46
Olaaaaa
الطبيبة :ايييه وي ، المادموزال مابيها والو جيست جاتها ميسيز راد و الخطرة هادي ضرتها سو من الوجع بزاف داخت هادا ماكان ، درك راني درتلها دوا و منوم باه تريح شوي
ليث : مادام ميش مادموزال
طبيبة : مي ،،،،
ليث : نسقسيك ، درك ديما كي تجي تديرلها هكذ
الطبيبة : نن ميش ديما يكون تاثيرها هكذ لاعوش تقلقت ولا ، بسك في هذ المدة راح تكون حساسة و اي حاجة تدير عليها رياكسيون كبيرة
ليث : هادو تاع لاونسانت نن
الطبيبة : وي كاين اعراض يشبهو لاعراض فترة الحمل و تختلف من وحدة لاخرى
ليث : واو . المهم ثانكيو تعبتك معايا و صوري على العياط تاع قبيل
الطبيبة : u r welcm و معليش عمبالي كنت خايف عليها و مخلوع . المهم درك اتهلا فيها
ليث : اوك . و نقدر نخرجها درك
الطبيبة : مم كون ستنا للصباح خير مام هي تريح شوي
ليث : نقدر ندخل ياك
الطبيبة : بيانسير
دخل ليث راح قعد توالها يشوف في وجهها كيفاه ولى اصفر باين عليها التعب قعد يلعب بشعرها حتى رقد
مع الصباح
مريم
فطنت حليت عينيا قعدت نشوف في الحالة مافاهمة والوبلاسة جديدة جيت راح ندور راسي حتى نحس بحاجة على كتفي لقيتو ليث راقد على الكرسي و حاط راسو عليا. قعدت نتفرج فيه بالسيف باه تفكرت واش صرا مي كيفاه جيت للهنا الله اعلم جيت راح ننوض بلاما نخلعو انا تحركت شوي و ينوض مخلوع
ليث : مريم كشما تستحقي كشما وجعك . نعيط للطبيبة؟؟؟؟؟؟؟؟؟؟
انا : كالم داون. ماكاين والو و ماكالاه تعيط للطبيبة مابيا والو جيست حابة ننوض
ليث : Att نعيط للطبيبة ونجي
انا : ياو ماك....
ماخلانيش مامبا نكمل هدرتي و خرج يجري شوي هكذا دخلت وحدة باينة هي الطبيبة : GOOD MORNING MISS
ريبونديتلها و لوخرى بدات تفيزيتي فيا
الطبيبة : مممم خف عليك الوجع درك
انا : ياس الحمد لله
الطبيبة : اوك درك تخرجي مي نوصيك بعدي على الستراس و القلقة هاد المرة دختي المرة الجاية ماعمبالناش واش راح يصرا . اما الموسيو درك يجي
انا : لاه وين راح
الطبيبة : عطيتلو واش يشريلك . مايطولش
YOU ARE READING
الحكيمة المجنونة
Paranormalحياة مرحة بسيطة في وسط عائلة عادية و لكن ككل الناس ههههه مخطئون على الرغم من بساطتها لكنها مميزة. مختلفة برأيها بمنطقها باسلوب حياتها و وجهة نظرها و لكن ياترى فيمن سيتمثل توأم روحها قصة من وحي الخيال ^+^
