رواية #انا_قبل_كل_شي
( حقيقة ممزوجة بلواقع )
للكاتبة #جوري_زايد
الرواية بلهجة الليبية
حلقة 10🔥
❤
بعد مرور سنه....
عُلا :يانوستي وينك كنك طولتي 😒
انا :في بداية الشارع افتحي الباب 🤭
عُلا :اكذبي غيرها معش تمشي عليا كذبتك هذي 😒
انا :😂😂😂هذي بصارة مش كذب ،هيا عشر دقايق وانكون عندك 😘
عُلا :باه متطوليش ورانا عرم حاجات 😍
انا :حاااااضرين ....
صكرت من عُلا ونزلت لماما
انا :مامي 😊
ماما :نعم
انا :انتي عارفه ان فرح لولي قرب 😍وتبيني نطلع معاها للسوق انكملوا باقي الدبش انعديلها ؟؟
ماما بحتت فيا : امممممم
عدي
انا بستها ع خدها : ربي يخليك ليااا 😍😘
ــــــــــ
عند عُلا
انا :ياخيه ربي يتمملك ع خير ويسعدك ويهنيك 😘😘
عُلا :تسلميلي ياقلبي 🙊🙈العقبالك 😍
انا :تسلمي 🌸
خلينا انشوفوا شن ناقصك توا عشان انجيبوه مرة وحده وبكرا انغلفوا الدبش 💓
عُلا :مش مازاللنا واجد حاجه الحوش جبناها كلها مازال دبشي انا بس وصممت كم حاجه 🙈🙊
انا :تمام حنوعوا بين اللبس والاقمشه والالوان حتكون بناتيه وملكيه وفيها دانتيل وحرير ولازم من فيونكات شعر والمانيكير ومستلزمات العنايه بالجسم والشعر
عُلا :تمام بكل
انا :باه هي صبي عشان مافيش وقت والليل يليل بسرعه
عُلا قمعزت ع سريرها:تعرفي يانوستي 😞
انا قعدت جنبها :شنو ؟كنك زعلانه؟
عُلا :علي قد ما نا فرحانه بزواجي من شاب من خيرة الشباب علي قد ما انا زعلانه ع هند بنت اعميمه 💔
انا :كنها ؟؟
عُلا : فرحها بعدي بشهر ويومتها تحكيلنا قالت لماما خايفه ماتطلعش حاجة سمحة وتنحرج قدام الناس وهي مااتحبش حاجه تنقصها
انا :باه وامك شن قالتلها ؟؟
عُلا :ماما طمنتها و قالتلها ماتخافيش انا معاك ومافي شي ينقصك وباتك وخوتك وعمك مستحيل يواطو راسك
انا :باه تمام بكل ،انتي شن امزعلك توا ؟؟
عُلا : مرات عمي قالت ما اديرو شي في حوشي،ع اساس الفيله السمحه اللي خايفه عليها😒 وماما قالت تعالو عندي ،لو كانت امها عايشه كانت ماخلتها تستحق لحد💔
انا :ربي يسعدها ويهنيها
سلم هلك وباتها حيمشي الفرح كيف ماتبيه وربي حيجبر بخاطرها 😍
هياااا عاد مش وقت زعل ،صبي البسي هيا 😘
عُلا :هي نلبس عبايتي وجايتك
وطلعت نا ولولي للسوق وجبنا كل شي ناقصها وروحنا
انا طحت ع سرير لولي :ااااه ياكرعياااا يوجعن فيا 😭😭ناس تتعرس وناس تتهرس 😒💔
عُلا تضحك :😂😂😂 والله ياحنه هذي الصحبه تحسابي الصحبه ساهله 😏
انا :لاااااه من قالها 😒
عُلا :سامحيني تعبتك امعايا 🙈🙊ربي يخليك ليا ويفرحني بيك عاجلا انتي ومحمد 😍🔥
انا عزقت فيها المخده: 😒😒
عُلا :تي كنك 😳
انا :شي 😒ماضيفتونيش و ريقي ناشف💔 شي عليك عيلة قرقاضه 🤦♀
عُلا :😂😂😂😂 التظييف للضيوف بس وانتي من اهل الحوش 😍اصبري انغير دبشي وانعدوا للمطبخ اتعبي التنك😂😂😂😂💔
انا :انبصر يابارده👊امغير خلي محمد ف حاله
عُلا :😏 عليا نااااااا؟
انا :لأا لأا 🙊🙈
عُلا :هيا تعالي اندير حاجه ناكلوها حسني جعانه وبعدها يبدوا تغليف
انا : ريتوا كيف تحكي تحسابني بنقلة حوشهم 😂انا تعبت التغليف بكرا
عُلا :😂😂😂😂 الله غالب تحمليني وخلاص
ــــــــ
في حوشنا
عبد الرحمن : غريبه !!نوسه وين ماعندهاش حس👀
ماما :عند صحبتها اتوتي لفرحها
عبد الرحمن :اهااا...الحوش امسكت بدونها
ماما :بسليمتها دايره جو فيه
وهما يحكو انا خشيت
انا :👀خييييير عليكم
ماما :خير ومرحبا
انا :انت هناااا
عبد الرحمن :لاغادي 😑
انا :😂😂😂عيلة سامطه مافيهاش جو بكل
ماما: شن جو عند صاحبتك ؟
انا :تماااام بكل 😍كل شي خذيناه ايجنن😍بكرا بنعدي انغلفوا الدبش
ونحنا نحكو رن فون عبد الرحمن
عبد الرحمن : هاه يا حاج
احمد :وين قاعد ياطير ؟
عبد الرحمن :في الحوش عند امي كنك
احمد :الدكتور اللي كان يمر ع حالة باتك الله يرحمه تذكره؟
عبد الرحمن :اهااا كنه ؟
احمد : عنده شغل ضي، تشتغله ؟
عبد الرحمن :اممممم بكرا ماسك ف المركز لو حصلت فرصه حاضر
احمد :خلاص اتجينا ف المستشفى وتتفقوا
عبدالرحمن :تم
هيا وجك
ماما :من ؟
عبد الرحمن :هظا احمد قال ف واحد عنده ضي يبي يشتغله ويبيني انشوفه له
ماما :اهاااا ومش لازم اتعدي بكرا ،بكرا عندك مركز
عبد الرحمن :ياامي هظا الدكتور اللي كان يمر ع حالة باتي الله يرحمه والحق ماقصرش الراجل في شي
ماما :خلاص دير اللي اتشوفه صح
انا سمعت كلام ماني ع طول عرفته محمد ❤خذيت عبايتي وركبت نجري
ماما :كنك 😳
انا :لا شي بندوش وانصلي العشاء قبل ماانكسل وركبت لداري رنيت ع مروه
انا :ميروووو عبد الله قاعد ؟
مروه : لالا كنك ؟
انا :تو انجي نحكيلك
مروه :باه
انا غيرت دبشي وركبت لمروه :تعرفي ماني بيشتغل ضي لمن ؟
مروه :من 🤔؟
انا :محمد 😍🙈
مروه :قصدك اللي خطبك واعميمه رفضت ؟؟
انا :يب
مروه :عنماااااااا شن لمهم ع بعضهم😳
انا :مو هو يشتغل في 1200 واحمد صاحب ماني يشتغل ف 1200 شكله داويله
مروه :وانتي كيف عرفتي انه هو مرات دكتور اخر
انا :تي هو اللي كان يمر ع بابا قالها ليااا اصلا
مروه :امممممممم تمام
تو اندير حل 😉😊
انا :شن بتديري 😳
مروه :مش شورك
ــــــ
عند محمد
محمد :خلاص ياامي قتلك موضوع هظا امطلعه من راسي وماعنديش له وقت
امه :انت كنك امصكرها شوف البنت قبل وبعدين قرر
محمد :مانبيش انشوفها ربي يسهللها ويسخرلها نصيبها وفوووووتي الموضوع
امه :ربي يهديك وخلاص
سلوى :يا ماما خليه بالك في وحده ف باله
محمد يبحت ف سلوى ورافع حاجبه: والله؟😒😒
سلوى تضحك : والله الله😁
ـــــــ
ثاني يوم ف المستشفى
عبد الرحمن سلم ع احمد ومحمد : السلام عليكم
محمد واحمد :وعليك السلام
عبد الرحمن :كيف حالك دكتور
محمد :بخير ونعمه
احمد :ياطيري دكتور محمد قال عنده شغل ضي في شقه ويبي واحد اكويس ونا مالقيت غيرك
عبد الرحمن :😂😂😂😂امنور ع جو الدعايات
احمد :😂😂واطي من يومك
عبد الرحمن :لو شغل ضروري عطيني للعشيه نطلع من المركز وانجيك
محمد :لا مش ضروري واجد عادي يراجي
عبد الرحمن :خلاص بكرا ان شاء الله بس عطيني رقمك عشان توصفلي المكان
محمد :تم ،خوذ عندك *********
ـــــــــــــ
عند عُلا انغلفوا ف الدبش 🌸
عُلا : نوستي كيف انقوي اسلوبي ف الاقناع؟ انحسك عندك اسلوب اقناع قوي 😍عُلا : نوستي كيف انقوي اسلوبي ف الاقناع؟ انحسك عندك اسلوب اقناع قوي 😍نبي ايكون عندي اسلوب قوي عشان يفيدني مع خالد لقدام 🙊🙈
انا : في كتب تحكي عن فن الاقناع اقريها حتتعلمي و تستفيدي
عُلا :نبي اتعلميني انتي 😒
انا :😂😂😂😂انا من صغري اسلوبي قوي ف الاقناع لما كبرت صقلته
عُلا :كييييف؟
انا :لما بتقنعي حد بشي افهمي شخصيته هل هي عاطفيه او منطقيه ،ان كانت عاطفيه حاولي تحكي باسلوب يلمس عواطفه وتمدحي فيه وفي الموضوع وركزي ع تعابير وجهك رد بالك اتكون حاده اما الشخصيه المنطقيه خلي كلامك كله منطقي وركزي ع عيونه كأنه تحكي مع عقله وخليك جديه اشوي والاهم تكلمي بثقه ف نفسك و كلامك ،ممكن ف الاول مش حيبدي اي اقتناع بكلامك لكن مع الوقت حيقتنع المهم اتبعدي عن السكناااااااااان والعصبيه 👌
عُلا :تمااام بكل 😍
وقعدنا انهدرزوا لعند كملنا تغليف
انا زغرتت :كملنااااااا 😍طيب فينا 😂ربي يتمملك ع خير 😘
عُلا : انردوهلك ف الافراح 😂تسلميلي 😘
انا :خلاص مازال كم يوم افضي لروحك
عُلا :تعرفي احسن شي اني مهتمه بنفسي لو هك كنت توا قاعده انعاني ماسكات وسريب 😂😂😂😂🙈
انا : بيش تعرفي بس ،،توا كثري شرب اميه وترطيب لبشرتك وكملي ع جدول عنايه تاعك
عُلا :حاضر 🙈🙊😍
قبل الفرح باسبوع ....
فون عُلا يرن
انا :يالولي فونك يرن
عُلا : اشويه تو انجي،شوفيلي من يرن؟
خااالد؟
انا :هابا علي خالد اللي خذا العقل 😒
وشفت المتصل: لالا رقم بدون اسم
عُلا جت شافت الرقم: عرفتاش 😕
خلاص وقف !
انا :شوفيه ف الكاشف
عُلا : اصبري اشوي ،،،،،،ماطلعش !!
انا :خليه يرن لين يدهش
عُلا :هي هذي
خطرها نوستي تذكري البنت اللي حكيتلك عنها من قبل ؟؟
انا :امممممم ذكريني !؟
عُلا :مازال بدري ع الزهايمر 😒
انا :😂😂😂 تي خلاص هرمنا
عُلا :البنت اللي قتلك تبي تتغير 😍
انا :اهااااا ،كنها ؟
عُلا :اممممم ولا انقولك خلاص لما اتشوفيها حتعرفي 🙈🙊
انا :😒لنقانك صامطه
عُلا :😂😂😂عشان صاحبتك 😒
انا :باه نا وين بنشوفها ؟؟
عُلا :حتجي تحظر الفرح عزمتها 🙈
انا : اوووكي في الفرح في الفرح ومالو 🤷🏻♀
وفي الوقت هظا جا مسج لـ عُلا ..
المرسل :عُلا ردي عليا نبيك ضروري
عُلا :😕 تي من هظا؟
انا :بماانه جا مسج باسمك معناها حد يعرفك
عُلا :اول مرة نعرفها اتصدقي 🤦♀
انا : 😂😂😂😂بطولة عمرك ياحنه
عُلا :رد ايرن
انا :افتحي وماتتكلمي شوفي من او حطيه ف الرفض
عُلا فتحت بدون ماتتكلم..
المتصل :الووو عُلا كيف حالك 💔
عُلا :😳😳
انا :كنك 😳
عُلا غطت الفون بيدها وبصوت واطي:ايييمن 😳شفرتي غيرتها من وين جاب رقمي توا
انا :ردي شوفيه شن يبي 😏
عُلا :نوسه 😳
انا :رديييي
عُلا خذت نفس وردت :ايوه من امعايا ؟
ايمن :معقولة نسيتيني ؟
عُلا :هو انا نعرفك اصلا عشان ننساك؟ من امعايا ؟
ايمن :ايمن يا عُلا 💔😞
عُلا :اهااااا هو انت ؟؟
مازلت عايش قصدك؟
ايمن : عايش ومش عايش 💔سمعت ان فرحك قريب مبروك
عُلا : تمام يا عمرو دياب تفضل شن تبي ؟
انا انبحت فيها وميته ضحك 😂😂😂
عُلا نغزتني ف جنبي بصوت واطي: بطلي 😑
ايمن :هازيه؟؟
عُلا :حاشا لله ،،تفضل شن تبي؟؟
ايمن :نبيك اترديلي
عُلا تضحك بصوت عالي :انااااا انردلك انت؟؟ وخالد حبيبي ؟؟
ايمن:ضحكتك محلوه ❤انتي ماعندكش حبيب غيري انا عارف،،خالد سيبيه ورديلي نبيك انا وربي ما شفت خير بعدك
عُلا :😂😂😂😂 ماعنديش حبيب غير خالد وبعد ايام حيكون حبيبي وزوجي وحياتي كلها 😍 عُلا اللي تعرفها ماتت يا ايمن 😏وعُلا اللي توا عندها *نفسها قبل كل شي* ولو حد تعدى حدوده معاها تعفس عليه حتى لو كان لغم 👌
ايمن : تغيرتي واجد 💔
عُلا :للاحسن ولله الحمد
،،،، بس قولي عشيقاتك وين واللي كنت اتخون فيا معاهن ؟؟
ايمن :تي كلهن فاسدات وكذابات
عُلا :😂😂قالها العبد الصالح 😒 ماتحكيش ع بنات الناس هك را عندك خوات 👌
ايمن :خواتي مش هكي نا
عُلا :اللي درته السبت لقيته الاحد يا ايمن 😏ربك مايظلم حد 👌وياريت معش تتصل بيا ولااتفكر فيا عشان خالد حبيبي مايزعلش
ايمن :عارفك تستفزي فيا 💔
عُلا :ابدا 😌
ايمن :مااتخلينيش اندمك وانخرب عليك عارفتني جو هظا ماانحباش
عُلا :هههههه انعنك ماحبيت و شن تبي اتدير؟؟
ايمن :تو تعرفي بعدين 👌
عُلا :مش نا اللي تتهدد يا باشا ولعلمك حكيت لخالد عن علاقتي بيك وقاللي مايهمنيش اللي عدا دابنك ماطلعتيش معاه او صار بينكم شي غلط،،،،
ايمن :عُلاااا مااتعصبينيش
عُلا :مااتعصبش اطربق 😌هيا وجك 😒
وصكرت عُلا الخط وحطاته ف الرفض
انا :اووووف درتي لسان 😍
عُلا : صدقتي لما كنتي مش قابلتيه
انا :كنت ومازلت مانقبله
كائن #مقرف بمعنى الكلمة مش عارفه كيف كنتي اتحبيه😷
عُلا :😂😂😂كنت سكرانه
انا :هظا الباين
ـــــــــــ
عند ايمن
مراد :كنك ماد وجك؟؟
ايمن : مضايق
مراد :من شنو؟؟
ايمن :عُلا فرحها قريب 💔
مراد :😕باه وشن خطرها مش عدت في حالها
ايمن :كلمتها اليوم مش عُلا اللي نعرفها قبل ،،اللي حكت معايا انسانه شخصيتها قوية ومش هامها الا نفسها
مراد : 😕 وانت عليش زعلان اللي خلقها خلق غيرها!!
ايمن :تي شن تحكي انت عُلا الوحيده اللي حبتني جد ومشت معايا ف السليم ونا ما كنت حاس بيها وخنتها وتوا حقها ياخذ فيه ربي لها ،،،هي واضح انها متريحه مع خطيبها وانا البنت اللي خطبتها طلعت امتاعت وجيج وحياتي خشت في بعضها ومعش قدمت في شي 💔لنقاني ظلمتها يا صاحبي
مراد : درس تعلمته معش تلعب بمشاعر بنات الناس
ايمن :ايواالله 💔
ـــــــــ
يوم الفرح
ماما : سقدي روحك البنت اكيد اتراجي فيك من امبدري😒
انا :حااااظر،،شوفيلي ما نسيت شي ؟؟
ماما :وين نندري عنك نا!؟
انا جيت طالعه بستها ع خدها :😘 راك اتطولي بعدين
ماما : باه ردي بالك من روحك
انا : حااظر
ــــــ
عند عُلا
عُلا :طيب فيا اللي جيتي 😒
انا :😂😂اسفه كنت انلم ف قشاشي
عُلا : باه هيا عشان تأخرنا ع المزين
انا : انمكيجك نا خير لك 😏؟؟
عُلا : ليش لا 😍
انا :في فرحك 😒 هيا اطلعي قدامي
عُلا :مو اليوم فرحي 😌🙊🙈
انا :معناها في جيابك 😁
عُلا :💦💦💦😒
ام عُلا :يا بنات عزو من امبدري يراجي فيكنام عُلا :يا بنات عزو من امبدري يراجي فيكن
عُلا :هيا يا ماما جايه
وطلعنا للمزين
انا :كيف ماقتلك نبي اطلالتها ملكيه 😍الميك اب ديريه لها ناعم وسمبل لان ملامحها حلوه نبيهاش تختفي بكثرة الميك اب والتسريحه نفس الشي
المزينه رحاب : حاااظر ❤
عُلا :جعت ياناس 😭😭
انا :هابا التنين تحرك شن بيصبره 🤦♀😒
عُلا : حق ربي انوريك،،جعت نا 💔😭
انا : اصبري اشوية 😘واسكتي خليني انشوف روحي
عُلا :خلي رحاب اتمكيجك
انا : مش محتاجه نسيتي اني ميك اب ارتست 😍
عُلا :مغروره 😁
انا :صقع عليك 😒
عدا الوقت ف المزين وكملنا كل شي 😍
انا :لووووولي 😍😍 ملكه يافرخه 😍
عُلا : 🙈🙊
انا :مبرووووك يا قلبي ربي يتمملك ع خير ويسعدك ويهنيك
عُلا :تسلميلي
ـــــــــ
في القاعه
كانت الدنيا شايله والجو خيااااااال بكل 😍 خشينا للقاعه انا حولت عبايتي حولت لعُلا برنوسها
كنت لابسة فستان دمي طويل ومرسوم ...من فوق توب ومفتوح من الظهر وشعري جايبته ع جنب مع اكسسوارات ناعمه وميك اب ناعم 🙈
عُلا : حي على طروفيتك اتهبلي عنشكلك 😍
انا :اسسسسس هيا خشي نبي نرقص 🙈
عُلا :فيفي عبدو 😂😂😂
انا :لا نوسه عبدو 😂😂😂 🙈
وخشيناا وقعدت معاها لعند وصلنا للمسرح
عُلا مسكت في يدي :متوتره 💔
انا : خوذي نفس وخليك عاديه عد الله حاظره فرح عادي
عُلا :العيون كلها عليا 😣
انا :لانك طالعه خيال بكل 😍
مريم اتسلم ع عُلا :لولي يا قلبي الف مبروك ربي يهنيك
عُلا :الله يبارك فيك ميمي ❤
نوستي هذي مريم اللي حكيتلك عنها ،،،ميمي هذي نوسه صاحبتي واختي❤
انا :اهلين تشرفت بيك 💙
مريم مبتسمه :😊الشرف ليااكثر لولي تحكيلي عنك ديما
عُلا عيونها دمعت وحضنتني: نوستي شكرا واااااجد علي كل شي ❤
انا :كم مرة انقولك انك اختي ووقت ماتحتاجيني تلقيني مش وقت بكا ياهبله 😘😘خلاص هيا اطلقي يدي قبل ما يجي خالد
عُلا :باه تعرفي ع مريم ،،،ربي يحفظك ليااا 💙
اناااا:امممممبه،،،ويحفظك ليا 😘
#يتبع
.