مساا الورد،،،،اسفة اتاخرت مالحكت اكتب وهم البارت مو طويل اعذروني هذا الكدرت اكتبة،،،،متابعة طيبة
البارت التاسع والعشرون
فيد عبدالله
حمزة،،شلت ابوية وطلعت اركض بي فقدت اخ يا بوية اموت روحي لو صارلك شي صعدت بسيارة علي وهو يسوق والسيارات ورانة،،عللي بساع
علي،،اصبر يخوي راح نووصل ،،دخيلك ربي
حمزة،،نزلنة وخبصت المستشفى اريد الدكاترة كلهة تلتم خلوه عالسدية واخذوه واني احس حيلي بااد بعد كوة واكف الابو حسبة جبيرة وهذا الشيخ حسين شكول لوصار بيه شي كلة من تصرفاتك وعصبيتك يا حمزة طبوا الولد واني واكف انتظر الدكتور يطلع
حسنين،،حتى عمي ما سلم من شرك كلة منك انتة الوكعتة
اسماعيل،،عيب يولد مو هنا انتم ولد عم
حمزة،،بقينة على اعصابنة على ما طلع الدكتور،،ها بشر دكتور
الدكتور،،والله الشيخ صابتة ذبحة وان شاء الله تعدي بسلام اريد منكم يرتاح هالفترة حتى ما تصير مضاعفات هسة راح نخلي تحت المراقبة وضعة ونتأكد من سلامتة ان شااء الله
علي،،دكتور ما عليه خطر
الدكتور،،ان شاء الله بس هو خلي يخف على روحة
حمزة،،الحمدلله، ،بهالاثناء طبت جديتي وامي يركضن
الجدة صالحة،،ها ولكم وينة حسين شبي
علي،،جدة ما بي غير العافية تعب شوية وجبناه لا تخافون
حمزة،،جدة شعدكم جايين ردوا للبيت
الجدة صالحة،،مو هيج انة عيني وكحة واعوفن ابني ممدد وارد للبيت ما اطلع اذا مايطلع
حمزة،،جدةلباجر يلا يطلع تضلين هنا تشبعين تعب انوبة اتطيحين علينة انتي
ام حمزة،،نشوفة ونرد
حمزة،،ما يقبل الطبيب
الجدة صالحة،،شمالة مو تعشى وبدل وتعطر وطلع جنة ذيب شبي طاح هاي من سوالفكم وعرايك كويظم وعمة
اسماعيل،،يمة شعلينة احنة شوفي حمزة شلاعب وطيح ابوه من القهر
الجدة صالحة،،شلاعب يمصخم
حمزة،،جدةة بالبيت هنا نسولف بامورنة شني السالفة وين ابراهيم تعال ردهن للبيت
الجدة صالحة،،انة ما ارد احجي عجمي
حمزة،،استغفرك ربي جدة شتسوي ضلتج هنا
الجدة صالحة،،اظل يعني اظل ولك حميزة شسويت بابوك
حمزة،،جدة والله ما ترهم ضلتج هنا يطلع بسلامة بتكاجر شوية تعب وجبناه
الجدة صالة،،عليتة لهذة الزلمة طاح من وراك اعرفك ما تكعد اذا ما تجلط ابوك،،هين يطلع ونسولف
علي،،حسنين ردوا للبيت انتة وكاظم وانة ضال هنا
حسنين،،ما ارد اذا ما اخصمهة وي حمزة
علي،،حسنيييين مو وكتهة روح هسة ولا تحجي لريم شي هسة
حسنين،،ماشي ماشي هين حمزة
ريم،،رجعوا الولد ووجوهم متتفسر
ام ريم،،ها يمة شصار شبيكم
كاظم،،ما حجينة يمة عمي تخربط وخذناه للمستشفى
ام ريم،،عزة بعيني شجااه
ريم،،شهكت مفزوعة،،عزةة بعيني ليش حسنين شبي شصار،،باوعلي حسنين بقلق
حسنين،،ما بي تعب فجأة ونقلناه طلعت بي ذبحة
ريم،،لا حسنين فدوة لا تكلي يصير بي شي هذا ابوية الثاني وكمت ابجي
كاظم،،صلوا عالنبي يابة باجر يطلع وان شااء الله مابي شي
ريم،،اكيد والله ما بي شي
حسنين،،اي اي ان شاء الله
ريم،،حسيت حسنين عيونة تتهرب مني معقولة الصار بسببي كبرت السالفة خاف وتعصب عمي ووكع بسببي شون بية كلة من وراي،،،احبة اتخيل بي ابوية،،،طبيت توضيت وكعدت اصليلة وادعي الله ينجي كمت ابجي واقرة قرآن طب حسنين شافني ابجي كعد عالجرباية يمي اسد نايم وامي هم تغفي وسبحتهة بيدهة تسبح
حسنين،،ريم اذا كملتي تعاي وياي
ريم،،صدقت وسديت القران مفزوعة
ام ريم،،شكو عمك بي شي
حسنين،لالا ما بي اريدهة تكويلي دشداشة
ريم،،كمت ورة حسنين
حسنين،،تعاي برة
ريم،،طلعت وياه ،،،شكو حسنين احجي
حسنين،،هالنذل حمزة
ريم،،شبي حجيت بخوفة
حسنين،،ما مطلكج
ريم،،شون شتكول مو كدامكم طلكني شون بعد
حسنين،،رادج بالعدة
ريم،،شني شتقصد شون عود ما فهمت. احس انثولت حجيت بفهاوة كوة اجمع الحجي
حسنين،،يحگلة يرجعج وانتي بالعدة واكو شهود
ريم،،شوون ما ادري ما اخذ مني كلمة للسيد ميصير مو ميصير
حسنين،،يصير بلا سيد ولا شي ولا حتى تعرفين وياخذ رايج بس يشهد ثنين وهاي هي تردين لذمتة
ريم،،شني يعني بعدني مرتة هسة اني صدك مو هيج هيج تقصد،،كمت ارررجف احس عرگت رغم برودة الجوووو. وكوة اتنفس
حسنين،،نذل شكد كلت لعلي خلي نكمل بالمحكمة جان يعاند يكلي خطية اختك ما عولناهة تبرد عود تنسة شوية ونكمل المحكمة ولا خطرلي حمزة يلعبهة هيج نذل اطلعهة من عيونة يطلك غصبا عنة
ريم،،حسنين شسوي هسة شسوي كعدت بالكاع ارجف الله لا ينطيك حمزة. ضليت اردد واضرب على رجلية،،،وافكر شبهذلتني ليش ليش هيج يسوي بية لو عدوتة ما اذاني هالكد شحال لو اني بنت عمة وام ابنة
حسنين،،هين كومي كومي يطلع عمي ويطلك غصبا ما عليه حتى عمي ما رضة وما يدري بي
ريم،، كومني واخذني لحضنة،،طاح عمي من وراه موو
حسنين،،اي ،،،،بس اريد اعرف شون جنتي عايشة وياه،،
ريم،،والله ما جان هيج متخبل هسة كلش احجي وفاصلة احس راح اتخبل
ام ريم،،يحبج يمة ويريدج
ريم،،التفتت امي واكفة بباب المطبخ
ام ريم،،ما يريد يفرط بيج
حسنين،،لا يمة يريد يردهة للذلة
ام ريم،،لو يريد ايأذيهة ويذلهة جان اجة واخذهة جان گال وحجة وردهة
حسنين،،مالة كل مرة يمنة هذا خصم الحجي
ريم،،جلبت بحسنين حيل خايفة خفت وث وحس حتى نفسي ضاگ،،همست ما اريدة حسنين هو قبل شسوة بية عود هسة
حسنين،،شني بكيفة هية
ام ريم،،شبيكم تتبشبشون
حسنين،،تعاي نطب ريم
ريم،،سندني حسنين وطبيت واحس اختض مثل السعفة حتى احس لهسة ما مستوعبة الحجي شون وشوكت وليش،،وصلني حسنين لجربايتي تغطيت واني احس حتى بطني توجعني ما اعرف شصار بية كوة نمت ما اعرف شون اصلا غفيت واحس عقلي واكف احلامي مخربطة ساعة يباوعلي حمزة بغضب وساعة حاضني وساعة يخنگني فزيت امي تكعد بية
ام ريم،،شبيج يمة شجاج تونين
ريم،،يمة بردانة غطيني يمة
ام ريم،،صخام بعيني شبيج يمة غادية نااار
ريم،،تتلمس امي بكصتي واني اغمض مرتاحة لبرودة ايدهة. سحبت الغطة امي وشهكت وجريتة،،يمة بردانة غطيني بعد
ام ريم،،صخام بعيني حسنين يمة يمة
ريم،،اسمع صوت حسنين يحاجيني واني ما اكدر احجي كوة احرك لساني وبردانة
حسنين،،شبيج ريمة شو باعيني ريمة
ريم،،حسنين اخاف اخاف لا تخلي ياخذني موو
حسنين،،استغفر الله الله لاينطيك حمزة،،يمة وين علاكة الدوة مالتج
ريم،،حسيت سائل مرر بحلكي
حسنين،،ريم ابلعي هذا براسيتول بمي تسمعيني
ريم،،شربتة واحس معدتي كامت تغلي منة راسا ذبيتة وصرت اذب من راسي
حسنين،،يمة لبسيهة هاي انتهت اخذهة للمستشفى
ريم،،اخذني حسنين وعادل شايلنيي ما اكدر امشي احس تكسرت
حسنين،، الو ها علي
علي،،هلا حسنين ليش خوماكو شي
حسنين،، هاي ريمة انتهت وجبناهة للمستشفى
علي،،ليش شبيهة ريمتي شصار،،حسنين كتلهة مووو
حسنين،،مووو
علي،،كتلهة موووو،،شكتلك انة هااااا تدريهة ما تتحمل
حسنين،،شون اول وتالي تعرف ما اتحملت اضم عليهة هالسالفة خفت لا تعرف النسوان وتجي تحجيهة جدامهة شني حالهة
علي،،استغفر الله يلا تعال راح اوكفلك بباب المستشفى
حمزة،،اباوع واسمع واحترك بنارر هيج ريم ما تتحمليني وكعتي من طولج من سمعتي لساتج بذمتي. من دريتي بية رايدج ليش متفتهمين احبج ليش ما تفتهمين اعشگج ليش ما تعرفين انة بدونج ما اعيش ولج بدونج انة حال الميت اكلني القهر ببعدج وانتي تصيحين ما اريدك مشيتي حياتج عبالك انة ماجان الي كل وجود بحياتج وانة احترك نار ليلية ما اغفة اذا ما اتخيلج بحضني وانتي مرتاحة انتهي من يذكرون اسمج واكابر واعاند بروحي التموع بطاري اسمج وانتي شاردة ترفعين علية قضايا بالمحاكم كلشي بية يريدج صورتج بغرفة جديتي وشعرج الاسود صاير عباتج خبلتني ما انام اذا ما اتخيل ذاك شكلج ولج ما حلت كل مرة بعيني عكبج ولا الي نفس اكض كل مرة غيرج ولا كضيت وانتي ناسيتني و وتوكفين تسولفين وي اسامة هالملطلط وتخليني احترك بناري من اتذكر ضحكتج ووكفتج كبالة وكل هذا واكول اتحمل يا حمزة هم اذيتهة هواي وغلطت بحگهة خذاك العناد والمكابر وكسرتهة انطيهة وكت تبرد وتردهة لحضنك تااالي شني تردين لنفس الموقف السخيف وي هالملطلط وتخلين اختة تروح تسولف بيكم افة مو مرت حمزة التسوي هيج توج تطلكتي تفكرين بغيري باحلامج والله تصيرين لغيري انتي باسم حمزة بعدج على ذمتي جنت عايفج تبردين بس الظاهر كلللش هواي انطيت وكت زايد، ،،هيين الجاااي حلووو كلللش حلووووو
ريم،،صحيت الكانولة بايدي والمغذي فوك راسي كوة افتح
علي،،ها ريمتي صحيتي الحمدلله خوفتينة يمعودة
ريم،،علي شفتة شمسوي بية
علي،،تنحل يا بعد اخوج ارتاحي هسة
ريم،،اي اي حباب خلصني
حسنين،،اكيد بس عمي يرتاح
علي،،حسنين انة رايح يم عمي بالك على ريمة اردلكم وخابرني شيصير
حسنين،،روح توكل لا يظل بالك بطلة ريمة
ريم،،اغفى وارد افتح عيوني كعدت عطشانة فتحت عيوني حسنين يمي،،حسنين عطشاانة
حسنين،،هسة ادز عادل على مي
ريم،،طلع حسنين ورجع،،هذا مو هنا عادل يم عمي يجوز اروح اجيبلج بساع واجي موو
ريم،،اي عادي منو يطب للغرفة قابل
حسنين،،ماشي شوي واجي
ريم،،راح حسنين ورجعت اغفي. توني اغفة وحسيت انفاس دافية تضرب برگبتي عطرة ضررب بخشمي. اعرفة ما ناسيتة حافظة حتى عطرة،،فزيت بين الخايفة المتفاجأة الحاقدة عالمقهورة،،شتريد مني حمزة
حمزة،،اريدج مرتي واريدج ما تصيرين لغيري ريم حطي ببالج انتي لو لحمزة لو للگبر لا تحطين غيري براسج ترة اكسر راسج وراسة
ريم،،شتخربط انتة شتحجي عوفني كافي اذية
حمزة،،مو شفتج من عفتج شسويتي
ريم،،شسويت قابل
حمزة،،تعررفين كلش زين
ريم،،اتقرب يم اذني نفسة متقطع حااار. وهمس الجاي مو مثل الراح وداعت ابوووي النايم جوة
ريم،،طلع وخلاني متبلعمة ما اعرف شحجي حجية يبين عقلة مصورلة اكو شي بيني وبين اسامة ما ارجعلة كل عقلة ارجعلة
حسنين،،ها ريمة خوما اتاخرت
ريم،،همست لا شوكت اطلع
حسنين،، شوي بعد يشوفوج واذا زينة يطلعوج
ريم،،طلعوني ورجعني حسنين وعمي هم للظهر طلع وهوسة ببيتهم وخبصة اجة علي سبح وبدل وراح هوة وكل الولد.ما شفناهم عادل يكول العالم مكلوبة على عمي
علي،،متشوف شر عمي والحمدلله عالسلامة احنة نترخص ترتاح
كاظم،،الف الحمدلله عالسلامة عمي
حسنين،،ان شاء تكوم بسلامة عمي ومن ترتاح النة حجي
علي،،حسنين خلي عمي يرتاح
ابو حمزة،،اكيد عمي اخذوا راحتكم بوية تعبتكم
الكل،،تعبك راحة عمي انت الخير والبركة
ابو حمزة،،تعال بوية ابراهيم طببني للبيت تعبت
حمزة،،انة اسندك بوية
ابو حمزة،،حمززة كلبي شايل ومحمل منك وخر عني ارتاح واكضك على سوايتك،،،اسمع من باجر تطلع عمال يبنون القطعة الورة البيت انة سجلتهة باسم ريم تبنيهة بيت باسمهة ومن يكمل النة حجي وكعدة،،يتبع