راحته منا الباجر يجوز يهده
يله ...اي اجيكم ب١١ تقريب....يله الله وياك
سد تليفونه وهو يستغفر
التفت علي تعاي كعدي جدامي
اجيت كعدت كباله واني اعصر بااصابعي
-رفع حاجبه شبيج متوتره
-ء..ء..لا ب بس اليوم احس مجاوبت زين باالامتحان
-هممم..زين سمعي بيلسان وركزي بجلماتي انه زوجج موش صح يعني ترى ماهي حلوه كلساع اذكرج انتي المسئوله عني حيث انه احب المره لمعدله تهتم برجلها وبهدومه وبغرفته واله بالتصخر
يعني من الاخير مره نادره
ترى عيب تخليني اقارنج بفلانه وعلانه تدرين بعلي انه عمري مالكيت هدومي هيج واحتار شلبس لان ولا هدم مكوي
زين مو بس هيج كتلج غرفتي كليوم نظفيها يبنت الناس ترى ماطالب المعجزه
مابيها شي تراها نظيفه يعني شيلي هدومي الانزعهن عدلي الجربايه شيلي الفراش مالها شمسيها بخريها
ترى انتي مره عيب اعلمج شغلج بويه
والله اليوم الصبح شطت وشياطيني تتكامز جدامي لنج ماخذيتي حجايتي وراده الملابس اتشمر باالكنتور حتى ما مرتبتهن وكاويتلي دشداشه وحده بس الي رحم بيج طلعتج للدوام
ادري شنهي هاا شششعندج اشششو وصلني خبر ماتلضمين خيط باابره و٢٤ ساعه كاعده وحتى دراسه ماتدرسين شعندج ماتكليلي
شوفي ترى انتي هسه مسئوله عني وعن نفسج ومستقبلج انتي يوم وافقتي نتزوج اكيد مانج غافله عن هذا الشي لذالك سمعيني زييين انه من عوايدددي احذر مره وهاي اول مره احذرج مرتين لان انتي ماتعرفيني زين بسس ياويلج تتكرر تره تصرفي يتغير وياااج لاتخليني احس ابفرق عن كبل وقد اعذر من انذر
هو يحجي واني ساكته اعرف كل كلامه صح بس معندي شي اكوله
كام هو فتح كنتور مالته وكال تعاي كمت اكوي قسم ورى قسم عسى ما كل يوم خمسه
واللبسه الي انزعه بسرعه غسليها لاتخليهن يتكومن
حط ايده على خدي بيلسان ترى انه ماعندي غيرج يكضيلي شغلي انتي امريتي الحلوه لاتخليني ارد على احلام وتغسل اهدومي وهاي جبيره بحكج ترى وفشله
هزيت راسي اي واني منزله نظرات عيوني عنه مادري ليش خايفه اباوعله
-شبيج ليش احسج موش اعلى طبيعتج
-م مبيه كتلك ضايج ع الامتحان
-ميخالف بويه خيرها بغيرها ...زين انتي ليش مادرستي
-امس يطبون علي ويطلعون الجهال مكدغت ادغس
-منا وغاد يبوج تصعدين اتدرسين اهنا وقفلي الباب عليج وكرصني من خدي
-تمام اخذت الملابس مالاته وكتله
ء ءهزاع لويش صديقك هو الي حيوصلني ليش مو عمو ابو زينب اني تعلمت عليه
-عكد حواجبه ليشش جا شبي بكر
-ء لا م مبي شي بس كتلك ابو زينب اتعلمت عليه يعني وي بكغ شوي متقيده
-لابويه لاتتكيدين هي ساعه زمن ويوصلج ويرد وبس ابو زينب هاي الايام هواي جاي نضغط اعليه خطيه يعني الشيخ طلعاته جثيره وهو الي ياخذه ويرده ومنا بنيته كل يوم والثاني ياخذها للدكتور وانه مااكدر التزم وياج فهذا الولد جزاه الله الف خير كال انه عندي خط بي اخته وصديجتها واختها وانه اثق بي
-ء اها ز زين يعني هو ليش مامتزو ...ء ءاقصد يعني هو متزوج لو لا
رفع حاجبه وباوع علي بنظره غريبه شفت انعكاس صورتي الي صار واضح كلش بظلام عيونه السود خفت حيل بلعت ريقي
-ليش تسألين
-ههههه فضوليه م متغفني
-بس انتي كلتي ليش ماتزوج وانه ماذاكرلج هو مامتزوج
- حجيت واني اخذ الملابس حتى اضيع ارتباكي هاي شبيك غلطت جنت اغيد اكولك متزوج لو لا يعني تعغف اني ما أأمن يعني اذا متزوج تصير اهون شوي اخاف اذا اعزب حيكون شوي تصغفاته مو حلوه واحنه بنات
كعد هو على الجربايه موشرط هذا موش مقياس ولاتخافين كتلج الولد اثق بي مثل ما اثق بنفسي
صح بعده مامتزوج بس كلبه ماتملي مره من حيث يحب وخده ماخذه حتى عكله
-اها ت تمام طمنتني
تمدد على الجربايه وحط ايد جوه راسه والثانيه لازم الريمونت ويكلب باالتلفزيون
شغلت الاوتي اني نزعت الوشاح والشال
هو مجان منتبهلي بس حواء كالت
الله باع بيلثان شنو لابثه مثل هاي باالتلفزيون
ابتسمت الها اني باوعت ع التلفزيون جان فيلم اجنبي هماتين وحده لابسه بنطرون وبدي
كلتلها لا انيي احلى الغب يسامحج حواء
باوع هو علي واحس اعيونه تمشي على طولي ورفع عيونه بوجهي اخر شي
حواء اي انتي كلش حلوه شعرج يخبل
-ياغوحي بس مو احلى منج فدوات للبنوتات
حواء بابا اني من اكبر اثير البث مثل بيلثان
-اي فلحنه بابا ...باوع شني هيج جنتي جدام النسوان
-اي مو انت دتكول نسوان يعني ما بيها شي
-شلوون مابيها شفتي طفله جاهل وحجت يمي اتخيلي النسوان شيحجن يم زلمهن
-حبيبي فدوه كافي تضغط علي
-بويه موش بيدي بعلي انه ما احب ينحجي بعرضي يفصلون بحلالي ولا احب يشوفونج بمنظر مايحق الاحد يشوفج غيري
بعدين انه مسلم و بدينه الاسلامي مايجوز المره تلبس شي يغوي حتى لو جدام النسوان لان راح يباوعن اعلى طولها تقاسيمها ومن غير الحجي راح يكولونه جدام زلمهن
-مو لازم انطبق كل تعاليم الدين احنه مو منزلين من السماء اكيد ما حيصير مصيرنه الجحيم اذا خالفنه امغ او امغين
-هذا اكبر غلط تحطين هيج فكره براسج مال موش لازم انطبق كل تعاليم الدين لازم تحطين براسج لازم اطبق كل تعاليم الدين او اكثر عدد من التعاليم صحيح مانكدر نوصل مرحلة الكمال لجن احاول اطبق الي اكدر عليه واتغلب على الشيطان حطي براسج ان نهايتي انه اقررها باافعالي الجنه اكدر اكسبها باارادتي والنار انه الي امشيلها باافعالي كلشي باايدي وباافعالي افكر ارضا ربي كبل ما ارضي نفسي والكبالي
حبيبتي انه خايف عليج لان الي جاي نتعامل وياه هذا رب الكوون جبار السماوات والارض موش بشر مثلي مثلج انتي المفروض مسلمه موش مسيحيه بس اكيد ماينعتب اعليج لان محد رشدج بس هسه انه ولي امرج انه الي لازم ارشدج للاسلام وتعاليم دين ابوج وزوجج واطفالج باالمستقبل ما اجبرج لان لا اكراه باالدين لازم تقتنعين باالدين الاسلامي مثل ما اقتنعتي باالمسيحيه
-لا مستحيل اغيغ ديانتي تعذغني كولشي تكدغ تسوي بس هذا ما الك حق بي يعني اني فتحت اعيوني اني مسيحيه
-شنهي شفتيني كاض سوط اعليج واله ادشين الاسلام كتلج بقناعتج ومامش عندي اي مشكله بدينج باالعكس بس حتى تتراهم افكارنه وتمشي حياتنه صح وانربي جهالنه باالمستقبل على نفس التربيه ماتتضارب افكارنه
خلصت الدشداشه ومشيت دا اعلكها وكتله تمام ماطول ماكو اجباغ باالموضوع
التفتت عليه لكيته يباوعلي عض شفته ورفع حاجبه
ابتسمت اني عزه هذا وين جان ديباوع
كام راد يطلع خذه دشداشته الي معلكه وكال خل اطلع احسن ماترهم بعد
-ابتسمت اني لويش و شنو المايغهم
-ابتسم ماحاجاني شي لبس دشداشته فوك سرواله ولف الجراويه وقبل لا يطلع كال مو تشردين كملي جم ثوب تالي نزلي
ترى شوي وارد اجيك عليج
ابتسمت اني تمام
نزل هو واني رجعت اكوي واحجي وي نفسيي لا مستحيل ابدلك ببكغ او غيغه انت دخلت كلبي وحبيتك وبكغ جان يغضي غغوغ (غرور) الانثى الي بداخلي لا اكثغ يعني مو حب هسه الي دا اعيشه واحسه هو الحب رجفت قلبي رعشت ايدي فرحتي بشوفته كلماته الي تحسسني اني ملكه زماني
ضليت اكوي وافكر بي مطلع من راسي ولكيت نفسي مخلصه ٤ دشاديش و٤ غتر
كيفت جني مسويه انجاز علكتهم وضميت البقيه لان تعبت كافي صاروو خمسه وهو كال خمسه واني امشي ع حجايته
غيرت فراش الجربايه و وجه امخدته وبخرت غرفته ومسحت اخشاب الغرفه وكنست الارضيه ومسحتها
كضيت ظهري اخخخخ يمه حموووت بعد اسبوع مبيه اتحرك
وهو ما اجه جيك علي يعني جذب علي
شوي واجت فدوى بيلسان يكولون تعاي تعشي
نزلت لكيتهم فارشين السفره كعدت وتعشينه اكلت واضحك واسولف قررت انسه ضوجتي شوي اطلع كلام بكر من راسي اكيد ح ارفضه وح اتفاهم وياه
كملت عشه شالو البنات السفره وجاي يغسلن مواعين اني ركضت ع الجاي اخف واسهل شي صبيت واخذته الهن الصينيه تركص بيدي
وبعدها اخذت كتبي وصعدت فوك
ادرس ما اريد اخسر دراستي بعد ما وصلت المرحله حلوه والكليه الي احبها
وبنص دراستي اجه حسن ابن احمد يدك الباب ويكلي خاله بيلسان عمو ارغد يصيحلج
فتحت القفل ها حبيبي وينه عمو اغغد
-اهناك واشرلي ع السطح الثانوي
حطيت شال ولبست الوشاح مالتي ورحت للسطح جان كاعد وصافن
-ها اغغد صحتلي
-فز من صفنته وحجه جنه يكمله حبل افكاره وصفنته بس بصوت مسموع
انه حبيتها وماجاي اكدر اطلعها من راسي
مو من حقها ترفضني لازم ناخذ فرصتنه كلشي صار غصبا عني موش بيدي صوج هذا(اشر على كلبه) الي صبر كل هاي السنين تالي ماحب اله هاي المخلوقه
-تنهدت اغغد جنى امها متشدده شوي اكيد هي سبب الي خلت جنى متغد عليك اعتقد هي عغفت ان مابيدها شي تسوي حتى تنجمع وياك لذالك قغغت(قررت) تتبعد وماتكبغ هذا الحب على الخالي
-اتصلي عليها بيلسان خل احاجيها صار ١٠ مره اتصل ماترد وكلما اكول كافي ماراح اتصل الكه التليفون جاري الاتصال انه مامسيطر اعلى روحي بيلسان
-مثل متحب اتصلت وبسرعه جاوبت وصوته مال وحده جانت تبجي
هلو جنو حبيبتي شبيج ياعمغي
-مبيه شي بطني يوجعني شوي
-اووف اغف دتكذبين علي
-لا صدكيني مد اجذب عليج
باوعت على ارغد يفرك باايديه صوتها واضح لان هدوء ويسمعها
كلتلها جنى اغغد ديتصل عليج لويش متغدين عليه
-بيلسان كوليله اني ما افيده لايتعبني ولايتعب اهلي ماحيوافقون على حبنه عفيه بيلسان ليتصل علي ديأذيني والرب داموت وضلت تبجي
اخذ التليفون مني بحركه سريعه
شوفي جنى انه حبيتج اي حبيتج ودشيتي كلبي بس انطيني جلمه وحده كولي انتي تحبيني والباكي علي
ضلت ساكته
-لااا تسسسكتين اسسمعج
-ماما متقبل ارغد انت مسلم واهلي ميقبلون بيك ما اكدر اكسر كلامهم
-لاتخبليييني كتلج انتي انتي موش اهلج انتيي تحبيني
-وشنو ينفع اذا حبيتك هاا شنو مصير حبنه
-مصيرنه نتزوج
-بس انت مدتف...
-كتلج تحبينننني
-ارغد ...اي ..اي احبك ب بس..
-هذا هو راح احاول للاخير راح اسوي كلشي اكدر اعليه حتى تصيرين الي
-حجت وهي تبجي يعني شلون شنو حتسوي
-كلشي انسوي حتى نقنع امج
-م مادري ياريت ولو احس هذا الشي مستحيل
-مامش شي مستحيل ارغد انه موش ياهو الجان والمصيبه حبيت حتى الكاع جرت بوش مني هههههه
-ههههه ضحكت بخجل
اني مبتسمه على حجيهم وكاسره ركبتي
باوعلي ارغد بعين ونص احممم
رمشت اني بعيوني وعكدت حواجبي سويت نفسي مافهمت
-كومي منا مو تسوين روحج غشيمه ترى انه اطرد ماعندي لحيه مسرحه ولا استحي يله بويه يله
-ء ء ب بس تليفووني حلوه هاي ديتصل بتليفوني ويطغدني
جانت جنى تضحك
كال هو جنى راح اتصل عليج من تليفوني ردي
-لا ارغد اريد ادرس
-اهووو شني ترى ابطلج من الكليه بعلي ههههه
حجيت اني عزه عايش الدوغ كولش
جر شالي نزله على وجهي انتي سكتي
-ضحكت هي اوك بس عشر دقايق مو اكثر
-يمعوده جا غير نعمه عشر دقايق اسمع بيهن صوتج يسون ١٠ سنين من عمري
شكيت الحلك اني من الذان للذان اييييي بص شو بيعمل الحب وعمايلو
حجيت الكلمتين باالمصري وتذكرت زينب اووف خطيه سنين وهي تتمنى نظره منه الغب يساعدج ويطلعه من قلبج
سد التليفون وانطاني هاج الفكر عود انه كلت اعبيلج رصيد بس اثاريج ماتستاهلين
-عزززه هسه اني ما استاهل لعد
لو مو اني جان انت وصلت ٢٥ مكالمه ياعبد الحليم وشاديه تباوع ع الشاشه وتبجي
-ضحك هاج طلع من جيبه كارت كضي انه اكدر ما انطيج حلوه وتدللين هاج عيني هاج
-اخذته شكغاً ياعسل
-احترك النحله الخلفتج اذا انه عسل جا انتي شنهي
كمت اني واضحك اني الخليه كولها
-حجه وهو يتصل على جنى يحكلج عمي يحكلج بس روحي منا اضل امسلت اذا واحد انتبهلي احجي باالتليفون
عفته اني وطلعت من يمه ورجعت ادرس
بغرفه هزاع للساعه ب١٠ اجن البنات ديفرشن
عذراء والله طاح حظنه شنهي كليوم على نفس الديدن
دره ولج عيب لايسمعنج ماضل شي سمعت باجر راح يطلعون لكولهم بيت اجار وابوي وعمامي ساعدوهم
رفعت حاجبي اني وحجيت بداخلي لاصدك يعني اليوم اخغ يوم انام اهناا لاااا تعودت ع هزوعي والغب
كملن الفراش وتمددن اني جنت ادرس ع ضوه التليفون والتلفزيون لان عذراء طفت الضوه
وكاعده ع الجربايه حواء مموجوده اذا ابوها راح للمزرعه تروح يم احلام تنيمها وتجيبها يمه
اني كمت غيرت دشداشتي لبست سروال فانيله وردي بي شخصيات كارتونيه ع طوله وفانيله نص ردن ابيض
ورجعت ادرس
صارت ب١٠ ونص ودخلت احلام تدري بهزاع ماموجود لذالك دخلت جفت لادكت باب ولا شي
واول ماتخلت حسيتها شلون انصدمت ودورت على البنات دره وعذراء اتريد تتاكد موجودات
اجت حطت حواء ع الجربايه وحجو وهي تغطيها انتي تنامين اعلى الجربايه لو شنهي
-لا الصغاحه هو ابو عذب كلي بس كتله لا ميصيغ
-هاا والله ماضن ...زين اكلج انتي شني هاي لبسج عاد عيب كدري الناس الكاعده عدهم ماتستحين
-لويش شفتيني دا افتغ يمهم بلبسي هذا اشو داالبس مثلجن بس بغغفتي يحقلي البس الي يعجبني يعني مااكو احد زوجي وبناته وحماتي محد غغيب
-بعده ماصار زوجج انتي لونج رزنه وثكيله جان حتى ماقبلتي تنامين بغرفته بس هي لو طاحت كطرة المستحه مايكض ابن ادم شي بعد
-لازوجي وبدينكم هو هسه زوجي والعغس مجغد اعلانات فقط على الزواج حتى الكل يعغف ان احنن تزوجنه اما حاليا فامن حقنه نعيش حياتنه مثل المتزوجين بس بحكم العادات والتقاليد ح نسوي العغس
ضلت هي ساكته ماتعرف شترد بعد
طلعت وسدت الباب
رجعت ادرس وادرس صارت الساعه باالوحده دخت وهزاع ما اجه اني ضاله اقره بس علمود يجي
لحد مانعست ونمت
حلمت كان لابسه بدله مال عرس تجنن و ورد مثل الافلام واريد افوت على الكنيسه وايد بابا كامشني وجان هزاع ينتظرني واكف بعيد وعلى وجه ابتسامه تجنن وكان امشيله والطريق صار كلش طويل ولمن وصلت باوعت بوجه هزاع وجن اتحول بكر
اختنكت من الحلم وكعدت وفتحت عيوني وعلى كبرهن بس بدون صوت حطيت ايدي ع كلبي افف حام شكغا للغب
اتلفتت يمنه ويسرى وانتبهت ع هزاع كاعد بطرف الجربايه رافع رجله وثانيه والثانيه باالكاع ومتجي ايده على رجله الثانيهه ولازم بيها الجكاره وصافن
خطيه جاي وممكعدني
عدلت روحي شوي التفت علي هو
ابتسمت لويش مكعدتني انزل من مكانك
حجه وهو يطفي جكارته ومبتسم
باالنفاضه شسويلج ماكفاج امخدتي
-ههههه والغب غفيت بدون ما احس
-اتشاقه وياج بويه جنت راح انام باالكاع عادي مامش مشكله
كام نزع دشداشته كمت اني اخذتها علكتها وحجيت همس حتى ليكعدون اشو تاخغت
-اي بكر صديجي جان ضايج شوي وكعدنه يمه غيرنه نفسيته شوي
-ء ءوصاغ احسن
-يعني شوي احسن
-لعد هو شبي
-ماكال شي بس ساكت
-ء ء اخاف عنده حاله نفسيه او ازمه او مشاكل عائليه
-لا ولا وحده من هذن بس الزلمه يحب وحده وبين فتره وغتره يهيج بي الشوك وتتغير حالته متعلمين عليه
جان يحجي هيج واني ارجف واحس كلبي يدك حيل وحيل
-زين انتم متعغفون هذي البنت منو يعني ح حتى توصلولها مسولف الكم عنها
-لا ابد اذا يريد يسولف فيسولف شكثر هو يحبها وبس حتى اسمها مايكوله كل الي نعرفه البنيه من بغداد وجانت تحبه ويحبها وخطبها اربع نوبات ما انطو اهلها تالي اختفت ودورها ماحصل مجانها
عضيت شفتي وتوترت يمه اشلون حبدي اكوله والغب خايفه اخسغه خايفه من غدت فعله طلع يعغف ان البنيه جان يحبها وهي هماتين تحبه واني الي جنت ناويه اضم عنه حبي اله او مشاعغ المغاهقه الي جانت ابكلبي اتجاه بكغ
-ء ء زين ع عوفنه من يمه اني اليوم اجه ابالي سوال واغيدك تجاوب عليه
-كعد على الجربايه انتي اسئلتج بس تالي الليل تلفي
-لعد اني وين شايفتك
وكفت اكباله جاوب بصغاحه انت تحبني يعني شكد اكو نسبه انك تعوفني ولو عفتك شحتسوي
ابتسم وحط ايديه على خصري وقربني عليه صرت واكفه ابين رجليه
رفع راسه باوع علي
-فد مره كلتيلي انت ليش خايف مني كتلج انه ما خايف منج انه خايف اتعلك بيج واذا تعلكت بيج بعد مابيها مجال تتراجعين وانه هسه متعلك بيج غالطت روحي يوم تكلي ماتناسبك موش مثل طبعك غمضت عيوني وصميت اذاني وماشيت كلبي واول مره اماشي كلبي واحبس عكلي بعيد وما انطي مجال يفكر خاف يفكر وخاف يبعدني عنج عجلت الزواج خاف يصير شي ويبعدج عني اقلها اذا صار واحنه متزوجين اكون مجبور اتحمله وما اتراجع عن شي يعني الاوان فايت يعني حاصرت روحي اله تقبلج وغصبا اعليها موش نقص بيج بس اختلاف البيئه اي حاصرتها جبرتها تتقبلج وجانت هي حيل ماشيه اعلى مايي وتقبلتج بكل رحابه صدر جنت كبل اكابر اكول لا خلها موش وكتها البك مو حب لاتعلكها بيك انطيها فرصتها لجن هه مادريت انج ونعم الصايود كلبي فريسه صعبه طيحتي بساع اثاري جان صعب بس موش وياج صعب ويه غيرج يمج صار حيل لين وسهل اي احبج
اما باقي الاسئله مامفكر بيهن ولا اريد افكر كتلج حبست عكلي وما اريد اطلق سراحه ولا اريد افكر بشي
-بتسمت كلامك هوايه عميق هوايه صعب واني هوايه احبك
دارني من خصري وكعدني ابين رجليه وبعد شعري حطه صفح من جهه وحده ودكات كلبه مسموعه
وكال
موش احبك كول انه عايش بيك
كول انه اتنفسك وكلي هايم بيك
كول اعشكك كول انه ميت فيك
كلي انت عمري حتى ترضيني وارضيك
ولو ادري شماتحبني انه ازود اعليك
حسيت بحراره بكل جسمي وكلبي يرجف والفراشات اتطير ابطني احس قربه كهرباء تمشي بدمي كتله بصوت باالكوه ينسمع
-مستحيل اتحبني اكثغ اني احبك اكثغ
سحب الكلاده من السنسله وكمش المداليه وباسها اتحداج لان انتي تحبيني بس انه انه احب حتى اليحبج
-حجيت بزعل حتى اخنكك شنو تحب الي يحبوني انت حبني بس الي لان هوايه بنات يحبوني وبهيج حاله حتحبهم كلهم
- ههه ...وصيت ناس على غرفه من دبي يجيبولج
-ياي صدوك كسرت ركبتي اباوع عليه
باوع بعيوني اي صدك جا حسبالج من وعدتج اجذب اعليج
-والبدله بعد اغيدها من اغبيل
-هاي شوي صعبه يعني شلون
-انغوح اني وانت
-لا صعبه شوي شلون اخذج ونروح
-حجيت بزعل لويش ما استاهل يعني
-موش سالفه ماتستاهلين بس مال انسافر سوه شوي صعبه
-تمام ح اكول البنت عمتها الجنى تختاغلي عذوقها لان حياخذها خطيبها
-خوش حل وخلي تجيبلج ولاتهم باالفلوس ابيش ماتصير
-شكغا حبيب...
بعدني ممكمله الجمله وماحسيت اله دفعه طيرني باالهوه
عزه اااويي
-اسم الله بويه اسم الله
باوعت يمنه يسرى شفت عذراء كعدت
وباوعت علينه وطلعت
ضاج هو كلش وماحب المنظر الي شافتنه بي بنته ضل ينافخ ويستغفر
اني من خجلتي غطيت راسي ونمت
كعدت الصبح متاخره غسلت ابسرعه ونزلت اركض طلعت ملابسي وكبل ع الحمام بدلت
واركض منا ومنا جنت البس الحجاب
صاح هزاع بيلسساااان بكر باالباب
من سمعته احس بطني ضلت توجعني
طلعت واني ارجف شفت هزاع ديطلع قبلي ضليت اعصر بااصابعي طلعت هو وبسرعه اني طلعت وراه
هزاع حي الله الزعلان شني يابه شبيك لو هي كل حاله
باوعت على بكر جان شكله يكسر يخوف وعيونه بكصته
بكر....
يتبع.....
توقعاتكم