شجون العاشقين

الحلقه الخامس وعشرون

شجون العاشقين
🌷بقلمي يارا الياسري
مساء الحب والفرح و الورد
شلونكم شخباركم
وربي يشهد مشتاقتلكم مووت .
ادري اتاخرت عليكم بس اتعودوا
عل اوقاتي لغير منتضمه .
.وبالنسبه لتقارن

اشكر من كل كلبي كيكاتي ومتابعاتي الحبابات
لسالوا خاص وعام ومنصه وبوساتي الكم

ًــــــــــــــــــــــــــــــــــــــــــــــــــــــــــــــــــــــــــــــــ
هن زدت بجي ودموعي انفتحنه نهر جاري ..
رفع وجهي بيده .

شجون اني احبج وذني يغارنه منج لو اريد هبه ماعفتها اسف يا روحي لان جنت جاف وياج بس تعبان شجوون تعبان ومهدود حيلي شفت ويل ومصايب يشيب الراس الهه عقل ماضل بيه تعبان وراحتي يمج وبحضنج من فتحت عيني بالمستشفى وعرفت عايش ومابيه شي اول صورة ابالي اجيتي ومشتاااكلج شكد مابهالكلمه وصف للشوك ماتكفيني انتي نعمه لمرزوق بيها اني احبج ووربج احبج وبس يمج ارتاح ....لاتصيرين ويه الضروف عليه ..

شجون بفرحه وابتسامه طفوليه مسحت دموعي لتعودنه ينزلنه وبكلمتين من كررم يرروحنه كرم يمي طفل صغير عنيد وعصبي يغضب بساع ويدلل وبنفس الوكت ساعات اب حنون ادلع وادلل علي ويصبر ويتحملني ..حضنته وبحضنتي ترسته من عطرري وحرارته انفاسي وابوس بي بوسات عشك فرغت بيهن كله ايام العجاف والاشتياق هووشبكني بقوه وكال ..

وروح امي فطيره احبج واجب هالطفوله والقلب الصافي مثل الذهب اووف والج ليش تتحارشين مو زلمه مكسور ضلعي مااتحملج ..

لان احبك ومشتاكتلك وضلعك ماانوجعه بس،احضني بين ايديك وخلي انفاسك تعطرني ...

اخخخخ منج ..مذوبه كلبي و روحي وحتى ثكلي ورزنتي ..

شجون ..ذبت بين احضانه واطبعت بوساتي بركبته وهو بادلني بطريقه رومانسيه وبلهفه وحرورة مو طبيعيه وحط شفته  على شفتي واحتل هضابها وهو يمتصها بقووه وبتشهي وواهس عاشك مشتاك .وبدت ايديه تتتسلل لمناطق الاثاره عندي وطبع قبللات الملكيه على كله جسدي وغرز انامل ايده بشعري وهو ديذوبني بانفاسه ونيمني وصار هو المسيطر عليه وتحت سيطرته كلي باحساسي ومشاعري وجسدب همسلي  الباب مقفول..

وسالني الباب مقفول

جاوبتة واني ذايبة ايي  وبدء يجردني من ملابسي
ويرمي قطعه تلو لقبلها  وبعد فترة  واحنه متجردين وواحد دايخ بالثلني انفتحت الباب جانت هبه دخلت كبل وفتحت عيونها بدون مستحه وكرم  نايم فوكي  صااااح بااااعلى صوته  طلعي برة واني تمنيت الكاع تنشك و تبلعني على الموقف المزفت ودموعي تللنه بعيوني .كام كرم  وعيونة تجدح بنت الكلبه  ساق. ك...تكلي  الباب مفقول

قبل لا اجاوبه سحلني من شعري وكفني وضربني راجدي  غير فره سبع فرات اريد اندل دربي ماكو  ودفعني  بقساوه وقووه صارت وكعتي على حافه الجربايه انضرربت ايدي بيها  وشاغت روحي من المها سجينه وضربتني  عافني ودخل يسبح طلع بعدني بالكاع  ولازمه ايدي تون وتصمطني ..

..كال ك..بعدج مصلخة عار  سحلني من شعري سحل  للحمام  واني دخت وحسيت الكاع دتفتر بيه وعليه اووف ياحضي المزفت الله لايوفق لجان السبل سبحت بلموت ايدي ذبحتني  ومي عليها يوكع بودي اصرخ املخ روحي من وجعها ورمت عليه ودموعي تصب صب ..

طلعت كوة لبست ملابسي بيده وحده معانات والله وابجي واشهك والنفس رايح كعدت ازولة مااكدر اشيلهه تبجي وتفرفرحت واني مااكدر اسوي شي شكد صعب هيج موقف  دنكت بالكوه بيده وحده حطيتها جوه راسها وانطيتها صدري ترضع وتبجي
ربي منومها كرم على الجربايه .وبس رضعت رجعت غفت واني يمها اون وابجي واشكي حالي لرب العباد من للعصر نزلت ركض وادور  ساري شفت كاعد ديشرب جاي بالمطبخ .رحتله ساري حباب  خابر خالة امنه  اريد احجي وياها  ..

ساري تتدللين هاج هذا رقمها  بس اتصلي ..

شجون .ودموعي نزلنه لاارديا خالة فدوة تعالي محتاجتج كولش فدوه اروحلج .

امنه .ساعة واني يمج بس خلي تشوف واحد من ولد خوالج يجيبني ولدي ملتحقين  صبر مسافه طريق يمج ..وسدت الخط

صعدت لغرفة وظليت انتظر  خالتي ورة شوية دكت باب الغرفة سلمت عليه واني انفجرت بالبجي

امنه . شبيج يمه موتتي روحج يجي بتج بيها شي كواكب محاجيتج ..

شجون  كرم  ضربني وايدي مااكدر احركها احسها تريد تنشلع من الوجع ومورمه موتتني والله تكرص بقلبي ..

امنه  يامعزايه اخاف مكسورة ولج شسويتي بنات سميه ماتكعدنه راحة..من جبيرتجن لاصغرجن عود الفقيره شسويتي المسكين وحمقتي هيج زلمه تعبان راجع من ضيم وضلايم واسر و جهنم حمره وانتي اجفصين براسه اكيد يذب حركته بيج ..

شجون ..والله ماسويت شي خاله تدرين بيه احجي اشكي صوتي ملينسمع اسالي ساري طردني وسكتت سمعت بسامير كواكب وسكتت ومتحمله خاطر عيونه وعيون بتي احبه ومااريد اخسره بس، شسوي لمايخافنه الله وعينهن على بيتي ورجلي شبيدي خاله هاي البرعه هبه  فتحت الباب واحنه جنه بوضع
يفشل  وبدون ملابس وهو تخبل زين ماموتني والله عيونه طفرنه ليغاد كلت النسر هجم عليه راح يخنكني ياخاله حتى بتي تفرفحت كدامي وماكدرت اسكتها الله ينطي اسيل صعدتلي .

امنه   دهر صابها انشاءاللة  هي وامها وخالاتها اك..استغفر الله يطلعنه الواحد من طوره شهالبراعه شهالصلافه عزا لعزاها وعزه امها على هيج تربيه وطيحان حظ مالهن زلمه يردنهه يردعهن فلك فلكها شيريحها مفلفه ماترتاح هبه اذ ما ..استغفر الله واتوب اليهه ورجلج وين . ..

شجون ماادري والله  فدوة خالة اخذيني  لمستشفى راح اموت من الوجع والله احسها تريد تنفجر من كد ماتوجعني ذبحتني ..

امنه .ولج حظج وين نايم بيه مزبله بيه طين اسود بيه مصيبه ااوف كضيتي عمرج ملطشة  شابعه اهانه من سميه واجيتي هنا كامت كواكب وبت اختها عليج الله اكبر وليه جلبات عليج ماارتاحيتي كله مافتحها ربج نسدت ربي الك حكمه بيها دكومي  لبسي عبايتج بين مااخابر ساري ..

شجون ..خالتي لبستني عبايتي وشالي ةلبست بيد وحده جورايبي ..وخابرت ساري ..

امنه. تعال يمة اريدك بشغلة اصعدلي لغرفه اخوك

  ورة شوية صعد ساري ودك الباب فتحت خالتي ودخل ..

ساري خير سلامات ام ازوله  ..

امنه . سلامتيج ورة العقارب السود اكو سلامه ..

ساري ..خاله منو وياهه احجيلي حلكها اشكها لمحاجيتها كواكب الحقيرره لو هبه  ...

امنه .هسه مو وكتها يمه مرت ابوك واختها يدورنه مشاكل وناس واخيك بعد تعبان ..

ساري .تولي تاكل خره ماناقصنه غير،طواكب تشيخ براسنه ولخلقج اسحلها رايدها منها للله اطلع ضيم سنين بيها ..

امنه . يمه منك ومن كلبك الحقود شلون بيك وبعدين البنيه ماتت من الوجع دك على كرم واخذ اذنه  راح ناخذ مراتة لدكتور ايدها يمكن مكسورة ..

ساري  ماكال باطل خابر ورة شوية .تشوف كرم رجع  شنو هذا اباب الشارع زعل ورجع بس داير وجهه عني ..

وحجى بحقنه والدم بوجهه مبين ساري اخذها وهاي  فلوس و ايه شي تحتاج لاتقصر ..

ساري .خاب تحجي صدوك دضمهن ضمهن فلوس بينتنه ازعل وروح امي مااخذ ربع منهن .

شجون خله واخذنه ساري  لدكتور محمد قاسم .اخذلي اشعه الدكتور وشافهه .

كال لازم اصبها مفطور العظم ويردلهه ماتحركها ..وعينكم عليها ..وهذا مهدى وجع ..

_وخالتي خطية حايرة باازولة طلبت من خالتي تاخذني يمها لن مااكدر على ازولة  ولحيت عليها اقلها تعاونني .فحجت لساري. .

امنه ..يمه ساري خلي اخذها عندي اتصل باخوك وعيني عليها وعلى بتها .

ساري..بس خاله تدرين بخواتها شلونه يحبنها ولسانتهن عسل حيايه بنات سميه بس،هالصغيره فراشه وياريت فراشه بيها حظ فراشه مهلسين جناحاتها ..

امنه.  هههه نعله على يومك تموت على القصف دعوفك منها مهلسه وخابصنه الضابط عليها . دك علي واخذ شوره ..

ساري ..ابشرج يالصفيره طار الرصيد بفضل هبه وفضلج الك الله ساري المسكين هبه تسوي طركاعه والصفيره يكسرون اضلوعها وساري يخلص رصيده ..

امنه ههههههههههههه..

شجون.خابر كرم وانطاه لخالتي واني حيل متعصبه وضايجه احس شي كابت على انفاسي ...

امنه..الو يمه كرم مرتك ايدها صبوها وبتك يردلها معاينه راح  اخذها يمي وعيني عليها ..

كرم..لا خاله مشكورة ماتقصرين زاحمنج ويانه افضل الهه ترجع لبيتها خلي ساري يرجعها ..مع السلامه ..

امنه..الو فلت الاسمر .مايرضى رجلج اويلي والف ويل على حظج ..مايكعد ..

ساري .غير. شريفه لو ك..جان كعد حظها كعده معدله . ههههه..

امنه ..هههههه خوش الفاظ ..

ساري .شعدج خاله ماسامعتهن شو ولدج اثنينهم الفاظهم تحفه تحفه اكول الصفيره ابتسمي بالجذب مبوزه دحمدي ربج سوه فطر بيدج مو زين مافطر راسج خهههه كلتج يابه تعبان تعبان غير داعش حامسه حمس والله تخيلت كرم يرجع ويه وحده على ابو داعش جبرني اتزوج زواج النكاح واطير جبهتهج ..

شجون..شحده اروح واعوفله البيت ..

ساري..هههه على كولت طارق تعوفين الغرفه قصدج وتنزلين المطبخ ههههه..

امنه..يا وبيت خالتها سالم  اخذها عدي واخلي اخوك يتحسف علمودها بس شنو عاذرته تعبان وماله خلك وهي جافصه جفصه جبيره ..

ساري .اكول شرايجن اكعدجن بمطعم وتاكلنه وتشربنه احسن ماترجعنه لخلقته كواكب تسد النفس .

امنه ..لا اني اكول جيب لفات بالسياره ناكلها هي حالتنه مال مطعم ..

ساري..غير مطلعجن من دار العجزه هههه

امنه ..هههه .

شجون..ماايد اني .

ساري يو زعلت البرنسيسه  اكلي بضرسج افيدنه نفسج الزعل والتغنتب مايفيدج ولاتخافين ماافتن اكلهم عود من الزعل مااكلت ههههه.

امنه .دجيبلهه ام حلك بارد ماتاكل جيب وتاكلها غصب عنها ..

ساري..اكول خاله احاف ادوسينها. انتي عنها هههه .

امنه..صخونه هههه ..

ساري.شتحبون لفاتيج ..

امنه جيب كص الي والهه ولبن وياك .

ساري صار تتدللون ...

شجون ..بالكوه جبرتني خاله واكلت وكملنه ورجعنه ساري للبيت وبتي نامت على حضن خالتي كلمه نقترب اكثر من منطقتنه يزيد الخووف بداخلي والغمته ..وصلنه الباب مفتوح اكو خطار مبين من سيارات لباب معارفهم هواي ومعارف كرم اكيد يكون يسلمون علي اندار ساري علينه وكال ..

...غطنه وجوهجن عدل وفوتنه بسرعه .

شجون .دخلنه بسرعه واولى مافتنه للصاله جووه لكيت كواكب كاعده ويمها هبه وكيل كواكب نبت ..

بنبره شماته وحقد ونضرات هبه لتوزع شر وغيره شبيها ايدج منو كسرها الج ..

شجون .ماخليتها واطيه الهن وماانطيت بكرم حتى مايشبعنه شماته بيه بنبره انتصار رديت عليهن  زلكت بالحمام واني اسبح ..

واباوع هبه تريد،تموت تخبلت ..وخليت وصعدت وحماتي حنان اخذت ازوله من ايد خالتي لان خالتي مستعجله ترجع للبيت الولد ملتحقين وبس خواتي وحدهن فماتكدر تعوفهن ..سلمت وراحت بقيت بابغرفه اباوع بعدها بهوستها وايد وحده خلت حنان حطت ازوله على الجربايه ولملمت وهي تحجي تحاول تجر حجي مني على لصار جنت متوقعه هبه هانم ماتضم شي ..

حنان .اكولج شو كرم نزل معصب وهبه اجت الوجه الوان شنو صاير ..

شجون ماسكتت كلتلها بت خالتج من ادبها مادكت الباب ودخلت على رجال ومرته بوضع  خاص شتتوقع مثلا غرفتها هي هسه اني اميه ومااعرف شي بس اعرف احترام ماادخل جفت ..

حنان. ايي صح ما يصير صعبه بس هي بعد تصرفاتها متهورة زين وكرم شسوه ماسوه معقوله سكت ..

شجون..ايي سكت بس ايجوز يحاسبها بعدين  ليش سامعه شي انتي ..ماانطيتهن مجال. .

حنان. لا بس اعرف كرم هيه يرعب اخوي وعصبي بسرعه يحمه وينفجر هو ماحجى نزل بس خزر هبه وكله لامي بعدين اتفاهم وياجن بس بخزر وكع كلوبنه برجلينه لحد ماحجت هبه افتهمنه وعلي خايفه خوفه كولش كرم تعرفي محد يوكف بوجهه وانوب يسوي شي لهبه ..

شجون .شيسويلها مثلا اذ هي مامحترمه نفسها تستاهل ليجيها  .ليش تصرفات بنيه هاي ..لو تذب كلام عليه لو تراقبنه اني وزوجي ..حرام والله حرام  عليها اني بيا حال وهي نافستني حنان فدوه حاجيهه فهميها..

حنان اووف كسرتي خاطري والله شسوينه هي يجوها خطابه والحماره بعدها متامله كرم يعوفج ويرجعلها مظتقتنع ان يحبج ورايدج وعافهه لان مايىيدها والمصيبه السوده اني مكبره راسها والج الحجي بينتنه حتى ولد عمي البقيه عرفوا عشكها لكرم بجنون وبنفسها غير طويرق مايكعد راحه هذاك اليوم عمتي  محاجيه بابا وكايلته كون بت اخوك هبه تقبل بابني بس فهناك الولد رافض وكايلهم لعرفته بعدها تحب كرم و نفسها بي ومغروره ..حتى طويرق مزقها بالحجي يمنه عندج بطن وضحكي ..اجنه ميت وكال سمعت عمتي تحاجي ابويه .

ما تدري بهبه بخيالها حبت وعشكت وتزوجت كرم وحبلت وجابته منه يامكرود يابن عمتي شريفه يرفكوسها براسه بس والله ذيب طلع مارضى بيها  .

دستلمي بعد منو من ولد العائله ياخذوها واني مامقصره تحش براسها اخذي اخذي،حتى ساري تعارك ويه ماما قبل لايختفي كرم بس جيبي ليفتهم ويعقلهن وانتي لاتضوجين وتنقهرين كلنه ندري كرم يموت بيج على كولته طويرق،يكول ..

الصفره مبخته هههه مدرايها مثل مي بالصينيه..

..شجون ..مااضوج بس هي عود مصدكه كرم يعوفني ويرجعلها لو شنو يعني تتامل ..

حنان ..لا بالاول توقعت يطلكج شون قبل جان يتزوج متعه ويطلكهن بس موةهنا ابيته لوحده بعدين من شافته جابج لهنا وحبلتي صار براسها موال ثاني هو يشفق عليج بس يمل منج يتزوجها ..

شجون .يا عزا هاي مخيلتها وين واصله والله صح كلام طارق متزوجه وحبلانه من كرم بخيالها ..

حنان ههههه والله يجيبها بنص الجبهه طارق .
يووو لو اني بمكان هبه وهالجمال والطول مااربط بمصيري بشخص عافني هو صارله سنين من فصخ خطوبته منها لو يريدها من صدوك تزوجها  بس هي مخ مافي مخ ..ويجوها ناس من احسنهم وشباب ما عليهم زود والله بابا يكول بنات اخوي متعافيات ..

شجون. ما ادري والله ..اهم شي عندي كرم رجع وتكحلت عيني بي ..كلشي ولا يصيرله شي،اموت بكاعي اني اذ عايشه واجب نفس لان هو بعمري وحياتي ..

حنان الله يحفظه الج والنه ولبته فديت بت اخوي كله ماتكبر تحلوه هالصغنونه ..تدرين شعرها يشبهه شعر تقى لو اني تتخيل ...

شجون..اعوذ بالله ..استغفر الله يا ربي ..

حنان..هههه لا هم اشقر ..

شجون لا لا نوراس شعرها اشكر وابوي الله يرحمه وعيونها ابوها وعمها طارق عيونهم ملونه. ...

حنان صح كلامج يله تنوميها ماترضى الاحضنج ..

شجون ايي،انومها وارتاح شويه..

حنان.لعد انزل اني جوه ...واذ ردتي شي،سوي رنه لجهازي لجهاز طارق مكابلني ..

شجون ..ماشي . ورة نص ساعه نومته ازوله بحضني وخليتها على الجربايه مالتي ومااحس الا كرم دخل. للغرفه درت وجهي وكلبت وجهي هو شال ازل حطها بكاروكها واجه كعد يمي على الجربايه ون سابق انذار جر راسي  باسه ..واتاففف ..

كرم. اني اسف والله ماكدرت اتحكم باعصابي   حياتي والله مو قصدي بزونتي يا عمري انتي ساعه عصبيه وماتحملا الموقف محرج  وسالتج حتى اتاكد كلتي مقفول ليش هيج خليتنه بهالموقف ..

شجون . انت كسرت ايدي علمود وحده هي مااستحت ودخلت علينه هي ما تعرف رجال ومرته بغرفتهم كرم كله مرة تضربني وتكلي احبج ..

يعمري ليش هيج صاير كلبج قاسي عليه والله وروح امي وبتي لماعدي اغلى منها ومنج احبج ومو بس حب زوج لا حب وخوف وحنان   واعشقج بجنون
بزونتي بعد روحي و عمري كله فدوه الج يروح والج بس يمج اتغير،واتحول من قاسي وصلب  الى طير،يرف يمج ويشبع بمحبتج وحنانج ..

..شجون ...

يتبع
لقلوبكم السعاده
اممم بنات صوتوا رجاء اذ وصل التصويت الف اليوم
انشرلكم تصبيره بعدين ❤❤💗💗