جموح_ انثئ
بارت _٢_
داليا _ المسلم
الحياة لا تعطي دروساً مجانيه لأحد فحين
اقول أنّ الحياة علمتني تأكد أني دفعت الثمن🖤
....................................
صاحت هناء عليها وهي كامت وكفت وراها
وتلاهث بغضب
- اي اضربيها يدبيها من جديد محد طلع عينها غير أمي ادبسسز زفرة طالعة عينج
- حركن كلبي لان صاراً اثنيهن عليها
دفعتهن وعطتتت وخررررررررررراً لطخت وحدة بوحده هناء الطخ راسها بالحايط لان صارت ورى لمياء رجعت ورى الدرج خايفة وعيوني فتحتهن بخوف انضرلها خفت تاذت لان داخت حضنتها لمياء وأخذتها للهول كعدتها على القنفة
لمياء تحجي وتأشر عليه ....
- اويلي يمة ولج زفرة شهل العرامة الشايلته
والله اليوم انهيج نهي يا نيران بس اصبريلي
شسويتي لاأختج شسويتي
- رحت اركض عليها لزمت ايدها وفركتهن الها
والله موقصدي غير انتن زهكتني داكول ماريد
وإنتن قافلات عليه هناء عفية تأذيتي شوو ارفعي راسج خلي تروح الدوخة رفعت
راسها من حنكها ......
(دفعت أيدي باريحية وتمدّدت على الكرويته )
- لا لا مابية مابية شيء اني اصلاً
دايخة من الصبح وهسه دخت اكثر
- تنهدت ورفعت شعري اخذ نفس براحة
يله همزين لعد موذبيها براسي لو راسج عنجر
ضحكت ودفرتني برجلها
- شوفي حسبالي خفتي عليه .....
- لزمت مكان ضربتها توجعت اخخخ ولج صفحتي اي اي خفت اشبيج بس إنتي صايرة هواي حساسة اندارت نامت صفح وخلت ايدها جوا راسها اوجهَ مايكصة الطبر دومها وجهَ مجفي ( حزينه)
ندستني برجلها وعود تنصحني
- ادري داده أحنا غير بالنا عليج وهاي خوش قسمة هو منو مرتاح أني لو لمياء
والله العدنا مو زلم مخابيل الله شاهد
من العصبية وهذا نعرفة حتى مناف من سولفتله عليه گال خوش ولد وحباب وفقير
بس انتي اشو الله مدايهديج
- درت وجهي وحجيت مستهزاء طبعاً فقير
متشوفينا شايل كل هل اللحم بلشته من
الفطارية الشايلها ماريده ماريده
وجه بيه كرش سمين
لمياء تحجي وتأشر بحواجبها
- كومي جيبي مي كومي فحطتيني..
- كايمة حجيت بتذمر
رحت جبتلها دولكة ونطيتها الها ..،
شربت ومسحت وجها بتعب وهي تلاهث
:- تعبتينا ولج لاتردي يطبج طوب
إنتي مو مال رجال زين لا لا أنتي مال وأحد ايدك بيج ليل ونهار على هل السان المنجور العندج
- إني اشرت على روحي بغرور اذا ماتمشي كلمتي عليه ما اخذا واذا مد ايده عليه اكسرها يكتلني شنو بس اهم شيء أمشي كلمتي عليه مو مثلجن انهزاميات
ملاحظة *** ست لمياء ترى لساني وراثة من قدرية
(باوعتلي صفح وضحكت )
- انزول على راسج إنتي وقدرية صدك نفس العرامة ماشفتنها طمرت الرجال من وكت .....
هناء تذكرين ...!!'
ردتلها هناء وهي مشمئزة عاكفة وجها مدري شجاها
.. لا شذكر ؟!
'... من رحت جهزت وهيه راحت وياية ضلت تشتري ملابس نوم على ذوقها اكولها عمة ماريد هاي الالوان الفاقعة كله اخضر دكلي أني عجبني وعلي بوكتها مسحت بيه سوگ الكاظم ههههه واخذلها مقداد عباه وثوب وشحاطة وفوطة ماخلت ما شترت جهزت روحها من جديد ادكله غير اني من حبايب العروس واجبك تجهزنا'
- ضلينا نضحك ونسولف مواقف عمتي
ونسينا العرگة دخلت أمي فحطانة وشايلة السمجة مشوية خطية ساكفتها وجابتها كمت اخذتها منها ماما أتاخرتي
- ولج ناوشيني مي مو هذا الي يبيع سمج يشوي كلت اخاف اجيبها بزفرها وتشتمها هناء وتكرف روحها خطية عاد شويتها وجبتها اشوية أخرني كومن صبن الجهال جاعت بين مااصلي ولج نيران لاتنسين الزلاطة
- صار ماما رحت ذبيت السمجة بالمطبخ والجهال تفتر وراية عطت بيهم كاافي دخت اكعودو خرب مستمرين يعيطون ويكمزون
كافيي دخت عفتهم ورحت كملت الزلاطة بين ماخلصن صلاة أني مااصلي ولو ذكرتني أمي اتهرب ماعرف ليش تركتها مع العلم من عمر تسع سنوات بديت اصلي بس من دخلت دور المراهقة تركتها كل ماريد اصلي احس رجلية تتقيد
لمياء صبت الغده كلنا كعدنا سوالف وضحك واخذتلي رزاله من ماما لان طردت الخطابة وبعدين غيرن الموضوع لان سكتت بس هناء شايلة الدنيا فوك راسها حاجتها أمي
- هناء يمة اشبيج وجهج مكلوب ياعيني
اتفألي بالخير تلكي يايمة ...
- نطيت أني يمة هي يايوم إجتنا وجهَ
يضحك دومها فاتحة بوجها ماتخلص ....
(ردتلي ماما مزعوجة من كلامي )
- اسكتي ولج أختج حساسة ماتتحمل
مو معناها معقدة
اردفت هناء بالكلام بتعب
- يمة تعبانة مناف عصبي واخاف على ساعة يطلكني انوب من يتعصب يلزم غراض البيت ويكوم يكسر مثل الخبل مايخلي.....
- لزعلين هناء هو هاذا من يوم يوما خبل الهطر على هل الجاهمة خزرتني لمياء
- ولج لسانج نيران وتالي اسكتي خلي اشوية عندج انوثى بالكلام
- لمياء لاتعبرين الخطوط الخضراء انوثتي بالكنتور ومقفول عليها ضليت اضحك بصوت عالي خزرتني وطبكت حواجبها بغضب
- كافي ...
- سكتت ماتشوفيها كل ماتجينا تفرك بيدها تخاف يطلكها قحط هم ياريته لو ينطلع بيه
ماما متحاجين خالي رعد على ابنه الله بلانه بكوم مخابيل .... التفتت لهناء ولج اتركي وحتى لو يعيط لا اضلين تبجين طنشي وكملي شغلج لو افتري يمة بهدوء شنو تنطي اكبر من حجمة
- اسكتي ناره لاتحجين كدام الجهال ترى بلابل يمعودة ليش هو يفيد وياه من علمتيني ذيج المرة شسوا بيه كالي منو معلمج هاي مو سوالفج شنو طنشيني ماتحترمين وما خلة ماغرد
يبووو على لسانة...... لو يدري أمشي وراج
جان اجاج بالفاسة وعلي ابو الحسن
يفلش راسج ههه هو من غير شيء ميبلعج
،، وليش يمة هو أني ابلعه قحط
انداريت للجهال وخزرتهم الي يحجي على ماما لبابا بليل أجي عليه مثل الوحش افتح بطنة واخذ قلبة عاطت أمي عليه
- بسسج يمعودة بسس راح اتخبلين الجهال
ضربت شفافي لطمة هااي سكتت رجعت هناء تحجي وأمي تفلسلهن سمج
- يمة البارحة إجة خالي وراد المنشار كال
هسه ارجعه الكم انطيته ..... اله
.. اي وشنو يعني
- من رجع مناف سالني وين المنشار راد يسوي
القفص كتله خالي اخذه يمة حسبالك كفرت
تعاي واسمعي العياط وركع باب المطبخ فلش الجام شال فلتر المي ولزكة بالكاع تفلش أني اخذت الجهال ورحت خنست بالغرفة وهو فوك الساعة لا خلة كفر ماكفر لاخلة فشار نبش ابوه نبش اشون اطلعين غراض البيت
- ياا شجا خبال الي يخبلة شگد اگرها
من الله خلقة خبيث ....، خزرتني لمياء ،،،،،،،
- يولو اسكتي إنتي وتاليها وياج بزعتينا ...
- اممم نصيت صوتي بس هم اكرها ودنكت
أكل بصمت
- يمة ميخالف رجلج عصبي اتركي يبرد وحاجي
لاتردين عليه هو من كيفة يحس بغلطة ااه هذا ابو عروك طالع على جدج الله يرحمه زاكة
وكايم ( دافعة وااكف) شسوين لخاطر
الجهال اتحملي وأني خلي الزمة الا اغسلة غسل الج والله ......
- عوجت شفافي بستهزاء نشوف لو وكفتنه
عد حدا ليش ماتخلني اخابرة واعلمة على زمانة
- غير تسكت وتنطم ياصبر ايوب
- انطميت انطميت ..... كملنا الغده ولمياء نضفت المطبخ أني زلكت لغرفتي وسديت الباب خاطر الجهال ميلحكوني
طلعت كتابي والتهيت اقراءه اذكرت مدرستي مارحتلها وباجر صباحي اگيد جلال باجر يروح لبغداد لان أحد اشون هذا طلال اضوج منه ماريده ياخذني بس يخزر بيه انفتح باب الغرفة ودخل حمودي ابن لمياء ضل لازم الباب ويتمرجح بيها
هزيت ايدي بسؤال
- شكوو ..!
- خالة عمو دلال داعد بالهول ايريدت
-شوكت إجه
- هته ( هسه)
- زين روح كوله هسة تجي
- مو لادم اسويت بيده
- اي وشنو يعني روح
- اروح ويات عفية
- ضحكت عليه طبعاً انته مثل ابوك ابو كرعة
لوكي مال استيرن
- والله بس يجي ابوية ادلة عليت
- لايابة اخذك وياي لاادلة. دمشي ولك اشون رعبتني والله لو ترفس كدامي وتموت متصعد السيارة اطلععع يله
ضحكت عليه طلع يركض أبن ابو كرعة يخوفني عشتو كمت طلعت ثوب رماني
وبيه ورد ابيض لبسته ورتبت شالي
اوجهي بمكياج خفيف وشلت كتبي وطلعت لكيته كاعد بالهول يم أمي والبنات
سكرن من ورا الغده لازم ينامن كاعدات ودايخات من شافني جلال كام وكف
- هاي ياب خلصتي ؟ يله أمشي ....،
- طلعت ورا خزرتني لمياء عرفتها لان مخليه مكياج وملابسة عباية اصلاً اني سافرة على شنو تخزرين تركتهن وطلعت لكيت جلال صاعد بالسيارة
فتحلي الباب من الداخل وصعدت
- بس مشت السيارة اخذ ايدي بيده وعصرها
- جلال عوف ايدي
- ليش ...! حبيبي باجر رايح أني راح اشتاقلج
- ديله عوف ايدي لاأحد يشوفنا وشنو تترس
روحك حنان من ايدي لو اصمد لباجر ضحكت بستهزاء
- لاتستهزين لو تحبيني من صدك جان حسيتي بيه وبعدين محد يشوف اشبيج كله نامت شوفي الشارع انضرب كمياوي
ترى عادي هذا الشيء يصير بين حبيب وحبيبته لعد لو تجين لبغداد واشوفين الكلية تتخبلين
- بس احنا مو بغداد بالدجيل وهنا الناس مخلية نواضير ترى تراقب من بلبولة البريك
- معليج بأحد اووف شوكت اخلص كلية ونتزوج
وكلما ارجع من شغلي الكاج بغرفتي
- تؤ هزيت راسي بكل أسف انته شكد سخيف مافكرت غير بس بالغرفة ومنو كالك أني أريدك اصلاً اااااً انته داتحلم عزيزي
- ليش ولج والله احبج واموت عليج معقولة هيج
قلبج قاسي عليه وميحس البارحة انتضرتج بطارف البستان ليش ماجيتي
- هههههاي أني زوج حتى اضل تبوس بيه وتحضن وبعدين انته كذاب ومنافق ،،،،:-
اشر على روحة متفاجئ
- أني ليش...؟!
- بلي انتَ ذاك اليوم شفتك مصعد ضحى بالسيارة. وتتمضحكون وكه وكهي وشارك حلكك مترين والله بوكتها ردت بس طابوكة يمي جان فلشت السيارة على راسك كم مرة كتلك مالك شغل بيها
- شوكت ...!؟
- بس لاتغشم نفس بيوم الي إجة خالي رعد
متعارك ابنه الزغير
- هاا ها اذكرت لا والله هيه لزكتلي الا ماتاخذني توصلني للبيت شسوي وكدام ابوية وأمي اضطريت اخذها بس هي لوكية تضحك من وحدها
- لا والله جلال انته هم لوكي واكبر لوكي التفت عليه وعاط بعصبية وهو يجر بالكلام جر
-نيران اشون أني بلسانج اشووووووووون
- وصلنا للباب مال مُدرستي نزلت وركعت الباب
مال السيارة مديت راسي من الجامة
لوكي هي كوة هو ركع الستيرن وراد يلزمني مد ايده ابتعدت بساع عود لاتتاخر ساعة وتعال فهمت
تركته ودخلت لبيت المدرسة لاكاني طالب طالع من يمها سلم عليه وطلع ابتسمت بوجها انداريت اسد الباب شفت جلال وامف ويخزر
بيه اشرلي اطلع اشرتله دروح
سديت الباب ودخلت
ضليت فوك الساعة كملت الدرس وطلعت لكيته واكف يم السيارة ويدك باصبعة على البنيد بعصبية
من شافني إجه مسرع سحبني من عكسي ودفعني ابطن السيارة يحجي وهو يكز على اسنونة
-: اصععععععدي ياصلفة
- صعدت وأني ساكتة بس شنو دافوررر منه
من هذا تصرفة هذا اشايف روحه
اول ماصعد عطت بيه ليششششش اتعت
ايدي اشرتله باصبعي من اليوم من اليوم
مالك شغل بيه فهمتتتت
- ترى افلش وجهج ليش تجاوزين ليش
ومنو هذا تتمضحكين بوجها هااااااا
- مارديت عليه التزمت الصمت هو طلع
وشخط السيارة يمشي سريع وبعصبية
- وين ماخذني رجعني للبيت رجعني جلال وبعد
من اليوم مالك علاقة بيه افتهمت لو تموت ماريدك لو تموت وصلنا قريب البستان وكف مسح على وجه بغضب عود يهدي روحه والله يالله التفت عليه
- وتالي وياج نيران مو أني احبج ليش
تخليتي ائذيج ليش حبيبي
.. ضليت اتأفف بملل شسوويت شكووو
بلا حب بلا تلوص رجعني جلال رجاءاً رجعني
... بابا لسانج اشون اني بيه كافي تتجاوزين
لسانج كلش زفر وبعدين ليش اتضحكين
ويه هذا الولد
... زميل وخوش ولد ماعندي شيء وياه
،، اغارررررر تعرفين شنووو اغاررررر
راح افلش وجهج
،، وانتَ هم لاتخليني اجاوز عليك رجعنيييي
سحبني بحضنه وباسني من راسي ول ياب فوك ماإنتي غلطانة بحقي هاي أني اعتذر منج بعد شتردين ينطيج قلبج اروح باجر ومزاعلتني
- وخرر حاولت ابعدة ماكدرت اله حضن
وجهي بيده راد يبوسني خليت ايدي على
شفايفي امنعه بس هو ضل يبوس بيدي
الي فوك شفايفي سكتت وغمضت عيني
احبه وذبت بلمساته وعيت لروحي ودفعته
من صدرة ودرت وجهي على الجامة.
وضليت أمسح بشفايفي رجعني جلال
لاأحد يشوفنا تريد تفضحني انته وبعد
ممنوع تلمسني فهمت
- ليش حبي إنتي هسه بعتبارج خطيبتي
ملكي مالتي
- لا مو خطيبتك شنو حجيت ويه أمي خالو يدري أني وافقت والله يالله
- مو كتلج بس اتخرج نتزوج تعرفين ابوية
بس اخطبج يحرمني من شوفتج منا للتخرج يحرمني حتى من طبت بيتكم ولا أنتي
اتفوتيلنا
- رجعني ترى هواي لغيت ودوختني
رجعععني ضجت ولعبت روحي
- خلاص خلاص اسكتي لاطلعين لسانج
ابو المتر
- فر السيارة ورجعنا كل اشوية ايريد يلمس ايدي واسحبها
،، نيران تحبيني
،، رجعت راسي على تجوا الكرسي وصفنت
عليها ابتسمت امممم مااكول لو اطك
،، احبج والله اموت بيج
،، سكتت ودرت وجهي منه همست بداخلي
اي اني هم احبك ابو راس وصلنا للباب
نزلت بدون مالتفت عليه ركعت الباب كل
قوتي هاي بيه سوله لازم احرك كلبه
دخلت للبيت بعدني بالحوش سحبت الشال ذبيته احس روحي اختنكت دخلت للبيت
أمي كاعدا ويمها صينية الجاي والكليجة والجهال ملتمين دايرها ولمياء ماگو بس هناء
- هلاوو سلمت وكعدت كدامها صبيلي جاي يمة
- هلا يمة شو بطيتي
- مو جلال فرني إشوية بالحي ورجعنا
كرصتني هناء
- شعندج تفترين وياه الناس شدكول علينا وتاليها وياج ولج !
- يمعودة وصلنا بنية صديقتي ابوها
مااجه عليها
- ليش مو أكو فورتات وتروح إنتي شكو
- تخاف ومشايلة فلوس دكافي لاتلحين
وتجلبين بالسالفه أمي صبت جاي
بالاستكان ونطتها
- هناء يمة أني اكثر واحد امن بيه جلال ربه بحضني لااشككين بيهم عيب
- والله أني خايفة على يوم اتجيبلنا مصيبة
من كثر دلالج الها شدعوة يمة
- عضيت قرص الكليجة وكتلها
بضحك الدعوة بالمحكمة عيوني إنتي مو عدنا مو ماما ضليت أضحك
- أي اضحكي اضحكي باجر شوفي وين يوديج ضحكج لسانج متر شرسة ماتردين
من أحد تجاوزين ويه الينصحج صوتج شعلاته عيب عليج إنتي بنية بنية يولي
اشوية رتبي روحج
- كافي هناء يمة غير مدلله بجالي محد اله حجاية عليها فهمتي شعندي العشرة وبعدين هيه مقدرة الثقة الي أني منطيتها الها مو نيران ؟
صفنت أمي بوجهي اشوفها ادور جواب
- اممم بلعت سالفتي لو تدرين بابن اخوج
كلما يشوفني يبوس ويحضن )
اي ماما درت ضهري على هناء اغير مجرا
الحديث
حبيبتي هناء
ملاحظة عندي عليج ***
ضلت حصرة بصمصوم كليبي اشوفج متفائلة
خطية اطفالج والله منا أنتي ومنا زوجج المعقد
ابو مئة ركزة وانوب التفتي عليه ياب شتردن
مني
- هاي لان انصحج صرت معقدة أني وزوجي
يمة تدرين إنتي بلبسها صداريها ضيكات شنو هاي مخلية مكياج ويمتى حفت مو عيب اشون تخليها تحف
- هناء كافي شلحيتي ويه اختج ليش تخليها
تضوج منجن غير بنية وترتب بروحها ... بزعتني والله كلما تتلاكن تكضنها مناكره وتتكاونن ليش هيج ماكو محنة بيناتكم ....!
- دكافي يمم لاتبجين عادي غير خواتي مازعل
منهن ادري يغارن مني عادي عادي
- على شنو أبچي ام لسانين كومي بدلي وتعاي لايتوصخ ثوبج عمتج قدرية على جية
- ضحكت على تفكير أمي
مو زعطوطة واوصخ ثوبي هههه شكو شتريد قدورة منو كاللكم
- خالج مار عليهم عندا شغلة ويه عمج ومر
كالي
- يوو راح تجي الغثة دفعتني هناء
- وعلي ابو الحسن يانيران لو لاسنتيها لعمتي
اشلع لسانج فهمتي عيب كلما تجي من ورى
مناكرتج الها تشرد ماتبقى هنا
- دعوفي ثوبي لاينفتك اي اي اصلاً ماطلع من الغرفة مالتي ابد اريد اقراء عندي امتحان ارتاحن مني
- بعد أحسن فكينا
- كمت رحت للغرفة ذبيت ثوبي ولبست تراك بنفسجي قديفة وضفرت شعري كصيبة وكفت كدام المراية رتبت شعري شفت اضافيري مابيهن صبغ مكشوط يله باجر امسحة الصبح. سحبت الصبغ ولونتهن رشيت عطر وطلعت صارت هناء بوچهي كانت بالحمام تتقيئ ركضت الها حضنتها من كتوفها اسندها
؛- أشبيج هناء حبيبتي ؟
- ولج دخت وروحي انعصرت دخليني بغرفتج
امدد دوخوني الجهال
- حضنتها ودخلتها كعدت على سريري
- مدّدي
- اي بس عينج على الجهال حبابة
- رفعت رجليها غطيتها صار بعيوني راح اعشيهم واجيبهم يمج طالعة عليهم
ارتاحي أنتي
طلعت وطبكت الباب رحت للمطبخ طلعت كبة عدنا مال جريش وفورت مي وكركم وكمون وملح
وذبيتها بيه التهيت احضر العشة للجهال وسويتلهم كاستر وبردته
حتى انومهم من وكت
وأني هم انام عندي دوام صباحي
دخلت أمي أتكف بردانها تريد تتوضى
- وين أختج ؟؟
- يمة داخت وديتها بغرفتي تنام
- ياا هاي حامل اگيد وحامها صعب شراح يخلصه الها ياربي شالعة كلبي هل هناء
تقهرني لان فقيرة
- فتحت باب المطبخ صاحت للجهال دخلو اباوعلها فتحت زيجها وذبت فوطتها ودعت
لـ هناء
(( ربي سهللها وحامها وشافيها منه مثل
شفاء ايوب من افات الدود ياربي أرزقها الصحة والعافية واجعلها لها من اوفر الحظ واهدي عليها زوجها يارب وعقلة من خبالة بجاه صاحب الغروب وصوت الله اكبر في الارض والسماء يارب لاتردني بجها حبيبك محمد )))
- رحت حضنتها من كتوفها وبستها ربي يحفظج
النا ماما ترى عادي هو وحام التفت عليه حضنتني وباست راسي وراحت تتوضى
- اي ماما اعرف هو وحام بس هي ماتتحمل ومنا ابن خالج تعرفي مخبل وماينطي عذر وهي ادوس على روحها ودكوم وماتبين موجوعة اله
وتكتم بكلبها اوحاهمها صعب
- الله يهدي
رجعت اكمل العشا صبيته وفرشت المفرش بالكاع وخليت الصينية عليه طلعت صحت للجهال ماما خلصت صلاة وإجتي تتعشاَ
كعدت وخليت جدر الخبز يمها اطلع للجهال
تنطيهم وشغلت الصوبة خليت الكتلي عليها
- نيران ماما صيحي أختج تحب هاي الكبة
- صار ماما رحت كعدتها كعدنا نتعشى
اندكت الباب اكعدي ماما إني اطلع كمت طلعت وصرت ورى
الباب صحت منووو إجاني الصوت المغرد
- دفتحي الباب مستحية
- همست يبوو لفت جدرية فتحت الباب وهي
دفعته ودخلت
- دوخري منين مستحية ولج
- هلا عمة وعليكم السلام والرحمة
نورتي وانستي وشرفتي
طنشتني واندارت للباب تحجي ويه الجابها
- روح يمة روح فد ساعة وتعال عليه
- تمام خلي خالتي أم لمياء تتصل بيه من تردين تجين
- اي حبيبي روح الله وياك
- سديت الباب ومشيت وراها عمة منو جابج
- ابن عمج منو يعني هاج عباتي داخش للصحيات هذا السكر موتني
- اخذتها منها ودخلت قبلها ماما عمتي جدرية
نورتنا عضت شفتها هناء
- عيب يولي اششش
- دخلت هيه وراية كامت امي سلمت عليها وهناء اني فلتت لغرفتي بس اكابلها واگعد لازم تقوم القيامة بيناتنا. اشوية وسمعت أمي صاحتني
طلعت مديت راسي من باب الهول
:- هااا ماما صحتيني
- تعاي حبيبتي سوي جاي لعمتج والنا
- صار رحت سويته وحضرت الاستكاين بالطاسة وخليت الصينية بيها علبة الشكر والقوري وخليت كليجة وبسكت ادري بيها
تحب كليجة أمي ورحت للهول كعدت بصف هناء صبيت وقدمته الهن
هي صافنة بوجهي
- اشونج ولج نار وشرار
- عمة نيران النور كله ااني
- أعرف عشتو شعندج مزوكة شكو
- أشرت على روحي إني
- لا أني مخلية حمرة موعيب
- لا قدورة عيني اني حلوة من الله
ضلت تخوز بية وهم طنشتني وضلت تحجي
ويه أمي هي كل اسبوع تجينا يوم واحد عود اشوفنة عايشة عد عمي الجبير ومتروح لا اي أحد من عمامي الباقين رغم هما هم بالدجيل وعمتي الثانية بثينة مزوجة بسامراء هاي كلش فقيرة وحنينة
سالتها عمة اصبلج جاي
- لا
- ليش
- ماريد
- ليش عمة والله جايي طيب يدهن الزردوم
- ماريد
- بكيفج صبيت الي وضليت أشرب وكمت
اشفط شفط اندارت عليه
- وسم
- عليه ليش حبيبتي تردين اسمميني
دغتني أمي
- اششش نيران كومي نومي الجهال
- ليش ماما مو مشتاقة لعمتي ردت عليه
وهي تريد تاكلني بنضراتها
- عوفيها ام لمياء غير صايرة مراه وتريد تتعلم
الحجي
- ليش عمة حبيبتي شكالولج ماعرف احجي
- عوبة ولسانج معووج كومي من وجهي كومي
ماتزوجيها شعندج مخليتها كدامج مزهرية جنها
بومة
ردتلها ماما وهي تضحك
- لا عيني فدوة قدرية شعندي غيرها تارسة البيت عليه بعدها زغيرة وخلي تكمل دراسة فدوة مو جنها البخت ليش بومة
- عدلت نفسي ليش حبيبة قلبي هو اكو احلى مني والله كلي جمال وحسن رجعت اسفط باالچاي واباوعلها بضحك وهي اشتعلت
- شزغيرة شوفيها شطولها جنها بعير ولسانها اطول منها عشتو شتاخذ الشهادة ام المترين وعود علكيها على الستارة مال السطح
- لا عمة اريد اصير دكتورة وكشفيتج ابلاش
واشيل المرارة مالتج ان شاءالله هم ابلاش
بعد شتردين لو حلمي اصير برافيسورة
- فالج ماكبلنا ابيش طالبة مرارتي
اي دكتورة مال زمايل اجيبلج الديج شوفي ليش ما يبيض
- هناء اختنك من الضحك كملت حوارها
بالتفاته ثانية كانو حافظتهن وجاية تحجي
بيهن
- دكتورة هيه ام الخ،،،، وتعاي ولج ليش ماتلبسين عباية مو عيب صدريتج ضيكة وتفرين بط.... شكبره متستحين من دون خواتج إنتي عوجة
- انتفضت بغضب رديتها اني مو عوجة قدرية
وهاي منو وصلج الحجي رقية بت عمو جعفر
مو راح اتموت من غيرتها هناء كالتي
- كافي نيران اسكتي
- لا هناء مو اسكت ولا جنها بت عمي حسبالك
عدوة تنافق عليه واسوي مشاكل لو تحجي للبنات عليه اني مسترجله وعرمة هي وضحئ
بت اخو عمة سلوى صايرات حزمة علية
- ميخالف إنتي مالج شغل بيهن كافي عمتي
جاية اشوفنة لا اضوجيها
سوت روحها نقهرت
- لا والله يعمة يا هناء هاي كلما أجي اسممني أني غير اخاف عليها لسانها متر اضل تنعق عليه مثل الزمال حتى مرات ابطل
مااجيي من وراها
- قدرررية أنيي هزت راسها مصرة وتأكد
على وصفي
- عمج اليوم شافج
إنتي وابن خالج شعندج طلعتو للبستان
- عززا بلعت ريكي وجهت نضري لـ ماما
عمة أمي تدري بيه عوجت حلكها وسكتت
- اااي خووش ماطول أمج راضية عشتو على
عيني أم لمياء جبتلج هاي القطعة خيطيها اليه
- بلعت الكلمة يمكن كالت اكوادة تركتها
وكمت هاي جايه متحلفة عليه رحت نضفت المطبخ وهي بعدها كاعدا كملت وصحت الجهال
فرشتلهم نامو يله نامو دفعتهم ونمت بصفهم خلي الجرباية لاأمكم ليث ابن هنا دفعني
— خالة ترى بعلولي ( علاء) يجخ ( ايشخ)
عليج وهدومتج تتنكع
- انداريت لعلاء وعلي ابو الحسن اموتك لو ببلتني نام يله نام نمت وياهم وكل اشوية اتلمس علاء اخاف امسوي ببي وهو يكركر ضحك عمرة اتلث سنوات بس فطير
اكول ولك انت شتحس وتضحك ولك سخيف نام ابو ببي علاا ضحكهم وحجيتلهم قصة حتى ماعرف ماليش لطختها منا ومنا ونمت ماحسيت ويننن الا على صوت ماما توعيني
- كومي نيران راح تتأخرين على المدرسة كومي
سماح منتظرتج
- اييي ضليت اتمعصر اي ماما كايمة
صباح اخير سويلي ريوك
- صار حبيبة حضرته الج بس كومي لا
يكعدون الجهال ونصفي اضافيرج
من الصبغ لاتترزلين اليوم
- اي راحت أمي واني رفعت راسي الجهال
نايمين وهناء مستحلة الجرباية شنهاي غرفتي ريحتها موطيبة صارت شوكت تولي هناء
هي وجهالها كمت بدلت وسحبت الاسيتون نضفت اضافيري وطلعت غسلت وجهي
واسحل بروحي سحل
طبيت للمطبخ وركعت الجنطة على المجمدة
حيل سماح جانت صافنة فزت خطية
وندارت عليه
- شنو إنتي ماتخافين الله لو مجلوطة من وراج
- رفعت ايدي ادعي ان شاءالله تنجلطين وفجج ينعوج شهل العيارة ليكول قنبلة ذبيتلج
كعدت اتريك صبيت الجاي وداشرب تعاي اتريكي
- ماريد اتريكت نيران ترى صدريتج كلش ضيكة
- عادي غير قياسي شنو اجيبها برشوت
- بكيفج
- طبعاً بكيفي كملت غسلت ايدي وطلعنا اكول سماح شو جلال ماكو
- راح من الفجر خابرو صديقة مدعوم
الله وياه راد ينتظرنا ويوصلنا ويروح بس
أمي ماقبلت
- ليش اخخ امج
ملاحظة سماح *** ترى أمج خبيثة كفختني على أيدي
- لا ولج أمي حبابة والله بس هي متعرف اضم بكلبها لازم اطلعهن
- امممم خوش وصلنا للمدرسة اصطفينا وبعدها للصفوف فاتت من يمي ضحئ عيبت عليه وهمست هاا المسترجلة أم الولد وراحت
- خزرتها بحقد هاي عليمن عليييه هزيت راسي بتوعد الها تمام ست ضحى الكفج وين ترحين مني اصبريلي رحنا للصفوف اخذنا اول درسين طبك ماكو شاغل الثالث دك الجرس طلعت شايطة رحت للساحة وسماح تركض وراية
- ولج اكفي شكو شدورين
- على بت خالج المعفنة ادور
- اوو نيران اتركي ضحئ ترى تغار منج
أنتي العاقلة الله عليج تعاي
- وخررري ياعاقلة يابطيخ رحت اشتريت بطل عصير ورحت ادورها لكيتها كاعدا بالصف هيه وصديقاتها وتضحححك فتحت
البطل وبحرگة سريعة رشيته عليها شهكت وعاطت
- لاااااا ياحقيررة صدريتي
- دفرتها على بطنها تراجعت لورى الرحلة وگعت حتى اتوبين حقيرة متغلطين
عليه ضلت تبجي من بطنها التفتت لصديقاتها
وعلى ابو الحسن الي تروح تشكي للمديرة الوص بكرامتها الكاع وبالطلعة متعرفن شسويلجن افتهمتن
هزن راسهن خايفات سماح واكفة ومغطيك
شفايفها بيدها وصافنة تركتها يم بت
خالها اخاف تريد تواسيها
وطلعت رجعت
لصفي وإني بعدني افورر حسيت روحي
مااكتفيت كملت الدروس سماح بعد مااجتني
لان هي صف ثاني متوسط للجير خلي تزعل
على بت خالها ورقية بت عمي صف ثالث
قبل درس الاخير طلعت للساحة
شفت رقية بت عمي لابسه عباية هي
وازغر مني بسنتين اكبر منافقة وحقيرة
ضليت اباوعلها بخزرة عرفتها هي موصلة
حجي لبيت عمو نذله تغار ماعندي اختلاط
بيها ابد
ضرب الجرس يعلن نهاية الدوام سحبت الجنطة وطلعت أمشي وحدي لان صديقتي بثينة اليوم ماكو وسماح الضاهر رايحة قبلي لان احنا تأخرنا بدرس اضافي
قبل لا اخلص فرع المدرسة سمعت صوت
سيارة وكفت ورايه وصوت ولد يصيح بأسمي عرفته منو يبووو شجابك أنته الثاني ابد
مو وكتك ...........
،،،،،،،،،،،،،،،،،،،،،،،،،،،،،،،،ولانكِ جامحة