مشاعر ممتزجه (مكتمله)

بارت15

المايحــــصل عل #النصيب
يسمي ابــنه اعله #الحبيب
باوعتلي وكلشي فز بداخلي
اذا قبلتي فقولي..
شيخنه باطل زواجي من الغريب
وانه مغصوبه عله واحد موحلال
التحبل وتخلف من شخص غير الحبيب
لاتحبه ولاتحب طاري الجهال
انه احب انسان تارس روحي شوگ
وكلبي يركضله كبل كلمه تعال

فكيت عيني وانه بلسياره بس الوجع باضعاف سجاجين وتكطع ابطني  يعني اضعاف الاسقاط الي ماكدرتلو واغمه عليه بي ماكدرت اسكت طكيتهم بعيطه
اااااااااااخ وهااااااااج بساااااااااع
هاي العيطه كانت كفيله تخبل وهاج بلسياقه تكول كاع يمشي علطريق السريع مو شارع مدينه

.. لج هسه هسه نوصل حبيبي شتحسين
.. يعني شحس مثلاااااا ولك بطنيييييييييي خااااابرررر اهللللللي
.. خابرتهم خابرتهم همه جايين علكيفج لللك وخرر ابن القندره.... طلع راسو من الجامه

.. ابو البطه امشي لاادعمك وعليي

ليليان:- وهاااج نغمى عليهه
..  لااله الاالله  شوي ونوصل خابرتي اهلج سيروان حته يصير عدهم علم
.. اي همه كدامنه بل مستشفى

عشق:- والله ضليت بحيره ماالهه اول ولا تالي بابا احمد كالي اليوم اجيج ونسولف تونه طبينه من السوك واريد انزع الشال وريري كاع تنزع عبايتهه وطبت خاله ام اكثم

.. ويين امججن
.. شكوو شبيج خاله
.. وديان يمكن راح تجيب
.. يععع بعدهه بلسابع يمكن
.. اييييي بس لايصير بيهه شي يربيي هئ ربييييي بنيتييي ووحيدتيي مظلوومه اللهي لاتكسرهه ويروح ابنهه ولاتكسرني بيهه فدووه وييين اسيد خل ياخذنه

ام اسيد.. ها شبيج خيه
.. ودياااان عدهه ولاده وهيه بعدهه
.. يااايااربي دخيلك هسه اخابر هذا الهتلي وين وله وخله البيت فارغ

الوووو هااي انته وين
.. شكو
.. بت خالتك راح تجيب بساع تعال
.. هااا رح اصير خال جاي ركض

دقايق وهو بلباب وامي واحنه مبدلات وخالتي هم رحنه ركض دخلنه للمستشفى وشفناهم كبالنه بعدهه مداخله للصاله يردون يفحصوهه وهيه توهه كاعده من الاغماء وتبجي خاايفه

وديان:- كله منك وهاااااج 😭😭 مااكدر شلون اجيييب مااكدر
..تكدرين يروحي والله تكدرين بس قوي نفسج راح تصيرين ام ها وهاي اجنج ريري وعشقج

اجن حضنني وانه احضن بيهن وكأنو بعد تكاطعت الدنيا وراح اموت ومااشوفهن صراحه جان املي بلحياة ضئيل لان توني بلسابع بعدني وانه كلبي دووم تتخربط دكاتو من وره الانهيار فكلللش جنت خايفه شفت اسيد اوييييلي الله ماجني كاع اطلك وطكيتهه ركضه وشبكتو الكل تفاجؤ من تصرفي ووهاج صارت عيونو بگصتو تخبل بس انه جنت اودع بيهم لان مراح اشوفهم رحت لامي شبكتهه وخالتي وبجيت بحضنهن شوي وسحبني الممرضات سحب ووهاج يوزع عليهن بس لايأذني