زٍوِاٌيٌـاٌ اٌلِـحٍيٌـاٌةُ
اٌلِـحٍلِـقْةُ "13"
ڪْتْآبْآتْيْ : Raghad
يوسف : اوكيي الحركهه الي درتيهاا لعشق الجيهه و دقتت الباب حركات العيال الصغار ي هذينا مش غابيه فيهن انت عاد بس و دين محمد نسمعك ديرتيهاا مرهه ثانيهه رقبهه مناا بطيحح عشق و وتينن اشرفف من بناتت شارعككم الي شايله همهن كلهن
مش جويي نقول الكلمتين هذينا لمراه بس اهو انت اجربتينيي
المراه انصدمت و جمدت ف مكانها و صكرت الباب في وجهه
يوسف : هكي ناس يستقبلوا في ضيوفهم؟ 🙂
يوسف ضحك لان واضح ان خافت من تهديده لان ف اصل كان يكذب في كل حرف قاله لانها مراه و فعلا هو ما يقدر يديرلها شيي
ركب سيارته و توكل و اتجهه شور المستشفى
.........
مشى محمد شور الصيدليه و نزل جاب ادويه امانيي و وركب سياره واتجهه شور حوش هل امانيي
درس سياره قدام الباب
محمد : تبي حاجه رني علياا
اماني : كفيت ووفيت شوفف رحمهه بسس
نزلتت وطبقت البابب بقوهه
محمد : الباااببببب يبهيمهه
خشت وصكرت باب حوشهم الرئيسي
محمد ضحك : يعني هذا كله عشان رحمه ؟
علق المارشه و طلعع شور مكتبهه
.............................
يوسف لبس البالطو الابيض بتاع المستشفى و مشى شور الحجره بتاعه و يدوب ما قمعز على كرسيه خشت عليه دكتور نسرين
نسرين : صباحوو ي حلوو
يوسف : صباحح الزفت من عند صبح ، خير شن فيي ؟
نسرين ضحكت : شنو قعدوا يردوا عليا هكيي اناا تواا ؟
يوسف رفع حاجبه : توا انت متفرقيش عليهم في شي
نسرين : صار هكي هيا يا اوفتي
يوسف : دكتورهه نسرين تقدريي تتفضلي بنشوف شغلي
نسرين : اوكيي تشاواتت سيفا و طلعت و صكرت الباب
يوسف : تلل يخيطك🙂
طققق طققق
يوسف بإنفعالل : ااااييووههه
ممرضه خشت بإرتباك : معليش دكتور يوسف عندك حاله تحب تستقبلها ؟
يوسف تنهد و قاللها بهدوء : خشيهه
طلعت الممرضه و هيا خايفه صح معروف ع يوسف ان سفتار ووجووهه حلوو و كلهه ضحك بسس لما يتعصبب مايعرفف حدد وهذا كان سبب خوف الممرضه
خش على يوسف راجل ستيني العمر : سلاام عليكم ي وليدي
يوسف صبا من كرسيه احتراماً لراجل المسن الي خش : و عليكم السلام عمي قمعز تفضل
راجل : والله يا وليدي انا جيتت للمشتشفى خصيصاً ليك شكروك لياا يا باتي
يوسف زراته ضحكه لما قال الراجل المشتشفى : نورت المستشفى يا عمي
راجل : والله انا يا وليدي .....
قعدد راجل يحكيله و يشكيله من قلبهه كشف عليه يوسف و كتبله روشيته و طلع الراجل وقعدوا يطلعوا و يخشوا عليه المرضى
شرب يوسفف من الميه بتاعه لما كملوا المرضى الي حاجزين عندنه
شافف فونهه الي كان يرنن صكر الشيشه و بحت كان رقم توقع انها عشق
عشق : الوو يوسف
،يوسف: ها كملتي ؟
عشق : اهااا خلاص قالولي روحيي انت وين
يوسف : اهو انا طالع من المستشفى
عشق : خلاص يا يوسف متعبش روحك الحوش خطوهه توا نروح ع كرعيا وانت خليك ف شغلك
يوسف بضحكه : كلمه هيا اندمري في المدرسه لين انجي
عشق : اففف ي يوسف باهي براحتك بس لو مكملتش شغل الله لا يسامحك كان طلعت من شغلك
يوسف : كملت ي امي كملت
عشق ضحكت: باهي هيا تشاو
يوسف : اوكيي ي سمحهه
عشق فنصتت لما سمعت اخر كلمهه
و يوسف صكر و ضحك
خذا يوسف فونه و دخانه و مفتاح سيارته و طلع من الحجره بتاعه قبلاته نسرين
نسرين : مروحح يا حلوو
يوسف : منتلفف الحمدلله 🙂
نسرين : مرجوعك رادد
يوسف : متفرقشش معايااا شوفتك من بلاهها 'غمزلها و طلعع بثقهه'
نسرين ضغطت على قبضت يدها بغيض ومشت لحجرتها وقعدت تشوف في المرضى
...........................................
خش محمد لمكتبه و اول م شافاته رحمه لحقاته
سلح محمد كبوط و حطه على كرسي دقتت رحمه و خشت رفع محمد عيونه فيها
محمد : شن صار عدا راجل ؟
رحمه قمعزتت على يد الكنبه : بالماحوته ما وزعتهه !
محمد مسك دخانه وولعه : باهي انا مفهمتش قصته
رحمه : ياسيدي القصه ومافيها ان عيلتين بيناتهم تاتش ، يعني زمانن واحد من عيله الراجلل الي جاا ضاربب واحدد من العيله ثانيه خلاهه مشلول ، يجيك من اسبوعع واحد من العيله الولد الي ينشل يتعارك مع ولد الراجل الي جااا يضرببه بموسس ف رقبتهه يقتلع
محمد : عليكك قصهه هذيي مايحلوهاا بيناتهم بين شيوخ القبيله
رحمه بإستغراب : كيف يحلوها شيوخ القبيله ؟
محمد جبد من دخانه و نفخخ : في الي يدفعوا ف مبلغغ ماليي و فيي يليي يتناسبواا بيش يفضوها
رحمهه : باهي قضيه زي هذي شن بنديرو فيها راجل يبينا نشتغلوا مع بعضنا و وكلك انت محامي ويبي يحبس الولد؟
محمد طفى دخانه و حطه في طفايه : كان عندهه واسطهه الولد ينحبس بدون حتى دليل بس توا لازمم نجيبوا حاجه تثبت ان هذك العيل قاتل ؟
رحمه : اهاا خطرهااا بنقولكك نقطهه نسيتهاا الولد الي قتل قال ان مش هو الي قتله وانا واحد من الي يحز ناشه بالموس بتاعهه !
محمد مشاا يدهه ع شعرهه لين رقبته و قعد ماسك رقبته بيده: زيديي عقديهاا لياا تواا
رحمهه : حتىى انا حايرهه بكلل لازمم بكونن في حد مصورر يا اما الموسس طايحح مناا وعليه بصماته بسس هذي مستحيلهه
محمد : هيا مش مستحيله لان لو كان غبي احتمال من رهبه و الخوف يطيح الموس و يهرب
رحمه : عليك قضيه كل هذي احتمال ننسحب منها
محمد : ليش؟
رحمه : خايفه بكلل انا بنت و يمكن العيله ثانيه توصل فيا و تتهددني ؟
محمد : بجوكك و هكي الافضل اما انا مش منسحب منها اول مره تجيني قضيه زي هذيي ونبي ننجح فيها
رحمه سكتت و بعدين حكت : مشعارف انا بنقلب الموضوع في راسيي المهم انا دوامي كمل اليومم
محمد : حتى انا طالع غير جاي بنشوف شن القصه
رحمه مسكت شنطتها : تمام معناها انشوفك بكرا ؟
محمد طبس ياخذ في كبوطه و غمزلها : تمم
طلعتت رحمهه و فرحانهه بغمزةة محمد مع انه غمز بنيه صافيه
...........................................
ترنن ترنن
يوسف : براا انا
عشق : طالعه هيي
يوسف شاف عشق طالعه من المدرسه رفعلها يده و شاورلها
عشق شافاته و قربت منهه
يوسف : شنجو المدرسه
عشق تنهدت : نحكيلك ف سيارهه
يوسف قرن حواجبه ب إستغراب : تمامم
اتجههوا شور سياره وركبت
عشق : اففف
يوسف : تريحتي ف مدرسه ولا في حد ضايقك ؟
عشق تنهدت : مش قصه في حد ضايقتي بس الابلات كلهن لابساتت اشكالل و الواننن و نظرهه بتاعتهمم لياا معجبتنيش بس مش مدورهه ف نهايهه نعطيي حصهه نروحح "وقعدت تحكي ب انفعال" بس البناتت نفسهن يحسسنك انهنن بناتت الوزير مش معقوله هكيي كلهن رافعات خشومهم و مستهزيات باللغه
يوسف : يعني بتسيبي
عشق تنهدت و حطت يدها على راسها و تنهدت : شن نسيبب وانا بالماحوتهه ما لقيت شغله اقل شي خير م نشتغل شغاله
يوسف : باهي هما عطوك منهج تمشي عليهه
عشق : عطوني القهرهه و العازهه يبوني انألف منهجج للغه الاسبانيه و ندير كيف الشيت و نطبعه لهم
يوسف ضحك بصدمه : حلوهه هذيي نعن شكل هكي م تسكتلهمش لقوكك طيبهه بيستغلوكك !
عشق : الله غالب شن بندير ؟
يوسف : لا وراتبهم زي وجهم ،
عشق ابتسمت : الحمدالله
يوسف : ننزل نحكي معاهم اقل شي يزيدولك راتب !
عشق : اقعدد هاا في نهايه تطلع متعاركليي معاهمم زي هذك راجل الي مبش يعطيني فلوس
يوسف : هذك دفكك نعن جد نشوف موقف زي هكيي و نسكتت !
عشق ابتسمتت
يوسف ابتسملها : شنو نمشوا لحوشكم ؟
عشق : اهاا اليومم حافلل نبي نألف منهجج كاملل
يوسف ضحك : ربي يعاونكك
عشق : ان شاء الله ياربب ادعيليي
وصل يوسف قدام حوشهم ودرس سياره
عشق : تفضل !
بحت يوسف لساعته : امالا نخشش ع طلعت وتين من المدرسه
عشق صبت و نزلت من سياره : لا موال هكي انزل نتفاهموا فيه الموضوع هذا
يوسف ضحك : انا نوعيتي م نتفاهمش رائي نفرضهه راهه
عشق تفتح في باب الحوش : سوداني شكلك
يوسف يقلد في لهجه السودان ويضحك : والله انا في موضوع هكي سوداني ماما
عشق بحيره : بتعبني شكلك
يوسف : ماعاش الي يتعبك
عشق بحتتله و ابتسمتله بلطف : تسلم
يوسف ابتسم و خشوا للحوش
عشق سلحت كبوطها و حطاته ع شطار و سلحت كويشها و لبست صباطها
عشق : باهيي شن الموضوع الشيل و الجيب هذا
يوسف : خواتيي وحرر فيهنن
عشق : يعني خواتك بتتكفل بيهم ف كل مشيه و جيه وانت شغل وعندك هلل وام و مسؤليه
يوسف : والله انا راجلل انغارر واي حاجهه لياا منحبشش غيريي يشوفهاا
عشق : يعني ؟
يوسف : نغارر ع خواتيي ومنطلعش فيهم بروحهمم
عشق : حلوهه هذيي ولما نبي شي من دكان ؟
يوسف ؛ تكلمينيي تقوليلي ي سيفاا نبيي كذاا ولا كذاا؟
عشق : حولل حولل انا الفاضيهه الي نحكيي معاك تخطاته و عدت
يوسف : بااهيي تمم تمم بتشوفيي عليهاا هذيي اهوو طالعع
عشق كانت تشرب ف ميه ف مطبخ : ع وينن وتينن مزالتتت
يوسف : لجهنمم يجيبب ربيي نسمعكك طالعه تجيبي ف اختكك
عشق : مالاا كيفف بتروح
يوسف : حتروح كيف ما تروحح غيرر اسكتيي
منتلفف انا تعالي صكري الباب عليك بالمفتاح
عشق متجهها شور دارها وقالت بعصبيه : تقدر تطبقه راهه
يوسف طلع وهو يضحك لان عصبهاا وصكر الباب وراه ركب سيارته ومشا شور قرطاسيه كبيره
نزل للقرطاسيه وقعد يبرم و يشوف ف الحاجات
جابب اوراقق سحبب و طلب عررمم و جاب بنية سوده و زرقه و حمره جابلها باكو اقلام و مسطره و محايه و برايه و كوريكت و شاف تزدان حلو خذاهه مشا شور الكراساتت خذا كراستين انجليزي ودفتر كبير
و شاف الكتاب بتاع المعلمم الي يكتبوا فيه دراجات وهك جابهه ولقا ورق بتاع الملاحظات الملونات
وجاب دباسه و خطاطات خذااا الحاجات الي بيشريهم و مشاا بيهمم للكاصهه
دفعع و طلع حطهم في سياره
ركب و شاف لساعته لقاا مزال ١٠ د ع طلعة وتين من المدرسه
اتجهه للمدرسه و لقاهم مصكرين الباب قعد يرجا ف سياره لين فتحوا و شويه نزلل قعد يبحتتت لين شاف وتين اشرلها وهيا سلمتت على صحباتها وطلعت
وتين : شجوو بروو
يوسف : تمامم شجو المدرسهه
وتين : بسم الله ما شاء الله بجد حاجه يعني زي نيله
يوسف ضحك عليها لانها كانت ضابطه اللهجه المصريه : نعن شكلك ي بنت شدي روحك راكك شهاده تذكري قلتلك نجيبلك الي تبيه كان جبتي فوق ال 94
وتين : وحياة عيونكك قاعدهه نقرا عشان هالوعد 😂
يوسف : وانا لما نوعد نوفيي ارفعيلي راس اختك والي تبيها حاضر
ركبوا سياره وهما يهدرزوا لين وصلوا للحوش ودرس يوسف سياره قدام
وتين : صحيتت نزلت وتين و جايه بتخش
يوسف كان ينزل ف الحاجات الي جابهم من قرطاسيه : ارجي
وتين التفتتله : شنو؟
يوسف مدلها شكاير : هاكي عطيهم لاختك
وتين : شنوو هذاا
يوسف : بطاطا 🙂
وتين : يا حانطط قصدي شبدير بيهه
يوسف : مالكش دعوهه مكثر دوتك صدق فيك معاذ
وتين : اسكتت خوكك المقرفف هذا متجبليشش سيرتهه
يوسف ضحك : تمم غير خشي وانتي استحليتي تصبايه في شارع
وتين فتحت الحوش بمفتاحها و ضحكت : عدي ي بارد هيا تشاو
يوسف شيرلها بيده : اوكيي بالكك نجيكمم بعدين ع ليل
وتين : مرحبتينن بيك
يوسف : خلاص معناها نشوفكم
وتين : تم
خشت وتين وصكرت الباب : اناااا جيتتتت
عشق كانت واخذهه دوشش ولافه منشف ع شعرها وتحكيلها من دار : جابك يوسف ؟
وتين : لالا سواقي مالا من بيجيبني
عشق : مبردك
طلعتلها : شن الي في يدك
وتين ضحككت : بطاطا
عشق : مش وقت برادتك
وتين بضحكه : تي حتى انا م نندري بس يوسفف قالي عطيهمم لاختك
خذت عشق شكاير من وتين
عشق : ييه يا يوسف عشان قلتله بندير منهج جابلي اوراق و بنينات و خطاطات
وتين : جعنا ما نفقدوه وسيفا
عشق ابتسمتت : حرامم والله يصرفف ف صرفف عليناا كل يوم خاش بحاجهه
وتين : في ميزان حسناته ان شاء الله
عشق ابتسمت : ان شاء الله
وتين : في غداء
عشق : المره الي فاتت يوسف جاب مرقاز طلعته بيش يفك توا نعدي نقليه ع سريع و في خبزه شاميه و كاتشب و مايونيز
وتين : تمام انت بناخذ دوشش و بنصلي الظهر
عشق : ع بال ما طلعتي توا يكون واتي
وتين اطلع في توته لها : باهه
....................................
سرور جتت تجريي لمحمد : بااااابااااااا
محمد شمرها و ضمها : حبيبة باباا شن جو المدرسهه
سرور تحكي بحماس : ثمحهه لعبتت مع بنيااتت و العيال
محمد : العيالل
سرور : اهاا و في عيل ثمح دعد "قعد" يدوليي "يقولي" يا ثمحهه
محمد بضحكه : اشيي وين هذاا معش تقعدي معاه الشين هذا العبي مع البنياتت بس باهي يا بابا
سرور : بهه
ركب محمد سرور في سياره وركب هو و قعد يسوق و يهدرز مع سرور نزل لدكان و خذاا سرور معاه خاف عليها تنزل من سياره
خذاا عرم شكلاطات وو عصيرر سنتوب صغيرر ٨ طروف دفعع لصاحب محل و خشوا ركبو ف سياره
محمد : ترا يابابا هاتي شنطتك
سرور سلحت الشنطه : هاتت
خذاا محمد شنطهه وقعد يدكك ف الحاجات بالقوه و صكرهل بالماحوته : هذاا كله خذيت سنتوب صغير بيش ايخش
سرور : شنو
محمد : شيي سرور نبيك اديري مهمه تعرفي اديريها ؟
سرور : اها انا شاطره يا بابا
محمد : عارفها بنيتي شاطره الحاجات الي حطيتهم لك في شنطه عطيها لماما لما تقعدد بروحهها بسس باهي؟
سرورر : حااضررر
محمد : مش تعطيهاا لها قدام جدو و جديده لما تكون بروحهاا بسس
سرور : بهه
محمد : شاطرهه انتيي
اتجهه محمد لحوش هلل امانني و درس سيارره نزل بنته وومسك في يدها
دقق الباب فتحتله اماني الي كانت تسيق ف الجنان
رغم انها مريضهه بس امهاا فرضتت عليهاا اتضم الحوشش
وكان مزاللها تسيق الجنان بسس
اماني ببتسامه تعب : ماماا جيتيي
سرور اضبطتهاا : ماما اناا لعبتت ف مدريه
اماني كانت نازله لمستواها قعدت تلعبلها بخصلة شعرها : سمحه المدرسه
سرور : ثمحههه بكلل
اماني حضنتها
هذاا كلهه وكان محمد يشوفلهم كيف كانن قريبات من بعضهم وكيف سرور تحن ع امها و تحبها
صبت اماني و قعدت تبحت لمحمد
محمد : خذيتي دواكك
اماني : يهمك يعنيي
محمد تنهد : يهمم بنتيي
اماني بتنهيده : خذيتت
محمد : متعبيش روحك ماكنش في لزوم تسيقي الجنان
اماني بحتت لاارض و سكتت وكانت سرور ماسكه في يدها
محمد نزل لمستوى سرور : انا ماشي مافيش بوسه لبابا
سرور ضحكت و بساتهه
محمد غمز لسرور : ديري كيف ما قلتلك تمم
سرور ضحكت و بعدين دارت روحها جديه : تمم بابا
اماني بإستغراب : لحظه شندير ؟
محمد صبا ومشا شور الباب : هياا اوكي اي حاجهه ديريليي رنهه
اماني :سكتت و قعدت تشوفله وهو ماشي شور سيارته
.....................................
ليلاً
معاذ كاننن تحت حوش عصومي
نزل عصومي و صكر الباب ومشا شور سيارة معاذ وركب
معاذ : ساعهه يا دين اميي تقولل زفتك
عصومي ضحكك : لازمم ترجاا مش بساهلل توصلل للمشاهير
معاذ : وحياة امكك ؟
عصومي هز راسه بمعني اهاا.
عصومي : باهي شن بتعشيتي
معاذ : سندوتش كباب بربع جنبه
عصومي : جايبه من زباله مالا
معاذ : تي وخساره فيك بزياده ع تقحطير الي قحطرته ليا
عصومي ضحك : سكنت ي نم
معاذ : قبل بنشيلك باله للاسماك و ندلعك بس تذكرت انك فقري و ماتاكلش ف الحوت
عصومي : لا فوتهه الحوتت شن رايك ناخذوو كباااب من حكيم؟
معاذ : بجوكك انا عازمكك انت
عصومي : دلعنا عند كباب حكيمم ونمشوا ناكلوا على كورنيش الصابريي
معاذ : خلاص تم معناها نعدي ناخذه من الفرع لي ف صابريي
عصومي بضحكه : نظم امورك بتاخذه من الببسي و حاب تشحور معندكش مشكله
معاذ : ياك الا نعديي لعند الببسي تحسابنيي سواقق بوكك
عصومي بضحكه : غيرر هياا ي مسخخخ
معاذ ولع سياره ومشا : ينعليياا فلوسيي
عصوميي ضحكك: ذلناا يا سيي وانت مزلت ما دفعتت
معاذ ضحكك
"منها حلقه ومنها دعايه لحكيمم 😂 بسس بجدد مطعم حكيمم من اقدم و اجمل مطاعم الكباب في بنغازي و طعمت سندوته يهبلل الا مره وحده خذينا منه وكان مبلد فيه وقتها خذيناه من فرع الببسي😂 و خاطي ان اسعاره كويسات سندوتش ب ٤ جنيه''
..................................
عشق كانت لامه شعرها بقلم ومقمعزه حداهاا وتين تقرااا عندها امتحان بكراا
وحداهم ولد جارتهم حطاته عندهم يلعب ب العابهه
بس صدمهه ان هذاا نفسس ولد جارتهم الي جت حكت الكلام لعشق والي هزبها يوسف
جتت تأسفت لعشقق وقاللتلها ان فهمت الموضوع غلطط ووحطت ولدها الي عمره ٦ سنين عندهاا ك دليل ان واثقه فيها و قاللتلها ان عندها مشوار هيا وبناتهه ولا عشق طيببه و خاطي هك بنت ناس و اصل اول ما دقت بابها رحبت بيها و ماردتهش و قبلت اسفها و رحبت بولدها
دقققق دقققق دققققق
وتين : شكلها ام الفرخ الي قلبلي راسك
عشق ماشي شور الباب و تضحك : هادي ي كلبهه
وتين تبحت للفرخ : هو انت شن اسمك
الولد : عارفف يكلبهه
وتين ضحكت : عارف ولا مش عارف
ولد : باردهه
وتين : تفف تربيه وسخهه
عشق : اهه يوسف
يوسف ضحك : شن متعاركه معايا و لا نخش
عشق ضحكت : حتى لو متعاركه معاك م نردكش وانت داقق بابي
يوسف خشش : بنت اصول
يوسف مد لعشقق شكاير الي كانت مش منتبهتلهم لين مدهم لها
عشق : شنو هذا
يوسف : شاورما و بيتزا و مشروبب قلت نتعشوا مع بعضنا
عشق : تفضل
سلح يوسف كبوطهه
عشق : هاتت نحطه لك ع شطار
يوسف : هاكي
وتينن من دار المقعد : يوسفف اليي جاااا
يوسف بضحكه : جيتت يا حبيي
وتين ضحكت : مبردكك
يوسف ضحك : اختك هذي قديش غاليه علياا
عشق ببتسامه : حتى انت غالي عليها
خلاص انا نحطلكم العشاء و نجيكم
يوسف : تمامم
عداا يوسفف لدار المقعدد
الولد : هاتيي بنرسم
وتين : عديي خطاني لانضربك مش عشق انا راهه
خش يوسف لدار المقعد وقعد يبحت للولد بإستغرابب : من ؟
الولد : اسمييي عااارف
يوسف غمز لوتين بمعنى من
وتين : ولد جارتنا الي مقابلتنا
يوسف زبطهاا الي هددها زراته الضحكه : اها
يوسف : تعال يا بطل
عارف مشا جري شور يوسف
يوسف : شجوو
عارف : شينن الباردهه هذيي تبيش تخلينيي نرسم
يوسف ضحك : صدقت انقنها باردهه
وتين بحتت لعارف : ياحقيرررر قاعدهه نقرا قلتلك
عشق جت من ورا يوسف ماسكه سفره الي فيها العشاء : معش تهزبيه
وتين شافت ليوسف : عاد هذي ماما حنونه ع الاطفال
عشق حطت السفره ع طاوله : وليد صغير عليش تخوفي فيه
عشق : خلاص هيا تعالوا تعشواا
وتين بحتت للسفره : يوسف انت الي جبته
عشق بسفتره : لا عارف طلع جابهم
يوسف ضحكك
وتين : تسفتريي اوكيي
تعشوا و ضحكوا و لعبوا
و غيروو جوهمم لين سمعوا طقت باب عرف انها ام عارف و استغل فرصه ان عشق ف الحمام لبس عارف كبوطهه ومشاا يجري بيش هوا الي يفتح الباب
يوسف بسفتره و ضحكه : معجبتنيش منك راه تصكيره الباب ف الوجهه ، منك لله ماني مسامحح
المراه زمطت ريقها بخوف وكرت عارف من يوسف : تصبحوا ع خير وعدت شور حوشها
ضحك يوسف عليها وصكر الباب
خش لدار المقعد لقا وتين تقرا
قمعز وحط يده اليمين ع الكنبه
قعد سارح شويه
رن فونهه ع واتس لان كان مولع نت شفره
وكانت زبيده مكلمته فيديو
رد عليها
يوسف : كنك
زبيده بكل بقوهه و بإندفاع : كنكك قالتلكك امكك وينكك يا صايعع ياا ضايعع يا بتاع البنات يا حيوانن يا واطي يا كلب يلي مش متربي لك يومين مغيب ع حوش
ضحكت وتين
يوسف : احساس كبدي بيقولي ان الكلام زياده منك
زبيده ضحكت : صحح كيف عرفتت
يوسف : قوليلها يا ست الحبايب لما نجي نلقا فيك راقده انا شويه و جاي
زبيده : وين قاعد يا حب
يوسف : عند عشق ووتين
زبيده ب انفعال : لييش مخذنتيششش يا كلبب
يوسف : ياا شنووو
زبيده : يا خويا الجميل
خشت عليهم عشق
عشق : كملتي قرايا
وتين : كملتت ببنكتبب واجبي
عشق : باههي تمام
يوسف : تعاليي يا عشقق
زبيده : عشششششققق
عشق ابتسمت لما سمعت صوت زبيده وقمعزت ع يمينه في الجيهه الي حاط فيها يده ع كنبهه
وقغدت تحكي و تهدرز هيا ويوسف و زبيده
و وتين معاهم تكتب في واجبها
عطا يوسف الفونن لعشق وبعد من حداها لما حسها تضايقت و ارتبكت من قربههه و قعدت تهدرز مع زبيده شي نص ساعه و بعد ما صكروا المكالمه جا يوسف بيروح
مشا لعندد الباب و لبسس كبوطه و فتح الباب بيطلع
عشقق : ييوووسسفف
... يُتبع ...
واخيرااا نتت دارر من امسس وانا نحاول نزلل حلقهه مابتشش تنزلل ، المهمم كان شفت تفاعل حلوو نزل حلقه في ليل♥️♥️.