صلوا على الحبيب المصطفى صلى الله عليه وسلم 💞 💞 💞 💞 💞
开始吧
********************
في الصباح الباكر في المعسكر استيقظ اياد وكان نائما في مكتب المعسكر وجد رأسه يؤلمه بشده لا يعرف لماذا ربما من كثره التفكير او من نومته علي الكنبه لا يهم قام واستحم ثم ذهب الي فريقه
إياد وهو يهز احمد /احمد انت يازفت قوم
احمد وهو مازال نائما /خلاص بقي يالولو سبيني شويه
إياد بتعجب /لولو مين قوم يازفت
احمد /ياعلياء شويه ياقلبي
إياد بصدمه /علياء اختي
ثم ضربه بشده /قووووم ياحيوان انت
احمد بفزع ووقع من علي السرير /اه في ايه
ثم نظر لاياد /جرا ايه ياعم انت بتضرب ليه ياغبي انتي اه ياما ايدك تقيله
إياد بصراخ /انت لسه شوفت حاجه انت يلا بتحلم ياختي
أحمد /انت كنت معانا ولا ايه
إياد وهو يتجه نحوه ولكن احمد ركض للجهه الاخري من السرير /اهدي يابن المجنونه ده حلم هو انا هتحكم بالحلم في ايه
إياد /اه تقدر بطل تفكير وسخ وانت مش هتحلم
احمد / طب خلاص اخر مره مش هفكر فيها لو وحشتني هكلمها.
اياد/وحشتك وبتقولها قدامي ياكلب
احمد /شوفوا مين بيتكلم روميو اللي كان عمال يبوس في إيلينا وقدام الكل
إياد /وانت مال اهلك يا اخي بعدين ايه يبووس دي حسن ملافظك
احمد /لا لو سمحت سناء ومحمد ملهمش دخل ومالها ملافظي ياخويا مش عجبك طلقني
سامر ودخل إليهم حيث كان يستحم في الحمام الخارجي دخل وهو يجفف شعره
سامر /مالكم صوتكم واصل لبره
احمد /حوشه ياسامر شكل العلقه امبارح أثرت علي مخه
اياد/علقه ياوسخ يلا اتنيل ادخل استحمي عشان منتأخرش
احمد ونظر للساعه /منتأخرش مين يابتاع اللبن انت الساعه 5:30
إياد /هم وبطل رغي
انتهي الثلاثه وخرجوا للتمرين قبل أن يستيقظ الباقي او هكذا يظنون
خرجوا وانصدموا من هذا المنظر أمامهم
احمد / ايش هذا يا زلمه
في منزل إياد استيقظت شيماء مبكرا ولأول مره ادت صلاتها وهبطت لاسفل
شيماء /انا أعملهم مفاجأه واحضرلهم الفطار
والله فكره يابت ياشوشو عشان يعرفوا اني مش كسوله وست بيت شاطره
وبدأت شيماء بالعمل وهي تكسر هذا وذاك وتحرق هذا وذاك وبعد ساعتان انتهت من الطعام ووضعته علي السفره ووجهها كله رماد اسود وشعرها كأنها أصيبت بماس كهربائي تخصرت شيماء /يا سلام عليكي يابت ياشوشو لما تبدعي كده
دخلت علياء المطبخ لتشرب وهي تتثائب
فوجدت المطبخ وكأنه ضربه إعصار
علياء /هي ماما مرتبتش المطبخ امبارح ولا ايه
رفعت رأسها ووجدت شخص ذو وجه اسود وشعر منفوش علياء بصراخ /عفرررررررررررررررررريت وخرجت تركض في المنزل
شيماء /عفريت فين ده يامامي
وخرجت تركض من المطبخ خلف علياء وعلياء تنظر تجدها تركض خلفها
علياء /هيلبسني ياماما الحقوني
وأخذت تتلو ايه الكرسي
استيقظ عبدالحميد هو وامال وهبط عبدالحميد للأسف بسرعه بسبب صراخ علياء
عبدالحميد/ في ايه
فجأه وجد علياء تركض له وهي تصرخ /عفريت 👻
وجد شخص خلفها شيماء فقفز علي الاريكه ولكن انقلبت بهم وعلياء تصرخ /ده بيجري ورايا ياماما
وشيماء تنظر خلفها /فين فين ده
سمع عبدالحميد صوت شيماء /عبدالحميد انا قلت انك مخاويه بس محدش صدقني اه ياضهري حسبي الله ايه يابنتي اللي عملاه في نفسك ده هتموتينا
علياء توقفت ونظرت واقتربت من شيماء ومسحت علي وجهها / هباب هباب ياكلبه وسيباني اصرخ واجري وانتي تجري ورايا
شيماء /انت قصدك عليا اني عفريت
ثم وضعت يدها في خصرها /ليه أن شاء الله ياختي منا قمر
رفعت علياء حواجبها وسحبت شيماء للمرآه وعندما نظرت شيماء نفسها صرخت صرخه هزت المنزل /عفرررررررررررررررررريت
ضحك عبدالحميد /الاعتراف بالحق فضيله
نظرت له شيماء بسخط /كل ده عشان بحضرلكم الفطار انا غلطانه
عبدالحميد /بتحضري فطار ولا بتفجري نفسك في كمين ياشيخه اتنيلي
شيماء /كده ياعبده طب مش هوكلك من اكلي ها
عبدالحميد /الحمدلله جات منك
علياء وهي تضحك عليهم /هي ماما وكل الصويت ده ومصحتش
عبدالحميد /امك خايفه تنزل اول ماسمعتك بتقولي عفريت وهي مستخبيه فوق وماسكه المصحف وعماله تقرأ في الرقيه الشرعيه
ضحك الجميع هبطت امال وهي ماسكه المصحف في يد والمسبحه في يد وتتلو آيات قرأن وتستغفر ربها
ذهبت شيماء لأمها /ايه ياماما محسساني ان الشيخه خديجه المغربيه داخله علينا
امال عندما رأت شيماء /انصرف انصرف لا تأذينا ولا نأذيك انصرف
وعبدالحميد وعلياء سقطوا أرضا من الضحك
شيماء بسخط /انصرف ايه ياحجه انا شيماء
امال /شيماء مين
شيماء /هيكون شيماء مين بس يا والدتي شيماء بنتك
نظرت لها امال جيدا وفجأه خلعت نعلها (الشبشب الطائر) /وانتي ياحيوانه عامله كده في نفسك ليه ياجذمه
شيماء وهي تركض /كنت بعمل فطار والله
وقفت شيماء / كفايه ياحجه انتي في مارثون مش بتتعبي
فجأه ألقت امال نعلها وكان كل شئ يسير بالحركه البطيئه شيماء تشير بيدها /لالاالالالالا
وعبدالحميد يعلق /انها تقترب تقترب
اووووووه في منتصف الهدف وجول وجول وجول.
اصاب الشبشب شيماء
وعلياء حرفيا تموت من الضحك
شيماء /اه ياماما بقي حرام عليكي انا من كتر ماحدفتي عليا الشبشب بقي ختم علي وشي
علياء /انا جعانه فين الأكل ياشيماء
عبدالحميد /افتكر اني قلتلك بلاش
علياء بضحك /بدي دوق
ذهبت شيماء واحضرت صينيه بها الطعام اقترب الجميع لها وجدوا بعض الجبن والزيتون وبعض الخبز المحروق والبيض المحروق
عبدالحميد /ايوه دي العينات اللي باظت يعني ولا ايه
شيماء بفخر /لا ده الفطار
علياء /مش عارفه ليه مره واحده مبقتش عايزه اكل
امال /ياخيبتك في بناتك يا امال. بقي ده الفطار وسعي كده اما اروح احضر اي حاجه نفطر بيها
عبدالحميد /فاشله ههههههههه
كادت شيماء تجيب ولكن سمعت صراخ والدتها من المطبخ /شيماااااااااااااااااااااااء
غاده /ماما انا رايحه الجامعه
حنان /ماشي اعملي حسابك اخر الاسبوع الفرح
غاده نظرت لها بحزن /مش قررتي لوحدك لازمتها ايه تقوليلي
حنان /انا قلت ابلغك بس
غاده /السلام عليكم
وذهبت غاده وأثناء ذهابها للجامعه جاء شخص واخذ حقيبتها وركض
غاده /حرامي الحقوني حرامي
سمعها هو وركض خلفه بكل سرعته مسك الحرامي وقام بضربه ورجع لغاده اللتي تبكي
عاصم /اتفضلي يا انسه غاده شنطتك
نظرت له غاده بعيونها العسليه /شكرا جدا يااسطي عاصم مش عارفه اشكرك ازاي
نظر لها عاصم بلطافه كبيره /ولا يهمك ياست البنات اي وقت تحتاجيني انا موجود
غاده /متشكره عن اذنك
وذهبت وتركت هذا الذي ينتظر منها نظره واحده كاد يموت من نطقها لاسمه
عاصم /يارب عارف انها مش ليا بس يارب لو ليا نصيب فيها اجمعني بيها يارب قريب
وذهب لورشته حيث انه يمتلك ورشه لإصلاح السيارات في حاره غاده رغم انه خريج كليه هندسه ولكنه لم يجد عمل بسبب الواسطه
(عاصم /شاب في 28من عمره طويل عريض المنكبين برونزي البشره له لحيه خفيفه عيناه سواد جميل جدا)
في المعسكر
احمد /ايش هذا يازلمه
نظر سامر بتعجب
حيث كان فريق ملوك الجحيم مستيقظون ويتدربون
كان كل من ماكس و إيلينا يضعون قدمهم علي احد فروع شجره واجسادهم تتدلي لاسفل (مقلوبين) ويقومون بحركه الصعود والهبوط (مثل تمرين الضغط لكن علي الشجر) وكانوا يقومون به بسرعه كبيره والعرق يتصبب منهم بشده بينما جو كان يقوم بتمرين التوازن حيث يرفع نفسه على يد واحده ويقوم بتمرين الضغط أيضا فيصعد ويهبط ولكن قدماه لاعلي ويتزن علي يده فقط
احمد/ايه اللي بيحصل ده هما كده ازاي
إياد كل ما ينظر اليه فقط هي تبدو فتنه بتيشرت ابيض كات وبنطال قماش اسود
نظر لها وهي بهذه الهيئه الساحره وأمام الجميع وضغط علي يده حتي برزت عروقه.
فجأه نظر لأحمد وسامر وصرخ /خمس جولات حولين المعسكر يلا
نظر له سامر بضحكه مستمتعه وغمز له /بس قمر
وتركه وركض وهو يقصد استفزازه
احمد /الله وانا مالي يالمبي احنا عملنا ايه عشان تفش غيظك فينا
إياد /احمد دلوقتي سبع جولات
احمد /انت شكلك جنيت صح
إياد /عشره جولات
احمد وهو يركض بعيدا عنه /هي تضربه وهو يطلع فينا غيظه
خرجت ميرا وهي ترتدي ثياب تشبه استايل ثياب إيلينا
وتربط شعرها مثل إيلينا /صباح الخير يا اياد اخبارك
إياد /زي الزفت وابعدي من خلقتي دلوقتي
ميرا وهي احاول الاقتراب /مالك بس علي الصبح كده
مسك إياد يدها وضغط عليها بشده حتي صرخت ميرا
إياد/ايدك لو اتمدت تاني هكسرهالك
ميرا بالم/حاضر بس سيب ايدي هتكسرها
تركها إياد وذهب للركض أيضا
ميرا /ماشي يا اياد كل ده عشانها انا هخليها تبعد عنك وتكرهك كمان
وعادت ميرا لغرفتها لتخطط لما ستفعله
انتهي فريق إيلينا من تمارين الضغط وهم يتصببون عرقا
إيلينا /تلات جولات حوالين المعسكر ابدأوا
ركض الثلاثه بسرعه كبيره كأنهم لم يكونوا يتمرنوا منذ قليل
ركضوا بسرعه كبيره
في نفس الوقت كان إياد يفرغ غضبه في الركض
وقف احمد ليأخذ نفسه ويرتاح فجأه وجد ثلاثه أشخاص كسرعه البرق تخطوه نظر بصدمه ثم نظر لمكان تدربهم منذ قليل
احمد /وااامصيبتاه ايه الناس دي يكونش آلات فعلا مش بشر زي مابشوف في الأفلام
جاء إياد بجانبه /اخلص واقف ليه
احمد وهو يركض /اهو اهو أتقدم أتقدم وكفايه خلاص تتندم الشمس النور
ماكس وهو يركض بجانبه /مابك يارجل هل جننت
احمد /لا بشجع نفسي انت مش عارف الاغنيه دي عملت ايه في الاستاذ احمد زكي
ماكس وهو يضحك / ياللهي انت شخص غير معقول
ثم سبقه وجاء خلفه جو /هييي اسرع قليلا يافتي
احمد /معلش اصل عندي الغضروف
جو /اووه اسف ياصديقي اعرف علاج جيد حدثني بعد التمرين
وتركه وذهب
ايلينا جاءت بجانبه /مرحبا احمد
إيلينا /مرحبا ياختي
إيلينا /مالك كده
احمد /ولا حاجه بس حاسس نفسي محطه كل شويه واحد يقف فيها
إيلينا بضحك عليه /انت فقط بطئ
وتركته وركضت
ولم تنتبه لهذا الذي يكاد يقتلها هي واحمد بسبب ضحكتها
جاء إياد بجانب احمد
احمد /ها هتفول بكام
اياد/وهو ينظر أمامه ١٥جوله يا احمد
احمد /روح ياشيخ كشفت راسي ودعيت عليك
توقف فريق إيلينا عن التدريب وهم بالكاد يلتقطون انفاسهم
إيلينا /يكفي لليوم والان لنرتاح قليلا حتي ينتهوا هم ثم نجتمع لوضع خطه
ماكس/حسنا سأذهب لاستحم اولا
جو /وانا سأذهب لاعد الأشياء اللازمه للاجتماع
هزت إيلينا رأسها وكانت ذاهبه
فجأه وجدت من يسحبها بقوه
إيلينا /ما هذا ال.......
في كليه الهندسه
علياء بعصبيه /يعني ايه تتجوزي غصب عنك هو متخلف
غاده /ياريت هو وبس ياعلياء ده هو وماما كمان.
علياء /معلش ياشيماء بس مامتك دي بجد صعبه جدا في ام تعمل كده في بنتها
غاده وغامت عينيها بحزن /اعمل ايه ياعلياء امي ومقدرش اعصيها
علياء /بس انتي كده بتضيعي مستقبلك
غاده بدموع /هو كده كده ضاع
مسحت دموعها /بس اوعي متجيش الفرح ياعلياء مليش غيرك
علياء وهي تحتضن صديقتها وتبكي من أجلها /هاجي هاجي ياقلبي مش هسيبك في يوم زي ده
غاده وهي تشدد من احتضانها /يارب يارب يسرها ولا تعسرها.
علياء /اللهم امين
وابتعدت عنها/يلا بقي أمسحي دموعك وتعالي نشوف الفساتين ونلف علي المحلات
ابتسمت غاده علي صديقتها الوحيده
في كليه الفنون الجميله كانت تركض وهي لاتري أمامها
دينا (صديقه شيماء) /اه يا اعمي مش تفتح
الشاب /اعمي انا اللي اعمي برضو
دينا /اه اعمي وستين اعمي كمان
الشاب وكاد يتحدث
دينا /يانهاررك اسود اتأخرت عن المحاضره اوعي من وشي يانحس انت
وركضت المدرج
الشاب /يابنت المجانين
دخلت دينا المدرج وجدت شيماء تشير لها
ذهبت إليها
دينا وهي تلهث /الحمدلله الدكتور مدخلش
شيماء /لا بلغونا ان دكتور حاتم في سفر وفي دكتور تاني جاي بداله
وفجأه صمت الجميع ودخل هو بطلته الخاطفه للانفاس دينا بصدمه انه نفس الشاب الذي اصتدمت بهز
الشاب وقد رآ شيماء فابتسم لها بخبث وقدم نفسه /اقدملكم نفسي انا ادم البحيري هدرسلكم بدل دكتور حاتم
ثم نظر لدينا /اوعدكم بسنه سعيده جدا
دينا /جالك الموت ياتارك الصلاه 😐
إيلينا /ماهذا ال
فجأه كتم هو حديثها
نظر لها بغضب شديد /ايه الزفت اللي انتي لابساه ده
رفعت هي حاجبها
إياد مكملا حديثه /لو مش شايفه حضرتك فالمعسكر كله شباب وانتي بنت فالتزمي بالبس شويه
إيلينا وهي تحاول التحدث ولكنه مازال يضع يده علي فمها لاحظ إياد انها تريد التحدث فنزع يده
إيلينا وهي تتنفس بسرعه /اولا ملكش دعوه بلبسي ثانيا انت مين عشان تتحكم فيا ثالثا ولايهمني حد هنا عشان اعمل حسابه
إياد /اولا لا ليا دعوه بيكي ثانيا انتي ملكي كل حاجه فيكي ملكي يا إيلينا برضاكي او غصب عنك ثالثا لو لقيتك بلبس زي ده تاني هيكون ليا كلام معاكي
إيلينا /ياسلام انت مش بتشوف ميرا بتلبس ايه ولا هي مش بنت برضو
إياد /ميرا براحتها تلبس اللي يعجبها مليش دعوه بيها انا اللي يخصني انتي وبس ثم اقترب منها وحجزها في الحائط /انتي بس اللي ملكي انتي اللي اميرتي الصغيره
إيلينا وهي تشعر بالتخدر /بس انت وميرا
إياد وهو يقطعها /انا وميرا مفيش بينا اي حاجه خالص واليوم اللي شفتينا فيه في الساحه كانت بتسألني عن التمرين وفجأه اتعلقت في رقبتي يمكن عشان شافتك
إيلينا ومازالت تعاند/وانا مالى بيها
إياد /هي بتعمل كده عشان انتي تبعدي عني.
إيلينا/وانا امتي قربت عشان ابعد
إياد / انتي مش قربتي يا إيلينا انتي عايشه جوايا اساسا
نظرت له إيلينا بتعجب كبير وصدمه لما يقول
إياد / إيلينا مش عارف ده حصل ازاي وفي الوقت القصير ده بس انا...
ماكس /إيلينا أين انتي
إياد لعن ماكس في سره /حبكت تيجي دلوقتي
إيلينا /انا هنا ماكس قادمه
ثم هربت من حصار إياد وركضت بعيدا
اياد /ياربي بقي صبرني عليها
ماكس /أين كنتي يا ايلي
إيلينا /لاشئ هيا لنذهب للاجتماع
وسبقته
ماكس /مابها هذه الفتاه
تجمع الفريقين
إياد /طب نبدأ الأول نعرض المعلومات الي معانا ونشوف هنقدر نستخدمها ازاي ونستغلها لصالحنا ازاي
ميرا /انا المعلومات اللي كانت معايا قلتها ليكم قبل كده.
جو بهدوء وهو ينظر لها /ولكن اظن اننا لم نكن معكم لذا هلا تفضلتي وقلتيها مره اخري
ميرا بتأفف /تمام كل اللي جمعته هو
وقامت ميرا بعرض كل ماتوصلت إليه
ماكس بسخريه /هذا فقط
ميرا /ماذا تريد أيضا
ماكس /هذه اشياء نحن نعرفها انتي لم تحددي ميعاد محدد فقط قلتي في نهايه الشهر
ميرا /هذا ما استطعت الحصول عليه
جو /حسنا دعوا لي امر المعلومات هذه سوف اتدبره
احمد /طب كده محتاجين نعرف خريطه لقصر كوبرا ومداخله ومخارجه
إيلينا /قصر كوبرا بمثابه قلعه حصينه موجود في غابه كبيره معظم الغابه حيوانات مفترسه لو عديت منها مش هتعدي من 200 حارس اللي علي البوابه محاوطين القصر اللي تقدر تقول عليهم فعلا آلات كل اللي تعرفه انها تقتل مش بتتفاهم
فرضا انك عديت منهم هتدخل هتلاقي كميه ليزر لو لمستها هيتفتح اقفاص فيها اسود و ذئاب مفترسه
وبعد ماتعدي الليزر قدامك عشان توصل للدور اللي فيه مقر كوبرا اربع أدوار كل دور أصعب من اللي قبله زي اللعبه كده الصعب فالاصعب
اول دور موجود فيه رجال من اقوي رجال العالم في الكاراتيه
الدور التاني فيه جزارين حرفيا تلات رجاله ببنادق واسلحه كتير مختلفة يفرغوها فيك مش بيتفاهموا
الدور التالت فيه اقوي عصابات العالم (القط الاسود) اللي معروفين بجنونهم وحبهم لادم بيحبوا يقتلوا ضحاياهم واكل لحمهم ويشربوا دمهم حرفيا
الدور الرابع فيه بطل العالم لعشر سنوات متتاليه في فنون القتال المجمعه الراجل ده كوم وكل اللي فاتو دول كوم تانى الراجل ده تقريبا منهزمش في حياته في اي قتال غير قتال واحد بس.
إياد /مع مين
ماكس /الملاك الأسود.
احمد /قادره وتعملها
إياد نظر لها بتعجب كيف يمكن لملاك مثلها مواجهه كل ذلك
إيلينا /الدور الخامس بتلاقي الكوبرا قاعد علي عرشه ومش سهل تنزله من عليه
سامر ببرود /بس سبق ونزل من عليه ومش صعب نعملها تاني
نظرت له إيلينا بتعجب /تقصد ايه
سامر /اقصد نقطه ضعف الكوبرا معاكي انتي
إيلينا /مش معايا حاجه ومعرفش ايه هي نقطه ضعفه.
إياد /ازاي امال ازاي عرفتي توصلي ليه بكل سهوله
إيلينا /مش بسهوله ولا حاجه انا دفعت الثمن وكان غالي اوي صدقني.
نظر لها كل من ماكس وجو وهم يعرفون بمت تفكر الان
إيلينا / اظن كده قصر كوبرا بقا واضح ليكم في اي استفسار
احمد بكل جديه /انتي قلتي ان الدور التالت في القط الاسود
إيلينا /تمام فين المشكله
احمد /السؤال هنا هل ياتري القط الاسود لوحده ولا معاه الدعسوقه اصل زي ما احنا عارفين الدعسوقه بتبقي اذكي من القط الاسود بكتير
نظرت له إيلينا وهي تجز علي أسنانها من هذا الأحمد
احمد عندما رأي إيلينا هكذا /احم شكله مفيش
فجأه تلقي إياد مكالمه
إياد /ايوه يافندم
نظر إياد لهم بتعجب /لا ابدا يافندم احنا متحركناش
إياد /تمام يافندم
احمد /في ايه يا اياد
إياد /اللواء بلغني انه تم تفجير عشر مراكز قوي للكوبرا من كل أنحاء العالم واللي تسبب في خسائر ضخمه للكوبرا وحاليا الكوبرا زي الأسد الجريح هيقتل اي حد يجي جنبه
سامر /ياتري مين اللي عمل كده
إياد /معرفش بس جايز يكون عدو للكوبرا
ماكس /ومن هو المجنون الذي سيعادي الكوبرا
نظرت إيلينا لجو نظره يعرفها جيدا
إياد /تمام ياجماعه احنا هنستمر بالتدريب لحد ما نوصل لكل المعلومات اللي محتجينها بمساعده جو وميرا
وانفض الاجتماع
في مبني فريق ايلينا
ماكس /لا أعرف لما أشعر برائحه جو في الموضوع
جو بكل براءه /ماذا فعلت انا
ماكس / العمل الضروري الذي كنت تقوم به في الفندق هو نفسه هذا
إيلينا /انت ياسيونجي حقا غير معقول
جو بهدوء /لقد اخذت عهدا ان اجعله يندم علي كل دمعه سقطت منكم وماهذه سوي البدايه فقط.
ذهبت ايلينا وعانقته/فقط اخاف عليك
جو مبادلا اياها العناق /لا تقلقي ياملاكي
تذكرت إلينا كلمه إياد (انتي ملاكي انا)
ماكس /أليس لي مكان في هذا العناق
فتح له الاثنان ذراعهما ذهب إليهم ماكس مسرعا وعنقهم معا
ذهبت ميرا لمكتب إياد دون أن يشعر بها احد
ميرا بشر /إياد لي فقط......
علياء /اه يارجلي هموت من اللف
غاده /ياستي قلتلك اي نيله وخلاص
علياء /نيله ايه ده فرحك يابنتي
غاده /بس مش حسه كده
علي رنين هاتف علياء
علياء /عن اذنك لحظه ياغاده
غاده /براحتك يا قلبي
علياء /الو
احمد متنهدا وبصوت مبحوح من كميه المشاعر /وحشتيني جدا يا علياء
علياء /احمد
احمد /آآآآآآه علي اسمك منك بيموتني.
علياء /عامل ايه يا احمد بتاكل كويس خد بالك من نفسك لو سمحت
احمد /خايفه عليا
علياء بخجل /طبعا خايفه عليك.
احمد /بعشقك
علياء وقد توقف قلبها عن الخفقان /ها
احمد /بعشقك ياعلياء من صغرنا
علياء وقد دمعت عيناها عشق الطفوله يعترف لها بحبه
علياء / انا انا انا
احمد ليكسر خجلها /انا مش عارفني انا تهت مني انا مش انا
علياء ببسمه جميله/احمد بس
احمد /علياء اول مالمهمه دي تخلص هنتجوز
لم ترد علياء
احمد /علياء علياء
فجأه اغلقت علياء الهاتف في وجهه
احمد نظر للهاتف وانفجر ضاحكا عليها
احمد /بعشقك يامجنناني
دينا /ياسنتك البيضه يادينا اه ياصغيره علي السقوط ياحبيبتي
شيماء/ماخلصنا ياستي خلاص
دينا /ماللي ايده في المايه انتي مشوفتيش بيبصلي ازاي
شيماء /تستاهلي حد قالك تطولي لسانك عليه
دينا /وانا اعرف منين انه الدكتور
شيماء /حد ميعرفش ادم البحيري صاحب اكبر شركه ازياء في مصر ومن أشهر رسامين مصر
دينا /محصليش الرعب بقولك ايه اقفلي سيرته دي انا هروح اجيب حاجه ناكلها
شيماء /اشطا او طلبتي سوري متنسيش التمويه عشان هترجعي.
رن هاتف شيماء
شيماء /الو
.........
الو
.....
_لا والله يعني حضرتك متصل دلوقتي عشان تسمعني سكوتك
_خلي بالك من نفسك في الأيام الجايه
وأغلق الخط
شيماء وهي تنظر بتعجب للهاتف مين ده وياتري ليه قال كده
فجأه رن الهاتف وجدته سامر
شيماء /الو ياسامر
سامر /عامله ايه ياشيماء
شيماء /بخير الحمدلله
سامر /شيماء انا عايز مع أول اجازه ليا نكتب الكتاب
شيماء /ها
سامر /بقولك عايز نكتب الكتاب
شيماء /مش شايف انه بدري شويه عموما كلم بابا واياد معلش ياسامر مضطره اقفل دلوقتي
سامر وهو ينظر الهاتف /عارف اني بارد حتي معاكي ياشيماء بس مستني تبقي حلالي واحكيلك كل حاجه عشان ارتاح وقتها بس يمكن اقدر اعيش طبيعي
شيماء /كنت فاكره انك هتبقي بارد مع الكل الا معايا بس للاسف حتي معايا بس مهما حصل مش هسيبك زي ماوعدتك
. في مطبخ المعسكر كان فريق إيلينا يطبخ بمهاره عاليه جدا وقد انتهوا للتو من تحضير الطعام جاء الجميع ليأكل كان كل شخص يصب لنفسه ثم يعود الطاوله
ذهبت ميرا لتصب لنفسها وقامت بتنفيذ خطتها
احمد /امممممممم الاكل رهيب
ماكس /شكرا لك
سامر /فعلا الاكل حلو جدا
إياد كان يأكل وينظر لها فجٱه سلط نظره علي فمها وهي تأكل اما إيلينا فكانت تأكل وتحاول تجنبه
انتهي الجميع من الطعام
احمد/ اي رأيكم نلعب لعبه القزازه
وافق الجميع ماعدا سامر دخل الغرفه متحججا بتعبه
قام احمد. بلف الزجاجه لتأتي علي ميرا وماكس يسألها
ماكس /سؤال محير جدا كيف وصلتي المخابرات.
احمد /السؤال الذي حير العلماء.
ميرا /عادي زي اي حد دخل بكافأتي
ماكس /اذا انتي لاتملكين اي واسطه
ميرا /اكيد لا كله بمجهود.
قام احمد بلف الزجاجه وجاءت علي ان ميرا تسأل سيونج
ميرا /هل أحببت من قبل
سيونج وقد غامت عينيه بحزن بسبب تذكره لها/لا لم احب بل عشقت
نظرت إيلينا له وقامت بالمسح علي علي ظهره نظر لها ببسمه متألمه
ميرا /من هي
ماكس /علي حد علمي اللعبه سؤال واحد فقط
لف احمد الزجاجه جائت علي إياد احمد يسأله
احمد وهو يفرك يديه ويضحك ضحكه شريره /اخيرا، بتحب حد
إياد ونظر لايلينا /جدا
احمد وقد فتح فمه بصدمه /ايه ده بجد انت بتحب
إياد وقد انتبه لنفسه /بطل رغي وادخل نام بدري بدل ما اقعد اصحيك ساعه
وتركهم وذهب
وانصرف الجميع للنوم
دخل سيونج للحمام وأخرج صورتها /اه ياعزيزتي اشتقت إليكي ياجميلتي آآآآآآه لو تعرفين مقدار الألم في قلبي بسبب بعدي عنكي
ثم خبأ الصوره ثانيا وخرج من الحمام
سمع صوت اغاني دخل لغرفته المشتركه مع ماكس ووجد ماكس يقف علي الفراش ويرقص علي اغنيه غريبه أصبح ينظر له ولحركاته الغريبه
فجأه وجد ايلينا تأتي من الخارج وهي تصفر وترقص وتضرب كتفها في كتف سيونج وتذهب وتقف بجانب ماكس وتقلده وترقص بحركات غبيه وغريبه وتهز وسطها وماكس يظل يرقص ويرقص
نظر لهم سيونج ثم هز كتفه وصعد معهم وظل يقلد حركتهم وماكس يقودهم كلما قام بحركه يقلدونه وهم يضحكون كثيرا علي حركات ماكس التي يقوم بها فجأه سقطوا علي الفراش واخذوا يضحكون بشده
إيلينا /اااااه كم احبكم
جو وهو يضمهم اليه حيث انه هو من في الوسط /ونحن أيضا ياصغيرتي نحبك
إيلينا /اريد ان انام معكم اليوم
ماكس وهو يدفع جو اذا تعالي في المنتصف
قامت إيلينا بالذهاب للوسط وضمتهم إليها وأخذت تلعب في شعرهم كأنه امهما
وناموا بهدوء ولكن هل يستمر ام يكون الانفجار 🔥 🔥 🔥 هو النهايه
في مكان نذهب اليه لأول مره مكان حيث الوكر الأول للمافيا في العالم في إيطاليا 🇮🇹
حيث العالم السفلي قتل ومخدرات تجاره رقيق (بنات) اسلحه
في قصر هو اشبه بالقلعه كان صراخه يدوي في القصر
كوبرا /كيف هذا ايها الحمقي كيف حدث هذا
احد الرجال وهو يرتجف /لا نعرف حقا ياسيدي نحن.....
قطع كلامه إطلاق كوبرا الرصاص عليه
كوبرا ببرود كالثلج /لا احب الحديث اريد فعل اريد ان اعرف من تجرأ علي كوبرا
احد الرجال بخوف كبير /لقد بحثنا ياسيدي ونظن من فعل هذا هو أحد من فريق ملوك الموت الجحيمي
كوبرا بنظره شر /تؤتؤتؤ ايلي ايلي ايلي ماذا هذه الصغيره لم تتعلم الدرس بعد اظن انها نست ماحدث قبلا
ثم وبضحكه خبيثه /اذا لنذكرها..........
خلص الفصل اتمني يكون عجبكم
ياتري ايه اللي بتخططله ميرا وهل هتنجح تفرق بين إياد وايلينا؟؟
ايه مصير غاده؟؟؟
ايه اللي مستني. دينا في الأيام الجايه؟؟
ياتري شيماء هتفضل مستحمله سامر ولا... ؟؟
ياتري مين هو الكوبرا وايه هي قصته؟؟
مين هي اللي سيونج بيحبها؟؟؟
هل هيجي اليوم اللي هيحب فيه ماكس؟؟
اي اللي كوبرا يقصده بكلامه انه هيذكرها ؟؟
كل ده واكتر في الفصول الجايه بإذن الله تعالى الفصل مش قصير3540 كلمه حاولت اكبره بس بجد عندي مذاكره
دمتم سالمين
رحمه نبيل ❤️ ❤️
再见✌️💋💋