#تؤوم_روحي

bart 2

تــؤوم روحــي💔

#الــبــارت_الــثـانــي

🌹🌹🌹🌹🌹🌹

ضل بالي يم هبه مبين عليها ضاجت كلش من حجو عليها گدامنه طلعنه اني والولد العصر رحنه لسوگ نمشي ونتونس

هبه,,
خلي احجيلكم شوي عني عمري 18خامس علمي وبطلت

مواصفاتي بيضه وعندي خدود وشعري طويل ملامحي ملامح بت عاديه بس حلوه مناقصني شي طولي 155 وزني 55 متناسق وي طولي

طبعا احب الدراسه بس اخوي وابوي مقبلو نكمل لا اني ولا خواتي بس الولد يدرسون اني خامس واختي زغيره نرجس سادس بتدائي مريم اختي من ابوي الثاني متوسط وبطلت...

اختي فاطمه مزوجه هم مكملت صار عمرها 17 زوجها صار الها 5سنوات من مزوجه عدهه بت ولد واخواتي..

زهراء وتبارك من ابوي هم مزوجات عن زغر المهم..

خلي اسولفلكم عن طبعي شوي هادئه وكتومه وما احجي دمعتي دوم بطرف عيني اخواني يحبوني لان ما ارفضلهم طلب..

بس حيدر طبعه هيج واني متحملته وما ازعل من كلامه
بس من امي گالت خابرتني خالتج اليوم جايه هيه وابنها وزينب توقعت راح يجي محمد كالعاده بس تفاجئت هذا محمد ليش يسمو احمد اعرف همه تؤوم بس مو لهدرجه يعني هالشبه الي بينهم..

المهم طبيت وسلمت عليهم شفته گاعد يم اخواني ويسولف ويضحك مبين مرح كعدت اصب جاي بقه حيدر يصيح عليه گدامهم واني مدنگه والدمعه بطارف عيني عتذرت وكمت ع السريع مزعلت منه لان متعوده عليه بس ستحيت گداممهم هيج يصيح عليه كدامهم كعدت بغرفه امي ابجي اجت اختي مريم..

مريم,, هبه شبيج تبجين

هبه,,مابيه شي بس ضايجه

طبعا مريم حبابه بس عنيده ودائما تسمع من امها كلام علينه ومتقبل لان اني وياها تربينه سوه وتجي تگلي عن امها وسوالفها بس اني اسكت لان اخاف من المشاكل وبابا ميتفاهم وعصبي وايده وضرب بس مرته حيه من جوه ليجوه كعدت يمي تسئلني شبيه مگدرت احجي العبره خانگتني

مريم,, لج شفتي هذا احمد والله حلو وستايل بس ليش مو اسمه محمد اشو يصيحلوه احمد

هبه,, هههههه لج غبيه همه تؤوم ويشابهون ذاك الي قبل يجينه محمد وهذا احمد

مريم,, هههه عزززه لج والله نسخه شكد حلو هيج

هبه,, هاا هاا ولج اكعدي راحه ولا زحفين تره اخوج حيدر يذبحنه وانتي تعرفين بطلنه من المدرسة علمود لحد يباوع بينه

مريم,, اهووو الئ متئ هيج

هبه,, صبري خيتي وربج يفرجها علينه خلي نروح نشوف شنسوي عشه عيب من خالتي رحنه للمطبخ يمه شنو نسوي عشه