جموح_ انثئ
بارت 10
داليا_ المسلم
من قال أن الطيور علئ أشكالها تقع :؟؟
لم أكن علئ شاكلتكم ابدآ انا كنت من سلالة الصقور
وأنتم من سلالة البطاريق عبثآ كنت أحاول تعليمك الطيران للأسف
،،،،،،،،،،،،،،،
نيران عاط بوجهي خالي
،،،، وبكل وقاحة تساليني ليش اضررررررررربج
يا جلبة حامل ولج حامل لزمني هزني بكل قوته ويحجي بقهر
كام طلال سحبني منه وخلاني ورا ضهرة
،، اصبر يابة بس خل نفتهم منها
،،، شنفهم منها هل الكح... الادبسزز
بنت القندرة اشون تنطين روحج اشون
،، سحبني من عباتي وشمرني على الكرسي
مقابيل جلال اندار على جلال ودفره ابطنه
كاله ،،، أحجي كوووووووول
... شكو خالو شيحجي ضليت باهته
شنو حامل ش ش شننو منين منو
طلال كالي
،، نيران شنو علاقتج بجلال شنو الي بينكم
جاوبته وأني مصدومة مافاهمة شيء
،، شنو شبينا انداريت لجلال ضليت ساكته اريد افهم ضرب وحامل شنو
رفع راسه جلال وباوع بعيني
و جاوب خالو
،،، مني يابة مني حامل أني ونيران على
علاقة وهي هسه حامل مني أني اخذتها
،، ركض طلال عليه ودفرة وعاط بيه
(انجبببب ياجلب ياعاررر )
،،، كمت وكفت واني الصدمة اخذت حيلي
شنو شدايبلوني ذوله ركض خالو عليه
ولزمني من ركبتي حنكني حسيت روحي
فرفحت
خالوووو لاا خنكتني فاتت عمة وسحبته
مني وكفت كدامي تحاميني
،،، استهدي بالرحمنٰ ابو طلال كذاب جلال
انته شتعرف نيران رغم وكاحتها يستحيل
اسوي هيج
من تركني وكعت بالكاع عطت بوجه جلال
خالو كذاب والله كذاب حقير ليش هيج
تتبلى عليه نذذذل سحبة طلال وتلازم وياه تعاركو ناس كامت تضرب ناس صارو دماية وعمة تعيط وتلطم البيت انكلب كلاب بعياطهم
،،، يمة ولدي اذابحو يمة ولدي راحو
من ايدي
،،، عطت بيهم كاااافي بس خلي نفهم طلال اشبيكم مثل الثيران تتتعاركون اني من الصدمة ضليت اخربط بالحجي ساعة افاككهم ساعة اضربهم اثنينهم
صاح خالو
،، على ابنه حسن
،، وينك ولك تعاي جيب الشطب جوا الدرج
تلكاه
راح حسن جابه الى اخذه منه اجه وكف يمي
وضربني على ضهري من قوة الضربة والمها صرخت صرخة بحياتي كلها ماصارختها ااااااااااااااااااااااااااااااااااااخخ
جثيت على ركبي بالكاع احس نار
واشتعلت بضهري همست بوجع ونزلت دمعتي تنكط بالكاع ليش خالو ليش والله مضلومة كذب والله كذاب جلال
اجاني طلال راد يكومني وخالي ضرب جلال
ويصيح هرج الدنيا دفعت ايد طلال وكمت وكفت
اتوجيت على الكرسي ومشيت منحنية
من الوجع احسه الضربة بكلبي صارت
وزرعت بيه كره الكون كله على نفسي قبل
كرههم لعد شكد كنت رخيصة أني وانطيت
مجال لهل الزبالة يدمرني اني اني السبب
أني
اندار عليه خالي وضربني على رجلي عطت
بوجع لاااااااااااا خالو لااااااا اذيتني
صاح اني صار ساعة ساكتلج
اصيحين ثيران لسانج متر
اكول لخاطر امها
خطية
اكول يتيمة
اكول وحيده
اكول مالها احد
مااخلي احد يعيل بيج
والي يدوسلج على طرف اهينه
تالي تنزلين راسي هيج نيران
لسانج جسرة وكحة عدم التزامج بالحجاب
اكول ميخالف طفلة ومدلله تكبر وتتعلم
كلشي ادري
نيران بكل رعونيتج وتصرفاتج واكول
ميخالف تتعلم لحد الان ما وصلت شيء لاامج
اكول خطية مريضة واخاف يصير بيها شيء
،،. ضليت مدنكة شفت جلال كعد وخله
وجه بين كفوف ايده عاط خالو
تباوعين بطرف عينج ياحيوانه رجع يضربني
على رجلي وويضرب ويضرب سكتت ورفعت
راسي ضليت صافنة عليه ماهمني كل الالم
طعنتوني بشرفي مااظن اكو الم اقوة منه
عمة تحاجز بينه ضربها وظرب ولده اثنيهن
ودفعهم طلعهم برا وقفل الباب ورجع
وكعلي دك ضليت ساكته احس جسمي خدر
طلال يصيح ويدك باالباب
... يابة جلال كذاب افتح الباب افتح
لاتموت البنية بين ايدك استر علينا بت
العالم اترك الجتل خلينا نفهم الصدك من
الجذب
،،، وتموت وتموت يطبها ستين الف مرض
العار ذب العودة من ايده وراح فتح الباب
وصاحني
،، امشي ويايه لبيتكم
،،، سحبت عباتي لبستها وطلعت ورا
جلال كاعد على الدرج انداريت اله وبصقت
بوجه كام راد يضربني دفرة طلال وكعة على الدرج سحبه خالو وكومة
،، تعالي يالمطي كوم وياية
... سحلة سحل طلعت او وراية طلال وعمة
اجوي دخلت للبيت ماما كاعده بالهول تباوع للتلفزيون من شافتني وكفت مخروعة
شافت خالو وراية
،، هلا ابو طلال تفضل
،، عيونها بيها الف سؤال خايفة تباوعلي
وتباوع لخالو
،، تعاي سناء اكعدي عندي حجي وياج
،، اي كول ياستار شصاير باوعتلي
بس لا نيران حجت شي والقران امسح بيها الكاع امسحها بوجهي خوية
،،، لالا السالفة اكبر من هيج واكبر مني ومنج
،،، دخيلك ربي شكووو
كعدت خايفة كدامة احجي كول مو كلبي
راح يوكف من الهبطة
،،، اصبري اكعدو كلكم
،، كعدنا جلال وطلال وعمة وأني
،،، شوفي يا أم لمياء جلال ونيران بينهم
علاقة استغفر الله وبنتج حامل منه
،، عاطت أمي صخاااااااام بعيني
شهل الحجي سعد شداتحجي انتتتتتته
،،، اشششش اصبري خلي اگمل هاي جبتهم كدامج. التفت علينا
... اثنينكم هسه تحجون كلشي وهنا
،،، حجيت أني خالوووو جذ
،،، اششششش أنتي خلي يحجي هذا الثور
احجي جلال
،، باوعلي جلال بنضرة كلها حقارة ومصر
على كلامة
،،، نيران أني اخذتها وعلاقتنا قديمة
والي صار هسه هي حامل مني وقبل
لاتكبر الفضيحة أني اريدها اريد ازوجها
،،، أني شهكتتتت وعطت بيه جذاببب والله
جذب نزعت نعالي وشمرته عليه اجه بوجها
ماما كامت عليه تهسترت عاطت على جلال وتفلت بوجه وأجتي عليه ضلت تضرب
بيه ددك على ضهري وتعيط وتغلط عليه
ملختني تملخ هلست شعري سحبها طلال
مني كمت انزويت يم الباب صافنة عليها
ماما جذب. والله جذابب حجيتها واحس
روحي طير وخنكو بقوطية والكل موجه
خنجر يريد يذبحة بظلم
عمري مراح انسى ذاك اليوم ولا نضرة
أمي اليه كلها احتقار حسستني اني
شي نكس مقرف
خالو سحب أمي كعدها
،،. اصبري سناء خليها تحجي اصبري
ضلت تبجي وادك على رجليها وتلطم
عمة كعدت بصفها تهدي بيها
،،، شصبر سعد شصبر انفضحنا اتصخمنا
ليش يمة جلال عادتك أبني وأمنت بيك كلت ماعدها اخوان انتو اخوتها تالي حاميها
حراميها ليششششش يالله ليش
،،، احجي نيران شعندج
،،، ماعندي خالو شحجي اني واثقة
من روحي محد لامس طرف ثوبي وهذا
كله تسفيط من جلال ايريد يحصلني بأي
صورة لان طلال ايريدني
تركتهم ورحت لغرفتي سديت الباب ورحت كعدت على جربايتي صافنة يالله شنو هذا شصار شصخمت ياجلال حسبالك بهاي فعلتك اقبل بيك من كبر الي كبرك لو تبقى اخر واحد بالكون مااقبل بعد ماابيك
اسمع خالي يعيط اجه دفر بابي ويعيط
هجم الباب اني قفلته وطلال ملخ
جلال اتملخ وخالي يصيح
اذبحها والله اجتلها وادفنها بالبستان
ابدون محد يدري دوام بعد ماكو نيران
اني السبب هديتلج الحبل سمعته راح
على جلال يمكن ملخو تملخ وأمي تعيط
وتلطم
عمتي كامت اتصيح اتركو ماتتتت ابني يمة
ماتت ابوس رجليكم عوفو خلي نزوجهم
ونسد الموضوع فدوة سعد ابني ماتت عوفو
كطعت كلبي تبجي وتشهك على ابنها
خالو عاط بيها
،،، امشي بت الجلب أني هيج عار ماافوت
لبيتي ولا اخذها اله
أمي عاطت بيهم جلاب الله لا يوفقكم
اطلعو برررررررا ناقصين غيرة الله لا يوفقكم
حسبي الله عليكم بنتي بريئة من هاي التهمة روح ربي ابنك النذل ناقص غيرة واني هم ماتشرف انطيكم بنتي اطلعوووووو
سمعت ماما صاحت متألمة يمكن خالو ضربها
كالته
،،، تضربني ابو طلال تضربني أني اگبر
منك وتمد ايدك عليه
عاط عليها
،،، كله منج سناء أنتي السبب دللتيهم
اثنينهم طلعتي عينهم اشربي يله لم تنطحلين
اخذ ولدة وطلعو صار هدوء بس صوت
ماما تبجي وتلطم
فتحت الباب وطلعت لكيتها كاعدا اباب
المطبخ الداخلي وتبجي من شافتني كامت
سحبتني من شعري وكعت يم رجليها
ملختني تملخ تضربني وترجع تهمش شعري
وتلم كف ايدها اسوي قبضة وادك على ضهري
،، بنت الجلب نام بالكبور وعافجن على كلبي
انعل ابوجن لاابو ظيمج بنت النعل شقصرت
وياج كوللليلي شتردين حاضر شطلبين
مجاب تالي تفكسين عيني نيران
ليشششششش ليششششش ليش ولج
تبجي بصوت متكطع وتضرب خففت ضربها
نهد حيلها كعدت بالكاع ودنكت راسها
تبجي بوونين
،، ادنيت عليها نزلت دموعي دنكت بست
رجلها والله ماما جذاب ماسويت شيء
والله محد لامسني والله
،، باجر من الصبح اخذج للدكتورة وافحصج
والله وتراب اخوية جعفر ادفنج بيدي وارجع
يانيران لو صدك مصخمة وجهي
كمت سحبت روحي منها ودخلت للغرفة
شلت الصرصور اريد اخابر جلال اريد
اكولة ليش هيج ليش بس بطلت اخاف
تثبت عليه التهمة وصوت أمي الي كطع كلبي
تبجي وتون مابطلت رجعت طلعت وكفت
اباب الغرفة ادحكلها
يمة حبيبتي لايصير بيج شي والله جذاب
أني اشرف من الشرف والله
ماجاوبتني كامت وراحت لفراشها مددت
رحت دخلت وراها كعدت يم الكنتور
خفت لايصير بيها شي غفيت وأني كاعده
ماحسيت للصبح ماما دفرتني فتحت عيوني
مثلجة ونايمة على الزولية
،،، كومي يله البسي دانولي للدكتورة
،، ماروح ماما مارروح مستحيل اطلع
أني واثقة من روحي مامسوية هيج
... تمشين لا بالقرآن هسه ادير نفط
على راسج واحركج كوميييييي
،،، خفت يصير بيها شي بس كلت يله
لخاطرها خليها تبرد كلبها كمت لبست وطلعت الها واكفة بنص الطرمة تنتضرني سحبتني من ايدي وطلعنا ابدون كلام اخذنا تكسي ورحنا
لمستشفى اهلي بيها دكتورة ماما تعرفها
تاخذ البنات الها كصت باص أمي وكعدنا
عشر دقايق ودخلنا أمي سولفت الها
،، دكتورة بنتي داتمسح وبالتنكة مال الدهن
مخلية مي ليش مو رجعت ليورا ماتدري
وكعت عليها وهي الحواف مالتها مامدكوكة
ومن البارحة لليوم داخلين انذار على بختج
شوفيها دكتورة
،، الدكتورة ماحجت شي عرفته فلم من ماما
صعدت على السدية وضليت كاعده مستحية
اول مرة اتكشف كدام أحد استحيت منها
وكفت يمي وهمست
،، لاتخافين حبيبتي نامي حتى مالمسج فقط
اشوف وبس لاتخافين
،،، مددت وشافت شغلها الدكتورة كملت
كالت البسي وخرت الستارة وراحت كعدت
كتبت تقرير
،،، اختي الغشاء مامتضرر والبنية سليمة
بنت بيوت وماملموسه اصلاً شخط
مامشخوطة ولا مضروبة مابيها
شي وهذا ورقة كتبت بيها الي شفته
اخذيها وشوفيها للي تردين اشوفينه برائتها
،،، ماما خجلت منها سلمنا عليها وطلعنا
صعدنا تكسي واحنا ساكتين وصلنا للبيت
سحبتني ودفعت باب بيت خالو ودخلنا
الهم طلعت مرت خالي من المطبخ
،،، وينك ابو طلال وينننك عيني
ردتلها زوجة خالي
،،، شكوو بعد شتردن اهجمو البيتي فوك مامهجوم
،،، وخري سلوى كلامي مو وياج وخري
من طريقي وينة ابنج الجلب النذل الغدار
وينه جلال
،،، موهنا طرده ابو من الليل طلعو من البيت
هج الولد
،،، من ايده وجذبه النكس طايح الحظ
،، اندارت دفعتني روحي انتي للبيت هسه
الحكج
تركت أمي وطلعت رجعت للبيت ضليت
كاعدا ومخليه راسي بين ايدي افكر ليش
هيج سوا جلال ليش اكو واحد يتهم عرضة
بشرفها اخخ ياربي هذا شيفكر دخلت امي
انتبهت لكلامها طلعني من صفنتي
،،، كومي نيران خالج ايريدج أني فهمتة
وحجيتلة على جذبت ابنه العار
كمت وكفت منتفظة
،،، مستحيل ادخللهم من اليوم اذا ايريد
مني شي يجي لعندي مواني اروح
،،، اي والله حقج اكعدي وليش أنتي
تروحيلهم هو الي يجي الج ويعتذرون منج اكعدي
،،، كمت رحت ذبيت روحي بفراشي
احس هم ونزاح مني ماطول ماما بردت
واتأكدت من شرفي الله لايوفقك يا جلال
دك جهازي سحبته رقم طلال يووو
شتريد انته الثاني كل البلا من ورا خبثك
رفضته ورجع دك ورفضته فوك العشر مرات
دزلي رساله فتحتها
،، نيران افتحي خط ضروري نحجي
،، رن وفتحت خط
الوو نيران
،، نعم اتفضل
،، نيران احجيلي شنو الي بينكم إنتي وجلال
،، شجلبت انته مو داكولك ماعندي شيء
وية صخام
،،، ههه شنو تردين تقنعيني من طلعتي
من غرفته وحالج متبهذل ماعندج شيء وياااه
نيران
.،،،، سكتت اشوية حسيت روحي اختنكت
شوف طلال ماعندي شيء ابررا الك لان
اصلاً ماكو شي
،،، هاي هي يعني والي شفته كوليلي
وضحيلي
،،، وهم وهممممم الي شفته تريد اصدك لا
تعرفني كلش زين مو من طبعي ابرر لااحد
بس الي كان بيني وبين اخوك مشاعر تافها
وراحت وماتت هو موتها بيده فهمت لو لا
وكانت اصلاً مجرد كلام مو افعال فهمت لهنا
وانتهيت وياكم كرهتكم كره العمة اموت منكم
تحرمون عليه اذا حنيت عليكم بيوم
اختنكت وتندمت اشون اشون كنت منطيته
مجال اشون دنست روحي هيج اشووون
وين كان عقلي
،،، من رخصتك راح اسده
،، اكفي نيران بس ريحيني واحجي شنو الي
بينكم
،،. مااكدر ابرر بعد الي عندي حجيته من رخصتك
،، براحتج ياب براحتج
،،، سديته منه لفيت راسي ونمت
من القهر ماوعيت منا للمغرب
دايخة ماماكلة من الصبح لكيت ماما
كاعدا هي وعمتي قدرية دخلت سلمت عليها
مالي نفس حتى احجي
صاحت وراية قدورة
،، ولج غسلي وتعاي جاي يمي عندي حجي وياج
،، التفتت عليها نعم عمة شتردين
،، دروحي طيري الشر من وجهج اغسلي
وتعاي لااضلين تسألين
،، صارر. كلتها بملل مالي خلكج كولش
والله ولا بيه اداهرج غسلت وسويتلي لفة
اكلتها وهي تصيح فضيني دكوم اولي
ماما كالتلها هسه تجي بس خلي تاكللها
لكمة مامتغداية
،،، كملت ورحت كعدت مقابيلها نعم عمة
كولي سحبت كوشة ورجيت ايدي خليتها جوا
حنجي وصفنت عليها
،،، شوفي عمج ابو مختار دزني عليج
رايدج لابنه الزغير أني سوالفت ويه أمج
وكالت اهم شيء دراستها ورئيها بكيفها
بس الولد يكول لا ماتكمل وابن عمج
شاريج
،،، هههه هاي شكو عمة شنو اخذ صادق
اول ابتدائي لا دراسة ولا شغل ولا صخام صدك تحجين
،، اي عيني واشبي صادق مو رجال
،، عمة ذكر على روحه أني اعتذر ماريد
ازوج اكمل دراسة وبعدين الله كريم
،،، والله كملتي والما كملتي اول وتالي
تعرسين ويبطلج التاخذي
،،، عمة ماموافقة اعتذر منج لاتباوعين
لاأمي تعرفين كلش زين مراح تجبرني
وبعدين عمي ابو مختار يمتى عرفني
اشو صرت ودرت ماعرفته وكم مرة شايفته
،،، بس يبقى عمج
،، لا والله تعذريني غير عمو طارق أني
مااعرف
،،، على العموم براحتج هي مو إجباري
براحتج بس ابن عمج اولى بيج
،،، بعيني عمة بس مو صادق الي أولىٰ
بيه والله راح أكولها الج وبلا زعل ماشايفته
اصلاً ولا عادته ويه العده نسيتي مصايبة
وية بنات الناس
،، هاي هي براحتج سدي الموضوع وأني
راح اسده من ناحية بيت عمج واعتبري
ماحجينا
،،، ان شاءالله طبعاً ماما ماحجت ادري بيها
مقهور عليه لان شكت بيه بس حقها مالومها
كل أم وتسمع ابنتها سوت هيج اصدك
او تنصدم تمدد يمهن وهنه ضلن يسولفن
على حاتم ابن عمو طارق ايحب ورايد
يخطب وعمو رافض ومشاكل يوووو هاي كلها
متخبلة على الزواج شگو
راحت عمتي وماما وكفت فوك راسي
منا وهيج طبة بعد لبيت خالج ممنوع ولا تحجين ويه اي واحد بيهم ارقامهم
امسحيها ولو لاكيتيهم بالشارع اديرين
وجهج سمعتي
،،، صار ماما تدللين
،،، ايكلي كتلته وطردته وين يعني ولى
لقسمة ويكمل دراسته لو طالعة السالفة
منو يصدك إنتي بريئة وحتى لو ثبتي
راح تلطش بيج طول العمر ابن خالها لاعب
بيها لو تراويهم بياضج بوجهم ميصدكون
ماطول الشك صار هو الاساس حسبي
الله عليه والله كلبي ماينطيني ادعي عليه اخخخخ
،،، غطت وجها بالربطة وبجت
كمت كعدت يمها وحضنتها خلاص ماما
عدت كافي ماكو شيء منا وجاي راح
نبتعد عنهم لاتبجين
،،، مهضومة منهم نيران اخوية وابنه
اخخخخ شكد داريتة لهل الجلال الجلب
تالي هيج يسوي
،،،حضرت ملابسي وغراضي ومن الصبح
طلعت ماما ويايه توصلني طلال واكف باالباب
عود ينتظرني يوصلني راد يحجي ماما
كالتله
،،، اخذ راحتك عيني ومنا وجاي مالكم دخل
بيها مسؤليتي اني اوديها مشكورين ياريت
لو منا وبعد اشيل ايدك منها وابتعدو عنه
مشكو ماقصرت
،، هو سكت ماحجى شي تعدينا
وطلعنا للشارع اخذنا تكسي للكراج وصلتني ماما يم الكية الي تاخذنا بوستني وحضنتي حيل
،، الله وياج حبيبتي صيري سبعة ذيبة
فهمتي
،، اي
،،، يله اصعدي روحي الله وياج توصلين بالسلامة خليتلج مصرفج بين الهدوم
،،، مع السلامة تركتها وصعدت ضلت واكفه
تباوع للكية منا لما طلعنا عيونها انترست دمع
اختنكت من شفتها هيج دمعت اعرفها مقهورة
عليه لان ضربتني ومنا كلام خالو
وصدمتها بجلال النذل
وصلت للبصره الضهر هذا وقتنا كلما نطلع
نزلت وغراضي نزلتهن على الرصيف سد الباب
الولد وراحت الكية شلت الجنطة ورفعت
راسي اريد اروح للأقسام صار بوجهي
جلال واكف على الرصيف الثاني بيناتنا
الشارع استغربت هذا شجابة
هو صلفن يباوعلي ابتسمت بوجه بستهزاء وبصقت بالكاع
،،،،،،،،،،،،،،،،،،،،،،،،،،،،،، ولانكِ جامحة