مساء الورد ياورد لسفة جدا اتأخرت واعتذر عندي شغلة ومعاملة داامشي بيهة مدوختني كوة الحك اكتب اعذروني، ،احبكم ياارقى ناس
البارت الثامن
فيد عبدالله
ريم،،حسيت عمتي فرحة وعمتي ام حمزة يكومون بية واني من الوجع ما اكدر احجي صرت وكفت كوة وجان ينزل خط دم على رجلي كمت ابجي وصوتي يرجف بس اشهك وعمتي ام حمزة تعيط على صوتهة اجة،فيد عبدالله، اخوية حسنين من بيتنا يركض شالني بين اديه وركض بية بسيارتة وعمتي وياية وامي وجديتي تبجي بالباب عفناهة اني من الوجع اتخيط حلكي نزلوني بالمستشفى وكبل دخلوني للدكتورة فحصتني كالت مابي كل نبض اصلا ميبين
ام حمزة،،يايمة يا حمزة راح وليدك
الدكتورة،، للباجر اذا ما صار بي نبض اسويلج كرتاج وانزلة
ام ريم،،دكتورة فدوة سوي اليعجبج اهم شي بنتي
ريم،،كمت ابجي بقوة وحضنت امي واباوع لعمتي شيطان كدامي متأكدة هي الدفعتني والله حسيت ايد لزمتني ودفعتني طلعت تحاجي بحسنين وامي تبجي وحاضنتني
ام ريم،،شجاج يمة مو الصبحية مريتي علينة جنج وردة
ريم،،يمة والله هي دفعتني والله متأكدة،،وسولفت لامي الصار
ام ريم،،يا يمة شمالهة قابل تسودنت يجوز تصيح تعيط تذب حجي بس مال تكتل ابنهم لا ،،ايجوز انتي انلوت رجلج وما حسيتي هي رادت تكضج يمة لاتكولين هالحجي كلهة راح تلوف عليج وتجذبج والله انتي التوكعين بيهة
ريم،،والله مااتخيل يمة والله هي...
ام ريم،،اششش شمالهة تسودنت هذا ابنهم ابنهم يا يمة انتي عبن ما مرتاحة وياهة يتخيلج و....
ام حمزة،،ها ريم اخوج ترة خابر حمزة وجاي بالطريق
ريم،،شكالة
ام حمزة،،كالة تعبت ما كالة موتت الوليد
ريم،،عمة شعلية قابل متعمدة
ام حمزة،،دسكتي سكتي الله اليستر من حمزة لو عرف
ريم،،عمة هو اني لو
ام ريم،، ما تدرين يمة وانلوت رجلج
ريم،،سكتت من القهر والوجع وبداخلي نار تحترك اعرف هاي سوالف عمتي اعرف وهي كاعدة كبالي وتخزر بية ما توقعت لهدرجة توصل ابد صرت اخاف منهة بشكل مو طبيعي هاي كلشي تسوي ،امي بقت يمي وعمتي ما رضت تروح بس كاعدة وتخازر وتعوج بحلكهةالظهر اجة حمزة بوجهة للمستشفى وما خلوه يطب يمنة للردهة وظل برة تالي الدكتورة اجت فحصتني كالت،فيد عبدالله، ماكو اي نبض باجر الصبح نسويلج عملية ننزلة واطلعي هسة للبيت ماكو اي نزف او خطر هسة طلعت واجة حمزة يركض علينة
حمزة،،يابوية راح نص حيلي وانة اشوف ريمتي كوة تمشي وتبجي ووجهة اصفرر وخشمهة مطبور والدم ناشف ركضت عليهة لزمتهة وهي لزمت ايدي حيل وكامت تشهك
ريم،،حمزة راح اتكول الدكتورة راح باجر تذبة مابي نبض
حمزة،،جمدت بمكاني ما حجيت شي غير ربي رحمتك ضليت اردد هالحجاية ولازم ايد ريم اطلعهة وصلنة وجديتي وعمتي فرحة يبجن
الجدة صالحة،،يا يمة سودة علية ما لحكت تتهنى بوليدك
حمزة،،هذا هوة جدة الحمدلله اهم شي تكوم ريم بسلامة
ام حمزة،،عنهة ما كامت موتت وليدنة بثولهة هالزعطوطة الفاهية جيتت من فوك الدجة للبستان
حمزة،،شلوون رجفت شفايفي بغضب ليش شلون وكع
الجدة صالحة،،شمالهة جيتت طاحت يا جدة طاحت
فرحة،،اي يا عمة من ركضتلهة لكيتهة طايحة على وجهة جا لو تجيت تطيح على وجهة
حمزة،،منو يمهة جان
ام حمزة،،هااا انة يمة بس مطيتهة ظهري جنت ما شفت شلون طاحت ما احس الا صراخهة
حمزة،،دخلت لريم جانت عمتي امهة يمهة
ام ريم،، يمة دير بالك عليهة اشوف البيت وارد يمهة
حمزة،،لا عمة كوم نسوان هنا انتي اتطمني وردي للبيت
ام ريم،،يمة شتحتاجين خابري على اخوتج
حمزة،،افة عمة مو زلمتهة كدامج شتحتاج بعد
ام ريم،،ماتقصر يمة سالم وطيب والله يعوضكم بعدكم زغار ثنينكم
ريم،،طلعت امي واجة حمزة بصفي حضني جوة ايدة واني رجعت ابجي، ،
حمزة،،شلون طحتي
ريم،،والله ماادري صاحتني عمتي للترك اسوي القنينة مابيهة ورحت شكلتهة وياهة ورجعت للمطبخ ومااحس الا انجبحت عالدرج النازل للبستان شلون مااعرف ومحمد
حمزة،،هيج وحدج وكعتي
ريم،،سكتت شوية واستجمعت قوتي وكتلة،،،حسيت اندفعت حيل باوعلي مضيق عيونة بشك
حمزة،،ليش هو منو الجان بالترك غيرج انتي وامي
ريم،،م م ممحد
حمزة،،يعني شني امي الدفعتج
ريم،،ما اعرف ومحمد حسيت اندفعت و
حمزة،،اششش لاتكملين ريم هاي امي وهذا ابن ابنهة تكتل ابني ولج امي هاي امي دير بالج تعيدين هالحجي كدام اي بشر ومحمد طلاكج يصير بيهة، ،كمت منتفض متدخل للعقل ومنا ريم متجذب اعرفهة متجذب ابد حتى ما تعرف تجذب بس ما تنعقل ابد حاجي مخبل ميصدك امة تأذي ضليت شايط وفاير بيومهة مانمت للصبح اخذت ريم للمستشفى وعمتي فرحة وامهة ويانة ودخلوهة للعمليات واني لساني ما سكت من القران،فيد عبدالله، ادعي بكلبي واقرة قران لحدما طلعوهة روحي طلعت كوة مفتحة عيونهة حمدت ربي وشكرتة
ريم،،حمزة ما رضة احجي ما صدكني انقهرت كلش بس داخلي متأكد هاي عمتي ما اقتنعت بكلامهم ابد اعرف اني اعرف الحقد الي شايلتة بس المخبلني لييييش لهدرجة نمت من التعب بليلتهة فزيت نص الليل حمزة حاط ايدة هلى راسي ويقرالي قران ما اتحركت ضليت مغمضة واسمع حدما غفيت وما فزيت الا وهو يطبك كنتورة الصبح صبح علية وطلع صاح عمتي فرحة تجيبلي ريوك وتبدلي حتى نطلع ضجت منة اريدة يمي يطمني خايفة وهو زعللن فوكاهة ،دخلوني للصالة وخلولي البنج وما حسيت بشي بعد ضليت اكعد وانام ماادري شوكت اغفة لحدما صحيت كلش ووجع عندي يروح ويرجع لزمت بطني وبجيت مو حبا بالطفل لحد هاللحظة مو حبا بي بس حبا بفرحة حمزة ولهفتة كومتني امي غسلت وبدلت وطلعت زينة بس بية دوخة بسيطة تمشيت بالممر ورجعت اجتي الدكتورة شافتني كالت كلش زينة اطلعي كتبتلي خروج وطلعنة لكيت حمزة بعدة على كعدتة ما قابل يرجع للبيت انقهرت عليه مبين تعبان حتى ضوجتي منة راحت لان يحبني هذا اكبر دليل يحبني ويهتملي ما علية بعد باحد غيرة اهم شي راحتة وسعادتة وياية
حمزة،،ها شلونج
ريم،،احسن ودنكت
حمزة،،يلا امشي للبيت ترتاحين
ريم،،اخذنة للبيت وية طبتي جديتي وعمتي يتصايحون
حمزة،،يا ساتر شكو شكوووو والقران واصلة لخشمي مو عيب من الوادم صوتكم واصل لبرة وابوي مضيفة مليان زلم شيكولون
الجدة صالحة،،امك تحجي الصخرة ماسألهة شلاعبة بينة اسألهة
حمزة،،شكو يمة متحجين
ام حمزة،،ماكو يمة ماكو جديتك ضايجة شوي على وليدك
الجدة صالحة،،وانتي ما وكف بعينج وليدة،تعاي ريم جدة تعاي بغرفتي ادرايج عمتج فرحة
ريم،،تجيت على عمتي وامي وفتت لغرفة جديتي مددت على جرباية عمتي فرحة ومن التعب غفيت شعلية بعمتي عسى نارهم تاكلهة للمغرب كعدتني جديتي
الجدة صالحة،،كومي جدة ما يصلح الدنيا غروب
ريم،،كمت لغرفتي حمزة نايم بتعب والغرفة تخنك جكاير غسلت جسمي وبدلت ملابسي كلهة وكعدت على كيفي امشط احس ادية صارت ترجف وكلبي يدك بساع عفت شعري مفتوح وكمت مددت عالجرباية. سحبني حمزة لحضنة رأسا دفن راسة بشعري ويشتم بي بعمق همس وهو تعبان مااعرف بعدة نعسان ما مصحصح
حمزة،،ديري بالج على روحج بعد اموت لو صارلج شي
ريم،،لزمت ايدة المحاطتني حيل وكمت اغفي وياه ونمت ما حسيت الا على دكة الباب عمتي فرحة تكعدنة
فرحة،،ريمة عمة اكعدوا الساعة تأخرت هاي جبتلكم عشا
ريم،،ردت اكوم وسبقني حمزة وهو طافي من النعاس ماانتبه هو بس بالبجامة فتح الباب اخذ الصينية
حمزة،،مشكورة عمة
فرحة،،بالعافية
ريم،،خلة الصينية بالكاع وراح للحمام غسل ورجع ينشف بايديه وشعرة ينكط مي
حمزة،،هاي انة هيج فتحت الباب لعمتي ولا حسيت بروحي جني بحلم من كمت
ريم،،تعبت وياية ودنكت حتى اني اخجل اباوعلة رغم يعجبني مرات اتأمل تفاصيل جسمة بس اخجل حيللل
حمزة،،اجيبلج الصينية لهنا لو بيج تنزلين للكاع
ريم، ،لا اجي يمك، رحت كعدت بصفة شاويتلي عمتي لحم وكرفس وكبة وشوربة وهو يسويلي لفات كام وينطيني،همستلة اكل انتة مااكلت
حمزة،،عافيات
ريم،،كمل اكل لكمتين وكام غسل وكام يدخن فتح الشباك عالبستان ويدخن بحسرة يشهك بالدخان يشك صدرة، ضليت صافنة عليه معقولة حس بامة عرف شسوت شو ما حجة ولا كال هذا ابنة معقولة يسكت عن الحق ويمشي وية الباطل بس لان هية امة عفتة وحدة يراجع روحة. اني هم مدري شبية نفسيتي تعبانة جانت شردت من هاي الهوسة كلهة بالنوم جنت اكضي يومي كلة نايمةحمزة صرت مااشوفة نادر اكعد بالليل الكاه لو نايم لو يدخن بالشباك تعبت نفسيتي بالزايد وجديتي حارت شتسوي وياية كامت متخليني اطب غرفتي والمغرب تبخرهة وتطكطك حرمل وترش مي وملح عمتي فرحة حايرة باكلي تكول حمزة ينگل معلاك حتى كرهتة كدما اكلتة ،،،عمتي هالفترة ضامة روحهة ابد متختلط بينة وجديتي لو اتقربت مني تخزرهة تخليهة تطفرررر وتشردحسيت بيهم شاكين بيهة بس محد يحجي ولا اني اكدر افتح حلكي اصلا حمزة احسة مبتعد كلش كلش ومرت الايام وعبر شهرين عالصار وحمزة صار ميلفي للبيت غضب الدنيا كلة بعيونة شاغل نفسة بالكاع ويطلع بشغلات يبات برة البيت كرهتة حتى هو اني شنو ذنبي اريدة يمي عايفني وشارد بروحة بس مااحجي ولااعترض كالعادة اسكت مااطالب بابسط حقوقي اني الخليتهم يدوسون علية اني، ،،ورة شهر وعاودت عمتي نشاطهة بس اني منطيتهة اذن الطرشة كعادتي ،،، بدت تكثر الاسئلة ليش ما صرتي حامل مرت تلث شهور واربعة وووووووليش ماكو حمل صارلكم سنة متزوجين مرات اريد انفجر باللي يساللون هو اني شايفة حمزة صارت حتى علاقتنة الزوجية مرتين تلاثة بالشهر وصرت اتلهف لقربة مني بس هو كل مرة يختمهة اعذريني خاف لعبت روحج جاي اضغط على روحي حتى لا اكرهج بية،،،اظل طول الليل الوم بروحي وحتى ابجي ليش مااحاجي واكلة اشتاقلك واريد قربك ليش هيج استحي ليش هيج اسكت عن حقي ليش اتنازل ليش ابعدة وليش وليش نهايتهة طريق مسدود بكتلة خجل وخوف مبالغ بي وصار يلعب نفسي من ضعفي وكلهة كامت تدوس علية لان شافوا حتى حمزة مختفي من حياتي وعمتي تنشر ميريدهة تندم وشرد لدرجة صدكت انه حمزة تندم من زواجة مني والمصبرني جديتي ميخالف يمة البي مو شوية اصبري واتحملي واني صرت خرگة بيد الكل ياهو اليجي متدخل بحياتنة تخرج ابراهيم ويمكن هذا الوحيد عكب جديتي مصبرني على عيشتي الما تنحمل بهالبيت صارت وعمتي قررت تخطبلة بنت اختهة والي جنت اشوفة هي متتوالم وياه ابد بس هو هم مو سهل ويعرف يمشيهة عدل، ،،اهلي اروحلهم يومية وعلي ما عاجبة وضعي وتعبي الواضح على جسمي وشكلي بس احاجي وارد عليه انه ما بية شي مرات اريد اكعد وياه واسولفلة كل البكلبي ادريه تو الوحيد اليحس بية بس اكول خطية خليه هم مكيف بروحة لان جاي يرتب وضعة وقرر يخطب بنت خالتي حسناء الجانت طايرة بيه وادعي بكلبي واكرر الله يسعدج يارب تستاهلين يا وردة جانت دوم تجي وتسالني على احوالي ووضعي مرات اسولفلهة من ضيمي بعد ما احلفهة بميت امام متحجي وهي دموعهة تصب وية دموعي.الي عرفتة بهالفترة انه احنة البنات كلنة نشترك بصفة وخدة وهية الخضوع للرجال بشكل ماسح وجودنة ومخلينة مداس جواهم شوكت ميعجبهم يدوسوه ما عبالك بشر والنة مشاعر صرت كل يوم يباتة حمزة برة اتلمس بيدي فراشة البارد وترجع تحركني دموعي الامسحهن من وجهي اردد بكلبي شي واحد وين راح حبك بكلبي ياحمزة ليش هالكد حاقدة عليك ليش وصلتنة لهالمرحلة ليش يا حبيب روحي ليش،،،،،،كنت اظن ان مشوار معاناتي انتهى لهذا الحد من العذاب والالم الذي اعيشه لم اعلم انها فقط البداية لا اعلم اي بداية ربما بداية النهاية وربما بداية للانهاية ،،،،،،،،،يتبع