زي ما قولتلكوا ان الجزئين الي فاتوا نهيت فيها الروايه لكن بناءاً ع طلب البعض عملت حلقات خاصه اتمني تعجبكوا وياريت كمان يكون فيه نفس تفاعل الروايه دي مع روايه حكايه داليدا. وروايتي الجديده رأيته في احلامي
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠
بعد مرور اكتر من ١٢سنه في مكان شهد ع اجمل قصه حب بدات وشهد ع ذكريات ... وافكار ...وحكايات.... جميله. ومؤلمه ايضاً. لكن كل دا عدي ب الحب والعشق الي عاش فيه ورواه
في الصعيد في بيت العمده
كان متجمع الكل في اخر يوم رمضان
توفيق وصبره .....صالح (بابا ناديه)وعواطف (مامتها) .... اللواء اسر وهاجر ....اللواء سيف ونورهان ....و جاسر وجميله .... حمزه وناديه. .... عبدالرحمن وسلمي ....صلاح و رنا والاطفال ...مالك ومازن والاء ..... عز وعمر ....انس ....نائل وريم
وبدأ الاذان وهما بيرددوه وقبل اي حاجه اتجمعت البنات كبار وصغيرين في مكان خاص بالصلاه والرجاله في المساجد مع الولاد وكل واحد معاه ابنه
واتجمعوا الكل ع السفره بعد الصلاه وبيحطوا الاكل ع السفره
الاء بتزمر : يلا بقاا انا جوعت اووي
الكل بصلها وابتسم اسر :حاضر ي ست الاء يلا ي بنات بسرعه عشان الانسه الاء جعانه
جاسر ابتسم بخفه :خلاص ي لمضه اتفضلي كلي
الاء :لا طبعاً لازم كلنا نتجمع وناكل مع بعض
حمزه :هههههه طب امال بتقطمي فينا ليه استني بقاا لما الكل يتجمع وبعدين انتي كل يوم تدوشينا مكنش شهر بتصوميه ي ست الاء
الاء بصتله :ما هما اتاخروا اوي ي اونكل وكمان جدو توفيق بيتأخر اوي
جاسر :عشان جدو لازم يتاكد ان كل اهل البلد بياكلوا عشان هو العمده
زي الاب كدا بعد ما يتاكد ان ولادوا كلوا بياكل هو
الاء :هو كدا بياخد ثواب ي بابا
جاسر :طبعا ي حبيبتي اي خير بتعمليه بتاخدي عليه ثواب
الاء بحماس :الله طب انا عايزه اروح مع جدو اعمل خير
صبره دخلت وسمعت كلامها وابتسمت وبصتلها :بس كدا انتي تؤمري ي روحي انهارده هنخبز عشان كل سنه وانتي طيبه بكره العيد وهخليكي توزعي كحك
الاء بسعاده :بجد ي تيته
صبره وهي مبتسمه :بجد ي روح تيته
حطت جميله اخر طبق ع السفره وقعدوا البنات وبصت ل الاء :خلاص ي ست الاء قعدنا اهو اتفضلي
الاء :لا انا هستني جدو
دخل توفيق وابتسم لما سمعها :وانا وصلت ي روح جدو
الاء ابتسمت:حبيبي ي جدو
توفيق بحب:انتي الي حبيبتي ي روحي
رنا بعبوس:ي سلام ي سي بابا يعني الاء هي الي خدت الحب كلوا وانا اي اتركنت ع الرف
توفيق بحنان :انتي بنتي وهي حفيدتي وكمان رورو حبيبتي كلكوا بحبكوا
وطبعا الرجاله بردوا قبل ما يتكلموا عشان عارفك انت ي عم مازن لسانك طوله مترين
مازن كتم ضحكته وتصنع البرائه:الله وانا عملت حاجه ي جدو
توفيق بسخريه :لا انت مبتعملش حاجه ي حبيبي برئ. انا مش عارف ازاي مالك تؤامك انتوا اه شبهه بعض جداً ومفيش اختلاف بينكوا لكن مالك هادي مش مجنون زيك
مازن ضحك وغمزه:هههههههه هو فيه احلي من الجنون بس متنكرش بردوا اني الوحيد الي بضحكك
الكل ضحك خصوصا توفيق :ههههههه لا مقدرش انكر انت حبيبي ي ميزو
مازن :ما بلاش ميزو دي ي جدو هيبتي هتبقي في الارض
توفيق :ههههههه سلامه هيبتك ي اخوياا هههههههه يلا ي ولاد سموا قبل ما تاكلوا
بدا الكل ياكل بعد ما قالوا الدعاء
وبعد ما خلصوا اتجمعوا الصغيرين حوالين جدهم توفيق وهو بيحفظهم بعض الايات القرأنيه زي ما عودهم طول شهر رمضان وهو انهارده المفروض هيختموا القران لثالث مره قراءه وحفظ
لحد مااذن العشاء وصلاه التراويح وراحوا الرجاله المسجد يصلوا والستات في البيت
كان البيت والصعيد كلها مليانه بالفرحه بدخول العيد ... ايام رمضان والعيد ايام كلها بهجه وفرحه للكل خصوصا اهل الصعيد بيكونوا اهل فعلاً مثال للعطاء والتعاون والموده والرحمه
الاطفال في الشوارع بيلعبوا والالعاب الناريه الي مستمره طول شهر رمضان والبهجه الي في الشوارع وفي البيوت وزينه رمضان وجمالها وهي مزينه شوارع الصعيد
في غرفه جاسر وجميله
واقفه في التراس وسرحانه بتبص ع شكل الاطفال وهما بيلعبوا والانوار والزينه في كل مكان منوره شوارع الصعيد ومدياها جمال وجاذبيه احلي واحلي كانت المباني حديثه مش زي ما في خيالنا كلنا والشوارع نضيفه وجميله وشايفه الاطفال فرحانين باغنيه العيد وشغاله في كل مكان
حست بحضنه بيحاوطها بعضلاته وزياده حبه ليها ودفن وشه بين رقبتها وشعرها بيستشعر ريحتها الي وحشاه بجنون وبصوت عاشق :سرحانه في اي مخليكي مش سامعه حتي صوتي وانا بناديلك
جميله ابتسمت وهي باصه للاطفال :سرحانه في البلد اد اي جميله وفعلاً رمضان هنا ليه طعم تاني عمري ما حسيت براحه كدا غير هنا
جاسر ابتسم ووقف بكامل جسمه وهو لسه محاوطها بايديه ومقربها لحضنه وبص لجمال شوارع الصعيد وزينتها:عندك حق عشان كدا بحب اقضي رمضان والعيد هنا ....المناسبات هنا ليها طعم تاني عشان هنا كلنا اهل عارفين بعض ومفيش غريب بينا لكن القاهره عشان صناعه اكتر وكمان عدد السكان كتير فا تلاقي كل واحد في حاله الا القليل
جميله :بس حاجه حلوه وانت شايف فرحه الاولاد بالعيد شوفت الاء فرحانه ازاي وشوفت عز وهو متابعها بعينيه ع طول
ومالك وريم بص قاعدين مع بعض في هدوء تحسهم عندهم٢٠ سنه
جاسر :شايف فعلاً بس دول فاضل ثلاث سنين ويكملوا ٢٠ سنه يعني هما مش صغيرين اوي بس عايزك تخلي بالك من الاء تصاحبيها وتقربي منها الاء دلوقتي في سن مراهقه والسن دا خطر جداً لازم تكوني قريبه منها
جميله :انا عارفه اني لازم اكون قريبه منها واصاحبها بس الاء لسه صغيره ع التفكير الي في دماغك مينفعش احنا نفتح عينيها ع حاجات متنفعش هي ليها اصدقاء ولاد في المدرسه وبيتكلموا عادي كلام اطفال بين اي اتنين
جاسر :انا عارف انو كلام اطفال وانها لسه صغيره بس الصغير بيكبر وهي دلوقتي واعيه انها تفهم الصح من الغلط مش عيب انو يكون ليها اصدقاء ولاد لكن لازم يكون فيه حدود وتفهم الصح من الغلط
جميله :ماشي هقرب منها وافهمها وانت بردوا لازم تقرب من مازن ومالك وخصوصا مازن هو اه عاقل بس زي اي واحد في السن دا هو بردوا سن مراهقه وانت راجل زيوا هتفهموا اكتر قرب منه وخليه يحكيلك الولاد في السن دا بيقلدوا اصحابهم وممكن حد يخليه يجرب السجاير او اي حاجه زي كدا وهو هيشوفها حاجه جديده وهيحب يجربها
ومش هقولك مالك لا. لان المفروض مالك اكتر لانه هادي وهدوءه دا يخوف
جاسر :متقلقيش ي حبيبتي انا جنبهم ومش هسمح لاي حاجه تحصلهم
بس عارفه حبيت اي كمان في الشهر دا
جميله لفت وبصتله باهتمام :اي ي حبيبي
جاسر بصلها بحب :انتي حبيت شكلك بالحجاب كنتي ملاك فعلاً
جميله ابتسمت :اوعدك اني قريب هفكر في الموضوع دا انا فعلاً عجبني شكلي بالحجاب بس لسه مخدتش الخطوه دي حاسه اني لسه مش مستعده ليها خصوصا جنب شغلي هتبقي صعبه شويه هحس اني متكتفه
جاسر :عمر الحجاب ما كان تكتيفه بالعكس دا زينه بيجمل البنت وبيخليها احلي طب رنا اهي شوفتيها بالحجاب ومن غير الحجاب وكانت اجمل بالحجاب بس انا مش بقولك كدا عشان اجبرك ع حاجه انا بقول رأي والي انا شايفه وشايف انك جميله في كل حالاتك واجمل اكتر بالحجاب
جميله ابتسمت وهي مبسوطه انو لسه شايفها جميله لحد دلوقتي حتي بعد السنين دي ولسه بيحبها وهي رغم انها ظابط لكن عمر دا ما قلل من جمالها ولا اهملت في نفسها وجوزها وولادها كانت قادره انها تشيل كل حاجه وطبعا بجانب مامتها الي كانت بتساعدها في تربيه الاولاد
وقدر جاسر انو يدخل الفكره في دماغها مش بالغصب لا بالحب والكلام الحلو
البنت قادره انها تعمل المستحيل عشان حبيبها لو هو شجعها ع كدا لو ع طول بيقولها كلام حلو وكلمه واحد وحشه قادره انها تهدم الحب وتطفي البنت
عايز تشوف مراتك دايما جميله وحلوه قولها كلام حلو
عايزه تشوفي جوزك جنبك وبيحبك وبيقولك احلي كلام اتجملي عشانه وجننيه ع طول متديهوش فرصه يبص برا
انتوا الاتنين قادرين انكوا تكملوا حياتكوا حلوه وكويسه مع بعض في حب بس لو كل واحد شاف اي الي مقصر فيه وعمله هنا وقتها العلاقه هتستمر وعمرها ما هتتهدم ابداً حتي العند الي كان اساس شخصيه جميله مبقاش موجود وهي اتنازلت عن عندها عشان حبها العند لو دخل بين اتنين بيحبوا بعض بيهدموا ما تفتكريش ان دي متعه لما تعندي مع حبيبك لمجرد انو ميتحكمش فيكي لا ربنا خلق كل واحد ليه وظيفه
يعني البنت لازم تسمع كلام جوزها ومتكسرلوش كلمه ودا امرنا بيه ربنا لكن بنات اليومين دول يقولوا لا انا محدش يتحكم فيا بس هنا هتبقي غلطي غلطه كبيره ويعتبر ذنب عملتيه انك تكسري كلمه جوزك خليكي في ضهره زي ما هو في ضهرك خليكي الصدرالحنين الي يرمي عليه همومه ومشاكله
زي ما البنت بتحب الاهتمام والاحتواء والكلام الحلو الراجل بردوا بيحب الاهتمام حتي لو مكنش بيحبك لكن قادر انو يحبك لو حسستيه برجولته مينفعش تبقي زيه وتقولي انك بميت راجل لا هو وقتها مش هيحس حاجه ناحيتك هيحس انو متجوز واحد صاحبه هو عايز انثي بمعني الكلمه لكن مع كل دا ميبقاش استسلام كامل لانو بردوا مش بيحب البنت الضعيفه
ونصيحه لكل اب وام قربوا من ولادكوا صاحبوهم خليكوا انتوا كل حاجه الصاحب والاخ الي ابنك يحكيلك كل مشاكله وميسمعش لكلام ولاد في سنه ممكن يضيعوه انشغال الزوجين دا ممكن يدمر الاطفال
لما يكبروا ويلاقوا الود والحب مالي البيت هنا هيتولد عندهم ثبات انفعالي ويبقي شخص طبيعي مش عدواني ولا انطوائي
والاهم عدم التمييز بين الاطفال.. كلهم ولادك وكلهم بتحبهم اوعي تميز بينهم ولا تقارن بينهم انت كدا بتخلق عداوه بين ولادك من غير ما تاخد بالك ربيهم ع حب بعض ويخافوا ع بعض ويبقوا في ضهر بعض دايما
ربنا خلق كل انسان ليه ميزه فا مينفعش تيجي انت وتقول ابنك انا عايزك زي فلان انت كدا بتخليه يفقد الثقه في نفسه ويكره الشخص الي انت بتقارنه بيه احترم ابنك واحترم قراراته ومهما غلط متزعقش ومتضربش صلح بالهداوه كلمه وعاتبه عمر الضرب ولا الزعيق هيعمل حاجه بالعكس دا بيخلق عدوانيه جواه وممكن يكرهك فا بلاش تحط نفسك في موقف زي دا وحافظ عليهم واحميهم
والام بردوا صاحبي بنتك قربي منها خليكي اختها وصاحبتها الي تحكيلك كل مشاكلها متزعقلهاش انصحيها بالهداوه وهي هتسمع وتقتنع لكن لو زعقتي هتعند وممكن تعمل كل حاجه من وراكي ومهما قفلتي عليها مليون باب هتقدر وتخبي فا بلاش تخليها تعمل حاجه من ورا ضهرك
جاسر قرب من ودنها وهمس بعشق ومكر:كل سنه وانتي طيبه ي روحي
جميله ابتسمت وهي فاهمه قصده:وانت طيب ي حبيبي
جاسر بمكر :لا دي مبتتقالش كدا
جميله لفت وبصتله بهدوء وابتسامه:امال بتتقال ازاي
جاسر غمزها وشالها :هقولك حالاً بتتقال ازاي ي حبيبتي
جميله :ههههههه طبعا لازم تتقال بلغه جاسر الحديدي
جاسر مددها ع السرير وابتسم بمكر :ومش اي لغه دي لغه خاصه ي روحي
لمس شفايفها بين شفايفه بلغه خاصه لغه جاسر الحديدي زي ما بيقول لمسه ولغه بتعبر عن حبه وشوقه ليها
كانت واقفه قدام التسريحه وهي لابسه فستان ابيض طويل وجميل بدون اكمام ومتجسم بطريقه جميله وبتسرح شعرها الطويل واتفاجئت بنفسها بتترفع عن الارض وابتسمت وبصتله
ناديه :مش هتبطل حركاتك دي والله انا قطعت الخلف خلاص
حمزه ضحك وقرب من السرير ومددها :دا انا كنت هقولك كل سنه وانتي طيبه ي روحي بكره العيد وبعدين انتي الي قاطعه الخلف متجبيش الحق عليا
ناديه :الله وانت عايز ولاد تاني ليه انا عز وعمر بحمد ربنا عليهم والحمدلله ع كدا انا مش ارنبه كفايه دول
حمزه :هههههههه بس انا عايز تؤام زيهم تاني وي سلام لو بنات
ناديه بغيره :اه عشان تحبهم اكتر مني
حمزه ضمها لحضنه بعشق وهو بيستشعر ريحه شعرها وبيلمسه بعشق :هههههه معقوله هتغيري عليا من بناتي كمان انا اه فعلاً هحبهم بس عشان هيكونوا شبهك وحته منك
ناديه كتمت ابتسامتها :لا ي اخوياا ركز بس اهم حاجه مع عز وعمر
حمزه غمزها :انا هركز مع الابيض ي ابيض انت ي عسل
ناديه :ههههههه بقيت بلدي اوي ي حبيبي اي دا
حمزه ضحكتها جننته وزادت رغبته فيها قرب منها اكتر وهو باصصلها بعشق :هو فيه احلي من البلدي غمزها البلدي يوكل ي حبيبتي
وبعدين انا لازم اعيد عليكي بضمير مينفعش كدا انا محروم بقالي شهر وانتي سافله وبتغريني وانا كنت بصمد
ناديه مررت ايديها ع صدره باجمل وارق لمسه وع دقنه وشفايفه :انا الي سافله بردوا انا كنت محترمه اللهم اني صايمه يعني
حمزه حركاتها كانت بتجننه وانفاسه عليت كان صايم فعلاً وبيروي عطشه وجوعه منها :هههههه لا صايمه اي بقاا خلاص رمضان خلص كل سنه وانتي طيبه ي روحي عض ع شفايفه برغبه انا الي صايم ولازم افطر دلوقتي وهاكلك ي حبيبتي هفترسك ومش هسيبك ابداً
ناديه ابتسمت بخجل :احم احم رمضان كريم مينفعش كدا انت الحسنات الي عملناها طول الشهر ضيعتها في الكام ساعه دي
حمزه ابتسم بسخريه:ليه واخدك في الحرام ولا اي مش فاهم
غمزها ولا اقولك انتي عندك حق انتي عشيقتي وحبيبتي وكل حاجه
ناديه :هههههه والله قولت سافل محدش صدقني انت المفروض تاخد جائزه نوبل في السفاله
حمزه بغرور مصطنع :هما قدموهالي بس انا رفضت احتراما للمنافسين وقلوب البنات الي كانت دايبه فيا
ناديه ضربته ع صدره بغيره :قلوب مين ي اخويا جت وجع في قلبهم كلهم انت عايز تفرسني يعني
حمزه ضمها لحضنه بقوه وتملك وهي بتتألم لكن الم ممتع بتعشقه وتحبه قربه ليها بيفهمها بقلبه قبل شفايفه بيفهمها ويعرفها ان عمر قلبه ما دق غير ليها ولا شاف غيرها ولا جذبه غيرها بص في عينيها وبلوم :عرفتي بقاا اجابتي
ناديه كتمت ابتسامتها :اه عرفت انا اسفه بس انت الي غظتني
حمزه ابتسم:عشان هبله وبحب اجننك بعشق عيونك لما بتتحول لشراسه رغم انك بتخافي تقتلي نمله بس في غيرتك ممكن تقتلي بني ادمين
صعيديه صعيديه يعني مفيش كلام انا لو اعرف ان بنات الصعيد بالجمال دا كنت جيت هنا من زمان
وقبل ما تتكلم وتغير تاني. قاطعها هو باحلي كلام. بس بردوا مكنتش هاخد غير الي شدتني ليها وعيوني مشافتش غيرها
ناديه لسه زي ما هي من سنين بتدوب في حضنه ومن كلامه الحلو بتضعف مع لمسته حاسه كأنها لسه طفله في سن المراهقه بتحن وتدوب من كلمه منه بيقدر يكسب عقلها وقلبها باجمل الكلام عشان كلام خارج من قلبه وصل لقلبها وعقلها وكل تفاصيلها قرب شغوف وتايه بينهم
في الجنينه بتلعب بالدراجه وهي مبسوطه وفرحانه لكن فجاه فقدت اتزانها ووقعت واتألمت ودموعها نزلت في اقل من ثانيه شافها من بعيد واتخض وجري عليها
عز بقلق وهو موجوع كأنه هو الي اتصاب مش هي وكانت كدمه في ركبتها وبتنزف كانت دموعها بتنزل زي النار ع قلبه :وجعاكي
الاء غمضت عينيها ودموعها بتزيد :اااه اوي
عز قرب منها وحاولت تقف لكن مقدرتش كانت وجعاها اوي شالها بخفه :متخافيش كدمه بسيطه هربطهالك
الاء كانت محرجه مش عارفه السبب رغم انها بتعتبره زي مالك ومازن لكن قربه ليها اتكسفت وبعدت عيونها عن عيونه الي كانت فيها امان غريب الي يشوفهم ميقولش عندهم ١٧سنه
قعدها ع الكرسي الي في الجنينه وبعيد عن الباقيين :خليكي ثواني هنا هجيب علبه الاسعافات واجيلك بسرعه
الاء مردتش ويمكن المها كان اكبر من انها تتكسف منه كانت شيفاه دايما اخ وسند ليها زي مالك ومازن وعمرها ما شافته غير كدا وفي خلال دقايق كان وصل وضمد جرحها وكانت بتتالم لكن نظره عيونه الي فيها امان ودفئ غريب كان شعور متلغبط جواها ربط مكان الجرح برباطه طبيه وملس عليها بحنان وبصلها :احسن دلوقتي
الاء بخجل :اه شكرا ي عز
عز ابتسم :مفيش شكر بينا المهم بلاش تلعبي بالbike عشان متتعوريش تاني وبعدين انتي بنت ليه مش بتلعبي مع ريم
الاء رفعت ايديها بحريه وتمثيل :لاني ببساطه بحب ال bike
عز :هههههه طب قادره تقومي ولا اشيلك
الاء بمزاح يخفي خجلها :انت استحليتها ولا اي لا طبعا هعرف امشي انا متكسحتش
قامت الاء بحركه سريعه ووجعتها وقعدت تاني وهو ضحك عليها
عز :ههههههه واضح فعلاً تعالي ي اختي
مدهاش فرصه تعترض وشالها ودخل البيت وهي هتموت من الخجل وهي يعتبر طبيعه اي بنت سواء صغيره او كبيره وخصوصا في سنها بيبدا يتولد الضمير
مكنش حد موجود في ساحه البيت فا طلع عز ومددها ع سريرها
عز :ارتاحي دلوقتي وع صلاه العيد هتكون قدرتي تتحركي عادي
الاء :احم حاضر بس انا عايزه اطلب منك طلب
عز :اطلبي
الاء :ياريت بعد كدا متشلنيش انا مش عارفه اي الي خلاني ممنعتكش بس بقولهالك دلوقتي
عز ابتسم وهو بالعكس مزعلش منها عليت في نظره اكتر واكتر :حاضر مش هشيلك تاني وانا اسف بس كان غصب عني انتي كنتي رجلك وجعاكي
الاء :وانا مش زعلانه
عز وهو مبتسم :طيب تصبحي ع خير
الاء ابتسمت :وانت من اهله
خرج وقفل الباب وهي اتنفست ب راحه كأن الاكسجين اختفي في قربه
الاء بتأنيب لنفسها :ازاي تسمحيله يشيلك لا طبعاً مينفعش
بس هو زي مالك ومازن عادي
بس هو مش زيهم وبعدين دا يعتبر خيانه ل يزيد انا بحبه وهو بيحبني
بس انا كنت سخيفه معاه هو كان قصده يساعد
بنت في السن دا ضميرها بيأنبها دايما ودا الصح مهما كنتي حاسه من شخص انو بيحبك او حتي مجرد اعجاب صوني نفسك واوعي تسمحيله انو يلمسك سن ١٧سنه مش صغير لدرجه انو ميعرفش يميز بين الصح والغلط
الاء شايفه البنات في المدرسه بيحبوا ويرتبطوا وكأي بنت نفسها تجرب لكن هل الي هي بتعمله هي شيفاه عيب او حرام
فتحت فونها وفتحت الشات بينها هي ويزيد وكأي ولد في السن دا بردوا بيحب لمه البنات حواليه وواحده زي الاء جميله وغنيه ومن عيله كبيره مطمع لاي حد خصوصا جمالها كان واخدها رهان بينه وبين صحابه لان مكنش حد يقدر يقربلها في وجود مازن ومالك وخصوصا عز لكن يزيد دخلها من سكه تانيه وكانت اول شخص تكلمه وترتبط بيه هي بردوا كانت بتضايق من حصار مازن ومالك وعز عشان كدا بتبقي مبسوطه لما بتكلم يزيد وعشان حاسه بتأنيب الضمير قررت تقول ل يزيد ع الموقف دا
الاء :حبيبي عامل اي
يزيد :بصراحه مش كويس خالص انتي وحشاني اوي ووحشني المدرسه عشان بشوفك فيها
هو اه مش بعرف اقرب منك بسبب الحصار الي عاملينه اخواتك حواليكي بس كفايه اني اشوفك قصادي
الاء ابتسمت وكأي بنت في سن زي دا خصوصا بتفرح بالكلمه الحلوه :وانت كمان وحشتني اوي ونفسي ارجع القاهره عشان اشوفك
يزيد :طب هترجعوا امتي
الاء :احتمال نرجع بعد العيد بس انت معرفتش حاجه عن outcome صح انا خايفه اوي
يزيد :لا معرفتش بس خايفه ازاي دا انتي term 1 طالعه الاولي ع الclass
الاء :الله واكبر انت هتحسد ولا اي ي عم ماانت بردوا جايب درجات حلوه
يزيد:ههههههه لا ي ستي مش بحسد بهزر
الاء بتوتر :يزيد كنت عايزه اقولك حاجه
يزيد :قولي ي حبيبتي
الاء :انا وقعت يعني وانا راكبه bike وعز ساعدني يعني وشالني عشان رجلي كانت وجعاني
كانت فاكره انو هيتعصب ..هضايق ...هيزعقلها لكن اتفاجئت بالرد
يزيد :الف سلامه عليكي ي حبيبتي طب رجلك كويسه دلوقتي
كعقل واحده في سنها فرحت انو خاف عليها قبل ما يغير عليها وعدي الموضوع واتكلموا محسوش بالوقت لحد صلاه العيد
راح الكل لصلاه العيد وكانو ماليين المساجد
التكبيرات شغاله بصوت عالي في كل مكان ومزود فرحه وبهجه في كل مكان
الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد، الله أكبر كبيرًا، والحمد لله كثيرًا، وسبحان الله بكرة وأصيلا، لا إله إلا الله وحده، صدق وعده، ونصر عبده، وأعز جنده، وهزم الأحزاب وحده، لا إله إلا الله، ولا نعبد إلا إيَّاهُ، مُخْلِصِين له الدين ولو كره الكافرون، اللهم صل على سيدنا محمد، وعلى آل سيدنا محمد، وعلى أصحاب سيدنا محمد، وعلى أنصار سيدنا محمد، وعلى أزواج سيدنا محمد، وعلى ذرية سيدنا محمد وسلم تسليمًا كثيرًا.
الاحساس بالعيد اجمل احاسيس ممكن تحس بيها والتكبيرات وفرحه الاطفال بالعيد والكحك والبسكويت الي بيتوزع في البيوت وبيتوزع معاها البهجه والسعاده في قلوب الاهل والناس وفرحه الطفل بلبس العيد كل دا كافي انها تنشر البهجه والفرحه عند الناس
رنا مسكت قطعه وبتاكلها باستمتاع :الله تسلم ايدك ي ست الكل اي الحلاوه دي
جميله:ههههههه ي بت بطلي طفاسه يعني انا بزعق ل الاء تقومي تاكلي انتي استني لما يخلص كلوا
رنا :لا انا ماما عارفه انا مش بتحمل استني طعم الكحك بتاعها روعه ميستناش وبعدين انتوا وزعتوا وانا مخدتش
ناديه:لان ي ذكيه دا لناس مش ليكي ي طفسه
رنا :ماشي ي ست تشكري. وبردوا هاكل براحتي
صلاح من وراها قرب منها وباسها ع خدها :طب انا عايز حته
الكل ابتسم ومتابعين بعينيهم وهما كاتمين ضحكتهم ع شكل رنا الخجول
رنا بخجل :طب ما تاخد الله
صلاح بمكر:يعني اخد عادي براحتي
جميله:ههههههه لا مش براحتك اوي يعني راعوا ظروف الي قاعدين
جاسر وحمزه دخلوا ومعاهم الاولاد
صلاح:هههههه اهو جالكوا الي هيراعوا ظروفكوا
جاسر وحمزه بصوا لبعض وهما مش فاهمين :ظروف اي
جميله بصت ل جاسر:لا متاخدش في بالك ي حبيبي دا موضوع كدا بينه وبين رنا
جاسر بص ع رنا وشاف خدودها الحمرا وفهم :اممممم ماشي ي اخوياا بس المواضيع دي مش هنا
صلاح ببرائه:وهو انا قولت حاجه دا انا كنت عايز كحك
حمزه بسخريه:ايوا صح ي جميله حرام عليكي ظلمتيه دا طلع عايز كحك
عمر ل باباه:بابا انا بردوا عايز كحك
الكل ضحك بقوه
صلاح:هههههههه ادي ابنك بقاا كحك عشان بعد كدا متتريقش
خد قطعه كحك وكلها وقضوا الوقت في مزاح وضحك ودخل اللواء اسر والعمده وشاركوهم االمزاح والضحك
خلص رمضان والعيد وايام جميله مرت عليهم رجعوا كل واحد فيلته
وفي يوم في اوضه الاء بتكلم يزيد ع الفون وبيضحكوا ويهزروا بنت في سنها عارفه ان دا مش حرام ولا عيب شايفه ان عادي يكون فيه صداقه بين الشاب والبنت
مفيش مانع من الصداقه لكن بحدود تكوني انتي حطاها وقواعد تمشي عليها طول حياتك رغم ان الصداقه بين الشاب والبنت مش بتفيد بأي حاجه بس بحكم ان مدرستها مشتركه وعقلهم الصغير مبسوطين بتجربه جديده بيجربوها ويعيشوها وهي الارتباط
قاعده ع السرير وبتضحك ع الفون
الاء:ههههههههه والله انت مسخره ي يزيد اي دا ي بني خلاص بجد تعبت انا بطني وجعتني من كتر الضحك
يزيد:هههههههه طيب خلاص كفايه عليكي نكت بقاا المهم اي احساسك مستعده لثانويه عامه
الاء بحماس:جداااً متحمسه اوي مش مصدقه اني نجحت رغم اني كنت خايفه اوي
يزيد:اه ي اختي خايفه ي سوسه دا انتي الثانيه ع الschool
الاء بعبوس:مضايقنيش بقاا عشان انا مخنوقه من ساعه ما عرفت كان نفسي اطلع الاولي بس مالك هو الي جاب اكتر مني
يزيد:خلاص متزعليش المره الجايه تجيبي اعلي وابقي خلي مالك يساعدك بردوا
الاء:ما هو الي ساعدني عشان كدا جبت المجموع دا بصراحه لولاه انا كنت ضعت لاني كنت مقضياها لعب واستهترت بس الحمدلله لحقت نفسي
يزيد :الحمدلله بس المراكز مطلعتش من العيله بتاعتكوا
يعني مالك الاول وعز الاول مكرر وانتي التاني ومازن الثالث
الاء:ههههه الله واكبر ي يزيد في اي
يزيد:مفيش ي اختي انا هقفل بقاا عشان هنام
الاء :ماشي بس اوعي تنسي صح عيد ميلادي
يزيد:لا متقلقيش مش ناسي ي حبيبتي
الاء ابتسمت:تصبح ع خير
يزيد:وانتي من اهله
قفلت الاء وفي نفس اللحظه دخلت جميله بعد ما خبطت
جميله ابتسمت وقربت منها وقعدت ع طرف السرير:حبيبه مامي صاحيه ليه لحد دلوقتي وكنتي بتكلمي مين في الوقت دا
الاء بتلقائيه :دا يزيد صاحبي
جميله استغربت:صاحبك ! مين دا انا اعرفه
الاء :ما هو جاي عيد ميلادي فا هعرفوا ع حضرتك دا صاحبي معايا في الschool
جميله هزت راسها بتفهم واتكلمت بهدوء :اممممممم. هو معاكي في الclass يعني
الاء :اه بس مش بنعرف نتكلم غير فون او شات
جميله استغربت:ليه
الاء بضيق:بسبب مالك ومازن مانعين اي ولد يقرب مني كأني بعبع
جميله:ههههههه. لا مش بعبع ولا حاجه انتي حلوه جداً عشان كدا هما مش عايزين حد يقربلك بيغيروا عليكي هما شباب دلوقتي وعارفين تفكير الشاب اي
بس دا مش معناه انك تكلميه من وراهم دا غلط
الاء :بس انا مش بعمل حاجه غلط احنا بنتكلم عادي
جميله:عارفه كلام برئ بين اتنين اصدقاء عادي بس طالما انتي واثقه انك مش بتعملي حاجه غلط بتخبي ليه
الاء:مانا قولت لحضرتك
جميله :عارفه ي حبيبتي بس ليه تخبي عن اخواتك وهما تؤامك يعني هيخافوا عليكي اكتر منهم وبعدين مش مالك بيساعدك في دراستك وكمان مصاحبك وقريب منك مش بتحكيله ليه
الاء :ايوا ي مامي مالك كويس معايا بس غيور اوي بيتحول فجاه لو عرف ان فيه حد قربلي
جميله قعدت جنبها وخدتها في حضنها بحنان:لانه اخوكي وبيغير عليكي عارف تفكير الشباب ومش عايز حد يقرب منك انتي داخله ثالثه ثانوي محتاجه تركيز ومذاكره مش مكالمه في التليفونات
الاء:انا مركزه في مذاكرتي ي مامي وكمان مش بعمل حاجه غلط
جميله:انا واثقه ومتاكده انك مش بتعملي حاجه غلط بس اوعديني انك متخبيش حاجه عني تاني
الاء:حاضر ي مامي مش هخبي ع حضرتك حاجه تاني
جميله باستها ع خصلات شعرها :طب يلا ي حبيبتي نامي تصبحي ع خير
الاء ابتسمت:وانتي من اهله
في غرفه عمر غرفه مجنونه زي شخصيه صاحبها صور وبوسترات في كل مكان ع الحيطه وميوزك اجنبي صاخب
كان قاعد ع اللاب الخاص بيه وبيدخن سيجاره وهو بيتكلم ع الفيس
عمر :احنا مش اتفقنا هتبعتيلي صوره غير دي فينها بقاا
چيرمين:مانا مش فاهمه السبب ما دي حلوه
عمر:دي جميله طبعاً ي قلبي بس انا عايز احلي ومتخافيش هشوفها وامسحها ع طول بس عايز بلبس البيت دلوقتي
چيرمين :اي دا لا طبعا لبس البيت اي انا لابسه هوت شورت وتيشيرت
عمر برق عينيه بحماس :اوووباااا وهو دا المطلوب ي روحي بصي انا هكلمك فيديو كول
وع ناحيه تانيه بيكلم اصدقائه شات
عمر: ي ابني والله بقولك بكلمها عيب عليك دا انا عمر البت مخدتش في ايدي غلوه حتي استنوا هوريكوا صورتها
كريم:ي ابن اللعيبه دا انت طلعت نمس بقولك اي طب ما تشوفلي صاحبتها
عمر :طب ما تشوفها انت وانا مالي
وبعدين يلا اطرقوا بقاا عشان هكلم البت فيديو
حسن:ايوا بقاا ي عمر ي جامد فيديو كمان دا انت شطحت اووي
اتجاهلهم ومدهاش فرصه تتكلم ورن عليها فيديو كول لكن هي كانت متردده في الاول لكن بعد كدا فكرت ولقتها حاجه عاديه انها تكلم صديق ليها في المدرسه
وردت فعلاً وهو صفررر بحماس واعجاب
عقول شباب في السن دا بيتسابقوا مين يكلم بنات اكتر بيحبوا يبينوا قوتهم ورجولتهم في الوقت دا
عمر :دا انتي طلعتي جامده اوي
چيرمين بخجل وجواها خوف وضميرها بيأنبها كأي بنت في السن دا بيبدا يتكون عندها الضمير :بعد اذنك ي عمر مش بحب الكلام دا انا اصلاً مش عارفه ازاي وافقت اكلمك فيديو
عمر اتجاهل كلامها:بس عارفه شكلك بلبس البيت غير لبس المدرسه خالص
وبعدين انتي عارفه اني بحبك ي چيرمين
چيرمين ابتسمت:بتحبني بجد
عمر :طبعاً بجد ي حبيبتي
چيرمين:يعني مش هتسبني
عمر :عمري مااسيبك ابداً وبعدين مش انتي قولتي هتبقي مضيفه طيران عشان انا بردوا لما ابقي طيار نبقي مع بعض
چيرمين:طبعاً ي حبيبي انا عايزه افضل جنبك ع طول. بس انا خايفه
عمر :خايفه ازاي بس وانتي معايا
مش انتي هتيجي بكره النادي
چيرمين:اه هاجي واكيد هشوفك
عمر:اه طبعاً هشوفك بس انا عايزك تثقي فيا شويه مش انتي بتحبيني
چيرمين بلهفه:طبعاً بحبك
عمر:طيب يبقي توافقي ع كل حاجه اطلبها منك
انا عايز مراتي تسمع كلامي
چيرمين:مانا بسمع كلامك ي حبيبي
عمر :بس بعد ما تغلبيني انا بحب البنت الي اقولها تعمل كذا تقولي حاضر
چيرمين :حاضر ي حبيبي
عمر :طيب انا هقفل بقا دلوقتي ونتقابل في النادي بكره
چيرمين:ماشي ي حبيبي سلام
قفل عمر معاها واشعل سجاره اخري وبدأ يفتح مواقع وصور وفجاه سمع خبط ع الباب قفل اللاب بسرعه وطفي السيجاره وبلهفه وسرعه فتح البلكونه عشان ريحه الدخان وحط الطفايه في الدرج ورش معطر في الجو عشان يطرد الريحه واتنفس ب هدوء وبيحاول يثبت انفعاله وفتح الباب وكانت ناديه
عمر بابتسامه متوتره :ماما اتفضلي
ناديه استغربت طريقته وملامحه كأنه كان بيجري:مالك في اي انت كنت بتجري ولا اي
عمر بيبعد عيونه عنها وراح قعد ع السرير :لا مش بجري ولا حاجه عادي
هو حضرتك كنتي جايه ليه
ناديه بشك:مش عارفه ليه مش مرتحالك بقالك كتير بتقفل عليك الباب بالمفتاح ولو خبط بتفتح بعد ساعتين في اي
عمر :هيكون في اي يعني ي ماما عادي
ناديه لفت وبتفكير مصطنع:خلاص انا هروح اقول ل باباك وهو يتصرف
عمر مسكها بسرعه وقلق:لا استني
ناديه شمت ريحه بوقه وبصتله بغضب :اي الريحه دي
عمر بعد عنها بتوتر:ريحه اي
ناديه بنفس الغضب :ريحه سجاير انت بتشرب سجاير ي عمر
عمر لف ومديها ضهره بيخفي خوفه وتوتره:لا طبعاً دا تلاقيه البواب اصل هو بيدخن تحت الاوضه بتاعتي
ناديه مسكت ايديه ولفته ليها وبصتله:كمان بتكدب هو البواب بيدخن في بوقك الريحه من بوقك مش في الاوضه
عمر زق ايديها بيخفي توتره:يووووه بقا انا مش بعمل حاجه غلط انا راجل
ناديه بغضب :وهي الرجوله بشرب السجاير طب ما ابوك اهو راجل ومش بيشرب سجاير
عمر :الزمن غير الزمن
ناديه:وهو اي الزمن بقاا مش فاهمه مفيش حاجه اسمها الزمن غير الزمن دي مضره سواء دلوقتي او زمان دي مش لبس عشان يبقي موضه وتقول اصل صحابي واصل مش عارف اي
عمر :انا مش بعمل حاجه غلط
ناديه:يعني انت شايف ان دا مش غلط
عمر:اه مش غلط
ناديه:طب ليه بتخبي
عمر مكنش لاقي اجابه يقولها :عشان ....
ناديه:سكت ليه. عشان مش لاقي حاجه تقولها عارف انك غلطان
عمر :بعد اذنك ي امي انا حر وياريت متقوليش حاجه ل بابا
ناديه:خايف منه عشان عارف انك غلطان وعارف ان دي مضره وغلط
عمر :ايوا عارف بس انا مش صغير ومن حقي اعمل الي يعجبني
ناديه:لا مش من حقك ولو استمريت في الزفت دا انا هقوله
عمر بلامبالاه:ماشي
خرجت ناديه وقفلت الباب وهو قعد ع السرير متوتر خايف مامته تقول ل باباه وكاي شاب في سنه بيحاول يقنع نفسه انو صح وان الكل بيعمل كدا
في النادي تاني يوم
في مكان خالي من اي حد قاعدين تحت شجره وبيحاول يمسك ايديها
عمر:يعني بردوا ي چيرمين هو احنا اتفقنا امبارح ع اي
چيرمين بخجل وتوتر:مانا بصراحه خايفه حد يشوفنا
عمر: ي روحي يشوفنا اي بس امال انا جايبك هنا ليه مسك ايديها وقربها لحضنه. مش عشان نبقي براحتنا ومحدش يزعجنا
چيرمين:يعني انت بجد ي عمر مش هتسبني
عمر بانت ع ملامحه الزهق لكن قدر يخفيها عنها:لا طبعاً ي حبيبتي مش هسيبك انتي روحي وعقلي وحبيبتي
چيرمين:وانا كمان ي حبيبي انت روحي وكل حاجه بالنسبالي
عمر ابتسم:طيب معقوله مستخسره في حبيبك مسكه ايد او حضن
چيرمين:لا طبعاً دا انا اديك حياتي كلها
عمر :انا طبعا عايزك انتي كلك ع بعضك بس لا انتي هتبقي مراتي لازم احافظ عليكي
طبعاً كلام شباب محفوظ ومعروف بس للاسف البنت بتصدقه وخصوصا بنت في سنها سن المراهقه الي بتبقي البنت حابه تسمع الكلام دا وبتصدقه
چيرمين: بس لسه بدري ع الكلام دا انت لسه فاضل ٤ سنين الكليه وغير ثانويه عامه
عمر :ايوا وابقي طيار زي ما بحلم واخدك ونلف العالم كله بس وانتي مراتي
چيرمين:طيب مش هنرجع بقاا احنا اتاخرنا اوي
عمر:اه طبعا هنرجع بس انتي بتثقي فيا صح
چيرمين:طبعاً ي حبيبي
عمر:انا كنت عايز اكلمك براحتي اكتر فا انهارده هكلمك فيديو براحتنا وهنقول احلي كلام
چيرمين بخجل:احلي كلام ازاي يعني
عمر بخبث:هتعرفي انهارده ي حبيبتي واتعودي ع كدا كل يوم
يلا بقاا عشان نرجع
چيرمين:يلا
ريم في اوضتها بتعيط بحرقه وهي بتفتكر كلام صحباتها في النادي والكل بيتريق عليها عشان تخنها رغم جمالها ودمها الخفيف ومزاحها الدايم وضحكها لكن تخينه
افتكرت كلام واحده صاحبتها انها تخس عن طريق النت وتفاجئ اصدقائها وكل الي اتريقوا عليها لما تخس
فتحت اللاب وبدات تبحث عن دكتور تخسيس لحد مااخيراً لقت اتشجعت واتحمست وبدات تكلمه وتقوله ع وزنها وطولها والاماكن الي عايزه تخسها
وهو بدأ يقولها ع الطريقه الي تمشي عليها وبدا يطلب منها صورللاماكن الي عايزه تخسها وفعلاً نفذت
وعدت ايام وايام وهي بتمشي ع الدايت وبتكلمه وتبعتله صور اول باول لكن الصدمه في يوم طلب منها الاماكن الي عايزه تخسها لكن من غير هدوم عشان يقدر يعرف كويس عايزه تخس اد اي وفعلاً نفذت رغم انها كانت متردده في الاول لكن نفذت وهي بتقنع نفسها ان دكتور تغذيه وانها هتقدر تخس
كل الي في بالها انها تتخلص من تنمر اصحابها وتريقتهم ع جسمها وتخنها
ريم بتكلمه ع الشات: طيب انا كدا ي دكتور ممكن اخس في اد اي
الدكتور:بصي ع حسب جسمك طريقه الحرق ازاي
فيه جسم بيحرق بسرعه وجسم لا. بس اهم حاجه انك متاخديش اي برشام
انتي هتمشي ع الدايت الي بعتهولك والتمارين دي هتعمليها وتصوري فيديو وانتي بتعمليها ويكون بلبس رياضي او يستحسن من غير هدوم عشان اقدر اعرف الاماكن الي عايزه تنزل اكتر واقولك ع تمارين ليها
ريم بتردد:هو لازم يعني
الدكتور:طبعاً لازم عشان اقدر اساعدك اكتر بس لو مش عايزه خلاص وشوفي بقاا غيري يساعدك
ريم بلهفه:لا لا خلاص تمام مفيش مشكله هعمل الي حضرتك طلبته بس اكيد فعلاً هخس
الدكتور :اكيد طبعاً لو مشيتي ع النظام بالظبط
ريم :حاضر شكراً لحضرتك ي دكتور
الدكتور :العفوا ع اي دا شغلي
في نايت كلااب دخل عمر ومازن وبعض اصدقاء السوء
فلوس كتير ووقت فاضي اكتر واجازه قبل دخول ٣ثانوي فا ترفيه ليهم
قعدوا بغرور وتكبر وشافوا قدامهم حاجات اول مره يشوفوها خمره وبنات
عمر باعجاب:اوعااا اي دا هو في كدا
كريم ضحك:ههههه انت الي بتقول كدا بردوا امال لو مكنتش كل يوم بتكلم وتتفرج براحتك
عمر بصله:احنا هنقر ولا اي من اولها لا بص انا جاي اتمزج
اصلا البت دي هبله اوي انا عايز واحده خبره زي دول كدا بس ميمنعش اني اتعلم وانفذ
مازن بصله بدهشه:يخربيتك تتعلم وتنفذ اي اي القرف بتاعك دا
عمر بصله باستنكار:قرف.! امال انت جاي هنا ليه
مازن:يعني اي جاي ليه انت مش قولتلي نخرج نغير جو
عمر:ما هو دا الجو بقاا
حسن بيبص للبنات الي بترقص باعجاب:هو فيه احلي من كدا جو
مازن اتعصب وبص ل عمر:انت ي زفت الي في دماغك دا تنساه لانه حرام والا هقول لاونكل حمزه
عمر بغضب :لا بص متقعدش تعملي فيها شيخ زي عز وحرام وحلال
انا خليتك تيجي معانا عشان عارف انك مش قفل زيه
وبعدين انت مين قالك اني هعمل حاجه احنا هنقعد وننبسط وخلاص
حسن بصله باستغراب لكن عمر غمزه وهو فهم وبص ل مازن:ايوا طبعاً ي مازن انت فاكر اننا هنعمل حاجه لا طبعاً احنا عارفين انو حرام
مازن :ماشي لما نشوف
عمر قدمله كاس:خد اشرب بس وروق
مازن بعده عنه: لا مش بشرب دا حرام بردوا
عمر نفخ بزهق:هنبدأها خلاص هاتله عصير ي ابني غمز الجارسون واعطاه شئ من تحت التربيزه
وبعد دقايق اتحط كاس عصير قدام مازن وشربه فعلاً وبعد وقت نام وبدا عمر واصحابه يكملوا سهرتهم في الشرب والرقص مع البنات
في. فيلا جاسر وجميله
كانت في ساحه الفيلا رايحه جايه متعصبه وقلقانه مش عارفه سبب تأخيره لحد دلوقتي وخايفه يجي جاسر ويكتشف غيابه
مالك جنبها بيحاول يهديها:اهدي ي ماما هو زمانه جاي هو قالي انو هيخرج شويه
جميله بغضب :يخرج اي لحد دلوقتي من امتي مازن بيقعد لحد دلوقتي برا وكمان تليفونه مقفول
مالك:ي ماما مازن مش صغير واكيد فونه فصل شحن وزمانه داخل دلوقتي
جميله بوعيد جواها : ماشي ي مازن لما تيجي بس
نزل اللواء اسر من ع السلم وشاف جميله وهي رايحه جايه وقلقانه استغرب وقرب منها :مالك ي جميله في اي
جميله بقلق:مازن ي بابا لحد دلوقتي مرجعش وقلقانه عليه مش عارفه راح فين وخايفه جاسر يجي ويكتشف انو مش موجود
اسر :طب رنيتي عليه
جميله :رنيت ومش بيرد انا قلقانه عليه اوي خايفه يحصل زي زمان
اسر :لا اهدي مفيش حاجه هتحصل انا متأكد انا هكلم ادهم يشوف الموضوع
في اللحظه دي رن جرس الفيلا فتحت جميله بسرعه واتصدمت
شافت عمر واصحابه مسندين مازن وهو شبه نايم لحقه اسر قبل ما يقع وشاله
جميله بقلق:اي الي حصله
عمر كان بيحاول يبقي طبيعي لكن عشان اول مره يشرب سكر بسرعه :انا حاولت امنعه من الشرب بس هو اصر انا مليش دعوه
جميله بصدمه :شرب شرب اي مازن عمره ما شرب. وانت كمان ازاي تشرب
عمر بلامبالاه:احنا كنا بنجرب
جميله بغضب :وباباك عارف
عمر :يعني هو مازن باباه عارف. عن اذن حضرتك عشان التاكسي مستني برا
جميله كانت مذهوله من وقاحته وهو مكنش كدا وبسبب انو اتلم ع اصحاب السوء بقاا زيهم لفت ل مازن الي كان نايم ع ايد اسر
وطلعوا اوضته ومدده ع السرير وكلهم مذهولين مش مصدقين انو بيشرب لكن صدقوا لما شافوه كان ريحته خمره وهدومه وكل حاجه
جميله قاعده ع طرف السرير :انا مش قادره اصدق معقوله مازن يعمل كدا
اسر بهدوء:اهدي ي جميله العياط مش هيحل حاجه خلينا نستني لما يصحي ونفهم منه قومي يلا وامسحي دموعك ومتخليش جاسر يحس بحاجه
جميله وقفت ومسحت دموعها بحزن:حاضر ي بابا
اسر بص ل مالك:وانت ي مالك الي شوفته دا محدش يعرفه مفهوم
مالك بهدوء:حاضر ي جدو
غطته جميله كويس وباسته ع خصلات شعره وخرجت وقفلت الباب ودخلت اوضتها تاخد شاور دخلت تحت الدش وسرحانه بتفكر هتعمل اي مع مازن هتعاقبه ولا هتتكلم معاه براحه هي لحد دلوقتي مش متخيله انو يعمل كدا وهي عمرها ما شافته ماسك سيجاره حتي اه مجنون وطايش لكن عمره ما عمل حاجه حرام
فاقت ع لمسات ايدين ع جسدها فتحت عينيها وشافته قصادها
جميله ابتسمت:في الحمام ي جاسر
جاسر باسها برقه ع خدها :هو فيه احلي من الحمام ي روح جاسر بس قوليلي سرحانه في اي لدرجه انك محستيش بيا لما دخلت
جميله مفضلتش انها تقوله غير لما تفهم وتعرف من مازن وقربت منه برقه :تفتكر ممكن اسرح او افكر في مين غيرك ي حبيبي
جاسر انفاسه عليت وقرب اكتر واكتر بعشق:طب حبيبك عايز جعان وعايز ياكلك دلوقتي ي روحي
جميله ابتسمت برقه :طب ما تاكل انا مسلمالك نفسي اهو
جاسر ابتسم وغمزها :بس انا مش عايزك تسلميلي نفسك انا عايزك تعافري بحبك وانتي شرسه وبتقاومي
جميله :ههههههه اثبت ع كلامك ي حبيبي ي اقاوم وانا متأكده اني هكسبك ي اسبلك نفسي خالص
جاسر وهو مبتسم بثقه:يبقي قاومي وشوفي مين الي هيكسب
جميله بتحدي ممتع قربت من ودنه وهمست:اتفقنا بس لو كسبت
جاسر :هاخدك ونتغداء بكرا سوا
جميله :لا دي سهله انا عايزه حاجه صعبه
جاسر:اممممم طب قولي انتي
جميله :هتاكل سوشي
جاسر:ههههههه يبقي اتفقنا عشان عارف اني هكسب ومش هتقدري تقاومي
جميله غمزته بتحدي:عيب عليك انا ظابط
جاسر ابتسم بثقه:وانا جاسر الحديدي ي روحي وهتشوفي دلوقتي
مسك جاسر ايديها وكتفها ورا ضهرها بايد وباسها من شفايفها بقوه وهي بتحاول تعافر او تقاوم لكن فعلاً قوته كانت فوق قوتها اضعاف وغير كل دا حبها ودوبانها وهي في حضنه مبتقدرش تقاومه
جميله :ههههههه بعترف اني اتهزمت ع ايدك
جاسر وهو مبتسم:عيب متقوليش كدا ي حبيبتي دا انتي فزتي
جميله بصتله بحب:انا فعلاً فزت ...فزت بقلب حبني وعشقني ورغم ان مر علينا سنين لكن لسه بتحبني
جاسر بحب:وحتي لو مر سنين ع السنين دي هفضل احبك ي حبيبتي
جميله سندت ع صدره :وانا هفضل اعشقك ي حبيبي
في فيلا حمزه وناديه
دخلت ناديه اوضه عز وهي قلقانه وبتفرك في ايديها بتوتر
شافها عز الي كان قاعد ع اللاب ع مكتبه :في حاجه ي ماما
ناديه بقلق:اخوك عمر مجاش لحد دلوقتي وخايفه حمزه يجي ويعرف انو مش موجود هيبهدل الدنيا
عز :ما هو بصراحه حضرتك الي وصلتيه لدرجه دي عشان بتداري عليه ع طول فا هو ساق فيها وبقا يسهر كمان
ناديه قعدت ع السرير وهي جواها قلق عليه:طب اعمل اي انا لو قولت ل حمزه هيبهدل الدنيا
عز :وبردوا لو مقولتيش هيبهدل الدنيا وهيضايق من حضرتك عشان خبيتي عنه
ناديه: هو يجي بس وانا هتصرف معاه
حمزه كان واقف ع الباب :هو مين دا الي يجي
ناديه بصتله بخوف وبصت ل عز الي مكنش عارف يقول اي وحمزه مستنيهم يتكلموا
حمزه:في اي. مالكوا
ناديه قربت منه:مفيش ي حبيبي انا كنت بتكلم انا وعز شويه قولت اسلي نفسي لحد ماانت تيجي
حمزه :امال فين عمر مش سامع صوته
ناديه بتوتر:نااام. اه. عمر ناام
حمزه بصلها بشك:طب انتي متوتره كدا ليه
ناديه :انا. انا مش متوتره ولا حاجه عادي
حمزه كان حاسس ان فيه حاجه غلط خرج من الاوضه وهو رايح ناحيه اوضه عمر
ناديه وهي ماشيه وراه بقلق انه يكتشف عدم وجوده:استني ي حمزه هفهمك
حمزه مردش وبيقرب من اوضه عمر وفتح الباب ولقاه نايم فعلاً
وناديه اتصدمت وعز كمان مستغربين جيه امتي وازاي لكن حمدت ربها ان الموقف عدي ع خير
حمزه قفل الباب ورجع بصلهم :في اي بقاا مالكوا متكهربين كدا ليه
ناديه بهدوء بتحاول تداري توترها:مفيش ي حبيبي
احنا كنا بنتكلم عادي وبعدين ماانت كل يوم بتيجي متأخر وانا ببقا قاعده زهقانه فا بتكلم مع ولادي فيها حاجه دي
حمزه قرب منها ولف ايديه حوالين خصرها :اه طبعاً فيها حاجه انتي مش عارفه اني بغير
عز ابتسم:احم طب انتوا عايزين حاجه تصبحوا ع خير بقاا
ناديه بخجل :وانت من اهله ي حبيبي
حمزه ضغط ع خصرها بغيره:مين ي اختي الي حبيبك
ناديه ابتسمت :انت طبعاً ي حبيبي وبعدين لم نفسك شويه الواد يقول اي انت كدا بتفتح عيونه ع حاجات متصحش خالص
حمزه شالها وغمزها :طب تعالي ي روحي اوريكي الحاجات الي متصحش خالص وهفتح عيونك عليها
دخلوا الاوضه وقفل الباب برجله ومددها حمزه ع السرير
ناديه :ههههههه انا فتحت من زمان ي حبيبي قربت منه وبتقلعه جاكيت بدلته. ثم تعالي هنا قولي انت بقيت بتتأخر كل يوم كدا ليه هاا
حمزه ابتسم :بتغيري ولا اي
ناديه :ايوا طبعاً لازم اغير ها بقا قولي
حمزه ابتسم باستمتاع :تؤتؤ مش قبل مااخد بوسه هناا. وشاور ع شفايفه
ناديه خبطته بخفه ع صدره وهي مكسوفه:حمزه بطل قله ادب بقاا
حمزه رفع حاجبه :قله ادب. قعد ع السرير بعند. طب مش هقول غير لما تنفذي. هاا رائيك اي بقاا
ناديه ابتسمت بحب :رأي اني بحبك وبعشقك ي حبيبي بس متتعودش ع كدا. قربت منه وباسته من شفايفه برقه وحاولت تبعد لكن اتمسك بيها وقرب هو اكتر واكتر وبعد وقرب تاني
حمزه من بين شفايفها :طبعاً مش هتعود ع كدا وبس انا متعود ع الي اكتر من كدا ي حبيبتي والي هيحصل دلوقتي حالاً
ناديه ابتسمت بخجل :انت
حمزه قاطعها ببوسه رقيقه وهمسه ارق :انا مجنون عارف ي حبيبتي خلاص غيريها بيبوسها ع ملامحها وهو بيتكلم. قولي انت عاشق ....مهوووس ....داايب غيري كداا
ناديه وهي مبتسمه:لا هفضل اقول انك مجنون عشان انت مجنون ي حبيبي
ها بقاا قولي بتتأخر ليه
حمزه ابتسم:عشان ي ستي الشغل الايام دي كتير خصوصا اننا لسه راجعين من العيد والشغل كان واقف
ناديه برقه:مانا قولتلك ي حبيبي اشتغل معاك وانت بترفض
حمزه بنصف عين:اه عشان تحرقيلي العملاء
ناديه كتمت ضحكتها وبصتله ببرائه:ههههه هو انا عملت حاجه دا الموضوع بقاله سنين
حمزه:وحرمت بعدها ي حبيبتي تشتغلي معايا انتي هاين عليكي تغيري السكرتيره وتخليها راجل
ناديه:طب وفيها اي ع الاقل الراجل هينفذلك كل الي انت عايزه ومعاملته هتبقي قويه
حمزه ابتسم بمكر:لا انا مش بحب القويه انا بحب الرقيقه والناعمه
ناديه خبطته ع صدره بغيره :انت بتغظني ي حمزه طب اوعي بقاا
حمزه كتفها وبصلها باستمتاع :تؤتؤ اوعي انتي ي حبيبتي وخافي مني لان كل ضربه بكلاكيت وانا بحوشلك وباخدهم في الوقت الي يعجبني
ناديه ابتسمت بخجل:طب الحمدلله انا مخبطكش كتير دي اول مره
حمزه :مين قال كدا وبالنسبه لما كنا قدام الاوضه
بصي احنا هنعمل اتفاق لو خبطتيني تاني وقتها هعرف ان دي اشاره انك عايزاني اقرب يعني لو عملتيها في النادي والله ما هيهمني حد وانتي عرفاني ي روحي مجنون
ناديه شهقت بخجل :دا انت عديت الجنون بمراحل نادي اي ي حمزه انت بتهزر
حمزه ابتسم بثقه:لا مش بهزر ي حبيبتي وبعدين جربي وشوفي
قرب منها وهمس وكمان لو كدبتي عليا او خبيتي عني حاجه وقتها ي ويلك مني
ناديه بلعت ريقها بتوتر :ليه بتقول كدا
حمزه بلامبالاه مصطنعه:عادي حسيت اني عايز اقولها وحاسس انك بتخبي عني حاجه بس انتي جربتيني لما خبيتي مره
ناديه بتوتر :لا متخافش مش بخبي وبعدين هخبي اي انت بتعرف كل حاجه اصلاً
حمزه :طب كويس انك عارفه اني بعرف كل حاجه ي حبيبتي يعني لو خبيتي
ناديه بهدوء بتخفي توترها :خلاص بقا عشان خاطري
حمزه ضمها لحضنه:حاضر ي حبيبتي