جموح _ انثى
بارت 18
داليا _ المسلم
نيران
،، وصلنا لبيت عمي نزلت اني وخالي دك الباب
وهو واكف يوصي بيه
،، خالي نيران شتحتاجين اتصلي بيه
لاتترددين خوش
.. هزيت راسي بالايجاب صار خالو اكيد
انفتح الباب عمة رشيدة طلعتنا رحبت بينا
... هلا هلا ابو طلال تفضلو هلا يم نيران
... هلادبيج خيتي لا لا مشكورا اني اروح
عندي شغل بس هاي نيران جبتها يمكم
راح تبقى
... هلا بيها العمر كله
... فتحت الباب ودخلت خالي راح حضنتني
وبوستها
... تعاي يم تعاي فوتي
... دخلت وراها البيت فارغ ماكو أحد بس
هي لعد قدرية وين
... ههه شتدرين بعمتج تجي اسبوع هنا
واباقي ايامها ابغداد عد بيت صالح
... همست اي احسن هي سمعتني ضحكت
... تعاي يم فوتي بهاي الغرفة ذبي غراضج
... بيتهم مساحته 350 متر الاستقبال برا كلش جبيره اول مدخلين مطبخ ومنها اطلع للموزع بس هو هول كلش كبير بوب الغرف التلاثة عليه بي نص تخم وتلفزيون والدرج صفح بيه اخذتني لو حده من الغرف
... هاي غرفة عمتج من تجي والبنات تعاي
تعاي ذبي غراضج هنا
... سحبتلي دوشك ومخدات اثنين وبطانيتين
فرشتهن اليه ونطتني سلة جبيرة لملابسي لان الكنتور طلاقتين ومقفولات مال عمتي
... يالله ذبي عباتج وتعاي الحكيني بالمطبخ
يمي اكعدي
،،، اممم هزيت راسي اي .. تركتني وطلعت
فرشت افراشي وذبيت روحي تغطيت ماريد
اطلع ماعندي ميانة وياهم اصلاً ما اذكر يمتى دخلت الهم من زمان حيل صافنة وعيوني بالفراغ تباوع كمت اغفي نمت
وين حسيت عمة تكعد بيه
... كومي يم كومي شنو مانايمة هلكد تعبانة
... بعدت الغطة عني وعدلت كعدتي روحي
عمة روحي تعبانة ومداشبع نوم اريد ابقى نايمة
... كومي حبيبتي كومي عمج يكول خلي تجي تتعشه ويانة كومي
... مااشتهي والله ماريد
... تؤ لا كومي شوفي صافية بس عظام وين
نيران الحلوة ام وجه اليضحك كومي يلله
... اي هسه الحكج خلت وطلعت كمت عدلت
حجابي ولبست روب فوك تراكي وطلعت وراها
مستوحشة المكان يلله تعودي نيران راح اصيرين مثل البزون گل يوم بمكان رحت
غسلت وجهي همزين الصحيات معزولات عن الحولي كملت ورحت للمطبخ فارغ رجعت للهول عمي وعمة وثامر كاعدين يتعشون
... مساء الخير كلتها ومستحية منهم حسيت
روحي عذول بينهم اشرلي عمي اكعد بصفة
... هلا هلا عمي تعاي تعاي جاي يمي
اكعدي
... عدلت شالي انتبهت لـ ثامر اكلني اكل
بعيونة هذا اشبي انداريت وكعدت بصف عمو
سلم عليه ثامر
... هلاو نيران اشونج
... بخير تسلم خلت عمة كدامي نص دجاجة
وخاشوكة خلتها بيدي
... اگلي يله لاتصفنين بعد هذا بيتج اكو وحده
تستحي من اهلها
... ان شاءالله عمة عمو كال لـ ثامر
... ليش اخوك اليوم تأخر
... والله ياب من خابرته گال شغل هواي اتاخر
بالمختبر
... لاتنسه عود مر عليه من تطلع
... صار يابة
... تعشيت وياهم بس كذب ضليت انقش بالاكل تنقش كملنا شال ثامر الصينية رحت غسلت ورجعت يم عمو وكف ثامر بالباب
... ياب أني راح اطلع عندي شغل بالاسواق
... لاتتأخر
... صار ياب
... راح وعمة راحت للمطبخ اسوي جاي
اندارلي عمي
... اي نيران يابة اشونج
... زينة عمو بس أني عندي حجي وياك وطلب
... امريني يا بت الغالي كولي
... بخصوص بيت خالي
.. اي اشبيهم
.. عمو مثل متعرف أني مسماية بااسم طلال
... اي صح كلنا نعرف وحتى عمامج
... اي بس أني ماريده نجبرت عليه ومشاكل
هواي صارت لان اخو جلال جان هم يريدني
واني رفضت
... جلال ايريدج ؟
... اي عمو اني ماكدر اخذه واخو عينه مني
اشون ترهم عمو احلفك بتراب اخوك اكوفلي
يعني الي سويتو بيه انته وخالي جبرني لان ماعندي احد وصفيت يتيمة لااب لام لااخ
نزلت دموعي ضليت أبجي ماكدرت اكمل اختنكت سحبني من ايدي وحضني
... اششش لاتبجين دموعج عالية وعزيزة عليه
انعل ابو الي يجبرج اكعدي هنا واسكتي
وأني احلها ويه خالج مسحي دموعج يلله
روحي جيبي جاي وتعاي هاي رشيدة ماتجي
بعد ماطولنا نحجي وحدنا
... صار مسحت وجهي من الدموع وكمت
رحت للمطبخ لكيت عمة كاعدا على القنفة
وتشرب جاي من شافتني ابتسمت
... هاا عمج دزج على الجاي
... اي
... روحي غسلي وجهج وأني اوديله
... اني هم ردت ابقى وحدي ابجي رحت
توضيت وصليت ورجعت نمت ماكعدت منا
للصبح لميت فراشي ورتبته بمكانه وكعدت
انتضرهم يطلعون يالله اروح اتريك فتحت
الباب عمة ودخلت للغرفة
... صباح الخير
... صباح النور هلا عمة
... كومي لويش كاعدا عمج يكول خلي تجي
تتريك
... مااشتهي هسه عمة بعدين اتريك
... كومي عيني مايقبل .. يكول كل وجبه هي اريدها ويانا .. يلله حبيبتي ككومي كومي شو انطيتي ايدج كومي
... كمت وياها طلعت غسلت ورحت وراها
للمطبخ كاعد عمي والصوبة معلوكة وثامر دايحمي الخبز وحاتم كاعد يم ابوه ودياكل
مدنك
... صباح الخير .. كلهم ردو بس حاتم ماجاوبني .. ! كعدت بصف عمي نطاني خبزة
... تريكي اريد خدودج الحلوة ترجع مثل
قبل لاتّتقيدين منا وهيج هذا بعد بيتج وما تطلعين منه للموت
... ضرب بيده على رجل حاتم بشقى
هو رفع راسه وباوع على عمي عقد حواجبه
ودار عينه عليه جان يلوج بالكمة وكف
حلكة والكمة صفح
ضحك عمي ... لاتغص اگل وراك دوام
هو ذب الاستكان من ايده وگام
... شبعت الحمدلله
... خلة وطلع مافهمت ليش عمو هيج حاجاه
وهو ردت فعلة مال واحد اشوية وينفجر
ماهتميت اله اصلاً ادري بيه هو من اول يكرهني مااعرف ليش كملت ريوكي وعمي
طلع للشغل هو وثامر ردت ارجع للغرفة
أنام صاحتني عمتي
... تعاي يولي وين رايحة تنامين مو اگعدي هنا يمي خلي نسولف اتركي النوم
... إجتي كعدت بصفي على القنفة لزمت
ايدي وضلت تمسح عليها بحنية
... شوفي يم حبيبتي إنتي بعدج زغيرة
والعمر كدامج صح هسه جرحج اخضر وحقج
والله مالومج لو بجيتي او حزنتي امج هاي ولام دنيا ماتعرض بس ياريت
لو يرجع الراح ياريت لو يقدم لو ايخر ياريت
لو الدمع يغير الحال جان الارملة رجعلها
زوجها والفاقد اهلة مثلج يرجعولة و الام الي فقدت ابنها يرجعلها شفتي مايفيد ولايقدم
ولا ايخر
... ادري عمة ادري
... خوش مادام تدرين اريدج منا وجاي لاتكضيها نوم تردين اخلي حاتم اجيب الج كتب اقري صلي اقري قران واهدي لاأمج اكعدي هنا يمي إنتي بعد صرتي بنتي الله شاهد عليه حوراء وزهراء بكف
وأنتي صرتي بعد بكف هنا راحن وأنتي اجيتي انتبهي لروحج واهم شيء عافيتج لاتروح منج محد ترا يرجعها الج وأني مداجبرج تسمعيني لا لا بس داسوالف وياج اعتبريها سوالف عابرة وأنتي بكيفج بعد تردين تاخذين الي يعجبج تردين ماتخذين هاا اتفقنا
،،، ان شاءالله تركتني وكامت خلت جدرها
على النار وغسلت الاماعين وأني كل هاي
كاعدا صافنة خفت اكوم اساعدها وماتقبل
عمة تردين انضفلج البيت
... لا حبيبتي ابقي كاعدا يمي اني هسه
ارتبه هو نضيف مابي شيء لاتعبين روحج
.. براحتج تركتها ورجعت للغرفة رتبت
ملابسي بالسلة والزايدات عفتهن بجنطتهن
طلعت رحت للصالة نضيفة والهول مرتب
رجعت كعدت يمها ضلت تسالني على دراستي
اذا عندي صديقات صار الضهر وأني بس
صافنة عليها
،،،، كومي روحي اسبحي قبل الصلاة حتى
جسمج يرتاح من البارحة أنتي بهاذا ثوبج
مو
... اي اذكرت اصلاً صارلي اربع اتيام بيه
بس ابدل الداخليات قبل الصلاة كمت حضرت ملابسي ودخلت سبحت وطلعت أمشط صارت
الصلاة رحت صليت وبقيت بمكاني بعدني
مداكدر أتأقلم وياهم اندك الباب وصوت
ثامر
.. نيران تعاي تغدي كومي ابوية يصيحج
.. يبووو يعني جبر شنو كمت طلعت مثل كل مرة كاعدين بالهول كلهم وحاتم همات موجود
... الله يساعدك عمو
... هلا عمي تعاي تغدي انوب من دون
مااصيحج الكاج كاعدا افتهمتي
،،، صار رحت كعدت بصف عمة وصارت كعدتي كدام حاتم طبعاً لبسي كله تراكات لان
ماعندي كلبية بس روب البس فوكاهن واشده شلت الخاشوكة وتوني اكل صارت عيني بعينه
خزرني ويباوع لتربيعة رجليه هذا اشبيه
دنكت اعدل بالروب لا بينت بجامتي عرفته
ليش يباوع كبرر السخيف لان مضبوط جسمي حيل بين منطقة الرجلين عدلت كعدتي صفح وعناد
بيه ماكمت ضليت اكل من خلصنا رحت
ورا عمة كلت اساعدها عيب وكفت بصفها يم السنك وخري عمة أني اغسلهن بدالج ارتاحي
... لا حبيبة ماعندي شيء اخذي الجاي وروحي لعمج عنده موضوع وياج
... صار حضرت الصينية والاستكاين حسبالي
ولده يشربون صاحتني عمة رشيده
... لا بس لعمج وثامر حاتم من يكعد
العصر يشرب ويروح لشغلة
،،، صافنة عليها من تحجي ليش عمة هو عندة
مختبر خاص بيه
... لا والله وية صديقة زياد بس عمج وعده
يشتريلة ان شاءالله
... هممم اخذت الجاي اودي بالباب اخذ الكوب ثامر مني وصعد حاتم طلع من الاستقبال مورث وعيونة بكصته اشرلي بيدة عود وخري من طريقي
رحت بعيد عنه ضرب المحجر بكف ايده بعصبية وصعد فوك ينام ... هاذا اشبي خبال دخلت للديوانية كاعد لكيته سد التيلفون عمو وصاحني اكعد نطيته الجاي وكعدت كدامة
... نيران ياب خابرت خالج وكلشي انتهى
وفهمته اني عليج فهمتي ياب
... اي عمو مشكور
... بس خالج اعترض وكال شنو ضالة
ابيتك على اي اساس وبيه ولد عاد كتله ياب
ترى اني خطبتها لـ حاتم شدكولين يابنتي ماترهم تبقين هيج ولا اكدر انطيج لاحد غريب انتي امانة اخوية وابن عمج اولى بيج والله الشاهد عليه أني من الاول ردتج اله شكلتي
... هاي هي عمو الي تفصلة أني قابلة
بيه ماعندي اعتراض
... بيها الخير منا لشهرين يصير ست اشهر للمرحومة وتزوجون ان شاءالله. اسبوعين
واكطعلكم مهر سيد ماترهم اضلين بس انتي اله
... من ذكر امي دنكت عيوني غرغرت
ريتج موجودة .. ياأمي شوفي مابقالي خيار
ولا اختيار مسيرة مو مخيرة اخخ يادنيا
... لاتبجين عمي والله أني داسوي گل هذا
لمصلحتج يابنتي
... اي عمو الله يخليك اليه. فتحلي ايده كمت ذبيت نفسي بحضنه وضليت ابجي من گل كلبي مسح على راسي
... كومي غسلي وتعاي نكعد نسولف اريد
اشوف بالله اشدرستي شسويتي
... اي كمت طلعت غسلت وجهي ورحت للغرفة
لفراشي كبل غطيت راسي وضليت ابجي
منا لما راحت روحي دك تيلفوني شلته
رقم لمياء ههه زين والله
فتحت خط وماحجيت سكتت
.. الوو نيران حبيبتي اشونج
... شدكولين اشوني
... داتبجين
... لا اطك اصبعتين شتردين
... اسال عليج اشبيج عصبية
... بعد وكت تسالين صار اتلث ايام هسه
اذكرتيني
... مو كل مااجي ماتطلعيلي شسوي خابرت
هناء وسولفتلي على رجلها المطي راح اجي اشوفج إنتي يم بيت خالو مو
... لا ابيت عمو طارق وراح يزوجني لحاتم
وديري بالج توصلين انتي لو ذيج اختج الثانية
الدنيا اكلبها على روسجن فهمتي
سديته .. بوجها وركعته بالحايط تفلش ورجعت
ابجي هسه جايه تسال امداجن من خوات وينج يمممم وينج تعاي شوفي بس طلعت اربعينج بناتج نسني اخخ ياربي ليش هيج
لفيت راسي ونمت صارت عادة اليه النوم
كل يومي صار نمت كعدتني عمة رشيدة
ماقبلت اكوم ضليت نايمة منا لثاني يوم ماتحركت من مكاني
أسبوع تعوددت عليهم بس قليل اطلع من الغرفة وعمة رشيده ابد مالها علاقة بيه
شريد اسوي ماتحجي ولا تعلق عايفتني
براحتي اكثر شيء التهي اصلي لاامي
لو اشوف مسلسلات عمي خلالي تلفزيون
بغرفتي بيوم كاعدا بليل وباردة اشتهيت حليب مالبست روب طلعت بس بالاتراك اسود
قديفة وضيك عليه الساعة ١٢ كلهم نايمين ماكو احد طلعت الحليب وخليته بالدلة وشعلت
الطباخ انتبهت باب المطبخ مفتوح بس بالي ماخليته يمة مندمجة احرك بالحليب حسيت
على صوت حمحمة انداريت حاتم واكف
بالباب متكتف ومنتجي على الباب وصافن عليه من شفته هو كح جانن بلاعيمة امبينه مطبكة راح كعد على المجمدة وكالي
... ايي عفية سويلي وياج حليب ادفي صدري
... ماجاوبته طفيت الحليب ودرت وجهي
ورحت للغرفة دخلت وقفلت الباب شنو خدامة
الخلفوك والله يالله لفيت راسي ونمت
الصبح كمت سويت ريوك ويه عمة اساعدها
خطية هي ابد متطلب مني ولا تحجي دخلو الولد وعمو صبحو علينا وكعدو خليت البيض كدامهم صاحني عمو
.. تعاي بصفي اكعدي بعد عمج اتريكي
عمتج تخلص الباقي
،،، احيت بصف عمو صارت .. عادة عندي اكعد بصفة تربعت
حاتم كاعد باوعلي وخزرني وفر ايده ماعاجبة ثامر من شافة ضحك
.. يابة شنو نيران اخذت كل المعزة واحنا سيسنا بعد مو
... ضحك عمو عليه
... اي والله سعرها بسعر حوراء وزهراء شعندي غيرها بنيتي هاي لاتغار الاجلح
... شغار عمي زبد كاعد يمك حقك تباوعلها
من الصبح وجها يفتح النفس.
... عود دايلطف الجو عاط بيه حاتم
.. هووو اسكت وامل اشوية خلي احترم
الله يطيح حظك
... عمو ضل يضحك عليه اني خلصت ريوكي
وكمت بلا كلام رحت لميت غرفتي ورتبتها من
طلعت ماكو احد كلهم طالعين ساعدت عمة
بالبيت وهي راحت تطبخ الغده واني طلعت
امسح الطرمة هي غاسلتها خطية باردة وكلها شطفتها دانشف بالمي مامنتبها انفتح باب
الشارع ودخل حاتم بيده المسواك من شافني ضاج بين من شكله صاح عليه
... ذبي الماسحة وفوتي بساع امشي
... رفعت كتوفي معانده ماا دانشف بيها اخلص وافوت راح للمطبخ ذب المسواك وطلعلي يهف
اني اضحك عليه بداخلي لان كل مايشوفني مدة ياكلني بسنونه اجه سحبها من ايدي بعصبيه
وعاط فووتي
.. اي والله عفيه كملها انت المسح اني تعبت تركته ودخلت شفته من شباك المطبخ شالها وركعها بالكاع للمساحه كسرها وطلع ههههه خبال امبين عصبي ناررر عوذا منك هذا اشون راح اعيش وياه امبين ايامنا كلها بوكسات
خلص النهار واجه اليل الي تهيج بيه كل
المواجع خواتي بعد محد اتصلت بيه ولا سالن
عليه ولا خالي حسبالك هم وخلصو منه شبعت
بجي كعدت كعود وضليت الطم على وجهي والله ماريد منجن شيء بس اسالن عليه مارريد شيء تعبت من البجي ونمت
ثاني يوم أجني حوراء وزهراء ماطلعت خجلت من عماتهن شغلت التلفزيون وكعدت اباوع
على قناة فتافيت طلعت حورية داسوي
لقمة القاضي. اشتهيتها شكلها لذيذ
دخلت عمة قدرية شافتني صافنة
.. نيور يمة مادكومين تطلعين يم البنات
.. لاعمة عيب من عماتهن مااعرفهن وبعدين
هسه ايضلن يسالن ليش باقية هنا ومن هل الحجي خليني داشوف هاي لقمة القاضي
اشهي
...ديله براحتج ابقي
.. طلعت وسدت الباب
تنفست براحة يمعودة شطلع بس يشوفني
ليش مابقيتي يم خواتج وليش بعتو البيت وليش وليش ربع ساعة مليت كلبت كل القنوات مندمجة عيني بالتلفزيون
فاتت عليه حوراء
.. هاي شنو عيني عروس ليش ماطلعتي
علينا تستحين
... كمت وكفت بوجها ههه لا والله بس عماتجن وياجن عيب شسوي طالعة واني مااعرفهن حضنتني بسلام حار
.... تعاي تعاي اطلعي راحن العمات اخذن
من خاطر ماما مو جدها مات
.. ياا يمتى ولا كالت عمة
.. يمعودة صارلة شهرين والبارحة يلله دريت
الله يرحمه شايب بعمر ابو جعفر المنصور
هههه تعاي اشونج
،،، زينة الحمدلله طلعت وياها سلمت على زهراء
يعني عمة رشيدة شكد طيبة هنه اطيب منها بعد
كعدت بينهن
زهراء كامت تقيس بخصري
... باجر ننزل اني وحوراء لبغداد نجهزلج
مناك حسبالي ترحين ويانا حاتم ماقبل
.. عدلت كعدتي وخليت شعري ورا اذني وتنهدت بقهر ياربي هذا من اولها متسلط
وعنده جبروت وراح يخنكني جاوبتهن لالا اصلاً اني ماريد اروح انتن جيبلي على ذوقجن بس أني ترا الاسود ماذبه
عمتي ماقبلت
.... ليش يم موزين عليج وامج هسه تلكيها فرحانة الج والله ترا الاسود لا يقدم ولايأخر
وانتي عروس
... عمة مااكدر يعني حتى سنة ماصاير الها
ترى كلها خمس اشهر جرحها بعده اخضر
بكلبي عمة اشون ترضيها
... حقج براحتج يمة براحتج ،
... البنات سكتن ماحجن ولا علقن تركتهن
وكمت رحت للغرفة كعدت سون غده وصاحني
كلنا كاعدين اني ماشتهيت اتذكرت إمي لو
عايشة جان هسه فرحانة يجوز تجهزلي احلا
جهاز لا لو عايشة جان مصار هذا حالي ولا
تزوجت هذا ابو خشم اليابس المتكبر العصبي
المتعجرف فززني صوت ثامر
... يابة عروستنا وين صافنه
.. هممم عليه
.. لا على أمي مو يمة
ضل يضحك بلا سبب
.. يا ربي شكد سخيف هذا ولوكي ماجاوبته
جان اللبن بصف حاتم همستله حاتم هو باوعلي وعينه بعيني هز راسه
.. شكوو
.. انطيني اللبن من يمك
... اي
.. مد ايده للسراحيه ورفعها وخلاها يم
حلكه وعينه عليه وصكها كلها من خلص صاح
اممممم اشون طيب هذا الحليب حلو هواي
... ايا خبيث درت وجهي منه منزعجة
حقير عود دايذكرني بالحليب لان ماسويتله
حاقد لئيم انتبهت للبنات يباوعن النا ويبتسمن
دنكت اكمل أكلي بطرانات شيفكرن ذني كملنا وكعدنا بالغرفة احنا البنات وكعدن يحضرن شراح يشترلي جهاز
... يلله نيران كولي شتردين داسجلهن
... شريد يعني حوراء بكيفج شتلكن شيء
حلو جيبنا
... ياا والله كله من حاتم شكو نابص روحه
ليش ميخليها تروح اكوم احجي وية ابوية
.. ردتلها زهراء اكعدي حوراء واسكتي تردين تعلكيها خليهم هدو اشوية استري علينا هي نيران ماتحجي هسه نجيبلج ملابس ارقى شيء والله
... عرفتهن يقصدن حاتم وعمو لان جبرة عليه تنهدت عادي بكيفجن والله ماعندي اعتراض ماله داعي اروح دخلت عمة رشيده وبيدها صينية حلويات بقلاوة وزلابية ولقمة القاضي كمت اخذتهن منها
... اكلن هاي دزيت ثامر جاب حلن
حلوكجن الحلوة
.. ضحكت زهراء :- شنو يمة كايمة تشهين
حلا حبلة شنو
... اسكتي ولج شنو بس الحبلة النفس كلشي تشتهي اكلن يله حبيباتي
... شالت ماعون لقمة القاضي وخلتها كدامي حجت بصوت ناصي
.. هاي كلها الج اكلي اريد خدودج تورد
مثل قبل ادري ابني شراح يعض ههه
... ماادري حسيت هاي المرية هي دعوة أمي اليه كلها طيبة لحد لان مادشفت منها ال
كل خير
ضلن البنات لليل وراحن اخذهن ثامر وصلهن
اني كمت قفلت الباب ونمت بعد ماطلعت
تمنيت وحده من خواتي يتصلن بيه داسولفلهن
راح ازوج اتبرع ابن عمهن يلمني اوووف
دكت الباب عمه الصبح عليه كمت لميت شعري وعدلت تراكي فتحت الباب واكفة ولابسة
عباتها
... صباح الخير
.. هلا عمة صباح الخير
... غسلي وتريكي راح اروح وية البنات
لبغدا اجهزج حبيبتي كملت الغده ونضفت
البيت بس عينج على عمج لو إجه صبيلة غده
والولد مالج شغل بيهم هما يصبون لروحهم
... صار عمة تدللين راحت واني طلعت وراها
غسلت وجهي ورحت للمطبخ كلشي مكملة
الجاي على الصوبة بس طكيت بيضة وكعدت اتريك كملت وكمت شفتها شطابخة كشفت
الجدر تمن ومرك فاصولية وتشريب دجاج
غطيتهن ورحت رتبت الاماعين المغسولة كملتهن مسحت الكاونتر وطلعت للبيت نظيف رفعت راسي للدرج كلت دخلي اصعد فوك اشوفة من جيتهم لليوم ماصاعده
صعدت وكفت بنص الصالة الفوك والغرف
دايرها نفس تصميم الجوا مرتب ومفروش
رحت فتحهن اول وحدة مثل المخزن حصة
وجداري كبار وغراض بس مرتب ونضيف الثانية فارغة والثالثة فتحتها غرفة الولد بيها اثنين
سراير وثامر نايم طبكت الباب على كيفي
عززا عيب لااحد يجي شيكول عليه صاعده للولد رجعت انزل شفت حاتم دايصعد
... عززا ياربي وين اضم روحي وين هسه
شيكول عليه شافني هو عقد حواجبه بشك
وهز راسه شداسوين
... هاا لا بس عمة وصتني ضليت اباوع
منا ومنا شسمة الم الملابس من السطح
.. وينهن شو اديج فارغة
.. لا مو توني صعدت سمعت صوت جوا
ماادري بيك انته عود داشوف منو إجه ضليت
اباوعله لابس قميص اصفر ومفتوح او دكمتين من يم صدرة وبنطرون اسود وقمصلة جلد اسود لحيته محدده عيونه مجرورة ونضرته
تغري خشمة مقلم مثل خشمي يمكن يشبهني ضحكت بكلبي اي يشبهني
لزمني من معصم ايدي ونضرته كلها اتهام
هو يحجي واني صافنة بوجها
.. شكوو صفنتي دخلتي لغرفتنا على ثامر ؟؟ شكو اصطكيتي متحجين
... هييي شكوو داتهمني وشعندي بغرفتك
ياثامر هذا ليش هو مو طالع ودا عمة لبغداد وخرررر شووو سحبت ايدي منه ونزلت اركض رفعت راسي واكف لازم المحجر ويباوع عليه ومضيق عينه نزلت عيني منه وبوجهي لغرفتي دخلت وقفلت الباب
،،،،،،،،،،،،،،،،،، ولانكِ جامحة ،،،،،،،،،،،،،،