رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 13🔥 ما قبل النهاية 🔥
❤
يوم الدفع
عُلا: شن صار معاك جهزتي كل شي
انا :يس جهزنا نستنا ف طلتك بس
عُلا:ايجي خالد نستنا فيه وجايتك ع طول 😘
انا:نجك ليا لولتي😘
عُلا :ربي يباركلكم ويتمملك ع خير
انا :ياااارب
وجو الرجاله وتم الدفع وحددو موعد الفرح بعد الامتحانات
ــــــ
ثاني يوم الصبح
تسنيم تتصل :صباحوو نوسه كيف حالك ؟
انا :صباح الورد تمام كيف حالك انتي ؟
تسنيم :الحمدلله
انا :يستاهل الحمد 💙
تسنيم :قتلك نوسه يوسف يبي يتواصل معاك ويبي يتفاهم معاك ف حاجات واجد تخص الفرح وهكي قال اسألوها قبل وهوا سأل خوك علاء وقاله ماعنديش مانع لو هيا موافقه
انا :امممممم تمام
صكرت تسنيم
تسنيم اتبحت ف يوسف ومبتسمه ابتسامه شريره 😏 :تبي الرقم ؟؟
يوسف :شن رايك انتِ ؟
تسنيم :كم تدفع ؟
يوسف :😳من امتى ؟؟
تسنيم :من اليوم 😂😂😂😂
يوسف : ولا جميلتك تو ناخذه من علاء
تسنيم :يعني مافيش امل 😞💔
يوسف :ابدا 😌
تسنيم :اخسسسس ....سجل عندك **********
يوسف سجل الرقم بعدين اندزلك كرت 😉
تسنيم :نبي شوكلاطه 😍
يوسف : اعيوني لك
واليوم الثاني اتصل يوسف
يوسف :السلام عليكم
انا :وعليكم السلام
يوسف: ياسمين كيف حالك
انا :الحمدلله ف نعمه وانت
يوسف :يستاهل الحمد ..الحمدلله
ومشت المكالمه كلها تعارف وكان يوسف كلامه كله ذوق واحترام ونا كنت نكتشف ف شخصيته من كلامه
يوسف : بس انقولك حاجه
انا : شنوو
يوسف :صوتك وكلامك وتفكيرك كلهن خيااال 😍
انا :هئحم 🙈🙈
يوسف :😂😂😂 تعرفي اكثر شي لفتني فيك اول مرة تقابلنا *خجلك * لما قلتي لصاحبتك هيا خلينا نتحركوا من هنا كنتي خاشه ف بعضك كيف العصفور المبلول 😂😂😂
انا :😒وانت عاد عازق وذنك امعانا 🙈
يوسف :لا والله انتي كنتي جنبي صوتك واضح 😍
انا : 🙈🙈
يوسف :ربي يقدرني وانكونلك كيف ما تبي
ـــــــــ
عند محمد
محمد سمع بخبر الخطوبه وحاول يوصلي ماعرفش لاني دايرتله حظر من كل شي وحتي حياتي✋
ــــــ
في الاكاديميه
انا طالعه من الامتحان ونلقا قدامي محمد
محمد:نوسه 💔
انا :نعم
محمد:صح اللي سمعته يانوسه ؟
انا :اللي هو ؟
محمد:فرحك قريب
انا :اها العقبالك
محمد : ليش بهالسرعه 💔
انا : وانت ليش زعلان تفاهمنا ان كل شي نصيب وانت شفت نصيبك خلاص ربي ايهنيك
محمد :بس انا مازلت انحبك ونبيك مستعد انسيبها منال توا لو انك اتوافق
انا :محمد لو سمحت انا ماانخرب علي حد وانت توا راجل خااااطب وانا قريب حنكون ع ذمة راجل مانرضاش انخونه حتى بوقفتي هذي معاك ياريت اتبعد عن حياتي
ومشيت وسيبت محمد مستك ومصدوم من كلامي
وانا ماشيه شور السياره وانفكر ف محمد :اسفه يا محمد ماكانش قدامي خيار اخر انت لازم اتحقق حلمك مانقدرش نحرمك منه 💔
ــــــ
في الحوش
ماما:روحتي
انا:روحت يانبض قلبي وبوست ع راسها 😘
ماما:شن صار ف امتحانك ؟
انا :بعيدا عنك كيف وجه اللي حاطه بس حليت 😁
ماما :باهي غيري وصلي وتعالي
انا:تمام يالحب
ركبت لداري غيرت وتوضيت صليت ودعيت ربي واستغفرت ونزلت قريت ورد م قرأن لين نعست وانا ف كامل راحتي
ــــــــ
عند عُلا
خالد ناض لقى عُلا تبرم ف الصاله
خالد :حبيبي كنك ؟
عُلا تحكي وواضح عليها التعب: بنتك شكلها بتشرف 💔
خالد :انشيلك للمستشفى؟
عُلا :لالا مازال خليني اشويه 💔😞
خالد قرب من عُلا ومسك يدها : ربي يسهل عليك وتسلمي انتي وبنتنا ❤
عُلا تبرم ف الصاله وتتألم 💔😞
وخالد خايف عليها ومتوتر 💔
خالد :بالك انشيلك احسن
عُلا :لا مازال حيتعبوني
خالد :باه يعني بنقعد نتفرج عليك وانتي هك 💔؟
عُلا :لو اتدير فيا خير اطبخلي قرفه
خالد :باه
بعد 10 دقايق
خالد مسك عُلا :تعالي قمعزي واشربي بشويه
عُلا : نقدرش انقمعز 💔
خالد سندها عليه : باه خليك هك واشربي بشويه
عُلا ماسكه ف يد خالد بقوه : شكرا حبيبي ❤
خالد :اعيوني لك
ــــــــ
في حوش اهل عُلا
ام عُلا :قلبي مشغول علي لولي زعمك شن صايرلها
بات عُلا : رني عليها شوفيها
ام عُلا :من امبدري انرن خارج التغطيه 💔
بات عُلا :غريبه !؟ تو انرن على خالد
خذا بات عُلا الفون يرن ع خالد
بات عُلا : خير يا خالد
خالد : اهلين عمي كيف حالك
بات عُلا :الحمد لله
خالد :يستاهل الحمد
بات عُلا :مااتقولي يا خالد البنت وين من امبدري امها اترن عليها خارج التغطيه
عُلا كانت جنب خالد وتسمع ف باتها واتشير لخالد قوللهم راقده
خالد :ٱ ٱ لولي راقده يا عمي
بات عُلا :اهاااا باه امغير امهاا مشغوله عليها
خالد : لالا طمنها تشغلش روحها
بات عُلا : ربي يحفظكم ويسلمكم هي سلام
خالد : سلام
وصكر بات عُلا
خالد :ليش تبيش تقوليلهم 😳
عُلا :ماما حتنشغل اكثر خليها لعند نولد حنكلمها بس توا نبيش نشغلها
ـــــــــ
عُلا : يابيبي خلاص معش نقدر
خالد: باه هيا البسي عبايتك علي ما سخنت السياره
نزل خالد سخن السياره ورد لـ عُلا مسكها وصلها للسياره
خالد فتح باب السياره :اركبي بشويه
عُلا واصله حدهاااا 💔
خالد يسوق بسرعه
عُلا ماسكه ف يد خالد :معش متحمله 💔
خالد :تحملي قريب نوصلوا
في المستشفى
الممرضه : حنديرلها دخول حالة وضع
بعد نص ساعه
خالد :طمنيني يادكتوره
الدكتوره سلمى : الف مبروك جاتك احلا بنوته 😍
خالد :وامها كيف حالها ؟
الدكتوره :الحمد لله الام والبيبي صحتهم ممتازه ❤
خالد م الفرحه سجد شكر لله ع نعمته 💙
في غرفة الملاحظه
عُلا:الو ياماما
ام عُلا:لولي بنيتي وينك نتصل بيك خارج التغطيه واتصل باتك بخالد قاله راقده
عُلا :ياماما مبروك حفيدتكم جت ❤
ام عُلا:لولي شن تقولي انتي جبتي 😳
عُلا:اها ياماما واحلا بنوته وصحتي تمام
ام عُلا :باه الحمد لله ع سلامتك ❤
عُلا :الله يسلمك مامي
ـــــ
في الصبح
الفون يرن
انا واعيه من نوم ونعسانه :لولي !....غريبه!؟
انتي ماترقديش بكل يعني 😒
عُلا:قوليلي مبروك ياخويله انا جيت 😍
انا من فر حتي النوم طار :شرفت حبيبة خالتها امتى؟😍
عُلا:اليوم الفجر....الفجر أذن وهي شرفت
انا :ياخيه الف مبروووك ربي يباركلكم فيها وتتربى ف عزكم 😘
عُلا :تسلميلي ❤
انا :امتى خروج ؟
عُلا :ع مرور الدكتوره اشويه اخرىبعد ساعه ونص مرت الدكتوره ع عُلا ولقتها تمام عطتها خروج
وروحت عُلا لحوشها
خالد فتحلها الباب ومسك يدها وباسها : نورتي حوشك
عُلا : امنور بيك ياغالي 😘خالد امجهزلها باقة ورد وعلبه فيها سياله وخاتم ذهب واستقبلتها امها احلا استقبال
ــــــــــــ
عندي
انا :يامامي عُلا جابت بنعديلها
ماما :صااح الحمد لله ع سلامتها 💕 شوفي عبد الله يشيلك وماتنسيش تاخذيلها هديه
انا :حاظر 😘
وطلعت خذيت هديه للبيبي ولعُلا وعديت لصاحبتي 😍
استقبلتني امها وفرحتها ف عيونها 😍
انا :الحمد لله ع سلامة لولي
ام عُلا :الله يسلمك العقبالك
انا :تسلمي
ام عُلا :خشيلها تستنى فيك من امبدري
انا :👀خييييير
عُلا :اهليييين
وخشيت لقيت عُلا قاعده ف سريرها ولابسه بجامه ورديه ورابطه شعرها بفيونكه ورديه وماسكه البنوته اترضع فيها خذيت البنوته
انا :ناعلياااااا طشونه 😍
عُلا :طالعتلك
انا :ربي يحبك كان طالعتلي 😌
عُلا :😂😂😂يخرب بيت تواضعك
انا :😂😂😂😂الحمد لله ع سلامتك يااحلى ماما 😍
عُلا :الله يسلمك غلاتي
انا :شن جوك توا
عُلا :الحمد لله الليه مازال اتعدي واتجي
انا : عندك كمون نطبخلك ؟
عُلا :اها في بس استنى قولي لي شن حتسمي البنت ؟
انا : لالا يالولي هظا شي يخصكم خالد مرات يبي ايسميها
عُلا:انا وخالد اتفقنا انك انتي حتسميها
انا :امممم *يقين* سميها يقين لان بفضل يقينك بربي وصلتي اللي انتي فيه 😍💖
عُلا :ناعلياااا 😍😍عُلا :رايحه تكبر وتشيطن 😣
انا :هظا وقتها وبعدين اعرفي كيف اتربيها ع شخصيتها الانثويه وانتبهي لتصرفاتك وكلامك قدامها عشان البنت اتقلد امها ف كل شي👌
عُلا :ربي يقدرني وانربيها تربية اتشرف
وعدا يوم الرمي بكل مافيه بحوسته وشطيح البنات وجوهن السمح 😍وفي الليل
يسرى بنت خالتي :تي العروس وين يا بنات 👀
نسرين : اكيد اتكلم ف حبيب القلب 😂😂😂😂😂😍
نونا : 😂😂😂😂😂خليها ف العسل توا بعدين تنصدم بواقع الزوج الليبي اللي مايبطل طلبات 😒
يسرى : بس تبي الحق شكلهم ناس راقييييين بكل
نسرين :اهااا لابعد الحدود 😍
انا في داري نبكي فاقده بابا 💔💔وايرن الفون
المتصل :يوسف ❤
انا : اهلا
يوسف: رايفتلك ورايفت ع صوتك 😍
انا :اهااا واضح 💔
يوسف : كنك زعلانه ؟
انا :شي
يوسف :صوتك كنه ؟
انا :شي
يوسف :حبيبييييي احكي كنك
انا :فاقده بابا بس💔
يوسف :الله يرحمه ويغفر له 💔واسلوبك كنه جاف؟
انا :انت عارف روحك شن داير 😒
يوسف :اها قصدك عشان غبت عنك الايام اللي فاتوا😂😂😂😂بكرا تو تعرفي ليش 😉
انا :انننننلا توا
يوسف :اننننننلا بكرا 😘
وهيا ارقدي بدري بكرا وراك يوم طويل
انا : تي وين نرقد البنات يراجن فيا نسهر معاهن😣
يوسف :😂😂😂😂😂سهرة توديع العزوبيه ؟؟
انا :😂😂😂شكلها
يوسف :انحبك 😍
انا : هئحم 🙈🙈
يوسف :مازلتي تبيش اتقوليها؟
انا :بكرا تو تعرف 😏
يوسف :ههههههههههههه مكاره
انا :مش اكثر منك 😊
ـــــــــــــــ
يوم الفرح💕
انا كيف طالعه م البيوتي سنتر ومعايا عُلا
عُلاكانت لابسه فستان قصير وسمبل واكسسوار بسيطات وناعمات وتسريحه بسيطه واملبسه يقين نفس فستانها 😍
وصلنا للقاعه وخشيييت
تسنيم : الله اكبر نوسه طالعه ملكه 😍😍 إطلالتها ملكيه روعه فيلو بسيط زي فيلو سندريلا وشعر مفتوح كله فلو وتاج ملكي بسيط وميك أب بسيط وحلو بارز مفاتن وجهها والغمازه واخده جزء كبير م خدها وهيا مبتسمه
انسااام :اتجنن 😍الناس كلها منبهره بالاطلاله وخشتها وهيا كلها تقه الحمد لله خيي ربي عطاه ع قصاد نيته بنوته عسل
ماما اتبحت فيا دموعها تنزل :الحمد لله يارب اللي عطيتني عمر وحظرت يومها هظا 😢😢
نونا حضنتها وباست راسها :ربي يطول بعمرك ياست الحبايب 😘
بسمه اخت يوسف الكبيره دكتورة نساء وولاده اتبحت في تسنيم وانسام وقطعت ع كلامهن : شن عاجبكن فيها وحده مغروره وشايفه روحها 😏
انسام:حرام عليك والله انها عسل وطيوبه 😍
بسمه :قالت عسل😳 واضح انها تدلع وبريوشه والباين انها م تحت لتحت 😒
تسنيم وانسام :مع العشره تبان بس باين انها طيبه وحتشوفي كلامنا صح ولا
بسمه:اسكتن اسكتن مسكين خيي ربي ايعينه وخلاص 😒
انسام :باه خلاص مش وقته هالكلام توا ✋
وصلت للمسرح
عُلا:محلاك يانوستي ملكه اليوم 😍
انا :ياقلبي يالولي انتي الي تهبلي 😘
وخش يوسف ووقف قدامي :طشتي طالعه ملكه ربي ايخليك ليا�😍
انا بخجل : ويخليك ليااا 🙈
بعد نص ساعه
يوسف :هيا حبيبي بنطلعوانا :تمام
جت نونا لبستني البرنوس : قرده حنفقدك 😣
ماما: ربي يهنيكم ويباركلكم رد بالك منها يايوسف
يوسف : في عيوني يااعميمه مااتخافيش عليها
تسنيم :ياخيه محلاكم اتجننوا 😍
انا :تسلميلي
يوسف عدلي البرنوس وتاكد ان مافي شي باين ومسك يدي وطلعلنا 🙈 وطول الطريق ويوسف يتغزل
يوسف ماسك يدي : انحبك يابيبي
انا بخجل :😊
يوسف :انتي اجمل هديه بعتها ربي ليا
انا ابتسمت : انت عوض كبير م ربي 💕
وقعدنا انهدرزوا لعند وصلنا للحوش
يوسف :خشي باليمين
انا :مانيش خاشه ارفعني 😂😂😂😂🙈
يوسف رفعني: باه
انا :نزلني يامجنون 🙈
يوسف :اسملا عليا متجوز وحده ريشه دجاجة جدتي اثقل منها 😂😂😂😂
انا :خزي عليك ياسامط🙈
يوسف :تعالي انوريك حاجه
انا :شنو 😕
يوسف غمض عيوني بيده :امشي وانتي ساكته بس
انااا :يووووسف
يوسف : حول يده مع عيوني ،، ان شاء الله تعجبك 🙈
انا فتحت عيوني لقيت داير وحده من الغرف مكتب وفيها مكتبه مليانه كتب وفيها *مصلى *مكان خاص للصلاه وتصميمها خياااال بكل والالوان هاديه ومريحه 😍
يوسف مسك يدي :مازال تعالي
خشينا لدار النوم لقيت قدامي دبدوب كبييييييير وقدامه بوكيه شوكلاطه 😍
انا تعنقته ودموعي ف عيوني : يوسف انحبك😍
يوسف :هظا اللي كان شاغلني عنك الايام اللي فاتت اسف 😘
انا : ربي يخليك ليا 🙈
يوسف : ويخليك ليا 😘😘متوضيه انصلوا ؟
انا :اها متوضيه
يوسف :باه خلينا انصلوا
انا : حاااظر 💕
وعدا اليوووووم حلو بكل ❤
ـــــــــ
وبعد خمس ايام من الزواج
عُلا:نوستي النتيجه طلعت
انا :صااااح امتى؟
عُلا : امس يانوسه
انا :تو انخش انشوفها
عُلا كانت عارفه النتيجة بس ماحبتش تحكي💔
انا خذيت الفون وفتحت موقع الاكاديميه وهنا كانت الصدمه ...
#يتبع