[١٨/١ ٩:١٨ م] تويته: سيروان
من ثاني يوم جهزنة كلشي وامي خبرتم انو عكبة نغوحلم لانو البنات يغيدون يغرون لبغداد ماعغف مقغغات (مقررات) يجهزن للحفلة من هناك
طبعا اني ضجت لا غدت نغوح ونوصل باسغع وقت
بس ماكسرت بخاطغهن لان ابقة اخوهن الويحيد
طلعنة ثاني يوم من الفجغ
غحنة اني والبنات بسياغتي وابوي وامي بسياغتة خليهم الشباب وحيدهم
طبعا اول ماصعدنة بالسياغة وبدة الطغب والغدح الزين
خلصنة الطغيك كلو نغكص ( نركص ) ونغني اني والبنات وماخذين غاحتنة لان الوالد والوالدة الله يحفظهم مو يمنة ههههه
وصلنة الصبح على وقت لبغداد احنة عدنة بيت هينا غحنة علي اغتاحينة شوي وطلعنة اني والبنات خلينة ابوي وامي نايمين تعبانين
طلعنة فتغينة تونسنة وبعدين اخذتهم على مطعم حتة نتغدة اتصلت ع الوالد قلتلو يجي
اجة هو وامي
اكلنا وتونسنة بهذا اليوم والاهم من هذا كنة كثيغ فغخاانين صحيح نسين اقلكم انو اتصلت على ادووش وقلتلا انو فستان عشقي علية وقلتلا ماتلبس بدلة
بس بعدين من غحنة محل فساتين علمود البنات وسوالفهم بعد
لفتت انتباهي بددلة رئسا تخليتا عليها
اووف يابة سحبت نبأ الي
.. نبأ نبأ بربج مو هاي البدلة تطلع تجنن على عشقي
.. اي والله كتيغ حيلوة اخذو الها احسن من الفستان ولونها حلو بلون بشرتها تطلع اوييييل
.. اووف نبأ اسكتي دخيللج هو اني مشعول وانتي تجين تزيدين ناغي
حجيت بكلبي
ورحت عاملت علي وحاسبتو واخذتها هي ومستلزماتها وخلي البنات يختارن الاغراض الباقية لان مااعرف اني بهاي الشغلاة
اشتريتها البدلة
لان حبيت تبقة ذكرى لبداية علاقتنة وعشقنة اني وعشقي
بعدين البنات من خلصو رادو ياخذون شي لعشقي كتلهم اخذو فستان مادام اني مااخذتلها
اتصلت بيها ننو واني لزكت اذني بالفون 😂😂😂
يربي اعشق صوتها شسوي
خلصنة كلشي بس اشنو تعبنة تعب مو طبيعي
كتلهم ادري ماتعبتو غاح امووت وانتو تردون بعد تفتغون
ادغي مو وغاكم تعب وغكص وانتو ماشاء الله بس تغدت تغبكة
ليليان .. اي والله اني هم تعيبت كثيغ اغيد بس مكان احط راسي واناااام
نبأ.. اوك يلا واني وياكم بس ها من هسة اقوللكم اني لااسوي عشة ولابطيخ اغجع اناام
سيروان .. ماشي من نغجع امر اجيب عشة
ها يابة تغجعون لو تبقة وي الحب
ام سيروان .. انجب يوول استحي شوي
ابو سيروان .. قابل جذب الولد صدك وي الحب روح ابني اخذ خواتك وارجعو اني راح اخذ حبيبي ونتونس شوي
سيروان والبنات .. اووك يلا باي يعصافيغ
ابو سيروان .. الله وياكم دير بالك على خواتك يول
سيروان .. اي يابة ذني غوحي شلون ماديغ بالي عليهن وبعدين احنة وين غايحين هو للبيت وانتو شوي وتجون
ابو سيروان .. ميخالف حبيبي
يلا في امان الله
غجعنة للبيت تعشينة ونمنة مادغينة بالدنيا ثاني يوم طلعنة للناصرية غاايح اشوف عششقي غويحتي
اووف متحمس اشوفها
وصلنة بيت وهاج للعصر وصلت امي والبنات لبيت عشقي
ووصيتهم يجيبوها علمود نشتغي الذهب
وغة ساعة تقريبا طلعو وطلعت وغاهم حياتي
طالعة عبالك ملاك بالوردي
يربي هو كل واحد يلبس هذا اللون يطلع حلو
ماكدغ انزل عيوني ضليت مركز عليها صعدت وسلمت بس اشنو بس حركت شفافها خجلانة هههههه فديت الخجوول اني امووت عليييها
طلعنة وهي منزلة عيونها مارفعتهن والبنات يسولفن وياها وهارجات الدنيا وهي بس تبتسم
وتاخذ غوحي
اتصلت على وهاج علمود يلحكنة للصايغ نعرفو صديقنة اتعغفت علي من خلال وهاج
... الوو ... اي تعال على ... غايحين علود نختار الذهب وجيب وياك ام حمودي
رفعت عيني اباوعلها صارت وي رفعت راسها والتقت عيونة اوويل قلبي شحلاو صار
واخيرا اغشعت النظرة الي من التقيت بيها لحد الان واني احلم بيها نظرة اشتياق فرحة وخجل ممزوجة بنظرة غريبة ماكدرت افسرها
شي عجيب
قطعني تركيزنة صوت الغثة هذا
نترت بي
... ولك هيي وين رحت ... شتغغغيد متقولي
.. سلامتك الظاهر اكو واحد وياك خلاك حتة ماتعرف وين انت انتبه للطريق عيني لتسوي حادث خلي يمر العقد على خير
.. ديلا ماشي غوح مني هسة خليني اتهنة النوب حتة بالنظرات ماتخلوني اتهنة
ركزت عليها شفت وجها صار دمم هههههههه قبانو لليخجل
طكيتها بضحكة قوية وحاجيت ليليان بس قاصدها
... لجج لولو قبااانو اني للخجل ارروووح فددووة
البنات . هههههههههه
ام سيروان .. لك سيروان اكعد عاقل عيب خجلت البت شوف شصار بيها
سيروان .. ههههههههه
عشق .. يمة احس راح اموت من الخجل مايعرف يكعد الا يخجلني انوب كدام وهاج خررب وينج مااما ليش خليتيني وحدي شيوصلنة واروح يم وديان
وصلنة بس شو لاوديان ولا وهاج
سألت نبأ .. اكول نبأ شو وديان ماكو بس لا متجي
نبأ .. لاحبيبتي هسة نلكاهم بالمحل قبلنة واصلين
مشينة علمود نروح للمحل لان سيروان صف السيارة شوية بعيد
مشينة واني لازكة بالبنات وصايرة بالنص لان ادري بااخوهم مو راحة
شو شوية وشفت نبأ طفرت يم امها
وليليان رادت تروح لزمتها وين عفية امشي وياي
.. هااا مو اريد اقول شغلة نسيتها
اوك اوك اني مو مليحة بالكذب بس مو بيدي اني عبد مأمور باي ههههههه
راحت وحسيت احد لزم ايدي
التفت شفتة يمشي بصفي شد ايدي حيل بايدو ويتلفت عبالك يكل للكل انو هاي تخصني الي مالتي مو لاحد
عيوني وحدة انتقلت الو وكمت اتأمل ملامحو لاارادي وجسمي كلة يرجف حسين بايدو عركت وهو يشد بايدي ازيد دار وجهو الي والتقت عيونو وي عيوني غبنة عن كل العالم بس بعالمنة
اني مركزة بعيونو البؤبؤ الرصاصي والبياض الداير مدايرة ورموشو الطوال وهو صافن بعيوني كلشي محجينة العيون بس هي الحجت
قاطعنة صفنتنة اختو وهي تسحب سيروان على كيف
ليليان .. يولو مو وقت صفناتكم احنة بالعوجي ( الشارع )
ارتبكنة اثنينة واني نصيت راسي خجلانة بس بعديت سألت
.. ااا شنو عوجي
سيروان .. ههههههه حبيبي هاي كلمة مصلاوية معناتها الشارع او الفرع يولو بنات احجن وي حبيبتي عادي مو مصلاوي لاتعذبنها وتخلنها ماتفهم عليجن
البنات .. ههه ماشي ماشي تأمر بس يرادلنة كعدو وياها نعلمها كل لهجتنة هههه
عشق .. اي عفية والله من تحجون مرات كلشي ماافهم لان تحجون سريع
سيروان .. حبيبي اني يمج وماتفهمين شي تؤ مع الاسف ولايهمج اني اعلمج وعمزلي
يمة احس من الخجل العرك كام ينزل ووجهي اشتعل نار
همة ضحكو واني خليت ورحت لخالة بس هو سحبني مخلاني ولزكني يمو
سكتت ماحجيت بس منصية راسي بعد مارفعتو دخلنة للمحل لكينة ودوش ووهاج كاعدين على تخم يصير على جهة
رحنة كعدنة يمهم كعدت يم ادوش
وسيروان يسلم على ابو المحل يمكن يعرفو لان سلامو كان حار
شوية وصاحني سيروان علمود نختار الذهب
اني جلبت بوديان
عفية كومي وياي
.. كومي وانجبي قابل اني وين رايحة هو يمج
.. لا عفية حبابة تعاي وياي
.. يلا امري لالله بس بشرط ترحين يم سيروان تختارين واني راح اوكف يم وهاج
.. اووف ميخالف بس كومي
رحت يمو وهو كال لابو المحل ينزللنة التصاميم الجديدة
نزل ابو المحل تصاميم كلش حلوة احتاريت شااختار
سيروان .. ها حياتي م شنو العجبج
.. ماعرف كلهن حلوات
.. زين تشترين مفرد لو تخم احسن
.. كيفك
.. اوك
اختارلي كم نوع تخم وكلي شوفي منو يعجبج من ذولي ااخذي
اباوعلهن كلهن حلوات احتاريت بس اخذت واحد ناعم لان اني بالاصل مااحب الكبار والهوسة احب البسيط والناعم
هو ماحجة بس اختارلي كف كلش حلو ونازك
واخت محابس اثنين وتراجي كل ماكلو كافي يرجع يختارلي شي بقن بس الحلقات هو كال اني موصي عليهن
كلة لابو المحل عليهن طلعهن النة
كلللش حلوات موديل تركي حلقتي مرصعة بالماس ناعم ومحفور عليها حرف s وحلقتة محفرة بحرفي كملنة كلشي طلعنة وهو كال هسة اجي راح واني عيني ورا دخل للمحل مادري شنو كال لابو المحل وانطا علاكة صغيرة رجعنة والبنات رجعو وي وهاج
واني وام سيروان ويا
رجعنة للبيت
وماصار شي مهم غير لكيت بيت خالة هناء جايين
بس بليل فاجئوني من جابولي البدلة شكد حلوة جانت وكلولي شلون اشتراها وغير رأيو جانت كاملة هي وتاج والحذاء والاكليل يعني مجهز لبسي كلو
ثاني يوم كعدت الصبح على صوت امي وريفال كعدت سبحت وطلعت اكلت لكمة سريعة واجت وديان وخالة هناء علمود ياخذني للصالون بدلت وكملت وبالي يم ريفال ماادري شبيها اليوم ابد مو على بعضها
اخذنة وهاج واول مادخلت
استلمتي ام الصالون شعري ماحتاجيت اصبغو لان هو لونة حلو على بشرتي
بس عدلت كصتة كصة
والمكياج ردتة شي نازك
ام الصالون كلتلي سلميني نفسج ومعليج بعد
غمت عيوني وبعد مادريت بيها شلخبطت بوجهي بس من حفتني متتتتت ضليت اكمز
وشعري سوتة مثل هذا بس مكان الورد الاحمر خلتلي مثل الطوك من الورد ناعم لون ابيض كلش حلو لمن كملت وكمت
الكل كام يصلي ع النبي والنسوان صافنات علينة اني ووديان لان وديان هم طالعة تجنن والفستان مقسم على جسمها وامي هناء مخلت اية مقرتها عن الحسد هههه
شفت نفسي بالمراية صراحة نصدمت هاي منو هاي اني شوف عيوني
.. لج ودوش هاي عيوني لو مبدلاتها
... هههههه لا لج هاي انتي بس كليلي اليوم سيروان شيصير بي من يشوف هالجمال كلو يمكن يوكف كلبو
... اسم الله انجبي لتفاولين علي يومي كبل يومو
... اوييلي شوف الحب
بعدين اجة علينة بابا احمد اخذنة طالع يخبل بدشداشتو والعكال ومزين محدد لحيتو
الطريق كلو يتوسل يريد يشوف وجهي ووديان ماتقبل تكلو اول واحد يشوفة سيروان ولاواحد منكم يشوفها
... يولو بنيتي واريد اشوفها عشقي حبيبي ارفعي هذا الجادر عن وجهج بس اشوفج معليج بهاي صارت علينة مرة وتتشرط مادام السيارة مضللة
ههههه ردت ارفعو ووديان لزمت ايدي
... انجبي لج خلي اول نضرة الو
صف السيارة بابا احمد ودار وخر ايد وديان ورفع الكبوس شوية
.. شو دوخري انتي معليج
رفعت الكبوس واشوف بنيتي ملاك ومنزلي اختنكت بدمعتي عشقي هاي دلولتي صارت مرة وراح ياخذوها يعني بعد حتة مااكدر اشوفها براحتي راح تصير على ذمت رجال ثاني مسؤل عنها نولت الكبوس ودرت وجهي
وحركت السيارة بدون مااحجي لحد ماوصلنة للبيت
دخلت السيارة لطارمة علمود تنزل نزلت انزلها اني
نزلتها وبستها براسها
.. بنيتي عشوقتي الدلولة مبرووك حبيبتي اتمنالج احلى حياة واتمنى انو ماضلمتج بيوم بحياتي وسامحيني لو ردت ازعلج وادعي من الله يخليني اشوف بزرج يلا اموت
... اسم الله عليك يابة بعيد يومك انشاء الله ومستحيل بيوم من الايام تكون ضالمني ومسامحتك عن اي شي وانت ابوية حتة لو زعلتني لمصلحتي
.. باسني براسي وكال يلا بوية روحي لخواتج وامج جوة راح يجون الناس اروح استقبلهم
دخلت للبيت لكيت الكل موجود اهلي واقاربي واحبابي وصديقاتي
تلكتني امي وماما امل وريفال هلهلت امي وبوستني ودمعتها بعينها وماما امل نفسي الشي
ورحت لريفال هاي ماصدكت شبعتني تبوس هههههه
دخلت للصالة شفتهم مخلين الكوشة وومعدلين وزينة تخبل
كعدت بمكاني
والبنات شغلن ديجي وردح وديان وريفال لعبن لعب ههههه
انوب صاحو اجو اهل العريس وانتي كلبي مادري شصار بي
دخلو ام سيروان وام هيكل والبنات ونسوان هوايماعرفهن دخلن بالهلاهل والكولات وكل ناس تحجي شكل ناس مصلاوي ناس شروكي
اجت ام سيروان بوستني وهي تسلي على محمد
... يمة فدوة لهجمال اشنو طالعة حبيبتي تجنين الله يساعد ابني من يشوفج
واجن البنات بوسني وباركلي
ملتهفة اشوف سيروان وشكلة من يشوفني
ورة شوية اجتني امي امل كالت كومي علمود العقد جسمي كلو كام يرجف خايفة ومتوترة وكلبي يدك طبول شنو يعني بعد دقايق واصير مرة متزوجة وعلى ذمت رجال وراح يكون شخص مسؤل عني غير اهلي
كومتني ماما املكعدت يم الباب واجت امي جلت رجلية بطشت بي ماي ورد وخلت يايدي هيل وكالت صمي ايدج عليهن سويت مثل مكالت
وكام يحجي الشيخ وديان وامي وماما امل واكفات بصفني واني لشتي كلها ترجع معبالك هذا سيروان حبيبي الي راح اخذو وانتكب بااسمو ردد الشيخ اكثر من مرة
.. يابنتي هل تقبلين بسيروان... زوجا لك بمقدم ... ومؤخر.. فأن قبلتي فقولي نعم وانت وكيلي
رددها اكثر من مرة واني احس لساني انشل ماكدر انطق
لمن ندستني ماما امل وكالت احجي كلت
.... نعم وانت وكيلي
ماحس الة الهلاهل خبصت الامة والجكليت فشخ راسي
كومتني امي وباستني وباركتلي وكامو يباركولي دخل سيروان وشافاني بلبدله وراها
اخذتني ودوش ورحت لبست فستاني الذهبي مثل فستان ريفال
جاي ابدل وسمعت الهلاهل علت عرفت سيروان دخل عدل شكلي وديان ورتبتني شفت اخر نظرة بالمراية وطلعت اقدم رجل وارجع عشرة متوترة وخجلانة شلون راح يشوفني بالفستان هذا
طلعت وعلت الهلاهل ازيد اشوفة يدور بعيونة لمن استقرت علية وكف وفك حلكة وعيونة صافن علية لحد ماوصلت يمة هو على وكفتة اجت نبأ اختة سدت حلكة وشاورتة وضحكت هو ضحك وعيونة ماوخرهن مني فصلني تفصاال مخلة شي ماركز علي اخر شي استقرت عيونة على فتحت صدري وبلع ريك
كعدت وهو كعد يمي لزك روحة وخلة ايدة ورة ظهري مثل الحاضني
خلة حلكة يم اذني وهمس
.. ادري وين اصخم وجهي هسة شنو هذا الكيك اليمي حسي بية يول اريد اكل
يحححح فتحت عيوني على وسعهن ولكم اتمنة الكاع تنشك وتبلعني يمة هذا مايستحي
سيروان
...
اليوم العقد وفغحتي ماانطيها الاحد كعدوني الولد الصبح على هوستهم وهمة فوك راسي يدبجون
. ولكككم عوفووني اناااام وحطيت المخدة فوك راسي
... لككك كوم اليوم عقدك وانت نايم
هو كال هيج واني اتذكرت كمزت من الفراش ركض
وهمة خربو ضحك علية
وهاج .. يول لو ندري من زمان ذكرناك بالعقد حتة تكوم
.. انجب يولو اليوم محد يزعجني منكم يلا اغيد فزعتكم اليوم اني عغيس وين دبجكم
نائل.. اكول انريد اليوم اجازة من حجيك المصلاوي احجي مثلنة بداعة مدري منو
... ولا يهمك يلا ولكم وين الطبلة دفولي
كامة يدفون والشباب ملها بالغرفة
اتكابلنة ردح حتة هيكل خلتو يركص ويانة
بعدين سبحت وطلعنة تغكيت وكملنة الشغل والتهينة بالغدة لان اقاغبنة كلهم اجو من الصبح لان ماشاء الله متوزعين ع المحافظات
الزلم بيت عمي ابو وهاج
والنسوان بيت وهاج راحو
غدينة الناس وكملنة كلشي صعدت سبحت
وغحنة اني والولد للحلاق حلقت ورتب شعري ورجعنة بدلت لبست قاط نيلي وقميص رصاصي فاتح هيكل ووهاج لبسوني والولد كل ماسوي شي يسولي زفة
لبسني هيكل القميص واليلك
وشدلي الرباط
واجة وهاج جاب السترة لبسوني اثنينهم
ووهاج رشلي العطر ولبسني الساعة
حظنتهم وتشكرت منهم ذولي اخوتي الماجابتهم امي مستحيل اكدر اجازيهم
حضني هيكل وهو يباركلي ويوصيني وهذا الثور يركص اجة حضني وباركلي هم وفرحان مثل فرحتي وازيد لان اخذت الاحبها
نزلت والبيت نرج بالهلاهل التهي اسلم ويباركولي وبوست راس امي وايدها وابوي نفس الشي
بعدين صار الوقت وتجمعنة نروح لبيت حبيبتي
صعدنة النسوان وطمئنينة الكل صعد والزلم هم ركبنة سياراتنة ورحنة
وصلنة لشارعهم والسيارات سدت الشارع والهورنات خبصت الامة
نزلنة ورحنة دخلنة بيت اهل عشقي وتلكونة ابوها وعمامها واخوها
سلمنة عليهم وبست راس ابوها وسلمت على احمد الي حقدت علي من رفض بس يلا اهم شي عشقي
كعدنة وبعد سلام وكلام اجة الشيخ جابة هيكل بدة يعدلنة واني احس كلبي يريد يكوف من الفرحة بعد دقايق تصير مرتي
الي محد يتدخل بينة بعد ليمتة مااريد اشوفها محد يمنعني شأسوي محد يمنعني لو يوكف بوجهي عسما اخطفها
كام يردد الشيخ وسمعت صوتها من وافقت بعد هاي هي ماريد من الله شي احمد الله واشكرو على نعمتو من انعم علية وخلاها تصير مرتي
سألني الشيخ وانطيت الموافقة
وراها كمت اسلم ويباركولي
رحت يم هيكل
.. يول ليمتة ادخل جوة
.. اثكل ولك لاتستخف وتفشلنة كدام الوادم
... هيكل لااستخف ولا بطيخ اريد اروح اشوف عروستي
شوية وكمت صحت امي
.. يممة اشنو هاي اغيد افوت سوولي طريق
... ههه يا يمة شبيك غاح تموت هي حلالك وفوت ليمتة ماتغيد
.. عجل سويلي طريقي
راحت شوية ورجعت كالت يلا فوت يمة
دخلت وادور بعيوني عن عشقي متلهف ومشتاق اشوفها اريد اشوف شطالعة شفتها بلبدله الحمغا اوييييلي بس بساع كامت
رحت كعدت وسحبت امي
.. يممة وين راحت عشقي شنو خطفتوها
... هههه هسة تجي يمة هااها هاية اجت شوف
..ويي
ماكملت كلمتي ووكفت من الشفت الملاك الي دخل لابسة فستان قصير والردن مشككة ماادغي شبيها بس طالع الكيك والحلقوم والفستق والبقلاوة احتاريت اغشع شنو وشنو
الوجه الشعر الزنود الرجلين الخصر لوو الصدر الطالع نصو والبياض يشع وي لون الفستان ذهبي يلصف وجسمها يلصف
بعت ريك صافن وعيوني اكلتها اكل
اجت يمي اختي نبأ سدت حلكي وشاورتني
... اكعد فشلتنة هي غاح تكعدون وحدكم واغشق للصبح محد يكلك ليش هههههه
ضحكت وهزيت راسي اجت يمي والعطر يفوح بت الاوادم شعلتني شعل بهذا لبسها
والمصيبة العطر يسكر المايسكر
كعدت وكعدت يمها وخليت ايدي ورا ظهرها وايدي كامت تتحس بزندها لاارادي يربي ع النعومة والترافة كمت ابلع ريك وتوترت لقربها
دنيت عليها وشاورتها
وهي زيدت الطين بلة انو فتحت عيونها على وسعهن وشلون اضييع بعونها اني ودي اخذها واختفي عنهم كلهم بس اني وياها واضمها بحضني محد يشوفها
رجعت شاورتها وماهمني الكاعدين ينتبهون لا همي بالملاك الكاعد يمي وشوية واخليها بحضني كد ماكاعد قريب عليها
.. يصير ناكل حلقوم شوية ترة مااكدر اصبر زيادة ولثمت اذنها
هههههه احسها راح تبجي من الخجل
رجعت شاورتها
... اويلي ع الحمار اني خدود لو شنو بس كليلي
رادت تحجي واجت امي جابت الذهب خرب وقتج امي
... هاك ماما لبسها
عشق .. اووفربي طلع مو هين هالسيروان هذا اجة يوكف كلبي الة شوية من الخجل اجت امو ونقذتني منو
انطتو الذهب وشفتهم جايبين بعد غير الاختاريتو
انطتة امة حلقتي لزم ايدي رفعها باسها ورجع لبسني الحلقة وباس اصبعي البي الحلقة
انطوني حلقتة اشوف البنات كلهن مركزين علي ماكلينة اكل ويبسبسون بينهم ضجت منهن شلون يباوعولة
رفع ايدة علمود البسو وابتسامتة مزينة وجهو
لبستو الحلقة وايدي ترجف
اخذ المحابس من امو ولبسني وبكل اصبع يلبسني يبوس مكانو
انطتة بتوت ستة لبسني وبك بت يكلب ايدي وبوها لحد ماوصل لكف ايدي باس باطن الكف
يربي هذا مايستحي يبوس ويرجع لورة
وانوب يلبس على كيفة مكيف اريدة يخلص لبس ماكو
اخذ كلادة ليرات ذهب طويلة توصل للبطت لبنياها ورفع شعري انوب اخذ كلادة التخم الختاريتة
خلة شعري على جهة واتقرب علية كلش لزك بية
ووجهو صار بركبتي نفسو يضرب على صدري
اخذ نفس عميييييق واتنهد احسو جاي يتنفس من ركبتي
لسني الكلادة ومااحس الة طبع بوسة على ركبتي
جمدت بمكاني عزززة هذا استخف كلش
رجع اخذ التراجي جنت ثاقبة اذني ثقبين
لبسني دك مت التراجي مالت التخم وباس شحمة اذني
والتك الثاني نفس الشي
وعاف الزوج الثاني مالبسنيا ولاالكف
من خلص عض اذني باسنانة
ولكككم لحكولي يمة وين اخلي وجهي من الخجل وكلها صافنة علينة وليليان تصور بالكاميرا همست بااذنة
.. سيروان عفية لا كافي
حسيت بنفسة تغير يضرب على ركبتي
باوعلي عيونة ذبلت
يروح سيروان انتي عندي مفاجأة الج
عكدت حواجبي باستغراب .. شنو
اشر لنبأ تجي اجت يمو شاورها وراحت
اجت جايبة نفس العلاكة الي شفتة اخذها من المحل
طلع منها علبة ذهب فتحها
ضليت صافنة جان تخم كامل عبارة عن كلادة ومحبس وسوار وتراجي باسم سيروان يجننن
باوعت علي مدمعة
ابتسم واخذ السوار لبسنيا وباس ايدي
واخذ التراجي لبسني وشاورني
.. حبيت اسمي يكون وياج وين ماترحين ماريدج تنزعيهن ابد
اخذ الكلادة جانت خناكي تجنن اسمة بالانكلش ويمة قلبين مداخلات بعض نازك بشكل يجنن
تقرب لبسني الكلادة على كيفة غمضت عيوني وذايبة بهذا الاحساس احساس غريب اول مرة اجربة احس روحي فراشة طايرة وكلبي يدك دمام من قربو
همس وهو يستنشق ركبتي
.. اريد اسمي يبقة يم كلبج ونايم مكاني
مغمضة
ماحس الا سنونة نبتن بنهاية ركبتي بدون ماحد ينتبه
شهكت وفتحت عيوني مصدومة
هو ابتعد وكوة ضام الضحكة
همس .. احبببببج
ضحك ورجع شعري لمكانو وكوة لازم نفسو صار احمر كد ماحابس الضحكة
مصدومة فزيت على ضحكة وديان واكفة بصفي وشافت المسرحية كلها
يمممممة كلبي كلبي ولكم ياكاع انشكي وطميني اكيد كلها شافتة باسني
راح ابجي من الخجل والله
وديان .... هههههههههههههه ولك سيروان عوف البنية راح تموت ماشبعت
سيروان ... ااااس انتي بالذات اسكتي بعد ميحد علي بينة شأغيد اسوي محد يدخل وبعدين شكو واكفة يمنة ولي غشعي ابنج بدل ماواكفة حاغس فوكنة
وديان .. والله واكفة يم اختي اخاف تسوي بيها شي وهاي فطيرة ماتكدرلك كلت احميها ولو انت هسة كفيت ووفيت
اني نصيت راسي ادية على عيوني وهمة يداهروني اوووف والله جريء طلع مو هين ابو عيون
انوب اجت سالفة الكيك
جابو الكيكة بابا احمد موصي عليها بس للعرسان تجننن طابقين ومخلي عليها صورة الي اضحك ومسوية حركة طالعة كيييوتة
ماادري شاأجة على بالة بابا احمد وخلة صورتي ع الكيكة بهيج مناسبة وخصوصا بهاي الصورة
من شفتها كلت كملت بعد شيخلصني من هذا اليمي
همس بحدة
منو مسوي الكيكة
بابا احمد
همس بعصبية همممم وابوج احمد عد منو مسويها وعادي يشوف صورتج هيج
اول شي بابا احمد اكيد مسويها عد وحدة
مرة وثاني شي اني مالبس من بابا احمد حجاب لان هو ابوي وراني
اممم كتيلي ابوج فرك وجهو واستغفر
عيونو صارت دم ووجهو طك من الاعصاب حتى خفت منو
انتبهت وديان علينة اثنينة انكلبت شكولنة فهمت السالفة واجت ماعرفت شهمست لسيروان وهو كام يفرك يوجهو شوية وهدئة اعصابو راد يلزم ايدي سحبتها
اتنهد وهمس يم اذني
.. حبيبي اسف اسف وداعتج اغااار
اغااار عليج حتة من ابوج مو انوب احمد ابن خالتج وعادي يشوفج هيج حسي بناري وبعدين شلون بلا تردين هذا الكيك والحلقون يشوفة غيري مو حرام عليج
ابتسمت ونصيت راسي هو رجع همس
.. ها وهسة صافي يلبن
.. ابتسمت ماشي
اخذ ايدي وبايها كل قوووتة وهمس
احببببببج يول
... هههه
.. اكول يعني هسة اني راح يصير بية سكر
.. اسم الله ليش
.. ابتسم تخافين علية
ابتسمت غمضت عيوني ودرت وجهي منو
اتقرب على اذني حجة
يعني شلون بية اني
كدامي كيك وكثرين السكر عشر حبايات زيادة ويمي كيك احلى بهواي زين محتار منو اكل هاي لو هاي اشر على صورتة وعلية
يبووووو انوب وصل للاكل هذا الرجال اذا كعدت يمة بعد ساعتين ماكوم سليمة يمممماي تعاي لحكي بنتج كمت اهفي على وجهي من الحرارة احس العرك اخذني اخذ للعلم احنة هسة بالشتة بس هذا هو ولسانة علساعة يبخروني
اخيرا كصصنة الكيك
وكلتة ماقبل استغربت ليش
اخذ الشوكة وكلني وبقة شوية خلاها بحلكة وضحك
ههه العصير نفس الشي ماقبل الة شربني يلا شربتة من نفس الكلاص
( مايكعد راحة روميو )
شوية واجت ليليان ونبأ سحلو يركص وياهن
هو اخذ امو وكام كابل خواتو وفرغو الساحة الهم طبعا البنات ليليان ونبأ طالعات تحفة عبالك لعابات واخوهن حلغوم طالع
بناتنة ماركصن من هو موجود لان يستحرمن بس بناتهم عادي لو تشوفون البس والمكياج شنو كل وحدة طالعة عروس وكل وحدة تصيح اني احلى منج
بس اخلاهن ليليان ونبأ مكسرات عليهن
المهم شغلو اغنية حماسية
وصارو دائرة هو وخواتو وكامو يهزون ههههههه
شحلاتهم وانوب ركصهم يخبل ونفس الحركات هههه
اجت ليليان علية تريد تكومني يييع لو اموت وهو هنا هو بدون ركص لعب جولة انوب اركص شيسوي
لحن علية الة اكوم ماقبلت هو يباوعلي ويضحك باوعتلة غمزلي ابسمت ونصيت
اجة علية كومني من ايدي على كيف واني عبالك منومة مغناطيسيا ويا امشي مسيرة مو مخيرة
نزلني وخلاني بانص وخواتو كعدن الكل وطفو الاضائة خلو بس الاضاءة الخفيفة
وشغلو اغنية متيم انا
الصوت عالي والاضاءة مخففة وبس اني ويا واكفين
لزمني بايدي الاثنين من خصري وايدية علة متونة وضعنة بعيون بعض
بدت الاغنية وكمنة نتمايل وياها
ويهمس وي الاغنية
متيم انا
بحبك ياانا
بارض الغراام
انت دولتي
اغاار غلييك
مني علييك
فحضنو يديك
وساادتييي
اوووف ياحضنك حبيبي بلة
بااحضان كل الدنيا مابدلة
مجنون اني حتى ابدلك شنو
عمري بوجودك ياحبيبي كلة
اووف ياحضنك حبيبي بلة
بااحضان كل الدنيا مابدلة
..
اول مابدت الاغنية حماس ضحك وشبك ايدة باادية وكام يركص ويركصني اني ضحكت ونسيت كلشي نسيت حتة خجلي واندمج ويا
نركص ونضحك
وصل لمقطع
اذا العمر طاال
وقل الجمال
بك استعيد وسامتي
سحبني حظني صار ظهري ملاصق صدرو ولازم اديني شابكني من بطني ويهمس بااذني
هلاال هواك
حرام سواك
يدخل حبيبي
غرررفتي
ببعدها رفع ايدي شبكها بايدة واحنة نفس الوكفة ويركص بية
وياك كون ادعي ولا نفترك
بعدك يروحي كلبي انا يحترك
منين ماكلبك حبيبي حلو
منين ماشوفك حبيبي حلووو
وياك حسيتة حقيقي العشك
اووف ياحضنك حبيبي بلة
بحضان كل الدنيا مابدلة
دفن راسو بركبني ويتمايل فرحان وي الاغنية
اخذ راحتو لاهمة موجودين ولاعيب ولا خجل جريييييء بشكل اول مرة اكتشفو هيج جريء
وليليان تصور كلشي بلقطات محترفة
دارني حظني من خصري وبعدو دافن راسو بركبتي يشتم
ويهمس وصل مقطع
ستبقى الوحيد للحب عييد
ف انت حبيبي هديتي
طلبت الاله لا مالا وجاه
فقربي اليك هو مطلبي
همس باذني وهو ذايب
طلبت من ربي بس عشقي وماخيب ضني ربي انطاني انتي ماريد اي شي بعد بس انتي
ممصدك صرتي مرتي والي وعشقي
اتجرئت ماعرف انعديت من جرئتة لو هوة بطريقة خلاني انسة الخجل ويا شبكت ركبتة وهمسة يم اذنة
اي صدك اني الك صرت مرتك ومحد الة شي يمك بس عشششق
اوييييييييلي
صاح ورفعني من خصرني شالني ويفر بية وي الاغنية
واني اضحك ومتعلكة بركبتة
كلهم صفكو على حركتة والبنات كامو يصوفرون يبووو ههههههههه
وراها شغلو اغنية اليسا عبالي حبيبي
اويييييلي شكد احب هالاغنية افقد بيها
اكيد هاي وديان اللازمة الديجي ماكو غيرها ماتردينة نكعد والاخ مكيف 😂😂😂
بدت الاغنية حاظني من خصري لازكني بصدرو واشم عطرو باانفاسي
وايدي على صرو
رفع راسي بايدو وصار مقابل وجهو كللش مايبعدنة غير سانتيمات
صار واحد ياخذ من انفاس الثاني
والعيون ماخذة دور ثاني وحدها بعالمها الخاص
غمض وخلة كصتو على كصتي ويسحب نفسو بعمق وبس صوت كلوبنة تنسمع
غمضت عيوني مستمتعة وماندري بدنيا لا اني ولا هو ذايبين ونتمايل وي كلمات الاغنية
قطع هدوئي صوتة وهو يضحك
... خلصت الاغنية ههههه
عابت لازم يخجلني مايعرف يسكت
خلصت الاغنية وشغلو معزوفات ردح باوعت لوديان شفتها واكفة يم الديجي وميتة ضحك خزرتها وهي تضحك
هههه
ركصنة واجت ويانة امو وخواتو واقاربو هم وهو ذب لحم فرحااان ياللله شحلاة فرحتة
رجعنة كعدنة وهو لازم ايدي ماتركها ابد
طول ماهو كاعد كلساع وصاحو عالي علمود يطلع وهو مايقبل مجلب هههههههه
اكلة روح عيب
يكلي يولون ادري بيهن هاي سوالف الثنائي ذولة بي والله ماطلع
يوول اني ماصدك اشوف العسل وهمة يردوني اطلع
كل كلمة والثانية لازم يخجلني اخر شي طردتو امو كوة كام بس قبل لايروح كلي تعالي اكلج شي اتقربت يمة مصدكة عبالي صدك
صرت كدام وجهو يعني المقابيلي يشوفو عبالك يشاورني
منتضرتو يحجي ماحس الة بعد شعري وعضني جوة اذني يمة طفرت طفرة وكفت على حيلي مصدومة غبية غبية تدرين بي مو راحة شكو انطيتي اذنج
هو حك خشمو وضحك وكام راح
بس شنو خلاني ميتة خجل وانوب كدام امو يررربي ماااااماااا
امو ضحكت وكالت الله يحفضكم يمة وراحت
واني دمعت عيوني من الخجل همزين الكل ملتهي بالركص
مانتبهو على كمزتي عبالهم كمت ويا من راح
اووووف كلبي
من راح الكل انطلق علن الديجي ولاوحدة بقت كاعدة عبالك جانن كاعدات على اعصابهن هههههه
بعدين كعدوة وفرغو الساحة الي ولريفال
طالعين صدك تؤم ركصنة سوة
وردحنة لمن ملينة وكلها تعجبت على ركصنة اني وياها لان صدك حلو
وجنة قبل كل فترة نطلع اغاني ونركص ونتعلم لحد مصار ركصنة حلو
وانوب انضمت النة ودوش
من صدك صار هذا اليوم من احلى ايام حياتي تونست حيل بي باستثناء حركات سيروان المنحرف
تونسنا وشبعنة ركص بعدين راحو اهل سيروان وكامو ينسحبون الاقارب شوي شوي لحد مافرغ البيت وحتى وديان راحت كالت القوم هذا كلة راح يبقة عدهم لباجر يرحون ماتكدر تبقى هنا الصبح اجت كوة علمودي
بقينة بس احنة وبيت عمو ابو اكثم وخالة هناء هي والاء كمنة لمنلمنة البيت واني مابدلت مايهون علية ابدل لان عطرو مجلب بملابسي
خلصنة وكعدنة اني والاء ووريفال نصور ونرجع لورة خلصناها سلفيات
.......................................................
[١٨/١ ٩:١٨ م] تويته: ريفال.... كلش فرحانه طبعا الان عشق اليوم العقد مالته تخيلوا واخيرا حتزوج الي تمنا كلبه ومجرد تفكيري بهل الشي انسه حته حزني انو هي راح تعوفني ونروح بس ماما اموله تكول كل بنيه هيج قدره فنتحمل ههههه
طبعا اني رحت اشتريت الان الواجهه اني اخت العروس غير وراح تجي شي اكيد ام هيكولي ههههه لازم نكشخ للعزاز
الساعه... 7ص....
ام اسيد.... بس كليلي تنبل مال نوم انتي كومي الناس راح تجي
... اي اي شويه
ام اسيد... بس كليلي انتي العروس وني ماادري
... فدوى لعينج خل انام شنو هاي
... ولزهرة اذا ماكمتي اطيح حضج شنو هاي اذا متكومين اجيب ماي واجي اني رايحه
... كعدت الكفشه شكبره والعيون وارمات الان منايمه..... اررررريد اناااااااااام حررررام علللليكم نعسانه
عشق ... وسم شبيج مزعجه
... هلوو اي عيني صرنه اكس باير هسه متكعدين اله عل صوت العندليب سوسو طرب
....دولي ههههه
كمت غسل ولبست حجابي روحت.... صباح الخير باقوم...
الكل... هلا صباح النور
رحت شربت مي بس فاتحه تم عين من النعاس كعدت يم براد المي
حيدر.... ولج رفيله بعدج نايمه هههههه وين كعدتي
... اسكتي رحمه لهلك ميته من النعاس راح اشرد اريد انام ميخلون
(تأثير النعاس 😂)
... ولج كومي اصحي كمتي تشمرين بالحجي
ام اسيد... فلك طرج بعد تغفين كومي
... بس اريد اعرف شكووو شعدكم وليمه اشو البيت نظيف والعروس نايمه هم راح يجون ساعتين وينكلعون شكو كاعده من الفجر استغفرالله
ام اسيد..... ولج الوادم تجي وانتي نايمه شنو هاي جديده خالتج راح تجي ووديان هم كومي يله كملي تنظيف
... امده حضي سندريلا بلا امير حظ زباله
حيدر.... هههههه وين لكيته هاي
... بجيس الجبس
ام اسيد... امداك شتحب منه وخابصنه بيه (بحركت الايد🙌)
.حيدر.... ها عمه درتي علي مو خل اكوم اولي للدوام .....
راحت امي تقرب حيدر واني نايمه عل طاولت الطعام حاطه راسي.... كومي اكعدي لاتهفج بدفره تصحيج عل زمانج كومي ولج.... و صدك تريكي تره موزين الصبح متتركين ولا ترحين لعمي ابو اكثم الان ضربته ميحتاج بس تريكي وكومي وي امج يله باي اني تجي قبل ال2 اطلع عل وكت
...اني جنت اباوعله وصافنه وهو يسوي بالساعه مالته ويحجي يباوع علي ويرجع يباوع عل الساعه.... اكلك اني مديرة اعمالك شدخلني بالكليشه هاي
... اي خلي عندج علم بت عمي
... دروح الله وياك
... بداعت عمي كومي سدي الباب وراي
... يااا هههههه وبعد
يااا هههههه وبعد اذب الماي وراك دروح بابا
... حلفتج بعزيزج
... امشي يولو امري لله
.... هلا ولله هلا بالشيخه
... اهوووو تره ارجع ولله
.. يله
صدك طلعت ورى مو محبتا بيهن بس الان حلفني بابا واني اصلا طالعه اروح الابوي ادور علي اشوفه وين طلع حيدر اريد اسد الباب ورى
... باي يحلوو ... ماتذبين وراي مي
... عدي نفط تريد
... عابت باي
... هههههه ماحسيت غير احد جر اذني... اي اي شبيكم
امل... وجع حته وجع شبيج شجاج ولج دوختني تعاي سحبتني للديوان الخارجي
... تعاي يمصخمت الوجهه احجي
... شنو ماما شكووو
... ماتدرين مووو سودة بوجهي (صاكه عل سنونه تحجي بهمس وتلطم عل خدوده) لج اني بتي تلعب عل حبلين امس عاشكتلج واحد وتايه بي ومتردين ابن عمج واليوم طالعه تتمضحكين ورى ابن عمج يمصيوبه
.... يمه علكيف بعدت ايده عن وجهه...شبيج صدك جذب دخلي عل نبي.... اولا ابن اخوج مستحيل اتقبله يبقه ابن عمي وعندي علاقه حلو واخويه ابيناتنه مبيه شي لزك اله اطلع ورى وطلعت شكو بعد ....
امل.... ولمن الضحك
... هههه وداعتج راد اذب ورى مي كتله عندي بس نفط واصلا اني طالعه ادور عل بابا وماردت اكسر بخاطره الان طلبني
... عاطفتج
عاطفتج راح تعم عليج
.... لتخافين ربي وياي دام ممسويه شي مؤذي
... هيكل
... احم شبي
... شعندج ويا
.. اني ماعندي
... ورجفت ايدج هاي شنو (اشرت عل ايدي) انتي مكشوفه كدامي احجي يبتي عبالج كبرتي وماعرفج خاف جنت ابيت ابو حيدر والتهيت بس هسه فرغت الج احجي
... مو وكته امي هسه تجي
... اها و تدرين امج تقاطعني من تلكاني يمج معليج اني احاجيه.... غردي
... يمه ولله ماكو شي
.... رجفتج من ينذكر اسمه ولهفتج لمتابعت الي يحجي بس شيسموه يبتي
... يمه هو يعني ولله هو حباب وشخصيه وهيج
... اي وين شايفته وعرفتي حباب
... اشوفه ابيت وديان
... امممممم. و تكعدين يمه انتي
... لا مو دوم بس من نجتمع ولله
... ليش تدنكين من اباوع بعيونج
.. ها هيج (باوعت بوجهه عرفت كشفتني بجيت خجلا منه ماردت تخرب صورتي) ولله ماردت بس ماحسيت غير افكر بي واتابع اخباره عبالك بغيبوبه ومن كعدت لكيت نفسي هاهي طغه علي
.... تعاي بحضني لتبجين الله كاتب عليج العذاب شبيدي عليج يبتي... بس كليلي شوداج لذالك الطريق تره ماراح ينصفج
... شلون شسوي
... تناسي
... باوعت عليه ... انتي ليش تبجين
.. الان طريقك صعب عليج ونتي حساسه يمه
خايفه
قسما بذات الله ماردت احلفلج عل قرآن اني مااحب هل سوالف بس ماعرف ولله عفيه لاتباوعين علي اني ولاه مؤدبه وماخنت اهلي
... هه منو كال اني واثقه بيج انتي عجينتي ادري ماراح تسوين الي يمس اسم ابوج قبل اسمج.... يبعد كلبي بعدي عنهم لاتسمعين الحجي الهاب سدي شباك كلبج
.. انشالله
.... روحي لشغلج وني جايه وراج
... تمام .. رحت للباب درت شفته تباوع علي بنضره مكدرت افسره.... يمه ولله اني مو هيج ركضت حضنته ورجعت ابجي ... ولله اني بعد ما احبه يولي نمونه فدوه الج ولله بعد ماريده هاهي ولله حته نضراتي اله راح اغيرهن بعد مااريده ولله مراح ابين اي شي وعيونج وغلاتج
... و كلبج
... اي شدخل كلبي خلي اهم شي ماانزل راسج و يكولون ترباتج مو مؤدبه ولله ماخليهم
.... يعني يبقه بمكانه
... شبيدي جاا
... وحيدر
...ماريده شنو الي استجد
... ميخليج تاخذين غيره يننه عليج و يكسرج
... مو مهم اني جنت رايده وما راح يصير هاهي ابقه لا حيدر ولاهاي اهم شي انتي ابقه يمج
... ادمرين حياتج
.. مااعرف
... جاي تعيدين الماضي ييمه
.. لا بس مابيدي شي حسي بيه عفيه ولله مااكدر ماريد لا هيكل ولا حيدر ... صعبه لو بيدي ما ادخلت لهل الطريق اني مخيره بين كرامتي وكلبي ادوس عل كلبي بعد شسوي
حسين امي حضنتني حيل وتبجي بقهر عبالك اذكرت الماضي كله
بصوت مبحوح.... روحي
.. تمام... رحت غسلت ورحت انضف حته النضيف نضفته ماخليت شي ماسويته حسيت نفسي فارغه بس جسم يمشي واتوجه وين مي كلولي حته امي ام اسيد صفنت علي الان اني بالعاده احجي واناقش بس هسه شتكلي اكله اي كملت كلشي حته عشق محاجيته من راحت للصالون اخر شي حضرت الغده وغسلت المواعين وحضرت الكيك جايه بابا حيدر هو العصير
احمد.... بابا ري ري شبيج
... ها لا مبيه
... مبوزه ومببيج شكو خالتي وياج
... لا ولله بس ضايجه عل عشق
.... هههه يبوج هي هاي سنة الحياة هسه بعد منا للعرس
.. اي اتمام
.... هههههه يله رايح انتي موراج تفكين
امل... ريفال بعدج ممحضره نفسج
... جاي اخضر بالعصاير
... اااااا دمشي اني اكمل ليش مرحتي للصالون
.... المن هسه ارتب وجهي
حيدر.... اوديج اني
امل... هلا يمه حيدر تغديت
... اي اكلت لفات.. شنو ترحن للصالون
... بكيف ريفال
... ماريد شي ... رايحه ابدل
رحت للغرفه سبحت وطلعت من الحمام جريت الفستان مالتي اجت ماما امل اخذته من ايدي وكعدتني عل جربايه وفتحت شعري ومشطته الي وتباوعلي بقلق نشفته وسحبة الي بساحبه
... احم شتردين اسوي الج..
... كيفج
... انتي حلوة عسى ما كفشه تطلع حلوه بنيتي
باوعت عليه ودنكت كرفصت كدامي ولزمت ايدي
... تدرين ريفال مااعرف شعورج اني بس ادري يوجع بس لازم اوعيج الواقع لان خيالج يوكعج ومو اي وكعه وكعتج توجع يبتي
... احم احم ادري يله كمليلي
باستني بخدي وكامت سوت تسريحه الي
... قوي نفسج يمه الرچيچ ينداس يبعد امج
... جنت مغمضه عيوني الان ماريد افتحهن واشوف نضراته الان تبجيني
... يله كملت خل امكيجج شتردين احطلج
... كيفج
... راح اسوي خفيف يطلع حلو
.. هزيت راسي بقبول
.... افتحي عيونج خل اكحلهن
مكيجتني بس جنت اتشرد من عيونه الان اضعف كدام كلام عيونه واضل ابجي وعيوني تعبن من البجي
... يله تعاي البسج الفستان
... لا اني البس
.... تتعاي منو جان يبدلج ههههه
.. كبرت هسه
... ايييي بس ماكبرتي بنضري بعدج ذيج الي تقشمرني وتذب الحليب بالسنك حته متشربه
... هههه
.جرت الفستان يله روحي البسي ام الخجل هههه
....رحت لبسته واجيت اله سدت السحاب
... تدرين ماما احب كل التفاصيل وياج
... امممممم
... ولله احس بحبج من تسوين كلشي احس بطعمه
... ههههه شعندي غيرجن .... هسه البسي بشت وحجاب حته خاف احد يدخل
... تمام ... ليست ونزلت سويت جاي لان همه عل جيه و النسوان بدن يجن اشويه واجت عشقي بس طالع آيه من الجمال صلوات ركضت حضنته وابوس كزكزت عليه كد ما طالعه حلوة راحت وديان شغلت الدي جي وكامت تركي لعبت لعب كيفت حمودي علخاله ههههه اني ردت اطلع ما احس اله وديان سحبتني للنص حته اركص مالي اي خلك انو اركص بقيت اميل بجسمي علكيف وديان كالت شبيج شسالفه وين الهز مالتج شغلي
... ههههه مالي خلك
... امداج يوميه معرسه عشق دركصي
.... ضايجه
....امداج دركصي وانسي الدنيه وي الهز
.... هههههه صدك حسوي هيج
ما صدك ركصت ركص بحركه كلب لعبت لعب شويه وكالو اجو اهل العريس النسخة النسوان
دخلت ام سيروان واخواته وام هيكل وبنته و نسوان ماعرفتهن امي وخالاتي تقدمن استقبلنهن اني طلعت من الاستقبال رحت اجيب مي حته اسلم... قدمت اول شي الام سيروان الان ام هيكل ماهي مدري وين راحت قدمت للكل وسلمت رحت طلعت من الاستقبال جان انضرب بحاله هناء وام هيكل مدري يمته خاله دخلت جوه
ام هيكل.... شلونج حبيبتي
... الحمدلله انتي شلونج خاله
.... زوينة... اخذي راحتج خاله
هناء شبيه البنيه اشو خالمه مدري شلونه جنه مقهوره وعيونه مغيمات
هناء حقه غير راح تاخذون التوم مالته
... خيه غير سنة الحياة
... دمشي
... ام احميد بعد
اجت المشيه مالت الزلم
ركضت للمطبخ احضر چاي حسب الطلب الان بالبدايه جاي او وره العقد عصاير وكيك
جنت فاتحه البركه والشباك عاكس
ماابين يصير مرايه جاي اصل جاي ومحتاره البنات يكمزن يردن يشوفن العريس هههه كتلهن هسه من يجي اكلجن اجت ماما امل تصب وياي وتضحك عليهن
.امل.... شيردن جنهن ذبان عل الشباك.
.... ههههه يردن يشوفن سيروان
... ها عريس الغفله ههههه
... كون تسمعج عشق
صاحن ريري دخلو الشباب وين العريس شفت سيروان كتلهن ذاك النسيب الجديد وذاك وهاج نسيبنه القديم
رحت اكمل ماما امل ماتت ضحك عليهن سجلت نفسهن عل سيروان الان اشكر هههههه شويه وطفرت وحده كالت ولجن شوفن الدشداشه الاماراتيه وجراوي اني رفعت عيني بسرعه جان اشوفه جايب السيد حته يعقد عبالي دخل من البدايه وي جده والشيوخ الي جاين ضليت صافن جان مبتسم ابتسامه هادئ وجانبيه ومدنك يسولف وي السيد تقدمت للشباك رجلي وحدهن اخذني شفته مد ايده للسيد حته يدخل ودخل ورى احس جميع اجزاء جسمي من اعضاء احساس وكفت بس عيوني تباوع علي ماحسيت غير بابا احمد دخل هو وحيدر واسيدا يردون الجاي رجعت اطيهم الجاي اريد اشيل الصينيه مااكدر من الجرفه الي بأدي بسرعه مانا امل دفعتني وكامت تطيهم الجاي
امل... يله يله وليداتي همو ايدكم تقربت من حيدر عدلت الرباط مالته وباسته وكامت تصلي على محمد واسيد هم رتبت ملابسه وباسته راحو ودو الجاي دارت علي خزرتني
.. ماما اني
... ما اسمع صوتج مو وكته
قوست شفايفي مثل الاطفال حيل نهضمت
... شسوي مو بيدي
.. نجبي حقير لج مساع حلفتي تالي هيج طاح حضج وحضرتك تربيتي الج لج ماما احكمي نفسج لا تخليه تحكمج النفي اذا حكمت الانسان تودي الجهنم..... شوفي جاي احذرج ولله اقتلج موت فهمت ماعدي بت هيج تسوي عوفي العشك بعدج فصمه اني مالي غرض بالكلام انتي حصتي من هل الدنيه اريد قبل مااروح لربي اكون زارعه شي بي خير مو خزي امشي ولي يله
رحت للغرفه متت بجي اريد اجر نفس ماكو احس صدك تهت بهل الدنيه بلا امي امل مستحيل اتحمل كلمه منه مو تعصب وتزعل اول مره يصير هيج وياي
هناء..... ريفااال ولج ريفال
.. هاا هاا اجيت
عدل شكلي جان اشوف المكياج والتسريحه كلش حلوات اول توني ياله شفتهن امداني خل انزل اشرفلي
... ها خاله
.. تعاي راح يعقدون لختج انزلي
... اي اجيت جانت كاعده هي وام هيكل
... خاله اروح يمه
... لا يمه ما يصلح عليج انتي بس انزلي يمه شبيج فوك تحركين بروحج بهل الدمع
عويناتج راحن
.. احم اي
ام هيكل تعاي كعدي يمي فدوى شهل الحلا ضربني الرقم القياسي بالاسود مالتج
... هه شكرا خاله
.... احم حميد شوفي القماش تذكرين بدلات كبل شلون هيج
.... هههههه اي ولله شلون ايام دكيتي اله هل القماش وابو هيكل خطيه راح جابه بالالوان
...اييي الله يرحمه .... ايام راحت وبقه طعمه
ها رفوله دمعت عيونج ههههه
... احم لا ماكو شي بس شلون ضليتن بلاهم
ام احمد. هيكل.... هههههههههه
ام هيكل
... شنو توج تذكرين ههههه لج هاي بت اختج نكته
.... عوفيه تره بس تحجين بعد تسويه مناحه
... هههههه فدوى ليش هيج خليج قويه ... خاله بعدج زغيره غبي يسعدج الان كلبج نفاش كطن
.... شكرا خاله
رحت للمطبخ ادور على ماما امل كاان يم عشق
كمل العقد وعشق بدلت البدله لبست نفس مالتي بس ذهبي دخل سيروان جان طايره الفرحه باينه على وجهه ربي يحفظهم لبعض
طبعا حسب ماذكر (من كلام عشق عن كلام العقد)
طلع بعد ماشبع وكاحه ههههه كامت نبأ اخت سيروان جرتني وكومت عشق حته نركص انوب صدك طلعنه توم نفس اللبس ضلينه نركص متت ضحك عليه صايره حمره من الخجل مدري شمسويله سيروان ههههه
.. هااا هااا عشيقه شسوالج
... اشششش ليسمعوج
... ايباااه خل يسمعون قابل صاحبج هو تره زوجج بابا
... كافي راح ابجي ولج
... ههههه سكتت وجهج مو مال واحد ينصب عليج
......... يتبع
بقلم
تبارك الطائي .....بدور عشق
كوكه الخيكان...بدور ريفال
6160 كلمه صور البدلات انزلهن بوحده لان البارت يصعب نشره مايحمل