لمار . طبعا بعد ما ضربوني وموتوني رجعنه للبيت وكالعاده اني ميته بجي كام جعفر جرني من السياره نزلني وحطاني بالمخزن وخلاني اني واحزاني ودموعي وضليت ادعي الله ينتقم من كل واحد ظلمني
حازم . طبعا جعفر كالي انو راح يروح للدكتوره وياخذون لمار يفحصونهه واني استفسرت منه وكلتله احسن دكتوره هيه دكتوره رونق دوم تحليلاتهه مضبوطه .. هه وخليته يروحلهه بس طبعا اني رحتلهه قبله
وهذا اللي صار
رونق . اهلا اهلا بحازم شلونك عيوني
حازم بمكر . هلا بيج .. عيني اريد منج شغله
رونق . تفضل (طبعا رونق دكتوره بس كولش كلبه)
حازم . بأجر راح تجيج بنيه اسمهه لمار وراح يفحصونهه عندج اذا جانت بنيه او لا وانتي لام تكولين انو هيه مو بنيه اوكي ؟
رونق . هه سهله حب .. وشنو المقابل
حازم . هههه تعاي ... جريتهه ووووووووووو.
&&&&&&&&&&&&&&&&&&&
يزن . كعدت الصبح على صوت امي وهيه تكول
ام يزن . يزوني يمه يله كوم لم غراضك حتى نروح لدهوك ولك يله السياره راح تجي وانت نايم
يزن . ها يالصاكه شلونج ههه يله كمت كمت ... كمت سبحت وسرحت شعري ورفعته كيكي على كولة البنات ههههه 😂 لبست قميص بني و بنطرون ابيض ولميت غراضي وطلعت
نزلت لكيتهم مجتمعين
رفل. يله شقضيه وين صرت
نور . تعال شيل جنطتي تدواااا
يزن . اي حارس الخلفوجن اني .. يله كل وحده تشيل جنطتهه يللله
ام يزن . هههههه ...
يزن . اجت السياره وصعدنه ومشينه واني اباوع على أراضي محافظتي العزيزه شكد راح اشتاقلهه يربي بس لازم نسافر لانو شفت أبويه بالحلم يكلي لازم تسافرون اكو شي راح يصيرلكم اذا بقيتو سافرو لدهوك
فلازم نروح لبيت عمي بدهوك
&&&&&&&&&&&&&&&&&&&&&
لمار . باليوم الثاني كعدت على صوت أبويه يكل لاخويه انو راح يكتلوني ويغسلون العار اني خفت ففكرت انو اشرد لانو مااريد انظلم وفعلا
لأول مرا اتجرأ وافكر بهيج شي .. اكو بالمخزن كراتين وفوك اكو شباك عالي .. لازم اليوم بالليل انهزم
صار الليل صعدت فوك الكراتين وطفرت من الشباك وصرت ورا البيت .. ما اعرف شسوي وين اروح وين انطي وجهي
بس ضليت اركض والجو بارد درجة الحراره 5% ضليت اركض بسرعه وابجي وأتذكر اهلي وبعدت عن البيت كولش منا لمن تعبت وجعت لكيت مثل الكرفان بالشارع كلت
خليني ادخل بيه على ما ارتاح شويه دخلت محد بيه بس بيه كراتين .. رحت انمطلت بالكاع فجاه سمعت حركه
كمت لبدت بواحد من الكراتين همزين كفاني ودخلت بيه
لكيت بالكارتون كيك ضليت اكل بالكيك واني بالكارتون شويه حمدت ربي .. ونعست وغفيت
يتبع ...
اكول وين التفاعل شقصه اهه 😭😭
بليز تفاعلو حتى استمر
بااااااااااااي 😘
أنت تقرأ
اظهرت لي برائتي
Romanceالقصه تتحدث عن فتاة يحاولون اهلها قتلها بسبب غسل العار الكاذب نتيجة مؤامره ابن عمها حيث قال لأهلها انها في علاقه مع شاب فتنهزم من اهلها لتنقذ نفسها منهم فتتعرف على ذلك الشاب الذي سيكون منقذها وظاهر برائتها والأهم من ذلك سيكون حبيبها 💗 الحب يصنع الم...
