بااارت مفاجئ صاار هواي ما مسويتلكم نفاجئة حسيت حالي نحيسة ههههه وتتدللون عيوني ترة تعبت صوتولة وعلقووا بتعليقات حلووة تشجعني ،،،متابعة طيبة
البارت الثلاثون
فيد عبدالله
حمزة،،صار بوية التريدة يجرالك ابني البيت وانة الممنون بس لا تتعب روحك
ابو حمزة،،ينرادك گلب ما مدشن على راسك اليابس
ابراهيم،،وانة صارلي شكد ضايج منك جيف فرطت بمرتك طلعت ذيب امعط ياهو يلحكك خليتهم سحبوة الدعوة وسقطت ورديتهة بسكوت والله لوتي
ابو حمزة،،ابررراااهيم وديني للبيت يساند اخوه عالغلط عيب هالسوالف زعاطيط انتو
حمزة،،دخل ابوية وانة بقيت بالمضيف كاعد فكرة تجيبني وفكرة توديني بس تقريبا عرفت قصد ابوي وشناوي يسووي، ،،اييي وهو هذا الاريدة
ريم،،عدت الايام وحيلي رايح وحتى للدوام كوة رحت على كد امتحن وارجع والمديرة خطية قدرت وضعي حتى لعمي ما كدرت اروح واوصل بس اوصي الولد يومية يتعذرولي منة ويسلمولي عليه جديتي اجت شافتني وعمتي فرحة بس الظاهر ما يدرون بسواية حمزة لان ما فتحن موضوع اسبوع واجة علي بالليل من مضيف عمي كال ديرو بالكم باجر عمال عند بيت عمي
ام ريم،،شيسوون بيت عمك وخطارهم تارس المضيف
علي،،شمدريني يمكن ابراهيم يريد يعزل
ام ريم،،هااي بنت اختهة وراح تشرد من رسمية يساعد گلب بنتي الحملتهة
علي،،يمة حجي راح وخلص
ام ريم،، لاما خلص ريم لساهة على ذمة حمزة واذا ردت هم تكابل هالمرة الما تنحمل ولا تتعاشر
حسنين،،منو كالج ترد ريم مترد
علي،،سدوا هالموضوع هسة يطيب عمي متانيه واحجي وياه نذبحهة على قبلة من صدك اصبروا
ريم،،عدن اسبوعين واني نااار الوب اريد اعرف التالي شراح يكول عمي عمي سكتة والولد ساكتين عبنة تعبان ومريض وخطارهم رايح راد وايام تجر ايام وماكو،،اختنكت صارت حتى طلعة البستان حسرة من ورة عمال بيت عمي،، اسد مستمر يروح ويرجع بيني وبين ابوه الي لهسة من اتذكر موقفة بالمستشفى ما اعرف شيصير بية يتخربط كل وضعي،، كاعدة العصر اقرة وطبت سرور كالت السلام عليكم وطبت غرفتهة جابهة اخوهة وردت وحدهة لان كاظم طنشهة ولا حجة بعد ولا فتح موضوعهة لليل اجة عمي اسماعيل كعد وي الولد يتعذر من حجاية بنتة ويوصي كاظم بيهة وصفت النفوس تقريبا بس بقت هية وكاظم الله يهديهم،،،،اتحسن عمي وكال علي نحاجيه بعد طولت السالفة وصدك اتعشوا وطلعوا للمضيف واني ظليت كاعدة على نار يامن تجيبهم واعرف عمي شسوة
،،،،،،
علي،،عمي احنة كل هذيج الفترة جنة ننتضرك تكوملنة بسلامة وترد لعافيتك يلا نفتح موضوع حمزة وسوايتة
ابو حمزة،،مو هسة بعد عمك انة من اشوف الوكت مناسب نفتحة ،،بعدين نحجي بي وابو الانة ما موجود
حسنين،،يعني هو عايش ورايح لبغداد يتونس واحنة نتاني مزاجة
ابو حمزة،،حسنيييييين مو هيج الحجي،،بعدين شني هاي سالفة يتونس رايح لشغلة وتعرف انتة كلشي
حسنين،،اعذرني عمي وهاي راسك ابوسة بس مقهور على اختي حمزة اذاهة حيل
ابو حمزة،،عوفوني انة اجبر خاطرهة مو تكولون انة ابوكم
الكل،،اي ونفتخر
ابو حمزة،،عوفوهة وراي بس كلشي بوكتة
علي،،خلص عمي التشوفة بس بداعت ابوي لا تطولهة علينة كوة متحمل وساكت ترة
ابوحمزة،،هانت بوية هانت وكلشي يتصلح
،،،،،،،،
ريم،،رجعوا خواني واني الووب بس طبوا ركضت عليهم،،، وكفت بباب الغرفة واستحي اسأل شصار
علي،،ها ريمة لساج كاعدة
ريم،،انتظركم
حسنين،،ابن عمج الشفية مو هنا غير يحضر الحجي يلا
ريم،،انعقجت ردت تنذبح على قبلة وتصفى،،تصبحون على خير
الكل،،اجمعين
ريم،،طبيت للغرفة. وتمددت بفراشي وحضنت اسد حيل
ام ريم،،يمة كافي اعگلي وردي لبيتج رجلج شاريج ويريدج ومجلب بيج لا تخسريه لو شما يكون يظل ابو وليدج اذا مو لخاطر احد لخاطر ابنج يربة بنصكم رديلة وبشروطج يمة ترة حمزة راسة يابس وما يتعاند لا توكفين بوجهة وياذيج وان جان على خوانج ترة هم يتمنون تستقرين وابنج يرتاح بنصكم وحتى ذيج مرتة فقيرة والله مبينة لا تحل ولا تربط مالج دخل بيهة انتي ببيت وهية ببيت
ريم،،شهكت ابجي احس رجعت لنقطة الصفر وي حمزة،
ام ريم،الله يريح بالج يمة والله اكيف ترتاحين وادعيلج بكل صلاة الله يريحج بس حطي ببالج يمة لا انة دايمتلج ولا خوانج هم الهم حياتهم وعوايلهم هاي سرور شفتيهة شسوت ولعبت وهي بنت عمج تردين تكابليهة العمر كلة لو تاخذين واحد لا تعرفيه ولا شايفتة وابنج ياخذوه منج وانتي الله واعلم شيطلع هالتاخذيه علاقل حمزة ابو ابنج وابن عمج وملزوم يداريج انتي ووليدج بحضنج
ريم،،الله كريم يمة ادعيلي وكمت ختلت بحضن امي عبالك بنية صغيرة ادور راحة بالي واني جاهلة واغفة بي، ،،ومرت ايامي ببرووود يموت اموت الف موتة من الافكار ابراسي وشراح يصير وليش هيج عمي ساكت حتى كوة اداوم جنت وكلهة تسالني شبيج وليش تعبتي هيج ما جنت احجي غير تعب وابني متعبني واعذار بس سولفت لانسام هاي صاحبتي صدك صارت بنية حبابة ومؤدبة كلش اصغر مني بس كلش واعية وامهة وابوهة معلمين متربية ببيئة مثقفة جانت تواسيني وتنصحني وتدعمني دائما وتنطيني صبر وهالمرة من سولفتلهة عالصار
انسام،،تدرين الصدك مبين يحبج كلللش
ريم،،ولج مو انتي كلشي تعرفين من اول قصتي وياه
انسام،،هو لان اعرف اكلج لعد شكد يحبج ومتمسك بيج ريم اذا تتصلح الامور صلحوهة لا تخسرون بعض انتو واحد يحب الثاني بس ثنينكم روسكم يابسة وتعاندون
ريم،،اني اعاند
ابتسام،،اي لعد انتي شوفي شسويتي شردتي منة وردتي الطلاك ورفعتي دعوة وبالجذب ما كتيلة وخليتيه بايدة يستلم ورقة البلاغ واجة وطلك وانتي وكفتي بوجهة وكملتي ودرستي صح هالشي حلو وكلش زين سويتي بس اكلج انتي لو ما عنودية ما سويتي كل هذا بس رغم عنادج تحبية
ريم،،لااا
انسام،،اي
ريم،،بكيفج حللي الامور،سكتت،،يمكن لهسة اكو حب لان صعب كل ذاك الحب البكلبي من ايام المراهقةة ينمسح بس جان مدفون جوة تراكمات القهر والتعب والاذية هذني الجانن مغطياتة واني اصلا ما اريد هالحب ينوجد ويرجعني لذاك ضعفي وي حمزة . ختام وعمتي فرحة يجوني دائما بس محد جاب طاري محد يدري لهسة يمكن بس جديتي تدري وسالتني
الجدة صالحة،،خوانج كلولج ليش عمج طاح
ريم،،اي جدة ايي سولفولي
الجدة صالحة،،شكد جنت اكول ما يستاهلج حميزة عبن فرط بيج بس طلع ذيب وحاسبهة عدل ومجلب بيج باديه وسنونة لا تسدين باب الصلح جدة
ريم،،بقيت ساكتة ما اعرف شجاوب اذا اني اصلا صرت ما اعرف شاريد،،،سرور تروح وترجع لبيت عمي بس ابد متحجي وياية عبالك مرتكبة وياهة جريمة اصلا كامت تخلص شغلهة وتطب وتسد بابهة وكاظم مستمر ميحاجيهة ابد ما توقعتة هيج كلبة جلد جنت اشوفة طيب ويسامح ثاري طيبتة بحد ثاري ماكو رجال ينسة بساع لعد احنة شبينة شبي گلبي لهسة يرفرف حنين للذكريات وكوة اسكتة حمزة تعبتني ببعدك وبوجودك،،،،اخر شي صار الصلح بولادتهة جابت ولد الحمدلله وكاظم طاير بي ياعيوني وسماه باسم ابوي حسن ويومية يروح العصر يشوفة الحمدلله رجعوا متصالحين ارتاحيت كلش من هالموضوع لان جان متعبني واحس اني سبب بي بس الاهم سرور كون اتعلمت الدرس وعرفت كاظم من يزعل شنوو،،،،،، طلعت العصر كعدت بالحديقة الورة رغم الجو بااارد بس ما احس بشي من ناري الطايحة بيهة
حسناء،،شمكعدج هنا يمصكوعة لا توكعين بالفراش
ريم،،اختنكت من البيت
حسناء،،اي وعلي غير يكملون قصر ثريا خاتون شوفيه شون صاير يخبل
ريم،، اي هو مكمل
حسناء،،اي تشطيبات باقيلة مستعجلين كلش عالشردة من رسمية هههه
ريم،،ما ينعاش وياهة
حسناء،،ادور راح تستفرد بهالمكرودة حنان وهية مريضة
ريم،،اي خطية هم فكرت بيهة تدرين شون بيهة انوبة تكول ختام كايمة هواي توكع وذاك اليوم متخربطة وطايحة على حافة الميز وهسة يم اهلهة
حسناء،،لو تطلكت من حمزة تردين
ريم،،باوعتلهة متفاجأة لان سألت السؤال الاخاف اواجه روحي بي،،،مستعدة اني اسامح حمزة وانسة ونبدي صفحة جديدة،،،،همست ما اعرف
حسناء،،الله يعينج مو شوية الصار بيج والمصيبة لهسة حمزة يكابر ويتعنتك
ريم،،خلي يفيدة عنادة. كمنة وطبيت للمطبخ
ريم،،اجة اسد يتدعبل خدودة حمر من النوم ويدردم
اسد،،ماما هاية
ريم،،شلتة ابوس بي وهو يأشر على برة لبستة كبوس وطلعتة وهو ياشر على بيت عمي ويسوي بابية يريد ابوه طببتة وكام يبجي يريد يرووح ومتنحس لان كاعد من النوم حاولت اسكتة معاند وابوه ما دز عليه اليوم يجوز مو هنا اصلا ببغداد الافندي يتونس،،،، بالساعة وهو يبجي تلفت اعصابي رحت لعادل يوديه نايم وميقبل يكعد مرتين اكعدة ماكو امي ببيت عمي تشوف ابن كاظم الي لهسة ماشايفتة اني غير اول ماصار خواني البقية كلهم مو هنا. ادك على اخوية احمد ماكو ما يرد،وهذا اسد شك روحة وصلتين فقدت وضربتة ونزلتة بالكاع
حسناء،،شجاج عالولد الدنيا مغرب
ريم،،دمرر اعصابي،،، اسكتتتت
حسناء،،اسم الله راح تصدفيه شوفيه شون خنس اعوذ بالله من الشيطان الرجيم تعال عيني
ريم،،شالتة حسناء وهو ياعيوني ميريدهة مبرطم ويسوي ماما دمرني بحركتة هاي رجعت حضنتة وابووس بي واشهك بجي متت بجي جيف ضربتة اول مرة ااذي واتعصب عليه حطيتة بحضني وابجي عبالك اني الجاهلة
حسناء،،شجاج صلي عالنبي
ريم،،فرغت حرگتي بي شجاني تخبلت
حسناء،،كومي اتعوذي الشيطان وتوضي وصلي
ريم،،كمت اخذتة لصدري ارضع بي ما يهونلي حتى افطمة حتى لا يضوج وينقهر تالي اضربة. لليل سوينة العشا وكملنة العشا وهوستة ودك ابراهيم على علي
علي،،ها برهومي شونك
ابراهيم،،صرت ابو يابة وبعدكم تصيحوني برهومي
علي،،ههههه شسوي لهسة اشوفك ذاك الجاهل اليتعارك ويانة عالطووبة
ابراهيم،،ههههه، لا كبرنة بعد ،اكلك يابة ترة الحجي يريدكم بالمضيف راد يخابركم واجوه خطار وكال خابرهم يجوني كلهم
علي،،خير ان شاء الله يأمر عمي هاي نبدل ونجيج
ابراهيم،،كل الهلا
علي،،يولد بدلوا بساع عمي بالمضيف ينتضرنة
ريم،،لوتني بطني حسيت الموضوع يخصني علي حس بية التقت عيونة الحايرة بعيوني الخايفة صاحني لغرفتة،
علي،،ريمتي انة شاك عمي يريدنة بخصوص سالفتكم لو صار الحجي انتي شرايج
ريم،،باوعت بعينة ونزلت دموعي
علي،،عليمن هالبجي ريمتي مو كلنة انتي ربات علي
ريم،،ما ادري علي شاريد انتة كلي شسوي منا ابني جاي يكبر يريد ابوه ومنا اني ما اتحمل تصرفاتة خاف ارد واندم وخاف اتطلك وابني اليتحمل الذنب
علي،،مو كتلج ما عليج بشي ابنج الج وانتي الترديه يصير
ريم،،هو الي بجالكم ادري محد يكدر ياخذة مني بس هو كايم يفطن ويريد ابوه تدري المغرب شبع بجي على ابوه ومن حرگة كلبي رديت ضربتة
علي،،استغفر الله ليش هيج ،،،الله كريم دخل اروح اشوف حجي عمي ونرد نسولف انة وياج بالتختاريه
ريم،،طلعوا الولد واني كلبي يدك طبل شراح يصير الله اليعلم
،،،،،،،،
علي،،بقينة كاعدين يم عمي ومضيفة بي خطار تالي مشوا وضلينو اني وخواني كلهم وعمي وحمزة وابراهيم
ابو حمزة،،الله بالخير
الكل،،الله بالخير والعافية
ابو حمزة،،بوية علي اعذرني عطلت سالفة بنيتي ريم لهسة بس انة الي بيهة غاية
علي،،لا عمي انتة شتفصل نلبس
ابو حمزة،،اهاااااا حجايتك هاي عجبتني،،،لعد شوف فصالي هالمرة واعرف هوة على حگ الله والبي مصلحة الكل وخاصة هالولد البنص
علي،،تفضل عمي
ابو حمزة،،انة من الناس من اجة حمزة وكال طلكت لمتة هواي شون يفرط ببنت عمة بس هم ما عجبتني سالفتة من رادهة بلا علم احد وصارلة شكد ساكت وبهاي هو غلطان هواي عبن انطة مجال للسواد يدش الگلوب وقهر هالمسكينة هواي واذاهة وهاي نجي لحگهة بعدين، ،،،بس هم ارد واكولن زين ما سوة من رد لعگلة وما فرط بمرتة وبيتة ورجعهة لذمتة وخلة ابنهم بين عيونة
علي،،بس عمي....
ابو حمزة،،خل اكمل
علي،،اتفضل عمي
ابو حمزة،،الاريدة هسة واشوفة هو العدل والصح ريم ترد لبيتهة
حسنين،،شني عمي چا المن طلعت المن ردت
ابو حمزة،،بيتهة كلت مو بيتي ولا بيت حمزة،،،بيتهة البنيتة الهة وسجلتة باسمهة والصار شكد تدك بي العمالة بظهر بيتي
كاظم،،البيت الجديد
ابو حمزة،،ايييي البيت الجديد انة من زمان سجلت كاعة باسمهة بورقة تنازل ومختومة وهسة انبنة وكمل بيت كامل هو وكاعة باسمهة خاف بعد عمر طويل تتقسم الكاع هاي حصتهة وحد ومحد يزحزحهة يكدر لو يموت لان انة ابني الامنتهة يمة هم صرت اخاف منة
حمزة،،شسالفة بوية
ابو حمزة،،خل اكمل حجيي،،،،هسة الصح ترد لبيتهة هية وابنهةمعززة مكرمة محد يتدنالهة وكلشي تريدة هذا حمزة غصبا عنة يوفرة الهة وهيج ابنهم يربة بنصهم بدال هالتشحطط ساعة هنا وساعة هناك، ،،بقت علاقتهة هي وحمزة هااي لا انة ولاانتو نتدخل الله من فوك ما يرضة همة اتصالحوا اتزاعلوا محد عليه بيهم ثنينهم كبار ويحلون مشاكلهم وحدهم
حسنين،،بس هية تريد تطلك
ابو حمزة،،سالتهة هسة انتة كتلهة بالسويتة انة لخاطرهة هي واسد الراي الاول والاخير الهة ترحون تفهموهة بالحجي كلة وانة باجر اروحلهة واسمع جوابهة بس من هسة وجدامكم اتعهد وانة الشيخ حسين وهاي كضة شاربي حمزة لو تدنالهة شبر وهي ما رايدتةاو اذاهة شعرة انة بري منة ليوم الدين،،،،،،،،يتبع