سفيان : راه قتليك معارف والو ... خصك تعرف السبب بعدا عاد حكم
باقي مكملش هضرتو تاكان ناض عندو ولامار شداتووو
اسد : ( بعصبية ولغوات ) مكييههمنييييييش انا هاد السبب لي غااتكووووون دارتليك كتر مكيهمني نشووووف خويااااا صغييررررر بااااغي يشبه فباااااااااه ( سفيان كارز على يدو )
لامار : اساااد اساااااااد عفااااااك
اسد : ( دفعها ) ططططلقي ... ( شدو من حوايجو ) قتلييك شووووف فيا فاش نكون كنهضر معااااااك ...... واش عارف اخخخرررر مرة شفت فيها شي مراة فهاد الحالة بسباب راجل ؟؟؟؟؟؟؟ كانت نهاارر شفت الوالييييييدة كيف صبحات نهار بغات توقف فوجه بااااااك واحد نهار .. ... ( رجع لتخووو على داك الفوطوي وسفيان هادشي لي كيسسسمع طيح ليه لسااااان مايقد ينكق مزال ولا يدافع على راسو )
لامار : ( عرفات الى تقودات ) اسااااد صااافي صافي غير بالعقل
اسد : مكيهمنييييش شنووو دارت هاد البنت مكككيييهمنيييش ..كتتتهمني رجلة خوووويا وتربيتو فين مشاااااات .. دير لي دييييير معندكش الححق توصلها لهاد الحااااااالة .... كون شافتها مها دابا هاكا ها ؟ .... كون تكون عندك بنت ويدير فيها شي واحد هاد الحالة .... هااا قسسسسسم كتلعب حداك ( قسم غير كتشوف بعويناتها مسكينة مافاهمة والة مال باها كيغوت وسفيان كيشوف فيها ) تبغي واحد نهار قسم تجي فهاد الحالة مهرسة عنقها ووجها زرق فليلة عرسها ؟ .... . .
لامار : ( شادة فاسد لي واقف على سفيان شافتو كتر عليه وقسح معاه بزاف باينة جرحو ديال بصح خصوصا ملي جبد باه ولاكن اسد عارف ان هادي هي طريقة الوحيدة لي غايجمع بيها يدو هي ميكونش كيشبه لباه ) صافي ا اسد .. ش شوف .... راه....... راه ماشي هاكاك .. غ غير حيت عصبااتو راه تاهي ماساهلاش ( حياة طرطقات فيها عنيها ) مماديرلوش هاكا
اسد : قتليييييك بعدي لهيييييه .... كيف جااااك رااااسك باغي تشبه لبااااك بزز مممم ؟؟؟؟؟؟؟ مفتخخرررررر ؟!!!!! شوووف فيها مزيااااان ...... شوف اش درتي فبنت صغيرة كون عولتي كون ولدتي قدها ....
سفيااان ناض وخرج لبراااا معصب غير وصل لجردة ضررررب واحد الكرسي برجلو جابو فلابييسين وتاجه لطموبيل كسيييييراااا تاتسمعات الحكة دروايض وخرج منيييييررررر دموووه دازو فعييييينيه اقبح حاجة ممكن يسمعها هي هادي ...واسد شاااااف عند عدنااااان ... عدنان عرف دورو جاااااا واسد مخخنززررر فيه وهو يعتق راسو
عدنان : مضضضربت حد انا .... ( علا يدو ) والله مضربتها طاحت راسها سوووولها
اسد شاف عند رتاج
رتاج : طط طحت راسي .. و ولاكن تااااااهووو ضربني رييشني من شععري و شبع فيا تصرررررفيق ... ضررربني اخويا ضرررربني
عدنان موسع فيها عينيه واسد مشا كلس شاد على راسو هذا مايصلاحلوش معاه تالهضرة جوح كلمات يسكتلو القلب وهو هضرتو قاسحة
حياة غير كترمش فلباب لي خرج منها ... مشطونة من جيهة سفيان على داك الخرجة لي دار واخا كارهاه بهاد الضرب لي وكل ليها .... ورتاج مخنزرة فعدنان ..... واسد كيتنهد غير كيشوف فحياة كيف دايرة كطلع معاه لحرارة كيفاش تامنحنش فيها كاع ... لهاد درجة متوحش .... ورجع شاف عند عدنان ... عدنان غير شافو صوب عينو جيهتو نااااض كاع خرج حيت لاسمع منو هضرة وحدة غايكمل تبااااااقي ....
لامار : ا .. اسد ... ( قربات عندو ) م ماشي قسحتي شوية مع سفيان لا ؟
اسد : ( غير بينو وبينها ) دابا داك بنت خالتك مابقاتش فيك ... انا غير شفتها هاكاك شفت فيها بنتي ...
لامار : راه تاهي ماساهلاش
اسد : مكهمنيش اللامار مكنتقلدوش ببنات الناس ... مدام جبناها لعندنا ومها عطاتها لينا امانة باقا صغيييرة ... الا وبغاتنا نحافظو عليها ... وانا راه غانوقف فوجه خوتي ونضربهم كاع على قبل بنات الناس ... باش تهز مسؤولية بنت راه الامر حساس ... التعنييييف بهاد الطريقة الوحشية مكيدخلش ليا لدماغي ...اه بنادم تاتيتعصب تايفقد سيطرتو .. ممكن يصرفق ممكن يدير اي حاجة الا تكرفييييييص .... اون بليس دو صا راه معندوش الحق ...ماشي هو خويا وهي برانية غانوقف فصفو ونخليها ... انا عارف غاتكون دارت ليه لي خلاه يضربها وغاتكون هي عصباااااتو بصح مامنحقوش ....
لامار : ولاكن ... كون مجبدتيش ليه باه وشبهتيه بيه ..ونتا عارفو اقبح حاجة يقدر يسمعها هي هادي
اسد :هادي هي الطريقة الوحيدة لي مغايعاودش يهز يدو مزال على شي مرا ....ديما غايتفكر هضرتي ...بعد المرات كنحتاجو لهضرة قاسحة باش نديرو عقلنا ...فوقتاش ما سخن عليه راسو وفكر يضريها غايتفكر باه وغايتراجع حيت مغايبغيش يكون بحالو .. وهاكا غانعالج هاد الموضوع فخطرة ووحدة ونطويو الصفحة
لامار : اووووووف والله تاحرت معاهم .. بصح يمكن هاكا مغايعاودش يهز يدو .... عنداك تمشي تقول شي حاجة لعدنان هذاك راه على سبة ... وزايدون قال ماضربهاش
اسد : عدنان كنعرفو مغايكرفصش مرا بالعصا ... يقدر يصرفقها يجيفها بصح مغايخليش لاثار لي يشوفو غدا عليها ويندم ... انا عارفو كيداير
لامار : ماشي عارفو كيداير ... نتا عارفو كيشبه ليك ... ساعة غضب كدوز مخصكومش غدا تلقاو لي يفكركم بشي غلط درتوه....
عند لبنات
حياة : رتاج شوفي راه ( قاطعتها )
رتاج : تااااااكلمة .... مااااتهضريييش معايا
حياة : لا عفاااك .. والله ماكنت باغا نوصلو لهادشي
رتاج : ببببببعدي مني ماتهضضضريش معايا ..تانا حمقة دايرة راسي فيك
خلاتها وطلعات لبيت لفوق .... وحياة شافت الارض تعمرو عينينها بدموع ... واسد ناض خرج بانليه عدنان فجردة كيكمي بعيد باينة معصب خلاه وزاد لطموبيل ومشااا ...
لداخل
لامار وحياة كالسين ورتاج فلبيت لفوق
لامار : وصاااااافي واخا ... برررزطتني .. انا غانعيط ليها ... بصح شيماء راها جايا
حياة : شيماء غانعرف نسكتها ... فكييني غير من ماما وبابا مايجيوش راه متشي خايفة يقولولي مابقا عرس ولاكن يعرفو علاش دار فيا هاد الحال غايعطوني ليه بالذل ويزيدو يجيرو عليا ملفوق والديا وانا كنعرفهم
لامار : واملي عاارفاهم كنتي ديري عقلك مانوصلوش لهادشي كامل ...تا من عرسكم هاااهوا تأجل تالمنعرف امتى .. شفتي خفتك احياة ....
بدات لامار كتصوني فتيل تاجاوبات خالتها
لامار : الوووو ... الو خالتي معاك فاطمة زهرا كيف دايرة بيخير
عيشة : اهلا اهلا بفااااطمة زهرا كيف دايرة ابنتي كيف داير مولا دارررك والدرية
لامار : كووولشي بيخيرررر اخالتي حمد الله
عيشة : قوليلي ابنيتي واش حياة معاك .. كنعيط ليها كيقولولي راه غير مغششل ولا منعرف .. ششششطنتني
لامار : لا لا ماتخافيش راها معايا .. حتى انا عيطت ليك على قبلها
عيشة : اوا الحمد الله قولها واخا فيك ياليهودية قاتلي ماما نمشي ندفع لمدرسة ونجي مشات ماجات وماعلمات كاع
لامار : غ غير ... غير ( حياة بالحس : قوليلها خسر ليها تيلي ) غير خسر ليها تيليفون داكشي علاش ... مهم اخالتي عيطت على قبل قرايتها .. ر راه فاش دفعات للمدرسة عطاوها دوز ليوم وغدا واحد للامتحان .. قولي سييييمانة كاملة غادووزو باش يقبلوهااا
عيشة : والعرررس ؟
لامار : ااا .. ق قاليها سفيان قرايتها اهم من العرس .... وتافقنا قبيلة حتا تكمل امتحاناتها عاد نديرو العرس دابا أجلناه .. عيطت باش بلا متعدبو تجيو ليوم .. العرس ان شاء الله حتى تكمل الامتحانات و ونشركو النجاح والعرس جوج فرحات .... س سيمانة جاية ان شاء الله الى سلات نديروه .. م مهم غير باش متعدبوش
عيشة : اااااه اوا صافي ابنتي لي درتوه هو لي يكون لاكنتو تافقتو صافي نيت مزالا ماساخية ببنيتيي
لامار : ا ااه وراه قرايتها اولى ... مهم تسالي امتحاناتها ونرجعو نتافقو على العرس تاني ويعلمكم سفيان.. م مابغيناش نخليوها هاد العام بلا قرايا
عيشة : ل لا لا هادا هو المعقووول صافي ابنتي هو هداك دابا نقولها لعمك مبارك
لامار : مهم شيماء غاتجي ليوم تبقا معانا واحد ليومامن تشبع من ختها وراه غاتجي لعندك ....
عيشة : الله على بنتي الله توووووحشت الحبيبة ديالي الصغيورة ديالي .. وسير الله يرضي عليييييييكم ابنتي واقولي لحياة تصووني عليا نسمع هضيرتها
لامار : واخا اخالتي مايكون عير خاطرك يلاه بسلااااامة ... وشوفي قوليها تالماما معاك .. يلاه بسلامة ... ( قطعات عليها وساطت ) اوووووف حمد الله ماحسات بوالو
حياة : اوووووف ياربي .... خصني كندير لشيطانة لوخرا تاني نخاف تفضحني ...
لامار : شوفي فاش كاتفكر ؟ فككككري فداك الولد لي بسبااااااابك سمعو خوه خل ودنيه... اول مرة غايتخاصمو .... علم الله فين مشا دابا
حياة : مااتفكرينيش ..... عااارفة الى كولشي بسبابي ( بدات كتبكي ) مكانش كيحسابتني غايوقع كاع قد هاكا .... ( شافت عندها ) نمشي عندو ؟
لامار : واش غاتكلسي على قااااعك ولا لا
حياة : دابا كولشي مقلق مني .... تا رتاج مابغاتش تهضر معايا ...
لامار تنهدات وناضت كتصوني على اسبرو لقاتو ناااعس فدار عادل سيد عايش لفاكونص ديالو ....طمنات عليه بعدا بلي مواقع ليه والو ورجعات عندها
لامار : طلعي هضري مع رتاج تتصالحو ماتبقاوش هاكا غانخرج نشوف عدنان مالو ... طلعي تصالحو معندناش حنا لي يتقلقو كتر من ربع ساعة
جات ماشية ورجعات ضارت ... بانت ليها ماتحركاتش من بلاصتها كتشوف فالارض وكتبكي ورجعات مشات عندها
لامار : ودابا علاش لبكا علاش ...ياك سفيان وتعااااقب ...اوا مالك
حياة : ا . ا انا .. انا مانصلاحش ل ليكم اختي .. جيت و وخاصمتكم كاملين .... انا نرجع لدوارنا حسن ليا ....
لامار : شوف على هضرة كيدايرة غيييببيي من وجهي وطلعي لفوق سررررربي منسمعكش كتقولي هاد الهضرة مزال . .
ناضت حياة بشوية كاتشهق وتمسح خناينها وطلعات فدروج ولامار خرجات عند عدنان لبرا كانت قسم خرجااات عندو كتحبو .. وكالس مكلسها على رجليه
لامار : (دايرة يدها على عينيها من الشمس ) عدنااان .... راك هنا آللفارة ... سسري تلعبي خلي عمك كالس
عدنان : غير خليها ... ( كيبوسها )
لامار : صافااا ؟؟؟؟
عدنان : ممم صافا صافا
لامار : عدناااان ... ديما كنقول ماندخلش .. ولاكن هاد المرة غنهضر .. رتاج ماتستهلش منك هادشي ... عارفها ياك ؟
عدنان : علاش انا نستاهل الامار
لامار : ( شافت لسماا ) واصراااحة اه .. مالك درتي فيها القليل ههه وانقولو الحق هه
عدنان : نووضي نوضي من كدامي ...
لامار : راه خصك تحمد الله لي اسد مخلطكش مع سفيان ههه
عدنان : فين ممشا دابا
لامار : وشكون شافو .... ( جات رجاء )
رجاء : مدام الفطور واجد
عدنان : هههه ( كيضحك فعز عصبيتو ) سيري تفطري الامار سيري هههه( شاف فرجاء ) عيطي على سفيان قوليليه لفطور واجد ههه
لامار : ههههه اودي كترة الهم كضحك ههه... غير فطرو اختي رجاء .. بلاتي شوية يهبطو لبنات ويجي اسد وخرجي لينا لهنا
عدنان : اسد غايمشي لرباط لا
لامار : اه ولاكن منضنش واش سافر دابا حيت مداش طوموبيل لي كيسافر بيها ... غايكون غير مشا يبرد ويرجع ..
عند اسد ..
صايك طوموبيل ... تايقلب عليه ماخلا تاشي شارع ... مشا تالدارو مالقاهش تابدا يصوني تيل
اسد : لقيتوه ؟ .... داكوغ ..
رجع ضرب دوميطور ومشا لواحد بلاصة غير فالمنطقة وهو مضنش غايكون بقا غير تما مقلبش فيها .. ورجع لمنطقة دخل لقا طموبلتو ماباركيا فواحد الحافة كطل على لبحر ( بلاصة هاااادئة بزاااف ) كان متكي على طموبيلتو مربع يديه وكيشوف فلبحر بقوة ماساهي كيفكر ماسمعش كاع حس طموبيل ... وباركا اسد ونزل كيفتح فصداف الفواقا دشوميز ومشا وقف حداه ...سفيان شاافو ورجع كيشوف قدااامو واسد تاهو غير ساكت واقف حداه مربع تاهو يديه ... باغيه هو يهضر
سفيان : ( بعد مدة نطق بصوت مبحوح ) فخابرك واحد نهار نكرني ؟
اسد : !؟؟؟؟
سفيان : قاال لياااا ... قال ليا نتا ماشي ولدي ... وكان كيقول للوالدة فوجهها معامن ولدتيه .... كان ديما كيقول ليا مافيك والو تيشبه ليا ..نتا ماشي ولدي يونس بعدا هاز معايا الشركة ماشي بحالك مكتفيد فوالو ....( اسد غير ساكت ومخليه يهضر ) هاد الهضرة اي واحد فبلاصتي كانت غاتجرحو .... ولاكن انا لا .... كانت كتفرحني حيت على الاقل مافيا شي حاجة كتشبه ليه .... ومنكدبش عليك ... تمنيت حتى لو كانت هاد الهضرة صحيحة ونكون ولد راجل اخور ماشي ولدو ...فضلت نكون ولد راجل فالحرام على نكون ولدو هو فالحلال .. ولاكن ملي كنتفكر شكون لي ولداتني ... كنتأكد بلي راني ولدوووو حيت هي مستحيل دير حاجة بحال هاديك (كيبتسم ) موتها صعقني مع دالك مكنت كنبين تاشي حاجة ونبان مامسوقش وندير الكيت فوندي وخا مشاعلش مهم نتهرب من هضرة ناس ومايعزيني حد دوزت كنازتها مع صحابي ضاحك معاهم والدموع فعينيا ... وانا كنتحرق غير بوحدي باش منشكي على حد حيت عرفت انني ماخسرتش غير ام .. خسرت كولشي .. كيفاش غانبقى مع اب مكيعتبرنيش ولدو غير حيت مكنشبهش ليه فالوجه ... ملي وانا صغير لي شافني كيضحك معايا ويقوليا لمن طالع كتشبه نتا؟ اش داك لعنين عندك .. ماديتي من باك والو ....ولاكن لاول مرة فحياتي ... غنسمع من شي حد بلي راني كنشبه ليه .... وماشي اي واحد .... سمعتها من شخص لي مستحيل نكدبو واخا معرفت اش يقول .... كنتيق هضرتو ....
اسد: ( تنهد ) ولاكن هدا لي قال ليك هاد الهضرة مقاليكش راك كتشبه ليه ...قال ليك بلي راااااك باااغي تولي كتشبه ليه بزز .... الى ماخفت نكدب
سفيان : بحال بحاااال ...
اسد : ماشي بحال لحال .... كون كنتي من اساسك فيك ولو 0،001 فالمية منو ..وتفكرني بيه ...عمرني لاقلت عليك خويا ... ولاكن منكرش ان هاد التصرف لي درتي .... فكرني بيه .... ويلا بقيتي على هاد الحال عاد غاتولي كتشبهو ....ومنضنش غاتبغي تشبهو ....اولا لا اسفيان ؟
سفيان : ( شاف عندو ) اش باليك ؟ ... من بعد هادشي كامل غانبغي نطلع كنشبه ليه
اسد : اوا راه هادشي لي بغيت حتى انا ... بغيت غير خوتي يكونو رجال .... ومايشبهوش فباهم ... لي معمرو عرف الرجلة كيف دايرة .... لي قتل جنين فكرش مرتو .. حيت بغات تدي ولدها تشوف مال ودنيه ... كان غايكون دابا خوك ولا ختك اخور ... ضربها حتا قتلو فكرشها ... وبسباب داك دم لي شفت ضاع منها انا مشيت فحالي حيت فعلا مكنتش كنسمع غواتها ...ولاكن دمها داك نهار شفتو ..... مابغيتش تكون بحالو اسفيان ... تا حياة غاتحمل شي نهار ووحمهم منقولكش شحال صعيب دير ليك شي حاجة غاتعاود ليها هاد البلان وتقتل ولدك فكرشها؟ مممم ! تولي نسخة عللى باك .. علاج العصا ماشي هو حياة تشد طريق لا ... هو نتا تعلم تجمع يدك ( سفيان غير كييغزز فسانوونو وعينيه حمارو مع داك الزروقية لي فيهم ) سمع ليا اسفيان .... باش تاخد مسؤوولية من والديها خاصك تقد بيها ... اه انا عااارف مغاتورينيش فالزكير ديالهم وفشنو كيديرو تاكيخليوك تقطع حوايجك فوق كتافك ... عارف بلي كيعصبووو ويخرجوك على طوعك ويخليوك تنسا تاشنو ضاير بيك.. بصح عمرك تخليهم ينسيوك شكون نتا .. وتربيتك .. ومبادئك ورجولتك .... برد جنونك تاحد ماحيد ليك ... بصح شي حاجة خفييييييفة ماشي داك تكرفيييصة اصااحبي ؟ مهرس للبنت عنقها وجهها مافيه مايعجب كاع ... مابغيتكش تكون بحال هاكا ... المراة الى ماحنيتيش فيها عمرك تسناها تحن فيك ... هي شادة زكير ونتا شاد زكير صافي هي غاتقتلها ودخل لحبس ؟ خصك ديما اسفيان تعالج امورك الشخصية راسك بوحدك .... طرا مشكل بيناتكم لبارح لي انا مزال ماعرفش شنو هو ...عالجو نتا وياها مايرد ليك حد لخبار ... و بدون ماتخلي عليها اثار لي واحد اخوررر يقول عليها شوووف مسكيينة .. بغيتي تكون راجل هي ماتخلي تاحد يشفق على شي حاجة من مسؤوليتك نتا ..حلو مشاكلكم ومع ناس ماتبينو والو باش مايتشفا فيكم حد .. حنا بيناتنا ماشي مشكل بصح لبنت يقدرو يشوفوها عائلتها صحابها ... عرف تحل امورك وتعاقب غير بالعقل .. تعاقب بالوسيلة لي تقدر تنهي بيها النزاع ودير ليها عقلها .... واش دابا كحسابت ليك العصا غايخليها عمرها تغلط معاك ؟ جات لكازا بلا خبااااارك ديها لدارك وتفاهمو مااابغاااااتش ....شد عليها لباب وخليها .... ولاكن تعنيييف بداك الشكل لا .... ( اسد كيهضر وسفيان غير كيسمع ليه ) عمرك منهنا لفوق تخلي شي واحد يرد لبال الى نتا وخطيبتك ولا مرتك بيناتكم شي مشكل .....والضرب عمرو ما كان الحل .. كنلتجأو ليه بعد مرات الى كنا معصبين بزاااااف و راه ولادنا ونضربوهم . . بصح ماشي ببداك لوحشية كاملة. ..... دابا غير قوليا واش مابقاتش فيك ملي كنتي كضربها هاكاك ؟.
سفيان : مكنتش حاس براسي ... بغات تححححمقني ... كدير تصؤفات ديال البرااهش .... اه انا عارفها باقا صغيرة ومراهقة ولاكن بزااااف داااكشي اوووو ... شكون غااايصبر اصاحبي ...
اسد : واخا ... نهار لول لي طلبتيها لزواج وبغيتيها شحال كانت فعمرها ؟
سفيان : 17
اسد : يعني نتااا عارفها صغيرة ماشي قالت ليك عندها 30 عام ..وراك عاارف طريقة تعامل مع بنت صغيرة كيف دايرة ممم ؟ عارف بنت 17 عام كيف كتفكر يااك ..
سفيان : عارف عارف ولاكن هي راه بزااااااااف
اسد : ماتكونش قدك نتا .... نتا ملي كنتي ف17 عام راك بعتي لحشيش وشدوك لبوليس وبنتي فالكوميسارية وكنتي غاتقتل واحد تما ملفوق .... ف17 عام نتا راك سكررررتي ودخلتي ولاد ليسي ديالك لدااررر على جداك ومك وداير ليهم حفل وجايب شراب ... اه انا مكنتش معاكم ولاكن خباراتكم كانت كتوصلني كولها ...غاتقولي المراهقة هاديك والطيش ....اوا راه تاهي بحالك دابا .... كون شدك باك بالعصاااا وهرس ليك عنقك على داك الفعلة .. شنو كنتي غادير ؟... كنتي لاغداااا غادخل عليه يمكن القحاب ت*ويحهم وسط صالون ...ودير ماكتر زكير فيه حيت ضربك ... حيت هاكا كيفكر المراهق .... العصا كيربيه من 12 عام لتحت ...ومن 12 عام لفوق ...مكيترباش بيه غير كيتنقم عليه ..وبغيتيها هي تربا ليك ؟ .. ملول عارفها صغيرة واختاريتها اوا تحمل مسؤوليتك دابا ... عمرها غتربا ليك بالعصا غير ديرها فبالك وشي نهار غاتقتلها بين يديك مغاتنفعكش الندامة
سفيان : واش غانديييير اش ؟ راه مامستعدش نتفارق معاها من بعد ماتعلقت بيها ..خصني هي اناااا ..بصح ماشي بهاظ الطيش .....بغيتها تربا ودير عقلها كيف كانت من قبل .... ومااامفاكش تانرجعها كيف كانت
اسد : اذن حاول تربيها بعقلييتها لي كتفهم بيها هي ....
سفيان : كيفاش ؟؟؟
اسد : واخا ..هي علاش كدير معاك هاد التصرفات وتمشي دير عكس داك الحوايج لي كتقوليها نتا
سفيان : قالت ليا باش ماتعاودش تهز يديك عليا ولا منعرفت اش ....
اسد : هااااكاك ...واااصافي دونك مدام هي كتفهم بعقلية انها خصها تهاجمك بشي حاجة نتا مستحيل تقبلها باش تربا ومتعاودش دير شي حاجة هي ماباغاهاش... حتى نتا غادير نفس الشيء ... السن ديالك ماغايتماشاش معاه هاد القضية .. ولاكن السن ديالها هي اااه ..... وملي متبعادين نتا وياه فالسن بزاف... عمرك تفكر تعامل معاها باسلوب تحط راسك فبلاصتها لا ... حط راسها هي بلاج ديالها فبلاصتك نتا كيفاش كانت غاتعامل .. وتعامل داك ساع بعقلتها معاها ....
سفيان : مفهمتش ؟
اسد : حتا نتا حاول تربيها بشي حاجة مستحيل هي تقبلها .. شي حاجة متقدرش تستحملها هددها بيها .... مكنضش واش غادي نعرف ليك انا خطيبتك كتر منك باس نقولك شنو كيخلعها مي نتا خصك تعرف ... هذا هو الحل لي باليا.. حيت هادي طرقة تفكيرها هي ....والولد صغير فاش كنبغيو نعطيوه ياكل ...تانعطيوه بطريقة الاطفال فلبيبرون اما لاعطيناه بالفورشيت بحالنا مغاياكلش ... ديما خد بعين الاعتبار ان كريقة تفكيرها بعيدة عليك نتا ....
سفيان : ( رجع كيشوف قدامو و ربع يدو ) صافي فهمت .... يمكن هدا هو الحل لي من زمان كان خصصني نديرو ....
اسد : غاتواعدني مغاتعاودش تحط يديك عليها ؟
سفيان : ( شاف فاسد ) منقدرش نواعدك اسد ... اعصابي قباح وهي كتر كتخرج الواحد على طوعو ...
اسد : واخا مغانقولهالكش بهاد طريقة ... مي تقدر تواعدني ماتكونش بحال باك ؟
سفيان : ( بعد مدة كيشوف فيه ) كنوااااعدك
اسد : رغم انو نفس الشىء غير طريقة الطلب لي مختلفة ..لولا على عقليتي انا والتانية على عقليتك نتا... وماقدرت نقنعك الا ملي هضرت بعقليتك ..هاااا علاش كنقوليك حطها ديما فبلاصتك نهار تبغي تقنعها بشي حاجة ... ( تنهد عيا بالهضرة ) ... اذن كولشي واضح .. لي عندي رااني قلتو ليك ... ونتمنى مايخيبش ضني ... يلاه زيد قدامي راحنا باقين بلا فطور شحفتونا على صباح اعود بالله.. شحال هادي ماهضرت قد هاكا من يامات لعكس دلامار .....
سفيان : مافيا لي يمشي غير سير
اسد : زيد ...( جرو ) زيد اعزوز الصغيور زيد
سفيان : اسااااااد
اسد : هههه هاوا ساكت ....( ماشيين كيهضرو وسفيان تبسم قلبهم بيض دغيا كينساو كولشي ) دابا غير قولبا واش مابقااااتش فيييييك ؟ ها ؟
سفيان : اوودي خليني ساااكت حسن كو لقيت كون زدتها على داكشي دارت
اسد: هههه شنو دااارتليك شنو ؟
سفيان : ( تنهد ) مدارت والو ... غير زكير ديال ديما وصافي
اسد : طلع طلع دابا يجيو ليك طموبيلتك ( طلعو فطموبيل كيدير سانتير) ولوخرين مالهم تاني ؟
سفيان : الكارثة داروها بجوج حياة ورتاج... وهانتاااا باش ماتقوليش غير انا لي كنضرب حتااا هو
اسد : هههههه نمشي ندييرلو طاطاح هههههه
سفيان : دابا كطنز عليا ....باااااز عندك كانة د دضحك وانا كنغلي
اسد : هههه ماضربهاش .... قاليك طاحت يوحدها ... هاداك كنعرفو حدو غايعطيها شي تصرفيقات خفاف وغدا يدهنهم ليها بالبوماد .... مايقولكش تاشنو كاين بيناتهم داكشي باش مامعاهش الهضرة ....
سفيان : هذاااااا راه سميتوووو الفرررز .... ناكل غير اتا القاصح تاهو ياااااكل
اسد : داباااااا تغرج فيه غير تهنا ...
شدو طريق للمنطقة ونزلووو اسد بقا واحد جوج دقايق فطموبيل كيهضر فتيل عاد نزل ... كانو لامار وعدنان كالسين فجردة وقسم مشات تجري عند باها هزهاا
لامار فرحات ملي شافتهم جاييين بجوج اذن تصاالحو ...
لامار : ههه على سلاامة ... كنا كنتسناوكم نفطروووو .... غانطلع نعيط لحياة ورتاج ...
طلعات لامار لفوق وسفيان كلس حدا عدنان واسد واقف عليهم شاد بنتو
اسد : قسووم ... عرفتي شكون هادو ابنتي ( اشار لسفيان وعدنان )
قسم : كيددييي ايش ليلي
اسد : هادو اينتي هوما الميكروبات الوحيييدن لي تقديي تشوفيهم بلا مييكروسكووب
عدنان : كتقللب عليااا واقلة
اسد : لا لا متخافش... نتا لي منهنا واحد شوية غاتولي تقلب عليا انا
عدنان تفكر لبلان ديال بارح وبقا كيشوف فيه مصغر عينيه وهو كيلعب مع بنتو .. زعما يكون مهتم ليه لصحتو ؟ علاش كيبحث .. تنهد بآمان لانو حل بعدا الموضوع على الاقل مؤقتا . .
عند لامار
طلعات للفوق عند رتاج وحياة حلات لباب لقات حياة كتبكي ورتاج معنقاها كتسكت فيها
لامار : حياااة !!!!
رتاج : اجي هضري معاها آلامار انا شححفت صاافي ازمر انا نسييييت و مساااامحك الالة باركا غير هاد القتلا لي واكلين... وصااااافي جمعي خناينك غير متعاوديش
لامار : ( مشات كلسات حداها ) دابا علاش كتبكي
حياة : ( كتبكي و كتشنهق وتمسح دموعها بكمامها ولات كولها حمرة كتنخصص ) ح حسيت براسي ... س سباب فكولشي ... ك كنو هانييين وجيت نكدت عليكم
رتاج : هانييييين ههههه قوليلها آ لامار كيف كنا قوليلها هههه
لامار : شفتي هاد العائلة احبيبتي ماغاتهنا حتى يتزوجو هاد المساعير دعكوزتي كاملين .. قبل ماتجي نتي تنكدي ... كنت انا لي مننننكدة وتانا بحالك واحد نهار ضد فيه مشيت خرجت مع واحد لولد وجبتها فكري دوزت حملي بقسم كولو بووووحدي .. وملي رجعت انا لطريق ... نكدااااات عليناا اريييييج هي مشاااات تزووج كااااع واسد كان على شوية غايلوح يونس من السرجم كان مشااا يحيح نهار خطابتها ... كون تشوفي احببتي شنو داز على هاد الريوووس غاتولي تباني نتي فيك الضوووو علينا هههه ....
حياة : ل لااا ... لا باينة لخوت عمرهم تخاصموو ....وبسبابي دابا اسد تخاصم مع سفيان
لامار : هادو اصلا مكتخاصموش كيربلو دنيا وتلقايهم رجعو .. واسد على قبلكم نتوما داز على خوتو كاملين ..قبل منك اريج خلاتو يحبسو مع دياااب فديبو ووكلو قتلة دالعصا فدارهم .... ودابا نتي خلتيه يخلي دار بو سفيان ... وهاد خيتي لي حداك راه خلات اسد واحد نهار يعطي لعدنان بونية تارعفو فلانيغسيغ داريج نتي راك غير جيتي تختمي وصافي هههه ....بلا متبقاي تقولي انا سباب هادو هاكا دايرين غير جمعي خناينك فكي لينا غي حريرتك مع سفياااان .. ماسوقكش بينو وبين خوه واصلا راهم جاو ضاحكين نااشطين فكينا غي نتي
حياة : م ممااابغتش هادشي انا ... مابغيتش نخاصمو مع خوه ..... ق قلت زعما غايبقا الامر بيناتنا . و واسد غير غايهضر معاه عادي ماشي كاع قد هاكاك .... (رجعات كتبكي )
رتاج : وصاااافي سكتييييناااا طيحتي علينا الضيم كتر ماهو طايح
حياة : ( مسحات دموعها كاتنخصص تجمع البكية ) ي ... ياك سفيان كاع مغايكرهني
لامار : هههههه ونتي كرهتيه من بعد هاد طرحة دالعصا لي عطاك ( حركات راسها بلا ) اوا راه حتى هو مغايكرهكش .... هادي غلطة وتعاقبتي عليها وغاتقسح لوالديك ليك راس .... باش مرة اخرى متعاوديش شي تهور بحال هادا لي يقدر يأدي لهادشي .. ووكليتي تالهادي نسكينة العصا معاك مهههههه
حياة : ( عنقاتها) سممممممحي ليا اختي عفااااااك
رتاج : وصافي طييييبتيييني .. ماشي مشكل نسيييت ...ارا غير تصالحو ونحضرو فعرسكم .... كولشي غادي يفوت ... لامار و اريج داز عليهم كتر من هادشي وهاهو نساو كلشي وعايشين بييخير ...
لامار : عرفتو شنو ....غانهبطو دابا نفطرو مجموعين وونساو كاع هادشي لي طرا ..داكوغ ؟ وفاش نساليو سيري نتي وسفيان تهضرو على خاطركم وتصالحو ونتي ماااانعرف اش غنقوليك كاع
رتاج : انا غي خلي حريييرتي ماعندهاش حل ههه يلاااه يلاااه كترة الهم كضحك ...
لامار : مور لفطور بغيتكم تعاودوليا بتفصيل اش درتوووو لبارح واش قلتو وكاع اش طرا ووصلتو لداك الحالة انا عارفاكم مغاتشربوش راسكم ... اريج جايا فطريق وغاتحلا لينا لكلسة ...
هبطو لتحت لعندهم كل وحدة مسكينة منين معطوبة ولاكن حياة فايتة فيها بزاف ...سفيان مكيشوفش عندها كاع هاز تيل ديالو ملهي فيه وهي قالبة شنايفها لاارض وكلسات واخا بقا فيها على لهضرة لي قاليه خوه الى ان غير كاتشوف فوجهو كتقول يستاااهل .. وعدنان تاهو قالب راسو على لوخرا ... دابا هوماا لي منفخييين واسد متبع ليهم العين ..... خاصو لابد يقااد هاد الخوت مزيااان بااش مايبقا حد يزنزن عند راسو خصو غير امتى يزوجهم ويتهنى .... بدات رجاء كتحط لفطووررر ولامار واسد كيلعبو مع بنتهم .... فطروووو مجموووعين ....تابدا تيليفون د اسد كيفيبري ليه ومسح ففمو بلباقة وجاوب ....
اسد : وي عادل ...
عادل : سيدي صافي اش بغيتنا نوجدوه راه واجد
اسد : ممم داكوغ ...
قطع عليه وشاف عنهم داير صبعو الضغير ففمو ومصغر فيهم عينو ويرجع يشوف فلبنات .... وهوما كيتسناو شنو غايقول ... فللخر تحنحن وقاد الكلسة
اسد : عيط ليا عادل ... هادو واحد جوج ولاد تعداو على رتاج وحياة .....
سفيان ( صافي دغيا جاتو لبالو ليلة لبارح فديسكو بدون تامايفكر واش اسد عارف بصح كيعرفو نزق مكيفلت والو اذن حضرهم ) شكوون هاادو ؟؟؟؟؟؟
رتاج : وو اش داك مراااااد ؟؟؟؟ جبتوووه ؟؟؟؟؟
اسد : مراد ؟؟؟؟؟ .. اه ... اه مراد
عدنان : ( شاف عند رتاج ) شكون هاد مرااااد
اسد : ... يلاه انا غانمشي نشوفهم ونتفاهم معاهم .... نتوما غير كملو فطروكم
ماجاا ينوض تتلقاهم هوما سبقووووووه .. وسفيان خلا موراه الكرسي طاااايح ... كيتححححلف فيه عارف غايكون هو لي دار ليهم هاكاك عرفو الى هداك لي كان غايديهم لبارح ....
سفيان : بررررررب تاااانقلو ليوووووووم
زادو معصبيين يشوفو هاج جوج شكووون واسد موراهم مااااشي بشووووية عليه ... ركبو فطموبيل واسد كيصوك ويشوف فيهم
اسد : روووولاااااكس ... مغايفلتوش منها ليوووم .... غير تهنااااو
سفيان : عرفتووو شكوووون ولد القححححبة...... غير يلاتي على واالديه
اسد : بلااااااتي على ولدييييه ...
نزل من طموبيل حدا ديبوو ...ماشي وهوما تاابعينو كيتحلفووو عصبهم نيييييشان شعلووو ....عرفوه الى دارهم فديبو... والكارد حلو لباب وهوما دخلووو سااعرييييين
عدنان : فيناااااهوما هاد ولااااااد القحاااااب
مجا يكمل هضرتو تاكان شدهم ربعة ديال الكارد وشدو سفيان تاهو واسد واقف وظاير يديه لور
اسد : ( اشار ليهم ) هاااااهوما ..
عدنان : شهااد لخرااا هذااا وااااش بانا ليكم فينا منضضضحكو
سفيان : اش كديييررر ؟؟؟؟؟؟؟
اسد : اححم ( بدا كيحك لحيتو بهدوء وهضر مع الكارد مشييرر لعدنان وسفيان) نعرفكوووم .... هادو لي قدامي هومااا واحد جوج تكرفصو على واحد لبنات لبارح .... ( اشار للكارد ) وهادو رجااالي كتعرفوهم ياك ( سفيان وعدنان مغددين ) هوماااا لي غاايتهلاو فيييكم ليوم ... ( شاف عند لكارد ) عنداااكم تقصرو من جيهتهم ....( عادل شاد ضحكة لور طنز اسد و عصبية دراري منزر كيجيب ضحك ) راه طرييق كاملة هوما كيتحلفو على راسهم .... يعني رطبو ليهم ضهرهم مزيااااااان وماضربوش الحساب ...بغييتكم تهلاااااووو فييييهم هاد ليلة ...بغيتهم ماينساوهاش يتفكروها كل مابغاو يهزو يديهم على شي مرا
سفيان : ياااااااك هضرنا وسالينا
اسد : اه ولاكن ماتعااقبتيش .. ( شاف عند دياب ورجع شااااف فيهم ) كيف جاوكم هاد اكلاب ضريفين ياك ... واخا مسعورين شوية مي ولاد ناس
سفيان : (شاف فدياب ) رااااه دياااااب هادو
اسد : نعاام ؟ راه هضرت مع ديابي ماشي معاك ...
عدنان : ( كييييتجنن وكيحاول يتفك مزير على سنانو ) بررب ماغايفكني منك حد
اسد : تفك بعدا من يديهم عاد قلب شكون يفكني انا (غمز ليهم) تهلاو نتشاوفو غدا ماااااديروووش بسالة هههه( مشا كضضحك)
عدنان : اسااااااااااد .... فك هااااادشي هدا ماشي ضضضضضحك
سفيان : ( ضرب رجلو مع الارض ) فااااااااااااك
اسد خرج من عندهم كيشعل كارو ديالو وهوما شدو عليهم لباب وحا عندو عادل حابس داك الضحكة بزز حدااااه
اسد : ( ساط دخان ) خليهم تانجي ... مرة مرة دخلو الى بغاو شي حاجة ... ممنوع يخرجو منهنا تانجي انا ... ردو بالكم راه مساااهلينش .... عادل نتا اجي معايا
خلاهم ومشا لطموبيلتو وعادل تابعو ... ورجع ضار عندو
اسد : بحالا نسيتو شنو طلبت منكم توجدو ليا لبارح ؟ ممم ؟ نفكركم ولا شنوووو ؟
عادل : ااء ؟ ش شنو اسيدي ... م معرفتش ... ااه واش الموضوع دالحالة دالصحية دسي عدنان ... راه سيفطنا ليك الايمايل اسيدي ...
اسد : امتى سيفطتوه راه موصل والو ؟!
عادل : مزيااان لي ماسفطوهش ... حيت كنت غانقوليك لاكان وصلك راه غالط ... لان الدراري ديالنا فاش تواصلو مع دكتور لي مكلف بحالة عدنان ... غلط وعطاهم تقرير واحد اخر ديال حالة اخررى تاهو سميتو عدنان ويلاه باش رجع اتصل بينا كيقول بلي التقررير غالط وحالة عدنان يوحدها عاد غايسيفطوهاليك دراري دالمكتب
اسد : ( علا حاجبو ) شهاد روينة هادي ؟ كيفاش غالط ؟ شنو مكتوب فداك تقرير دلبارح
عادل : مامنحقناش نقراوه اسيدي كنسفطوهليك ديريكت كيف سيفطو لينا الدكتور ... ولاكن كون هاني عطينا غير نص ساعة يوصلك التقرير الصحيح
اسد غي مصغر عينو وكيشوف مدازش عليه هادشي لان كون كان هاد دكتور بصح غالط وعطا لبارح تقرير وفصباح يعيط يقول لا ... اذن شكون هذا لي صحح ليه المعلومة وباش عارف بلي ماشي هو عدنان لي بغااو .. لا لا مدخلوش هاد لعقلو ...
اسد : متأكدين نتوما سيفطتو ليا تقرير لباارح ؟
عادل : اه اسيدي وكنت واقف على راسهم ومعايا تا اسب بغيت نقول سي سعيد سيفطوه ليك ... غير يمكن طرا شي غلط
اسد : و لاينا ايمايل سسفطتوه ؟
عادل : الاوفيسيييل اسيدي ... سيفطناه فلييل
اسد تكا على طموبيل كيفكر لبارح عدنان لي كان فالمكتب وهو لي كان خدلم فلبيسي لي مفتوح فيه الايميل الاوفيسيييل .... اذن راه غايكون قراه ... ومستحيل يخليه بلا مايمسحو وهو لي دار هاد اللعب ورجع تغدد كيفاااااش مطاحتش عليه غايسفطووووه لاميييل لاخور ... و تنهد بجججهد وشاف عند عادل
اسد : غاااتعاودو تسيفطولياا التقرير ديال لبارح مكيهمنيش واش غالط ولا لا بغييييتو ... سيفطوه ليا ل لايميل ديالي .... دااباااا
عادل : اا و واخا اسيدي بصح .. ر راه تقارير ملي كنسيفطوهم ليك سيستام كيمسحهم من عندنا لحماية لخصوصية دالعائلة ديالك اسيدي ... و ونتا لي واضع هاد القوانين .... مكنضنش واش غايبقاو محتافضين بيه بعد الارسال
اسد : ادن دكتور يعاود يسيفطو
عادل : ويلا مابغاش !؟ حيت هو اصر علينا بزاااف لباارح نمسحو تقرير لقديم الغالط باش يحمي اسرار المرضى ديالو .... مغايبغيش يعاود يعطينا
اسد : ( كييسوط ودوا بحححدة زعزعو ) عااااادل واش بااااغي تششششعلني على صباااح انا بغيييييت داك تقرير اللهم يجعلكم تمشيو تالعندو وتجيبوه .... ليووووم يوووصصصننني ... اخترقو ليهم ليسيستيم ولاشوفو شغاديرو مغانوريش ليكم خدمتكم ....
خلاه وديمارا ماشي ويدو لي فيه كارو متكيها على شرجم كينفضو ... وكيفكررر اذن مدامو مخبع الامر لهاد درجة ... غاتكون شي حاجة كغاااف؟؟؟ ويرجع يستعيد من شيطااان ويقول لا لا ممكن غير ماباغي حد يعرف ... وصل لدار ونزل مشافش كاع لا هنا لا هنا ديريكت دخل لمكتب لقا كولشي خاوي كاع لي تهرس خرجوه الخدام ونضفووو .. مشا لبيسي بزربة فتحو لقا الاميل تمسح وشدو بججججهد تاقرب يتهرس
اسد : فاااااك .... اش غايكون فهاد تقريييير كاع ...
ناض كيمشي ويجي ويتهدن ...
اسد : غانعرف شنو تما ... غانعرف ...
رجع قاااد راسو وصداف ديدين دشوميز ... ومشا لصالون هز لفيست ديالو لي بقات تما ... وهو يشوف لزاج بانوليه لبنات باقين كالسين فجردة كيهضرو .... دور ديالهم جا .... تاهوما خصهم يترباو على هادشي ..... ومشا بجيهتهم وهوما شافوه جاي وضربو الطم ... وكلس مقاابل معاهم ... وترهم كيتسائلو مالو كيشوف فيهم هاكا
اسد : يلاااه !! .... ششي وحدة تهضر وتقوليا شنو درتو لبارح لي خلاكم تصبحو فهاد الحالة.... مغايجيوش ويضربوكم غير هاكاك ...
رتاج وحياة بقاو غير كيشوفو فبعضياتهم وهو رامقهم بنظرة استفسار كيتسنى منهم جواااب وهوما ساكتين كيبلعو ريقهم ولامار غير كتشوف وتدعي الله يخرج طرح على خير .... تاااااكيتم اسبرو جااااي بعجاااجتو كيجري شاف اسد هو ينقص فالسرعة وتبببسسم وهبط راسو
اسبرو : صبااااح الخير اسيدي ... ( رجع ضور راسو على اسد باش مايشوفش اش كيقول وتحيدات داك تبيسيمة لي كانت فوجه اسد ورجعات تخنزيرة كيشوف عنند لبنات ) واش بصاااااح نتوما كنتو فديسكووو لباااااارح وسكرتووووو ؟؟؟؟؟؟؟؟؟
رتاج شدات على راسها صاااااافي اش بقا مايتخبا تفضحووو حيت هي عارفاه كيسمع واسد طلع حاااجبو بمعنى اهاااا ... ورجعات شافت ف اسد موكلة امرها الله كضور راسها
رتاج : كنااااا فديسكووووو ( حياة طرطقات عينيها علاش قالتها ليه ؟؟؟ على هو احبيبتي بقا مايتخبااااا )
رتاج بداات تخخنزررر فاسبرو يكككلس .. وهو فهم الغميز ديالها وكلس ...رجع داك للابتسامة على فمو حدا اسد ... واسد كيشوف فيهم ...
اسد : اهاه ؟
رتاج : احم ... م موهيم ... ح ح نا . حنا مشينا غ غير .. (جمعات قواها تهضر وحياة كتشوف الارض ) صراحة ا انا اخويا .. مشيت نتلاقا بصحابي ووننسا شوية المشاكيل والتفكير .. كيف ديما ننشطو شوية ونجيو ... وحياة ملي عرفتني ماشية بغات تمشي معايا .... ومشينا .. شربنا غير عصير حنا مكنقربوش ل لالكول ... معرفتش شكون دارو لينا ... ومنعد مابقيناش حاسين كاع بشنو طاري اخور ...تالقانا سفيان سكرانين .... وعدنان تعصب على قبل شي تصاور نشرتهم بدون وعي مني
اسد : دييسكووو؟!!!! سكرااانين؟؟؟؟
رتاج : ( راسها فالارض ) ا .. اه
اسد : براااافو والله الى برااافو عليكم ...... ( رجع لور وربع يدو و شاف عند حياة ورجع شاف فيها ) اذن مدامكم مطييحين راسكم هاكا ... عارفيين هادشي لي درتو راه غلط كبير ؟؟؟؟
حياة : ا اه اخويا ... غ غير ...
اسد : غير اش ؟ مممم ... شكون هادي لي غاتخلي دو جوغ للعرس ديالها وتمشي لديسكو ؟!... ( لامار غير كتشوف عند اسبرو وتولول )
حياة : ع عارفة اخويا الى غلطت ... و وندمت
اسد : فخبارك فين هو دابا .... وغلطك فين وصلو ؟
حيااة : ( طلعات فيه راسها بزربة ) ف فين اخويا ؟؟؟؟
اسد : راه مع دياب محبووووس
حياة : ( وقفات مخلوعة ) شنووووو
اسد : ( بحدة ) ررررجعي تكلسي باقي مكملتش هضرتي
حياة : ( كلسات مخلوعة من نبرة دصوتو ) خ خويا .. ع علاش حبسيتيه
اسد : حبستو بسباب غلطة درتيها نتي .. وماشي غير هو .... معاه حتى عدنان
رتاج : كيفاااااش ؟؟؟؟؟؟ لا اخويااا عفاااااك عدنااان مريض لاااا راه مداااار ليا واااالو طلقهم عفااااااك ....طلقوووو بعدا هو راه مريض
لامار : اسد حماقيييييتي اويلي ؟؟؟؟؟؟
اسد : شششش.... مغانطلقهمش ... والى عدنان وقعات ليه شي حاجة ...غاتحملي نتي مسؤووليتو ...حيت بسباب غلطكم لبارح هوما تحبسو تما .... كون ماستفزيتوهمش ... كون مااهزوش يدهم عليكم ... اذن نتي احياة ... الى كتعتابري سفياااان زوج مستقبلي ديالك ... خصك تحميه من طيش ديالك ... حيت الى استفزيتيه وضربك ... غايتعاقب كتر من هاكا هاد المرة غايتحبس نهار ...ويلا عاودها غايتحبس شهر .... ( حياااة بدات كتتبكي وهو بلعاني كيدر ليهم هاكاك ) ويلا رجع تاني دارها مرة تالتة غانطلق دياب .... الى مابغيتوهمش يتحبسووو .. ماديروش اش يخليهم يغلطو معااااكم ..... داكوغ ؟؟؟؟
حياة : خووياااا انا مسماااحااااه صافي ايييه انا غلططططت .. ولاكن طلقو عفاااااك اخر مرة ندير بحال هاكا ونولي ندير اش كيقول ليا كنواااعدك .... عمرررررني ماندير علاش يضربني صافي وعد مغايعاودش يضربني ....غير طلقووو هو وعدنان ....عفاك اخوووويا
اسد بقا غير كيشوف فيها كيفاش ولات تتطلب وتزواك وتنهد وقرب لطبلة
اسد : سمعييي ليا احياة ... سفيان باغي ليك غير الخير .. وكيخاف عليك .... واي واحد يلقا البنت لي غايتزوج بيها منهنا يوماين فديسكو .. وشااااربة .... راه يقتل راسو ماشي غير يهرس عنقها ....( اسبرو بالحس :ححح عطيهم ) دونك غاتشدي واحد القنيتة وتكلسي تفكري فشنو درتي وشنو كديري وشنو غاديري عاد .... نتائج هانتي شفتيهم .. اذن كيبقا ليك القرار ... ايما تشدي طريق معاه بالنية وفالحلال وتكوني ليه الزوجة الصاااالحة لي غاتوقف معاه فمستقبلو ... ويااا ايما تخرجي عليه وعلى راسك بالعنااااد والطييش دالمراهقة .... وسولي راسك واش بغا تعيشي حياااااتك لراسك كيف بغييتي نتي ... ولا بغا تعيشي حياتك نتي وياااه ... راه كاين فرق ... غاتقوليلي بغيتي تعيشي نتي وياه ...اذن راه خصك تقاسمي معاه كولشي ... ماشي تمشي فين بغيتي بلا خبارو ... وتخليه مخلوع .... دااااكوغ ؟؟؟؟؟؟
حياة : صاااافي اخوووياااا والله منعاااااود فين مامشيت نقوووولهالو
اسد : هو غايكون راجلك ... من واجبو يعرفك فين كتمشي وفين كتجي ... وزواج مافيهش مااااتحكمش فيا ... حيت لا جينا لداك القضية راه تانتي يدخل عندك مع 12 دليل سكران ... ومااتسوليهش فين كان ..( حياة غي مهبطة راسها ) وفرقي بين علاقة ... وبين زوااااج
حياة : صااافي اخوووويا فهمتك مغانعاودش ندير بحال هاد تصرفااات .. غير طلقووو
اسد : لا مغانطلقوش ... تاهو غلط وخصو يتعاقب ... ومغانطلقو حتى نشوفك نتي فعلا ندمانة على غلطك .....مصييرو بين يديك نتي واش يتطلق واش لا ..حيت منقدرش نطلقو ونتي باقي باغا تشدي معاه زكير حيت نخاف عليك يهرس ليك شي رجل تاني ... ( حياة بدات تبكي عاود... ولامار غاحالة فمها هي واسبرو شحال هضرو وشحال خطبو ومقاتنعاتش جا هو بجوج كلمات ردها لطريق وشاف عند رتاج ) ونتي لي كتنصحي المرضى ديالك يبعدو على التوتر ..... جااايباه لعدنان فطبق من دهب ...
رتاج : ا انا راه مابيني وبينو والو اخويا ....
اسد : دابا انا حسبيني حمق مكنفهمش .... ونتي مولات العقل جاوبيني .... ( رتاج غير كترمش بعويناتها ) واش الى كان عدنان كالس هنا .... ودخل شي واحد وجا تبسل عليك .... اشنو اول حاجة غاتخافي منها ؟
رتاج : غانخاف لايضاااربووو اكيد
اسد : اوا وعلاش غاينوض يضربو الى مابينك وبينو والو ( رتاج غير طيحات راسها ) مززياااان ... اذن تخطينا هاد المرحلة دمابيني وبينو والو ..... ملي نتي عارفاه مغايبغيكش تحتكي بواحد اخر يتبسل عليك .... علاش ماشيا لديسكو وعارفة بلي راه هادشي لي غاتلقاي تما ؟
رتاج : ح حيت .. حيت بغيت نعيش حياتي وننساه شوية وننسا الهم والتفكير
اسد : كتقتلوني انا بهاد نعيش حياااتي مالقيتي فين غير فديسكو !!! .... زعما لامشيتي لتما غاتنساي .. غايتحلو مشاكلك ؟ هانتي غير زدتيهم على راسك ...
رتاج : محسابتنيش غايعرف ... دابا غير طلقو عفاااااك راه غاتجيه شي كريز
اسد : مممم ... نتي سمعتيه غير فديبو وخايفة تجيه كخيز .... و وجود واحد البنت كيهتم وكيخاف عليها وقاتل ديجا روح على ودها .... فديسكو مع السكايريا .. مخفتيش يدير ليه كخيز ؟ ... وصور لي كتهضري عليهم شافهم وعصبوه ... مخفتيش يديرو ليه كخيز ؟
رتاج : و ولاكن ر راه مدرتهمش بوعيي
اسد : ولاكن مشيتي فين ديرهم بكامل وعيك ..... وبسبابك حتى نتي هو تما ... درت ليهم هاكاك باش مايعاودوش يعنفوكوم ... يعني لاوقعات ليه شي حاجة ... نتي سباب ... وحتى الى فلت منها ... وغدا مشيتي تاني بحجة تعيشي حيااااتك .... وديري شي حاجة لي تعصبو ....مغايفلتش منها ....
رتاج : ولاكن اخويا راه هو لي كيستفزني .. ديما كيلعب بيا ...
اسد : عدنان ماشي مراهق .... راه تلاتيني ... وكيعرف اش كيدير ... مدام كيدير ليك هاكا .. خصك تعرفي علاش ( رتاج غير سكتات حيت عارفة علاش بسباب مرضو ) وملي غاتعرفي علاش .... عالجي الامر .... ميمكنش واحد كاتب سميتك فدراعو مكتعنيش ليه !! شوفي فين كاين الخلل وصلحيه ... هاد تصرفات ديريهم مع واحد فعلا عارفاه مكيهتمش ليك ... ماشي واحد غير سمعني قبيلة قلت جوج تعداو على رتاج وحياة ناااض كيجري .... دونك فكري شوية .... ويلا كنتي كتخافي على صحتو ...راك عارفة شغاديري ياك ؟
رتاج : مممم ( حركات راسها بآه مهبطاه ) نبعدو على التوتر ....
اسد : انا مكنبززش عليك تراعي لعدنان ... ولاكن عارفك خاااايفة عليه ... وبغا تصلحي الامور بيناتكم .... وعارفكم ديال بعضياتكم .... داكشي باش كنصحك ... اما كون شفت نتوما مكيربطكم والو ... مكنتش غاندخل .... اذن شغاااديري ؟؟..؟؟
رتاج : صافي ... منعاودش بحال داك التصرف ومانعيشش حياااتي على اساس مكينش لي كيهتم ليااا ونعيشها فالحدود ومندخلش لبلايص مشبوهة ( لامار غير حالة فمها اولي واش طمسسهم ؟ ماواحد اسبرو غير حاط يديه على حنكو وكيشوف مصدوم كيطلب تسلييم)
اسبرو : ( بلحس ) تسلييم ..لاكنتو من الجن انا مسلم ولاكنتو من الانس انا مببببكم
اسد : سوووبر ... دابا مزيان ... شدينا الموووضوع هنا ... والباقي بيناتكم ... بغيتو تعتدرو بغيتو تجرجرو شغلكم هاداك ...
ناض كيشوف فيهم بمعنى مغانعاودش كلامي مزال وشاف لعند لامار لي باقا حالة فيه فمها ... وهز بنتو دخل لدار ولامار تبعاتووو كيتجري
لامار : ا اا جي هيييي .. اجججي قوليا ... كيدرتي ليهاا ... عللللمني .. اساااد صبر ... واش سحور ولا طلاميس ولا تنويم مغناطيييسي ....واااصبر راه معاك كنهضر .... تا كديرتي ليها غي علمني عفاك
اسد ضحك كضور راسو لان كيسمعها وعنقها وعندو وطلعو ... واسبرو باقي كالس يدو على حنكو كيشوف معاهم
اسبرو : دابا لي نفهم من هادشي ... هو نتوما تقحبنتو ... وهوما يتخلا دار بووووووهم
رتاج وحياة : ( غوتو ) اسبروووووووو
اسبرو حط خمسة على فمو وصقر
عند اسد ولامار ...
طلعات موراه للبيت كتهرنن تاحط قسم وضار عندها ...وهي تعلق فيه كتخبش فالكول ديال عنقو
لامار : عرفتي شحاااال وانا نهضر معااااهم وننصح فيهم يديرو عقلهم ..جيتي نتا بجوج كلمات قنعتيهم ...كيف درتي ليها
اسد : ( مطلع حاجبو باستغراااب )عاودي شنو قلتي
لامار : ( طلعات فيه عينيها كترمش )اء ؟ ق قلت كيف درتي ليها؟
اسد : لا شنو قلتي فلول
لامار : ؟؟؟؟؟؟؟شحال وانا نصح فيهم ؟
اسد: داباااااا نتي ( بعدها وشد فيديها ) كتتتنصحيهم يديرو عقلهم ومايعصبوووهمش
لامار : والله ااحبيييييبي تاشحفت معاهم يديرو عقلهم ..احيااااة يهديك الله كبري عقلك ...ارتاااج يهديك الله ماتشديش زكير ... ديرو شوية دالخاطر وتنازلو ...( اسد ربع يدو وعلا يد شاد بيها على لحيتو كيسمع معععجججب ) احياة راكم غاتزوجو وزواج مسؤووووولية ... وخصك تكوني ناااااضجة وبعقلك ...عيت عيت معاهم مكيسمعوش ....
اسد : ( غير ساكت وكيشوووف تقاااااضاو ليه هو لي موالف يضاقيها للناس هي كتقاضيهم ليه ولامار غير كترنش فيه) مالقيت ماااااانقول ... تحدو لياااااا
لامار : ا اء علاش
اسد : ( كيقرب لعنها ) بغيتي تعرفي علاش
لامار : ممممم
اسد : ( عنقها من خصرها ) منين غانمشي انا احبيبتي سيري كلسي لهيه وتفكري راسك قبل ماتولدي قسم .... بنت خالتك راه مغاديرش دير حتى 1 فالمية ملي درتيه نتي .....( باسها ففمها مزيييررر عليهاااا تاقرب يخنقهاااا ) غااانتوحش حبيبتي .. بغيت نديكم معايا مي ماتخليهمش فهاد الحالة....
لامار : نو نووو منقدش نمشي ...غير نتا متعطلش ... ونساااا شوية نسااااا يااااك تبدددلت
اسد : ههههه تميزاجوريتي نتي كاع هههه اعادة الهيكلة ( رجع باسها ) ردي لبال لراسك ... ( جا ماشي ورجعاتو )
لامار : اسااااد..... واش بصح حبستيهم ولا غير كتخوف اابنات ؟؟؟؟؟؟
اسد : حبستهم ...لان غانسافر ومغانركزش فالاجتماع ...حيت متأكد غير غانشد طريق غايجيو يديوهم بزز وهوما باقين معصبين ... للهم خليهم تما تايبردو ويديرو عقلهم ويقررو فخاطرهم عنهم نهار كاااااامل ارا مايفكروووو شنو يديرو معاهم ....ونا نحضر لاجتماعي فخاطري ....
لامار : وعدنااان اش دار ؟ياك مضربهاش
اسد :لي كيدير فيها عدنان مكيديروش سفيان ... خليه هداك كيخلص حسابات قدااااام ...
لامار : ولاكن راااه مريييض لاوقعات ليه شي حاجة
اسد : اش عندو مايوقع ليه .. راه تما لكارد ...
لامار : راه احبيبي حتى لبناااات غالطين ماشي غير هوماا ... من وجهة نظري ... اه مكانش عليهم يضربوهم بصح راه دارو علاش....
اسد : منقدرش نحكم ولا نعاقب بنات الناس الامار انا مامسؤولش عليهم .... خوتي ايه ... اما هوما بيناتهم لي قدرت عليه درتو معاهم .... حبي راني معطل ( شاف لسعتو ) انا غانمشي ..خرجو د تغداو برا ونسيييهم شوية داكوغ ؟ .... ( جا ماشي ورجع ) اااه ... هضرتي مع الوالدين ديال حياة !! حيت ممكن يجيو ليوم
لامار : لا لا فكيت هاد المشكل قتليهم عندها امتحانات ...اجلنا العرس على لاقل تاتبرا ويتصالحو ...تقدر تسيفطليا شي مروضة ولا مروض لحياة طلب ليها طبيب لبارح ترويض لعنقها ....
اسد : مامهرساش اذن
لامار : نوووو ... خصها غير ترويض ..
اسد : واخا ..تانجي وغانتفاهمو على داك لكلينيك لي ماشيا ليه فنص ليل بوحدك بلا متعلميني .... ( باسها فحنكها ) بسلاامة وتهلاي فراسك وخلي تيليفونك حداك ( تحنا على ركبتو تجي عندو بنتو وجات عندو كضحك هزها كيبوس فيها ولامار تنهدااااات يااااربي واش ينسا شي حاجة ولا يتجاهل ابدااااا )
لامار : غير زيد نهبطو معااك .... قسوووومي غاتوحشي بابااااا مممم ؟؟؟؟؟؟
عند لبنات لتحت
حياة : ونتاااا شكون لي قالها ليك ؟؟
اسبرو : قالتها ليا لاااماار قاتليا اجي رااه فرشخو لبنات
رتاج : حرام واش تستر شي حاجة
اسبرو : انا عاااارف راسي واحد المنحوووس مامني .. غير حطاتني طيارة لبارح عارف غاتوقع شي حاجة حيت ميمكنش نجي ومتجيش فوالديا شي دقة ... كنجي نهز عليهم دقتكم ونننننمشي
حياة : سكت سككككت اشمن دق هزيتي كولشي جا فينا
اسبرو : على انا من دااااك الزهههررر وابنت خالة لالة مرات سيدي ونسيبتي المستقبلية .. على ماااشي خفة رجلي غاتديني لخلا دار بويا.... جاي لعندكم ونا نتلاقا بعادل قاليا الروكان حبس خوتو فديبو .... قلت ندير صواب ونطل عليهم .... داك الكورسي لي غايضرب المسعوورر ديالك نتي ( لرتاج ) مغاااايجي غير فهاد العبد الضعيييييف لي قداااامك ....انا جااااي نحضر للعرس مجاااايش ناااااكل العصاااا ... على عائلة دزمررر ... زعما مايمكنش اسبرو يتلاقا مع شي زرررردة مع شي سفررر .. كنجي غافوقيتة المشاكيل والعصاااا كتسيفطوني لداك الميريكان مشتتت كي رزة القاااااضي ...
رتاج : باش تعرف راسك منحوس وجار نحسك معاك .. كناااا هاااانييين بيخير كنوجدو لعرس دهاد خيتي ... تاااااسلاطيتي عليييينا كي المش الككككحل ...وشوف فين ولينا ..نتا فيك شي حااااجة مااالشي تالهيه ( ناضت ) انا منقدرش نبقا كالسة عدنان مرييييض مخصوش يبقا تما تمشي توقع ليه شي حاجة
حياة : ففففففففف كولشي بسباااااابي ( ناضت ) زيدي نرغبوووو اسد هاد المرة يقدر يسمع منا هاوا جاي
ناضو عندو ووهو كان خارج لطموبيل باقي هاز بنتو ...
رتاج : خوويااا ... ( وقفوه ) شوف اااخررر مرة يطرا بحال هادشي ... كنواعدوك ... غير خرجهم عفااااااك ...
حياة : ت تاحنا غالطين صراحة .. ب بغيت نقول الغلط كولو ديالي .. صافي حبسسسنا حنااا وطلقهوم هوما عدنااان مريض اخوويا حححبسني فبلااااصتووو ( تغرغرو عينها ) عفاااااك .... ت تانا غلطت ومستعدة نتعاقب
اسد : غير تهناي كاع لي غلطو يتعاقبو ..... ( ضرب ليها بصبعو على نيفها بحركة دلوعة )و هانتي كتعاااقبي ....
خلاها ومشا ركب فطموبييلتو وهي بقات تررمش فعلا عندو الحق ..... كاين شي عقاب عاد كتر من تأنيب ضمييييرررر ... عاقبهم كاملين ... لبنات ماعندهم صحيحة وديجا واكلين لعصاااا عاقبهم معنويا ...وصعاصع جسديااااا .... تنهدو شافو لامغايقتناعش ومشاو كلسو طايح عليهم ضيم واسبرو كيشرب فعصييرررر بشووووية عليه بحالا كيقلي ليهم السم وهوما كيتحلفو عليه امتى يخرج اسد ينوضوو يردو عليه حرهم
اسد : ( مكلس قسم على رجليه فطموبيل ) نزلي عليا لبرهوشة خلي بابا يمشي يخدم .... سيري عند ماماك
لامار : قسسسسم اجي ااابنتي واش غانبقا واقفة فهاد شمس كنرغب فيك ... .. يلاه نمشي نبدل ليك نخرجو تاحنا ..اجي ها خالتو اريج وعمو يونس غااايجييو ويجيبوليييك كاادو يلاه اجي عندي
قسم كدير ليها براسها لااااا ولاسقة فااااسد معنقاه ناعسة على صدرو شابطة فيه ..... تاهو بقاااات فييييه كترمش بشي عوينات قربو يبكيو وكدير لااااا براسها قالبا شفايفها
قسم : ب باباا .. بااابااا
اسد : قسوووم .. هبطي ابنتي مغانتعطلش ( باس على راسها ) كون مكنتش غانكلس نهار كامل كون ديتك معاياااا
لامار : وصااااافي اجي عععندي ( واااالو واش بغاات لسقااااات فيه وشي حركات كديرهم كيطحو ليهم اليد مع الرجل ) هااااادي مغااانتزلش راسها ... عطيهاليا اسد بزز دابا نسكتها
اسد : ( غير كيشوف فيها كيف لاسقة فيه ) هههه سيري سيري جيبي ليها حوايجها منقدرش نخليها ...
لامار : اويلي باااااغي تخليني بلا بنتي نهاارررر كامل ....
اسد : واش غانديررر مابغاتش مغانبكيهاش ... مغانتعطلوش طلعي جيبلي ليها حوايجها سسربي
لامار : غاااتبرزطك اسد نتا مشغوووول
اسد : وصااافي شوفي مسكينة راه والله مانخليها .... سربي دغييا ... نبكي انا الفنييييكيشة ديالي على ود لخدمة لله يحرقهاا انا هادي لي غاتفرقني على حححبي التااااني ( عنقها عندو كيبوس فراسها )
لامار : وااااخا فييييك البببقة...كضضضحكي دااابااا باغا تسمحي فماما ...
اسد : ( بصوت اطفال ) قوليليها مغانتعطلوش اماما... وغانجيبوليك معاانا كااادووو .. وغاااانتوحشوووك بزاف
لامار :ههههه وااخا عليكم
تنهدات وطلعات تجمع ليها حوايجها ... ولبنات كيتجننو على اسبرو لي كياااااكل ويمصص فصبعاااانووو .. جابتليها صاكها ولبساتها واحد الفيست من فوق وودعاتهم حتى مشاو ... يلاه غاضووورر تالقات لبنات تلااااحوووو على اسبروووو طيحوه على لكرسي وحدة كتعضض فرجلو وحدة مجيفاااه وهو كيغووووووت يتتتفك ومشاات كتجججري فكاتو وناض شاد على ضهرو ولبنات كينهجو
لامار : اويلي سسسسسعرتوووو
اسبرو : ( شاد على ضهرو كينهج تاهو ) بجغووووني بجغوووني بجغووووووني لامااااااار بجغوني اختي بجغوووني
لامار : لا والله الى تسطيييييتو ... شنو دار ليكم مسكيييين لي تردووو ليه حررررركم .....
اسبرو : ا انا غاااااانمشي فحالي انا .... اش درت ياااااسيديي يااااربي
لامار : كلس كلس ( كلساتو ) مسعوووورات ... رادين عليييه الحررر مسكييييين
اسبرو : ( كيغوت ويتفششش ) اضضضضضهري اااااي بجغوووووني بجغوووووني ( هز لبواط ديال لكيت ديالو ضرب بيها رتاج ) بجغااااااتني ...
رتاج : سكككتنا ... نتا لي بغيتي ... لاماارر .. دابا كيغانديرو لهادوك تما ... سيري هضري معاهم نتي لعلى وعسى يسمعو منك ويطلقوهم ياك بحالك بحال اسد
لامار : اااه يطلقوووهم وملي يجي اسد يحبسني بلااااصتهم ... كلسي كلسي على قااااعك ... ياك ضربوووكم ؟ وكيعصبوكم وكيتحكمو فيكم وقبااااح ومايسواوش واخليوهم يتعاقبو ولا ايخ منو عيني فيه
اسبرو : عطييييهم الالة مرات سيدي عطييييهم ... غير هضري خودي راحتك ماتخافيش انا نسييييت كيف كنتي ونسيييت شحال من قرعة دالكوفيتير كضربي باش تفكري كيف عباد الله ... خوودي رااااحتك غير نصحي
لامار : اسبرو راه غانوض نكمل عليك ....
حياة : لامار ... ختي عنداك سفيان يحقد عليااا من بعد هادشي ....
لامار : فيها كتشووووفي هههههه
حياة : راه مغاااانقدش على فراااقو نحمااااق
لامار : شفتي تبرهيشك فين وصلك .... كنتي ليوم غاتكوني كتوجدي للحنة دياااالك وا مرة اخرى عاودي ديري بحال هاكا ... حمدي الله طحتي فهادو مكيتفاكوش كون شي حد اخور غير نهار تقزبتي وجيتي لشركة يسمح فيك ....
حياة : ( مهبطة شفايفها ) يدير اي حاجة الا لفراااااق
اسبرو : واش تكون زعما تاختك كتشبهلك ؟طمينيني اختي راحنا على المحك ( خنزرات فيه وسكت )
لامار : مكاين بوو فرااااق ...هاااادو ابنت خااالتي مكيييفرقوووش غير كيخليو دار بوك .... تاسررررحي مع الطريق ... اودي نتي ماعليش بقات فيا الصكعة درتاج طول حياتها عايشة اووووبن تمشي لديسكويات تشطح وتلبس لي بغات مكاينش لي يهضر معاها وجات عند المممعققققد ديال السلالة ههههه مابقاو ديسكويات ااازين وبحال واالووووو ديري الحجااااب ههههعع
اسبرو : كنتخيلها بالحجاب غاتجي كي الحليوة دالكويغطات ههههه والله تاعبروووو عليكم ... الشراااااب كاع ...
حياة : راه شربنا غير العصييررر ماعرفناش كيدرنا تاسكرنا
اسبرو : راه نتوماااا اصلااااااا على سسسسسبة ال ... نتوما كون عطاوكم غااا خل التفااااح كون سكرتو .. عسااااك شراب ديريكت ...
لامار : ( كتشوف لتيل ) دابا عرفتو شنو ... غانتسناو اريج تجي قاتليا دخلو لكازا ... ونتسناو شيماء تاهي طيارتها نزلات شيفور مشا يجييها ( اسبرو طرطق عينو ) وغانخرجووو نبدلو الجو خرجة نسااااائية رجال مجبووسوين وواحد مسااافرر انهاااا الحيااااااة ...و قسم داها باباها غانخرج فخاطري .... وننساو شوية هاد الهم ودراري معندهم مايوقع ليهم اسد مغايبغيش ليهم شي حاجة ضرهم
اسبرو : طررررررر خيفانين على دراري ... هادوك مراهمش فديبو .. راهم فاوطيل سانك ايطوال ... الكارد داخلين خارجين عندهم كيسولهم شنو يشربو وشنو يجيبو ليهم وواش الكرسي مامعدبهمش فالكلسة لي فرشخوه يجمعوه ويجبليهم واحد اخور ....ونتوما هازين ليهم لهم نوضو نوضو ابنياتي راه خوت الروكان هادوك .... احم شنو قلني الالة مرات سييدي ...شيماء حطاتها طيارة ياااااك؟
لامار : حطااااااتها ... وغااااتجي تعاود لياااا كااااع اش ككدير ليها والعقبة ليك تمشي تانتا لداك الاوطيل سانك ايطواااال ....
اسبرو : ( ناض جمع النوضة ) احم .. ا انا عندي .... عندي شغااال ... انا مشغووول .. ليزااافير معنديش الوقت تانحك راسي ... اصلا مامساليش نكلس مع العيلاااااات ( رد شعرو لوررر ) تهلااااااو ....
مشااااا ناافخ رييشو غير بعد على انظارهم ....وهو ييههههرب كيجري ... ديمارا طموبيلتو دغيااا قبل ماتخلط عليه لتما ودارلهم كااااان هناااااا ...
هو ومشا البنات بقاو كالسين كيهضرو والخادمااات كيجمعو طااابلة ... تادخلات طمووبيل ديال يوووونس ... غير حط اريج ودارليهم بايباي بيدو ورجع مارشاريار خرج بزززررربة ... وهي جات كتتتجججري عند لبناااات
لامار : على سلاااااامة ( طارت عنقاتها ) تووووووحشتك ازممممرة توووحشتك
اريج : ( معانقين ) تااااا اناااا تا انا وشحال طوالت عليا هاد الطريق مابغات لاتوصلني دغياااا
طلقات منها فاش شافت رتاج
اريج : رتاااااج ؟؟؟؟؟؟ ( شافت عند حياة ) اووويلي مااااااللللكم رتااااج مااااالكي ( مشات عنها مخلوعة )
لامار : اريج احححبيبة عنداك تخخخلعي راكي حاملة راهم بيخيير
رتاج : انا مزيااااان اختي متخلعيش ماشي شي حااااجة .... ( كلساتها ) كككلسي حدايا توووحشتك ...
اريج : ( كتشوف فيها وتشوف فحياة ) واش درتووو شي كسيييدا ؟؟؟؟؟؟ علاش ماقلتووولي وااالووو ( جاتها البكية الحساسية دالحمل زادت كملات عليها ) علاش كتخخخبعي عليا اختي علااااش .... شنو طططراااا ليكم حيااااة؟؟؟؟؟؟ تههرستي ؟؟؟؟؟ عررررسك اصااااححححبتي غداااا ؟؟؟؟؟ .... فين سفياااان ؟؟؟؟ ياكما تاهوا واقعة ليه شي حاجة
لامار : وااابشوية عليك اززمرررر .... راك يلاه وصلتي .... مكاين والوووو غير تهدددني
حياة : ( عطاتها تشرب ) تهدني اختي راكي حاملة توقع شي حاجة لي بيبي ... ماتخلعيش
اريج : اوييييلي كيفاش منتخلعش ونتوما شوفو كيدااايرين ؟؟؟؟؟
لامار : وصافي دابا نعاودو ليك كولشي .... تهدني مااتخليعيناش تانتي ...
سكتووها بشوية وهدنوووها عاد بداو يعاودو ليها وهي شادة على فمهاااا
اريج : اوييييييلي ؟؟؟؟؟؟؟ هاااادشي كاااامل طاااااري وانا مااافخباااااري والو ....واااش حماااااقووو هاااادو ... وهو ماااعندووش الحق تايهز عليك يدييييييه شغلوووو تمشي فين بغيتي
رتاج : وماااااشي هووو لي ضربني ... سفياااان ... انا هاد دقة فجبهتي راني طحت رااااسي ....
اريج : وسفيااان علاش يقييييسك .... وعلاش سقيسك تانتي ... شهاد البسااااالة
لامار : ياك اككحلة لعيووووون يا خيط ريح .... على السكرة فلبار جاتك هاانية
اريج : واش غاتورني فختي والله لااااشربااات بخاطرها .... ديما كنا كنمشيييو مع صحابنا كنشطو ونجيييو .... دارو ليهم شي حد بلعااااني ...
رتاج : وكيف قتليييك غايكون غير داك الموصيبة لي قلت ليكم جا مع ليلى ... حيت ملي دخلنا هو حاط عينو على حياة ...
اريج : مزيااااااانة فيهم ... والله تاعحبني فيهم اسد مصاااااب يزيد تالاخووررر معاهم
حياة : حشومة عليك اختي يوووونس ضريف مسسسكين
لامار : فين مشا بعدا زربان
اريج : عيط عليه اسد ... حيت كاين فرباط الاجتماع ديال المستثمرين وتاهو راك عارفاه دخل كيستثمر معاهم وقال ليه لابغيتي تحضر اجي ...ومشا برزبة باش يوصل فالوقت ...
لامار : غايوصل عليييهم ... تا اسد يلاه خرج
اريج : فيييين قسسسم تووحشتها ياكما ناااعسة ... فيقيييهااا عفاااااك
رتاج : قسم دااااهاا بابااااهااا وهاد خيتي عاد قاتليك غاتخرج تفوج ...باليا لقات لا راجل لا بنت لا خوت الراجل وبغات ترجع لحياة سيليباتير هههه اش بالكم نرجعو لديسكووو ههههههه
لامار : غانكدب عليك لاقتليك مابغيتش ههههههه ياربي تسمح ليااا اعود بالله ... نتسناو شيماء ونخرجو ..
اريج : تانا بغا نمشي لطبيية نشوف هاد طريق لي شديت واش مأثراتش على وليداتي ...
حياة : انا منقدرش فين غانخرج بهاد الحالة بحالا ضارب فيا القصف السوري
لامار : ازيدي زيدي تفووووجي
رتاج : حشوووومة كاع هوما محبوووسين وحنا نخرجو نفففوجوو ... انا معندي خاطر كاع
حياة : بصاااح .. واش هوما مساكن مع دياب وحنا لي سباااب نخرجو نفوووجووو
لامار : هاهوما غايطيحو علينا الضيم تاني ....
باقين كيهضرو وهي تجي شيماااء تاني نهااررررر باش يشرحو ليها ... بصح هي خباو عليها قالو ليها دارو اكسيدون هي ورتاج ماقالتش ليها ضربني سفيان ... جات شيماااء مببدلة بزززاااف صحاااحت ودارت كوب زوينة لشعرهاااا ولابسة سروال دجين قصير وتيشورت بيضة مخشية فيه وصبادرين بيضة وكاسكيط وهازة صاكادو فضهرها ... كلسو كيطييرو الشوق من بعضياتهم بالكشايف باش قنعو رتاج وحياة ينوضو يخرجو ... ومشاو يبدلو حوايجهم وهوما معندهم خاطرررر رتاج كتر خيفانة على عدنان ولاكن كتشوف سواء مشات سواء لا مغايتبدل والو .... متقدرش تخرجو من تما تايجي اسد ..... وحسن تاهوما ياخدو عقابهم شوية باش يوليو يتحكمو فانفعالهم وعصبيتهم ... وحسن باش مايجيوش يديوهم بزز ....
لبسو حوايجهم من غير اريج لي كانت لابسة بقات كتهضر غير مع يونس وتعلمو بلي غتخرج تاهبطو لعندها ومشاو لطموبيل دلامار ... لامار صايكة واريج حداها وشيماء ورتاج وحياة لور .. غير خرجو تبعاتهم رانج ديال الكارد كحلة ... طالقين الموسيييقة كيدندنو معاها وكل وكل وحدة كتعاود لوخرا كيف دوزات هاد لياااام ... وحياة ورتاج مقادينش يضحكو كااع هااازين الهم ..... مشاو فالاول ل كلينيييك ... طارو بالفرحة ملي عرفووو اريج عنها جوج وليييدااات دكوررر ... من غير اريج لي جاتها البكية حيت كانت باغيا بنيتات بحال قسم .... رجعو لطموبيل كيختارو فسميااات وييداابزوووو
لامار : اوااا صااااافي لوااااه ميلود .... نسميوهم رااائد و مممم خصني شي سمية كتشبهلو ... اه رائد وزااائد
اريج : زااايد ونااقص لااااا زمرررر ختارو سميييااات مكوووودين
لامار : وررراه اصلا غاا زاااايد ... باركا عليا غا رائد نزوجو لبنتي
اريج : ماشي حمقة نزوج ولدي لبنت كبر منو
لامار : وبحالاااا بنتي غااااتبقاااا كتساااين فولدك .... قسووووومي غاااايتخاطفو عليها ومايلقااااوهاش
شيماء : ( بهدوئها المعتاد ) ختي اريج ... سميهم زياد واياد ... ( حياة شافت فيها )
اريج : زوييينين وهادو بعداااا سميااااات
شيماء : كانو سميات ديال جوج خوت ولداتهم لينا ماما ولاكن ماااتوو غير سسمانة مور سبوعهم ....
لامار : ( تشوووكات ) اممممتى هاااااادشي
حياة : كان شيماء فعمرها 10 سنييين .. شحال فرحات ماما مسكينة ملي عطاها الله جوج ولاد ... وتا بابا وخا كان تزوج عليها بصح كنا قلنا داك الولاد هوما لي غايرجعوه لينا لدار ... سعا مساكن تزادو مراض بزاااف ومكاينش لي يجري عليهم فسبييطارات وولداتها غير القابلة ... سميتهم انا ... دازت غير سيمانة على سبوع حتا ماتو .. مات زياد ... وغدا مات اياااد ( مسحات دموعها )
اريج : ففففففففف يااااربي .... متبكييش احبيبة ربي داابا يعوض ليك خوتك فولاااادك ان شاء الله نتي وشيماء .. وصااافي متبقاو غير على خاطركم نسميهم اياااد وزيااااد .. وديرهم بحال خوتكم ...
شيماء : ربي اخليك اختي اريج والله يفرحك بيهم ....
لامار : مافخباريش انا كاع تا ماما يمكن مافخبااارهاش ...
رتاج : راهم طيووور الججنة سعداااااتهم ....
لامار : مهم هاحنا وصلنا نزلو نتغداااو ....
نزلو من طمووبيييل للرييسطو ... ومشاو يتغدااو كلسو كيضحكو فطبلة مامسسوقييين لحد ... كيبااانو ممييزييييين بزااف بحال شي امييرراااات ... وواحد طبلة بعييييدة كالس واحد داير نظاظر كوحل وشاد عندو جورنال مخبي بيه وجهو وكيهضر فالكيت
- راني كنشوف فيها اسيدي .. بصح معاها بناات بزاف ...
- شووف كيفاش دير ... بغاهااا بووووحدهاااا ...
- لا ميمكنش لينا ليوم اسيدي معاهم لبوديغارد .... راهم فلباب ديال ريسطو ..
-عنداااااكم ديرو شي غلط .. صافي الى مالقيتوش كيفاش ليوم حتا لغدا مهم عينيكم عليها غير تلقاو الغفلة هزوووها بدون ماااايشوفكم شي حد .... وعنداكم ديرو بحال لبارح كانت عندكم فرصة وتعطلتو حتا جاااا لعندها ...
- قلنا غانشدوها فلباركينغ ماحسابتناش غايجي شي حد ....
-ودابا خلي عينيك عليها .....
- حاااااضر اسيدي حنا مراقبينها ....