سجين و روح

الحلقة العاشرة

#سجين_و_رُوح.
الحلقة العاشرة
//
//

روح >> صقر لو قتلك اتعابي بدال الفلوس تجوزني توافق ؟؟؟؟

انا >> كيف ؟؟؟؟
روح>> كلامي واضح ما نبصرش ؟
انا >> عارفه واضح بس مش مستوعب 😂 لهدرجة جذاب 😂

وكنت نحكي ونحسابها تبصر ... ماكنتش متوقعها تحكي جد .. لعند ما بحتت فيا بجديه و انا كنت مازلت نضحك وقفت ضحك وبحتت فيها

انا >> تحكي من جدك ؟؟؟ زواج اللي هوا عريس وعروس ؟؟؟ مش جواز سفر يعني ؟؟؟؟

رُوح >> بنحكي معاك ماعنديش حل الا هكي

انا >> رُوح شن فيه ؟؟؟ في حد مضايقك حد يهدد فيك ؟

روح>> لالا مافيش شي من هضا بس اسمعني

انا >> اوكي

وحكتله روح علي باتها و علي العريس اللي جايبه لها و علي كل شي صار

روح>> وعشان هكي كنت مرات نجيك مضايقه لما كنت فالحبس .. كنت نفكر فالموضوع هضا طول الوقت ، انا مانبيش شي غير انه نزوجو و بعدها نطلقو وانا نوعدك حا نوصلك ب امل ب ايدي ...

انا >> رُوح ؟؟ ما تعالجيش الغلط بغلط .. لو عليا انا ما عنديش مشكله لا عندي هل يعترضو ولا عندي حد ورايا بس هلك حايوافقو علي متهم ؟؟ علي خريج حبوس ؟؟ خالك اللي حكيتيلي عليه وباتك ؟ كيف فكرتي

رُوح >> صدقني بابا يبيني نزوج وخلاص مش مهم الراجل اهم شي يرضى مراته

انا >> بس ما فيش حد يرضى

رُوح بعصبية >> خلاص انسى الموضوع

انا >> ح نسآلك سؤال واحد .. و لو جاوبتي عليه ح نوافق

رُوح >> شنو ؟؟

انا >> ليش انا ؟؟؟ليش جيتيني انا بذات ؟؟
فيه عرم خيارات ليش ما حكيتي الغسان مثلا ؟؟

رُوح حولت نظاراتها و توترت >> شوف هو معاك الحق تنصدم و تستغرب وانا اسفة عالطريقة اللي حكيت بيها معاك ... بس لما جيت فكرة لقيت اني حنزوج يعني حانعيش مع حد في نفس الحوش تحت سقف واحد ... يعني انسان يشاركني كل تفاصيلي ، صح مش حاتكون المده طويله ممكن ست شهور ممكن سنه ما تعرفش الظروف بس في الفتره هذي بنتريح نبي انسان نعرف نتفاهم معاه حد نقدر ناخذ ونعطي معاه طول الفتره هذي ويفهم طبيعة شغلي والاهم يفهمني .. وانا مالقيتش المواصفات هذينا الا فيك .. حاسه انك انت حاتقدر تفهمني حاتستوعب اللي انا فيه ماعنديش غيرك ولا نعرف غيرك 💔 ولو حاس الموضوع صعب ف انسى اني قتلك

انا كنت نسمع في كلامها وقلبي يدق فوق المعدل الطبيعي شعور غريب>> موافق ، بس فيه حاجه

رُوح بنظرة صدمه من الموافقه >> شنو ؟؟

انا >> وين حا نسكنو ؟؟ انا توا ماعنديش حوش ولا عندي فلوس اساسا و اكيد ماحدش حايوظف عنده حد طالع بكفاله وشغلي مش حانقدر نردله بعد اللي صار ...

رُوح >> مبدئيا بس تعاال احكي مع هلي وقوللهم اني حا نسكن مع هلك و بعدين حا نأجر وعلي حسابي

انا >> روح معش تحكي معايا بالاسلوب هضا ؟؟
نأجر وعلي حسابي و كلام ولا كأنه اللي معاك راجل ! انا لما سألتك ما كنتش نبيك تأجري سؤالي مغزاه انه هل نجي لهلك قبل ما ندبر حوش ولا بعد وخلاص الاجابه وصلت

رُوح >> معلش ، انا الفتره هذي متوتره وكل شي جاي معايا غلط

انا >> ما تشغليش بالك

صبيت و طلعت من المكتب لقيت غسان برا

غسان >> عشر سنين وانا نراجي فيك ؟؟
انا >> طلعنا ما تسكنليش
غسان>> بدينا في حركات العاشقين 🙂😂
انا >> غسان ازح
غسان>> سكتنا ياطروح

طلعنا وركبت فالسيارة انا وغسان وقتله يمشي بيا شور الحوش بناخذ سيارتي ونبي ندير كم حاجه

//
//

اما غسان ف وصل صقر و وكان اصلا جاي للمكتب عشان يتفق مع باته بيش يمشو يخطبو وكلام مبدئي بيش بعدها يديرو فاتحة

وقعد يرن علي غفران بس غفران ما ردتش عليه ، كانت تشوف فالمكالمات وتفكيرها متلخبط ... تبي غسان بس ماكانتش تبيه بطريقة هذي ماكانتش تبي قصة سريعة 💔كانت كيف اي بنت تبي اتعرف وتحب و بعدين تزوج وماكانش عندها خوات ولا امها في حال انها تنصحها او تسمع منها

//
//

عند صقر

خذيت السيارة و مشيت للبنك ، شفت حسابي و لقيت فيه مبلغ بسيييييييييييط كنت علي اساس بندفعه كفالة بس ما سدش فلوس الكفاله .... سحبت الفلوس وطلعت

من بعد الكلام اللي حكينا فيه انا وروح وانا كنت متلخبط كان بآمكاني اني نرفض بس ٩٩.٩٪؜ يقولي وافق ...ماكنتش عارف ليش بس حانوافق

طلعت من المصرف ومشيت لكافي كنا نكسدو فيه انا والشباب زمان ، خشيت لقيت المكان متغير وحتي اللي يشتغلو فيه مش نفسهم اللي قبل ... خذيت قهوة وقعمزت خذيت تلفوني و قعدت نشوف فيه علي خشت واحد من الشباب الي كانو يشتغلو معايا

خالد >> اوووووو صقر الحمدلله عالسلااامه
انا صبيت >> الله يسلمك خلوده شن الاخبار
خالد >> الحمدلله والله ماشيه امتي طلعت ياراجل
انا >> ماليش كم يوم
خالد >> الحمدلله عسلامه ياغالي
انا >> الله يسلمك الله يسلمك
خالد >> كيف الشباب ماعندهمش علم امالا تو نكلمهم يجو يكسدو
انا >> رن عليهم شوفهم
خالد >> تم

رن خالد عالشباب كلمهم وقعدنا نهدرزو علي ما جو الشباب

انا >> رنيت علي علي ؟؟
خالد >>رنيت ما ردش
انا >> عطيني رقمه القديم راح مني
خالد>> تمام

شويه وجو الشباب سلمو عليا وقعدنا نهدرزو لعند عقاب الليل

روحت للحوش لقيتهم راقدين ، كنت نجنب نحكي معاهم مش متحمل نشوفهم ، مش عارف انا غلط و هما بس ماكنتش قادر نسامحهم
جيت بنخش للمطبخ لقيت فطومه طالعه حكت معايا وما قدرتش ما نردش عليها

فاطمة>> نديرلك حاجه تاكلها ؟؟
انا>> لالا تعشيت مع الشباب
فاطمه >> امممم
انا >> كنك ما ترقدي
فاطمه >> بكرا عطلة ما عنديش مدرسة
انا >> امتي بديتي في شغل المدرسة
فاطمه >> سنة تقريبا اهو حاجه تغيرلي جوي
انا >> باهي كويس
فاطمة>> صقر قتلك
انا >> شن تبي بنرقد
فاطمة>> من السمحه لي جت معاك هضك اليوم ؟
انا >> مش قتلكم محاميه ؟
فاطمة>> محاميه بس ؟😉
انا >> لالا بنجوزها

خشيت للدار وسيبت فاطمه تحسابني نبصر معاها 🤷🏻‍♀️

//
//

عند رُوح فالحوش

روح >> خالو
عمر >> نعم
روح>> نبيك تحكي مع بابا
عمر >> كان في نفس القصة ونفس السيرة ف انا مش حانحكي شي
رُوح >> لالا مش هكي بس نبيك تقوله جايني عريس
عمر>> عريس من؟؟
روح>> اكيد مش عريسك انت 😂
عمر>> بلا خفة دم احكي
روح>> جايني عريس من الشغل يعني تعرفت عليه
عمر >> والعريس اللي جاي الباتك
روح>> بابا ماتفرقش معاه من يكون العريس ، اهم شي يرضى ست الحسن بس
عمر >> انا حانحكي معاه وبينكم بعدها
روح>> اوكي

صبت وخشت الدارها
يارا>> شن الي انا سمعته
روح>> زي ما سمعتي بزبط
يارا>>ومنو هضا
روح>>صقر
يارا>> المتتتتتتتهممممممم😨😨😨😨
روح>>بلا اعياط اسكتي
يارا>> انتي بعقلك؟؟؟ من جدك تي كنك مريضة متخلفه كيف توافقي علي خريج حبوس؟؟؟؟
روح>>مالكش علاقة مالكششششش ساد باتك اللي فيا كافيني خطيني
يارا>> متخلفه متخلللللفه

طلعت يارا وخبطت الباب وروح تمددت عالسرير وفي عقلها مليون حاجه .... من جهة تفكر فالقضية و فيه مليون حاجه تبي اديرهن ومن جهة تفكر في القصة الي طلعتلها جديده مع صقر
كانو كلهم يشوفو الصقر انه مجرم ومتهم وخريج حبوس واكيد مش كويس وبلا بلا بلا ، بس انا عمري ما شفته هكي؟ من اول لحظة شفته فيها شفته وهو انسان علي هيئة لُغز ، ما فيش ولا لحظة فكرت فيه ان هو متهم ، نحس فيه بريء حتي ولو نشوفه بعيوني يقتل ... مش عارفه شن الشعور الغريب اللي صايبني ومش عارفه شن الوقاحة والجراءة يلي جتني وخلتني نطلب منه طلب كيف هكي

رُوح>>ياررررررررب ساعدني ياربب

//
//

مرن يومين ومافش فيهن غير توتر صايب الكل

سوا غسان او غفران او بدر ولا روح او انا ...

روح كلمها خالها وقاللها عطيني اسم العريس اللي هو انا يعني عشان يسأل ترددت روح فالاول بس فالنهاية عطاته عشان كانت عارفه هكي هكي حا يعرفو ...

اما انا فاليومين هذينا مشيت دورت علي شقة عشان نأجرها تناسب المبلغ الي عندي ، ولقيت وحده كويسه ومفرشة و اتفقت مع صاحبها بعقد مدته سنة

اما اليوم فكان اليوم الي بات غسان ماشي فيه الخوال  غفران عشان يخطبها

//
//

مشى بات غسان لخوال غفران وكان بدر  مكلمهم و حاكيلهم وافقو مبدئيياً و اتفقو عالفاتحه الاسبوع الجاي ، والمره هذي غفران هي اللي رنت علي غسان

غفران >> الو
غسان>> يعني لاازم لعند باتي يجي للحوش عشان تردي ؟؟
غفران >>  غسان انت من جدك ؟؟
غسان>> لا من عيت عمي
غفران>>والله ما وقت ضحك انا مش مستوعبه
غسان >> الاسبوع الجاي الفاتحه ، استوعبي خلاص
غفران >> متأكد من قرارك؟؟ واثق اننا حنتفاهمو ؟؟

غسان>> غفران يمكن انتي شايفه ان كل شي جا بسرعة وجا بلخبطة يمكن انتي مش متأكده من شعورك ... يمكن انتي مش فاهمه انا كيف شايفك كيف حاس لما نحكي معاك ... بس صدقيني لما يقعد كل شي رسمي لما تقربي مني وتسمعيني وتفهميني حا يكون كل شي واضح مش طالب الا فرصة

غفران >> ممكن تعطيني شوية وقت لعند يوم الفاتحه

غسان >> خوذي الوقت كله ، انا نرجى فيك .. بس قبل ما تسكري لو تبي تفهمي شعوري كيق اسمعي اغنية "بتعرف شعور / ادهم النابلسي

غفران>> حانسمعها

صكر غسان ودزلها رابط الاغنية

كل شي قرار الا الحب غصبا عنّك
ما بياخذ اذنك ، بلحظة وحده بيغيرك
وينسيك حتي اسمك ❤️

//
//

اما عند رُوح فـ كانت فالمكتب ... حست روحها معش شقت بالقضية من لما طلع صقر وهي متلخبطة

روح>> ركزي يا روح ركزي صقر مازال ما طلعش رسمي

خذت تلفونها ورنت علي واحد يشتغل معاهم اسمه
الهادي ، زي ما يقولو المصرية صبي يعني يخدم فيهم اي حد يبي حاجه من برا المكتب معلومات او اي شي

روح >> هادي نبي منك خدمه
الهادي>> ادللي
روح>> نبيك تعرفلي وين يسكن بس و تجيبلي كم معلومه عليه
الهادي >> حاضر

دزتله روح اسم الي تبيه وكان هو الشاب الي كان مع صقر و علي يوم العركة 

صكرت تلفونها و مسكت الملفات وقعدت تشتغل لعند وين ما وقفت اخر مره ...

رن تلفونها وكان اللي يرن باتها

رُوح استغفر الله بس >> الو
مصطفي >> وين ادوري جيت للمكتب ملقيتكش
روح>> فالشغل يعني وين حانكون
مصطفي >> بلا طولة لسان و بعد تطلعي تعااليلي للحوش
روح>> مانبيش نجي للحوش
مصطفي >> بلا قلة ادب

صكر علي وجها

روح>> استغفر الله بسسسسس

ردت الاوراق فالدرج وخذت شنطتها وطلعت شور باتها

//
//

وصلت روح عند حوش باتها و دقت الباب فوق من النفس فتحتلها سالمه الباب وخشت روح بدون ما تحكي معاها

سالمة>> تستور يابتي حتي المقبرة يسلمو عليها
روح >> اختصريني باتي وين
سالمة>> تو يجيك ياحنه

خشت سالمة دروحها مؤدبه بس كانت تصنت فينا و طلع باتي

مصطفي >> شن قصة العريس لي قال عليه خالك
روح>> عريس و قالك عليه خالي اهو جاوبت بروحك
مصطفي>> عارفه كان ما تأدبي وانتي تحكي معايا قسما بالله ندفنك هنا وما عندك من يحز عليك
روح تحاول تخفف توترها >> تمام شن تبي تعرف
مصطفي >> سألت عليه وطلع محبوس ؟ وما له شي طالع

روح>> نعرف انا محاميته

مصطفي>> انتي بتجيبيلي العار ؟؟

روح>> عليش عار مش داير كارثه هو عركه يعني و قضية حاتنحل وانا ماسكتها

مصطفي >> انسى امه الموضوع هضا من راسك انسيه

روح >> كيف ؟ مش تبيني نجوز واهو جبت عريس
مصطفي >> اللي نبيه انا مش انتي

روح صبت وهي متنررررررفزه وطلعت وخبطت الباب

مصطفي >> قليلة ادب
سالمة طلعت بعد ما سمعت الحوار كله >> خليها تجوز عليش ماسك البنت راهي كبيره مش صغيره
بكرا بعد بكرا ماعاد تلقي لا محبوس لا حتي شايب

مصطفي >> تي كيف ياسالمه

سالمة>> والمحبوس ماهوش راجل عادي يعني خليها تجوز ... كنك هبل بتجوزها الواحد مش حا يخليها تشتغل من بيصرف عليهم ؟؟
انت ؟ منين لك انت الفلوس طشة المرتب ماسادنا نحن بيسد طلبات بناتك

مصطفي >> قولتك هكي

سالمة>> بكرا عدي وخوذ رقمه وخليه يجي يتقدم بس اسمع كلامي

وقعدت سالمه تعبي في راس مصطفي عشان يوافق ، وطبعا سالمة ماكانتش تقنع في مصطفي حبا في روح لا طبعا بس استغلت الفرصة ، لقاته محبوس ف قالت اكيد متبهدل وما عنده شي و يشرب التفكير اللي عند الاغلبيه و حايعيشها في جحيم وينكسر خشم روح و تشمت فيها ، فقعدت تعبي في راس مصطفي عشان يوافق

بس الي ماكانتش تعرفه انها دارت خير كبيييييير في روح 

//
//

صقر

كنت فالحبس زيارة عند بدر
حكيت معاه شويه وقتله عالاخبار ووصاني علي هله وحكينا في موضوع فاتحة اخته

انا >> شن جو طارق معاك
بدر>> مانحقش فيه بكل
انا >> احسنلك علاء معش شفته
بدر >> لالا طار
انا >> باهي تمام ، خلاص خليني نتوكل انا
بدر>> تمام

طلعت من عنده وركبت فالسيارة رنيت علي رقم علي بس ما ردش عليا

وصلت للحوش علي رنت غسان

غسان >> اسمع
انا >> نعم ؟
غسان >> الوليد الي معايا فالمحل سيب اليوم
تبدا تشتغل معايا

انا >> عادي ماعنديش مشكله
غسان >> خلاص تمام
انا >> نجيك توا؟؟
غسان >> تعال اه
انا>>تم

رديت للسيارة ومشيت شوره

//
//

ثاني يوم عند رُوح ... رن عليها هادي وقاللها ان لقى  الشاب اللي قالت له عليه يدور وعنوان سكنه وجابلها رقمه

روح >> تمام بكل
هادي >> اي خدمه

صكرت منه ورنت علي " ربيع "

روح >> الو ؟
ربيع>> من معايا
روح >> المحامية روح مصطفي
ربيع >> محاميه ؟ و روح اخرى 😂😂
رُوح تحكي بنبره جديه>> ياريت اتفضل عندي بكرا للمكتب بنحكي معاك في كم حاجه حا ندزلك العنوان في رسالة
ربيع >> بخصوص شنوو

سكرت روح عليه الخط و دزتله العنوان ، كانت متعمدة تحكي معاه بالاسلوب هضا عشان تخليه يجي

كملت من المكتب و رنت علي سارة صاحبتها وعدتلها فالحوش

//
//

سارة >> احكيلي شن فيه ؟؟ من لما جيتي وانتي وجك مش عاجبني

روح >> جايه عندك بننسى كل شي الشغل و الدنيا كلها

سارة >> تي كنك شن صار

روح >> مليون قصة في قصة
قضية معقده و بات مسكر راسه و عريس من جهة و مرات اب من جهه و صقر من جميع الجهات

سارة>> مدام صقر من جميع الجهات معناها نبدو بصقر 😂❤️

روح>> كلبه 😂

سارة >> النبي خليني ندير قهوة و تحكيلي

روح>> خليني نخش معاك للمطبخ

خشن البنات مع بعضهن للمطبخ و قعدت روح تحكي السارة علي قصة العريس وكيف طلبت من صقر و كيف باتها رفض و كل شي

سارة >> رُوح ؟؟؟؟ انتي من جدك طلبتي من صقر ؟ 😂😂😂😂 النبي شن كانت ردة فعلة وكيف جاتك جراءة

روح >> النبي ما تذكريني من اول ما قتله وانا مش قادره نحط عيني في عينه في لحظتها بس جتني جراءة بعدها خلاص انسي تلخبطت

سارة >> وشن قال وافق

روح >> وافق و بابا رفض شفتي الاحراااج ؟؟؟؟؟

سارة >> اغرب زواج فالعالم 😂😂😂😂

روح >> ماتزيديهش عليا

سارة>> ما تركزيش فالموضوع خليه كيف ما يجي يجي ، وصدقيني اللي جاتك جراءة وطلبتي منه طلب غريب كيف هكي معناها في شعور من جوا عندك طمنتيني كنت نحساب قلبك مات

روح >> اشربي نسكافيهك را نكبه علي وجك 🙂

//
//

في نفس الوقت الي كانت روح تحكي فيه فالقصة السارة ، كنت انا نحكي فالقصة الغسان وطبعا غسـان مش استغرب ولا انصدم ؟؟ لالا قعد ساعة وهوا يضحك

غسّان >> ههههههههههههههههههههههه 😂😂😂😂😂 قولي انك تبصر النبي حيعلمك اجنابي من الضحك

انا >> تبي نصبي نرك امك طريحه ازح ؟؟ تي قعمز الشارع كله يبحت فيك

غسان>> نتخيل في وجك لما قالت لك العرض 😂😂😂

انا>> كملت مسرح مصر ؟؟
غسان >> خلاص خلاص 😂 غير قولي شن بدير

انا >> ما نيش حاكيلك شي 🙂 تضحك عليا علي اساس انت اللي بعقلك تجري ورا وحده جايه زيارة الخوها فالحبس

غسان >> ناخذو اوسكار في اغرب الزواجات فالعالم 😂😂😂

//
//

روحت روح للحوش لقت باتها قدامها

روح >> الغلا المطرطش الفترة هذي ماشي جاي
يارا >> سريب زيزتك اللي لا نهيتيه لا ريحتينا
روح>> سكري فمك

عدت الباتها و الصدمه انه كان جاي يحكيلها علي صقر

مصطفي >> الراجل لي قلتي عليه امتي بيجي يخطب خليه يجي يسقدني مش فاضي انا

روح>> هاااه ؟؟؟؟ يعني وافقت ؟؟ موافق ؟

مصطفي >> خليه يجي و يفض هالقصة معش نبي وجع راس

طلع باتها وروح مش مصدقه ، فاتحه فمها و مصدومه

يارا>> قسم بالله ما فيك ذرة عقل
روح>> ماتزيديهش عليا والله ما ناقصني
يارا >> مش عارفه كيف تفكري بس ياريت ما تضريش روحك
روح >> خلاص سكري القصة

خشت روح الدارها وهي مش عارفه كيف بتحكي مع صقر و تقوله اساسا تعاال !! كان موقف محرج لعند خلاص

//
//

صقر

كنت يوم عن يوم نرد نحكي مع هلي رغم اني مازلت من فاهم من هددهم ؟؟ ولا فاهم ليش التهديد ااساسا وانا محبوس ! بس حاولت معش نفكر فالقصة حاولت نعيش الكم يوم اللي طالع بيهن بكفاله عشان ما كنتش ضامن شن حا يسير بعدهن

منذر>> وين ماشي
انا >> صاحبي حصلي شغل بنبدا معاه اليوم
منذر >> تبي حاجه ؟؟
انا >> منور ، لما تروح دورني بنحكي معاك فموضوع
منذر >> نحكو توا فاضي انا
انا>> غسان يرجى فيا
منذر >> تمام تمام

طلعت شور غسان ولقيته متلخبط وقاعد يبرم

انا >> خناق العرايس ؟؟😂
غسان >> اطلع من راسي
انا >> شن فيه ، بكرا فاتحه ارخي روحك
غسان >> زمري 🙂
انا >> نوريك عالمعيله لي درتها ليا امس
غسان >> عيّل
انا >> عدي اغسل وجك 😂
غسان>> غم
انا >> اسمع روح امتي تقعد فالمكتب ؟؟
غسان >> تحق فيا سكرتير ؟
انا >> قول بس
غسان>> كل يوم من ال ٩ لعند امتي ما تكمل شغل
انا >> تمام
غسان >> المكتب دا طاهر و حا يفضل طول عمرو طاهر
انا >> تحق فيا ماشي بنعاكسها ؟ محاميه راه وانا مجرم
غسان >> قصة حب مليانه اجرام
انا >> حب من ازح را نخرب وجك

قعدت انا وغسان ناقر و نقير لعند كملت منه وروحت للحوش لقيت منذر

منذر>> تعال قولي شن تبي فيا ؟
انا >> بنزوج

#يتبع
#Aya🔮