روايه
#راجل_بنت_خالتي (حقيقية)
الحلقة الاولى
للكاتبة : رواسي بحرالدين✨🎶
_بسم الله
خليني نعرفكم ع نفسي اسمي جوري راس بنيه بين بويا و امي
موصفاتي .. قصيرة بيضة وجهي دائرة و جسمي مليان و شعري اسود طووويل🙈❤ و حمدلله شاطره يعني من الاوائل و طبعي هاااادية و خجولة و نحسه عيب فيا لانه الشي هذا خلاني ضعيفة و ديما حقي مأكول
_بويا تجوز امي عن حب هي كانت قريبته من نفس القبيلة وحياتنا كانت عادية نفس حياة اي شخص
امي (ماجده) كانت مثال لربة المنزل يعني حوشها ديما نظيف و البخور فايح و مهتمه بنفسها مش مقصرة و طبخها الله يبارك ❤ و علمتني كل شي من الالف لل ياء
_و بويا(هيثم ) كان زي اي رب منزل يطلع من الفجر للخدمه و يرد ع الغداء و احيانا يطلع من الظهر و يرد ع العشاء ع حسب الفترة و حالتنا المادية كانت باهيه و حمدلله
_اما عني كنت البنت الوحيده يعني خذيت كل الحنان منهم و كنت طالبة مميزة حمدلله بسبب هدوئي مع الطالبات و الابلات بس كان عندي مشكله اني ضعيفة 💔 يعني مهما صار مستحيل نتكلم حتي لو كنت انا الصح كنت ديما ساكته 😔💔
نبدو قصتنا
جوري : في نهاية الثالثة اعدادي وقتها كان عمري 15 سنة مرضت امي و كنت انا يلي مهتمه بيها و احيانا تجي خالتي زمزم
ماجده: راقده ع السرير
جوري: صباح الخير يام هي نوضي افطري و خوذي دواك
ماجده: ربي يوفقك يابنتي
جوري: امين ... توا طالعه للمدرسة
ماجده:بيضة نشاءالله
جوري :تسلمي ☺ ... وطلعت كالعادة للمدرسة كانت خطوات عن الحوش مش بعيده هلبا
في المدرسة :-
صفاء (بنت خالتي زمزم):- ويش اخبار خالتي ماجده
جوري: والله زي ماخليتها مافيش تحسن 💔
صفاء:الله غالب يا جيجي ربي يشيفها
جوري : امين وين غادة (اختها)
صفاء: قاعده فرحانة بعريسها😹❤
جوري: هههه ربي يهنيها نشاءالله
صفاء: تسلمي و عقبالنا
جوري : ههه هو مزال صغار بس نشاءالله
صفاء: 🙏🙈❤
جوري: هيا الطابور
_و بدا الدوام ⏳عند البنات و كان جو حصص عادي ..... ومر الوقت ...
_نهاية الدوام ⌛
جوري: هي سلام
صفاء: تعالي نوصلوك
جوري: لالا صحيتي
صفاء: غير اركبي يابنت جاية غادة و راجلها
جوري: تي اهو الحوش خطوتين
صفاء: باهي براحتك
طلعت جوري ع رجليها .... و عدت صفاء للسيارة
_جوري: كانت وحيده شنطتها فوق ظهرها و كتاباتها في يديها و تمشي و تشوف للارض يعني شخصيتها توحي انها ماعندها ثقة في نفسها 😪
غادة: جوري يلي معاك ولا
صفاء: ايه
غادة ؛ وعلاش ماركبت ؟
صفاء: قالت الحوش قريب
غادة: عز الدين وقف عليها خلي نوصلوها
عز الدين : حاظر
عز الدين (زوج غادة)
شخصية بكل معني الكلمة🔥🔥🔥 و ملامحه الله يبارك جمال رباني خاصتا عيونه يلي كانن سووود و حزقيته واسعه ❤
تزوج غادة عن علاقة حب كانت زميتله في المكتب ✨
_جوري : كانت تمشي كالعادة وقفت جنبها سيارة خافت
عزو : نزل قزاز السيارة اركبي
جوري : ولا كلمة وحتي راسها ما رفعاته و مشت بسرعة
صفاء: اشح الهبلة 😹 نزلت قزازها السيارة كانت مظلمه ... جوري يا هلبة اركبي
جوري: لما سمعت صوت صفاء ضحكت ... وركبت معاهم
غادة: سلمت ع جوري .... مستاحشتك يا كلبة وينك
جوري: والله انا اكثر بس حال المدرسة و الحوش
غادة: ربي يوفقك
عزو: مد يده لجوري
جوري : سلمت بروس اصابعها
عزو: تنزرفز و ندم انه مد يده لانه مايحبش يلي يسلمن هكي 😐
غادة: هذي بنت خالتي ماجده جوري ،... جوري هذا زوزي😍😹 عزو
جوري:ههه تشرفت بيه وربي يهينك
غادة &عزو : تسلمي
عزو: طول الطريق يرفع في راسه و يشوف لجوري في لمرايا
... لعند وصلت للحوش
جوري:صحيتو . وسامحني خويا تعبتك
عزو: مافيها تعب
صفاء:بلاش قطاف يابنت و سلمي ع خالتي
جوري:يوصل ☺💗
...... نزلت جوري للحوش
السلام عليكم
هيثم: عليكم السلام
جوري:باست خد بوها و خشت للدار غيرت دبشها و طلعت حطت الغداء ع النار
وقعمزت جنب امها
ماجده: كان التعب واضح ع وجها
جوري:مسكت يدها و قعدت تهدرز معاها
و بعد وقت .... سقت جوري الغداء و قعدت توكل في امها
هيثم:مقعمز ع سفرة بروحه و يتافاف .... قصدي حناكل بروحي هكي زي الكلب
جوري:حشاك يا بويا 😨
هيثم: بعد السفرة عنه
ماجده: البنت توكل فيا معاش عندي حيل
جوري: نوكل امي و نجي نقعم معاك
هيثم: لا خلاص النيه طارت وخش للدار😏
ماجده: انغضت في قلبها .... بدل ما زوجها يوقف معاها و هي مريضة يزيد ع همها هم
جوري: توا انوض نرضية يام غير كولي
ماجده: النية انسدت يابنتي و دمعتها نزلت
جوري :رفعت السفرة و هي متكدره 💔 حطتها في المطبخ ... بعدها رفعت السفرة الثانية
دق دق
هيثم:ادخل
جوري :وفي يدها السفرة ...
هيثم: لو ع الغداء قتلك النية طارت طلعيها السفره
جوري : ...بس
هيثم: اشرلها بيده بمعني اطلعي 👋
جوري : طلعت و الدمعه في عينها روحت تعبانة تبي تتغداء و تتريح بس الهم و مرض امها ع قلبها غسلت لماعين و حتي هي ماقدرتش تاكل .. خشت لدارها تسطحت ع سريرها ورقدت
..... في العشية ☁
ماجده: يا جوري ياجوري
جوري: كانت كيف نايضة صلت العصر و تراجع في كتبها
ماجده: نبي الحمام يابنتي (اكرمكم الله)
جوري: رفعت امها و بدخلها في الحمام
هيثم: طلع يشوفلهم و واضح مترفز ..
دخلت جوري امها للحمام و دارت قهوه و قعمزت تهدرز معاها ع المدرسة و بنات خالها
و مر الوقت .....
ع سفرة العشاء
جوري: عشت امها بدري عشان تقعمز مع بوها
هيثم: مقعمز ياكل ... نبي نحكي معاكم في موضوع
جوري: احكي يا بويا نشاءالله خير
هيثم: هو خير الحق بس ...
ماجده: ماترعشني شن فيه
هيثم: نبي نزوج
جوري : عيونها تعبو دموع حطت الكشيك من يدها
ماجده: بغصة في قلبها .... حلال عليك يا هيثم 😔
هيثم: انصدم انه ماجده رضي ياخذ عليها
جوري: بس يا امي كيف تبي بويا ياخذ عليك
هيثم: بعصبيه امك راضية انتي خيرك ؟؟
جوري : ناضت كان امي راضية بضرة انا مش راضية بمرة اب ... وخشت لدارها تبكي 💔 اذكرت وقت بوها دار حادث و قعد طريح في لفراش لمدة شهور كيف امها صبرت عليه لين ربي شفاها و توا لما هي مرضت يبي ياخذ عليها 💔
ماجده "بصوت مكسور ": يا جوري تعاالي
هيثم: طلع من الحوش
جوري : مسحت دموعها و طلعت لامها
ماجده: تعالي قعمزي جنبي
جوري : قعمزت ....
ماجده: يابنتي انا حيلي انهد و انتي تعاني فيا انا و بوك 24 س و اهملتي قرايتك ، و بوك يبي مرا تهتم بيه اكثر و شرع الله حلل 4
جوري :بس انتي يا امي صبرتي عليه و اهتميتي بيه و توا تبي يجيب ضرة عليك ؟؟
ماجدة : اااااه يابنتي لو كنت قادره و بصحتي ما رضيتها .. بس ريتي الوضع سلم بنتي خلي بوك يعيش حياته و هذا حيخفف عليك حتي انتي
جوري : خلاص يام يلي تبيه حاظر
و مر يوم ....
و اثنين ....
و ثلاث ...
و الشي الغير متوقع يخش عليهم هيثم و .... يتبع
رأيكم في اول حلقة ؟ و الروايه هذي حنحكي فيها عن اكثر من قصة نشاءالله تعجبكم
❤