من اليوم بدت حياه جديده الي لازمه بيدي زين وافتر بي وافكر اني مو بس بنيه عاديه
اني ام لطفلين باوعت لزين مراح اقصر لاوياك ولا وياه حكون كلشي بحياتكم ضياء ورقه محروكه بالنسبه الي طفه. ضوه وطفه. طلعي من راسج لاغيره ولاحب ولا عطف واشتياق. ذبيت زين بفراشي وكمت عالبيت بعدها الرجفه بيه يمكن ضعف لان مماكله. كمت انضف بالبيت. شوي وصعدت فردوس بيدها المسواك تباوعلي بحيره
شبيج فردوس
عمه. تردين تحجين وي امج اجيبلج تلفوني
لا حبيبتي ابتسمت بتعب ولج شو انتي هنا
مو عمو اوس ديقريني مال ثالث فبقيت
ها الله يوفقج. تردين شي صعديلي راسن
شكرا عمه بقت تباوعلي منزلت كالت
ندى خابرت على عمه امل سالت عليج
صدووك شونها
البارحه. سوولها عمليه
فكيت عيني عمليتيش الصبح حجيت وياها كالت
حصوه عدها بالمراره وبليل كلش كامت تاذيها اخذتها عمه رفل للمستشفى كاللها حالا عمليه خطيه
يمه سوده عليه.
اي والله سمعت صوت رجولي صاح
فردوووس
ها يله يله جيت. بيباي عمه اجه احمد
الله وياج سلمي على امج
اوك.
نزلت مديت راسي اباوع من الشباك شفت احمد لحيته شطولها ديمشي منصي باوع لباب الكراج ونصه راسه خطيه الله يساعدهم بالي يم ندى شون بله حتى تلفون ماعدي.
كملت تنضيف وكليت بيض. اسرع شي وكعدت زين واكلنا سوه جان فرحان منطلق بس يحجي ويهز برجله يوديها ليكدام واللخ ليوره كاعد عالميز حبيبي وياكل كمل اكل وسبحته وكعدنا نقره شوي وطبت ماما فزيت طبت حضنتني تبجي
شبيج يوم هياني مبيه شي
يمه بتي يممه مضل بيه حيل ولاعقل مكدرت ابقه بعد
سوده بوجهي مو كتله لحمزه طمنها
لج يمه اني هم اكدر ارتاح بعد الشفتي شونج. كوليلي خو ماضربج
ها لا. مكدر بقت تباوع بعيني ابتسمت بستها من راسها يوم باوعي لزيون
يمه حبيبي كبران. جتك ماما بعد شتريد
اي وماعوفه بعد
صدك يمه تكدرين
اي يوم خليني اجرب لخاطر اللي ببطني
تاكدتي امي
اي اختبار منزلي
مو كافي باجر نروح ونسوي مال دم نتاكد
اوك الله يسهل كالت
شمحتاجه اساعدج بشي
يمه فدوه رحت لكلبج انتي اكعدي واني اتفرج عليج كلشي متسوين احجيلي شسويتو مسويتو هناك
بقت تحجيلي وتسولف عبالك ارتاحينا لل 12 نامت بغرفه زيون وزيون بغرفتي نام عالجربايه كملت تنضيف بقه بالي يمه نداوي لزمت تلفون امي الشترته بالجديد دكيت على رقمها ماكومغلق بقيت حايره الحجيه بالي يمها وهسه ندى همزين الله سترها حبيبتي وفرك كل هذا بس خابرت خالتها سالتها عني
مكدرت انام عزلت المسواك وكصكصت اللحم والدجاج والسمج جان متسوك كلشي حتى عسل وحليب وكرزات وزيتون حاير شجايب رتبت كلشي وبقيت صافنه
باوعت البيت ناقصه مناشف وبردات اهم شي برده ثخينه. للباب حتى مسدوده دائما حتى لااشوف احد من بره ولا احد يشوفني ناقصني كلاصات وماعين لان نصها تكسرت كمت طفيت الاضويه باوعت من شباك المطبخ عالطرمه ال اخليه البيها كراج داخلي شفت ضياء ديطلع من البيت بالسياره
ههه رجعت ريمه لعادتها القديمه
كملت كلشي وخطيه امي لمت الكزاز ويايه. وطلعتهن بره بباب الترك. اساسا ابو الحسن من تفتر سياره الزبل سعد ينزلها من فوك
مبقيت شي حضرت حتى غده باجر وتمددت صافنه عالسكف طفيت الاضويه بقيت اريد استرخي تذكرت حبه للضلمه وسوالفنا عصرت عيني مو رجال لو رجال يستاهل الذكرى والاشتياق بس مو رجال
مكدرت انام لل5 الفجر سمعت الباب انفتحت وطب يمشي ممتزن هلاوو هاي مرته وين صدك شو مشفتها من نزلت على حمزه شون قابله هيج اوي شعليه ولو متعوده لان هبه اختها وسلمان رجلها نفس اللطه
جبرت روحي ونمت لل 12 يله حسيت امي تمسد بشعري
فزيت عزززه ماما روضه مال زين
يمه مقبل يروح يبجي كعدته وبدلتله يبجي يكول تروح ماما كتله ملازم لتروح
سوده عليه جريته حضنته وابوس بي يضحك هو ومغمض عينه كال
كافي ماما
لالا موكافيي اوووف خل اكل ايدك
كمت اعض بي بهدوء وهو يضحك شلته وركضت بي كللي نشاط زين هو الجذر الوحيد العايش بيه الباقيه كلها يبست هو اللي حيرجع يخضرني واكيد اللي ببطني هم كون ربي ينطيني ولد ويكون نفس بسام وحمزه ومااحتاج احد بعد
تريكنا وامي ويايه ونضحك ونسولف وكلسا ناطيتني كلاص حليب وتكولي شربي يرادلج قوه
بتج نسره لتخافين
تدرين انتي للخمس سنين الحليب متكطعي باليوم اربع كلاصات وكلها مال هوش توه محلوب
عليج الله صدك اكول اسناني قويه وعضمي
اي لعد وين يروح كله اساس هسه هم شربي زين تقوي لخاطرجهالج امي
اي ضحكت اي يوم جريت حسره وكانه تذكرت كلشي غمضت عيني باوعتلي امي
الله كريم يمه
اي ماما
كمت وي زين نكتب ونلعب وامي ترتب متكعد عزلته للبيت كله للعصر سمعت صوت ضياء صاح
زيوون بابا وينك
وزين كمز ركض عليه كال
ليش مداومت اليوم. نتر بي
وكف زين التفت عليه رجع باوعله زين واكف على اول درجه من فوك وضياء جوه بنهايه الدرج لاشوفه ولا يشوفني كال
ماما تروح
لا متروح. جاوب بصوت هاديء كال
لتغيب بعد بابا
كال
اي بابا.
يله تجي ويايه بالسياره
كمز زين عليه. بدليلي ماما بدليلي سريع سريع ماما
همست اي حبيبي اي صاح
حيعوفني بابا ماما يللله
جاوبه ابو
ماعوفك بابا داانتضر جوه بالسياره كمل وانزل
بدلتله ونزل ركض وسديت الباب كعدت وي امي
يمه اري. برده واريد هواي شغلات من السوك
اي يوم انزل اجيبلج
اجي وياج بس مو هسه من يروح ماريد اشوف جهرته
ميهم يوم اكولج هاي فلوس الحجيه رديها
اي بس خلي يروح لشغله خل اخلللص
استغفر الله ربي
بقينا نسولف اني وامي ساعتين وصعد زين جايب كومه شغلات وياه مكيف كورن فليكس ماما
اي حبيبي بالعافيه. اخذته من الغراض والحلويات والبقلاوه والموطا عباله مماكله خطيه والله سويتلي سده نفس انت بيومها امي راحت العصر وبقت تلفونها كالت اشتري غيره وطلعت توصي وتحذر وتتوسل بيه اصبر واتقوه بقيت وي زين لليل صعدت فردوس بيدها تلفونها كالت
عمه ندى تريدج
جيبي جيبي
لج الوو
هلو حبيبي
كوه تحجي
ياعمري بيه ولا بيج ولو انتي شيموتج
ههه خرب ببليسج لج مابيه شونج كوليلي
زينه الحمد لله لتخافين عليه. انتي شونج شسويتي
اريد اجيج مدااكدر ولا ديقبلون ابويه ميقبل بعد
ميخالف بس طيبي شوي شمدريج. يجوز اني الاجيج شمدريج
ليش منو يخليج. دسكتي وستري على روحج شفتي اخذ تلفوني
وج شون عرف
استخبارات بعد اجه صنت عليه وجره من ايدي ودزرساله. كالاسد النوب حرك خطي
اي جريت نفس شفت احمد ندى كلتها وخرست بشهكه كالت
شونه
موزين لحيته شعلاتها وتعبان مبين خطيه
سوده بوجهي لاب بالمستشفى ومخلته امي يطب باس ايدها لامي يكولها بس اشوفها ومخلته تكوله اخاف عليك
والله ميستاهل خطيه مكسور
لازم يتعود فراكي
ابن عمج عقد عليج
لا الشهر اليجي
وانتي شنو رده فعلج
شنو رده فعلي شسوي بعد حتى حاجيته كتله اني جبروني عليك كالي اني اخليج تحبيني
هذا يحبج
لا بس يكول ماالكه احسن منج
والله حقه لو اني منه ماهدج
سيدرا كل عقلج اخلي رجال غير احمد يلمسني انتي مخبله عاقله
شون لعد شحتسوين لتخوفيني
لاكلشي بوكته حلو
صح
وانتي شخبارج
عايشه
شنو هالاخبار الجديده
اخبار شنو بعد
خالو راجع للشرب اقوى من قبل وخالي بهاء متعارك
وبيبي طالعه وكايلتله مراضيه عليك
عزه بعيني تالي
شتالي البارحه جتي خاله امل للمستشفى وتلاكت وبيبي وخالو ضياء تدرين شكالت لبيبي
شكالت
تكولها التحمدين بيها وتمجدين تشتغل بالسحوره كتلج موثوبنا
يعني عليمن تقصد عليه
لا على امي لج اي عليج.
هاي بعدها لج هاي خالتج اكبر زوج
اي سكتي وخالو واكف يباوعلهم ميحجي وبيبي نزلت عليها حرام ما حرام عاد خالو كال
يمه لكينه كلاص بي زعفران وورقه مكتوب بيها ايات ودينا شيوخ وكالو هذا عمل
يابه وبيبي كبت نار كالت
عززه لج هاي الختمه لج هاي امل فد وحدده --- دسمعي اسمعي بيبي اخذتلج حقج خلت خالو يتصفن وطلع من المستشفى وحتى ضحى عافها وطفر كالتله
من امداها للشيوخ الوديتهم عليها ذولي دجالين يا غشيم تدري هاي شنو هاي ختمه جانت تسويها الك حتى تترك الشرب واني نطيتهيا جانت تنزل تسالني حايره خايفه عليك من الشرب من امددداك ضل امشي وره اختك وعماتك حد ماتضل وحدك مثل الجلب ارجع ليوره مثل ب--البعير
ههههه والله ياحجيه زين هاي ضحى واكفه كدامها
لا مو كدامها ضحى يم ماما جانت. بعيد تقريب المترين بس دينسمع الصوت وخالو عافنا وطفر
شسويله عشتو. بعد معليه بي
دكولي والله مرتين
اكولج انتي صدك مسويه عمليه شو استلمتيني بابا روحي ارتاحي
يابه هو ثقب سوو وسحبو الحصوه ولج مو والله مشتاقتلج صار كومه مقاشبين سوه
تلحكين حبيبه امرلج ونكعد نسولف لحد منمل
الله ياريت.
ديله روحي. خطيه فردوس تريد فونها
باعي دكيلي على هالرقم هذا رقمي الجديد
ها ماشي
سديته منها واني صافنه. على امل وخباثتها ثاري صاعده مدوره بس والله خوش الحجيه طتها بالصميم بالعافيه
بقيت لليل مكدرت انام نومي متخربط زيون نام وبقيت وحدي كابلت التلفزيون كلبت بتاب زين يوتيوبات طبيعتي احاول استفاد اسمع هواي محاضرات تفيدني بالكلام لان مدارسه ومالي واهس بالدراسه للفجر وسمعت صوت طبكه الباب مال بيت تقرب يم الشباك مال مطبخ شفت ضياء توه ينزل من السياره وطلعت وحده شعرها ملفلف لابسه روب تقربت منه حضنته مااعرف شصار بيه نار بضلوعي غرت كلش واحتركت ربي وخر هالمشاعر مني مالي خلك بعد هو مستسلم طافي العينتين طب للبيت واني طبيت نمت يم زين صافنه يمكن هسه ديقترب منها يمكن باسها مثل ميبوسني ويكولها نفس الكلام الكاله الي.
بس وياج ارتاح
واحب الضلمه وياج
واعشق ريحتج. بقيت اتكلب تقريب النص ساعه واسمع واحد يحجي يم الدرج مال ترك فزيت كمت اشوف منو باوعت من الشباك شفت ضياء تخبلت
كاعد على اول درجه ليجوه ومخلي راسه على ركبه رجله ويهربد بالحجي. --
ضياء- رجعت بعدما ثكلت بالشرب وي عمر صاحبي القديم سلمان علاقتي بي سطحيه. للاخير يعني زواجي من بت عمه ماحل شي. مااكدر اجرع البيت اذا موطافي. فد نوب لدرجه اتخيلها لضحى ساعه هي سيدرا وساعه شهد وساعه بت ليل ونوبات حتى اشوفها امل وهي تحس بهالشي وراضيه جانت تردد
اني اخليك تعشقني وراضيه بالتسوي
مجنت اتاثر بكلامها تصغر متكبر بعيني لان من البدايه ممواعدها بشي وتدري بيه كايللها اني ماارتاح بس وي سيدرا بس التجات لكلام امل بانه هي مجرد مربيه حبت تصدك الكذب مو مشكلتي بعد
رجعت بالليل اريد امشي مااكدر كوه وصلني عمر وراح لكيتها واكفه بباب الحديقه مكياج. وشعر وروب حرير تقربت حضنتني والريحه النفاذه اللي تجيب العافيه. بس شكول الروحي الرافضه غيرها جرتني للغرفه بهمسات
واني تغير وجهه كدامي صارت اللي يعشقها. جسمي وروحي وحالتي حيل تعبانه هجمت عليها ابوس بيها سافرت بيها للترك اول شي فززني ريحتها
مو ريحه سيدرا
عقلي كذب هالشي وبقت عيني تدور النيشان واني اجرد من هدومها وادور مكاني الاعشقه
هسه الكاها هيانها هسه اشوفها وترد روحي وارتاح هيانها
ماهي مموجوده
شامه اللي بكتفها ماهي
ملكيتها فكيت عيني زين باوعت بعينها
ماهي شامتج ماكو
ركزت زين توضحت الصوره وجهه تغير عرفت عليش اقصد دمعت عيونها حاولت حاولت اتواصل مكدرت ابتعدت تركتها تبجي بخنيك. موبيدي من خرب حضي لو ماالحبايه الاخذتها بيوم العرس حتى مااقترب منها اربع مرات بهالشهر اقتربت منها بس ولومامفعول الحبوب والشرب مااكدر
طلعت من الغرفه لعبت نفسي كلش بله وعي توجهت للترك دااصعد الدرج بله توازن وصدى صوت حجيها باذني
لهنا حدك واذا تعديته اسوي شي تندم عليه كل حياتك
وكفت وكعدت على اول بايه
سيدرا- تقربت يم الباب اسمع شيكول شبي اكيد شارب متقبل غلط
بقه يهربد بالحجي اريد اركز يحجي بهدوء وي روحه كال
ادورها ادورها ماكو شامتج الللي بالكتف ملكيتها ولاعطر شعرج مداالكاه سيدرا
ماهي شون وين اباوع اني لعد
بيش اتاثر واشتعل
ماكو عدي تاثير
يحجي مخربط مبين كلام شخص مو واعي
بس اني داافتهمه. داافتهم كلشي يحجي عنه ادري بي شكد يحب الشامه الجبيره اللي بكتفي واول شي يسوي يبوسني منه من يريد يقترب مني ويبقى نضره عليها بعد ما يباوع لمغريات جسمي يرجع نضره عليها. جنت اعرف بي اكثر مكان. يحبه كتفه من ينام يحضني يوخر ملابسي من كتفي حتى يبوسه ويبقي شفافه عليه حد مايغفه
تاثرت ولزمت راسي ضل يهربد ويعيد ويصقل بالكلام اخر شي سكت. وراها كال
روحي ولي كله من وراج
صار صوت بنيه عرفت جتي يمه باوعت من الجامه ماريد تشوفني بس عيوني مطلعتها كالت
كوم دنام حبيبي
ولي من وراج كتلج ماريد اعوفها. خليتي الكل يعرف سويتيلي فضيحه
ميخالف كوم ننام باجر نحجي
اريد ابقى هنا
حبيبي منا العالم كوم نام باجر اصعدلها
متريدني من وراج حقيره انتي من اول كتلج ماعوفها وماريد اتزوج
ميخالف دكوم ويايه باجر نحجي وشتريد كول عدك دوام حبيبي العصر باجر لازم ترتاح
سيدرا- اسمعها واتكطع. مرجيه جسمي عالحايط وكاعده بالكع. كمت اضرب راسي بهدوء عالحايط غمضت قوي
مكاني هذا اخذتي مكاني بس هو الكومني منه وماارجع بعد كمت نمت احس خاطري جان مكسور وطاب من عرفت انه متاذي بفراكي احس شي بداخلي انتصر نمت ساعتين وكعدت عالمنبه كعدت زيون ريكته وبدلتله وراح قفلت الباب عليه ورجعت نمت لل12 ونص يله كمت عدي حواضر امي سوت كبب خطيه وبورك ولحم بعجين. مخلت شي مسوته فطلعت وحميت وكعدنا ناكل اني وزين الباب مقفوله لل4 زيون نايم نومه الضهر واني منبطحه البيت نضيف واني بس اتبطح دااتفرج سمعت صوت ابو صاح
زيون ززين بابا وينك
زين نايم عفته مجاوبت
ززين
تذكرت قبل من جان يحجي بجهاز الارسال ومارد عليه. بس مجان يدك كلبي هالدكه من اسمع صوته
بقه يصيح. محد رد عليه راح شوي وجتي فردوس دكت الباب
كمت فتحتها كالت
عمه عمو ضياء يريد. زيوني
نايم حبيبتي
اوك يله باي
نزلت فدوه شون. صايره حليوه كعد زيون وره شوي خابرت فردوس ردت
ها عمه
اكولج عمج بعده بالبيت
اي هنا ديلعب طاولي وي عمو اوس
زين حينزل عفيه يريد يجي يمه ديربالج. خاف بت امل تضربه
لاعمه ادير بالي
فدوه لكلبج
دزيته يمه --
للسبعه العصر صعد زين. وبيده دفتر تلوين واصباغ كال
بابا راح
اوك بقينا كاعدين نلون اني وياه لليل ماعدي غير لهوه وراها قفلت ونمت ثاني يوم دزيت زيون وكمت عالبيت نضفت ورتبت جان ببالي هاي شغلات اسويها لل10 الصبح لبست ونزلت. جنت خايفه لااشوف امل لو العروس بس ببالي ثنينهم دوام. نزلت دااطلع فلوس ماما مخليتلي جوه ايدي طلعت للباب ابو الحسن وكف باوعلي بحقد
جتني الضحكه تذكرت من طلعت بالبوشي
كال
هله ام زين وين على خير
داروح للسوك بقيت اباوع عالشارع مااندل كل عقليتي اني باوعت لبو الحسن عكد حاجبه كال
دقيقه خل اكول لاستاذ ضياء
وكفت واباوع عالفرع صافنه اي اخذ تكسي اكوله للسوك ومن اريد ارجع اكوله وديني لمطعم --- واطب للفرع ميتيه تره فززني صوت ابو الحسن كال
ها استاذ تريد تطلع للسوك اي ماشي اي اي بلي اي صار
سد التلفون باوعلي كال
هسه حيدز احمد ابن اخو بالسياره
خوش رجعت فتت للبيت امنت شوي ودك هورن طلعت ابتسم الارعن كعدت ليكدام يمه وطلع يبتسم كال
شونج
زينه الحمد لله انت شونك
جر نفس كال عايشين والله كريم
قهرني باوعلي كال ياسوك ترحين اول تالي ها لازم افراج
باوعتله ودرت وجهي خربانه ضحك
اضحكيي عمي محروك صفحه الخلفو وانتي تضحكين
من ايده الله يزيده
اي والله صدكتي
اكولك عفيه اريد اشوف الحجيه
ببيتنا بيبيتي اوديج
اي فدوه
زين وهو يمنا قريب السوك عالشارع شتردين بالضبط انتي
بردات وغراض مطبخ
اي اي عالشارع اذا هاي روحي وي امي
اوك
ترجعين عدنا حتى اخذ عطور واوصلكم بيت جدي
اي خوش بس قبل الوحده علمود زيون
بسيطه حتى لو اجيبه لبيتنا ليضل بالج هنا بالمنطقه مو بعيد البيت تره
يعني بحي الجامعه
اي هههه لالا بالعدل
سكتت وصلني لبيت كال
فوتي افول السياره واجي
طبيت خجلانه طرمه طويله وبيت يخبل مشيت نص الطريق ووكفت انفتحت باب المطبخ الداخليه ابتسمت عطور فكت حلكها
لاااا مداصددك هاي انتي ولج شجابج خرب يومج
جتي عليه ركض بوستني وتباوع بوجهي وترجع تبوسني تضحك
جيت بعد. ههه
عفيه سباعيه تعاي هسه خالتي تكيف تعاي
هو جيت اشوفها
اليوم غداج يمي واريد من الله تكولين لا
لج والله زيون بالروضه
اششش هسه يجيبه حمودي
طبيت لكيت الحجيه تكلم بالبانيه من شافتني راسن بجت تقربت بستها من راسها خطيه محجت اختنكت رجعت بستها عيوني غرغرت اذتني احسها تكولي من ورايه الديصير بيج حضنتها
حجيه لتبجين مو جيت افرحج اني
باوعتلي تترقب كتلها
اني حامل فكت حلكها وحضنتني كعدت بصفها ووييين يله حجت كالت
شونج خو مااذاج
لالا اتفقنا وتفاهمنا
الله يهديه
امين شونج شون صرتي
يم الله امج شونها
كلش زينه اخذت بيت ومرتاحه الحمد لله
تستاهل والله هالمره الصابره كعدت يمها وبقينا نحجي بعيد عن ضياء وضحى وامل اشياء متفرقه حجيتلها على شروطي وي ضياء بعدها معلقت ابد كالت
شوفي التردي وسوي محد يجبرج
الوكت طار سريع وياهم محسيت بي تونست كلش عطور كلش خفيفه هوا نسمه واجه بهاء كملها من شافني
ولج ولج ولج. هاي شنووو افراج
لحد يحاجيني ها تره منفوخه وخاف اطك عليكم
هههههاي كل الهله بيح مصدكت من كال احمد ببيتنا
ضجت ومريت اشوف الحجيه
يابه دائما مري احمد يجيبج ويوديج
هو هم هيج وين اروح قابل
اييي شكو ماكو
ماكو شي الحمد لله
اخذت راحتي بالحجي وياهم مو مثل قبل ارتاحيت حيل تغدينا ورتبنا واروح واجي وزيون جابه احمد طب مكيف يركض وي انو للعصر نامو واخذتني عطور للسوك واشتريت برده وغراض للمطبخ وملابس لزيون والي جبه وحجابات عطور تعرف تشتري عدها ذوق حتى مفارش للمطبخ هم اشتريت للبراد والثلاجه والطباخ والميز سيت واحد. حسيت احساس حلو كانما اجهز لبيتي اخذت هديه لندى وخلصت الفلوس رجعنا ونطيت الفلوس للحجيه مقبلت توسلت بيها يله اخذتها فهمتها انه عدي راتب ممحتاجه ومن احتاج اجيها اخذ منها لليل يله رجعنا اول مذبني احمد سمعت ابو الحسن خابر
استاذ وصلت ام زين وصلها احمد وي فردوس وزين اي ماشي دافوت كال
عمي محتاجه شي
صمون خلصت دااحجي وطبب اوس سيارته باوعلي داير وجهه يضحك متعجب. نزل كال
هاااا واكول الليله كمريه ثاري الكمر نازل
ههه نورك هذا شونك استاذ
انتي شونج يابه شون صحتج
عال العال الله يخليك
اختي العزيزه اي شي تحتاجين ميردج غير لسانج
متحتاج كلام والله مجربتك
اي ههه ديله الله يحفضج
صعدت فوك وهو يباوعلي يبتسم وفات للبيت شوي وصعدت فردوس الصمون جنت داعلك البرده عالباب بعد محد يشوفني من بره الا افتحها يله باوعتلي فردوس تبتسم. كالت
عمه الصمون
اي شكرا
شبيج تردين شي
لا بس عادي ابقه هنا ديتعاركون ومداركز ماما كالت روحي يم عمتج سيدرا
فدوه لعينج تونسيني منو ديتعارك ياستار
سكتت ونصت نزلت من الطبله وعدلت البيت كعدت يمها كالت
خاف ميصير احجي
احجي لج تضل حسره بكلبي وتطلعلي حبايه
ههه عمه امل وعمه ضحى
شبيهم ياستار
عمه تلبس كله حصر كدام عمو اوس وهي سمينه يعني مبين جسمها ذاك وينه حتى احمد قشب عليها يكول لماما خو خل تنزع وترتاح وعمه امل تغار تكولها من رجلج يروح للشغل ماكو داعي تلبسين هيج عود من ينزل البسي وهي تخبلت
تتحكمين بيه ببيتي هذا بيتي ميعجبج روحي لبيتج
فكيت عيني تالي امل شكالتلها
تعاركت وياها وعمو اوس تعارك وي عمه امل يكولها معليج وعاف البيت وطلع هو اصلا من تزوج عمو ضياء ليهسه يتوسل بيها ترجع لبيتهم وهي متقبل تكوله لو موت ما انزل راسي لاهلك واعتذر وهو يكولها انتي المتجاوزه وكومه حجي فانهزمت
اكعدي اقري هنا خل اسوي عشا زيون جاع دااحضر بالعشا وفردوس تقره بهدوء دك تلفوني ماما باوعتلها
حبابه تعاي فكي ايدي كلها دهن
اي عمه جيت
جتي فكت الخط فتحي مايك
هلو ماما
هلو حبيبتي شونج
زينه كلش زينه رحت للسوك
يا نزول عليج ويامن
وي عطوره ههه وشتريت كومه شغلا طيرت الراتب
فدوه الج المهم تونستي
اي كلش كلش
باعي يمه طلع راتب هالشهر وباجر حمزه عده شغل ببغداد كال امر انطيهيا من الباب عادي
اي عادي بس ممحتاجه والله
ميخالف جمعي خاف تحتاجين شي اشتري ذهب اذا ممحتاجه شي واطلعي وي مرت حماج
اوك اشوف ههه. انتي وين
اني هنا بيتنا هاي حمزه كاعد بصفي يسلم
شونج سيدرا شون عافيتج
زينه فدوه لعينك الحمد لله
ماما سيدرا نامي يم زين تره باليل كلسا فاز
هو بصفي ينام باوعت لفردوس تاكل باضافرها تباوع عالتلفون وهاي فردوس اليوم تبات يمي
يا سلميلي عليها هي شون خلقه جنها لعابه
ششونج خاله
هله ماما هله امي شونج
زينه الحمد لله
سيدرا- اباوع فردوس وجهه كام يضوي وخدودها حمر تبتسم وتمايل بجسمها يمنه ويسره كون اكرطها سديته من ماما وضلت فردوس يمي يعني متسد مكان ندى بس احسن من وحدي تعشينا وبقت تسالني وين صايره الحسينيه ومنو عدكم هناك وكم خال وكم جاهل عده طلعت بيان بينا واني اجاوب بدون تردد مكيفه بيها وزيون كلسا جايبلها شغله مكيف جيف بايته عدنا خابرها ابوها وكالتله بايته عدي لليل كلش دتنام دك تلفونها سويت روحي نايمه داسمع خاف عدها احد تحاجي ردت
ها عمو اي لا اني ببيتك نايمه لان هناك هوسه لانايمين زين وعمه اوك
غمضت عيني مخابرها يسال مخابرات بكل مكان
مرت الايام عادي واني كل يومين 3 واطلع اروح لعطور ونطلع نفتر ونرجع وكلما شوف اوس عادي اسلم ابتسم وطلعه من الطلعات شفت قلم حلو شتريته اله. من رجعت تلاكيت وياه ونطيته القلم
هاي هديه شكر ولو متاخره
والله ميحتاج بس حلو ماردج
طب وصعدت ساعه وصعدت امل تدك بالباب وتصيح
فتحيها. -- فتحيها ام الرياجيل تردين تنتقمين تسويها وحده بوحده عبالج رجلي يباوع لوحده مثلج ميباوع لخدم البيوت تصيح وتحجي
كمزت فازه من غرفه زين رحت للباب -------
للكاتبه- مريم السعدي
يتبع...