جموح انثى
بارت 13
داليا المسلم
اتمنى لكم قراءه ممتعة 🥀
نيران
كامت وكفت وتباوع عليه وتضحك
،، اشرتلها شكو ولج نضرتج تخوف
مال خباثة دنكت عليه ودفعتني برمشة عين وكعت بالحوض وأني ماااعرف اسبح ضليت اطبش باالمي
اريد واحد يسمعني يااناس مااعرف اسبح مااعرف كمت اختنك والصورة بدت تتلاشه بعيوني رؤيا بالبداية تضحك وبعدين من شافتني صدك مااعرف اسبح عاطت نيران غركت
بعد ماحسيت بشي ء حسيت انسحبت من الحوض وايد تضرب بخدي صحيت وضليت اتقيئ المي حتى من خشمي طلع أمـي حاضنتتي ومبين مفزوعة خوف عليه تلم
بشعري
،،، اسم الله حبيبتي نيران ماما شوو
رافعي راسج
،،، همست مختنكة ماما
طلال يمي ايدك بضهري رفعت ايدي اشرتله خلاص صرت احسن هو خزر رؤيا وعاط بيها
،،، وثول ادري اشون هيج اسوين لو ميته
البنية شهل الغباء الراكبج
خالتي سحبتها واعتذرت مني
،، احسبيها عليه خاله حبيبتي رعنه هاي
مو قصدها
،، كحيت بخنكة واشرتلها لا لا خالة مصار
شيء لاتكبرون الموضوع
هي كامت تبجي ودكول لطلال
،،، والله موقصدي دااشاقة وياها والله
عاط عليها طلال بعصبية
موقصدج والله يالله لو ميتة كان هم كلتي
مو قصدي هو هذا شقى
خالي لزم طلال من ايده
خلاص طلال كافي نيران طلعت سلامات
سد الموضوع كومي خالي
حضني من كتفي وكومني لفتني ماما بالعباية
مالتها ودخلت للغرفة همزين مرت خالي
جايبة وياها ملابس لان تخبز ويدمرن هدومها
نطتني ثوب وربطة بدلت وأني الهبطة بعدها
بيه هناء اخذت ملابسي شرتهن لان شمس وحارة فتحت الباب رؤيا دخلت إجت حضنتني
،،، اسفة نيران والله مو قصدي والله
،،، كافي مصار شيء هاي بعدني عدلة
مثل الصل ههه امشي نطلع نتغده اشو
جعت يمكن السبح يجوع ههه
طلعنا مدو السفرة البنات وعمة طابخة
دولمة وبرياني صبتهن هي وأمي والولد
جابو السمج كلنا كعدنا نتغده أني بصفي
هناء لمياء والولد على صفحة بس جلال
مابقى راح يشتغل صاحه خالو أشرله
ميريد من كملنا غسلت وصحت لمياء
تعاي نروح نتمشه يم الشعير
منضره كلش حلو والجهال تتراكض بنصه
،،، امشي
صعدنا على الدجة مال الحوض بس بعيد
عن المي هناء راحت تزرع وية خالو
ضلينا نضحك لمياء صاحت عليها
هااا ولج غمج الغبره صايرة فلاحة نشيطة
ضحك خالو علينا
،،، ترحلها فدوة والله معدلة بعد خالها
خوما مثلجن مابيجن خير
،، أني ماعلقت ساكته وصافنه عليهم خالي اشرلي
،، ها نيران شداتفكرين بمصيبة هه
،،، هههه ماكوش مصيبة بدماغي خالو
هاي الها ناسها هز راسه ويضحك
عرفة بسمار لجلال كملو شغل هناء غسلت
واجتنا وجها صاير طماطية وهي بيضة ثلج
هناء احلى وحده بينه كلش جميلة عيونها
وساع بيضة شعرها سرح وكله قصير تكصة
خدوها متفحة رغم هي رشيقة وشفتها
مدورة ومنفوخة همزين متوالمين هي
وزوجها هو هم حلو مناف اشوة من
مقداد ابو كرعة
لمياء ماما دكول عيونها مثل ابوجن صفر
بس زغار وجها امبين بيه الكبرياء وهم
موقاصرة حلوة بس منوصل لجمال هناء
سحبتني هناء من ايدي
،، كومن نتمشى هناك يم المشروع طاكه
روحي ماريد اكعد يم جناين خوالج
دغيتها بمتنها
،،، شكو منو وياج كولي بس احجي
ضربتني لمياء
،،، اي حتى تهد وترد وتالي توكع براسج
ياهناء ههههههه ديري بالج تمشين وراها
،،، هاا لمياء هاا طلعت موزينة أني غير اتخبل
لو واحد حجة عليجن والله مدي اكله انقهر ماحب احد ياذيجن حتى لو بس كلام شعندي غيرجن غير انتن خواتي وصديقاتي
،، يووو نيران ماكو محد ويايه امشن
فضني
،،. طلعنا عبرنا الشارع وضلينا نتمشى
اني بسد النخل امشي واتلمس بورق الاشجار
اكولج هناء متحجين ياعيني اشبيج مو ترستي
الشارع حصرات دشوفي اشون تفطر
،،، اوف اشبية مخنوكة وضايجة وتعاركت وية
مناف
،، لا بربج إنتي تتعاركين خوما كضيتيها بجي
وخربتي برستيج الزعلة
،،، اي تعاركت وصيحت عليه
،،، لا بربج والله فاجئتيني والله طلعتي سبعة
هيج ومن البداية بس إنتي غبرة من البداية
واراوي العين الحمرة دائماً خليج هيج وطلعي
السانج عليه لاتسكتيله ابد ابو كفشه
كرصتني لمياء
دسكتي خل نفتهم اتركي النبص مالج
اي كملي هناء اشبي المدلول
،،، شكمل طلعنا لبغداد ناخذ ملابس للجهال
كال هناك احلى الهدوم ودانمشي بالسوك
واحد تحارش بيه بس والله أني ولا يمة
ولا منتبها اله وج عيني التفت اله مناف
وتلازم وياه وكعلة دك بوكسيات اني
سحبت الجهال ودخلت للمحل ورا الغراض ختلت لزمتني الرجفه
،،، اي ونكتل لا
،، دخلو ولد من السوك وفاككوهم بس هو ملخة
للولد وج عيني ويصيح علينا طلعت اركض
اني وجهالي اخذنا سحول للسيارة
بس صعدنا وهو نهد بيه فد هده كله منج
كتلج البسي عباه وهو ابد ماكلي كذاب
وضل الطريق كله يحجي ويغلط ويعيط
لما وصلنا طلعت روحي وانوب بس دخلت للبيت
استلمني بعد مطلعين ولا دكولللي اريد
اطلع وهو علي ابتلي بيج واكضبج هناية
واصلخ جلدج
،، تالي ماتحملت عطت بوجه واني شعليه
مو دامشي بصفك ولامنتبها اله
ردلي
،، إنتي لو مامنطيته مجال ما يتحارش
بيج ولا يباوعلج
،،، صدك بوكتها عطت بوجها كتله
عيب عليك ماتستحي هيج تتهمني شنو قصدك أني ادور ولد من وراك هاااا احجي
لزمني على هل الحجاية كطعني تكطع اشون تحجين هيج ودكولين ادور ولد اخخخ ولجن خبلني منين مااجيبة يطلعلي أني هم ماقصرت من ضربني ماخليت ماغلطت
وانوب رجعت ملخت روحي وردت احرك نفسي بس هو لزمني حضني راد يرضيني ماخليته شالني وشمرني بالغرفة وقفلها عليه
،،، صفنت عليها ولمياء ساكته وهم صافنة
اكولج سالفتج صعبة أنتي بعد منا وجاي
لاتسكتين اله من يهد عليج أنتي هم هدي
،،، يالله شوف هاي شتحجي اني
هم تعبت يعني داشوفه ماعندا ثقة بيه
والله وهو يدري للباب ماطلع اذا موياه
واليوم أني اجيت زعلانة مشوفنا راح
مابقى للغده حسبالة اكولة انتضر ارجع
وياك من شافني ساكته وكالبة خلقتي بس الله عليكم لاتحجون
لاأمي لان ماتسكت اله وتروح ترزلة
والامور تتازم ويطلكني
،،. والله ذبحتيني هو شنو الطلاك لعبة
وغمة الي تغمة خلي يطلكج
،، انجبي نيران ماكدر اعيش بدونة لو كل
خبالة احبة مو بيدي رغم هو خبل وعصبي
بس احبه وهو هم يحبني ادري بيه بس
مااعرف المشاكل ماعرف منين ايطلعها
عليه
جاوبتها لمياء
،، يغار عليج وهو منا طبعه نحس والتمن
اثنيهن على راسج
.. اي والله لمياء صدك حجايتج
البارحة المغربية كلها يفتر وراية راح
جاب عشة عود يرضيني
،، يطبح طوب خبصتينا بيه اكو وحده تقبل
ترضى بالاكل أني اروح اتمشى وانتي ضلي نوحي عفتهن ورجعت وهنه ضلن يحجن على الزواج ومدري شنو مريت من يم بستان ثاني كلت اعبر منه واطلع للنص وشفت ولد كاعدين يشربون كدامهم بطالة شرب اعرفة
لان شايفته بالتلفزيون
واحد كام وضل يمشي ويطوطح اجه بتجاهي
يمشي أني هم نثولت ضليت صافنة عليه
اول مرة بحياتي اشوف واحد سكران
سمعت صوت طلال صاحني ويعيط الولد
شرد من سمع الصوت
نيرااااان ثولة وين موليه تعايييي اجه يركض عليه وسحبني بعصبية
،، وثول مخبلة أنتي اشون ترحين لهناك
مو يلزموح يطيحون حظ حظج وميدرون بروحهم امشي كدامي يله
،، دفعت ايده وخرر ملك شغل بيه اني
اروح سحبت ايدي منه وطلعت شفت جلال
واكف ونضرته علينا بخزه ياااي دولي
انته الثاني كتلتني كضيتها بس تصفن
رحت للغرفة كلهم كاعدين ومشغلين المبردة
الغرفة هي مال طين ومنا برودة صايرة ثلج
رحت مددت يم امي وخليت راسي بحجرها
صافنة على سوالفهن ماادري بروحي غفيت
ويننن حسيت شيء دافي يمشي على خدي
ولمس اصبع يتحسس بخدي رفعت ايدي
وفركتها فتحت عيوني شفت خيال جلال طلع
من الغرفة كعدت مفزوعة ضليت اتلمس بهدومي مابية شيء متلفلة بعباية أمي هذا شسوالي المصخم اشون بالله بيه
كمت طلعت دايلمون الغراض نرجع للبيت
خالو هو رجعنا والبنات ويانا رجعن اول
مافتنا لزمنا سرا على الحمام من التراب
والزفر غسلت اخير وحده ورحت للغرفة
البنات مشغلات السبلت ونايمات
واني وين أنام وين اشو مستحلات فراشي اشرتلي هناء
،،. اطلعي وسدي الباب روحي يم أمج
فاركينا عدنا حجي مال اكبار
،، يووو ركعت الباب رحت نمت يم أمي
ضلت هناء عدنا يومين بالثالث اجاها
مناف رحت وديتله الجاي وكعدت يمهم
هو ضل كاعد ينتظر أمي بالله شتحجي
من شافها ماعدها علم بالموضوع اخذ هناء وراح
التهيت اقراء للامتحانات خلصت
العطلة مالتي ورجعت للبصره اول
يوم مثل كل مرة نرتاح وبعدين نحجي
اشون قضينا العطلة ببيوت اهلنا وشصار
وشسوينا
وبدينا بالامتحانات كل يوم شد اعصاب
وخوف من صعوبة الأسئلة اخر يوم النا كملت الحل وسلمت ورقتي وطلعت انتضر فرح كنت أمشي بالحديقة قرب الكافترية سمعت واحد ايصيح باأسمي
التفتت اشوف منين مصدر الصوت نفس الولد الي نضربت بيه هذا منين عرف أسمي
وشيريد وصل لعندي
،،، هلو نيران اشونج
،،، صفنت بوجهَ ورتبت ملامح وجهي كأنو
اول مرة التقي بيه وجاوبته اهلاًً أخي تفضل
ضحك وحك كصته
،، احم ممكن نحجي بالسنتر مااخذ من وقتج
هواي
،، حجيت بداخلي هذا شيحجي بس يله
خلي هل المرة اكون راقية باسلوبي بالله
داشوف شيريد جاوبته
(اي ليش لا تفضل ) مشى كدامي وأني
ورا صافنة بمكفاه شعنده هل الوسيم
شيريد مني دخلنا للسنتر سحبلي كرسي
وكالي
،، اتفضلي
،، ابتسمت من كذب شكراً كعدت وهو هم كعد شبكت ايدي وخليتهم على الميز
وضليت اهز قدمي اليسرى من شده التوتر
اجتاحتني الرغبة اكوم اهرب من هذا الموقف
الي خليت روحي بيه شجاني وكعدت وياه
هذا ( بس سؤال من رخصتك )
صافن بوجهي
.. اي تفضلي
،، اشون عرفت أسمي بلا زحمة ضحك
ورفع حاجبة
،، والله سألت صديقتج عنه
،،، هممم ضيقت عيني واني اباوع عليه
،، تشربين شيء
،،، هممم هزيت راسي بلااا
كأنو ماسمعني كام راح جاب اثنين كولا وخلاهن على الميز وكعد
،،، اتفضلي اشربي اليوم اخر يوم وتعب
وضغط اعصاب وهاي باردة مجرشة
،،، دفعت الكلاص بصبعي لناحيته وكتله
انته يامرحلة ويانا جاوبني
،،، الثانية
،، شنو شلك بيها ترىٰ شكلك امبين جبير
مو مال ثانية
،، مو راسب بالسادس سنتين وطلعت منها
بالدفرات موزين وصلت للكلية راح يحتر الكولا
اشربي
،،، ماررريد ضليت صافنة على حواجبة
اشو كلما يحجي يتمركصن وية حركة شفايفة
الصراحة قلقني ونخبصت
وانوب كل واحد يفوت من يمنه يسلم عليه
هلاوو ابو الشباب وهو يرحب بيهم
ضليت ادك بصبعي على الميز اكول ابو الشباب على كولتهم والله كانك خايس بهل الكلية اشو الشباب كلها تعرفك
،،، ههه لا بس اني عشري وكلها اصدقائي
،،، همممم ضيقت عيني بنضرتي اله بشك
اييي كول شتريد مني
،، عندي سؤال جاوبيني واجاوبج
،،. خوووش كلتها بمللل قلقني حواجبة ليش
يركصن مااعرف
،،، أنتي مزوجة
،، عقدت حاجبي مشمئزه ماعجبني سؤاله
بس هذا شي ميخصك على العموم راح أجاوبك
لااا مامزوجة ولاغية فكرة الزواج من دماغي وقاموسي لان ماكو ذكر شفته براسه حظ وكلكم خونة وكذابين اصلاً حرامات الله خلقكم لانكم بلا نفع بس مضرة لجنس حواااااء
(( اذكرت جلال وغدرة بيه وحميت على هذا كأنو فتحلي الباب الي كنت غالقته على
السواء بيه جليجل ))
ضربت الميز بيدي حيل وعطت بيه كااافي حواجبك قلقني ثبتهن لا اركعهن بالكلاص
هو من كملت ضحك ضحكة اختنك منها
،،، يابه والله هنه هيج طبعهن يركصن شسويلهن
،، افففففف فضضضنييي شتريد
،،، على كيفج لج ليش اصيحين عليه لازم
كانت عندج علاقة سابقاً ومضرره منها
،،، ولجلاجة التلجلج عظامك شهل الميانة
الزفرة اكولك عندك شيء بي خيررر كوله
واذا لا فخلي اكوم اولي احسن شهل المصايب الي داتوكع على راسي يووو
كام وكف كدامي وطلع بيه ورقة وخررر
من طريقي
،،، بس دقيقة هذا رقمي الله عليج اخذي
واريد احجي وياج بالعطلة عندي موضوع لان بعد مااشوفج منا لما يبدي الدوام
،،، اكككلك ياب اسمع ترىٰ أني مو من
صفاتي هاي اشفتني من واحد لواحد
وارقم الشباب عندي اكووول احترم روحك
او وخر من كدامي لا افضحك بنص الكلية
دفعته وطلعت
(( صح كنت أني وية جلال فري يمكن لان اتربيت وياهم او هو مني وبيه بس عمري كله مامطية مجال لغريب اوحاجية وياه وانوب صارتلي عبرة ودرس سالفة جلال اقرب الناس اليه تهمني ومارحمني اشحال الغريب واللله يالله )))
رجعت للأقسام لميت غراضي كلهن فرغت
اللوكر اجني البنات وهم بدن يلمن باقي
الغراض جهزنا ارواحنا ووتودعنا
ومثل كل مرة فرح تموت من البجي واني
اكتفي احضنها واضل اواسيها
رجعت للدجيل
وصادقت ان التقي بجلال هو هم
توا نازل من السيارة صرنا حالنا حال
الاغراب حتى سلام ميجمعنا ابد
هو صح اتخرج بس بقى يدرس ماجستير مارجع للدجيل استقر ابغداد ابد على طول الوقت صامت ومهموم على شنو مااعرف اشو انته بنص بغداد بعد شتريد عيش حياتك
ماهتميت اله فتحت الباب ودخلت غراضي
هو واكف يباوع عليه سديت الباب بوجها
ودخلت اول ما ذبيت الغراض صارت
عندي لوية ضليت افرك ابطني اشوية خف وراح تركت الغراض بنص المطبخ ورحت ادور
أمي
وينها البيت هدوء فتحت باب غرفتها نايمة انترست راحة من شفتها ذبيت حجابي ونزعت سترتي. غسلت ورجعت حشكت روحي بحضنها خطية فزت مخروعة من شافتني ضحكت
،،، هههه ولج مكموعة شسويتي بيه
حسبالي مدري منو شو بطيتي
،، اوووو ماما نعسانة خلي انام بحضنج
الطريق ازدحام
،،، اكوم اصبلج غده عصرية
،،، مااريد والله بس نوميني تعبانة حضنتني ونمت غفيت على ريحتها حسبالك صارلي سنة مانايمة للمغرب حسيت بيها كامت وغطتني ورجعت نمت. ويين صار وجع ابطني ومصاريني كامت تضارب فزيت وعصرتها بيدي مفاد ضليت اتكلب تالي ماتحملت عطت اخخخخ بطني ماما
وينج اخخخخ
فاتت تركض حضنت راسي ورفعته
،، شكووو نيران اشبيج
،،. مااعرف بس بطني بطني احسها داتتكطع
،،، وج اشبيج ماما اخاف الشهرية
،،، لا لا مو موعدها يمة بطني تركتني
راحت جابت مسكن انطتي شربته
ومفاد ضليت الوب وكمت اتقيئ المي الي
شربته ماما بطني تملخت
لبست عباتها وراحت لبيت خالي ضليت
اتلوة واعيط منها اشوية ودخلت أمي
اووراها خالو ومرته والولد اثنينهم
شالني خالو وكفني وأمي لبستني ربطة وعباية وطلعت اسحل بروحي سحل شغل السيارة جلال وصعدنا ودوني للمستشفئ الطريق كله اعيط منها اول وماوصلنا
دزوني للشعة شكو مصران اعور وصدك
طلع الزائدة عندي
دخلوني للعمليات اول ما خلولي البنج
غفيت بعد ماحسيت بشي ساعتين وصحيت من البنج لكيت روحي بالغرفة وكلهم يمي
ماما مي انطيني رفعت راسي ومسحت شفتي
،،موهسه اصبري بعد فد ساعة خوما متألمة
،، لا اشوية الولد اثنينهم تحمدولي بالسلامة
وطلعو خالو كالهم روحو أني الصبح اطلعهن
،، راحو بقت بس ماما وخالو يمي للصبح
صرت احسن طلعنه رجعنا للبيت للعصر
خواتي اجوني تحمدولي بالسلامة وراحو
بيت عمي اجونا خالة رشيدة وعمة قدرية
مدري شعبجب هل المرة ما حجت شيء ويايه
كانت توها جاية من العمرة صار خامس مرة
تروح جايبتلي عباة اسلامي ودراعة مال عرايس
شلته اكلب بيها ذبيت بحضن أمي
عمة شنو عروس جايبتلي ابيض مال عرايس
،، وشكو بيها ضميها بلكي تعرسين وعود البسيها
.،، ماريد ازوج أني مااترك أمي
عوجت حلكها
،،، اي نشوف عود ماتزوج هية
،، اي عمة اريد اصير راهبة مثلج إنتي
مو اعتكفتي عن الزواج
،،، دسكتي اسكتي وانتي تلحكيني العرمة
وليي تشبه روحها بيه البطرانة
،،، ضلت أمي وخالتي يضحكن علينا
ساعة وراحن الايام الي اقبلت أني
ماطولت اسبوع وتعافيت صرت احسن
العطلة خلصت وأني ماطلعت غير كم مرة زرنا ودانا مقداد كال انوب اخذكم لبغداد اونسكم رغم بيت عمي هناك عايشين بس منررح عليهم ااصلاً هما كطعية مايحبون الزيارات
شكد احب بغداد وبنفسي اعيش بيها كان حلمي اكمل دراستي هناك بس بعد كله
بسبب طلال
بدا الدوام ومثل كل مرة حضرت غراضي
بس ماما ماعجبتني مو مثل قبل صحتها
شلت هم اشون راح اتركها وحدها كلت
اكلف مقداد ينقلني بس هي ماقبلت
خالج مايتركني والبنات يبقن يمي لما ترجعين
،، بس ماما خوما كل يوم يمج قابل اضلين
وحدج شدكولين لو اجل السنة اشو صحتج
ماعاجبتني
،،، لا شتأجلين اني اريدج تخلصين وترجعين
يله كومي راح تتاخرين على السيارة مابية
شيء أني هي هاي من زمان مفاصلي
توجعني
،،، اخذتني مثل كل مرة وصلتني ودعتني
ورجعت طول الطريق وبالي يمها اخاف
توكع ومحد يمها اول ماوصلت خابرتها
هناء جاية يمها وهي متقبل تروح عد احد
ثاني يوم من الدوام كنت كاعدا أني
وفرح على كراسي بالحديقة ودانسولف
بالمحاضرات وكف خيال فرك راسي خليت
ايدي من الشمس ورفعت راسي شفته
نفس الولد الي اندعمت بيه سلم عليه
،،، هلاوو نيران اشوج مشتقاقلج والله
،،، ايبااا رديت عليه برسمية هلا بيك الله يسلمك كمت لميت كتبي واشرت لفرح الحكيني
هو ضل واكف يباوع وراية التفتت شفته
شلزك هذا رجعنا للاقسام تغديت
ونمت سمعت صوت جهازي يرن شلته
باوعت رقم غريب انطينه رفض ورجعت لنومتي
وصار هذا الرقم كل يوم يدك عليه
شكيت بيه جلال بس رقمي جديد مامنطينه
لااي أحد. فرح شافتني صافنة
،، شكو نيران شو صافنة
،،، ماكوش بس هذا رقم غريب اله اسبوع
يتصل بيه ضلت صافنة بوجهي ومتحيرة
،،، هممم
،، شكوو احجيهن الي عندج كولي
كامت كعدت بصفي واخذت ايدي بيدها
،،،نيران الله عليج راح اكلج شيء بس لا
ازعلين مني ولاتنقهرين مني
،،، ترا حجيتي هواي فضيني شسويتي
من مصيبة
،،، انطيت رقمج لـ ناضم لان هو اكثر من مرة
طلبه مني وخجلني وين ميشوفني يطلبه توسل
بيه
،،، يا ناضم هذا منو ؟؟
،،، اشبيج الي ندعمتي بيه مرة هذا الي
سلم علينه ثاني يوم من داومنا
،،، الله يطيح صبخج وانتي منوووو سمحلج
تنطيه اله ليشششش هيج اسوين تقبلين
اني انطي رقمج واخلي ارقام غريبة ادك
عليج هااااا احجي ضربتها على ايدها ودفعتها
كامت تبجي
،،، والله جبرني والله وحرجني اكثر من مرة
اضطريت انطي اله
،،، وليش ماكلتلي ليششش ولي مني وبعد
لااعرفج ولا تعرفيني وخرري دفعتها وكمت
ضليت افتر الووب هسه شيكول عليه
وهي ماتت من البجي اشرتلها كاافي
ماريد اسمع صوتج كافي خرا بيج من
صديقة بعد ما احبج ولا اريدج
وبالفعل تركتها وبقيت اروح وارجع وحدي
اكل وحدي مالي شغل باي احد
وهي تكابلني واضل تبجي البنات يسالن شكو اشسوت مااجاوبهن اكتفي بالسكوت
ثالث يوم اجتني وحضنتي تبجي
،،، نيران والله اسفة والله رزلته وحلفتة
ميتصل بيج
،، وخري السويتي مو شيء قليل ولايغتفر
الج وأني شعرفني منه شيريد وبعدين هو
شلطش بيه
،، يعني شنو صداقتنا انتهت
،،، لا مو انتهت بس ماعتقد نرجع مثل قبل
موبيدي الي يغدرني لو يأذيني ماترجع معزته
عندي مثل قبل
لن اعزك مرتين هي مرة واحده فاذا خسرتها
فاالثانية ستكون مجاملة هاي قاعده عندي بالحياة تتحمليني لو لا
،،، اي موافقة
،، تمام وهسه من رخصتج اريد اقرأ
كمت وتركتها كعدت اقرأ وحدي وهي
تباوعلي وتبجي بسكوت بله شيويلج هاي
أني هذا طبعي شسوي
وبقى ناضم كل مايشوفني يذبلي كلام
ضايقني حيل ردت اتعارك وياه وتراجعت
خفت تطلع عليه سمعة بالكلية وأني منا
غريبة التزمت الصمت منه وماعرتله اي
اهتمام بيوم كنت مريضة حيل افلاونزة وعظامي تكسرن فرح ضلت تحوم فوك راسي
،، تردين شيء نيران ادفيلج مي لبطنج
محتاجة شيء
،،، لا روحي لدوامج مااحتاج شيء واذا تخربطت اتصل بيج روحي تركتني
وطلعت واني ضليت الوب من الوجع من
سويت الزائدة لليوم مرات اصير عندي
اوجاع ابطني تروح وترجع
كعدت وسحبت الملازم كلت الهي نفسي وبلكي انسى الوجع ضليت اقرأ دك جهازي سحبته رقم غريب رفضته وخليته صامت ورجعت كملت قراية دخلن البنات سلمن وراحن يسون اكل فرح سالتني
،،. اشونج
،، الحمدلله زينة
،، جابت الاكل واكلنا شربت جاي ومددت
نمت لليل كعدت عركانة صايرة مي
شلت تيلفوني اشوف ابيش الساعة
10 وكلهن نايمات هو وبيدي دك نفس الرقم
خفت لا من اهلي لان واصل رقم الاتصال ٣٠ مرة متصل فتحت خط
،،، منورو
اجاني صوت خشن لرجال
،، السلام عليكم
،،، وعليكم السلام منو انته وشرايد داك
اتلاثين مرة ماتستحي اعرفك تعرفني
مدكول عدها اهل كاعدا يم ابوها اخوها
مافكرت اذا سالوني منو هذا شكول
وانته. ضال دك دك دك. دك دك دك
شكوووو يعني شكوو تقبل واحد يتصل على زوجتك أختك هلكد اشبييك اخرسيت ماتحجي
،،، نعل بليسج شحجي هو انتي انطيتيني
مجال ارد عليج خليتي حرف ماذكرتي من يوم يومج متسرعة بكلامج بس تردين تاكلين المقابيلج شكووو انتي فتاة ترىٰ استقري
اشوية
( صدك صفنت لروحي مانطيته مجال يحجي
اخذته حاصل فاصل )
،،، دكول منو لو لا اريد انطمررر فضني
لا تحجيلي مثل فرانسيس بيكون فيلسوف
زمانة فتاة هو احجي من الاخير ولا اضل
تهدر كلام بلا جدوى
،،، والله عمي حتى اذا كنت ناوي اكول
منو أني بطلت
،، اووف ياااي وتالي وياك اني هم رعنه
من البداية واسده بوجك احسن
،،، لا لا انتضري أني ناضم
،، شنووو ياناضم بس لا الغزالي ههههه
،،، مضحك على العموم ناضم الاعمى
نسيتي الي ندعمتي بيه
،،، انته ندعمت بيه مو أني شكوو شرايد
ياناظم زمانك على كلااً شكو شرايد تتصل
بهالليل مو فرح كالتلك لاتخابرها راح
تدخل المشرفة علينا ترى اريد انام
،،، لا بس حبيت اسأل ليش اليوم ماداومتي
مريضة بيج شيء
،،، ميخصك عندك سوال غيرة
،، اي
،، خلي لنفسك واحتفظ بيه
يله باي سديته بوجه وقفلته ونمت ثاني يوم طلعنا للدوام نص المحاضرات وفرح دوحست انعدت مني فلاونزة
،، نيران راح ارجع للأقسام تعبانة
،، روحي وباقي المحاضرات اني اشرحهن
الج من ارجع تركتني وراحت كمت تمشيت
للكافترية حسيت بشخص يمشي وراية
عرفته اللزكة دخلت سحبت كرسي وكعدت
ضليت اكلب بالملازم هو وكف يمي
كال
،، السلام عليكم
،، طبكت الملزمة حيل وركعت ايدي عليها
وعليكم لاسلام ولابينا كلام شلزكت رحمة
للديانات شكوو خلي اشوية قيمة لروحك
كمت لميت كتبي وردت اطلع صار كدامي
،، كافي ترا هواي اجاوزتي اذا انتي
مجلوبة بالكلام ماتخلين احد يحجي وياج
،، وعلى شنو تحجي وياي ولشنو وليش
وخرر رجعت كملت محاضراتي وبوجهي
للقسم واني فاير دمي على
فرح مدي اكضبها اشرب من دمها هي
الي نطته مجال مو أني بله تقبل على
روحها اسوي بيها هيج اول ما وصلت واني حالفة اضربها
بس شفتها متلفلفة ومريضة كسرت خاطري
حللت ملابسي وتغديت ونمت العصر كعدت
على صوت الجهاز يرن هو نفسة
ومنا توني كعدت والخبالات صاعدا فول
عندي كمت ترست سراحية من البوري
واجيت وكفت فوك راس فرح
اشرتلي وردة
،،، لا يولي خطية مريضة والجو بارد
،، اسكتي مالج شغل وردة خلي ادبها
للمهبودة ونايمة مرتاحة رفعت السراحية ودرتها كلها فوك راسها فزت وعاطت من البرودة
،، اشششششششاه ليش هيج نيران
ليش
،، كامت تكمز وتنكت بهدومها دارت وجها
مني زعلت هزيت ايدي والله يالله يطبج
طوب ازعلي وين ترحين مردج ترجعيلي
شلت تيلفوني ورحت للمطبخ بحجة اسوي
جاي كلت بلكي يتصل اذا ماامسح بكرامته
الكاع
مليت القوري مي وخليت لطخته لطخ
على الطباخ فار وخدرته وصبيت بالكوب
شلته وداطلع كام يهتز بيدي الجهاز
صارت عيني عليه وسهيت عن الكوب
،،،،،،،، ،،،،،،،،،،،،،،،،،،،، ولانكِ جامحة
داليا المسلم