#مبرر_خيانة🔥
الكَاتِبة هَامِي🥀❤
Part20
البارت الأخير🔥
نِهايتِي
________________________________________
من ناطحات السحاب في دبي::
28..4..2018
في حالة يأس ...وعزلة....وخوف ...وإنتظار لمصير مجهول... كم ضربة خذيتي يابراء عشان توصلي للي أنتِ فيه ! وشنو الدرس لطلعتي بيه ...كل حكايتي حكايتها لكم ممكن تعاطفتوا معي وصدقتوني تأثرتوا بي وفي لي حس أنه حياتي وحروفي أشابهن فيه ... لو معرفتوش قصتي وكنت وحده من معارفكم او مريت بحياتكم شن كانت نظرتكم لي؟
بنت حرام زي المنطقة لعشت فيها سمتني ؟ واختارت بين الخوت واحد حبيب والثاني أخ وصديق ..بس تفارقوا بسببها !!
ولا زي ماقالوا عنها الأقارب وحده عانس وصايعه كانت تخشش في شباب لحوشهم وهربت من هلها منعرفوش في شن تخدم ومن وين اطلع في مصروفها ؟ تطلع من صبح متجش إلا ليل وقاعد كل وقتها وخدمتها في وسط رجاله؟!!
ولا زي ماأجمعوا كل الناس اني خائنة لزوجي وزانية هربت مع عشيقها وفي وبطنها ولد حرام زيها ....
انا من لو قابلتكم من ح نكون وشن كانت نظرتكم لي ؟ هو حياتي من لي ح يتحاسب عليها عند ربي أنا ولا الناس ؟ هو ليش نحنا قاسيين على بعضنا هكي ليش لما ينكشف ستر واحد فينا نزيدوا نعروه ونعايروه ونجلدوه ويطلع من لسانه سموم قذائف مش كلام ؟ رغم انه العيب في وفيك أنت لي تقرأ!؟
حتى انت لي كشفت ستري وعرضي عندك ذنوب غير الفرق بينا اني أنا نفضحت وانت ربي مازال ساترك ...
كلكم لو أنا في حياتكم كان وصفكم لي عاهرة كلكم بدون إستثناء !! لكن لأنكم عرفتوا قصتي ومبرراتي ومأساتي تعاطفتوا معي وصدقتوني ليش مانرحموا الكل حتى من غير مانعرفوا مبرراته ومأساته ليش مانستروا زي ماربي وعدنا اانه ليستر على حد في دنيا يستر عليه في الأخره.....
رن فوني وانا نطيب في شوربه ....
ايو هديل مزلتي مطوله؟
هديل:: علقت مع الوفد مفش حد غيري باقي مشغولين
-تمام معنها نتغدا ومانستناك
هديل:: اهاا معلش ياروحي والله معاهم وبالي عندك ديري بالك على روحك وصكري كويس
-اطمني متشغلش بالك ...
صكرت منها وحطيت الغدا نتغدا بروحي هدوء مافيش الا صوت عقارب ساعه ...وصوت Tv
نتحسس جنيني بألم وغصة ...
تحمل وكون قوي زي أمك فترة وتعدي وح يطلعوا كلهم من حياتنا ....
تنزل مني دمعه نمسحها ونكمل غداي ..نظف مكاني وناخذ كباية ميه نقعد على كنبة مقابله شاشة Tv
يطق باب على الخفيف ...
نصبي قلت من ؟؟
افتحي يامدام انا الحارس
فتحت الباب وهو خش صكره و لاقاني بكامل هيبته وشره انا نوخر وهو يقدم بكل برود وهدوء ولتقابله يطيحها وتتكسر
همام :: يعني وين مفكره تهربي مني يامدام براء
-انا من الأول قتلك منبكش انت لي غصبتني نكون معاك هكي ح تكون نتيجة انا مش لك ولا عمري ح نكون لك
ضربني كف طحت على الأرض
همام يلبس قفازات:: طحتي بدري ياروحي مزالت سهرتنا في أولها
حاولت نعدل قعدتي وخفت على بيبي حطيت ايدي على بطني بألم
ابتسم بحقد
خايفه عليه؟ مش ح نكون اناني ونحرمك منه ح نكتب نهايتكم مع بعض
وقتها جاني برود واستسلام ...يعني ليش نعيش خليني نموت على ايده ولا اني نستنى في الموت كل يوم ...مع كل حد وثقت فيه وخذلني انا متت!!
همام اتكى على كنبه بكل برود
تعالي جنبي ؟ ..... صبيت بتعب واستسلام قعدت جنبه وهو ماسك موبايله
همام:: تفرجي معي وشوفي خيانتك لي يستاهلها الحقير هذا ولا لأ؟
خيرته بين أنه ينقذك وبين انه ينقذ بنته برأيك ياعمري من ح يختار 🤔
-همام ان......
همام بصوت عالي وايده عصرت وجهي
اششششششش متقرف منك ومنبش نسمع صوت شوفي الكلب يبيع بنته عشانك ولا لأ شووووفي
قعدت نبكي من دون صوت...لأنه عارفه الحقيقة شنو💔
شوفي من يختار ؟
____________________________________
فلاش باك
الماضي القريب
وصلت لي العنوان لي كان زي مطعم قديم وشبه فاظي كل مانقدم نسمع صوت عارفته كويس
انت ح تسيب ولدك عشان تربي عيل اخره؟؟
عمر:: ماعاد تقولي ولدك ..انا قايلك من قبل انسي لصار وإياك تجيبي سيره لحد وقتها ح تكوني انت ِ الخسرانه
من صدمتي رجلي معش شالوني ايدي على فمي حاسه روحي في حلم لا مستحييييييل يكون لسمعته صح انا لدرجة هذي توهمت فيهم
وصلي مسج وانا نسمع
حابه نعزيك في ياسين اتصفى يااااحرام💔
و تقارير حملك من عمر بين ايدين همام انتِ انتهيتي براء ....تبي تعرفيني ابرمي وشوفي
التفتت وانا في موجة صدمات
لا مستحيل مستحيل لنشوف فيه
هند قدمت لعندي تبتسم بنصر
وليش مستحيل مش مأمنه باالزمن ليدور ولا مش مستوعبه انه انتِ الخائنه اليوم ؟
-انتِ لكنتي تبتزي في
هند:: وانتِ نسيتيني خلاص من بعد انتقامك مني فكرتي اني ح نسكتلك ونرضا انك دمرتي حياتي
-كل لصار فيك تستاهلي لأنك خربتي حياتي لتوا انتِ السبب ومستحيل نسامحك
هند:: مطلعتش خير مني وكل لطلعته عليك اثبتي وتوا انتِ الزوجة الخائنة بس مش تبلي زي قبل المره هذي غلطك كان بإيدك ... تعرفي من اول ماعرفت انك اتجوزتي وانا متأكده انك ح تخوني لكن توقعت يعقوب متخيلتش يكون العشيق عمر..ومره اخره يابراء اختيارك كان غلط عُمر ماكنش يستاهل تتنازلي على مبادئك واخلاقك عشان تخوني لأنه بجد اوسخ حد ممكن تشوفيه
قعدت نصرخ انهرت وقعدت نبكي
شنوووو تبي مني بعد كل لدرتي شنو تبي
هند:: ولا حاجه جايه نرد ثأري ونغرس فيك نفس سكين لغرستي في ...انتِ قتلتي بوي يابراء بعد الفضيحه لصااارت مقدرش يتحمل كلام الناس ومااات من القهر على طول عاقبتيني ومسمعتش مني ليش درت هكي
-متحملنش ذنوبك بوك مريض من يومه وانتِ عمره ماهمك تسرقي فيهم وفي خطيبك بدون مايرفلك جفن ، تخوني فيه من قبل ماتتجوزي وهو مش منقص عليك شي ولا حياتك اصلاً كانت تستاهل انك تلبزيها بخيانه وقرف
هند بصوت عالي:: لكن محبيتش مفشششششش احساس تجاه كنت مجبوره انوافق لأنه اهلي مش شايفين فيه ولا عيب...
انا ماحبيتش ولا ح نحب الا ياسين
قربت من عندها ومسكت رقبتهااا
شنو درتي فييييييييه يااااسين وييييييين
هند دفتني:: من اول يوم جيت المنطقة وشفتا حبيتا ...كلهم لفتهم اني بنت بلاد وجميله حبوني وتمنوني نكون معاهم الا هو ماكنش شايف غيرك ... ذليت نفسي له اكثر من مره ويصد في بسببك كل شي اغريته بيه ماوفقش عليه ...كرهتككككك وكرهت كيف يحكي على برأتك وطفولتك وكيف عيونه يلمعوا وقت ليسمع اسمك ولا يشوفك كرررررررهت كيف يوصل فيك وكيف يشيل عن كتفك شنطه كيف يوكل فيك وكيف يغار عليك ومش مخلي حد يقرب منك ناااار ولعت في قلبي بدون مانندري قررت نحرقك بيها نشوه صوره لرسمها لك ...لكن مع كل لدرتا انا ولدرتي انتِ فيه ماتغيييييييييييير شي قااااعد يحبك بجنون ومش شايف غيرك غبية انتِ يابراء زي مايقول ياسين عليك غبيييييييية لضيعتي واحد كيفه مستحيل في حد يحب هكي في زمن الكذب والخيانة بس هو قالي حبي لها حب فطري انولد معي شايف دنيا بعيون براء ....
طحت على ركابي وانا مهزومه كأني في حرب أسهم كل سهم ناغزني في مكان وجسمي ينزف مع كل نغزه ....
طلع صوتي من بين دموعي وحسرتي
انتِ قلتي ياسين شنو صااارله
هند تبكي:: ياسين مات اليوم وصل خبر لعيلته انه مقتول من فترة في صحراء
طلعت مني صرخة ألم وندم وروح تطلع
أااااااااااااااااااااااااااااااااااااااااااااااااااه
يااااااااااااااااااااسين لااااااااااااااماماااتش يااااااسين نعرفه يزعل ويتخبى ويطلللللع لاااااا يااااااربي متعقبنش فيييييييه .....
طلعوا على صوت العياط
عمر أبرار في صدمه 😳🔥
عمر لا قادر يقدم ولا يوخر
ببببببراااء ،، اااااناااا
قاطعته ... انت شنووووو حقيييير وقذر مقررررف انا كيف كنت مخدوعه فيكم كيييييييف كنت هبله ومغمضه عيووووووني اناااااا وثقت فيك قتلك اني متلذعه من الدنيا كلها ليييييش ياعمر زدتا على لييييييش حرااام عليكم شن درتلكم لهذا جزاااااتي
هند:: لي حد هنا نحنا اتصافينا ياصاحبتي عقابك ح يكون مع همام والناس
ركبت سيارتها وطلعت وانا في حرقة في قلبي ويلي موت ياسين ويلي كذب عمر ويلي مصيري مع همام ويلي الناس والفضايح.....
عمر يحاول يقرب وخايف بتردد
براء صدقيني انتِ غير انا والله حبيتك .... أسأليها انا من اول ماعرفتك نويت نبدا حياه جديده صدقيني كل لحسيته معاك صح
صبيت وانا نسند في نفسي :: بعد عني منبش نشوفك مره اخره
عُمر:: براء افهميني ومتظلمنش كل لصار في الماضي انتِ ملكش دخل فيه كان انتقام من همام على داره في
-شنو انتوا مامليتوش كذب واسرار والغاز انا مليت منكم ومن كذبكم ومن حياة هذييييي تعببببببت
اطلعووووا من حياتي
ابرار تبكي:: براء مش ح تقولي لي همام على عرفتيه والله يقتلني انتِ عارفته
-للأسف انا متورطه نفسك همام عرف كل شي وتوا اكيد يدور علي لازم نهرب مش عشاني لكن عشان الجنين لي رزقني بيه ربي ملش ذنب في الوساخه هذي
عمر:: استني براء منخلكش تمشي بروحك انا معاك وح نواجهه
ابرار:: وانا منقعدش اذا عرف كل شي حتى انا انتهيت
-فتحت باب السياره
نظفوا وسخكم بعيد عني
طلعت بسيارة ومنعرفش كيف كنت نسوق بعد كل لصار معي وكل مخاوفي
وقفت على حوش هديل .... حكيتلها اني هربت من همام من غير مانحكيلها على عمر اتفقت معها طلعني معاهم في رحلة دبي ....
كل خوفي كان يمسكوني في مطار بجريمة قتل مهند ..لكن سرعة السفره انقذتني من همام
عرفت بعد ايام انه عمر وابرار في دبي كنت مرات نطمن انه همام مايقدرش يجي ومرات نقول همام لعرفته مايصعب عليه شي
❤❤❤الكَاتِبة هَامِي ❤❤❤
لعنة التاريخ هذا تتكرر من جديد💔
في الحاظر ....دبي
همام:: انا قايلك من قبل مفش حد يستاهل انك تخوني عشانه وتوا ح نثبتلك من ح يختار ،، شوفي ساعه انا عطيته العنوان هذا وعنوان موجوده فيه الرهينه وليهمه اكثر ح يمشيله
همام مشا على وجهي حواف سكين براحه
شنو تقولي انتِ من ح يختار
من خوفي مرديتش نشوف في الفيديو مخازن مهجورات وكاميره على واحد منهن بابه مصكر
فجأه جاااا عمر في الفيديو
ضحك همام بصوت عالي ... شفتي روح التضحية ياعمري طلعتي ولا شي بالنسبه ليه واختار ضحيته
-ضحية شنو انت قلت بنته همام متهورش واصحك أدخل البنت في الموضوع حراااام عليك
حط على فمي سكين
اشششششششششششش وكملي فيديو
عمر يفتح في مخازن ويدور ...لحد ماوصل للمخزن فتح باب لكن طلع صوت سلاح
من قوة صوت حطيت ايدي على وذني بخوف ونبكي
لاااااااااااااا همااااااااام لاااااااااااااا حرررررررام علييييييييك لااااااااااااااااااااا
عمر مصدوم ويقرب من جثه لكانت مربوطه على كرسي
لقاااهاااا ابرااااااااار وطلقه جت في بطنها لما فتح باب كان في مسدس مثبت فيه اول مايفتح يطلق
عيط عمررررر همااااااااااااااااااام وييييييين بنتي وييييييييين نوووووور
همام يتفرج ويضحك كأنه يحضر في مسرحيه كوميديه
شنو شعورك عمر وانت قاتل أبنك بأيديك
قعدت نضرب فيه على صدره ::انت مستحيل تكون انسان انت شيطان حيووووان اي شي الا انك تكون بشر حررررررام عليييييك حياة الناس لعبة عندك
ثبت ايدي وبنظرات حاده
وانتوا شنو هاااااا شنوووووو ؟؟ جنس خاين ملكمش امان
صباني من كنبه ورد عزقني على أرض
من يوم لصار وانا كارهكن وعيت على دنيا على خيانة
تعرفي يابراء من لخاني وخلاه حياتي هكي
انا نوخر نزحف بخوف وهو يحكي ويقدم
امي اول وحده نشهد على خيانتها ... شفتها في سرير مع عمي أب عمر ... شفت ابشع شي ممكن يشوفه رجل لي المفروض تكون اطهر واشرف إمرأة كانت اوسخ وحده في جنس حواء
حملت بي يقين من مفروض يكون عمي بلحرام ... مرات عمي متحملتش ورجعت لبلادها وهو تجوز ستر على فضيحتها ولدت يقين وانا كارهم كلهم
كانت امنيتي نقتله تعرفي اول حد قتلته كان من يابراء؟
وصلت لزاويه وانا دموعي غارقات وجهي ودم ينزف مني مكان لزحفت فيه ونرجف كنت حاسه انها نهايتي....
همام نزل لمستواي يمشي في سكين على جسمي
كان عمي قتلته بكل غل مر السنين طلعته فيه شربت من دمه ومن نجاسته وامي شافت كل شي ورضيت من الخوف ....
ويقين ماتعرف شي حتى انه عمر خوها ماتعرفش مع ذالك كرهته
عمر كان مع أمه ولما رجع قربنا من بعضنا وكان أخ بالنسبه لي اخر شي يخطر في بالي انه طول الفتره هذي يخدع في وينتقم مني وانتِ زي الهبله نجستي روحك معه
-لاااااا شنو تقول انت انااااا مش هكي
مسكني من شعري وخبطني على الساس
مزلتي تنكري ياوسخه مززززززززلتييييييي تستشرفي علييييي
وجهي تعبا دم وراسي داخ معش قدرت ننطق حلقي جف .... مسكني من رقبتي وعزق سكين
شن رأيك موتك يكون خنق غرت من السكين لأنها لمساتك شنو قلتي؟
دايخه مقدرتش نرد ...نغزني في فخدتي بسكين عيطت اااااااه
همام يخنق في ودموعه اختلطوا في دم لي على وجهي
كنت متأمل فيك تغيريني من أول ماشفت البرائه في عيونك قلت هذي غير توا طلعني من لي انا فيه
لكن الموت هو نهاية كل خائنة...
من بين دموعي وضغطه على رقبتي طلع صوتي مبحوح بأخر كلمات في حياتي
مشكلة انك طلعت في حياتي وانا رماد منهكه من مرمدت الحياه ندور في امان وراحه تاعبة من الدنيا نبي بس ليسندني على كتفه ويقولي انا في ظهرك معندش طاقه اني نغير حد ولا مجهود لي شي متضحكش على روحك همام انت لزيك معجون من حرام مستحيل يتغير .....
زااااااااد ضغط على رقبتي ....عيوني طلعن وروحي طلعت معاهن شريط حياتي قدامي ايوا هذي انا وياسين ويعقوب نلعبوا وهنا نجاروا وهنا نضربوا في جيران وهنا ناكلوا بعد تعب هذن قطوساتنا وهذي انا لنسأل في فتحيه كل ليلة ..... وهذي انا لي امي تحطلي فلفل وهذي انا لي بوي يضرب في ....وهذي انا صح انا سالمه حرقتني هنا وقت لتبولت وانا راقده... شفت يحي وعلاء صغار وانا نلبس فيهم .... وهذا شريط الموت بديت نكبر بدن يكبرن ذنوبي انا وياسين مافترقنش وهنا خالد يضرب في ...هنا كذبت على بوي عشان ميضربنش ...وهنا بكيت عشان يعقوب معش يحكي معي ... هنا درت ذنب صح غششت ياسين في امتحان لا ياربي سامحني عليه ....وهنا مصليتش فاتتني صلاه الفجر وهنا صليت لكن كنت ساهيه نشوف في شنو كنت ساهيه لااااااااياربي رجعني شوي لدنيا نصلي وانا خاشعه ساااامحني قصرت ياااارب ورحمه حبيبك محمد ترجعني على دنيا وانا نتوب على كل شي
كل ما نشوف روحي كبرت كل مانشوف في ذنوبي يكثرن معي كيف سهيت على صلاتي وكيف نسيت على حجابي كيف ايدي لمست رجل غريب وكيف ضحكتي كانت لشخص محرم ... وكيف لبستي كانت مش محتشمه وكيف ضيعت سنين حياتي وانا نفكر في شي ومااستغليتش اهم ايام حياتي في حفظ قران ولا في صلاة ودعاء ..... كيف نقرب من ربي وكيف نبعد نشوف في نفسي الأمارة باالسوء ونشوف في نفسي اللوامه ونشوف في تقلباتي مابين ذنب ومعصية وتوبة ودعاء .... انا كيف هربت لي همام وفكرت انه مشاكلي ح تنحل بجواز وكيف عالجت جوازي بخيانة حتى لو كان ليها مبرررات لكن محرمه لو قتها طلبت ربي اكيد مكنش ردني انا لي استنجدت بعبدك ياربي وعبدك خذلني ساااااااامحني مفش حد يستاهل اني نخون ديني وربي عشان مفش حد يستاهل اني نغضبك عشانه انا وقتها عرفت معنى الأيه
ياليتني كُنت تراباً "
صح يااااااااربي ياريتني نخلقت جماد ولا يوم غفلت على طاعتك ولا يوم كنت عصيتك يارب يااااااارب ياااااااارب رجعني بااااهي نمشي عمره ولا حج كان خاطري فيه يارب كان خاطري نتوب على كل شي وندعي لي عبدالسلام وبوي وخالد أنا عبدك الضعيف ياااااااارب ....التهيت واجد واذنبت واااااجد والناس مش ح تسامحني ولا ح ترحمني لكن طامعه في رحمتك انا نحبك ياااااارب والله حتى لما اذنبت نحبببببك استغفرك واتوب إليييييك وعد ياااارب رجعني بس ندير اي حاجه تمحي ذنوبي انا مع كل لعشته قدرت عليه لكن اني نجيك بمعصيه وتقصير لااااااا ياااربي والله مانتحمل ياريتها روحي طلعت عند الكعبه الشريفه ولا طلعت في صلاه زي عمو صافي ولا انها تطلع وهي نجسه على ايدين نجس ياااااااااااااااااااااااااااااارب انا شفت بداية حياتي ونهايتها ......
________________________________________
فتحت عيوني انا وين توا في جنه ولا النار ؟
هديل ماسكه ايدي وتبكي :: الحمدالله على سلامتك ... مش مصدقه الحمدالله رجعتي من جديد
-كيف يعني انا عايشه توا .... ايدي تلمس في هديل
هديل:: عايشه ياروحي رحمة ربي واسعه نكتبلك عمر جديد
دموعي يصبو زي مطر مش مصدقه اني رجعت للحياه وفتحتلي فرصه جديده ...
الحمدلله يااارب الحمدلله حمداً كثيراااااااااً
الحمدلله حتى ترضا يااااارب ماارحمك ياااارب الحمد لله.....
فتح باب وانا نمسح في دموعي مصدقتش من لقدامي
ياسين كان ناقص واضح عليه تعب مع ذالك مبتسم 💙
الحمدلله على سلامتك خوفتينا عليك
زدت نبكي ....يااااااسين انت عااايش
ياسين يضحك :: لا ميتين انا وياك وهذي الأخره
ضحكت من بين دموعي شعوري ملخبط مش مفهوم ومش مستوعبه لقاعد يصير معي
-شنو صار اخر شي نذكر همام يخنق في
هديل:: وصل عمر لما كان همام يخنق فيك وقبل ....
وقت لكان همام يحاول يقتلني جا عمر فتح الباب من نسخه لعند البواب بعد مافهمه انه لي فوق قاتل مش جوزها....
فتح عمر وهمام يخنق في انا دخت
عمر طلع سلاحه وشاف دم ضحك
شن شعورك همام وانت قاتل ابنك
همام انصدم وجرا عند عمر
شنو تقول انت ولا تحاول تقلبها علي
عمر يدف في همام
براء حامل منك مش مني انا ولا مره لمسته مافيش حاجه صارت بينا اكثر من مشاعر كيف متخيل انه وحده بطهاره براء ممكن تزنا
همام يضحك:: انت كذاب قاعد تقول هك عشان تبي تنتقم مني لأنك قتلت ولدك لي في بطن العاهره أبرار
عمر:: متبش تصدق مشكلتك تقارير لوصلنك هنا نفسهن تقارير أبرار كانت متفقه مع وحده على اساس تقضي على براء لكن الغبيه ابرار لفت الحبل على رقبتها بأيدها لانه هند انتقمت منهن هن الأثنين وخذت المقابل من أبرار ...
عمر جرا لعندي ....قتلته ياحقير
همام:: مكنتش نعرف كل لفكرت وقتهااااا انها خااااينه ولازم تمووووووووووت
عمر قتل همام ولحقوا يسعفوني مع اني نزفت وخسرت جنين خشيت في غيبوبة شهر
عمر انحبس بجريمتين جريمه أبرار طلع منها برئ اما همام فهو قتل عمد تحول لمحكمة في ليبيا وهو معترف امه قتله ورد ثأر بوه.....
_________________________________
رجعنا ليبيا انا وهديل وياسين
قعدت عند هديل اول فتره مكنش عندي جهد نواجه حد بعد لصارلي....
هديل :: كان يموت كل يوم وأنتِ على الأجهزه
-ياسين هكي طول عمره لما نمرض ولا نزعل من شي يقعد يبكي جنبي هههه
هديل:: ياريتك كنتِ معه من الأول مكنش صار فيك ولا كانت هذي حياتك انا متأكده انه كان ح يحافظ عليك
-الحمدلله على كل لصار ... لو ماصار معي هكي مكنتش عرفت قيمة كل نفس يطلع مني انا لعشته لعلمني انه حياتي كلها تكون لله معاملتي للناس ح تكون لله مش ح نستنى مقابل لشي كله خلي لله حتى شغلي اتقانه لله حبي لله مستحيل نفرط في نعمه لعطها لي ربي بعد رجعني على دنيا ... متخيلش قد شنو مليانه طاقه وحابه نفضيها في حاجه لله .. لكن مشكله معندش شي في مصرف وشغل خسرته وتوا لازم نلتزم بلعده وبعدها نقرر شنو ندير
روحت الحوش هلي وكانت فتحيه مطلقه معها عياله وضعنا المادي رجع اصعب من قبل ومسئولياتنا كثرن
والعده ربطتني انه منقدرش ندور على شغل
رن فوني كان رقم ...
نعم من معي
اهلا معي مدام براء حرم المرحوم همام الوافي
-انعم اختي من انتِ
انا محاميه سيد همام ياريت لو تكملي اشغاله وتشوفي رزقكم تواصلت مع والدته محصلتهش ممكن مسافره
-انا في فتره عده توا كيف ننهي شغله ونعرف اذا مشبوهه شغله ولا لا
نقدر نجيك في الحوش ونتفاهموا ...
صكرت الخط وفتحيه جاييه قهوة عصور...
فتحيه :: من لكلمك
- محاميه المرحوم
فتحيه:: وشنو تبي هذي توا
- انتِ ناسيه اشغال همام تبي من يستلمها
فتحيه:: زعما شنو شكل شغله
-والله لو في حاجه تضر الدوله وفيها حرام ح نبلغ عنهم ونتبرع بلفلوس للاجئين واليتامى تعرفي الحرب ماخلت شي ومادمراته
فتحيه:: فكره حتى هذي ربي يقدرك بس نقولك انا سمعت شيخ يقول مفش عده للمرأه لتجهض كانك كنتي حامل ووالدتي زيدي اسألي
-ياريت والله انا في عقلي سفاره خليت هديل تقدملي ان شاء لله يقبلوا ... فتحيه مزال تعرفي تخيطي زي قبل
فتحيه:: مزلت لتوا نموت فيه ونخيط في الحوش كنت نشتغل على مكينه عند لي مايتسما
-شن رأيك ترجعي تشتغلي فيها وهكي تجيب دخل وتوا نفتحوا مشغل نبيع ذهبي ويكون لنا دخل من خياطه لحد مانرجع لشغلي
______________________________
ولأن الحياة تقلبات مابين مر وحلو كنت كل مانسهى نتفكر اني رجعت من الموت بفضل ربي ندمع من الفرح وتتجدد في روح النشاط والطاقه لي اي عمل لله ....
فتحنا مشغل خياطه فيه فتحيه وبنتها الكبيره تقرا وتساعد فيها ....
شفت شغل همام كان كله وساخه وملفات فيهن اسماء يودن ناس في داهيه سلمتهن لشرطة وتبرعت بالفلوس سألت على امه واخته اختفين ملهنش أثر.....
اليوم زوقنا الشقه ونظفنها صح ضيقه ونحنا اسره كبيره لكن حاستها أوسع من الدنيا من شعور الراحه لي فيها ومن سهرتنا وضحكاتنا لرجعت ...
قبلوني في سفاره ورجعت وقفت على رجلي من جديد كان سندي ربي ولا حد ليه فضل علي غير الله
بديني وعلمي وثقافتي رجعتلي ثقة بنفسي نشوف في روحي اجمل بنت بدون مانستنى حد يتغزل بي وقت لي نبي امان نكون في سجود بين ايدين الله سبحانه وتعالى وقت لي نبي نشوف حب ربي لي نشوف كيف مسار حياتي وكيف ينقذ في في كل مرة ❤
انحبك يااااريي نحمدك ونشرك انك واحد لا شريك لك وإن محمد عبدك ورسولك ❤
طلعت عمره انا وفتحيه حققت حلمي وااااأخيرااااً سااااااااااااامحت كل من اذاااااااااني بنية ربي يغفرلي و يسامحني ....
دعيت لبوي وخوتي وربي يهدي امي ويحنن قلبها علينا ....
رجعنا ودرنا عشاء كبير وزعت هدايا على الكل
مزال بدري خلك تباتي تسهري معانه الليله
سلوى تلبس في عباتها
والله مره أخره ... ياسين يستنى وامي نزلت
وصلتها للباب لقيت ياسين متكي على الباب
وين هديتي
عطيتا صواره لجيبوا فيها في الحج ههه
ضحك علي
مزلتي متذكره
-اكيد مستحيل ننسى انك طول عمرك خاطرك في هديه زي هذي
ياسين :: يعني نحلم بيها وجتني منك اخره واجد علي 😍
-تصبح على خير ياسين
هم روحوا وانا وخواتي ضمينا باقي حوستنا
كل يوم تطلع فيه شمس جديده يتجدد ايماني فيه نخدم لعند نتعب نجي نهدرز مع خواتي وسالمه كبرت معش تنابش في حالها قاعده امي نخلي فيها تقول لتقوله نساير فيها وخلاص ....الناس مارحمتنش مزال لتوا تجيب في سيرتي لما نتعب منهم نستغفر نصلي نقرا قرأن وبعدها نرقد وهكذا كانت حياتي
____________________
في يوم عزمونا عيلة ياسين للمنطقه كان لازم نوافق عشان نثبت لنفسي اني نسيت او انه الماضي تصالحت معه
طلعنا عندهم واستقبلونا واستقبلنا شارعنا وماضينا وطفولتنا ....
طلعت في جنان نتفكر شجر وكيف وين كنه نلعبوا
ياسين قعد جنبي
ياسين:: اكيد تجددي في ذكريات
-ابتسمت اكيييد !
ياسين شنو صار وين اختفيت
ياسين:: خدمتنا كانت في صحراء وفي يوم نخطفت كنت شبه يوميا عذاب ومعرفتش شنو يبو مني لغاية ماعرفت انه لخطفني همام
شفته بصدمه😳
كيف يعني همام ... وليش خطفك وليش هند قالت انك متت
ياسين:: ممكن لأنه عارف مشاعري تجاهك وكان يهدد فيك بي وقصه موتي هذي لأنهم اشتبهوا بجثث لقوهن في صحراء
-مع اني معرفتش ليش كان خاطفك انت بذات لكن معش عندي فظول ومنبش نعرف خلينا هكي احسن
ياسين:: براء
بحتت فيه نعم؟
ياسين:: لعند امتا ونحنا هكي
-ياسين لو تعرف معزتك عندي وقد شنو نتمنالك كل شي حلو والله ديما ندعيلك
ياسين:: باهي كثر خيرك تدعيلي غير ادعي يلمنا حوش واحد😍
-مبردك بصراحه انا في شنو وانت في شنو
ياسين:: وافقي براء انا مش زيهم ..شوفي انتِ كان ماوفقتش ح تاخذي ذنبي لأني مستحيل نفكر كان ناخذ غيرك طول عمري ح تلقيني جنبك 😞
عيوني دمعن ::تستاهل وحده احسن مني
صبيت بنمشي مسك ايدي سحبتها منه
ياسين:: اسف مش قصدي نمسكه ..بس منبكش تمشي قبل مانقنعك
-تقنعني بشنو ياسين انت مزلت شاب والف وحده تمناك ... لكن انا مش ح تحصل مني الا روح ميته وجسم متشوه وقلب متحطم انا قاعده نحاول نبني في روحي من جديد على امل نصلح من نفسي ونعيش خوتي الحياه لتمنيتها منبش نربط حد معي سااااد لصار معي
ياسين:: كل لتقولي فيه مميزات بالنسبة لي مش عيوب انا مش ح نحب غيرك افهمي علي منبش اكثر من فرصه متظلمنش بذنب غيري
خشيت جوا نجري هربت منه منبش حد يأثر في نبي ربي اااها نسأل ربي وبس
في كل صلاه نصليها ندعي واستخرت ربي لا حسيت بضيق ولا راحه كان جوي عادي
قعدنا 3أيام العطله
ثالث يوم في ليل كنت برا نشوف في ظي دكان عمي الحاج ونضحك كيف كنه نسابقوا عنده
ياسين:: شن رايك نعودو سباق ؟
-بسم الله من امتا انت هنا
ياسين:: من اول ماطلعتي ... شنو قلتي
-بلا هبال يشوفنا حد يضحك علينا 😀
ياسين:: وبلا غباء الناس مرقده بمنظرك هذا في هااليل يسحابوك شاب 🤦🏻
ضربته على كتفه يااااااااااااسين😡
ياسين يضحك تي هيا را نسبقك وقتها انا لي نطلب طلب 😍
-شن رأيك انا لي ح نسبقك 😜
ياسين:: يلا وريني وليفوز يطلب من الأخر طلب ...
طلعنا نجاروا وانا بروح طفله لعمرها ست سنوات خطرت على بالي مره ونحنا نجاروا كان طلب طلبه مني ياسين وقتها جريت بكل مافي من جهد عشان نسبقه وهو مش مقصر يبي يفوز علي 🤦🏻
بصووووت داااااهش اااااااااااااووووو وصلت قبلك 🤗
ياسين داهش:: مفش فرق واجد 😒
-توا بنطلب طلبي ؟
ياسين:: شنو يعني تطلبي اكيد حاجه غبية زي افكارك وتصرفاتك😂
-تجوزني؟
ياسين قرب مني😳😳😳😳😳😳😳😳😳😳😳😳😳😳😳😳😳
هز راسه وحك عيونه😂
بت انتِ في شنو تدوي قصدي تبصري ولا جد ولا انا نحلم
-اهااا ياربي غبي هذا كيف يفهم 🤦🏻
ياسين:: براء حرااام عليك متحرقش اعصابي قصدك جواز زي الكبار
-ياحقير ياتافه شنو زي كبار املا زي شنو أصلا شنو كلام هذا 😡
ياسين:: تي اصبري زف معرفتش شنو نهرس انا😭
ضحكت عليه
خلاص سحبت عرضي باين مش موافق وتستعبط
ياسين:: يابت متجننش عقاب الليل ولا اضربيني كف
ضربته كف وجريت
ياسين يعيط موووووووووااااااااااافق يابت وحق ربي انحبببببببببببببببببببببك
وقفت-نهار اسود اسكت نوضت العالم فضحتنا😱
ردينا نجاروا للحوش وصلنا
قولي والله مانبصر احلفي توا
-ييييييي عليك سكنان ياريتني ماقلته 🤦🏻
ياسين:: احلفي😭😭
-والله مانبصر كنك انت
ياسين:: الحمدلله يارب وااااخيراً واووووووووو مش مصدق انا تذكري زمان لما نسابقوا ونقول فيها لك
ضحكت عليه:: نذكرها تقريباً انت الوحيد لطلبت عروستك وانت عمرك ست سنوات ؟ 😂
ياسين:: انا طلبتك من اول مانولدتي على دنيا انتِ لي براء لييييي انا وبس ربي يقدرني ونسعدك ونعوضك عن كل لفاااات😍😍😍❤❤❤
اتجوزنا بموافقة الكل المره هذي كلهم راضيين
طلع فرح علاء اتجوز بنت لي يحبها وسلوى تجوزت استاذها لكان خاطبها ...يحي مزال مأضرب على جواز ❤
يعقوب معش روح وحتى لو روح انا ماعطيتش حياتي جديده لي ياسين الا وانا متأكده مفش في قلبي حد غيره ❤
بساطة معك انت الوحيد لي نكون انا بدون تصنع نفرح معاك نزعل معاك نحب كل حياتي معاك اذا ربي اهداني حياة جديده عشان نتوب ونرجعله ونفهم انه شخص زي ياسين مستحيل يتفوت ولا يتبدل .....
عوضني ربي بتيسير ياسين عن كل شي ترسبات الماضي موجوده لكن المره هذي مع صلح انا تصالحت مع كل الماضي بكل مافيه ....
جبت ولد وسميتا صافي وتمنيت يكون زي جده في كل شي❤
في حكايتي موجوده انت و انتِ في حكايتي مرو على حياتك ناس زي لمرو بحياتي وح يمروا من جديد لكن الفرق توا اني نعرف كيف نتعامل معاهم ...
أعرفي كيف تفرقي بي الصاحبة لزي هند من لزي هديل❤
وأعرفي كيف تفرقي بين حبيب زي يعقوب وحبيب زي ياسين❤
وأعرفي كيف تفرقي بين أنك تهربي من حياتك لشخص زي همام💔 لتعاودي غلطك وتخوني ربك بشخص مايستهلش زي عمر💔
مفش حد يستاهل نخونوا ثقة ربي عشانه...مفش حد يستاهل نخسروه عشان حد ...
عيشي لنفسك لي ليها عليك حقوق ❤ حبيها وتصالحي مع ماضيك حياتك بين ايديك ياتشوفيها بنظره بؤس وحزن ياتشوفيها بحب للله وتفأل ❤
مهما ازماتك الحياة قرايتك ثم قرايتك ثم قرايتك
متخلش الاب والأم الجاهلين في تربية يكرهوك فيها ولا تخلي الاخ المتسلط يسيطر عليك كوني واثقه من نفسك ومن حب ربي لكِ أنتِ ماتستاهلش كل هاالتعب ومهما جاك في حياتك خريف وشتاء قاسي بكره الربيع ح ينور حياتك❤
أعذروني إذا اخطئت ....
قدمت لكم شخصية تمثل تقلبات الحياة وعواصفها بي الطفولة والعنف الأسري وخذلان الحبيب الأول وغلطة هروب لشخص مجهول وتشبت في شخص أخر على أنه قارب النجاة .... كونِي أنت كابتن سفينتك وتحكمي بعواصفها الحياة تريد تفكير عميق وتحليل لشخصيات في حياتك الحياة متبش ثقه في أي حد لا للثقة كوني حاضره معاهم بدون ان تثقي فيهم حتى لا يصدمك الواقع👌
كل الشكر كل الحب ليكم ❤