مرحبا
قبل كولشي حابه اكول
ممنوع منعا باتا سرقة القصه
اكرر ... من يسرق القصه سيتم غلق صفحته
&&&&&&&&&&&&&&&&&&
لمار . عااااا ووكعت ابجي بقى بابا يصيح عليه و جعفر كل شويه يجيبلي دفره وماما تصرخ وتضرب على وجهه واني جسد بلا روح
ابو لمار . ولج حقييييره كلببببه بنت الكلب ولج شنو اللي سويته حتى تجيبيلي هالعار هاااااا 😬😬 بنت الكلب كومي ولي الغرفتج خلقتج ما اريد اشوفهه كووومي
لمار. دفعني ركضت صعدت الغرفتي قفلتهه عليه ورحت ابجي بقوه واني ممستوعبه شي من اللي صار يا ترى حازم يحبني لو يريد يأذيني 😕
حازم . بعد ما خليت لمار تروح للكليه اتصلت على صديقي اللي واحد من البارات واتفقت وياه انو يحاول يوكع كتب لمار بالسياره وفعلا الخطه نجحت واني جنت مراقبهم .. اخذتلهه صور و وديتهه البيت عمي ابو جعفر اللي همه اهلهه
وحسب اللي سمعته انو همه ضاربيهه ومأذيهه و كالو بعد ماكو كليه هه 😏
في مكان آخر
يزن . جنت كاعد بالبيت وفجأه اتصل عليه صديقي جعفر واللي هو اعز صديق الي يعني مثل اخويه كولشي احجيله وكولشي يحجيلي رديت عليه
يزن . الووو
جعفر . هلو يزن اريد نطلع شويه عادي مو ؟
يزن . ها شبيك جنك ضايج اكو شي ؟
جعفر . يزن نطلع لو لا ؟
يزن . تمام وين ... اوكي جايك
رحت لأمي كلتلهه
يمه اني طالع رايده شي
الام . يحفظك ربي بنيي
يزن . يله الله وياج يمه
نور (أخته). ياااا اوكف اوكف يزن وين مولي
يزن . وانتي شحشر خشمج 😒
نور. ما ميته عليك بس جيبلي نوتيلا وجبس من تجي اوكي
يزن . ديله ولي ام كرش ... طلعت رحت الجعفر كبال الكورنيش حسيته مخنوگ
بس ما عرفت شبيه سألته وما جاوب فسكتت عنه ، ضلينه نحجي وبعدين كلتله على سالفة سفري لانو اني حسافر لدهوك كلتله طبعا عاتبني ليش هسه يله كتله
بس بعدين تقبل المهم، سلمت عليه لأن هاي اخر مره اشوفه ورحت رجعت البيتي تعشيت ورحت نمت
لمار . بعدما صعدت الغرفتي جنت كولش تعبانه وماخذه خاطري على حازم معقوله متفق وي الولد اللي وكعني اني وكتبي .. لا لا شنو السالفة
بعد التفكير والتفكير نمت بدون ما احس على نفسي وكعدت على صريخ ماما
يتبع ....
ليش محد يقرأ قصتي ترى كولش حلوه بليز اقروهه و صوتو 😘