فوت قبل القراءه يا شباب بليز
🌸🌸🌸🌸🌸🌸🌸🌸🌸🌸🌸
انه صباح يوم الجمعه
خرجت سلمى من غرفتها بعد نوم طوويل انه يوم الاجازه. ظلت تبحث عن والدتها لم تجدها.. اين هى...مهلا.. انه يوم الجمعه بالتأكيد على الفطور الجماعى بمنزل احد اخواتها الرجال.
تنهد بقنوط لا تحب اولاد خالها هؤلاء. أصبحت تكره يوم الجمعة هذا بسبب والدتها التى تجبرها على تقضية اليوم مع اخوالها وخالاتها.. تعتبر هى أكبر فتاه في العيله لم تتزوج بعد.. منذ عدة أشهر اتمت عامها ال35.
تنهدت بضيق وهى تذهب للوضوء متمته:هممممم.. يوم الجمعة بقا ولمة الزفت العيله وغمز ولمس وكل واحدة بكلمه.. مش هنفرح بيكى بقا ياسلمى يا حبيبتي... مافيش أخبار حلوه.. اييييييه.. مايفرحوا هو انا مسكاهم.
ختمت صلاتها وهمت لفتح الباب وجدت محمد يدق الجرس. ابتسمت بسماجه وهى تتمتم:اللهم اطولك يا روح ابتدينا اهو.
قالت بزهق:صباح الخير يا محمد.. فى حاجه.
محمد باهتمام:اتاخرتى وعمتى قلقت عليكى قولت اجى اشوفك.
سلمى:وهو مافيش غيرك فوق.. ماتبعتلى اى بنت من بنات عماتك.
محمد بحرج:احممم.. عندك حق.. لو خلصتى اتفضلى يالا.
اغلقت الباب وذهبت خلفه.
دلفت للداخل وجدت الجميع موجود على الفطور.
رحب بها الجميع من مختلف الأعمار فذهبت للجلوس ارضا بجوار والدتها حيث الطعام مرصوص بكثره على الأرض نظرا لكثرة عدد الأفراد.
نطقت خالتها الكبرى :ازيك يا لومى ياحبيبتي عامله ايه.. مش تباركى لهدير بنتى.. اتقرت فتحتها اول امبارح.
نظرت لها سلمى تعلم مغزى حديثها فهدير مازالت فى ال21من العمر قالت بهدوء:مبروك يا خالتو... ربنا يتمم لها على خير... مبروك يا هدير.
هدير ببشاشه:الله يبارك فيكي يا لومى عفبالك. ثم نطرت ناحية والدتها بلوم على اسلوبها هذا فهى تحب سلمى جدا ولا تحبذ طريقة والدتها هذه.
والدة سلمى باستغراب :اخص عليكى يام هدير.. قراية فاتحه واحنا مانعرفش.
والدة هدير:والنبى ياختى كل حاجه جت كده بسرعه ومالحقتش اقول لحد.
والدة محمد :جت بسرعه إزاى يعني يام هدير.. قال يعني ماكنتيش عارفة انهم جايين.. ايه طبوا عليكوا كده زى القدى المستعجل.
والدة سلمى :ولا ماخدتش وقتكوا عشان تفكروا وتسالوا عليهم.. ايه كل ده وكل حاجه جت بسرعة.
وجودها صامته لا تعرف ماذا تقول فقالت والده محمد :على العموم ياحبيبتى هدير بنتنا واحنا بنحبها ربنا يتمملها على خير... عقبالك بقا يامحمد يابنى يارب.. انا مش عارفة ايه الى مأخرك على الجواز كده.. ده انت رئيس ورديه اد الدنيا فى احسن مصنع في السادات كلها.. نفسي افرح بيك ياحبيبي.
محمد:كله بامره يا ماما مش عايز استعجل.
نطق احد اولاد حال سلمى الكبار قائلاً لعمته:عمتى.. انا الراجل الى مأجر الدور الرابع فى العماره بتاعتك ده مش مرتاحله.. انا بقول نفسخ العقد.
سلمى بحده:ليه بقا ان شاء الله.. الراجل كان عمل ايه واصلا تفسخ عقده بصفتك ايه مش فاهمة.
نظر لها بغضب وهى تبادله بحده وغضب قالت والدتها:وليه بس يابنى هو كان عمل حاجه.
رد هو :راجل عزب يقعد في مكان شقه لوحده ليه.
محمد :لا إله إلا الله والله ياخى.. ودى فيها ايه هى اول مره تحصل ولا اول مره تشوفها يعنى.. طول ماهو قاعد باحترامه خلاص.
رد هو :البيت فيه بنات وستات.
محمد:بناتنا واخواتنا متربين كويس ويعرفوا يوقفوا اى حد عند حده.
سلمى:انا شايفه ان كل واحد فيكوا كده قاعد يقول رأيه كأن فى ايده حل او ربط... العماره الى بتتكلموا عنها دى ورثى انا وامى يعنى ماحدش يدير شؤونها غيرى... اظن واضح.
قالت ما قالت وخرجت وهى غاضبة بشدة من محاولاتهم الا متناهيه فى فرض سيطرتهم عليها وعلى ميراثها.
بينما تركتهم البعض ينظر لها باستهزاء والبعض بغضب والبعض باشفاق اما محمد تمتم بعدم رضا :هتفضلى غبيه ومتهوره كده لحد امتى يا سلمى.. العمر جرى بينا وانتى لسه زى مانتى.. بس الحق عليا انا الى دلعتك.. كل ده لازم يتغير يمكن تشوفى صح بقا.
____________________________
فى قصر ال مبارك
انهى جواد صلاة الجمعة وعاد مبكرا وجد زوجته ابرار تجلس امام التلفاز تضحك بشده. اقترب منها باستغراب قائلاً :السلام عليكم.
ابرار ببشاشه :وعليكم السلام.. حمد ع السلامة.
جواد :شى الى تشوفينه وبيضحك كده.
ابرار:مسرح مصر.. دمهم وايد حلو.. ويصيروا يقولو قفشات ومقالب حلوه.. من صح دمهم خفيف المصريين.
جواد باستهزاء :اى.. دمهم خفيف.. وانتى مين حكلى لك.. عاشرتيهم.. هادا كلام فاضى.
ابرار:لا يا خوى.. معروفه عنهم كل الدول تشهدلهم.
جواد:والله بتلاجيهم هما الى يجولون على نفسك هيك لا ويصدجون نفسهم بعد.
قاطعه صوت عمه قائلاً :مين هادول الى تحكى عنهم يا ولد اخوى.
جواد:اهلين عمى.. ولا شى.
ابرار:لا عمى.. كنا نحكى عن المصريين.. بجوله انه دمهم خفيف مو مصدق.
لاحت ذكرى ايام جميله امام جاسم جعلته يبتسم قائلاً :من جد جواد.. يمكن بس تعاشرهم بتعرف.
جواد:لااا.. مابحب ابدا.. خصوصا بالشغل ودايما بحرص منهم.
جاسم متذكرا:صحيح جواد.. ايش سويت بالى حكيته معك.. ضاحين مر اسبوع وما صار شى.
نظر جواد لزوجته التى تنظر لحديثهم المبطن بفضول وقال:الله بالخير يا عم الله بالخير.
نظر لها وقال :ابرار.. وين جهوتى.
نادت هى على الخادمه:شاتا..شاتا.
اتت فتاه مهروله تبدو فلبينية او صينيه وقالت بأدب :يس مادام.
ابرار:الجهوه للشيخ جواد.
ذهبت الخادمة وتابعت هى الحديث وجدت جاسم غاضب وقال :جواد.. إذا ماراح تسوى شى جول ضاحين.. انا بتصرف.
جواد:اهدى.. اهدى شالى صاير وياك.. انا بلغت المحامي الى صاير يدير اشغالى بمصر وهو أكبر محامى هناك.. الريال جابلها وحكى وياها... مابعرف شالى صار.. اكيد هاى مينونه ولا صاير بعجلها شى.
جاسم :جووواد شالى تجوله انت.
جواد:اى صحيح فى شى بنت بتعرف هيك شى ومابتركض تعيش بهاى الثروه كلها.. هاى الغبيه مابتعرف لحين اديش بتملك انت.
ابرار:شالى تجولونه ومن هالبنت الى بتحكوا عليها.
جواد بحزم:ابرااار.. لا تدخلين.
جاسم :جواد إذا مابتريد تكمل هالسالفه احكى وانا بتصرف.
جواد برفض قاطع من اجل سمعه ال مبارك :لااا.. ماحدا راح ينهنى ها الموضوع غيرى... الاسبوع الجادم انا رايح على مصر افتش على هاى المعتوهه.
تركهم وصعد الى جناحه الخاص ليستريح قليلاً.
دقات هادئه على الباب جعلته يستقيم من فراشه الوثير.
فى بيتهم لا يسمح للطارق او للخدم بالدخول الى غرفهم. يعلم أنها الخادمه فلا واحدة من نساء هذا البيت تفعل شئ بنفسها.
فتح الباب وجد إحدى الخادمات فى وجهه قال بنفاذ صبر:ايش فى.
الخادمه:مدام بيان قالت لى استدعيك.
زفر بتعب وقال:جاى. جاى.
خرج من جناحه واتجه حيث جناح زوجته بيان.
دلف للداخل وجدها فى ابهه حله تنتظره بشوق.
نظر لها بإعجاب شديد فهى للحق جميله وقال:السلام عليكم.
بيان :اهلين جواد.. شخبارك.
جواد:صرت أفضل ضاحين.
صمتت لا تعلم ماذا تقول وهو أيضاً لا يعينها ابدا على تخطى خجلها رغم مرور سنوات على زواجهم.
بدون حديث فقط تكلمت الأعين اقترب منها وبدأ رحلة جامحه معها.
_____________________________
بالقاهرة. فى السيدة زينب تحديدا.
جلست هاجر بغيظ تضع الكحل الاسود فى عينيها. ونيروز وحبيبه يجلسون خلفها ينتظرون.
هاجر :اه يا ناااارى... بقا انا يتعمل معايا كده.... كل ده يطلع منك يا ليلى.. بقا انا جوجو اتدبس اتدبيسه دى.
ضحكت الفتاتين فقالت :انتو بتضحى على ايه يابهيمه منك ليها... مصاحبه شويه بقر اقسم بالله.
حاولت حبيبه كتم ضحكاتها وقالت:لا بس امك طلعت صايعه صايعه يعنى. لا وايه ماسابتكيش تطولى فى القعدة معاه واختارت توقيت اكون انا والبت دى مش موجودين عشان تدبسك تمام.
هاجر :ياخسارتك في الجواز يا أنا ... يا صغيرة على الهم ده يا أنا.
حبيبه:صغيرة ايه يا شحطه انتى.
هاجر :صغيرة.. انا حاسه بنفسى اسمعى منى.
نيروز:خلاص يا بيبه هى ادرى... يالا بقا طنط ليلى هتدخل تدينا كلنا بالشبشب دلوقتي.
هاجر :فكرك هسيبها هى ولا عريس الهنا بتاعها ده.. الله فى سماه لاكون مطفشاه هو ابوه الى منزلش عينه من على امى ده.
نيروز:هى هتسيبلك فرصه دى وخداكى على الحامى امبارح يادوب اتعرفتوا النهاردة تنزلوا تجيبوا الشبكه.. بصراحة صايعه بجد.
هاجر :انتى بتهدينى ولا بتسخنينى بس.
نيروز:انا مش فاهمه انتى مالك كده بس انتى لا مصاحبه ولا بتصاحبى ولا هتصاحبى ولا فى حد معين بتحبيه ومستنياه يبقى ماتوافقيش ليه.. مش يمكن يطلع جدع طيب وابن حلال.
هاجر :انا مش هتجوز جواز صالونات.
حبيبة :تمام.. استنى لما تحبى واحد و.. قاطعتها وهى تهب باعتراض قاطع:لااااا مش انا يا ماما مش انا يا استاذه... انا مابصاحبش.
وقفت حبيبه ونيروز بغيظ واوقفوها غصبا وهم يشمرون عن ساعدهم بغل قائلين:تعالى هنا بقا عشان انتى قرفتينا معاكى... انتى فاكره نفسك الاميره ديانا.
اخذوا بضربونها وهى تصرخ:خلااص خلااااص.. ااااه.. ده أنا النهاردة عروسه ياحيوانه منك ليها.
ابتعدوا عنها يلهسون فقالت حبيبه:هتنزلى قدامنا حالا تختارى الشبكه ومش عايزين اى اعتراض
نيروز:تتعاملى كويس زى البنات الكبار الى فى سنك ها... شغل العيال الصغيرة بتاعك ده مش عايزينه.
حبيبه:وعشان تعرفى ان احنا صحاب جدعان... عنينا عليه زى الردار واخر اليوم تقرير مفصل مننا عنه نشوف هو كويس ولا لأ.
وقفت نيروز واعطتها احمر شفاه وقالت:حطى ياختى خلصى..امك هتيجى تحت علينا دلوقتي.
هاجر :انتو استحالة تكونوا صحابى انتو... انتو اكيد اهل العريس.
حبيبه بحزم :اخلصى يابت.
استدارت هى بجديه تعدل من هيئتها وبعدها خرجت من البيت معهم برفقة والدتها واخيها عمر لانتقاء الشبكة.
فى محل الصاغه تقابلت هاجر واهلها مع العريس ووالده واختيه الاثنتين.
باعين كالصقر تفحصتها الفتاتين.. لم ترتح لهم إطلاقاً كذلك صديقتيها.
نقلت نيروز وحبيبه عينيها للعريس.... همم.. حسنا يبدو شاب خلوق ومهذب أيضا يعرف كيف يرتدى ملابسه منمقه عصرية ويبدوا عليها انها قيمه.. يبدوا أيضاً هادئ الطباع.
حبيبة بهمس لنيروز:والله شكله كويس.
نيروز :اه كمان شكله كده مش بتاع بنات ومحترم.
حبيبه :ودى عرفتيها منين.
نيروز:من نظرته لينا.. ده بصلنا عادى الشباب الى عينها زايغه لما بيبقى في موقف زى ده وفى بنات بيبقى باصص فى الارض وعامل نفسه قال ايه مؤدب ومش بيقيم عينه فى واحدة ده بقا الى تعرفى انه مبهدل الدنيا.. لكن ده بص عادى.. نظره عابره بيتحقق من ملامح الى معاها بس عشان يبقى عارفهم مش اكتر.
حبيبه:اه منك انتى يا سوسه... اصغر واحدة فينا بس سوسه.
نيروز :طب تعالى نختار معاها طيب.
اقتربوا من هاجر حيث تقف بجانبها شقيقتى العريس يشاركن أيضاً في الاختيار.
شقيقته الكبرى :بصى الاسوره دى حلوه عجبانى.. ايه رأيك.. هناخدها.
نطرت لها الفتيات باستغراب هل تاخذ رأيها ام قررت هى.
هاجر :لا فى احلى بصى دى.
ردت الفتاه:لأ دى حلوه.. زى الى جبتها فى شبكتى.
هاجر بهدوء:ما ده بقاله كذا سنه فى حاجات جديدة طلعت.
الفتاه:قصدك انى زوقى وحش ومش على الموضه.
نيروز متدخله:لا يا مدام هى ماتقصدش بس دى شبكتها هى تختارها براحتها حتى لو هتبقي وحشه دى راحات.
الفتاه:وهو انا يعني كنت هختارلها حاجة وحشة ولا هختارلها حاجة وحشه.... تعالي شوف يا يوسف العروسه وصاحبتها بيقولوا انى زوقى وحش.
حبيبه متدخله:ماحدش قال كده استهدى بالله بس يا مدام.
تقدم يوسف وقال :ايه الى حصل يا انسه هاجر.
تمتمت الفتيات (انسه هاجر ده ايه الخيبه دى ماهو الادب الزيادة عن اللزوم ده يخنق برضه).
تحدثت شقيقته الكبرى غير سامحه لاحد من الفتيات بالحديث :بختارلها ياخويا تقولى دى موضه قديمه وصاحبتها يقولولى سبيها تختار بحريتها هو انا كنت فرضت عليها ولا كنت فرضت عليها.
نظر لهاجر نظره لوم وقال :هما كانوا بيختاروا معاكى بس يا انسه هاجر عربون اخوه يعنى.
هاجر:لا مش ده إلى حصل دى قال.... قاطعتها ليلى لإنهاء الأزمة :خلاص يا جوجو خلاص يا يوسف ياينى.. الاسوره حلوه هناخدها... مبروك عليكى ياحبيبتى... كملى يالا الباقى.
نظرة لها هاجر بغيظ وشقيقته الكبرى تزم شفتيها بانتصار مقرف. وتقدمت الاخرى تشارك بقوه أيضاً فما حدث كان بمسابة إشارة المرور للتدخل بقلب من حديد فى شؤنها وشؤن اخيها.
ظلت شقيقته الكبرى والصغرى ينتقون كل شئ وهاجر تهز رأسها فقط وحبيبه ونيروز ينظرون لما يحدث باستياء وعمر شقيقها يقف بنظرة رجل يخترق بعينه ماتفعله شقيقتى العريس ورد فعل هذا المدعو يوسف. وهاجر العاجزه عن قول لا بعدما قالت والدتها نعم.
الى ان ظل اخر شئ وهى دبلتى العريس والعروس.
تناولت شقيقته الصغرى خاتم خطبه وقالت :ده حلو اوى كان نفسي اجيبه فى شبكتى.بس الفلوس ماكفتش قال ايه عامل حسابه على مبلغ معين.
هاجر :طب ايه... جايه تحققى احلامك هنا.
نطرت لها بغيره وقالت:بتكلمينى كده ليه.. تعالي يا يوسف شوف عروستك.
تقدم يوسف وعمر يتابعه باعين من صقر.
يوسف:فى ايه يا بنات.
هاجر:ماهو كده كتير حتى الدبله الى هتفضل طول العمر فى ايدى اختك الى هتختارها.
يوسف بهدوء :طب وفيها ايه انا شايف انها حلوة وبعدين..... قاطع حديثه تقدم عمر بخطوتين ووضع يده على كتفى
هاجر وقال بصرامه:فيها أن احنا ماعندناش بنات للجواز.
شهق الجميع بلا استثناء حتى هاجر وجحظت عينيهم.
يوسف:ايه يا باشمهندس الكلام ده عيب.. ده كان اتفاق رجاله.
عمر بقوه:علييييك نوووور.. اتفاق رجاله وانا الصراحه مش شايف قدامى اى رجاله.. سايب العقربتين اخواتك عمالين يبيعوا ويشتروا فى اختى الى المفروض هتبقي فى حماك ويزودوا كلام ويكدبوا وبتصدق وتقول امين من غير ماتتحقق من كلامهم.. حتى الدبل يا مؤمن.. رجولة ايه اللي بتتكلم عليها انا عايز افهم.. ولا الراجل ابوك الى لا محترم سنه ولا مقامه قاعد يبصبص لامى.. طب يعمل حساب حتى انى واقف.. اخرة القول اتفضل خد ابوك والعقربتين دول وامشى من هنا.
تحدثت شقيقته الكبرى بصياح :عقربه لما تلدعك انا ساكته لك من الصبح... بقا تعشمونا وتودونا وتجيبونا وتفض الحكايه واحنا في محل الصاغه مين هيخبط على باب اختك يخطبها بعد الى حصل والى عملتوه.
عمر:ايه يا استاذ يوسف هى كمان بتتكلم بلسانك.. ده أنا كنت هغلط غلطة عمرى.. بس اقولك على حاجه.. الى يقول يقول ولا يهمني حد.. ومش هرد على واحده ست انا.. مش هرد اصلا عشان مافيش رجاله فى المكان دلوقتي.. انت يابنى فلوسك لسه في جيبك واختى فى حضنى.. خلصانه... يالا يا امى.. يالا يا بنات.
خرجت الفتيات وهن اعينهن متسعه بزهول وفرحه غير مصدقين وليلى تغادر بكبر تهز رأسها لشقيقات العريس بغرور قائله:ابنى... انا خلفت و بيت.. اسد يا عين امه اسد.
نظرت ليوسف وقالت :بلا وكسه... جتها نيلة الى عايزه خلف.
عمر من الخارج :يالا يا امى لو سمحتي.
ليله بزهو كأنها عادت طفله :جيالك يابنى... جيالك ياسيد الرجاله.
ضمها بكتف واخته بكتف اخر يكتنفهم بحمى وخلفه سارت حبيبه ونيروز يصفقون ويزغردون وسط زحام الشارع وعمر يضحك أحياناً على جنانهم لكنهم معذورين من فرط الفرحه جن جنونهم.
_____________________________
فى قصر الحوفى
يجلس شاهين فى غرفة المكتب مع جده يراجع تطورات احد المشروعات الجديدة.
شاهين الكبير :عفارم عليك يا شاهين.. الارباح عال العال.
شاهين :ولسه يا حاج ده الشهر الجاى داخل دفعة جديدة لحسابنا في البنك.
شاهين الكبير :حلو كده... طب ومشروع محمود ابن عمك.
شاهين بسخرية :هو لحق جرى يسخنك.
شاهين الكبير :شاهين انا عارف انك ليك حق فى معظم تركتى واظن إنك أنت الى ماسك كل حاجه.. بس مش هتقطر عليهم ومره تديهم وعشره لأ.
احمر وجه شاهين لا يريد تذكر ما كان عليه ولكن بكل بساطة ذكره جده:جدى.. انت عارف إنك مش ممسكنى كل حاجه بدون مقابل.. انا ليا معظم الى عندك وباسمى لان ده حقى وانت عارف ليه.. كان فين محمود ده ولا على ولا حتي ابوهم وانا بشقى واتعب هنا ها.. كان مسافر بيشتغل بره واتجوز كمان وخلف وانا شايل الطين على دماغى هنا. ورجع دلوقتي بعد ما بعزق فلوسه هو وعياله شمال ويمين يقولى حقنا وورثنا.
تنهد شاهين الكبير بحزن لا يريد فتح هذه السيره يعلم ماتنتهى به حالة شاهين في النهاية.
حاول تشتيط غضبه والتحدث فى أمر يحب شاهين الزهو والتفاخر به فقال:امممم.. وانت صحيح يا شاهين على علاقه بالى اسمها ناردين الهادي الى بتمثل دى؟
هدأ شاهين قليلا قبل بلوغ ذروة غضبه وقال:مين قالك؟
شاهين الكبير :هى المشكلة دلوقتي في مين قالى.. وعلى كل ياسيدي انا سمعت الخبر في المجموعة.. كل الموظفين بيتكلموا في الخبر... بيقولوا إنك مرافقها وصاحبك الاسود ده مرافق صاحبتها.
شاهين :همممم تقصد امجد ابو حديده.
شاهين :هو الزفت ده.
شاهين مبتسماً :انا مش عارف ياحاج انت مش حابه ليه.
شاهين الكبير :تحسه العوبان كده ومش سهل.. وكل يوم والتانى مرافق ممثله ولا مغنيه شكل.. مش بيتهد ويتجوز ليه... ولا اقولك انا هلوم عليه ليه يعني مانت نفس الطباع السوده زيه وعديت الثلاثين من زمان ولسه ماشيلتش عيالك.
تنهد شاهين بقوه يعلم جده معه حق. كان سيهم ويجيب عليه فقال جده:اسمع.. انا سايبك تتسرمح زى مانت عايز وعارف انت بتعمل كده ليه.. انت فرحان من الإشاعات الى بتطلع عليك معاهم... بس يوم ماتتجوز جواز بجد انت عارف هيكون مين.. اكيد بنت عمك.
شاهين مبتسماً :همممم.. بنت عمي مين فيهم بقا.
شاهين :سمر الى تناسبك والى معروف من زمان انها ليك.. اكيد يعني مش هتتجوز جميلة دى اصغر منك ب7سنين.. سمر ليك من زمان... وطول عمرها بتتعامل على الأساس ده... جميلة هتتجوز محمود.
شاهين :والبلوه المسيحه الى جبرت الكل حتى هيا انها تعيش معانا رغم انك كنت رافض حتى تعترف بيها من زمان.
ضحك شاهين الكبير قائلا :ههههههه... قصدك جيسيكا.
شاهين بغيظ:ايوه زفتته... دى عليها طولة لسان ولا رودوها على طول جاهزه.. مش عارف باليتنا بيها ليه.. ماكنا مستريحين منها.
شاهين الكبير :ماكنتش مصدق اصلاً انها بنت ابنى.. وقولت حتى التحليل ممكن امها تلعب فيه عشان كده ماعترفتش بيها... بس لما شوفتها لاقيت يمنى بنتى هى الى واقفه قدامى... لا ده مش شبه ده هى.. الشكل تدويرة الوش.. نظرت العين وقوتها.. حتى نبرة الصوت.. ماقدرتش اسيبها تمشى عايز اخليها قدامى على طول ترد فيا روحي الى راحت مع يمنى الله يرحمها.. كانت حنية الدنيا فيها.. فاكر يا شاهين.. كانت بتحبك اوى.
شاهين :ايوه بس دى لسانها مترين... معموله من ايه دى.
قهقه شاهين الكبير عاليا وقال:ههههههه بصراحة.. عجبانى شخصيتها وقوتها ووو... قطع سير حديثه عاصفه هوجاء دلفت دلخل المكتب بلا استئذان... ومن غيرها دكتورة جيسيكا.
وقفت أمام شاهين الكبير وقالت باندفاع وتهور:ماهو كده كتير.. كتير لبخ يعنى.. انا ياخويا ماحيلتيش غير مرارة واحدة ومش حمل الفقعان ده.
كان شاهين يتابعها بزهول واستغراب وبلا حيله وجد نفسه يبتسم عليها. كذلك شاهين الكبير يكتم ضحكاته منها وقال :فى ايه بس يابنتى.
جيسيكا :دلوقتي انا عايزه افهم.. هو انا عليا تهمه ولا سارقه سريقه عشان تحبسونى هنا.. انا بقالى ليلتين غايبه عن امى ولا هى تعرف عنى حاجة ولا انا عارفه اوصلها.. انا عايزه امشى من هنا.
شاهين الكبير بغضب على سيرة ناديه :ماتقلقيش اوى كده.. ناديه مش بتخاف على حد.
جيسيكا بغضب:ماتتكلمش عن امى كده.. امى دى مافيش زيها اشتغلت اجدع من اجدع راجل لحد ماعلمتنى وكبرتنى وبقيت دكتورة كنت انت فين فى الوقت ده ها.
انتفض شاهين بغضب:انتى نسيتى نفسك ازاى تكلمى شاهين بيه كده.
تقدمت بغضب ووقفت تنظر فى نن عينه بقوه وقالت:وهتكلم كده مع اى حد يجيب سيرة امى بطريقة ماتعجبنيش.. وانا عايزه امشى من البيت ده حالا.
لا ينكرشاهين انه اهتز منها ومن قوتها لم يسبق وواجهه احد بكل تحدى كما تواجهه هذه الصغيرة هكذا.
شاهين :خروج من البيت ده مش هيحصل غير لما انا اقول.
جيسيكا بمكر متذكره حديث على:اممم وهتمنعنى كمان عن كليتى.. انا بدرس طب مش اى كليه.
شاهين الكبير بلهفه:لا طبعا.. الا كليتها دى فى طب.. هترفع رأس عيله الحوفى فوق هى وعلى.
نظرت لشاهين بابتسامة انتصار اغضبته فقال هو:رجلى على رجلك... هوديكى واجيبك.. مش ضامنك تزوغى كده ولا كدة.
شاهين الكبير بارتياح :صح هو ده الحل.
جيسيكا بغضب طفولى ضربت الارض قائله:هو فى ايه.. هو انا خلاص اتحبست هنا.
شاهين :مش كان الفضول قاتلك ودخلتى هنا برجلك.. شوفى نتيجة دخولك بقا.
نظرت له بغيظ وقالت :طب عايزه شاحن لموبيلى عشان اشحن واطمن ماما.
تناول هاتفها بقرف وقال:ايه ده.. موبيل بالفين جنيه.. مافيش شواحن ليه هنا.
جيسيكا وهى تنتشله بغضب من بين يديه:وانت مالك ماسكه بقرف كده.. وكمان مش بالفين ده باربعه وحتى لو بالفين مش مهم.. متمسكة بيه ده هديه غاليه عليا اوى.
شاهين بحاجب مرفوع :هديه من مين بقا ان شاء الله.
جيسيكا :وانت مالك إن شاء الله.
شاهين لنفسه(وانت مالك صحيح ياشاهين)
رد هو :لسانك ده انا هقطعهولك إن شاء الله.
جيسيكا بصياعه :بلاش تقول كلام انت مش اده.
هم شاهين للرد فقال الحوفى الكبير :خلااااص... ايه ناسيين انى واقف وسطيكوا.. اتفضلوا من قدامى.. جتكم البلا وانتو الاتنين نسخه واحدة.
ردوا بنفس واحد :انا نسخة من ده/دى.
شاهين الكبير :اه.. اتفضلوا يالا رفعتولى ضغظى... وانتى يابنتى.. انا هبعت حد يجبلك شاحن.
خلاص كفاية خناق.
****************
خلص البارت
اسفه على التأخير لكن النت فاصل يومين واول ما جه نزلته.
رائيكوا
توقعاتكوا.
بحبكوا جدا 🙈