تحل الباب تلقاها نيل لي زدمت عليها ، مريم دنقت فيها بنص عين و قلبتها للتيليفون كملت تكونيكتي عادي كشغل ماكانش اما نيل دارت طواف على الشمبرة استكشفتها و مريم قعدت تتغزل داخليا مي قعدت هكذاك مابينتلهاش بلي راهي مهتمة بيها حتى ، كي خلصت الرحلة تاعها وقفت مقابلتها
مريم و عينيها مزالو على التيليفون : اذا خلصتي تقدري تخرجي و المرة الجاية كون تعاوديها تخرجي برجل وحدة
نيل : هاهاهاهاااااي ، ضحتيني و انا ميش قادرة ، هادي راح تكون شمبرتي مامزالش بزاف
مريم قلبت عينيها : جيبي الجديد هاد الهدرة قديمة
نيل : مي ماتفرحيش كي اعتارفلك سي جيست باه يرقدك(يعني يكالميها )
مريم : اممم ايه ايه و درك برا
نيل قدمت ليها حكمت سلبة من شعرها دورتها على صبعها : مامزالش بزاف
مريم صاي طلعلها الزبل سيرتو كي تلاحت لشعرها هي شعرها برك خط احمر موت و ماتغلطش فيه
تنفست و لوخرى مزالت في نفس لبوزيسيون هي هكداك و تعطيها ببونية لنص وجهها جابتهالها على غفلة طاحت في الارض طول مريم ناضت حكمت شعرها عطاتها زوج كفوف يديها وجعوها
- حسيتها جور البووس مع جوكينغ لي لابستها كملت بالبيان -
نيل هزت راسها الدم يسيح من نيفها : مي نتي متوحشة بربرية رخيسة
مريم : قلت لاعوش الطفلة هادي تتربا تفهم روحها و تحبس من السماطة .هدرتي نورمال. دخلتي لشمبرتي و درتيها شبر شبر قلت معليش .مي باه توشيني يحبلك بزاااف و ميش رخيسة كيفك تقدر تمسني و درك برا عليا سينون نخرجك بطريقتي
نيل حطت يدها تحت نيفها شافت الدم : تخلصيها غالية بزاااااف و بالدوبل و نتي لي بي بديتي
مريم : ياماميييي شوفو شوفو كيفاه راني نرجف من الخوف ، -_- براااااااااااااااااااااااا
ناضت نيل جات راح تحل الباب و يقابلها ليث لي حلو نيل طول طلقت روحها عليه و بدات تدمع مريم قلبت عينيها وقالت : بدات الدراما
ليث بعد نيل شاف وجهها لقاه مدمدم : اوووو واش راه صاري
نيل : راك تشوف موسيو ليث كيفاه دارتلي راك تشوف
ليث دنق في مريم : مريم واش صرا
مريم : تشفا في الأيام الاولى كي تعرفنا و قلتلي احكيلي حاجة على روحك ، يخي قلتلك انا عاقلة و خاطية الناس مي لي يخلط فيا يسلك و بالدوبل و كيما راك تشوف انا راني في شمبرتي ، ونتا افهم
ليث سكتت شوي ولى قال لنيل : روحي و اخر مرة نلقاك هنا ، ديجا درك نريزارفيلك بلاسة عند كاش واحد تخدمي عندو ، لمي قشك درك يديك شوفور للوتال
نيل : مي مو،،،،،
ليث : مادموزال نيل تقدري تتفضلي و لاباي تاعك تلقايها عند شوفور
نيل : مي....
ليث : ايا على وجهي عقبيها
نيل : علاجالك برك موسيو ليث
ليث : ثانكيو
خرجت نيل راح ليث موراها سكر الباب جا يدور حتى يحس بشامبانزي متعلق فيه
مريم : مغشييييييي على الكونفيوونص
ليث حكمها من يديها هبطهم و دورها ليه : ماشي كي درتلك رايك و زعكتها يعني راني نسيبورتي فيك ، لاه درتي للطفلة هكداك
مريم : بف و هي لاه جاية تخلط فيا
ليث .': عمبالك بلي تقدر تشكي بيك ، و من وجهها مانظنش يكذبوها
مريم : احم صديقي نظن نسيت بلي انا تاني مرأة و حتى ربي حذر من كيد النساء سو ماتخافش عليا
ليث : ههههههههههه ينخاف منك
مريم : بيانسيير
سكتو شوي حتى يشوف مريم تحرك في رجلها يعرفها تدير هاد الجاست كي تكون تخمم و تحوس تهدر ليث : احم هايا
مريم : امممم ليث
ليث : وييي
مريم بدات تخلط بيديها : اممم حابة نقولك حاجة
ليث : قولي
مريم : امممم قبيل كنت حابة نقوللك حاجة مي نتا خرجت طول
ليث في قلبو- الله واقيلا راح تعتارفلي يا ربي كيفاه يسرتهالي زهري الحلوف كيفاه سمحتلي نعيش هاد السعادة- : نورمال قوليلي درك
مريم : راك سير ياك نورمال درك
ليث : وييييي
مريم : كنت حابة نقوللك جيبلي معاك شيكولا بسك خلاصتلي و نتا تعرف لي نحبها
ليث : وااااات
مريم : شنهي ، جيست جيبلي شيكولا بسك ليالين ماتعرفش لي نحبها و عمبالي تخلط بينهم
ليث - تقدرو تغنو اللاي لاي على امالو و طموحاتو- : اااه ايه اوك
مريم - بوهاهاهاها حسبتلك راح نقولك نحبك ياقييو مزال الحاال و مزال اللعب مابداش على أصولو - : ايه و تاني حبيت نقولك
ليث : شنهي شنهي
مريم : على لافاك
ليث : بففففف
مريم : واش بيك ، يخي تفاهمنا بلي نكمل قرايتي ولا نسيت
ليث : نن مانسيتش و راني سجلتلك في وحدة مليحة ، مزالت سمانة و تبداي
مريم : ايي ثمثم . و لي بابيي وينهم
ليث : باينة عندي
مريم : أعطيني الاسم نقرعج فيها شوي
عطالها الاسم و خرج محطم الآمال اما هي قعدت تضحك عليه و تشوف في لافاك لي راح تقرا فيها مستواها مليح .خرجت تتعشا لقات غير امين وليالين في الكوزينة دخلت
مريم : هااااي........... راكم وحدكم
امين : ماعمباليش وين خرج
مريم : هممممم نتوما اني بديت نتوسوسلكم
ليالين :ريحي تتعشاي
مريم : بدلي السوجي و عاودي فقتلكم
مريم قعدت نطق امين: ااا لاه ماتستنايهش حتان يجي
مريم : ايه صح نسيتو . ديجا هو واش خرجو يخي عمبالو العشا واجد
امين : ااااااااااااا مي عيب تخلي راجلك يتعشا وحدو مسكين
مريم : امين لاه راك تليكيدي .اخرجهالي طاي طاي بلي حابين تقعدو وحدكم
ليالين : اااااااااااا شنهي الهدرة هادي ريحي برك
مريم : انا مانيش جيعانة درك حطيلي سهمي في لميكروهوند مبعدا ندير وحدي . ايه امين بالعقل على الطفلة راهي حشامة
ليالين : واقيلا راني هنا . المهم انا نروح نرقد
ماجات تكمل هدرتها حتى تعيط عليها مريم : اييييي وين تروحي ريحي تشوو . انا لي نروح
ليالين قعدت طول و مريم خرجت تمشي للور و ديرلهم بيديها تاع راني نراقب فيكم . قعدو يضحكو عليها
ليالين : هههههههههههه مهبولة و مهبول تلاقاو ربي يبقي الستر و يحفظهم
امين : ههههههههههههه وي يخرجو على بعضاهم . يادرى وكتاه يعتارفو لبعضاهم و يتهناو
ليالين : ااااااااا لاه ماسمعتش
امين : شنهي
ليالين : يخي سمعتهم قبيل كي كانو يعيطو
امين : يابنتي لاسيتي اوكل سمعت. ماتقوليليش زادو تهاوشو
ليالين : ايماجيني في وسط العياط هاداك ليث اعترفلها بلي يحبها
امين : واااااااات
ليالين : ياااااس يا اومليييييييييييي كي نتفكر العياط تاعهم و بلي اعترفلها مالغري طريقة شوي لاعلاقة بالرومانس مي غومونتشيييك يا البيي
امين : امممممم ونتي عجباتك هكد ولا تحبي الطريقة الرومانسية
ليالين : بيانسير رومانس
امين : همممم اوك و تعجبك تاع لي يعترف و يعرض الزواج ولا كل وحدة وحدها
ليالين : اااا تاع .... اصبر كيفاه دار السوجي وولى ليا
امين : حبيت نسقسي برك
ليالين : احم ايه كول كول درك يبرد
كملو تعشاو امين قعد يلعب بتيليفونو و ليالين غسلت لماعن اوب يدخل ليث
ليث : هلووووو هااااااااااي باي باااااي
ليالين و امين : وعليكم السلام . خير وين بيها
ليث : حفظتو الهدرة ولا . واش تعشيتو و خلصتو
ليالين : تاكل درك ولا مع مريم
ليث : لاه ماتعشاتش؟
امين : تحير اصحبي كي تدير الهدة و تستناك تقول لاه و كي ماتستناكش تقول لاه
ليث : لا تكون راقدة
ليالين : مانظنش
امين : واش جبت
ليث : واش دخلك
امين : رخيس
ليالين : انا نروح بديت نشم في وحد الريحة .ونت روح لمريم
ليث : بااااااااااااااي
راح ليث و كي العادة حل الباب زادم طول دنق شوي و ولى خرج حبس دقيقة و عاود دخل تاكد صح من اللي شافو
عند مريم
احم بعدما وليت للشمبرة انا اصلا ماكنتش جيعانة جيست حبيت نحي عليا مي كي بدا امين يليكيدي فيا و يمعني انا حشمت على روحي و خرجت لشمبرتي كي العادة وليت محبوسة فيها . بدلت لبست بيجامتي اللطيفة الكيوت الل... (بلعيي فكرتيني في ماريا )
وقعدت طالعة هابطة كي العادة الحالة مغبرة وليت دخلتyoutube
و طلقت فيها عيطة في الشباب و نضت نشطح منها نحي الديقوطاج و منها نفرح بلي درت للي في راسي و طيحتو فيا و زعكت وجه البق هاديك . المهم قلبت الحالة بكل انواع الشطيح بكل اللغات و الشطحات . كي عييت طيشت روحي على السرير نتنفس واااو الO2 جميل جدا واااااااااااااااو مي يخصني H2O (دورتها فيزيك هبلت اي كناو )
نضت نشرب و تقابلني فاجعة حياتشي ياااااس ليث كان مقابلني قاعد فوق الكرسي(تاع لكوافوز) مداير رجل فوق رجل و يدنق فيا . ماتقولوليش بلي شافني بلييييييييييز لالا لاالااااااااااااااااااااااااااااااااااااااااااااااااااا اي ويل كيل مي اند هي اند كلش
ليث : يعطيك الصحة
انا -الله واقيلا شافني -: اااا لاه
ليث : ظهرتي تشطحي مالغري كاين حركات جامي شفتهم ولا سمعت بيهم
انا : اععع ليث بليييز دير روحك ماشفت والو بلييييييييييييز
ليث : هههههههههههههه اوك ايه هاكي شيكولا تاعك اوموا تريكيبيري لينارجي لي راحت
انا اعععععععععععع ليث
ليث : اوك اوك . هايا نتعشاو
انا: بف ميش قادرة . ناكل شيكولا برك
ليث : همممم يسما ميش حابة تشوفي لندن في الليل
انا : احم ماعلاباليش حتى وين رانا
ليث : البسي قشك درك تعرفي
انا : تماااااااااااااااام
خرج هو انا رحت لبست هكذ
وخرجنا رحنا تعشينا حوت (اني تربيت مادرتش تصاور) و مبعدا قعدنا ندورو وانا كي الطفل لي اول مرة يخرج لبرا قاعدة غير نتشوكا
المهم عقب هاد اليوم و ماهدرناش مره في هاداك السوجي
After a .................
سلاااااااااااااااااااااااااااااااااااااااام
سبو بالشوي عمبالي طولت
كي راكووووووووووووم احوالكووووووووووووووم
اراءكم
توقعاتكم
اند باااااااااااااااااااااااااااااي