_كانت تتحدث مع صديقتها عن هذا المغرور المُتملق قائلة بإنفعال :
" ده بني أدم مُستفز والله أول مره اشوف حد كده ؛وكمان أقابلة مرتين لاكده كتير "
_تعجبت فرح من انفعال صديقتها لترد قائلة :
" هدي نفسك يا بنتي مش كده واحكيلي ايه اللي حصل "
_لتردف أفنان قائلة بنفس نبرتها المُنفعلة :
" زفت الطين ده قابلته في المطار قال ايه " ؛ صمتت قليلاً وعادت ذاكرتها للوراء مُتذكره :
'FLash back'
_في أحد المطارات الدولية وبالتحديد " مطار القاهرة الدولي "
_كانت تمشي بسرعة كالبرق لتري والدها الذي غابت عنه سنين ؛ فلم تُلاحظ هذا الشخص الذي أمامها لتنصدم به .. رَجعت للخلف وهي تقول بتألم :
" ايه ياعم مش تحاسب "
_ ليرد عليها ببرود قائلا :
" انتي اللي غلطانه ومش واخده بالك ؛ أنا أول مره اشوف واحده بتجيب غلطها علي الناس "
_ رفعت نظرها نحوه وجاءت أن تتحدث ولكن صُدمت من هيئته البدانية فهو طويل القَامه وعريض المُنكبين ؛ مُقارنةٍ بنفسها فهي بالنسبه له طفله في الخامسه عشر وليس فتاه في الخامسه والعشرون من عُمرها .. نظر لها وقد ظهر علي ملامحه الغضب ليتحدث قائلا :
"ايه القطه أكلت لسانك ولا ايه"
_ إنتبهت لحديثه ثم ردت قائله بغضب :
" علي فكره بقي انت اللي غلطان علشان انت اللي واقف في نص الطريق وبتتكلم في التليفون المفروض تقف علي جنب وتتكلم مش في نص الطريق "
_ تحدث مُجيباً :
"لا والله أنا بردوا ! ولا انتي اللي عاميه ومش شايفه قُدامك ؛ ثم أكمل بتحذير " اعتذري حالا "
_ فَغرت فمها ؛ حَدثت نفسها " أنا اعتذر لأ يُمكن قال أعتذر قال بس بصراحه شكله يخوف أوي وأنا خايفة يعمل حاجة فيا وكمان أنا لوحدي دلوقتي .. أنا مش اعتذر ويوريني بقي هيعمل ايه ثم ردت قائلة بشجاعه :
" أنا مش عاميه انت اللي أعمي وكمان مش هعتذر وأخبط دماغك في الحيط " ثم تركته وانصرفت من أمامه بخطوات سريعة ...
_ نظر لأثرها ، هو لم يُصدق فعلتها هى ذهبت دون أن تعتذر ؛ ثم تحدث قائلا بتوعد :
" مش ثائر الجندي اللي يقف قدامة واحد زيك وماتعتذرش أنا أعرفك مين أنا وإزاي ما تعتذريش "
*********************************************
_ ركن سيارته أمام هذا المصنع المهجور ثم دلف للداخل ؛ ليتحدث شخصٍ من خلفه قائلاً :
" نورت يا باشا "
_ ليردف الآخر قائلاً :
" ادخل في الموضوع علي طول "
_ ليتحدث الشخص :
" انت لازم تسافر في أقرب وقت "
_ أجاب الآخر بغضب :
" إزاي يعني أسافر مش هينفع دلوقتي "
_ أجابه الشخص قائلا :
" لازم لأنهم اتصلوا بيا وقالولى فيه مشكله والباشا لازم يجي "
_ رد الآخر عليه بنفس ملامحه الغاضبه :
" أنا عرفت مين السبب في كل ده ؛ صمت للحظه ثم أكمل " أحجزلي اول طياره طالعه بكره الصبح "
_ أومأ الشخص بالموافقة ؛ ثم تحرك من أمامه ...
_ ليقول الآخر بتوعد :
" إحنا حبايب اه بس مش هتنولها " ثم ضحك ضحكه خبيثه ...
*********************************************
'back'
_ تحدثت فرح قائله بصدمة :
" يالهوي كل ده حصل معاكي " ثم أكملت بمرح " بس حلو والله جبتي الشجاعة ديه منين "
_ نظرت لها أفنان قائلة بغضب :
" علي فكره بقي أنا عندي شجاعة " صمتت للحظه ثم أكملت بخوف " بس برضوا منكرش إني خوفت منه ومن جسمه ده يا بنتي ده حاجة كده أول مره أشوفها أنا إتخضيت بصراحة "
_إنفجرت فرح ضاحكة عليها وعلي خوفها الذي ظهر علي ملامحها قائله :
" ياعيني يا بنتي كنتي خايفه " ثم أخذت تكمل ضحكتها ...
_ تحدثت أفنان بغضب :
" ما خلاص بقي بطلي ضحك قوليلي أعمل إيه "
_ صمتت فرح عن الضحك لترد عليها بنبره جاده :
" خلاص بقي سيبك منه كده كده مش هتشوفيه تاني ... إلا لو ، ثم صمتت ...
_ تحدثت أفنان بقلق وخوف :
" إلا لو إيه هو ممكن يقتلني "
_ أخذت فرح تضحك مره ثانيه الي أن نظرت لها أفنان بغضب ثم صمتت وأكملت حديثها قائلة :
" لا يقتلك ايه اللي بتقولية ده انا قصدي يعني إلا لو باباكي عارفه بقي أوي فلما باباكي يعمل حفلات وكده أكيد هيبقي فيها أنا قصدي كده "
_ أخذت الآخري تُفكر في حديث صديقتها إلي أن قطعت هذا التفكير قائلة :
" تتصوري اه وكمان مش كده ده طلع منافس شركتنا "
_ نظرت لها فرح ببلاهه لتقول بصوت مرتفع :
" نعم هو ثائر الجندي "
_ أردفت أفنان قائله :
"إيه وطي صوتك اه هو وبابا عرفني عليه وقالي ده منافس لشركتنا وكمان ... عادت بذاكرتها للوراء متذكره ...
'Flach back'
_ التقطت أعينهم ببعض وقالوا في صوتٍ واحد :
" أنت/إنتِ "
_تعجب والدها قائلاً بتساؤل:
" انتوا تعرفوا بعض؟؟ "
_ لتخرج أفنان من صدمتها وقد ظهر علي ملامحها الخوف والتوتر معا قائلة :
" لا معرف ... ثم قطع حديثها ثائر وهو موجه نظره نحوها قائلاً بخبث :
" أيوه اتعرفنا علي بعض في المطار مش صح ولا إيه ؟! "
_ نظرت له بغضب ثم جاء والدها أن يتحدث الي أن قطعه أحد رجال الأعمال مشيرا له ؛ فاستأذن منهم لثوانِ وتحرك من أمامهم ...
_ ظهر الخوف علي ملامحها بعد أن تركها والدها بمفردها مع هذا الشخص المغرور الذي تلقبه به؛ لأحظ خوفها وتوترها ثم سحبها خلفه في مكان لا يراهم فيه أحد وقربها نحوه وهو يقول :
" إيه مالك يا قطه فين الشجاعة اللي كانت في المطار ولا القطه كانت سيباكى وجت كلت لسانك دلوقتى !! "
_ استغربت من فعلته هذه لم تكن تتوقع أنه بهذه الجراءة ليسحبها خلفه وأخذها في ذلك المكان حتي لايراهم احد ... فتوترت من قربه لها و تحدثت قائله بهدوء :
" لو سمحت ممكن تسيبني عيب كده "
_ شد علي معصمها فاتوهت بألم ، و تحدث قائلا غير مبالي ألمها :
" عيب لا والله ومش عيب انك تعملي غلطة وما تعتذريش "
_ جائتها القوه فجاءه ، دفعته مبتعده عنه و تحدثت بشجاعه لم يتوقعها :
" وإيه رأيك بقي مش هعتذر برضوا لواحد مغرور زيك هقولهالك تاني أخبط دماغك في الحيط "
_ تحركت من أمامه مره ثانيه فتحدث بابتسامته الخبيثة :
" تمام، كده كده هنشوف بعض كتير وأخليكي برضوا تعتذري "
'back'
_ بعد أن سمعت فرح حديث أفنان فتحدثت بخوف :
" خلي بالك يا أفنان ده خطير ؛ وكمان كنتي أعتذرتي وخلاص وريحي دماغك ده بقاله سنين بينافس الشركه وبرضوا مافيش فايده "
_تحدثت أفنان و قد ظهر علي ملامحها القلق والخوف ثم أخفت هذا قائلة بتحدي :
" خليه ينافس شركتنا ويا أنا يا هو وهنشوف مين هيكسب في الأخر ؛ ده أنا أفنان فؤاد الراوي "
_ لتجيب فرح بنفس نبرتها قائلة :
" ربنا يستر ويعدي الموضوع ده علي خير ونخلص أنا عارفاكي "
_ لترد افنان وهي تنظر للفراغ قائله بأمل وتحدي :
" إن شاء الله هيخلص وفي أسرع وقت كمان" ثم نظرت علي فرح وابتسمت ؛ ولكنها تشعر ببعض الخوف ولكن طمئنت نفسها إنها قدها وستقوم بفعلها ...
*********************************************
_ دخل عليها وجدها نائمه ثم تحرك وانحني عليها وطبع قبله فوق رأسها فأخذ ينظر لها فقد اشتاق لها كثيراً سالت دمعه هاربة من عينيه فسقطت دون قصد علي وجنتها فشعرت بها ، تحرك هو سريعا نحو الخارج ...
_ بينما فتحت عينيها لتنظر حولها لم تجد أحد غير الظلام المحيط بأرجاء الغرفه ...
*********************************************
_ تسللت أشعه الشمس علي وجه تلك النائمه بفراشها بسلام وشعرها المفرود حولها الي أنا أخذت تزفر بضيق من أشعه الشمس الساقطه عليها فقالت بتأفف :
" اقفلي الستاره يا داده مش عارفه أنام "
_لتبتسم الدادة عليها ثم قالت بأمر :
" لا يلا قومي بقي عشان تروحي الشركه اول يوم ليكي اانهارده لازم تكوني فايقه كده وتجهزي نفسك "
_ فتحت أفنان نصف عينيها بتذمر قائلة :
"لا يا داده أنا مش راحه في حته بلا شركه بلا بتاع أنا عايزه أناااااااام سيبني بقي "
_ سحبت الدادة الغطاء من عليها لتقول بغضب مصطنع :
" أنا قولت هتقومي يعني هتقومي يلا أنا جهزتلك الحمام روحي خدي شاور كده وانتي تفوقي وجهزى نفسك أنا عايزاكي تثبتي نفسك كده وفي الشركه عشان مايقولوش عليكي طفله "
_ نظرت لها وقالت بغضب طفولي :
" أنا مش طفله هاااا "
_ نهضت من علي الفراش متوجها نحو المرحاض وهي تُتمتم بغضب :
" ياربي أنا مالي بكل ده أنا ماكنتش عايزه شركه وبتاع اووف بقي أنا زهقت "
_ أخذت الداده تضحك عليها ثم تحدثت قائلة :
" مجنونه والله "
......................................................
ارجو التفاعل وكومنتات وفوووت كتير مش هتخسروا حاجة والله .. انا مش هضبكوا لو كتبتوا كومنت تقولوا رائيكم وتتناقشوا معايا فيه 😂