روايه
#راجل_بنت_خالتي
الحلقة 10
للكاتبة: رواسي بحرالدين 🐼✨🎶
عزو : ناض الصبح و كان حيله منهد و جروح انه يتيم و وحيده و حيخسر زوجته مأثرات فيه 💔
فتح باب الدار و مشى لدار لنوم لقى غادة توتي في دبشها طلع بدون ما تنتبهله
قعمز ع الصالون فتح تلفونه حظر اي بنت موجوده عنده و خش ع الاستوديو قعد يمسح في صورهن لعند وصل في صور جوري كانن صورتين وحده و هي طالعه من المدرسة و وحده وهي في المطبخ ضحك ع برائتها و قال : اااااه فعلا اني مش راجل يوم فكر نستغل بنت بريئه زيها 😪 و حط الصورتين في الخزنه
غادة: اني واتيه و كانت شنطه ع كتفها و الثانية في يدها
عزو: قرب منها خذا الشنطه يلي كانت في يدها و جا طالع
غادة: "مسكت يده" متاكد ؟؟
عزو: هذا يلي تبيه انتي و نفض يدها و طلع للسيارة
غادة: طلعت للسيارة و كانت عاطيه وجها للنافذة و كل ما تنزل منها دمعها يمسحها
عزو: بعد وقت وصل للحوش ....
_________________
و كملن البنات فطور ولصهن علي لمدرستهن وكان علي مش عاطي اي اهتمام لجوري في السيارة زي قبل لانه انزعج من كلامها امس الليل
علي: درس ع المدرسة ...
صفاء: نزلت
جوري: كانت حتنزل
علي: جوري اسمعي
جوري : نعم !!
علي:كلامك امس اكيد
جوري: اين كلام
علي: انك مش حتتزوجيني لعند تكملي دراستك
جوري : طبست راسها 😔
علي:احكي
جوري: انا نبيك لكن نبي نكمل دراسة الأول
علي : تمام . .
جوري : سكرت الباب ومشت للمدرسه
_______
عزو: فتح الباب و نزل حط شنطة غادة قدام الباب وعاود للسيارة بدون ولا كلمه
غادة:نزلت و دموعها ينزلو معاها خشت للحوش لقت خالتها ماجده في الصالة
ماجده: صباح الخير يابنتي وين عزالدين ماال
غادة: جت قعمزت ع الصالون مع خالتها وبدت تبكي 💔💔
ماجده:بسم الله يابنتي ماترعشيني شن فيه
غادة: "بشهقه" تعاركت معاه عزو يا خالتي 😭😭
ماجده: لا حول الله شن صار !!
زمزم: نازلة من الدروج .... جيتي يا بنتي وين عزو ... ولما قربت شافت دموعها كيف ينزلو... خيرك اللطف
غادة: ناضت حظنت امها .... عزو يا ماما سيبني 💔
زمزم: قعمزي قعمزي احكيلي شن صار
غادة : ........ و حكت كل شي صار
________________
روحن البنات ع رجليهن و كانن متوترات لانه الاحد امتحان
جوري&صفاء: السلام عليكم
الكل : عليكم السلام
صفاء: المدام غادة هنا .. وين عزو مال
زمزم: ارقي غيري دبشك توا نسخن الغداء و تعالي تغدي انتي و جوري سبقناكم نحن
جوري : تمام
صفاء: حست انه صاير شي بدلت و نزلت ..
لقت جوري سابقتها في المطبخ و زمزم تحطلهن في الغداء
زمزم: جيتي يا صفاء
صفاء: اها و قعمزت ع الطاولة جنب جوري
زمزم: حطت الغداء قدامهن ... اسمعن اختك تعاركت مع راجلها معاش تجيبن سيرته لعند ينحل الموضوع
جوري : انصدمت و هزت راسها بمعني ايه بس
صفاء: وعلاش تعاركو ؟
زمزم: ما دخلنا يا صفاء و خاصتا انتي ردبالك تفتحي الموضوع معاها ولا مع عزو
صفاء: حاظر ... وبدت تاكل
زمزم: طلعت
صفاء: بتتغدي ولا بتتفرجي عليا ؟
جوري: ااااه ... وجعتني غادة نشاءالله ينحل الموضوع
صفاء: ما ادوري هم يحبو بعض اكيده توا يجي يردها
جوري : نشاءالله
_____________________
زمزم: خشت ع علي في المربوعة... قلت تبيني
علي: اي قعمزي يام
زمزم: شن فيه نشاءالله خير
علي: بنحكي ع موضوع زواجي
زمزم: مش حكينا و الامور تمام
علي: لالا في شي ثاني
زمزم: باه احكي نسمعلك
علي: يام انا السنه هذي حنكمل الدورة يلي نقرا فيها و حنجي نستقر هنا و حوشي حنكمله
زمزم: تمام
علي: اول مايتم الحوش نبي نتزوج
زمزم: بس جوري مزال صغيرة ياولدي وتبي تكمل قرايتها
علي: هنا الموضوع اقنعيها ليا يام ولا اديري راي و نا مش معارض بعد الزواج تقرا و تخدم عادي
زمزم: خلاص تم نشاءالله ياولدي..... و خبراته زمزم شن صار مع غادة
_____________
عزو اااااه 💔 وضعه سيئ بكل 💔 وحيد و مكتئب💔 لا اهل لا زوجه لا اصدقاء 💔 كان من سريره للمطبخ و من المطبخ للسرير فقط 💔
أنت تقرأ
راجل بنت خالتي ( روايات ليبية )
Romanceضاهرة ( زنة المحارم ) و الأعياد بالله و تاتيرها في العائلات الليبية قصة حب محرمة 🔥 فما مصيرها ؟ للكاتبة : رواسي بحر الدين
