رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 11🔥
❤
انا :ماشاء الله لولي اتجنن ❤
مريم : اهاااا طالعه ملكه ربي يسعدها 💓 تعرفي كانت ديما تحكيلي عنك وعن تغييرلك لها
انا :ان شاء الله بس ما طلعتش فضايحنا 😂🙈😊
مريم :😂😂😂لالا اتخافيش
انا قاعده انبحت في مريم ولاحظت كل شي علمته لها عُلا فيها وسألتها : 😊احكيلي شن اللي غيراته فيك عُلا ؟
مريم بابتسامه خفيفه :امممممممم حاجات واجد اولهن
*علاقتي بربي* كنت بعيده عنه واااااجد وحياتي حايسه ،،*شخصيتي* ماكانش عندي شخصية مستقلة كنت مجرد انشوف وحده تعجبني شخصيتها انقلدها وانحاول انكون كيفها ونتصرف كيفها ،،، *تفكيري* كانت كل افكاري سلبيه بمعنى الكلمة ونظرتي الحياه سوداويه بحكم اني فاقده الام والاب 💔
*شكلي ولون بشرتي* ماكنتش راضيه عنهن لان الناس اتحب البنت البيضاء السمحه ونا سمراء وملامحي عاديه
*علاقتي بالناس*كنت نرضى الناس ع حساب نفسي وراحتي
كنت في صراع كبير لعند عرفت لولي وساعدتني نتغير وانغير من نفسي ،،علمتني كيف انظم وقتي و انقرب من ربي ونوصل للانوثه المتزنه وعلمتني ضرورة المطالعه والثقافه ونصنع سعادتي بنفسي ونحب نفسي وكل شي فيها ونهتم بيها ونكتفي بيها واتكون هي قبل كل شي،،،والحمد لله صح تعبت ف البداية لكن مع اصرار عُلا حققت التغيير اللي يرضيني💙
انا : وااضح فيك التغيير ،،كل شي تعلماته علماته لك ....
مريم : تعبت معايا واااجد وربي يسعدها كيف ماريحتني 💓
في الوقت هظا خش خالد
انا اندور في وشاحي :وشاحي وييين
مريم :وراك ع الكرسي
وخش خالد 💓💓
عُلا واقفه قدام خالد ومتحشمه 🙈
خالد يبحت فيها ومسك يدها : بحتي فيااا 😍
عُلا رفعت راسها جت عينها في عيون خالد وزاد خجلها: 😊
خالد :حلاليي 😍اتجنني
عُلا : تسلم🙈🙈
خالد ماسك يدها وباسها ع جبهتها :ربي يباركلي فيك 😘
عُلا :ويباركلي فيك 🙈
أم عُلا اتبحت فيها وتبكي : وحيدتي حتعوزني 😞😭
انا حضنتها وعيوني امدمعه من كثر فرحتي لعُلا : مش حتقعد ديما يااعميمه ادعيلها ربي يهنيها ويسعدها ❤
ـــــــ
انا خذيت فوني وصورتهم وهما طالعين ودزيتلها مسج : ربي يسعدك لولتي حنفقدك واااااجد لمااتسافري 😌💔
وعدا خالد وعُلا لشقتهم 😍
وكمل فرح لولي علي خير وكان خيااااال بكل وبعد روحت :
ماما :عُلا طلعت ماشاء الله والفرح كل حاجه حلوه العقبالك
انا :اهااا ربي يسعدها ويهنيها ،،،تسلميلي مامي 😘
ماما : نوضي دوشي وارقدي واعيه بدري وردحتي واجد ف الفرح 😒 و اكيد تعبانه
انا :ذايبة عليهم كبدي ذايبه علي بولحيه شايبه عليهم كبدي 💃💃💃👏🏻👏🏻👏🏻😂😂😂لنقااااني تعبانه ونعسانه هيا تصبحي ع خير 😘
ـــــ
ركبت لداري دوشت وجففت شعري تعطرت وعطرت سريري والدار وصليت ركعتين وقريت اذكاري وجيت بنرقد حسيت بشي يقولي شوفي صفحة محمد،،،فتحت الفيس وفتحت صفحه محمد
انا : 😳😳لأااا،،امتى صار هظا 💔شن صار فيه هو
لقيته اون لاين دزيتله مسج
الحمد لله ع سلامتك
محمد :الله يسلمك
انا :ليش ماقتلي انك داير حادث
محمد : مانبيش نشغلك بس
انا :امتى درته ؟؟
محمد :امس ونا امروح من مستشفى اجدابيا
انا :مو قلنا بلاش منه مستشفى اجدابيا ماسمعتش الكلام الانسانيه امقطعه روحها عندك 😒
محمد :هههه شغلي هظا والطريق متعود عليها امغير امس طالع امصدع ونعسان
انا :باه سألتك بالله انت مافيك شي😞؟؟
محمد :لا الحمد لله جتني سليمه اما السياره تاخذ سوك
انا :المهم انت بخير الحديد يتعوض 😊
محمد : نوسه
انا :نعممم
محمد :خايفه عليا؟؟
انا :اهااا لالا 😂😂🙈
محمد :😂يامجرمه 😍
انا :هئحم 🙈🙈
محمد :نوستي شكرا واجد
انا :علي شنو 🤔
محمد :علي كل شي
انا :انا مادرتش شي 😕
محمد :انتي درتي اللي ما حد قدر يديره 😍
قوليلي اليوم فرح عُلا صح
انا : يس وكان حلو بكل😍العقبالك
محمد :تسلمي 💔والعقبالك
انا:تسلم 😊
محمد :تبيش تقنعي امك ؟ الوالده تبيني نجوز قريبتها 💔
انا :كم مرة انقولك خليها ع ربك حاولت مرتين ما صار شي ،،،
محمد :ونعم بالله
انا :لو البنت اكويسه تجوزها ليش لا
محمد :نوووووسه😡انا نبيك انتي ،،،انتي عارفه انا انحب من وقلبي مع من،،، نجوزها ونظلمها معايا ليش؟
انا :ليش تظلمها معاك 😕؟؟ممكن اتكون خير مني
محمد :انا قتلك نبي خير منك؟؟
انا : لأ 😞
محمد :خلاص معناها افهميني
انا :ماهو مااتوفقش حياتك عليا راه كلها نصيب واللي كاتبه ربي هو اللي حيصير غصب عن اي حد 👌
محمد :انتي مش هامك الموضوع اصلا ولا متمسكه بيا كيف ماانا متمسك بيك
انا ضايقني كلام محمد : 💔😞مش حتفهمني اسفه مانقدرش نسكن لماما ونضغط عليها اتوافق وهي مش راضيه،،،تصبح ع خير
وصبيت توضيت وصليت ودعيت ربي يسخرلي الخير وقعدت نستغفر لعند رقدت
ــــــ
عند عبد الله
مروه :نجك ليا نوسه اليوم طالعه مميزه و اتهبل في فرح عُلا 😍ان شاء الله ربي يسخرلها ونفرحوا بيها
عبدو :من يومها مميزه حتى بين خواتها ،،،ان شاء الله
مروه :عبدو قولي
عبدو :شنوو
مروه : الشاب اللي اشتغله عبد الرحمن الضي هو نفسه الدكتور اللي كان يمر ع عمي الله يرحمه
عبدو :اهااا
مروه :اهاااا اممممبه
عبدو :كنك 😕
مروه :نسأل بس
عبدو :سؤال هكي لله؟؟
مروه :😂😂اهاا
عبدو : اممبه 😕
ولدك رقد عدي حطيه ف سريره لعند امتى بتقعدي امحضنه عليه ؟؟
مروه :😂😂وانت شن واجعك
عبدو :حسيتك امدلعه عيالك وناسيتني
مروه باساته ع خده: معقوله ننساك انت هو في حد ينسى روحه 😘تي انحبك 😘
عبدو : تي نعشقك 😘😘
بعد اسبوعين
محمد : انتي اصلا من الاول راخيه الموضوع وانا مليت كل مرة فاتحينلي موضوع البنت وانتي مش حاسه ولا امفكره انك اتديري شي عشاني 💔
انا :باه انا اللي رايخه ومتنازله ومش حاسه بيك ،،،حاجه اخرى؟
محمد :شفتي كيف تحكي؟حتى مابررتيش موقفك
انا زعلني كلامه وبعصبيه :انت عارفني ماانبرر شي لحد ،، وتكلمت وفهمتك كم مره وانت مش مقتنع شن بنديرلك؟ مافيش داعي اتعب روحك عشاني ولااتعب امك وراك اسمع كلامها واخطب البنت لو اتحبني جد اخطبها وتجوز وربي يسهلك اماانا قلتها لك من قبل مانضغطش ع ماما عشان اتوافق ع شي هي ماتبيشي ✋شوف حياتك بيا بلايا اتعيش مافي حد يموت ع فراق حد👌
محمد : بس انا انحبك انتي وانتي اتحبيني
انا :انت اتحبني هظا شي يرجعلك اما انا مافيش ف مره قتلك انحبك كل اللي صار هو اعجاب بس اما الحب كنت امخليته بعد الزواج عشان حسبت حساب يوم كيف هظا
محمد : ماقلتيش بس تصرفاتك قالت 😞💔وبعدين كنك تحكي هكي 💔
انا :شوف روحك و كلامك وياريت التواصل بيننا ينقطع وربي يسخر لك اللي فيه خير
محمد : يعني هك كل شي ينتهي بالساهل
انا :نحنا مافي بيننا شي عشان ينتهي بالساهل
محمد :اخر كلام ؟؟
انا :اها
محمد :ديري بالك من روحك ،،سلام
انا :سلام
ــــــــ
بعد اربع شهور من زواج عُلا
انا :لولتي
عُلا: هارتي 😍
انا :عندي لك خبر 😍
عُلا :حتى نا 🙈
انا :امممممبه قولي
عُلا :لالا قولي انتي قبل
انا :اجتزت امتحان القبول ف الدراسات 😍
عُلا :الف مبرووووك يا قلبي ربي يوفقك وانشوفك ف المكان اللي تتمنيه
انا :امييين يااارب،،توا قوليلي انتي؟
عُلا :اممممممم صكرت شهرين وخشيت الثالث 🙈🙈
انا :ناعلياااااا بتجيبلي بيبي نلعب ع اشدوقه 😂😂😂مبروك يا قلبي ربي يكملك ع خير 😍واتجيبيها بنوته سمحه كيفي 😍😂😂😂
عُلا :تسلميلي 🙈🙈ان شاء الله اتكون كيفك في الشكل والتفكير والشخصيه ف اللسان لاااا 😂😂😂
انا :اخسسسس 🌚
عُلا :😂😂😂😂
اسكتي جايتني ع خالد من طايقته بكل 💔😞
انا :اسملاااا ع الراجل هي من قبل يابال تتوحم😒
عُلا : معش حكيتي مع محمد؟
انا : لأ وليش بنحكي معاه خلاص انتهينا قبل مانبدوا
عُلا :يعوينك بقلبك اما انتي
انا :ههههههه كنه قلبي !؟
عُلا :كيف جاتك القوه تحكي معاه بقسوه واتطلعيه من حياتك
انا : انتي قلتيها *حياتك* هي حياتي يعني تحت ارادتي ،،محمد هو اللي خلاني نحكي معاه هكي
عُلا :هو يحبك ومتمسك بيك
انا : عارفته 😞وعشان هك كان لازم ايشوف حياته مستحيل انخليه ايضحي بحلمه عشاني
عُلا :يعني انتي درتي هك عشانه هو و عشان مستقبله ف الدراسات ؟
انا :اهاا 😞
عُلا :باه ليش مااتفهميه احسن ما يبقى شايل منك
انا :هو فاهم امصكر راسه ع رايه ،،محمد عنيد انتي ماتعرفيشي
عُلا :ربي يسخرلكم الخير 💓
انا :تؤ خليني فيك لو جبتي بنوته شن حتسميها 😍
عُلا :عليك المستعجله 😂😂😂نعرفش مازلت ما فكرت بكل ف الاسم
انا : 😂😂😂😂مستعجله بكل و نبي انشوفها لمن تشبه
عُلا : اكيد لخالد 😍
انا :والله 😒؟عندك خالد واحد ساد نبيها تشبهني 😍افتحي ع صوري ديما وتأمليني 🙈🙊
عُلا :😂😂😂تهيالك
انا : 💦💦💦😒هيا وجك
عُلا : سلميلي ع اعميمه وميرو 😘
انا :يووووصل ،،تشاااو
عُلا :تشاو ❤
صكرت من عُلا :ييييه نسيت مناقشة فردوس بعد بكرا خليني ننزل لماما انقوللها
انا :ماااامي
ماما :ابنيتي الشطوره😍
انا :انا 🙊🙈
ماما :حلوه واموره 😘
انا تعنقتها :اناااا 🙈🙈
ماما :كنك شن تبي
انا :انننننننحبك انا 😘
ماما :بدت ف جو القطاطيس السياميه😂😂😂😂عارفه ماقلتيش شي جديد قولي شن تبي ؟
انا :ميوووو 🙈صاحبتي فردوس مناقشتها بعد بكرا في 1200وتبيني انكون معاها 🙊🙈انعدي؟؟
ماما :صحباتك مش تخرجن😕😕
انا :لا يامامي هذي معهد مش جامعه
ماما :اممممبه عدي
ــــــــ
في الليل وصلني مسج
محمد :كيف حالك ؟
انا :بخير وانت ؟
محمد :تمام ،،،قوليلي مبرووك
انا :ع شنو ؟؟
محمد :خطبت من فترة
انا حسيت بنغزه ف قلبي كاني خسرت محمد : مبروك ربي يهنيك
محمد :الله يبارك فيك ،،العقبالك
انا :تسلم
محمد :تريحتي توا ؟
انا حاولت ماانبينش :اهااااا 😊
محمد :مازلتي اتكابري
انا :لا ابدا عادي ،،،بس ياريت معش تراسلني احتراما لخطيبتك
محمد :ولا حتى مره مره 😞💔؟
انا :لالا 😊
محمد :اوك براحتك
انا :اكيد براحتي ،،،باي 🌸
صكرت نت ونضت صليت ودعيت ربي يعوضني خير ودعيت لمحمد ،،،وكتبت كل شي ضايقني ف روقه وحرقتها تريحت اشويه ،،،مارست تمرين التسامح مع الذات تريحت اكثر ورقدت ونا متاكده ربي حيسخرلي الافضل 🌸
ــــــــ
يوم مناقشة فردوس
ماما خشت فتحت الروشن :نوسه نوضي
انا :مامااااحرام عليك رقدت بعد الفجر طول الليل نقرا خليني نرقد شبعتش نوم😭
ماما :نوضي مش عندك مناقشة
انا نضت:حي صاااح 😳باه اللي ذكرتيني
ماما :باه نوضي صحصحي ووتي روحك علي ما درتلك فطورك
انا :😘حاضر
ماما :دويتي لعبدو بيش يشيلك؟
انا :اهااا من امس
ماما نزلت اتجهزلي فطوري ونا نضت خذيت شاور وجففت شعري وجهزت نفسي ونزلت🙈
ماما :بسم الله كنك ع الاسود كله 😳
انا : شن رايك حلو صح؟
ماما :حلو بس ليش يابنتي كله اسود ،،،كنتي لبستي وشاحك الازرق ملكي حلو بكل عليك والساعه البيضاء حلوه
انا :عشان الاسود يليق بي 🙈🙊😌
ماما :هههههه نجك ليا انتي وتواضعك
خش عبدو :من المتواضع 🤔
انا :انا انا meeee 😌
عبدو :متأكده 😕؟
انا :يسسسس ،،،عندك مانع؟؟
عبدو :لاه ابدا
انا :نحسابك بس 😌
عبدو :هيا اطلعي قدامي ورايا شغل
انا :هيااا،،،،باي يامامااا
ماما :في امان الله
ــــــــ
في الطريق شفت اب ماشي هو وبنته صغيرونه ولما وصلوا للطريق رفعها وقطعوا الطريق في اللحظه هذي تذكرت بابا 💔كيف كان يديرلي في نفس الحركه وكيف كنت نتعنق فيه بالقوة واناامغمضه عيوني عشان خايفه من السيارات
عبدو :نوسه نووووسه
انا :نعم
عبدو : وين سارحه ؟كنك تبكي؟
انا :انا نبكي؟؟لااه
عبدو :والدموع هذين دموع تماسيح معناها🤣
انا مسحت خدي لقيت دموعي مازله :يابارد استاحشت بابا 💔
عبدو :الله يرحمه ويغفرله
انا :يااااارب 💔
ـــــــ
في المستشفى
فردوس :نوستييييي صباحوو
انا بابتسامه :صباح الورد 😊
فردوس :الاسود جاي عليك خيال 😍
انا :ناعليااا 🙊🙈
فردوس : نوستي حسني خايفه محتاجه منك بوسيتيف انيرجي 💓
انا :حبيبة قلبي مافيش داعي للخوف انتي قدها وان شاء الله حتعدي مناقشتك ع خير خليك واثقه من نفسك وتوكلي ع ربك بس 😉
فردوس :نوستيييييي😍
انا : تي كنك 😳
فردوس :بحتي شوفي اللي مع دكتور منصور 😍
انا :وويييين؟؟؟
والتفتت شفت شاب طويل وابيض وملامحه سووود وشعره اسود واضح عليه الرقي والوقار عجبني بكل بكل
فردوس: تي كنه سمح هكي 😍
انا :ماشاء الله تبارك الرحمن
فردوس :زعمه من هو🤔
انا :😒وين نندري عنه نا هيا لمناقشتك
فردوس :بعد المناقشه حنسأل عليه صابرين اكيد تعرف
انا :جذبني ماشفت مثله قلب عقلي عقل طفلة صرت اتبع اثر رجله وابوسه 😘😘هذي اللي كانت خايفه من المناقشه 😒
فردوس :سيييمح ياانتي 😂😂😂😂
ــــــــ
بعد المناقشه
فردوس :الحمد لله 😍اخيرا هم وانزاح 😂😂😂شكرا نوستي ع وقفتك امعايا 😘
انا :العفو يا قلبي ربي يوفقك 🌸
فردوس:توا تعالي بنسال صابرين ع السمح هظك 😍
انا :ههههههههه مستحيل تعقلي
فردوس اترن ع صابرين: الووو نونااا كيف حالك
صابرين :تمام وانتي
فردوس :قتلك يانونا في شاب كان مع دكتور منصور امبدري من هو 😁
صابرين :اهاااا هظا دكتور يوسف ،،ماليش فتره جاي لبنغازي كان برا
فردوس :تمااام بكل هيا وجك 😂😂😂
صابرين :تافهه 😂😂😂
فردوس صكرت من صابرين :ياحنه اسمه يوسف كان عايش برا وماليش فترة امروح
انا :امممم يووووسف،،،حلو اسمه 💓
انا :باه نا بنكلم عبدو ايجي ايروح بيا
فردوس : امممبه ،،،سامحيني تعبتك معايا 😘
انا :لالا مافيش تعب
وكلمت عبدو ولا روح بيا
ـــــــــــ
في الحوش
مروه :شن جو مناقشه صاحبتك
انا :تمام بكل الحمد لاه عدت ع خير
مروه :ماشفتيش محمد ؟؟
انا :لأ 😞
مروه :غريبه 😕
انا :محمد خطب يا ميرو
مروه :😳احلفي
انا :والله
مروه :مش كان يبيك
انا : اها بس نا ساكنتله من جهه وامه ساكنتله من جهه
مروه :اهااا 💔مو انتي حماره يانوسه
انا :تؤ خليكي من محمد تعالي نحكيلك شفتلك اليوم واحد سمح طايح من سطل سماحه 😂😂😂اسمه يوسف وهو يوسف يا ميرو 😍
مروه :هالله هالله كرشنا ولا كيف 😂😂😂
انا :😂😂😂شكلي هك،،نحكي جد والله اول مره نسرح ف حد هك 😍سبحان الله حسيته كيف ما انا نبيه بالضبط 🙊🙈
مروه : باه طيحيه 😉
انا :انتي عارفتني مش تاعت الجو هظا
مروه :باه شن بتديري ؟؟
انا :شي ،،،انا توا بنركز ع الماستر وبس 😊
مروه : مااتمليش من القرايا انتي ؟
انا :ابدا عندي حلم ونبي انحقيقه 😍
مروه : ربي يوفقك وانشوفك امحققه حلمك
انا :أمييييين
#يتبع