انا قبل كل شي 🥀 ( روايات ليبية )

حلقة 12🔥

رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 12🔥
.
❤
يوسف يكلم ف علاء
يوسف :علاوي كيف حالك
علاء :تمام ياقائد وانت ؟
يوسف :بخيييير ونعمه
علاء :ربي يدوم ان شاء الله
يوسف :الله يسلمك،، قولي فاضي؟؟ نبيك في موضوع ..
علاء : والله تقدر اتقول ،كنك ان شاء الله خير
يوسف : اممممم ياسمين اختك
علاء : كنها؟؟
يوسف :شفتها من كم يوم ف معرض الكتب وعجبتني مع العلم ما كنت عارف انها اختك لعند ما قالها ليا المعتصم 😒وعلي ماقتلك نبي نجوز يا راجل مااتقوليش عندي اختي
علاء : هههههههههههههههه يا يوسف البنت كانت تقرا وبعدين راهي مدلعه وماتبيش اي حد
يوسف :وانا اي حد😒 ؟؟
علاء :هههههه بيبدالي عاد،انت صاحبي ورفيقي وخويا ف دعوة امي 😒
يوسف :هالله هالله تحسد فيا ع دعوة امك يعني ؟
علاء :لااااه ابدا بس ابسلامتك ديما امداعكني فيها😁
يوسف :اللهم لا حسد 😏المهم انردوا لموضوعنا عشان نكون معاك دغري انا لما روحوا هلي من العزومه سالت عليها وشكروها ليا وانت عارفني مانبيش اي وحده
علاء : باااهي ؟؟
يوسف :تي كنك رايح غبي انت؟؟خلاص افهمها خييك يبي ايناسبك ..
علاء :ههههههههههه القراية معش خلت فينا عقل 😞عن نفسي انا مانلقى خير منك لكن القرار الاول والاخير لها هي
يوسف: خلاص شوف رايها ف الموضوع وراي الوالده والشباب وان شاء الله ربي يسخر الخير
علاء :ان شاء الله ،قولي !شن صار ف المستشفى امتاعك ؟
يوسف : المخطط درته مازال التنفيذ
علاء :ربي يفتح عليك
يوسف :اجمعين
ـــــــــــــ
في الاكاديميه
كنت طالعه من المحاظره وفجأه نلقى قدامي محمد
محمد :كيف حالك ؟
انا :بخير وانت؟
محمد :الحمد لله ،اسف لو جيت ف وقت مش وقتي بس نبي نستشريك
انا :ولا يهمك ،تفضل !؟
محمد قعدت يحكيلي ف الموقف اللي صار بينه وبين سلوى
محمد :شنو التصرف الصحيح ف موقف كيف هك؟
انا عطيته نظرة انزعاج :😒
محمد :كنك
انا :كنك قعدت عيل؟؟عهدي بيك راجل وتعرف تتصرف
محمد :هي غلطت
انا :عارفتها غلطت ومافيش انسان مايغلطش بس ماكنتش تعاملت معاها هك راهي 20سنه مازالت صغيره راه
محمد :معش في حد صغير،،انا مانغلطش
انا :😒كلامك هظا دليل ع غلطك يعني بتقنعني انك مادرت علاقه ف حياتك او ماشابه ؟؟
محمد :ههههههههههه انتي عارفنتي ماانحبش البنات
انا :حتى ولو المفترض انك وريتها غلطها وفهمتها ونصحتها مش اتعصب وترفع صوتك وتاخذ الفون
محمد :والله 😒؟
انا بنبرة جديه :اهااا انت تصرفك هظا ماغير شي ف الموضوع احتمال كرهتها فيك وبس ولعلمك البنت لو اتحطها ف دار بين اربع حيطان لو حطت ف راسها شي اتديره يعني مااتديرش روحك شاطر 😌
محمد ؛تنمية بشريه لاااا ✋ماانحبهاش
انا :كنك رايح كيف سنفور غضبان كل شي مااتحباش وبعدين بماانك مااتحبهاش ليش حبيتني
محمد بنظرة حب :ابتلاني بيك ربي 😍 حبيتك لانك امكملتني ف كل شي
انا بنبرة جديه:هئحم دكتور محمد لو سمحت ✋
محمد  :ليييش اتعاملي فيا هك
انا :انت توا راجل مرتبط مش كيف قبل ،وانا اللي مانرضاه لروحي مانرضاه لغيري فرجاءا حاول تتحكم ف مشاعرك
محمد بعصبيه :انتي عارفه اني انحبك انتي ، انا مرتبط باسم بس 💔ماعنديش تجاهها مشاعر يا ياسمين ،انتي عارفه قلبي وعقلي مع من وجيتي هذي  عشان انشوفك ونطمن عنك بس مش عشان نستشير
انا :هظا كله ماينفعش انت الخاسر الوحيد هي حتكون شريكة حياتك وام اولادك لازم اتحبها كيف بتبني حياتك بدون حب 😳؟؟
محمد :اللي حبيتها نصيبي مش فيها 💔
انا: النصيب ربك اللي يكتبه يا محمد مافي حد له يد في شي ،، اسمع مني واعطيها فرصة اكيد حتلقى فيها شي حلو يجذبك لها وايحببك فيها
محمد : وانتي😞💔 ؟
انا :انا كني 😊؟
محمد تنهد وسكت :😞💔
انا بابتسامه :انا حنبعد تماما لانك دايرني حاجز بينكم واطمن مش زعلانه ولاشايله عليك ف شي بس عشان ماتتعلق بيا وناخذ ذنبك وربي يهنيكم 😊
محمد :انا تعلقت واللي صار صار
انا :لماانبعد حينفك التعلق 😊
محمد :عنيده
انا :شكرا ،نستأذن منك ،،سلام
محمد : سلام 💔
ْوعديت وسيبت محمد واقف
ــــــــــــــ
في حوشنا
علاء يكلم ف ماما
ماما :والله ماني عارفه خايفتها ترفض كيف اللي رفضتهم
علاء :ماعليك خليها شوري،،عاد يوسف ما فيه مايرتفض
ماما :لنقانه راجل ماشاء الله عليه
انا خشيت لقيت ماما اتكلم :السلام عليكم
ماما :وعليك السلام،جيتي وجابك ربي يبيك علاء
انا خذيت الفون من ماما :احليوتي كيف حالك
علاء :تمااام ،شن جو الاكاديميه
انا :مش تمام 💔امزاط وتعب مزطونا
علاء :ربي يوفقك شدي حيلك انتي قدها
انا :اجمعين
علاء :يانوسه في واحد يبي يتقدملك ،الراجل اكويس ومن عيله اكويسه وحافظ القران وتفكيره واعي وبشهادته والاهم انه كيف ماتبيه بالضبط
انا :يا احليوتي مش وقته الموضوع هظا امتحانات جايات نبيش شي يشوش عليا
ماما بصوت واطي :عارفتها نا حتلط 😒
علاء :انتي غير اسمعيني ،راه يوسف مايتعوضش وانتي شفتي هله كيف اكويسين ومثقفين واخلاقهم عاليه وتقريبا شفتيه ف معرض الكتب ع الخبر 😏
انا :😂😂😂شفته صدفه ونندريش عليه صاحبك
علاء :عارفك خايفه ايكون مش كيف ماتبيه ،، مااتخافيش كل شي تبيه تلقيه فيه وانا اصلا لو عارفه مش كيف ماانتي تبي كنت صكرت الموضوع من عندي
انا :ان شاء الله خير ، حنستخير وربي يسخر الخير
علاء :ان شاء الله
انا عطيت الفون لماما وركبت لداري غيرت دبشي وصليت ركعتين دعيت ربي يحبب محمد ف خطيبته وينسيني له ويوفقني ويسخرلي الخير
وكملت صلاة
انا بيني وبين نفسي :شن بتديري يانوسه توا محمد معش عرف يبعد عنك وانتي هك حتاخذي ذنبه وامتحاناتك قربت ولازم تنجحي عشان تبدي ف الرسالة وموضوع يوسف اللي مش عارفه من وين طلعلي...
ااااه يا ربي فوضتلك امري وريني الصح وين ويسره ليا  😞
خليني نقرا وردي من القران  وربي يسهل
خذيت مصحفي وبديت نقرا ف وردي لعند غفيت ع صلايتي😪 وبعد نص ساعه وعيت مرتاحه واتخذت قراراتي ،،فتحت نت ودزيت مسج لمحمد
"عارفه انك ممكن تزعل من تصرفي بس هظا الحل الوحيد عشان اتعيش حياتك وتعطيها فرصه انك اتحبها لانه حقها عليك و عشان ماانحسش بالذنب وتأنيب الضمير ،شكرا لانك راجل نادر  ف وقتنا "
ودرت send للمسج واول ما وصل درت لمحمد Block
وصكرت نت ونزلت لماما
انا :مامييييي بنتك جعانه بكل 🍴
ماما :هي تو انسخنلك غداك
انا :ربي يخليك لياااا
ـــــــــ
بعد 3ايام
اميره تتصل
انا :ميرو حبيبة قلبي
اميره :نوستي 😍قوليلي مبروك
انا :مبروك بس ع شنو😅
اميره :طول الفترة اللي فاتت ندعي ربي يجمعني بـ حسين وهو طلع يدور فيا وبالصدفه بابا ماشي يختم ف اوراق طلع هو صاحب المكتب اللي ختمله وعرف بابا وفاتحه ف الموضوع وبعدها بكم يوم جاب هله والجمعه عقد قراننا 🙈🙊
انا :حبيبتي اناااا 😍الف الف الف مبروووووك ربي يتمملك ع خير ❤مش قتلك مستحيل ربي يخذلك
اميره :ونعم بالله ،ششكرا وااااجد نوستي 💙
انا :العفو بيب 😘
وصكرت من اميره
انا : اممممم مامي بنقولك حاجه 😌
ماما :قولي !؟
انا : انا انا امواقفه ع يوسف 🙈🙊
ماما فرحت بكل :يوم المنى اللي اتوافقي وربي يفرحني بيك ويهنيني عليك
انا : انعني مانفقدك 😘😘
ماما :خلاص كلمي علاء وقوليها له
انا :حاااظر
مع علاء
علاء :متاكده ؟؟
انا :يس 🙊🙈
ـــََــــ
عند علاء
علاء يكلم ف يوسف : خلاص انت حدد موعد وشيل هلك وربي يباركلكم
يوسف : ان شاء الله
ـــــــــــــ
في حوشنا
مروه :ناعليييييييياااا اخيرا حتجوزي وانديروا فرح 😍
انا :😂😂😂غير اهدي اشويه مازال ماصار شي
مروه :انا متاكده انه حيصير 😍مش صح يااعميمه
ماما :ان شاء الله ،، عاد يوسف ماشاء الله عليه راجل جمال ومال واخلاق وعلم شن تبي بعد هكي
انا :انسافر لجزر المالديف 😂😂😂😂😂😍
ماما عزقت فيا مخدة الصالون : صبي وبطلي محقنه 😒
انا :😂😂😂😂 مش محقنه يا ماما اللي يسافروا للمالديف مش خير مني 💔
مروه :ان شاء الله بعد تجوزي يوسف يسافر بيك المالديف
انا :ناعلياااا 😍تخايلي ياانتي 💕والله بعدها ماعاد نعرفكم بكل 😌✋عديت للمالديف من قدي 😂😂😂💔
مروه : اخسسسس 😂😂😂😂 هظا ليش ربي مش حيسخرلك اتعدي
ماما :امتحاناتك امتى ؟
انا : مازال شهر ونص 😒
ماما :ان شاء الله بالنجاح
ـــــــــــــ
عند يوسف
يوسف : امي
ام يوسف :نعم
يوسف :شن رايك ف ياسمين اخت علاء؟
انسام :لنقنها عسل يا يوسف لو تجوزها 😍
تسنيم تضحك :😂😂😂😂😂😂
يوسف :اسكتي اشويه
تسنيم : باه 🙊
يوسف :ماجاوبتيش ياامي
ام يوسف : ما عندي ماانقول فيها ماشاء الله عليها فيها حاجه وحده اضعيفه بكل غير هك ما فيها سو
تسنيم :امي طبعا لو البنت ماكانت مليانه ماتعترف بيها مراه😕
ام يوسف :يابنتي هذي اضعيفه كيف بتجوز واتجيب عيال وتخدمهم
تسنيم :ياماما نوسه جسمها حلو مش رقيقه بكل راه ولقدام حتسمن
انسام : خلك منها البنت قوامها حلو وبعد الزواج تزيد وبعدين شن يبي فيه السمن يعي 😒
يوسف :انا اصلا ماانحبش السمن
ام يوسف :باه انت عليش تسأل؟
تسنيم :😂😂نحكي يايوسف؟
يوسف يضحك :😂😂😂😂
ام يوسف وانسام :انتوا شن داسين علينا ؟
تسنيم :يا ماما من الاخير يوسف يبي يجوز نوسه وقالي شافها ف معرض الكتب وعجباته وطلعت اخت علاء
انسام :وداير روحه ماعنداش ع البنات 😳ريتي مايطلع منه😏
يوسف :شن قلتي ياامي ؟
ام يوسف :توكل على الله وربي يسخرلك الخير
تسنيم اتزغرت :لولولولولوليييييي 💃💃
يوسف :كنك 😳
تسنيم :يوسف بيجوز 😍
ام يوسف :غير اصبري انشوفوا العرب ايوافقوا ولا لا
تسنيم :حتوافق 😍اساسا من اللي اتحصل خويا ومااتوافق عليه 😌
يوسف :عشان خوك يعني !؟
تسنيم :يب يب 🙊🙈
يوسف :يعوينك بتواضعك كلاانتي 😁
ــــــــــــ
عندى
انا انكلم ف عُلا : توقعي من يبي يخطبني ؟
عُلا :من ؟؟
انا :يوسف 🙈🙈
عُلا :يااحليلي 😍قصدك هو نفسه الطرف السمح هظك ؟؟
انا :يسسس
عُلا :شن وصلكم ف بعضكم
انا :مو قتلك طلع صاحب علاء 😌
عُلا :اهااا ...باه امتى بيجوكم ؟
انا :مش عارفه مازال
عُلا :وانتي شن رايك ؟
انا :برضوا مش عارفه 😞انا شفته راجل اكويس وواضح انه ذكي وطموح واخلاقه عاليه وعلاء قال ان يوسف فيه كل صفه نبيها فكرت نوافق منها عشان محمد ينساني 💔
عُلا :ييييييه على محمد
انا :عُلا انا غلطت ف تصرفي معاه ؟
عُلا :لا ابدا ...وبعدين خلاص محمد توا خطب وحيجوز توا فكري ف روحك النصيب من ربي وهو ما كتب نصيب بينكم اما هو سيوره ناسيك 👌
انا : ان شاء الله ...انتي حتجيني صح❤
عُلا :اكيد يااعيوني حنجيك 😍
ـــــــــــــ
يوم الخطبه❤
مروه : يانوسه كل شي جاهز عدي اشقي بروحك انتي
انا :سوري تعبتك معايا حتجي لولي اتساعدك
مروه : تعبك راحه ياعسل 😘
ماما :ليش اتعبي ف المراه حامل وواصله حدها
انا : مش حيصيرلها شي يا ماما   مااتخافيش 😘
ـــــــــــ
عند عُلا
عُلا كانت لابسه فستان حوامل قصير و رابطه شعرها بفيونكه كان منظرها حلو بكل 😍
عُلا اتوعي ف خالد ع العصر :خااالد ياخااالد حبيبي نوض
خالد يدوب فتح عيونه : باه اشويه بس... وغطا وجه
عُلا رفعت الغطا ونزلت باساته وبصوت هادي :حبيبي مش اتفقنا اليوم اتشيلني لـ نوسه ولا تبي اتفوتني 😞
خالد  ناض قمعز ومسك يد عُلا وباسها : ليش هو نا نقدر انفوتك 😘
عُلا بنظرة حب وخجل : انحبك 🙈🙊
خالد يقلد ف صوت عُلا : بس مش اكثر من لولي 😍 كمليها 😂😂😂😂😂
عُلا :😂😂😂😂 انك عارفهاا 🙈🙈
خالد :انمووووت فيك 😘 هيا وتي روحك علي ما دوشت
عُلا :حاااظر
خش خالد يدوش وعُلا قعدت اتجهز ف نفسها لبست فستان ازرق ملكي لنص الساق ومطرز بالفضي ودارة شعرها تسريحه هادية وملمومه وميك اب هادي وكندره واطيه انيقه 😍
خالد طالع يسمح ف شعره شاف عُلا: 😍 الله يبارك 😍 كنك سمحه هكي؟؟
عُلا :انا من يومي سمحه 😌🙈
خالد قرب منها وحط يده ع بطنها :زعمه بنتنا حتجي سمحه لامها 😍
عُلا حطت يدها ع خد خالد اتبحت ف عيونه ومبتسمه: نبيها تشبه باتها 😍
خالد :بس انا نبيها تشبه امها ❤
عُلا :حتجي وانشوفوا لمن تشبه 💕
خالد : ان شاء الله تسلم وتسلميلي عليها ❤
عُلا :ان شاء الله
خالد :البسي عبايتك  علي ماسخنت السيارة
عُلا :هيا
ــــــــــــــ
ف حوشنا
الجرس يرن
مروه :من؟؟
عُلا :انا عُلا
مروه فتحت الباب :اهلين تفضلي لولي كيف حالك
عُلا :الحمد لله بخير شخباركم انتوا؟
مروه :تمام الحمد لله ، شن داير فيك الحمل
عُلا: الحمد لله في تعب
مروه :علي خير وسلامه يارب
عُلا :تسلميلي 😘
مروه :نوسه ف دارها من امبدري اتراجي فيك
عُلا :تو نركبلها
انا قاعده ف داري انوتي ف روحي الباب دق
انا :تفضل
عُلا :خييييير 😘
انا :حبيبييييي نورتي 😍
عُلا :تسلميلي
انا :تعالي قمعزي علي ما لبست
عُلا : باه
انا لبست فستان احمر قصير للركبه وفيه نفشه بسيطه وامصكر بشيفون شفاف ومنقوش بالاحمر ورفعت شعري ولبست اكسسوارات هادية مع ميك اب ناعم وشوز احمر عالي وطبعا عطر كوكو شانيل😍
انا :هئحم 🙈شن رايك 😊
عُلا : اتهبببببببببببلي😍
انا :جد ؟
عُلا : والله اتجنني 💕ذكرتيني بيوم خطوبتي
انا : اهااا من احلى الايام اللي عشناهن 😍تذكري كيف كنتي خايفه ومتوتره كيف العصفور المبلول 😂😂😂😂
عُلا :خزي عليك 😂😂😂😂تو انشوفك بعدين
انا :عاااااادي 😜
خشت مروه : مازلتي امطوله العرب جو راه تعالي انزلي
انا :هيا جايا
وضيفت نوسه ضيوفها وام يوسف وخواته  انعجبن بيها بكل 😍واتفقن وقعد الكلام مع الرجاله وطبعا عشان يوسف يعرفوا الشباب اكويس ع طول اتفقوا وحددوا يوم الدفع
#يتبع
❤