جموح _ انثى
بارت 15
داليا _ المسلم
أتمنى لكـم قرأه ممتعة 🌸
نيران 💙
بعد ماراحو اهل ناظم اني ذبيت روحي مثل القتيلة بالفراش ونمت ماحسيت منا للمغرب على صوت أمي توعي بيه
هزتني من كتفي
،،، نيران ماما كومي يلله صار المغرب
وعمتج ام عمار هنا كومي سألت عليج
،،، اممم تمطيت بنعاس
،، كومي ياامي نوم المغرب حيل يكسر
ويجيب المرض للجسم شوف وجهج اشون صاير اصفر صارلج كم يرم تنامين للمغرب
،، اي ماما اي هسه اكوم سحلت روحي سحول من الفراش وكمت غسلت وجهي اريد اصحصح ماكو سحبت الخاولي نشفت ورجعت علكته ورحت للهول لكيت عمتي كاعدا الي مزوجة بسامراء بالسنة مرة لو مرتين تجينا بس هي حبابة وكلش فقيرة
،، هلا عمة نورتي حضنتها ضلت تبوس بيه معقولة اليوم انتي عدنا كامن البنات بوجهي سلمن عليه وياها بناتها اتلاثة وحده مزوجة وابنها على ايدها كعدت يمها بين الحجي والسلام وسؤال وجواب صارت الصلاة صلينا وحضرت العشا ماما لزمتهم صبينا العشا ضلت عمة تسألني اشوني وشخباري
،، اكول عمة رحتي لبيت عمو طارق لا
،، اي رحت الصبحية كلها يمهم وغداية عدهم
عمج طارق اتخربط اليوم ورشيده شبعت
بجي عليه خطية
،، ياا سلامته شجاه
،، من ورا ابنه ايريد يهاجر وهو مايقبل
عليه وصارت مشادة كلامية بينهم وعمج وكع
امي جاوبتها
،، شعجب حاتم عاقل مايكسر كلام ابو
،، والله يكوله لاخليتني ادخل كلية ضباط
وحرمتني منها وكملت رغم عني الي ردته تحليلات يمكن مو
سألتني
،، اي عمة اعتقد تحليلات
،، عاد كايلة اريد اطلع برا اكمل دراستي
واستقر
،، والله عمة احسلة يكمل برا من هنا
،، مااعرف بعد هو تندم لان قهر ابو وكع
عليه وصالحة اني تركتهم واجيتكم هم
ماردت ابقى يجوز عدهم حجي بينهم
توسلت بقدرية تجي ماقبلت
ضحكت إمي الها بترحيب
،، هلا بيج داده كل الهلا قدرية مزاجية
كاضيتها ابغداد عد اخوج صاحب
،، اي داده شعدها تلد ولد خليها براحتها
،،، باتت عمة عدنا فرشت النا كلنا بالديونية
وماما اتصلت بهناء ولمياء بلكي يجن وصدك نص ساعة ودخلن هنه وجهالهن فرحانت
بشوفة عمتي وضلينا اليل كله سوالف وماما قلت النا صينية حب صارت المة حلوة عوزها بس قدورة
ثاني يوم راحو الضهر كلهم راحو والبيت
فرغ علينا كنت كاعدا أني وامي بالحديقة نشرب جاي نفتح باب الشارع ودخل خالو
،،، الكوه اشونجن
،، هلا خالو تعال اكعد داجيبلك جاي
،،. لالا ياب توني شربت بالبيت ماريد تعاي نيران ياب تجين وياية للبستان راح اروح بالماطور
،، لا خالو فدوة مابية وكف حضني وباسني
بخدي
،، خوما زعلانة لان البارحة ماخذنج وياية
عيب منا ابوهم وابنهم
،، لا خالو والله مازعلانة على شنو ماتسوا
،، ديله رايح أني
،، الله وياك طلع وطبكت الباب ورا
ماما اخذت الصينية ودخلت جوا
رحت شكلت الصوندة وشغلت المي
وكفت ارش الحديقة والتهيت افتر بالبيت
الوكت بالعطلة يصير شطولة صاحتني أمي
،، تعاي نيران تيلفونج دايدك
،، سديت المي ودخلت للغرفة شلته رقم ناظم فتحت خط وطلعت للحديقة احجي وياه
هلا ناظم كيفك
، ، هلا بيج شو البارحة ماكو مغلق ليش
،، والله عدنا خطار والتهيت بالي مو يمه
سحبت الكرسي وخليت رجليه عليه
،، همم شكو هاي الطكطكة
،، لا ماكوش بس رفعت رجليه على الكرسي
،،، ليش حبيبي يوجعنج
،، لا مابية اي اشونك
،، والله البارحة أمي تخبلت بيج حبتج كلش
كالت بس تخلص هاي المرحلة اروح اخطبها
الك وابوية هم ماعارض ارتاحلكم يكول
ناس طيبين
،، مو اطيب منكم والخطبة بعد وكت عليها
،، شو احسج ماقانعة
،، لا مو قصة ماقانعة بس منا الوكتها الله
كريم بعد سنة كاملة ماتعرف شيصير
لو شيتغير
،، خوش من اتصل جاوبني نيران حتى لو
برساله قابل بس طمنيني عليج
،، ان شاءالله يله أمي ترا داتراقبني لان اكعد
بالغرفة احجي وياك داشك بيه وهسه هنا
بالحديقة وحدي يله باي
،، الله وياج
سديته منه حسيته ضاج لان ماطولت وياه بالحجي شسوي يعني شحجي ضليت اباوع للرقم اشون احاجي روحي
نيران
أنتي مقتنعة لو لا
الجواب
لا اي
اشون يعني
مااعرف
مااعرف كمت دخلت للغرفة مالتي
وكفت كدام المراية واحجي وية روحي اسولف لاأمي واشوفها شدكول لا لا بس احجي راح اضل قلقة وانوب هو هناك يمي بس شنو ياب قابل ماكدر احافظ على روحي اي اكدر اشون
تؤ اشون مصيبة
قفلت الجهاز وشمرته على فراشي وطلعت
اجتي جيرانه ضربتها ابرة من طلعت وراها
للباب شفت هوسه اباب بيت خالي
اندارت جارتنا
،، ولج هاي بيت خالج مدري شعدهم
،، ماعرف والله خلي اصيح أمي دخلت
اركض ماما وينج
،، شكو ياساتر تعيطين
.، بيت خالو هوسه عدهم وصوت عمة تعيط
.، يمة اسم الله اخوية اشبيه
،،، شدراني
،، لبست عباتها واني هم لبست وطلعنا نركض
الجوارين كلها ملتمه وعمتي كاعده تملخ بروحها
وتعيط امي همات كامت تعيط انكلب البيت كلاب
شككو سحبت حسوني شكو ولك
،، ابوية نيران مدعوم بالماطور ويمكن
مات
،، عزا منو كالكم
،، ابن جبر جان وياه وهو خابر على الولد
،،، اني رحت كعدت على الدرج ابجي بصمت
مداتخيل خالي يموت كذب لا سودة عليه رادني اروح وياه لو رايحة يمكن جان هسه اني ميته يمكن
انفتح باب الاستقبال ودخلو زلم
كامت امي وعمتي يركضن ويعيطن دفعهن
مناف يواشششجن وين زلم ترست الديوانية
لاطبن مابيه شيء عيب اطلعن
،،، امي لزمت ايده وتبجي مناف عمة عمك مات اشبيه فدوة عمة
.. مابي والله زين بس كسر بيده وراسة
خياطين ماامات يمعودات مفاولات عـليـة رجله هم مكسورة مضعضع موزين طلع سلامات
منها
.،. هززيت ايدي لعد شباقي بيه اذا صاير اتراب شيطيبة وهو بيه سگر
،، اسكتي ياب تفاولين على الرجال كومي لادكعدين جدام الباب عيب الزلم تارسة الاستقبال
كمت دخلت بالمطبخ يمهن سوينا جاي
للناس كلها التمت لليل فضت وكلها راحت دخلت للاستقبال على خالي متمدد سودا عليه ومجبس رجلة
وراسة دنكت عليه حضنته صدك بجيت خفت لا يصير بيه شيء خالي رغم الي سوا بيه بسبب جلال بس جذب ماكرهته لان فتحت عيني واني بحضنه عاملني مثل ماعامل ولدة مافرقني بيوم عنهم بس صدك اذكر مرات كان يضربني من اتوكح بس يرجع يرضيني وشريد مايرفضلي طلب هو مسد على راسي
،،، هياني ياب مابية شيء لانخافين
،، حجة بصوت ناصي يم اذني
،، يعني ماحاقدة عليه نيران
،، رفعت روحي وباوعت بوجها هزيته راسي بلا
شعندي غيرك انت ابوية الي ربيت بحضنه ابتعدت منه لان كانو كلهم الولد كاعدين ومناف هم كاعد دخل مقداد ولمياء ورا خطية مخروعة حسبالها بيه شيء ضلو تعللو وراحو
رجعنا اني وأمي للبيت
لثاني يوم إجه عمو طارق بعتبارة شيخ وخالي دز عليه لان داعم ولد زغي ومضرر خيطة بس مو هواي بس اهل الولد رادو فصل وضلو اسبوع لما فضوها ابفصل عمو طارق يروح ويرجع عليهم
فضت بـ 3 ملايين انطاهم
كمت كل يوم الصبح اروح اشوف خالو وانطي
ابرة السكر الي بديت اعلم سماح عليها
اشون تزرقة بيده أني وأمي نروحلهم
وارجع حدي للديوانية ما ادخل لغيرها
جلال من يشوفني يطلع مايبقى كنا كاعدين أني وأمي وعمو طارق هم أجه يشوف خالو
دخل طلال قدم الجاي لعمو وكعد يمه
أني عرفته عنده حجي وياه
،، من رخصتك عمي ابو حاتم عندي
حجي وياكم ماطولك موجود
عمو ردله اي كول
،، والله عمي أني قبل فترة اجيتك وطلبت
منك طلب وانته الظاهر نسيته
،، والله ياعمي ما اذكر شنو هو بالتحديد
ذكرني
،، حقك بس مازال عمتي كاعدا ونيران همات
أني اطلب نيران منك بت عمتي وشاريها
والي تأمر بيه أني حاظر
،،. اني من سمعته رائسن باوعت عليه وخزرته
واشرتله براسي بلا لا هو دار عينه مني لعمي
وكمل كلامه وياه
،، والله شكولك يا وليدي هاي البنية وهاي
أمها اني همات مااكدر اغصبها وشكو بيها
ماتلكة احسن منك والراي الاول والاخير
الها
.. ضليت افور فور عليه هذا شلزك يعني
تعرف ماريدك ولا احبك ويستحيل اقبل بيك
كمت تركتهم وطلعت سمعت عمو ضحك حسباله
عود خجلت وعفتهم رجعت للبيت دقايق
ولحكتني أمي وعمو دخل كعد بالمطبخ
،، تعاي جاي باية نيران اكعدي هنا
شنو رايج باابن خالج الولد شاريج ومتمسك
بيج وهاي مو اول مرة طلبج مني بس كل مرة اكوله الراي الها
،، شبكت ايدي ودنكت اباوع عليهن تنهدت
عمو ماريدة واني اصلاً مو ابالي الزواج
حالياً اريد اكمل هي بس هل السنة بقت
،، اعرف خليها فترة خطوبة هل السنة والبعدها
تزوجو انتي ليش داترفضي خايفة من شيء
عندج ابالج شيء
،، مو خايفة عمو بس اني ماريده كضيت
عمري وياهم اعتبرة اخوية مداكدر اتخيله يصير زوجي بيوم من الايام
،، هاي هي عمي براحتج الي تريدي يصير
،، كام عدل عباته وبسني من راسي وطلع
ماما ساكته ماعلقت ولا كالت شيء
اسبوع مر
أني اصلاً نسيت الصرصور مالتي مافتحته
ماما اخذتني لسامراء زرنا ورجعنا لبلد
واعدتني نروح للشمال بس يمتى مااعرف
رحت اعزل ملابسي واذكرت تيلفوني فتحته
اول مانفتح الرسائل وصلت ركع فوك الاربعين وحده. فتحت وحده منهن من ناظم كاتب
وهاي تالي الشوگ
ضليت اجدي اخبارك ؟
الثانية
مٌدريِ آلّرسآيِلّ غٌآلّيِهً
مٌدريِ أحًنهً آلّرخصِنهً بعيِنهًمٌ
وسفه💔
الثالثة
كانت عيّناها أعمَق، من
ان انظُر إليّها وأمضِي
بسلام لكن نيران معكِ لا يوجد سلام
قبل لا اسده دك فتحت خط وجاوبته
همست الو عرفته ضايج من صوته
،، تذكريني
،، ههه اي اذكرتك اشونك
،، موزين
،، والله خ،،، ماخلاني اكمل
،، خطار عدكم والتهيتي عن تيلفونج
وماعندج وكت اتجاوبيني عادي نيران حفظتها ترا بس أني ماطلبت منج اتصال كتلج عاد
لو بس رساله هاي هي
،، خليني احجي شنو نعديت من نيران
ماتنطي مجال هههه لا خالو ندعم بالماطور
قبل اسبوع ومابقى عندي بال والله
،،، اي وشنو بقيتي ابيتهم
،،، لا بس كل يوم اروح اشوفه
،، امم او ولد خالج تكعدين يمهم
،، لا مو دائماً يعني مرات هما يجون يكعدون
يمنا
،،، ماريدج ترحين الهم نيران
،. ليش عيني ؟؟ شكو سالمين
،، اغارررر تعرفين شنو اغاررر
،، سكتت اذكرت جلال من كان يكولها يضل
يعيط عليه صدك احسها طالعة من كلبه
هسه ناظم هم احسها يحجيها بقهر
،، ماكو داعي تغار ناظم اني مااشوفهم
غير اخوتي ماعندي شيء وياهم
،، بس هما مايشوفنج اختهم
،، وانت شدراك ياب
،، من اجينا الكم ابن خالج جلال كالي
منو دخلكم كتله نيران حجيتها سهو هو خزرني حسيته ايريد ياكلني من ذكرت اسمج
كالي منين تعرفها رديت عليها لا مو اختي كالت هذا بيت صديقتي وذكرت اسمها الله يستر عليها هو دار وجها وكام طلع عصبي بعد مارجع لو ذاك الجبير ضل خازرني منا لما رحنا حتى من ردنا نروح للبستان خالج كال خلي نيران تجي هو عاط كا لااا شعدها ويانا متجي تبقى وحدها
،، اي عادي غير مثل اخوتي ويخافون عليه
،، كلامج ميقنع أني رجال واعرف شنو
المقابيلي من كلامة لو نضرته
،، الله كريم يله من رخصتك
،، بعد وكت
،، لا أمي تريدني باي سديته قبل لا يسلم
شسويلك يعني غير اهلي ومحاوطيتي
وحتى اذا يردوني هذا شيء خاص بيهم
اني شلي دخل
لليل كاعدين اني وامي نباوع برنامج من
سيربح المليون ومندمجين عليه
كمت اسوي حليب وككو شرابي المفضل شتا
صيف اشربة طلعت الحليب فورته وذبيت
عليه الشكر والككو مدت راسها أمي بالطبخ
،،. راح انام اني نيران قفلي البوب
،، صار ماما راحت واني التهيت اسوي كانت الساعة 12 بليل سمعت طكطكة يم باب المطبخ احنا مخليله بردة على طوله لان بيه جام انداريت شفت ولد واكف وراها لابس اتراك اسود وسمين وكرشة طالع من السويتر مال اتراكة وصافن عليه
شمرت الحليب من ايدي وعطت
يااااااااااااااا منوووو انته رجعت يم باب المطبخ
الداخلي وكفت ماتحرك هو ركضت على أمي
واعيط حرامي هي طلعت بوجهي
شكووو اشبيج
،، مـ مـ ا م م ماا هذذا ووو احد ب ب ا المطبخ
ضليت اكطع بالكلام شكله رهبني صافن
لاتحرك لااصخم
،، منو ولج هذا
،،. ماعرف ماعرف ردنا نروح للمطبخ
هو طلع يركض وصعد على الدرج ضليت اعيط وامي ركضت طلعت اصيح ولد خالي
هو شاف باب السطح مقفول نزل حافي
وطلع يركض بالطارمة لزمة طلال
،، هوووو ولك شطببك لهنا يااغبر
،، امي كالته تعرفة
،، اي عمة من المغرب اهله يدورن عليه عمة ترا اخرس هو خطية عقلة شارد وياشر لاامي على راسه على صوت عياطي طب هاشم يركض
،، ولكم شكو اشبيها نيران تعيط
من شاف الولد سكت وكال هو هنا واهله
كلبو المنطقة يدورون عليه. وين جنت ولك
ردله طلال
،، مايحجي خطية
،، اي ادري بيه امشي اخذك لهلك امشي
،، اخذه وراح وطلال هم راح
رجعنا دخلنا وقفلنا البوب عززا ماما هذا
منين فات
،، يجوز من العصر خاتل بالحديقة خطية
قهرني اشون شاب وهو خبل لاحول الله
امشي عوفي الحليب اني امسحة روحي
نامي بفراشي نخرعتي سودا عليه
،، لا اني امسحة روحي هسه اجي وراج
نضفت المطبخ وطفيت الاضوية ورحت نمت
بحضن أمي نسيت حتى خوفي اماني
بحضنج ماما
،،، هههه دنامي ياعمري نامي
،، ماما لااتركيني ابد اموت وراج
،، شكو اليوم اشون اتركج محد يفرقنا
غير الموت ومحد يموت ورا احد
،، اسم الله عليج يم من عمري لعمركج
اخذتني لحضنها حيل ونمت براحة
،، كملت العطله ورجعت للبصرة ناظم
السنة ما داوم يجي بس وكت الامتحانات
حتى قليل اشوفة بس مستمر يتصل
ومرات مااجاوبة كم مرة عزمني يطلعني مطعم
وارفض لو يتصل اخذج منتزه اشوفج البصرة
وارفض ويزعل وتالي من كيفة يرضى وضل ينك اعزمج واعزمج وارفض من شافني مااخطي باب السكن بطل يطلب اطلع وياه واني هم ماكمت ارد على اتصالاته لان الدروس كلش صعبة حتى نزول لااهلي مانزلت فرح ابن خالها متقدم الها
،،وكعدت اسولفلي
،، اي اذا خوش ولد ليش ماتقبلين والسنة
مابقت شيء الها وراح تخلص
،، ماادري نيران اخاف مااسعده انه
،،، ماخليتها تكمل اشششش دسكتي ماتسعده
هي شتتنتظرين يعني هاااا ابن عمج الي
صارو عنده طفلين وهو مايعرف اصلاً الله
وين خالقج شكووو ياب اكول انتبهي لروحج احسن والولد شاريج
،، اي وهو مدرس وكال اعينج وياية حتى لو
انطي فلوس وبيت وحِدِي هم يخليلي
،، اقبلي يولي لا اضلين متمسكة بالاطلال
الزائفة احلام احلام ابن عمج ترى ماكو وشي
وياه اسمة على ارض الواقع مجرد دماغج رسملج تخيلات وانتي ضليتي متمسكة
بيها لان رعنه
،، الله كريم أمي وخواتي حتى ابوي مكيف
ويقنعون بيه هاي هي من ننزل باالعطلة
النصفية اوافق عليه
،، ضربتها على كتفها عفية ترابتي خوش
اسمعين الكلام
،، ههه اي وأنتي شنو وضعج ويه ناظم
،، منو الغزالي هههه اتفقنا على العطلة يجي
يخطبني
.، يعني تردي
،، اي خوش ولد وشاريني ليش لا ولو شغلة
وحده متعبتني هي تفكيري بالبعد عن أمي
كولش متعبني التفكير بيها ومداقتنع
مرات بالموافقة
،، ترا اكو اختراع اسمة سيارات ماكو بعد
شيء اسمه بعد
،، الله گريم منا لنهاية السنة
كملنا السنة وبدينا بالامتحانات النهائية
اول يوم نزلت متأخرة ومشيت بركض
لان السكن يصير برا الكلية وبعيد اشوي عنها
كمت امشي على السريع
صار بوجهي ولد وخرت من غير جها اعبر
هم صار بوجهي وكفت وخزرته
،،، شكووو ياب سالمين
،، الله يسلمج بس ردت اشوف هذا الغزال
الشارد منين اووف لو بس يخليني اصيده
،، من بيت امك شارد وخررر
ضل يضحك صدك انته متستحي وخر
من وجهي لاانزع الحذاء و دكها على راسك
،، احترمي روحج لج لااطيح حظج
،، لاوالله من شوكت صرت رجال وطيح حضوظ
ياسسخيف ياالي البلا غيرة لو تستحي
من صدك وعندك ذرة رجولة متتعرضلي
وهسه توخر لو اعيط والم امه محمد عليك
،، وخر من كدامي وسمعته كال بسيطه
وراح اني دخلت للامتحان بس شنو دمي فاير من هذا النذل القبيح كملت الامتحان
وطلعت كعدت انتظر فرح اول مااجتي
ضربتها بالكتاب على ايدها
ليش عفتيني وحدي ليش
،، وعلي كعدتج وانتي مثل القتيلة من شفتج
رفعتي راسج وكمتي طلعت شدراني ترجعين
تهوبدين من جديد شكو ضايجة
،،، حجيتلها الموقف الصار وياية
،، خلي يولي كومي دنروح اني اعصابي
نشدت من التوتر مال الاسئلة
،، رجعنا للسكن وكضينها قراية الدروس
كلش صعبة اخير يوم الامتحان كان يوم
مفرح عندي حسيت روحي كنت بسجن وتحررت
منه. فرحانة راح ارجع للبيت ولاأمي مادريت
هاي الفرحة كانت شيء مؤقت لتعب ودموع
مراح تنشف من عيني او وجع راح يرافقني
طول عمري
بس راح اشتاق لفرح اول مرة ابجي من صدك
يمكن كل سنة ماابجي عليها لان اعرف تخلص
العطلة وارجع لكن هسه مالي بعد رجعة كضينا الليل كله بجي حتى وردة الي ماارتاح الها حضنتني وبجت الصبح طلعنا للامتحان
خلصنا والحمد لله اعرف روحي راح انجح
لان جاوبت كل الاسئلة قررت ارجع ومااحضر
حفل التخرج الي الطلاب محضريها لان كان
بالي يم أمي تعبانة مدري متوحشتني حيل
طلعت من الامتحان راجعه للسكن وكفت
سيارة يمي واحد صاحني نيران التفتت
اله من شفته ابتسمت ناظم نزل
هلاو اشونج
،، زينة انته اشونك
،،، بخير كملتي مو
،،. اي
،، تعاي اوصلج للسكن
،، ههه صدك تحجي ترى عبور الشارع
،، دصعدي اشبيج خلي افرج بسيارتي
الجديدة حتى لو بس الوف للشارع الثاني
هم ميخالف
.. ههه ديلله صعدت وياه صعد وشغل السيارة
ومشا بينا خلص الشارت وما لاف انداريت عليه هاييي وين ماخذني ناظم
،، مو بعيد لاتخافين عندي حجي وياج
،، عطت بيه نزززلني هناااا نزلنيييي لزمت
ايده وهزيته
،،، شكووو ولج خلي افرج لاتخافين يعني
متأمنين بيه
.، لا باأمي ماامن دار وجه يباوع للشارع
وابتسم تك خد مستهزا وطلع بعيد
عن السكن والجامعة والمنطقة
،،،،،،،،،،،،،،،،،،،،،،،،،،،،،،،، ولانكِ جامحة
داليا المسلم