تــؤوم روحــي💔
#الـبـارت_الـثالـث_والعـشـرون
🌹🌹🌹🌹🌹🌹
روحي ولا تگلها شبيچ
وانت الماي
مگطوعه مثل خيط السمچ روحي
حلاوة ليل محروگه حرك روحي
حمرية گصب مهزومه بالفاله ولك روحي
وعتبها هواي
لا مرّيت ولانشديت ولا حنيت
وگالولي عليك هواي
عودان العمر كلهن گضن ويّاك
يا ثلج إلّي ما وجيت
تعال بحلم أحسبها إلك جيّه واگولن جيت
يلعيناك فحل الگطه الگاطع چول
يلي شوفتك شبّاچ للقاسم ودخول السنه من الگاك
يا فيّ النبع واطعم عطش صبّير ولا فرگاك
يلرهميت يا مفتاح فضة ولا رهم غيرك عليّ مفتاح
أچوتلك مخدتي وانطر الشبّاچ اليجيبك
وأنت عرس الليل والقدّاح
يا هلبت تجي وترتاح
قصيدة گالولي
مظفر النواب
حالت مريم 👆
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اعتذر حبايبي. لان تخربطت بنشر وتكرر البارت مرتين ومجنت منتبه عليه بس وحده من المتابعات نبهتني عليه وهذا بارت بداله اتمنئ الكم قراءه ممتعه لاف يووووووو قلبوشاتي
محمد
وجان اشوف مريم جانت لابسه دشداشه فانيلي ماروني ضيگه ومخليه مكياج ولافه شال كرمي وطالعه تجنن اجتي سلمت علينه وباوكت النه شكد انسانه قووويه واباوع لتقئ لي جانت تباوع الها بعين ونص
تقئ,, اترخص منكم اريد ابدل حمودي حبيبي وين غرفتي
الكل,, براحتكم
محمد,, خذت تقئ لغرفتنه جانت بصف غرفه مريم دخلت وگعدت ترتب ملابسها لان جانن بجنط سئلتها بيج شي حبيبتي
تقئ,, لا مابيه شي جنت ضايجه من هاي الي اسمها مريم وگعدت ارتب ملابسي خابرتني امي گالت احنه جايينكم بطريق اني وابوج وياسر گلت لمحمد گال اني نازل قبلج اگول لاهلي غيرت ملابسي لبست بينصل طويل ويا شال ورتبت المكياج ونزلت
محمد,, يوم ام تقئ ابوها وابن خالتها جايين بطريق واخاف يوصلون بأي وقت رتبو الديوانيه
مريم,, گتله كلشي مرتب ورحت اجهز الضيافه وهبه وياي وزينب بعدها نايمه متقبل احد يگعدها نزلت تقئ تمشي بدلع اجت امها وسلمت عليها وابوها وابن خالتها بديوانيه وياهم كرار ومحمد واحمد ورسول اجه احمد اخذ الضيافه للديوانيه واني خذت الضيافه للصاله سلمت ع امها وقدمت للكل واشوف امها بعدها زغيره ونازكه جانت لابسه بشت طويل وشال ومكياج جانت تباوع بيه وتقئ گاعده يمها ترخصت منهم ورحت اسوي الغده اجتي امي ام كرار گالت اني اطبخ عنج بقيت وياها بالمطبخ رادو يرحون بس مقبلوو وبقوو ع الغده اجه احمد ياخذ الغذه الهم جنه مسوين باميه ولحم وكرار راح جاب سمج شوي وخبز وفواكه وخلينه قسم بالديوانيه وقسم بصاله بعد مخلصو الغده صعدت تقئ وامها للغرفه وبقت امي وخالتي گاعدات زينب ستوها گاعده وجانت تاكل بالمطبخ يمنه وجنت اني وهبه نغسل المواعين ونرتب طلعت اشغل الماطور لتانكي مبي مي وشفت ولد طالع من التواليت رجعت ركض للمطبخ جان بابه خارجي واكو باب داخلي يبوو منو هذا عزززه بس لا شافني باوعت لنفسي شعري طالع ومسرفنه رداني مو وكتها هسه
ياسر,, جنت طالع من التواليت وتلاگت وياي بنيه بيضه ولابسه ماروني وشعرها طالع والعيون بالگوه فاتحتهم من شمس والادين طالعه وبيض شلون الثلج بقيت صافن عليها هيه بس شافتني دخلت بسرعه بقت بالي هاي الابنيه
ام تقئ,, هاي مريم مووو
تقئ,, اي ماما هاي مريم شفتيها ولا همها والكل يحبها ومهتم بيها
ام تقئ,, بس هيه حلوه ديري بالج منها ولا تخلينها تتقرب من محمد خلي بس الج تره واضح انها وقووويه ومايهزها شي
تقئ,, يي ماما صح كلامج واني محمد ملكي الي وبس وتراها مو مطوله بهذا البيت
ام تقئ,, ديري بالج ع نفسج ابوج ديتصل يلا زلام نروح
تقئ,, باوست ماما وراحوو اجه محمد كال تعبان تعاي خليني انام بحظنج گتله لحظه رحت لبست سيت نوم وفتحت شعري واجيت يمه قربني عليه وهوه يگولي لج شهالجمال هذا تقرب عليه وبذه ياخذ شفايفي بلهفه وحب و............خير شكو ثنين عرسان شبيكم فضولين سدو الباب ويلا طلعو من الغرفه بدون ما اعصب عليكم 🌝😂😂😂
مريم,, جنت اضاهر بالقوه وما خليت اي شي يبين علينه انو اني ضايجه جانت نضرات ام تقئ معجبتني ابد راحو وگعدنه نسولف اجه احمد گال يلا العصر جهزن نفسج حتئ نروح
ام محمد,, وين يمه
احمد,, يوم وعدت البنات اطلعهم لان محظرو العرس وانتي وخالتي همات ترحن
ام كرار,, لا يمه مابيه حيل اروح اني
ام محمد,, واني هم مابيه حيل امشي تعبانه من امس روحو تونسوو انتم شوفو رسول اذا يروح وياكم كرار
احمد,, ايي راح اكلهم رحت گتلهم كرار گال وعدت رسول اخذه اشترليه موبايل روحو انتو رحت گلت للبنات حظرن نفسج ب4 الگاجن جاهزات اني راح انام شوي زنوب ب3 گعديني جانت ساعه ب2 ضهر
زينب,, شوفي شنو راح البس حلووو
هبه,, يجنن عليج حبيبتي
زينب,, انتم راح ترحن بعبايات
هبه ومريم,, اكيد جاا شنوو ننزعهم مثلاً
زينب,, لا بس حبيت تلبسون مثلي لبست قميص طويل ابيض وبنطلون جينز وشال ازرگ ونسقت وياا حذااء وجنطه ومكياج خفيف هبه لبست شال احمر ومقبلت تخلي مكياج اصلا هيه حلوه بدون مكياج ولبست نطلون جوه العباه وجنطه ونسقطت ويا حذاء مريم لبست شال اسود وهيه بيضه وبنطلون اسود وقميص اسود وابيض ولبست عباه وخلت مكياج خفيف ورسمت عيونها كتلهم احمد بعد شوي يعارك ورانه ع هالجمال
هبه,, ايي مو نانسي وهيفاء واليسا
زينب,, يروحن النه فدوه رايحه اگعد احمد رحت گعدت
احمد,, يبووو هاي انتي جاهزه
زينب,, كلنه جاهزين
احمد,, انتظرن دقايق اسبح وابدل
زينب,, وك منتظريك جوه نزل محمد گايل هاي وين مجهزات يباوع لمريم
مريم,, نسيت اگول لمحمد
محمد,, مريم اشو طالعه بدون متگوليلي
مريم,, اذكرك بكلامي من گتلك من تجيب مرتك للبيت انسه عندك زوجه وانسه كلشي واعتبرني شخص ماموجود
محمد,, ضوجتني بكلامها گتلها مو بكيفج مريم وروحه ماكو انتي بعدج ع ذمتي وحجيج هذا لا يقدم ولا ياخر عندي
مريم,, بس مو من حقك تدخل بيه ولا اني الي حقك بيك وانته الي ردت هالشي ومدخلت بأي شي وقبلت تزوج فياريت متدخل بحياتي حياتي ملكي اني وحدي اني الي اقرر اعيش مثل ما اريد
محمد,, عصبتني بكلامها صحت بصوت عالي مرررررريم اجتي خالتي وامي واحمد ستوه نازل وجان مبدل
احمد,, سمعت صوت محمد ونزلت ع السريع
شبيك محمد اني الي گتلها تروح ويانه
زينب,, محمد شبيك عصبي وتريد تخرب علينه طلعه ليش هيج
محمد,, روحو بس مريم ماتروح
مريم,, مو بكيفك محمد اني گتلك من تزوج تنسه اني عايشه وياك
محمد,, مريم لا تعصبيني
مريم,, مالك حق بيه انته شخص مزوج
محمد,, وانتي هم زوجتي
مريم,, عصبني من گال هيج كتله زوجتك محمد تذكر بذيج ليله شسويت بيه هسه صرت زوجتك
ام محمد,, يمه هدي فدوه خليها تروح
مريم,, لا خاله لا تطلبين منه اني اروح وهوه ماله حق بيه
محمد,, عصبتني اول مره اشوفها هيج تعناد وترفض كلمتي نزلت تقئ ع صوتنه
تقئ,, حبيبي شكو شصاير
محمد,, ماكو شي تقئ
زينب,, اهوو مو وكتها تخربطون طلعتنه
ام محمد,, مو وكتج زينب
ام كرار,, يمه ريمه لا تعاندين فدوه رحتلج
مريم,, يمه اني تفقت ويااا وگتله من تزوج لا ادخل بي ولا يدخل بيه واحمد تروح لو بطلت
محمد,, الله كريم مريم هيج تعاندين صعدت واني اغلي من العصبيه اجت ورايه تقئ
تقئ,, شفته شلون مهتم بيه واني بقيت اغلي باول يوم الي هنا هيج يصير صعدت وراه حبيبي شبيك ليش هيج عصبي هدي يروحي
محمد,, تعاندني ماكو مره بدنيه تعاندني فاهمه
تقئ,, واني شعلي ديصيح عليه هاي من اولها هيج محمد
محمد,, تقئ عيفني فدوه ولا تخلين عصبيتي تطلع عليج
احمد,, وهسه شلون
مريم,, لا نروح واني طالعه گدامكم رحت واجت وراي هبه وزينب
ام محمد,, يمه روحو بس لا تتاخرون مشفت اخوك شلون متعصب
ام كرار,, مريم من يوم يومها عنيده وجانت تنكتل ع عنادها من صغرها ومحمد مراح يتحمل العناد
احمد,, لا تخافين خاله اني اگعد وياه وافهمه رحت للبنات وصعدتهن بسياره
مريم,, لتخلون الي صار يخرب الطلعه احمد شغل الاغاني
احمد,, تدلل ام الريم بس وين تردن اوديجن عودت ردتها مفاجئ بس مصارت
مريم,, خلي نروح مدينه الالعاب
زينب,, جنت گاعده يم احمد ورحنه للمدينه وتونسنه حمودي اخذنه للمول عفيه
احمد,, صار يدللن الغالياات
مريم,, احنه مو غالين مثل ست هباوي
هبه,, اهوو مريم اسكتي
احمد,, لك فديت حبيبتي لخجلانه اگول هبه
هبه,, هااا
احمد,, وجعاا اكو وحده تگول لحبيبها هاااا
زينب ومريم,, 😂😂😂😂😂😂
هبه,, احمد
احمد,, يروح احمد فديت الي ضايج
هبه,, دتخجلني
احمد,, بصياح ومشغل اغاني احبجججججج هبـــاوتــيييييي
زينب,, اويلي ياااااابه ع الحب
مريم,, حاولت انسه واتونس وانسه شي اسمه محمد وقررت من اليوم ما يمشي كلمته عليه
رحنه للمول وتعشينه هناك واحمد اشتره هديه لهبه وجانت كولش فرحانه وشترالينه اني وزينب ورجعنه ساعه ب10 بليل دخلنه للبيت جان الكل گاعد بصاله
ام محمد,, يمه هواي تاخرتو
احمد,, والله البنات يستاهلن نونسهن محمد جان يخزر وتقئ يمه گاعده مريم صعدت وراها هبه وزينب اني گعدت يمهم
ام كرار,, يمه كرار باجر نروح احنه ابوك بعد يومين يصعد
كرار,, ان شاءالله يمه
ام محمد,, شسالفه خيه خليج كم يوم يمنه
كرار,, لا خاله صار 3 ايام هنا كافي باجر ب9 نروح
ام كرار,, ان شاءالله يمه
مريم,, صعدت الغرفتي بدلت ونزلت هبه مقبلت انزل گتلها شنو احبس روحي مثلاً مراح ياكلني محمد ولا يخوفني بقن گاعدات واني نزلت سئلت خالتي متعشين
محمد,, لا ننتظر حظرتج ست مريم
مريم,, جاهلته خالتي گالت ايي كرار راح جاب من المطعم گتلها عافيات جاا راح اسوي جاي تردون
احمد,, ايي والله ام الريم راسي موتني من الفره
مريم,, سويت الجاي وانيطيته لخالتي تصب الهم گتلها ممحتاجه شي
ام محمد,, لا يمه سلامتج روحي ارتاحي
احمد,, محمد عندي حجي وياك خلص جايك والحگني لغرفتي صعدت للغرفه بدلت وفرشت الكتب حتئ اقرا بس منتظر محمد وره شوي اجه
محمد,, اي احمد گول شعندك واذا ع مريم رجاءآ لتدخل
احمد,, اسمعني مو من حقك بعد مارفضتها تصيح عليها گدام مرتك وانته مجنت تعتبرها مرتك شنو الي تغير من زوجت تقئ مريم صارت مرتك انته دتغلط هووايه محمد عيف الابنيه تعيش حياتها مثل ماتريد
محمد,, بس مو معناها تطلع بدون متگولي تره تعتبر زوجتي
احمد,, هيه مطالعه وي احد غريب واني الي گتلها نطلع محمد حاول ماتتعصب عليها گدام مرتك تره هيج راح تخسرها للابد صدگني وهيه عنيده واني ادري بيك تكره العناد ابتعد عنها وعيش وي تقئ انته مو هيج ردت
محمد,, صح هيج ردت بس احمد اني متندم ع الي سويته بيها واريد اصلح الي بينه صدگني ما اريد اضلمها وياي اكثر
احمد,, والله ما ادري يخوي بس اذا تبقه هيج تصرفاتك حتئ لو ناويه تسامحك تبطل
تقئ,, صعدت لغرفتي وصار عندي فضول اعرف احمد شنو يريد من محمد تقربت ع الباب وسمعت مريم بالموضوع بقيت اسمعهم لحد مگال محمد اني متندم واريد اصلح الي بينه تخبلت رحت الغرفتي واني قسمت يمين لحظه وحده ما اخليها هنا دخل محمد رحت حظنته شبيك حبيبي تره ميصير اول يوم النه تخلصها عصبيه
محمد,, اسف حبيبتي بس مدري شبيه وعصبت عليج
تقئ,, لا حبيبي كولشي الك يهون وهسه خلينه ننسه كولشي ونكون اني وياك وبس لتفكر بأي شي گدرت تسيطر ع عصبيته ونمنه سوه
احمد,, دزيت رساله ل زينب گتلها نايمه گالت لا گتلها وهبه ومريم گالت مريم نامت بس اني وهبه گاعدين گتلها اريد تجيبين هبه لغرفتي گالت شلون گتلها بطريقتج دبريها لان همه باجر صبح يرحون ب9
زينب,, من راسلني احمد وراد يشوف هبه گتلها احمد دزلي رساله ومدري شبي ديتقيئه يمكن تسمم هيه سمعت هيج وركضت قلبي دزيتله رساله وگتله سوي نفسك مريض لان هيج گتلها واجتك تركض
هبه,, من سمعت هيج تخبلت ركضت بلا شعور جانت ساعه تقريبا ب12 فتحت الباب واشوف احمد نايم ويهذي ركضت عليه لزمت گصتها ممصخن حمودي حبيبي اگعد شبيك مساعه مابيك شي يروحي فتح عيونك
احمد,, جنت اسمع كلامها وخوفها عليه حبيت امازحه شوي گطعت نفسي شوي وگعت اديه من الميت
هبه,, شفت اديه وگعت خليت راسي ع صدره ماكو نفس اني تخبلت گمت ابجي حمودي حبيبي فدوه اگعد لتخليني وحدي ردت اركض اصبح لخالتي وسحبني لصدره
احمد,, فديت الي تخاف عليه مابيه شي قزمتي
هبه,, احمد صدك دتحجين هذا شقه ولا احجي وياك عفته وردت اطلع ركض ورايه وسحبني وسد الباب
احمد,, اشششش مابينه اي زعل احنه وردت اشوف خوفج عليه ومن حقي اعرف شكد تخافين عليه
هبه,, مااا احجي وياك وخر عني وگعت گلبي كمت ابجي
احمد,, شوون بالله الله بلاني بـأم دميعه. حبيبتي راح تبقين زعلانه عليه وانتي باجر رايحه
هبه,, احمد
احمد,, يروح احمد
هبه,, احبك فدوه لا تعيدها وگعت گلبي
احمد,, يااابه واني اموت عليج قزمتي
هبه,, يلا رايحه اني قبل لا احد يجي ويشوفنه
احمد,, هبه
هبه,, عيون هبه
احمد,, اريد منج هذه المداليه الي لابستها بيها عطرج
هبه,, خجلت من كلامه نزعتها وانطيتها اله وگتله ماكو شي يغلئ عليك
احمد,, يروحي انتي واخذي هاي سنسله مالتي جنت لابس سنسله فضيه گتلها خليها دوم برگبتج احبج قزمتي
هبه,, تصبح ع خير يروحي وركضت
احمد,, عرفت بيها خجلانه نمت واني مرتاح الله رزقني بهيج انسانه
صبح گعدت وصلت بيت خالتي ع الكراج عيوني جانت ع بت گلبي شلون راح افارگها جنت لابس المداليه مالتها جانت عباره عن مداليه فضيه بيها قلب زغير وصلتهم ع الكراج وصعدو وراحو رجعت للبيت لگيت يمنه جيرانه ام سجاد سلمت عليهم وگتلها يوم اني رايح للمحل جان يوم سبت وماكو دوام
بعد مرور اسبوع
مريم
مر اسبوع ع زواج محمد وتقئ واني بعيده عن حياة محمد و عايشه وي خالتي وزينب واحمد محمد وتقئ رجعو لدوام سوه وزينب همات دوام واني مخلصتها تنضيف وطبخ گعدت بيني وبين نفسي الئ متئ ابقه اني الي اطبخ وانضف مو متعاجزه من هالشي بس حياتي مابيها هدف اسعه علموده قررت ارجع اكمل دراستي وادرس خارجي اني مخلصه ثاني متوسط وتركت يمكن اجتني فرصه حتئ اثبت نفسي قررت اگول لخالتي ومن گتلها فرحت وگالت من يجي احمد اگوله حتئ يسجلج خارجي ومن اجه احمد وگلتله خالتي گال ايي عادي بس مو هسه لازم بشهر ل11 قبل بدايه الدوام الجديد وراح اقدملج ع الخارجي وحياتنه طبيعيه اني وتقئ مابيه اي تقارب بس سؤال وجواب محاولت تتقربلي ولا اني
جان يوم جمعه واني اجهز بالغده وحظرت ست تقئ تجي تاكل وتكوم خالتي شافتها بس غلست وگلتلي ننتظرها شهر اذا ما تشتغل نحجي وياها
حظرت الاكل اني وزينب ونزلو محمد وتقئ جانت لازمته عبالك يريد يطير منها جنه گاعدين الغده محمد وتقئ سوه ياكلون گاعدين گبالي متحملت واني اشوفها لازمه ايده وكل شوي يتهامسون گمت من الاكل واني احس بالغيره والغضب
ام محمد,, يمه ريمه ما اكلتي
مريم,, لا خاله عافيات عليكم اني شبعت صعدت الغرفتي واني احس بالقهر ليش اني هيج ليش هيج يحبها ومگدرت حتئ يتقبلني كزوجه دگ موبايلي جان اخويه رسول شكو رسول شصاير شبيك تبجي شنووو صرخت من سمعت الخبر وگعت مغمي عليه
#يتــــــــبع
#للقـصه_بـقـيه_ولازلت_اكـتب
#Fatima_alsaedi