شرسه ولكن !

شرسه ولكن ! 37

شرسه ولكن ! 37
*************
أدعية النَّبِيِّ صَلَّى اللهُ عَلَيْهِ وَسَلَّمَ
اللَّهُمَّ أنَْتَ رَبيِّ لَا إلِهََ إلَِّا أنَتَ، خَلَقْتنَيِ وَأنََا عَبدُْكَ، وَأنََا عَلَى عَهْدِكَ وَوَعْدِكَ مَا اسْتَطَعْتُ، أَعُوذُ بِكَ مِنْ شَرِّ مَا صَنَعْتُ، أَبُوءُ لَكَ بِنِعْمَتِكَ عَلَيَّ، وَأَبُوءُ بِذَنْبِي فَاغْفِرْ لِي فَإِنَّهُ لَا يَغْفِرُ الذُّنُوبَ إِلَّا أَنْتَ.

💗💗💗💙💙💙💙💙💚💚💚💚💚💚
أميره بتشاور على ورد : هى دى يا ماما
فوزيه : ايوا هى
محمود : انتو واقفين على الباب كدا ليه .. مش عايزين فاضيح
ورد : خاله بريد اتكلم معاكى شوى برجوكى تسمعينى
محمود بعصبيه : يا تدخليها يا تمشيها
فوزيه : انا مش عايزا اسمع منك حاجه اتفضلى ولسا ها تقفل الباب ورد منعته بايديها ودموعها نزلت صعبت عليها نفسها
أميره بتشاور لجوا : ادخلى اتفضلى .. بعد اذنك يا ماما .. نسمع ها تقول ايه
ورد دخلت واميره قفلت الباب ومحمود وفوزيه بينفخووو
أميره : تعالى ورايا ودخلو قعدو على الانتريه
ورد بتوتر وبتمسح دموعها : محى زعلان كتير وبدو تكلموه .. هو ما يهون عليكم الولد غالى على جلوب أهله ليش كل ها الجحود
فوزيه بصوت عالى نوعا مااا : جحود .. احنا جاحدين  احنا لو جاحدين ها نوافقه على الجنان الا بيعمله .. تقدرى تقوليلى بعد تربيتنا وتعبنا .. وجرينا وراه دروس ومصاريف وسهر وتعب عشان يبقى المهندس محى يتجوزك انتى .. واحده جايه من الصحرا وجاهله كمان .. يرفض يتجوز دكتوره عشانك انتى .. يسيب اهله ويرضى بزعلهم عشانك ليه الدنيا اتقلب حالها
ورد بتشاور على نفسها وحاسه بمرار رهيب فى زورها ووجع بس قررت تكون قويه وترد على كل كلمه : شايفتينى ما بستاهل ولدك من شان جايه من الصحارى وجاهله .. جوليلى شو بينقصنى يا خاله ما اقدر اكون مثلكم .. ما بقدر اتعلم كيف ولدك ماعندى عجل كيفه وربنا ميزنا بيه عن سائر مخلوجاته .. الصحاراى مانها عيب ولا حرام . الجهل مانه عيب ولا حرام ولا بيجلل منى يا خاله .. رسولك الكريم كان أمى وصار أعظم خلج الله وبرغم هيك علمه ربه من شان ما حدا يكون إيله الفضل عليه نحنا جاهلين بعلمك وشاورت عليها متل ما انتو جاهلين بعلمنا  .. اوعى تحاسبينى وتلومى ولدك كيف عيشت وكيف صرت لانى ما إلى ذنب  .. الذنب عليكم تاركينا وما حدا مهتم كيف عايشين ولا شو بنعمل .. انا أد حالى يا خاله ومحى راح يصير من أحسن الرجال معى ..
محمود : يابنتى احنا مش بنعاديكى ولا بنكرهك ولا بنقلل منك بس احنا فى مجتمع اول حاجه بيسئل عليها هو اتجوز مين وبنت مين ..
ورد عيطت : وجلوبنا يا عمى ما إلها حج علينااا .. وانا راح اتظلم بحياتى كلها من شان جايه منين وما بليج بولدكم .. ارجوكم بيكفى .. راح اتعلم والله واشرف محى .. وجبل تعليمى راح يتشرف بينى انا ورد 
أميره : ورد انا صغيره زيك وفهماكى ما تزعليش من ماما لانها اندفعت فى الكلام .. وما تزعليش منى فى الكلام الا ها اقوله وافهمينى .. انتو ها تتجوزو  ومحى ها يبقى سعيد وفرحان بحياته وبيكى بس ولادكم يا ورد ها يعانووو .. ها تساعديهم فى تعليهم ازاى انتو مستسهلين الموضوع بس لما يدخل فى الجد هو اول واحد ها يتعب ويتعبك وينتقدك وساعتها ها تحسى بالفرق .  الحب مش كل حاجه
ورد : خيتى انا بتعلم هلا  وما راح أجصر فى حج ولادى .. ارجوكم اتركونا نحل كل شئ لحالنا ما تجاطعو محى من شانى
فوزيه : انتى جايه وقافله مخك ومش سمعانا اصلا وعايزانا نسمعك
ورد : بدك تحرمينى من محى كيف أجبل بحكى راح يجتلنى يا خاله .. بتعرفى انك بتخطفى حياتى الجديده بتسرجى فرحتى من شان ما لايجه فيكو والله العظيم ما إلى يد بحبه هاد الحاجه الوحيده يا إلا بتدخل جلوبنا وبتسيطر علينا غصب هو الحب يا خاله
فوزيه : وانتى بتخطفى ابننا وحياته بتهديها مش ها يفهمك انتى زهوه ها تختفى مع الوقت وحياته ها تتقلب لجحيم لو بتحبيه زى ما بتقولى ها تسيبيه عشان ما يقضيش باقى حياته ندمان
محمود قااام : يابنتى احنا مش قابلين الكلام الا لا ها يودى ولا يجيب بلغيه اننا مش ها نوافق غير برجوعه وسطنا ويتجوز واحده مناسبه له ولأهله ودا اخر كلامنا 
ورد وقفت  : ما راح اتخلى عن محى وعن جلبى طول ما هو متمسك فينى .. هو راح يرفعنى ويساعدنى أكون متله .. متل هو ما بيحب لانه رجال حر بيؤمن اننا بشر ومافى فرج غير بعجلوكم انتووو .. راح تضلو هيك طول العمر بتتعاملو وكانكم بشر مفضل عن غيركم بس والله مافى فرج وهادا كلام الله .. ليش بتتعلم وانت ما بتنفع غيرك وبستكبر عليه .. ليش بتتعلم من شان تكون افضل من غيرك وتهينه وتجرحه بتعليمك هاد .. ولدكم راح يضل ولدكم بوجودى وإلا لاه .. بعد اذنكم وبتعذر انى دايجتكم .. ونزلت والتلاته باصين لبعض ..وساكتين
أميره بتشاور على مكان ما ورد ما مشيت : انتو متاكدين ان دى جاهله
محمود : انتى فاكره ان الجاهل دا ما بيعرفش يتكلم مثلا ... فى ناس جاهله بتمتلك تجاره وفلوس لو قعدتى عمرك كله عشان تفكرى تعملى زيهم مش ها تعرفى بس فى عيون الناس جاهله  الواد ها يضيع حياته وهو لا فاهم ولا حاسس ماشى ورا قلبه ورافض يسمع عقله
فوزيه بغيظ : يعنى ايه .. ها تسيبه يكمل الجوازه دى .. البت بجحه بجاحه .. محسسانى انها بنت رئيس الوزره
أميره : هههههه اذا كان انا حبيتها .. شوفت يا بابا عيونها ما شاء الله تسحر .. وكلامها بياكد انها واعيه وفاهمه .. خلاص سيبوه يخوض التجربه
محمود : وحيات أمك بذمتك ها يقولو لولادهم اهلها مين .. ها تعلم ولاده بالكلام .. اما تتخنق من اخوكى ها تهج على الصحرا  يجرى يدور عليها فين جوازه فاشله
فوزيه : لا ها تيجى تتفلسف علينااا صبرنى يارب .. يا خساره تعبى ومجهودى يا محى عليك ياريتنى سيبتك ولا علمتك ولا تعبت فى تعليمك
ورد نزلت وماشيه فى  الشارع ما ركبتش .. فضلت ماشيه مش عارفه هى راحه فين .. وقفت قدام جااامع وطلعت فى مصلى السيدات اتوضت وصلت .. وقعدت فى جمب وبتعيط وهى بتفرك فى ايديها وبتهمس بالكلام وبتقوله من قلبها : يارب ما تحرمنى ولا تجطع جلبى عليه .. بريده بحلالحك وبريد اسعده .. ساعدنى اكون من احسن خلجك اجدر اكون جد هالمسئوليه .. ساعدنى اتعلم واصير متله ما يستعر منى  ولا يدايجنى .. ورجع اهله وحنن جلوبهم عليه محى بيستاهل كل خير .. ونزلت ركبت تاكسى وقالتله على المكان ووصلها ..
ورد : كام الاجره
سواق التاكسى : 70 جنيه
ورد شهقت : ليش يخربيتك رجال سراج
سواق التاكسى : يخربيتك انتى .. انتى عايزا تدفعى كام فى المشوار دا كله
ورد : ما بدفع اكتر من 30
سواق التاكسى بزعيق : ليه راكبه حماره
ورد : والله الحماره بتفهم وعندها جلب ورحمه عنكم .. بتسرجنى وكمان مو عاجبك
سيف نزل من عربيته .. وراح لورد : فى ايه يا ورد
ورد : ها السواج بيستغلنى . فاكرنى ما بعرف شى .. بده ياخد 70 جنيه فى مشوار اصغير كتير والله بطلع روحك 
سيف : اطلعى انتى طيب
ورد : مش جبل ما احاسبه
سيف دخل براسه بص فى العداد : العداد عامل 28 جنيه انت عايز 70 ليه
السواق : العداد ماكنش شغال والمشوار عامل 70 جنيه
سيف : جايبها منين
السواق : من ال_______
سيف : خد هو دا حقك وما تتكرش تانى اتفضل
السواق : مين انت عشان تكلمنى كدا وبيفتح الباب ونزل وبيزعق 
ورد قعلت جزمتها وقربت على السواق وهو بيشوح : والله بعطيك مركوبين فوج احسابك هاد يا عديم الامانه
سيف رجعها وراه : خلاص يا ورد وبص للسواق  لو ما احترمتش نفسك ها اجرك على القسم واعملك محضر وارميك فى الحجز عشان بعد كدا تحترم نفسك وما تاخدش أكتر من حقك
السواق بتريقه : ظابط القسم ياروح أمك وها اخاف انا من الكلمتين دول
ورد : ايه هاد الضابط وراح يحبسك يا حرامى
السواق بان عليه الخوف : باشا انا اسف .. خد الفلوس مش عايزها مش تقولى يا هانم
سيف : غور وشيل الفلوس واحترم نفسك والسواق مشى
ورد : ليش ما خاف منى متلك اتركنى اعطيله مركوبين من شان يخاف منى 
سيف ابتسم : عشان احنا بنخاف ما بنختشيش .. اسمحى بس بالغط وانتى ها تشوفى العجب دا عيبنا حتى المسئول يا ورد طول ما مفيش رقيب ولا حد يحاسبه بيعمل بلاوى وكوارث .. انتى كنتى عند أهل محى
ورد بزعل : إيه
سيف : حد دايقك
ورد ابتسمت بشرود : لا مافى أهله كتير طيبين يا بخته هالمحى بهاى الجلوب الطيبه
سيف : طيب ايه ها نفضل واقفين كدا .. تعالى نطلع عشان سلوى مستنيانى فوق
ورد : اتفضل بتشرفنا فى اى وجت وطالعه وسيف كمان طلع
سيف بصلها وضحك وكل شويه يضحك
ورد : ما تتحرك ليش بتتطلع فينى وعم تضحك
سيف : هههههه اخويا عايز يتجوزك وانا اتصلت بمحى قولتله هههه
ورد شهقت : ليش هيك محى بيدايج كتير وشو جال
سيف ضحك اكتر : قالى اعزمنى على الخطوبه
ورد ديقت عيونها : هو جال هيك والله بوريك يا محى
سيف : ايه مش ها تطلعى
ورد : لاه اتفضل جايه وراك ... وطلعت التليفون لقت مكلمات كتير جدا من محى ابتسمت واتصلت عليه وقررت ما تقولوش انها راحت عندهم ..
محى : انتى فين يا ورد فلقتينى اتصالات دايقتينى وربنا
ورد : ما تزعل ما سمعته والله
محى اتنفس : الحمد لله انا كنت ها اتجنن خوفت يكون حد من اهلك وصلك بعد ما كلمت نوجا وقالتلى انك بتتمشى .. انتى ازاى تنزلى وماتقوليش قفص جوافه انا سعتك
ورد : لاه انت جفص مانجه بالمهلبيه يا منجتى
محى : ههههههه لا سبينى اتعصب شويه ماتدلعنيش دلوقت
ورد : راح ادلعك واحبك كتير اليوم اتاكدت انك كل حياتى وعيلتى وبتنكوشه راح توافج على  العريس  من شان تحضر الخطبه
محى ديق عيونه : لا مش موافق لما تتجوزينى الاول .. جاتك خابطه فى صباع رجلك الصغير عشان يلففك حوالين نفسك يا ورد .. بتدايقينى يابت سيف بيتسلى عليا وانتى متصله تكملى تسليه .. عرفنا ياختى انه جالك عريس امله يعنى مانا جالى عرايس كتير وكنت برفض
كنتى فين
ورد : مخنوقه وجولت اتمشى شوى مع حالى
محى : ما تخرجيش تانى من غير اذنى
ورد : راح اشوف واجولك سلام يا جلبى من شان اجفل الرنه بوشك ..  وقفلت
محى ماسك التليفون : بت ياورد انا باخد اذنك عشان تستأذنى الدنيا اتشقلبت يا جدعان ورجع شغله تانى 
*************
مازن نااام بعد وقت كبير وحازم شاله ونيمه وغطاااه .. وخرج قرب من نور مسك ايديها وماشى وقعد على الكنبه وقعدها جمبه
حازم بيمشى ايده على وشها مكان الضرب وهى لفت بوشها : ابوكى ضربك
نور هزت راسها : لا
حازم : اتفقنا اننا نتصاحب ونقرب من بعض .. قوليلى ايه حصل معاكى اروح اقعد معاه وافهم ليه بيعمل معاكى كدا
نوى بصتله : ملكش دعوه يا حازم بأى شئ يخصنى بابويااا .. ارجوك عشان مبقاش قليلة الذوق وتدايق منى
حازم : انا مش قابل موضوع ضربك يا نور انتى مش صغيره على  كدا
نور : خلاص مش ها يضربنى تانى
حازم : انتى بتحلمى .. ابوكى اتعود انه يمد ايده عليكى عادى هو مش حاسس انه بيعمل حاجه غلط .. انما لما افهمه ان دا يدايقنى واقفله ها يرجع عن ضربك ويعيد النظر فى الموضوع دا انتى مش صغيره
نور : لاء .. لاء قولتلك انت ما تدخلش بينااا .. ابويا الا عايزه يعمله يضربنى يقتلنى ملكش فيه فى الاول والاخر ابويا
حازم بينفخ بديق : ارجوكى بطلى اسلوبك وطريقتك المستفزه دى . اتكلمى عدل وبطلى عصبيه  وانسى شغلك وحياتك الا فاتت .. افتكرى انك بنت .. انك متجوزه وجمبك راجل هو نفسه ما بيتكلمش بأسلوبك
نور : يابنى انت عايز فى يوم وليله اتغير عشان سعتك عايش معايا كام شهر .. ليه وعشان إيه .. انا اتربيت كدا وكبرت على كدا
حازم : طيب لو عايز اكمل معاكى حياتى ها تفضلى كدا
نور بتاكيد : ايوا ها افضل كدا وعلى فكره انا لا عايزا بيت ولا جواز ولا يلزمنى اصلا .. انا حره وها أفضل حره مش ها اخليك تتحكم فيا فى يوم من الأيام ولا تقهرنى وتجرحنى فاهم
حازم : الا عندك هوس وخوف وبس ... انتى جربتى عشان تقولى ها اتحكم وها اعمل
نور : مش لسا ها اجرب واديلك الفرصه .. مجرد ما تحس انى الزمك ها تبيع وتشترى فيا
حازم : دا اخر كلام عندك يا نور
نور بتاكيد اكتر : ايوا الاخر .. مالك كدا كل شويه بحال
حازم رفع حواجبه الاتنين وبيخبط ايد على ايد وضحك : انا كل شويه بحال انتى اكيد اكيد مجنونه يا عندك انفصام
نور : عندى حلولى يا حلولى
حازم : ههههههه عندك حلولى صح .. قومى اتكلى ربنا يصبرنى احنا فعلا لازم نطلق
نور برخامه : ما تطلق ايه مانعك
حازم : فرح حازم وورد مانعنى .. وكمان سلوى وسيف
نور علت صوتها وقامت وقفت : ااااااااااه قول كدا يا أمور .. انت ها تستنى فرح سلوى الا هو فى شهر 7 .. مجنون والا ايه
حازم وقف قدامها وبتحذير : بما انك رافضه تتغيرى بس تيجى لحد عندى وتعلمى استوب .. اسلوبك معايا يبقى مهذب ومحترم
نور : انا محترمه غصب عنك يا حازم تمام
حازم : لازم يبقى اسلوبك محترم انا مجبش سيرة اخلاقك  وقرب بوشه عليها مش طلب صعب يا ست نور .. واه ها اطلقك بعد فرح سلوى انا إن كان عليا عايز أخلص انهارده قبل بكرا بس حرام أعكنن عليهم كلهم ويبقو محتارين بينى وبينك ها نكسر فرحتهم حتى لو مش ها تقولى
نور : تخلص .. ليه ان شاء الله وبتخبطه على صدره خبطات خفيفه وبهمس .. انت مصدق نفسك والا تكون فاكر انك كنت فى يوم تحلم تتجوزنى أصلا
حازم مسك ايديها الإتنين  بيقرب عليها زنقها فى الحيطه وبنفس الهمس
حازم : اطول طبعااا واحلى واجمل وبغمزه والا إيه
نور ابتسمت : بطل رخامه وابعد عنى
حازم : تصدقى عشان اتعامل معاكى لازم اطلع الطفل الرخم الا جوايااا
نور : ما تطلعه  ولا يهمنى
حازم : متاكده على فكره انا حاسس انك بتحبينى  وبتكابرى نفسك تكملى معايا
نور ميلت راسها : تعرف ان من سوء حظى المعقد انى وقعت فيك
حازم بنبره هاديه : ليه كدا وعشان ايه
نور استسلمت لدموعها : عشان نصيبى طلع زى أمى وحيد امه وابوه ملوش اخوات وطبعا الست الجميله الا بحبها بمجرد انى طلعت واحده ما بخلفش مثلا او خلفتى طلعت بنات ها تكرهنى وتعادينى زى ما حصل مع أمى .. انا لا انفعك ولا انفع غيرك لان جوايا كتير غلبنى وكسر فيا كل الحلو مش ها تتبسط معايا يا حازم
حازم لفها وبقت تحت دراعه وضمها بايده ورجع قعد تانى وهى جمبه
حازم : مش شرط تعيشى حيات مامتك تانى .. طول ما انتى شايفه حيات  كل الستات زى امك وكل الرجاله زى ابوكى ها تفضلى تعبانه ورافضه تفرحى وتعيشى طبيعى .. كل واحد بياخد الا يستاهلو يا نور
نور بعياط : ماكنتش تستاهل ابدا ياحازم تعيش يوم واحد حزينه وزعلانه انسانه طيبه جدا حولوها لمريضه لمهوسه عمرها ما خدت حقها تعرف انى واجهت ابويا بكل الا جوايا بس المشكله انه شايف نفسه ضحيه لامى ليه هااا فى واحده بتتمسك بالتعاسه لا ابدا .. بس تخيل كدا لما تبقى فى بيت عيله ومنبوذ من الكل وطول الوقت مش راحمينك وبيعايروك .. يعنى ضغط ضغط ضغط اكيد ها تتعب لما تخلف وكل عيل ينزل ميت وبردو يعايروها طب ليه ليه تموتو انسان عايش بيتنفس وتمنعو عنه الحياه وتحبسو فى قبر كلامكم وهزت راسها ودموعها نزلت اكتر ايوا يا حازم الكلام ساعات كتير بيتحول لقبر هما دفنوها بكلامهم وابويا كمل عليها لما قال لها ان اهله عايزين يجوزه عشان الواد ولو مد ايده عليها ما بتلاقيش حد يقف ويقوله لا حرام لا عيب وبتخن صوتها وبتتريق على جدها تلاقى واحد اد ضلفة الباب واقف يقوله واضربوهن  .. ليه تعود ابنك على الظلم .. ااااه انا تعبانه قوووى وبصت فى عيونه فى اللحظه دى ..  عارف ان بحب نوجا ليه
حازم : ليه
نور : الوحيده الا شفتها ما بتخافش من ابويا وبتقفله وبتقف لجدى وجدتى يوم ما الدنيا تيجى على أمى تشيلها وتعملها اراجوز عشان ترجع ضحكتها من تانى فى يوم امى بطلت تكلمها لقيتها جايه جرى تشوفها وتطمن عليها فى اليوم دا كانت نايمه تعبانه قوى يا حازم ومحدش سأل فيها وابويا خلاص اتعود انها تعبانه فا الموضوع مش مهم وهو مش موجود اصلا .. تعرف عملت ايه شالت أمى على أكتافها ومسكتنى من ايدى ونزلت بينا جرى شارعنا كان طويل قوى خدت الشارع فى اقل من خمس دقايق وركبنا ولحقتها الدكتور قالها انتى لو ماكنتيش جبتيها دلوقت كانت ماتت طلع عندها تسمم حمل الجنين ميت فى بطنها وهى بتموت بالبطئ ومحدش حاسس بيها لا و بيعايروها كمان 
حازم مسك ايديها الاتنين  : امك دى بطله ونوجا من انضف القلوب فى بنات وستات بيتقال عليهم ب100 راجل انا شوفت دا فيكو انتى ونوجا بس امك ظلمت نفسها كان لازم تحافظ على نفسها وترضى بالا ربنا قسمه وما تديش حد فرصه انه يوصلها للمرحله دى اما ابوكى سمح بالغلط والتدخل من الاول علاقة ابوه وامه برا بيته يحبهم يودهم ما يجرحمش ويريحهم بس برا بيته .. امى كانت دايما تقولى يابنى الا يقول لمراته ياعوره الكل يلعب بيها الكوره كرامتها من كرامتك عليتها بتعلى انت فى عيون الكل وطيت من قيمتها بتنزل لسابع ارض تعرفى انى عرفت ان امى رجعت لها الذاكره وكانت خايفه تقولى عشان ما تسيبكيش .. لما قولتلها ليه كدا يا أمى  قالتلى عشان نور طير حر يابنى جناحه مكسور وطول ما جناحه مكسور ها يفضل طول الوقت يرفرف ويخبط فى كل حاجه حواليه محتاج الا يدوايه ويراعه وعشان يطير بحريه وأمان 
اوعى تفكرى انى ممكن اكسرك او اهينك بحاجه لا بايدى ولا بايدك كله بايد ربنا
نور بصاله ودموعها بتنزل وضحكت : نجيه دى اجمل حاجه حصلت فى حياتى هى ونوجا
حازم بهزار : وانا يا جاحده
نور بتشاور بايديها : انت نص نص
حازم زق راسها وبيضغط عليها : دماغك حجر
نور : هههههه ابعد ابقى خلصنا من فقرة الدكتور النفسى بس من غير زعل قرارى زى ماهو انا ها اربى اخويا واخد بالى من ابويا مش عايزا اكتر من كدا
حازم : يبقى بتظلمينى وبتظلمى نفسك
نور : اظلمك دلوقتى احسن ماتعيش العمره كله معايا مظلوم بسبب الكلاكيع الا جوايا عمر ما الحواجز الا بقالها زمن جوايا هاتختفى بين يوم وليله
حازم : اتكلى يا نور عشان زهقت منك
نور قامت : ملكوش امان وربنا عشان تعرف  زقته ودخلت الاوضه ورزعت الباب وجسم مازن اتفزز من الخضه وهو نايم طبطبت عليه .. وسمعت حازم وهو بيتكلم ..
حازم : مش عايز دوشه لانى تعبان وعايز اناااام 
نور بغل : وربنا ما انت دايق طعم النوووم يا ابن نجيه بقى انت ابن نجيه اعوذ بالله  .. وفضلت قاااعده شويه لحد ما يبتدى يروح فى النوم قامت فتحت الباب وخرجت وقربت من الكنبه الا نايم عليها وبتدبدب برجليها جااامد وتنط وتنزل لتحت وتتعدل وهكذا .. 
حازم اتعدل وماسك ضهر الكنبه بايده وبيبص عليها وهى بتعمل ضغط فى الارض : ايه وحش .. دا وقت تمارين يا اسطى
نور بتتعدل وتنط : انا مليش مواعيد
حازم : وبعدين معاكى مش ها تجبيها البر معايااا
نور : انا كلمتك وبتلف حوالين الكنبه ... وحازم نام وبص للسقف وهى بتجرى ... راحت على الكرسى وقعدت : اه تعبت
حازم بيرفع ايده احمدك يارب
نور مسكت الريموت وشغلت التلفزيون 
حازم : هههههههههه كياده وربنا وها يجى فوق دماغك فى الاخر
نور بتعلى التلفزيون : هااا قولت حاجه
حازم اتعدل : وقام دخل المطبخ عمل قهوه وراح قعد على الكنبه تااانى ومسك تليفونه وبيشرب وبيقلب فى الفيس .. ونور كل شويه تبصله وبينها وبين نفسها هو كل ما يمسك التليفون بينسى نفسه كدا ليه ..
حازم تنح وبيبص قووى وبيحط فنجان القهوه من ايده على الترابيزه وضحك وبفرحه وبيقول : معقول .. ايوا هى
نور بتشب براسها عايزا تشوف فى ايه
حازم بيبص لها : لقتها ... اخيرا لقتها وكمان مش مرتبطه وبيدايق نور احمدك يارب
نور قلبها دق بعنف وبتتكلم بتريقه عشان تفهم هو بيتكلم عن ايه : هو ايه لقتها .. لقتها
حازم : هاله .. لقيت حب عمرى  الا حكاتلك عنها وبيدايقها اكتر وربنا جت فى الوقت المناسب
نور شدت التليفون وبتقلب فيه : مش حلوه يعنى .. هى دى الانوثه وبتحاول تلقط اسم الايميل صح وشكل صورة البروفيل عشان تبحث عنها
حازم ديق عيونه : لو مش دى كلها انوثه امال مين يبقى ياخد لقب انثى جمبها وخد تليفونه منها .. بعد اذنك .
نور : اتفضل اشبع بأنثى العنكوبت بتاعتك
حازم : ايه دا انتى بتغيرى
نور : انا ها اغير عليك ليه وعشان ايه ..  تعرف لو كانت احلى منى كنت غيرت او ادايقت
حازم : الحلاوه مش كل حاجه .. بس دا ما يمنعش انها فعلا احلى منك 
نور قااامت : اشبع بيها .. من بكرا ها اروح أعيش عند خالتى واقول انك مسافر
حازم : مفيش خالتك ولا اى حد طول ما انا هنااا تفضلى فى بيتك
نور : بيتى .. العب غيرها ولو مصمم اعمل حسابك بكرا نروح لاى مأذون ونخلص الفلم دا  وخليه فى سرك لو خايف على زعلهم قوووى
حازم بيضغط عليها جدا وقرر يستغل لمسة الغيره الا حسها منها  : انتى عنيده وغبيه .. وفاكرا انك كدا بتحرقى دمى .. قولتلك وجودك مش فارق معايا  ومفيش اى شئ ها يتم غير بعد جواز ورد وسلوى فاهمه والا مش فاهمه
نور ربعت ايديها : مش فاهمه فهمنى أكتر
حازم : زى ما سمعتى .. مش ها تروحى تقعدى عند خالتك .. مش ها نطلق دلوقتى يا شيخه فكرى فى سمعتك
نور : ها أخلعك وسمعتى تخصنى وبس وانا ما بيهمنيش كلام حد كلهم وبصت لتحت .. تحت رجلى
حازم رفع ايده وبيجز على سنانه
نور : ايه ها تضربنى .. هههههه اضرب يا الا عايز تمنع ابويا عن ضربى .. ها تمنعه ازى وكلكم طينه واحده
حازم بينزل ايده براحه : لا مش ها اضربك ومش عايز ادايقك تمام
نور : تمام .. انت كمان نفذ طلبى لانى مابحبش وضع الاجبار ها اتغبا وها تزعل بجد
حازم : زى ما اتفقنا بعد جواز البنات ودا عشان خاطرهم مش عشانى وها انفذ على طول
نور : تمام انا بقى مش ها اقعد معاك اتفقنا
حازم بأصرار : مش ها ينفع .. لازم تكونى هنااا .. انا ها احاول ابعد بقدر الامكان عنك ها اجى على النوم .. تمام
نور هزت راسها وابتسمت  ابتسامه صفرا : تمام اسيبك بقى تتغزل فى صور  المزه
حازم رجع نام على الكنبه وبيبص فى التليفون وبعت طلب صداقه لهاله ومن حظه انها كانت فاتحه وقبلته او ما شافت ايميله .. ابتسم  دخل  على الخاص وبيتكلم
حازم : السلام عليكم
هاله : وعليكم السلام .. عامل ايه يا حازم اخبارك
حازم : الحمد لله بخير .. انتى فينك اختفيتى ومانعرفش عنك حاجه
هاله : ظروف غصب عنى 
حازم : فينك ها اشوفك والا صعب
هاله : دلوقتى صعب تشوفنى لانى خارج القاهره قاعده فى دبى ممكن انزل كمان شهرين
حازم : ممكن نتكلم فويس
هاله : ممكن بس مراتك اكيد ها تتدايق
حازم : عرفتى
هاله : ايوا انت اخبارك ما شاء الله مسمعه بس بيتقال كلام غريب مش حازم الا اعرفه صعب قوى اصدق الكلام دا
حازم : الموضوع كبير فامش وقته .. وان كان على مراتى ما تقلقيش دى حاجه ما تدايقهاش ابدا ..
هاله : اوكى ها نتكلم بس مش هاافتح الكاميرا
حازم :  تمام
.. واتصلت عليه
هاله برقه : عامل ايه يا حازم
حازم ابتسم  : الحمد لله انتى عامله ايه  وآخبارك ايه
هاله : تمام الحمد لله انا كويسه .. سافرت مع امى بعد انفصالها عن والدى وتقريبا كدا حذفت كل شئ بيربطنى بمصر واهل مصر عشان محدش يوصلنا .. خصوصا بابا .. ودا سبب انى اختفيت فجأه انت بقى اتجوزت خلاص وبقى ليك حياتك
حازم : وانتى
هاله اتنهدت : اتجوزت واتطلقت بعد سنه واحده جواز  ورجعت عشت مع أمى لانى كنت فى فرنسا
حازم ادايق  واتخض لما لقى نور قاعده قدامه وحطا   رجل على رجل وبتطلع سجاره تدخنها ..
حازم : هاله اسف لازم أقفل نتكلم بعدين
هاله بحزن : اوكى بااى قفلت وهى معتقده انه قفل عشان ادايق منها ..
نور : قفلت مع المزه ليه عشان انا قاعده
حازم : عادى
نور اتعدلت : هو انت ترضى انى اكلم حبيبى القديم
حازم وشه اتقلب وفهمها وبيرد بهدوء : لاء
نور : ليه طيب .. قولى على سبب واحد يخلينى ارفع الاريل
حازم : نور بطلى قرف
نور : على فكره انا بتكلم بجد ... وعلى فكره بردو وبتاخد نفس طويل وتطلعه من السجاره  دى مش غيره .. دى كرامتى
حازم : المطلوب
نور : انسى المزه مؤقتا زى  ما انا ها استحملك مؤقتا
حازم : ولو قولت لاء .. لانى ما صدقت لقتها
نور : خدت نفس تانى وجواها بركان بيفور .. يبقى مفيش مشكله وكل واحد يعمل ما يحلالو ..  زى ما انت حر انا كمان حره
حازم : انا بقيت اتعب من الجدل معاكى ماكنش عندك مشكله من شويه ودلوقتى عملتيها مشكله وكمان بتساومينى على كرامتى وشرفى قدام الناس دا منطق او تفكير 
نور : اه .. مش بيقولك العين بالعين والسن بالسن والبادى اظلم ... انا بردو عندى شرف وكرامه زيك
حازم : انتى داخله معايا حرب قوليلى جيت على شرفك وكرامتك فى ايه عايز اعرف
نور : الا ما ترضهوش على نفسك ما ترضهوش على غيرك .. وانا ما بكرهش فى حياتى اد الراجل الخاين عرفت ووضحت الصوره والا لسا
حازم : انا مش خاين ومفيش مقارنه .. اعترفى وقولى انك بتحبينى وعايزانى مش عيب وابتسامه ظهرت  على وشه
نور  : حتى لو عايزاك زى ما انت بيتهيئلك .. بعد الا حصل انهارده لا يمكن افكر اكمل فاهم
حازم  ايه حصل ..بقلم لبنى طارق .. لقتينى فى حضنها والا عملت ايه مش فاهمك
نور : الا يسمح لنفسه يكلم واحده وهو متجوز ومراته معاه ما يلزمنيش
حازم من قلبه : قوليلى فين مراتى .. طول الوقت بتقوليلى لاء ورافضه للعلاقه من اى نوع .. لا صداقه ولا قرب ولا جواز ودايما بتهدى كل الا بيتبنى بينا فى لمح البصر حاولت افهمك واقرب منك يمكن يحصل الا بيتكلمو عنه وننجح مع بعض
نور : ولو  محسوبه عليك جوازه قدام ربنا والناس يعنى ليا حقوق  وادم لقيت مبرر لغلطك ها تفضل تبرر لنفسك طول العمر
حازم : طيب فهمتك .. تمام .. عندى استعداد امسحها من ذاكرتى لو انتى وبيشاور بصباعه على صدرها حاولتى معايا واتغيرتى وفهمتينى تعالى نجرب لانك صعبانه عليا
نور بعند زقت صباعه : ما يلزمنيش لا عطفك ولا تفكيرك
حازم بعند : وانا ما يفرقش كلامك معايا .. انا عملت الا عليا واكتر واستحملت اكتر بكتير من طاقتى معاكى
نور : هئ ولا يهمنى 
حازم زقها بايده : هئ انتى بقى .. اتكلى عشان انتى خنقتينى
نور زقته بغل : ما تزقش
حازم زقها تانى :  روحى يا ماما العبى بعيد
نور زقته اكتر : بقولك ما تزقش
حازم شالها وهى فى حضنه وحضنها بايده جاامد  وبيخبط راسها فى راسها خبطات خفيفه وبصوت واطى : اتهدى بقى وبطلى حرب .. عيشى وانسى الا كل الا مريتى بيه سواء معايا او مع غيرى
نور بتشد نفسها : نزلنى يا حازم .. نزلنى
حازم ابتسم : توء ..عايز اعرفك انك ما تقدريش عليااا وسايبك بمزاجى مش ضعف منى  ياله ورينى ها تعملى ايه يا عم الفتوه اعرفى الفرق يمكن تفوقى
نور : انت مجنون
حازم : مش أجن منك
نور : ها تتعب معايا انا مليش ملكه
حازم : نفسى طويل وما بزهقش بسهوله
نور : مش ها تقدر عليا
حازم خبطها فى راسها براسه : ها أكسر دماغك لو حبيت يمكن ترجعى لعقلك
نور بتتهز جامد  : نزلنى 
حازم بعند : توء 
نور بتحرك نفسها جامد أكتر  : ما تعصبنيش 
حازم راح على الكنبه ونيمها ونام جمبها وحط رجله عليها ورامى جسمه عليها : اعلى ما فى خيلك اركبيه عشان قررت اتراخم زيك بالظبط مش ها يبقى جواز عافيه وعيشه تخنق
مازن واقف على باب الاوضه  : انتو بتعملو ايه
حازم ونور لفو وشهم وبصو لمازن وحازم ابتسم وبمكر : نور ماسكه فياااا ومش عايزا تسيبنى بتقولى عايزا العب زى مازن معاك
نور بهمس : يا كداب عيب عليك يا هندسه
حازم مسك وسطها اكتر وبيضغط عليه وبغمزه وهمس انتى لسا شوفتى حاجه
مازن جرى ونط فوقيهم ... العب معاكووو
نور وشها احمر جامد : ها افطس يا أغبيااا قومو 
مازن : لا مليش دعوه .. قومى انتى لو تقدرى يا نور
نور : بفرفر يا غبى مش ها الحق اقوم
حازم حاوط مازن وشده ووقع بيه فى الارض وبيضحك بصوت عالى وبيضرب كف على كف مع مازن  وكانهم انتصرو على نور
***********
سيف قاعد وسلوى قاعده على كرسى جمبه .. وكل ما يجى يتكلم كلمه تدخل عليه نوجا ..
نوجا : رجلك كدا يا سلوى مش عارفه راحت فين
سلوى : هى ايه يا ماما الا بتدورى عليها كل دقيقه
نوجا : القطه يا بنتى
سيف : هههههههه .. طنط مفيش عندكو قطط
نوجا باستغرارب : والله .بقلم لبنى طارق . ههههه قصدى القطه بتاعت عبدالله جارنا زهقنى عليها
سلوى : وايه ها يجيبها هنا
نوجا بتبص لسيف بنص عين : هى القطط لها أمان يا بنتى وبتشاور ناحية سلوى تدخل كدا والا كدا ومانعرفش نسيطر عليها بعد كدا
سيف بيحاول يكتم الضحكه لانه عارف ان الكلام عليه وبيبص لسلوى الا قاعده محرجه جدا من عمايل امها  وقامت دخلت لورد وورد اول ما شافتها ضحكت وبتخبط على رجليها
ورد : أما نوجا راح تجن من وجت ما وصل سيف البرج يا اللى فاضل طار خيتى
سلوى بتتنطط زى الاطفال : بتحرجنى انا وهووو .. هى خايفه من ايه ها ياكلنى
ورد : خايفه من تيار الهوا يا جلبى ماله أمان
سلوى ضربتها : انتى ها تعملى زيها ... وقطط ايه وفران الا بتدور عليهم
ورد : سيف لو جعد أكتر من هيك راح تدور على عجارب 😂😂😂😂 روحى زمانت الرجال اتعصر
نوجا : نورتنا يا سيف
سيف : بنورك يا نوجا
نوجا : وانت بقى فاضى انهارده
سيف : ايوا اجازه مانتى عارفه يا نوجا  مدايقه من وجودى أمشى
نوجا : لا ابدا .. أبدا البيت بيتك
سيف بيلف ايده : حاسك كدا قلقانه منى طول الوقت  .. بقولك يا نوجا
نوجا : قول يا حبيبى
سيف : ايه رايك نكتب الكتاب
نوجا : لا كتب كتاب ايه ولو لقدر الله محصلش نصيب بنتى تطلق
سيف : سيبيها على الله .. وكمان عشان ابقى ابنك بجد والبيت بيتى
نوجا : لا يابنى كدا حلووو
سيف : ولو اترجيتك عشان انا عايز ابقى مع سلوى براحتى ولسا ها تبرق .. مش الا فهمتيه .. يعنى مسئوله منى بجد قادر اروح واجى فى أى وقت لان شغلى رخم شويه .. ومن باب انك بتحافظى عليها .. اخرجها كدا يعنى
نوج : انت فاكر لو كتبت كتابك ها تبقى براحتك .. لا يا حبيبى براحتك فى بيتك وهى فى بيتك طول ما هى هنا ها تفضل تحت طوعى وامرى
سيف : مش ها نختلف يا ست الكل
سلوى دخلت وبابتسامه : على ايه بقى
سيف : نكتب الكتاب ايه رايك
سلوى قعدت وبصت لمامتها : الرأى رأى ماما
نوجا : ها افكر وربنا يقدم الا فيه الخير ... قومى يا سلوى قدمى حاجه لخطيبك
سيف بيشاور بايده على الترابيزه : الترابيزه مليانه قدامى
نوجا : لا والله .. انا عامله قرع عسلى تحفه .. قومى هاتى طبق لسيف
سيف : لسا واكله وانتى الا جبتيه
نوجا : يوووه انا فقدت الذاكره والا ايه يادى النيله عليا  ... قومى يا سلوى هاتى رز باللبن
سلوى قامت وسيف بيحاول يمسك نفسه من الضحك لانها بردو أكلته طبق رز  وسلوى جابت تفاح وقطعته وحطته قدام سيف
سيف : تسلم ايدك
سلوى : ميرسى
نوجا : فين الرز يا سلوى
سلوى : ماما سيف كل طبق رز
نوجا : يوووه بردو .بقلم لبنى طارق .  طيب يا حبايبى انا قايمه اقعد برا مع ورد غلبانه قاعده لوحدها ... بس اعتبرونى معاكو وفى وسطكم وعلت نبرة صوتها لو عوزتو حاجه  ... وخرجت
سيف قرب من سلوى : هى امك فاهمه انى بطه بلدى بتظغطها ... والله انا حاسس انها ها تكلبشنى فى الكرسى من خوفها عليكى 
سلوى : ههههههههه معلش يا سيف ماما قلقوه شويه
سيف تنح وباصص لسلوى : ايه دا يا سلوى مال وشك
سلوى برقت وبتحسس على وشها : ايه فى ايه يا سيف قلقتنى .. هو النخافيف قصدى  الخنافيف رجعت تانى
سيف : انتى بتفصلين  وربنا لا فى نخافيف ولا خفافيش ... وابتسم وبغمزه فى قمر بيجرنى لسكه انا خايف منها وشكلى فعلا ها اتكلبش مكانى وها تجيب المأذون اجبارى
نوجا من برا :بتقولى حاجه ياسيف
سيف : احممم .. بقول انك ها تبقى حما جميله قوى يا حماتى .. اقوم انا بقى اصلى اتاخرت ودوشت سلوى مش ملاحق على الكلام معاها
سلوى حطت ايديها على بوئها وضحكت  : ههههههههه
سيف قرب منها بسرعه ومسك ايديها وهى بتشدها ونوجا دخلت تانى : ليه مستعجل يا حبيبى وشدت ايده من سلوى وبتسلم عليه ...
سيف بحركه تلقائيه قرب حضنها وباسها من راسها : اشوفك على خير بقى ويارب تكلمينى تقوليلى انا وافقت على كتب الكتاب ... وشال ايده ولسا ها يسلم على سلوى رفع ايده تانى  وقال مش مهم ... وورد سايحه على نفسها من الضحك وسلوى هى كمان ... وسيف خرج من هنا ونوجا قلعت الشبشب وطارت ورا الاتنين 
نوجا : اسفوخس عليكوو  يا قليلة الادب منك منها ماعرفتش اربى
****************
مر شهرين ونور طول الوقت بتشاكس حازم خصوصا بعد كلامه الكتير مع هاله واتجننت لما عرفت انها ها تنزل مصر عشانه  ومحى خلص الشقه من كله وحازم اتفق مع عمه ان يخفض لمحى سعر عفشه وشقته فرشها جاب اوضه نوم واطفال وانتريه واكتفى بيهم مؤقتا وبسعر متوسط لا غالى ولارخيص  وسلوى ونوجا ونجيه يروح يساعدو ورد ومحى ويظبطو معاهم وفى نفس الوقت بيساعدو سلوى كمان لانها بتجيب حاجتها ... وسيف بيستعد لفرحه الا قرب ومشغول فى الشغل بعد مارجع تانى  وتظبيط شقته ..
*********
نور وسلوى وورد قاعدين مع نجيه ونوجا ... ونوجا مقعداهم عشان عايزا تقولهم نصايح الجواز   
نجيه بابتسامه جميله : تلت عرايس قمرات .. بصو يا حبايبى دايما الحياه من برا غير جوا .. و البنات بتحلم بالبيت والراجل والفسح والاطفال الجميله بس ما يعرفوش ان لكل شئ ضريبه من جمالها مره ومن عمرها وحياتها وراحتها ... وعشان تبقو عارفين الراجل صعب ترضيه بس لازم تعوديه ودا اسهل واحسن ليكى وله
نوجا بصوت عالى ورفعت ايديها :  سيبلى الطالعه دى يا نجيه
نور بتسقف : ايو يا خالتى يا جامده مرشيديل واطلعى بعزم مافيكى
نوجا بفخر : ابنك على ما تربيه وجوزك على ماتعوديه .. يعنى يا حبايبى الراجل اتعود منك شايله المسئوليه على اكتافك  يفضل كدا مانتخ واوامر وبس  ويوم ما تقولى تعبت اول حاجه ها يعملها ها يركنك على الرف مش ها يطبط عليكى .. وبتعلى صوتها الحياه مشاركه .. الحياه ايه
البنات : مشاركه
سلوى : يعنى يا مام اخلى سيف يساعدنى فى البيت
نوجا : قلب امه لبس فى الحيط عينى عليه يارب  وبتشاور على بنتها .. انتى عايزا مصر تساعدك فى البيت مش سيف .. بس دا ما يمنعش لو انتى تعبانه لازم يبقى ايده سابقه ايدك ..  مصروف البيت دا حاجه تخصك دى مملكتك وانتى تمشيها على كيفك وبالاسلوب المناسب لحياتكو مع بعض فاهمه يابت
ورد : كديش باخد يا أما نوجا من محى
نوجا : تاخدى على قد حيات وشغل جوزك وتسدو التزامتكو مع بعض لازم تبقى مشاركه كل حياتو عشان تبقى انتى حياته اوعى تبقى هامش ابدا وامشى على قدك اه ما وماتبصيش لحد ارضى بالا فى ايدك عشان ربنا يرضيكى
نور : بتتكلمو عن الجواز وكانه حاجه حلوه
نجيه : الجواز زيه زى اى حاجه زى ما فيه الحلو فيه الوحش  كيفى حياتك و حبيها عشان ما تتعبيش وتمشى زى ا انتى عايزا يابنتى طول ما انتى ناقمه على حياتك ها تفضلى تعبانه طول ما انتى حابها الصعب ها يعدى وكانه اسهل منه مفيش
نور مطت شفايفها لقدام وبهمس : ها احب ايه والا ايه شكله مرار يا نوجا مرار وبتشاور للبنات
قومو قومو ياله ورانا ليله طويله ووراها ليله كمان  مع المزه الجديده الا ها تدخل القفص وبتبص لورد وبتضحك  قدامى منك لها
******
محى برغم انه حاول مع اهله كتير ودايما بيقابلوه  بالرفض ... بس وحشوه وكان عنده امل انهم يغيرو رأيهم ويقفو جمبه .. قرر يروح لهم تانى ويعزمهم على فرحه الا بعد يومين فتح الباب بالمفتاح الا معاه ودخل وقفل ... وكان ابوه وامه قاعدين فى الصاله واميره اخته روحت لبيت جوزها ...
محمود  عقلت والا لسا شويه
محى بص للسقف وهو واقف وفى ايده المفتاح بيلعب بيه : انا جاى اعزمكم على فرحى بعد بكرا ان شاء الله ... يمكن انتو تغيرو رايكم والاقيكو جمبى فى يوم فرحتى 
فوزيه عيطت وبتضرب على رجليها : ابنك ضاع يا محمود وها يفضحنا ويعرنا خلاص يا محى الدنيا داقت بيك ووقفت على دى
محى : ليه يا ماما كدا ... دى انسانه زيها زيك ايه عيبها
فوزيه : قطع لسانك الا زى دى كتير ... شغالين فى البيوت انت نزلت قوى فى القاع يا ابن عمرى
محى : بردو زيها زيك تشتغل زى ما تشتغل مش عيب ولا حرام ... العيب اننا نقاضى ونحكم على انسان كل طلبه يعيش بنى ادم ويبقى فى ايدينا دا  ونستكبر عليه ... الغلط والعيب انى ابقى قادر وبيخبط على صدره بايده ... اخد بايد انسانه وارفعها لفوق ادام هى عندها الاراده والعزيمه لدا واخذلها واديها ضهرى زى غيرى ما بيعمل  ... الغلط والعيب انى احب من قلبى واتخلى عن حبى عشانكم من غير فرصه واحده بس ليا اثبت لنفسى انا الا صح والا انتووو
محمود : الكلام ملوش اى فايده معاك ... وقام وقف وشد المفتاح من ايد محى وزقه على برا ... روح غور من هنا مش عايز اشوف وشك تانى
محى صعبت عليه نفسه : بابا ارجوك ما تبقاش قاسى كدا ... جبتو الجبروت دا كله منين
محمود زقه بعنف وطرده وقفل الباب وفوزيه انهارت اكترررر واكتر .. ومحى نزل مكسور زى كل مره بس المره دى أشد عليه اتحول لطفل ماشى ودموعه سابقه حاسس ان الدنيا بقت وحشه ومستكتره عليه الفرحه ... كان نفسه ياخدهم ويوديهم شقته يتفرجو عليها بعد ما خلصت واتفرشت  ويباركوله بس خاب ظنه كالعاده  للدرجه دى بيعادوه عشان بس حس وحب الحياه تكون معاها وجمبها ....  عشان مش بنت الحسب والنسب والتعليم الا بيرضى غرورهم ... ليه وممكن تكون متفاهمه واعقل بكتير من اى واحده تانيه هما فاكرين انها مناسبه ..  ليه دايما حاطين مقياس ولازم نمشى عليها ... وليه ما نمدش ايدينا لبعض ونرفع بعصنا للمستوى الا يليق بينا بس ازاى واحنا اتحولنا لمجتمع بيدور على المظهر قبل الجوهر ... على الصوره قبل الاخلاق  .. وصل شقته اخيرا وقفل على نفسه وقفل التليفون ونااام وكانه بيهرب من كميه الوجع الا حاسس بيها ...
مر اليومين على خير وسلام .. وبدأت مراسم الزفاف ... زفاف العيون العسليه والبشره الخمريه .. صاحبه الجمال الشرقى والكلام الوردى زى اسمها .. فرحه جوا عيونها لا توصف واصرار انها تكون معاه وزيه ملوش حدود الكل واقف يهنيها وبتستعد عشان تنطلق مع حبيبها محى ويبتدو فرحهم وحياتهم يا ترى ها يقدمو نموذج بجد والا فعلا ها يفشلووو دا كان السؤال الا جواها وطول الوقت بتفكر فيه ... قرب منها ولمعة الفرح جوا عينه مش مصدق انه خلاص ها يبقى مع وردته ... قرب منها وضهرها له وبتلف بشويش واول ما شافها محى حضنها بقوه لاول مره  والخجل الشديد بان على وشها
💗💗💙💙💚💚
بقلم لبنى طاق
💗💗💙💙
حبايب هارتى الحلقه طويله اهووون رايكم يا حلوين وتفاعل حلو بقى الروايه اوشكت على النفاذ وفى اى وقت ها تتفاجئو بالحلقه الاخيره بس بعد ما نفرفشكو شويه ونرحمكو من الغم 😂😂😂😂
كل رواياتى فى جروبى كوميكس روايات لولو طارق
اللهم صلى وسلم وبارك على سيدنا محمد وعلى اهله واصحابه اجمعين
نجوم كتير بقى والا ايه