" بقلمي نجم اليل "
#عشقت رجلاً متزوج
#البارت 26 الجزء الثاني..
من هسا ترا البارت قصير مجرد تصبيره..
تأففت هو باوع عليه ورفع تك حاجب
اني درت وجي ودنكت محجيت ..
هو بدا يسويها بس يسويها ع كيفه اني تضايقت منه عاد كتله بنزعاج
حنين...ممكن تستعجل
هو باوع عليه وخزرني ضغط ع ايدي قوي وكال بنزعاج
محمد...انتي شنو سالفتج وي التحريم
حنين...محد اله شي عندي
كلت هيج هو ضغط اكثر ع ايدي طلع شويه دم وكتله
حنين...اااخ مو هيج اذا متعرف ليش تسوي
كلت هيج وبعدت ايدي منه هو سحبها قوي وضغط عليه وكال
محمد...خليني اشوف شغلي وسكتي
كام يسويها بس اني منزعجه من قربه عاد عطت
حنين...يمااا
هي جاوبتني وكلت
حنين...اي عبالي رحتي لا تروحين
هي كالت لا ماروح هو ضل يسوي يريد يحجي بس اني اتجنب الحديث وياه
ماريد اي شي يجمعنه او نحجي بي ..
خلص واني بسرعه كمت اريد اروح وهو لزم ايدي اني نترت ايدي منه ومشت حسيته كام اسرعت اني وطلعت عند امي
هو مالحك عليه
رحنه وندى اجت هم لكيت مريم تريد تمشي سلمنه عليها وراحت ..
وامي وعماتي وندى راحن ع البيتونه يعدلنها وماخلني اروح .. واني رحت كعدت بالغرفه
وجان اكو دفتر مال بنت عمتي تشخبط بي اخذته وكمت ارسم وادندن ع اغنيه
اخذني الواهس لحد ماحست واحد فوك راسي .. باوعت شفته محمد اني تأففت وتعذوت الشيطان هو كال
محمد...ليش اني شيطان
اني سكتت محجيت هو رد كال
محمد...ليش ساكته
حنين...مادري
محمد...شنو ماتدرين يعني اني شيطان
كلت بكلبي اهووو عاد كتله
حنين...لا مو عليك اني تعوذت الشيطان ميصير
هو سحب الدفتر مني وكال
محمد...لا يصير بس ليش من شفتيني
حنين...يعني لازم اتعوذ الشيطان بوقات معينه وشو نطيني الدفتر رجاً
هو شمر الدفتر وكال
محمد...احجي زين جاي احجي وياج
حنين...يعني شحجي باله شو تفضل غرد
محمد...انتبهي لحجيج
حنين...سكتت ومحجيت شي هو رد كال
محمد...والله مو طبيعيه انتي
حجيت بنزعاج
حنين...يعني شلون مو طبيعيه قصدك اني مخبله لو متلبسني شيطان لو مريضه نفسه
هو كام وكال بصوت عالي
محمد...الله ينعل هذيج الساعه الف لعنه
كال هيج وراح اخذت نفس وهذامدري منو يمه وع اي ساعه .. رديت ارسم وادندن
هو رجع وكال
محمد...انتي صدك تحجين قبل من اطلع تلحكيني وتعتذرين شو ليش متغيره
حنين...والله عاد كل عاده وتتغير وشنو الي يخليني اركض وراك واعتذر قابل اني سوت
هو رد بصوت ناصي مسموع ..
محمد...هو شنو الماسويتي
حنين...نعم
محمد...انتي ليش هيج صايره شو حتى جاي احس تتجنبين الحجي وياي خيرج
حنين...والله عاد بكيفك انت وحساسك
محمد...يعني صحيح
حنين...بكيفك
هو رد بنزعاج
محمد...انتبهي لحجيج ترا صاير كلامج ماينطاق
حنين...اوك وبعد اكو شي انتبه علي
محمد...اهوووو من الله ينعل ذيج الساعه السودة
اني كلت بكلبي
حنين...الف نعله مو بس نعله ..
هو طلع ومبين اعصاب عشتو عبالك احد يمه
نزلت عمتي اخذت بطل مي ورجعت صعدت فوك
مليت وكمت رحت عليهن افتر بالسطح وهنا يشتغلن نزلت اخذت السماعات واخذت مبايل امي
ورحت فوك رجعت وافتر اشوف المناظر حلووه الشمس صفرا ع حمره و شويه بي نسمات هوى بارده وافتر
وبقيت اباوع ع البيوت وع المناظر واني وفتر بسطح جاي ابوع شفته هو وياه
ثنين زلم مهتميت ودرت وجهي
وفتر اروح هيج وارجع هيج درت وجي لكيتهم يباوعون وهو خزرني مهتميت
ورحت ع غير جه لان اكره هيج نظرات
مو علموده بس هذولك هم يبوعون واني طالعه روحي من جنس ادم ..
دك خالي عبد الرحمن ع امي دك فيديو وحجيت وياه وديته لامي وبهل اثناء صعد محمد
واني حاطه راسي ع جتف امي وشوف خالي اسلم علي عاد كال لامي
-شوكت تجين
ام حنين...انشاء الله وره هذا الشهر نجي
عاد رد كال
-جنتي حنين شلونها
كال هيج وامي دارت المبايل عليه وتضحك دكول زينه سلمت علي
عاد كال لامي
- ترا من هسا حنين محجوزه لفراس ..
ام حنين...وهي الكم مو لغيركم
من سمعت هيج رفعت راسي اشوف محمد يباوع ومخزرني خزره تخوف ..
عاد اخذ المبايل يحجي ويه خالي اني نزلت شكد غثيث هذا يربي ..
نزلت عمتي صارت الدنيا مغرب وكلهن نزلن وهو هم بس نزل مخزرني مهتمت راح هو وندى ومبين من شكله مزعوج ع شنو عشتو..
عاد اني كمت اسوي العشه وي عمتي كلينه بتيته وطماطه وباذنجان ..
تعشن بس اني مالي نفس سويت جاي الهن بس شتهيت نومي بصره وهم سويت
لل9 اجت ندى تعلل حطت عمتي حب
ويباوعن ع الفلم اني تمددت ع رجل امي ودرت وجهي ع الحيط واشخبط بالهوى
رجعت عد كعدت بس اكل حب عيب من ندى بس ماباوعت ع الفلم عاد دك مبايل عمتي زوجها حجته وكالت
-بنيتي حنين شتريدين نوع المبايل يجيبه
اني وامي ماقبله عاد ندى كالت ..
لا يجيب محمد يجيب احنه كسرنه المبايل
كتلهن والله ماخذ ماريد هذا مبايل امي كافي وعفتهن
بلحضه تندمت كسرت مبايلي بس لا الشي الي يعيروني بي بعد ماريده اني كلشي ولا المعيار اني من غير شي حساسه ..
لفيت راسي ونمت كعدت بنص اليل يبدو صار روتين من حياتي اكعد ابجي علمود انسان مايستاهل دمر حياتي..
نزلت دمعه واعتب عيوني بكلبي..
ليش تنزلن شهل ضعف العندي مشكلتي مانساه صار لسالفه هووواي بس مو ناسيه
رديت تمددت ونمت حالي كوة ماريد انزل دمعي بعد
اني لويش احرك بكلبي وابجي شوهو مكابلي هاي الزركه يبوس بيها همدا عنده مره مشاءالله من الجمال مو نقصها شي
من الاخلاق كذلك يوو واني شدخلني ..
هي لو هاي البنيه تعرف جان مابسته لان هل شي عيب .. هي غريبه ع اي ساس تبوسه اهووو حنين شنو نطمري نارهم تاكل حطبهم.. شلي علاقه..
نمت والصبح كعدت .. اجو العمال ورحنه هناك بقيت وي امي مافركتها ابوي دك ع امي وهي كامت ..
صاحتني ورحت نطتني ابويه وحجيته وسأل عليه .. وكال
-شلون صرتي
حنين...زينه
-محتاجه شي
حنين...سلامتك
-مبايلج شلون تكسر
باوعت ع امي شكله كايلتله.. وكتله
حنين...هااا صفن وعصبت وضربته بالحايط...
-ليش جذبين امج كالتلي
اني باوعت ع امي وجهي حسيته راح ينفجل خجت من ابوي عاد كتله
حنين...بس والله حيل عصبت وضربته..
-بعد لا تعدين هاي الحركات وشتريدين مبايل
حنين...لا ماريد هذا مال امي كافي
-هاا مو بعدين خاف تبجين ترا ماكو..
حنين...هه لا ع شنو ابجي
نطيته لامي وبقيت واكفه هي ختمته وياه ورجعنه ..
وره الغده بشويه ابوي اجه رحت سلمت علي وجابلي مبايل اخذته وكال هااا وكتله
حنين...ههههه الهديه ميصير ترجع بس ليش جبت مو كتلك ماريد
- مصار شي جيبي ارده
حنين...هههه لا
-لظلين تكسرين
حنين...ههه اي
ضل ابوي للعصر وراح رادت منه عمتي يبقى ماقبل ومحمد هم ماقبل.. راح
عاد رحت ع غرفه ندى اخلي المبايل ع الشحن اني وياها محمد برا طب اني وجاي احطه وندى كالت ..
ندى...ابن خالج شكبره
حنين...منو
ندى...خالج عبد الرحمن
حنين...ها ههههه 20 اكبر مني بسنتين
ندى...لعد انتي مو جنتي ..
حنين...هههههه
باوعت ع محمد مخزر والوجه بي الف عفسه ...
طلعت مرت نص ساعه راحو العمال ..ورحنه ع البيت عمتي
حطيت مبايلي بالديوانيه ع الشحن ورح بالحديقه وحدي.. شفت محمد اجه كمت بسرعه
تلاكينه لزم ايدي نترت ايده ورحت يمهن هو اجه بقيت اشتغل ماريد اي شي يجمعنه وحدنه ..
لحد مخلصنه طلعت ارواحنه وهذا بس كالب وجه .. بقيت احجي واضحك وي الكل بس وياه..
راحت ندى وهل ضل كمت سبحت طلعت رحت ع الغرفه قفلتها وكعدت امشط بشعري
خلصت طلعت اريد اروح بالديوانه اجيب مبايلي لكيته واكف هناك طبيت ومدرت اله بال
طبيت اريد املص الشاحنه هو اجه لزم ايدي نترت بايده ودفعته طلعت بسرعه
اووف ياربي هذا شوكت اخلص منه يعني من اموت لو شوكت ..
رحت حطيته هناك طلعت بصاله شفته طلع بس شنو عبارة عن كتله غضب ..
مخز وجه مايكصه السيف لو القتل بنظرات يمكن جان هسا اني ميته ..
صح حسيت بخوفه بس ع شنو وع منو..مع سلامة.
رجعت حطيت سيم كارت مالي بالمبايل كعدت اشتغل علي كل اليل اخذ الاغاني بس الصور والفيديوهات لا بعدهن بالرام.. الحمدالله
ثاني يوم اجو العمال واليوم اخر يوم جان خلصو البارحه بس لان بيوم العركه راحو ..
لحد ماخلصو رحنه خلصنه البيت هلكنه من التعب سبحت ورحت الغرفه البقيه لليل طلعت اتمشى بره.. وحدي وحطه السماعات وادنن
شويه واجه محمد وخرت السماعات وكال
محمد...وانتي مكيفه تتخطبين هاا
حنين...هااا
محمد...من كال هاا وشنو سمع
حنين...اوك وشنو المطلوب مابيها شي ابن خالي ويريد يزوجي مشألله زينه الشباب
محمد...زينه الخرا شوفي انطيها الج من الاخر لغيري متصيرين خليها ترجيه باذنج..
يتبع...
البارت هديه للاخ⚘ AlabbasFakheraldeen
لا تنسو التصويت والمشاركه
وغلسو لان كتبته بسرعه☹💔
هو اليوم مو بارت بس تصبيره😂
الى القاء نجومي☆💜