شرسه ولكن ! 25
***************
سبحان الله والحمد لله والله أكبر
لا حول ولا قوة إلا بالله العلى العظيم
سبحان الله وبحمده وسبحان الله العظيم
💙💙💙💙💗💗💗💗💗💚💚💚💚💚
دقايق بسيطه وحازم قرب على البيوتى سنتر بعد ما لبس بدلته ومنتظر نور .. وعربيات كتير حواليه وكله بيتصور ... ومحى خاطف وردته فى عربية حازم لوحدهم بعد ما استأذن من نوجااا وطلبها تكون خطيبته رسمى وبما ان نور مفهمه كل حاجه تخص ورد لنوجا وافقت
نور جوا واقفه لابسه فستان ابيض هادى جدا وبسيط زيها لاول مره تحس بالانوثه فى حياتها طرحه وميكب واهتمام بشكلها مبالغ فيه من البيوتى سنتر احساس مختلف فى كل حاجه حتى الليله نفسها مختلفه لها زهوه ونكهه خاصه ما يحسوش بيها غير اتنين وبس العروسه والعريس ... سمحو لحازم يدخل عشان ياخد عروسته ... وبيقرب عليها بحذر ببدلته الزرقا والمختلفه عن كل العرسان وعيونه بتلمع من الخوف والاحراج ما تخيلش ان الموضوع صعب كدا حتى لو تمثيل وشعره فيه لمعه خفيفه .. قرب ولفها له واتفاجئ بنور واقف مبتسم ومش عارف هو مبتسم ليه فرحان والا زعلان ... فاق على صوت عقله اهى ليله والسلام اخلص قبل ما تحرجك مد ايده لها وانتظر انها تحط ايديها فى ايده وتمشى بخطوات بسيطه والكل حواليهم بيزغرط ويهنى ويسقف والشباب واقفه برا تصفر ... خرجووو وهما جمب بعض مرسوم على وشوشهم ابتسامه وفى قلوبهم جرح كبير عكس إلا بيتصدر لكل النااااس
مسكها من ايديها ومركز فى عيونها الملونه وهى بادلته نظارته لها وركبت جمبه قدام ساق العربيه الا جايبها لزفته كان كل تفكيره ان لو ابوكى كسرك قدامى لايمكن وانا جوزك اكسرك واكسر فرحتك حتى لو مؤقته
نور كل شويه تبصله وتضحك
حازم بصالها وضحك زيها : مش لايق عليا اكون عريس صح غريب فى نفسى
نور بتضحك جااامد : ولا انا لايق عليااا حاسه انهم مركبين رجلى على خشبتين وايدى حد ماسكها وها نغنى انا وانت الليله الكبيره
حازم بيغنيها لها وهو بيضحك وبيهز راسه وهى رافعه ايديها وبتتهز يمين وشمال : الليله الكبيره يا عم والعالم كتيره وعدى كل الاغنيه وبيتخن صوته قوووى ومندمج وبيقول
حالاً بالاً سأصارع أسد إنما إيه متوحش
وهخلي وشه شوارع تسقيفة يا ناس ميصحش ونور تسقف
أهو جه أهو جه تسقيفة بقا
تسقيفة أمال تشجيعة أمال ونور بتسقفله ... وضحكو باعلى صوت الاتنين
نور بتنفض كتفه وبتريقه : اه يا لائيم لابس بدله زارقه عشان الحسد
حازم بنفس التريقه : اه ما انتى عارفه بقى اسعد عروسان وكدا وبقينا حديث الساعه فا لازم نعمل اى لقطه .. بقولك ايه
نور : قول يا وحش الوحوش يا سبع السبوع قول يا حوووواش
حازم : 😂😂😂😂 خليكى حلوه كدا لاخر الفرح مش عايزين فاضيح
نور : انت تأمر وانا اعمل العكس .. وريحت ضهرها ولفت وشها بتتفرج على العربيات الا بتجرى حواليهم والناس الا مشغله اغانى وال بيسقف والا بيضحك ويغنى كل واحد بيفرح بطريقته
وصلو القاعه مع بعض ... وبدء دخلوهم برقصه سلوووو بتضمهم الاتنين وبيقربووو لا فاصل ولا حاجه بتبعدهم عن بعض وصوت نفسهم الاتنين عالى ...
حازم باصص لنور وهو ضاممها وبهمس : ابتسمى
نور ابتسمت برخامه : كدا كويس ياسى السيد
حازم ضحك بأعلى صوت ونور ضحكت على ضحكته ... وقربت عليه وبتحاول تدايقه .. عجبتك اقولها تااانى
حازم بغمزه : ياريت ومسك خدها بايده مسكه سريعه وبعدين لف ايده على وسطها من تانى ..
نور رفعت حاجب : خدت عليااا
حازم : امممم.. يعنى بحاول .. انتى كمان أعصرى على نفسك لمونه وحاولى يا ست أمينه تاخدى عليااا
نور ضحكت ولفت وشها الناحيه التانيه .. وبعدين قربت تانى وهو مستنى ردها ..
نور : انا ممكن أكون أمينه فى نظرك اه .. بس صدقنى انا غيرر .. لحد دلوقتى محدش يقدر يكسرنى ولا حد يستاهل اقعد اتذل له عشان رضاااه
حازم ضحك تااانى ونور بترفع حاجب وهى مبتسمه مستغربه رد فعله
حازم : سورى يا نور .. اضحك أحسن ويفتكرو انى عريس وأسعد انسان فى الدنيااا أفضل ليااا وليكى
نور سكتت وما قدرتش تقول اى كلام ..
حازم قرب عليها : حبيب القلب شرف فى الفرح .. وشكله جاى يعمل نمره
نور بصت على هانى إلا داخل وباين على وشه الشر
انتهت الرقصه ونور وحازم قعدو فى الكوشه جمب بعض
محى وورد جمبه بيضحك : هما بيفرقو نكت عند نور وحازم نروح نضحك معاهم
ورد : ايه أجبلك شوى وما تتعب حالك
محى : حبيبتى كفايه انك معااايا وجمبى لو بيفرقو دهب انا قتيل هنااا وبغمزه ايه الحلاوه دى ايه الطعامه دى ايه الروج دا يا ورد هههههههه
ورد بنبره حاده : اتحشم يا محى
محى : انا قربت اتحجب معاكى يا عم الشيخ اتحشم يا محى .. لليمين دور يا محى .. وشك للحيط وجفاك ليا يا محى .. ايه ورد
ورد : 😂😂😂 ايه هيك ابتعرف يا إلا فيها وبتلم حالك
محى : المه اوديه فين المسكين .. المشكله انه حالى لما بيشوفك مش بيخليه فى حاله
ورد : أما نوجا شكلها محتاجتنى .. راح اشوفها وسابته ومشيت
............
لحظه واحده وحازم انسحب من جمب نور بهدوء .. وشاور لمحى وفهم اول ما شاف هانى وراحله
حازم : هات اتنين من حبايبك وخد الواد دا على برا
محى : اهلا سيف عرف منين ان انهارده فرحك
حازم : مش عارف بس جه فى وقته تعالا ... وراحو لسيف وسلمووو عليه ..
سيف : مبروك يا حازم .. ايه ياعم الشقاوه دى كلها طلعت مش سهل اهووو
حازم ابتسم : اهووو بنحاول نثبت وحودنا .. قرب عليهم واحد ضخم وحازم حضنه وباسه ..
حازم : كاونه كفاره يا راجل
كاونه : حبيبى يا بش .. ورفع ايده بالتحيه .. سيف باشااا
سيف : كاونه عامل ايه ياد
كاونه : بخير يا باشا
محى قرب على حازم : مين كمان نانه دا يا حازم
حازم ضرب كاونه على صدره : دا حبيبى يا محى .. ما علينااا كاونه خدمه صغيره
كاونه بيضرب على رقبته : سداده
حازم : شايف الواد دا وشاور على هانى إلا بيستعد يروح لنور بعد ما اتاكد ان حازم مشغول ... عايزك تاخده انت ومحى وما يغبش عن عينك
كاونه : امرك يا بشمهندز
سيف عارف هانى وفهم حازم : مش عايز تهور يا كاونه
كاونه : عنيه .. مفيش حتته تاتوه
محى : هاااا
حازم : هههههه محفوظ يا كاونه تورتيه بحالها ليك
كاونه ضحك : حبيبى .. كمان حاجه تهضم التاتوه والفرخه المشوشوه
محى : فى ايه ياعم انت .. انت داخل مصباح علاء الدين .. وفرخه ايه دى كمان جت منين
حازم : خلاص يا محى .. كل إلا انت عايزه يا كاونه ياله بقى
كاونه بطرف عينه : ياله ورايا
محى بخوف : فى ديلك ... لا بلاش ديلك اكيد ريحته وحشه
كاونه : نعم
محى : هاااا .. ولا حاجه بقول فى ريحه وحشه انت بتاخد الكلام على نفسك ليه يا كمان نانه
وسيف بيضحك بصوت عالى هو وحازم وغمازته باينه والبنات التلاته عيونهم ما اتشالتش من عليهم كل واحده فى عالمها الخاص .. محى وكاونه مشيووو ورا بعض وخدو هانى على برا .. وسيف مع حازم
سيف : كنت منتظر منك انت إلا تعزمنى مش نور
حازم : اسف والله يا سيف كانت دماغى مشغوله بمليون حاجه .. بس غريبه ان نور إلا تعزمك
سيف : انا استغربت زيك .. بس قولت انا ليا كلام معاها فى القضيه .. فا هى قدرت دا مش أكتر ..
حازم : مش مهم المهم انك شرفتنى .. عقبالك يا حبيبى
سيف : يارب وتكون إلا فى بالى اهم حاجه
حازم ابتسم وفهم لانه لاحظ نظارات سيف وسلوى لبعض لما كان عند نور فى البيت : يارب .. وشاور بايده ناحية سلوى وبغمزه فى ترابيزه فاضيه هناك
سيف اول ما شاف سلوى ابتسم : فاهمنى انت
حازم : اعتبرنى مش هنا .. ولا كانى عارف حاجه
سيف : 😂😂😂 شكلى ها احتجالك قريب .. روح بقى انت سايب عروستك بقالك كتيررر
احلام قربت على نور : مبروك .. بس بعد الفضيحه ملهاش طعم عروسه بفوطه ههههه
نور ابتسمت : منا عرفت مين عملها .. وحبيت ارد له القلم اتنين بس يصبر مش انا إلا اسيب حقى
احلام بشهقه مصطنعه : قصدك ايه انااا ..
نور : ايه دا هو إلا على راسه باطحه دايما حاسس بيها كدا
احلام ضحكت : بكرا نشوف على راس مين
نور : هو انتى اختفيتى روحتى فين وظهرتى فجأه
أحلام بارتباك : مركزه معايااا والا مع عريسك ونهت الكلام
قرب يا مازن بارك لاختك وسابته ونزلت
مازن : مبروك يا نور
نور حضنته بحب حقيقى وابوها واقف يراقب الوضع من بعيد : عقبالك يا مازن لما تبقا عريس
مازن : شكرا يا نور
نور كشرت : مالك فيك حاجه
مازن : ابدا .. انا ها اروح لماما عشان ما تزعقليش .
نور حضنته تانى وباسته : روح يا حبيبى واضحك واتبسط اوعا تكشر كدا تانى ماشى وخليك متاكد انك حبيبى وها تفضل حبيبى
مازن بابتسامه بيحاول يداريها خوفا من أمه : حاضر .. وساب اخته وراح وقف جمب أحلام .. وابوه ... الفرح شغال والامور تمام .. وحازم ونور من رقصه لرقصه ..
سلوى : ورد انا قايمه راحه الحمام تعالى معايا
ورد : ليش من شان سيف
سلوى : سيف مشى شاورلى أكتر من مره وانا طنشته خلصى عشان مش قادره
ورد : جومى .. انا ما بعرف وين محى اختفى هو كمان وراحو الحمام مع بعض .. وورد واقفه برا .. سيف قرب عليها ..
سيف : ورد ازيك
ورد ابتسمت : ابخير وانت كيفك
سيف : الحمد لله .. استأذنك بس أخطف الابله إلا جوا دى خمسه لانى اتاخرت على شغلى
ورد : ما راح تجرحها وبتحذير ولا تجرب منيها .. سلوى هاى بسكوته مانها حمل هيك أشيا
سيف بأبتسامه : حاضر عشان خاطرك .. ممكن بقى قبل ما تخرج .. وورد وقفت بعيد .. وسيف انتظر سلوى لحد ما خرجت .. ومدهاش فرصه وخرج بيها برا القاعه خالص
سلوى بزهق : سيف سيبنى وابعد كدا ما بحبش اسلوبك
سيف : سيبتك اهو ورفع ايده .. اتفضلى اركبى نتكلم واشوف حكايتك
سلوى ربعت ايديها : حكايتى فى ايه خلاص مفيش حكايات يا ريت تمشى ومش عايزا اشوفك تانى ..
سيف بيقرب عليها وهى بترجع لورا : انتى قد الكلام دا
سلوى بتهته : ه.. ااا .. احممم وبترفع صباعها بخوف ابعد لو سمحت
سيف : قوليله هووو يبعد .. ان كان عليا ما بحبش ارمى نفسى على حد
سلوى : هو مين
سيف : قلبى .. قلبى يا سلوى إلا خلانى اتنازل واجيلك وخلانى عندى استعداد اخطفك ليا لوحدى محدش يشوفك ولا يسمعك غيرى
سلوى بتغمض عيونها : سيف انا ..
سيف شدها ورا العربيه ولف ايده حوالين وسطها وقربها منه .. تعرفى انك بتسلبى منى عقلى . وجودك فى اى مكان وانتى قدامى خطر عليا برئتك بتجننى
سلوى بتزقه وايديها بتترعش : ابعد عنى عيب كدا
سيف : العيب ان حبيبك يقولك صدقيه وانتى ما تصدقهوووش وبهمس يخطف الانفاس .. والله والله ما حبيت غيرك .. وصافى دى ولا فى بالى اصلا كل الحكايه كانت احراج فى احراج ولولا اهلى كنت انسحبت .. ارجوكى يا سلوى اوعى تبعدى عنى انا تخطيت مرحلة الحب معاكى
سلوى بخوف ورعشتها زادات جدا : ارجوك يا سيف ابعد عنى .. كدا مش صح
سيف حط ايد على وشها وبيبعد شعرها عن اورتها : ايه الصح عايز افهمه اتحرم منك فى وجودك والله بقى صعب عليااا وهمس جمب ودانها .. انا مهوس بيكى يا سلوتى . مهوس .. حس انه متخدر ومش واعى ولا مدرك ايه إلا بيعمله .. وبيبوسها فى خدها .. وقرب من شافيفها بشوق ولهفه تخض وكانه مستنى اللحظه دى .. وحس بجسم سلوى ارتخى وبتقع بين ايديه .. فضل حاضنها .. وبيفوقها برقه .. بيبص على وشها وبيتمنى فى اللحظه دى تكون من حقه عشان يخطفها .. فتح عربيته وقعدها على الكرسى وجاب البرفن وبيفوقها .. واول ما فاقت ووشه قريب منها ضربته بالقلم وعيطت جااامد وحاطه ايديها على وشها ..
سيف اتعدل ومذهول من نفسه انه حتى مش قادر ياخد منها موقف .. قعد قدامها عشان يكون فى مستواها وهى قاااعده وبيحاول يهديها ولسا بيمسك ايديها
سلوى نطرت ايده : ابعد .. انت فاكرنى ايه . عشان ضعيفه ومهزوزه قدامك تستغل وضعى .. عشان بخاف من كل حاجه تعمل حاجه حرام وها تدخلنا النار.. كان نفسه يضحك وهى بتتكلم لانها فعلا شبه الاطفال حتى فى طريقه التعبير عن غضبهم .. واحترم دا فيها وسمعها ... عايز يسمعها ويديها فرصه ويقولها انتى صح وانا غلط بس انا بشر مش ملاك او بقدر اتحكم فى مشاعرى تجاهك زيك ..
... انت ازاى تتجرء وتعمل كدا .. فاكرنى بخاف منك وها اسيبك ... لا يا سيف من غير باشا وعيطت تانى .. ايوا من غير باشااا انا ما بخافش .. هنا سيف انفجر فى الضحك ..
سيف : كنتى بتخافى من شويه .. اسف يا سلوى سامحينى
سلوى : هو كل حاجه تعملها اسف وسامحينى . ثم كمان انت بتضحك ليه ايوا انا ما بخافش
سيف ضحك تانى : اصل مش مطلوب منك ولا مجبره تقوليلى باشا او تخافى منى .. انا حبيبك .. وايوا يا ستى اظاهر انى بغلط فى حقك كتير .. وممكن اضعف واغلط تانى لو فضلتى قدامى
سلوى بتقوم سيف قعدها تانى : استنى ما تخافيش والله ما ها أجى جمبك .. طيب سامحتينى وصدقينى قولى دلوقتى انك خلاص كل حاجه بينا رجعت اقوى من الاول
سلوى : لايمكن ها اقولك انهارده .. بكرا
سيف : وعد
سلوى هزت راسها : وعد
سيف : طيب ظبطى نفسك فى مراية العربيه وخدوك الا ها يطق منهم الدم دول وشكلهم يغرى اى حد
سلوى باحراج : طيب ابعد
سيف نطر راسه وبيبصله ومبتسم : توء .. انا جمبك لحد ما تخلصى .. وفى الانجاز عشان رجلى وجعتنى وياسلام لو فى كاميرا مراقبه اتصورنا منظرك ها يبقى وحش ظابط بيتحرش بفتاه من امام قاعه افراح ههههههه
سلوى بصوت مبحبوح وبتمسح دموعها : بجد صوارونا
سيف ما بتصدقى وبغمزه : انا أمنت مكان العربيه الاول
سلوى بتديق عنيها وبتبرطم بكلام مش مفهوم
وسيف مبتسم وفرحان وبس كان جاى غضبان منها وعايز يكسر دماغها .. بس ازاى نسى انها اطيب مخلوقه قابلها فى حياته .. خلصت ودخلت هى القاعه وهو رجع مكان تأمينه بسرعه ..
ورد : ليش اتاخرتى
سلوى : اصله كان بيشرحلى موقفه
ورد : يشرحلك .. داخله امتحان كيفى والا ايه يا أم عجل خربان
سلوى : ههههههه .. تعالى نتفرج على نور انا مش مصدقه انها عروسه
ورد : ولا انا مصدجه انك سلوى يالا كانت هون من شوى مقلدمه ومبوذه .. امركم عجيب والله كليتكم
سلوى : فعلا كلنا أمرنا عجيب وكل شويه بحال .. ياله بقى .. ودخلو لنوور تانى .. ورقصو معاها ... وابو نور وقف اتصور معاهم .. وكانت فرحة الكل لا توصف بالنسبه للناس .. خلص الفرح . وكل واحد راح بيته .. وورد روحت من غير ما تشوف محى ولا تعرف راح فين ...
****************
كاونه : ما تعصلجش ياااد وضربه على قفاااه والقلم رن
محى : كفايه يا كمان نانه .. قفايا وجعنى
كاونه : انا بضربك انت يا جدع .. الله
هانى : انتو عايزين منى ايه يا مجرمين انتووو .. والخرابه دى بتاعت مين
كاونه بيحط ايده على صدره : بتاعت محسوبك .. ها تفضل مشرفنى هنا لحد فرح البشمهندز ما يتم على خير ويقولى اغورك ها اغورك
هانى : انا ها احبسكم انتو والبلطجى الا محسوب على البشمهندسين
كاونه ضربه : تصدق عايز اتحبس .. وطلع مطوه من جيبه .. وهانى بيبص له برعب ..
محى بعياط مصطنع : الله يخربيتك ايه رامنى الرميه السوده دى معاك .. انت ها تقتله وتودينى فى داهيه
كاونه : لا ها اعلمه زى الحمير ما بتتعلم
محى : بيشاور على هانى .. لا الحمار بيتعلم .. وبيشاور على كاونه ولا البنى ادم دا بيفهم .. نزل الزفته دى .. وانت اخرس شويه
هانى بخوف : حاضر ها اخرس
كاونه بيشيل المطوه : ايوا كدا احبك وانت متيع ..
محى : هو فى حاجه هربانه من بوئك
كاونه : هاااا .
محى : اصل سعتك مخارج الكلام عندك غلط .. هو انا مستغرب ليه اذا كان انت كلك غلط فى غلط
كاونه مسك وش محى بايده : حبيتك يا محى .. وانت ايه بقى
محى : ولا حاجه .. حايله بشمهندززززز .. وبيهز ايده
بنوته صغيره داخله عليهم : أباااا اماااا بتقولك عايزا فلوش
كاونه : ليه الغم على المسااا وبيضرب هااانى .
هانى بعياط : انا مالى طيب
كاونه : بتعصبنى ام السيره ديااا .. وبص لهانى اديها ياد اوعا تكون بخيل والوليه تقول عليك ايه
هانى بيهز راسه بنفى وبيطلع من جيبه فلوس ولسا ها يديها جزء كاونه شد الفلوس كلها خدها وبيدى البنت عشره جنيه بس ..
الينت : ايه دا يا أبااا .. الراجل دا بخيل والنعمه
كاونه بص لهانى : فضحتنا .. قب ياد
محى : ما اتفقناش على كدا يا كمان نانه وانتى وبيمسك خد بنته وبيشدها انت والحرميه الصغيره دى
بنته : الحق يا بابا .. بيبشبشلى ( بيبصبصلى )
كاونه : ايدك يا محى .. امشى يابت وقولى لامك مفيش غير دول ..
محى : هى بنتك سقف بوئها واقع زيك
كاونه : طالعلى بنت انما ايه ولا ايوتها البنتات
محى : ايوا خدت بالى وانت راجل ولا ايتها الرجلات
كاونه : تعيش
محى : اسمها ايه بقى .
كاونه : ياسمينه
محى : دى زعبيب أمشير يا راجل ياسمين ايه بس
كاونه : ههههههههههه .. مش بقولك حبيتك .. وبيبص لهانى .. انت لاء اسفوسخس عليك
محى بيبص لهانى : إخيه عليك وعلى شكلك حتى كاونه كارهك جاتك نيله عليك وعلى الا جابك هنا وبيشاور على كاونه
******************
حازم فتح باب الشقه
حازم : اتفضلى
نور دخلت على جوا واتفاجئت ان كل حاجه اتغيرت .. وواقفه ساكته . واول ما حازم قرب منها اتكلمت : ها انام فين
حازم : مفيش غير اوضتنا .. واوضة أمى ها تفضل مقفوله .. فا اتفضلى فى اوضتك
نور : وانت
حازم : شاور على الكنبه : هنا .. ها ادخل اخد هدومى ودخل .. وخرج تانى .. وبيكلمها .. لو عايزا تدخلى الحمام .. الحمام هنااا وبيشاور بايده جمب المطبخ
نور : تمام .. ودخلت الاوضه وقفلت على نفسها .. وعجبتها الاوضه جدا جدا .. قلعت الفستان والطرحه ولبست بجامه .. وجابت فوطه .. وخارجه لقت حازم خارج من الحمام ببنطلون بس وبينشف شعره ..
عدت من جمبه ودخلت الحمام .. خدت شاور وطلعت ..
حازم : ها تاكلى
نور : لا مليش نفس .. ودخلت الاوضه وبتدور على شنطتها وبتطلع علبه السجاير .. قربت على الشباك وولعت السجاره وبتشربها وريحة السجاير ملت الشقه .. وحازم كان بياكل .. شال الاكل فى التلاجه وغسل ايده من غير ما يكمل اكله وراح على الكنبه ونايم وباصص للسقف .. نور خلصت وراحه تقفل الباب .
نور : تصبح على خير
حازم من غير ما يبص لها . وانتى من اهله
نور كانت ها تقفل الباب رجعت تانى : ممكن اسألك سؤال
حازم : اتفضلى
نور : ليه غيرت عفش الشقه وجبتلى شبكه لبستهالى فى الفرح
حازم : عشان دا حقك وانا مقتدر واقدر اجيب الحمد لله
نور : لا مش حقى وانت عارف .. دا مجرد عقد جواز مؤقت
حازم : جواز شرعى .. وانتى حقوقك محفوظه حتى لو مش ها تكملى معايا مش انا إلا أجى على حق واحده ..
نور استغربت كلام حازم ودخلت الاوضه بحيرتها .. وقفلت الباب بس مقفلتهوش من جوا .. ونامت وبتكلم نفسها : ودا ها يفضلى عريان كدا يورينى شعر صدره على رأى نوجاا فى الراحه والجايه .. نامت وراحت فى النوم وحازم كمان .. بعد ما كلم محى .. وسابو هانى ومحى روح ...
***********
زقزقت العصافير فى طلوع نهار جديد وبدأت فى الهوا تطير وتتمايل زى اغصان الشجر .. وفتحت معاهم أجمل عيووون .. واصفى قلوب إلا بيلين من حبها الحجر ..
****************
نور نايمه على صدر حازم وحاطه ايديها على وسطه .. وبتحرك راسها بتحاول تفوق .. كان حازم فتح عيونه ومش مستوعب مين دى وايه الاوضه دى .. نور اتعدلت ونطرت نفسها بعيد وهى لابسه شورت وبادى وبتدارى نفسها وبتبص لحازم
نور كشرت :ايه جابك هنا يابنى ادم
💙💙💗💗💚💚
بقلم : لبنى طارق
💙💙💗💗💚💚
رايكم يا حلوين .. تشجيعه أمال .. تسقيفه إمال 😂😂😂 وتفاعل كبير على فكره انا متابعه كل تعليقاتكم كلها
تابعو كل رواياتى القديمه على جروب كوميكس روايات لولو طارق
اوعو تنسووو صلو على النبى الأمين محمد رسول العالمين
فين تصويتكم يا جماعه دا هو الا بينجح الروايه وبيدينى بااااور وانا عايزا باور 😂😂😂 دوسو على النجمه دوسووووووووو